رواية الروح المنكسرة الفصل السابع عشر 17 بقلم لولو وائل
رواية الروح المنكسرة الجزء السابع عشر
رواية الروح المنكسرة البارت السابع عشر
رواية الروح المنكسرة الحلقة السابعة عشر
بعد مرور ٦ سنوات
سميره:سلوى يا سلوى
سلوى:نعم يا ماما
سميره:كل حاجه جهزت حفيدتى هتيجى انهارده وعايزه كل حاجه تبقى جاهزه
سلوى:جهزت كل حاجه ياماما وحشتنى اوى بجد غابت عنى كتير اوى
سميره:وحشتنى انا كمان والله لما تيجى هحبسها ومش هخليها تسافر تانى
سلوى:توصل الاول بسلامه وبعدين نعمل فيها الى احنا عايزينه
سميره:أومال سليم فين
سلوى:فى المكتب وقولتو يجى بدرى بلاش يجى متأخر زى ما بيعمل
سميره:سليم اتغير اوى نفسى يرجع سليم بتاع زمان
سلوى:الى حصل مكنش قليل ياماما ربنا يهديه
سميره:يارب
••••••••••••
يوسف:زينه سليم فاضى
زينه:اه فاضى تحب أبلغه بحاجه
يوسف:لا انا هدخلو خليكى انتى
سليم:ادخلى يا زينه
يوسف:لا انا مش زينه
سليم ببرود:وده من امتى بتخبط
يوسف:قولت اعملهالك مفاجأه
سليم ببرود:طيب عايز اى
يوسف:فى اى يا سليم مالك
سليم:انا مش فايق ارغى دلوقتى
يوسف:انت بتعمل كل ده علشان روح
عندما ذكر اسم روح امام سليم اغمض عيناه بألم لانه اكتشف انه يحبها ولكن فى وقت متأخر جدا
سليم:عايز اى يا يوسف
يوسف:عايز اعرف مالك انا مبقتش فاهم اى حاجه ست سنين وانت على نفس الحاله بعد ما روح مشيت وانا سبتك كتير بس فهمنى دلوقتى مالك
سليم بألم:عايزنى اعمل اى يا يوسف انت عارف الى عملته فيها انا مخنوق مبقتش قادر استحمل كل يوم بحلم بألى حصل مبقتش عارف انام ولا ارتاح واكتشفت متأخر اوى انى بحب روح واتعود على وجودها فى حياتى انا ساعات بنده لزينه بإسمها مبقتش قادر استحمل غيابها
يوسف:قولتلك يا سليم هتندم على الى بتعمله وجه اليوم فعلا الى ندمت ومندمتش بس لا وكمان حبيتها
سليم بحزن:كان عندك حق فى كل حاجه وليك حق كمان تقاطعني بس بالعكس انت فضلت جمبى لحد دلوقتى انا اسف على الى عملتو معاك واتمنى تسامحني
يوسف:خلاص بقى يا سليم الى حصل حصل وخلص وأنا مش بزعل منك بس المهم تقوم علشان ستك هرتنى اتصالات علشان اختك قربت توصل
سليم:انا نسيت صح طيب ده امى برضو قالتلى بس نسيت
يوسف:قوم بدل ما نضرب احنا الاتنين قوم يخويا
وذهب سليم ويوسف الى المنزل
••••••••••••••
فى مكان اخر خارج البلاد فى شركة ياسين منصور
كريم:روح هانم فى واحد عايز حضرتك بره
روح:دخلو
فؤاد:السلام عليكم
روح:اهلا اهلا استاذ فؤاد اتفضل
فؤاد: طلبتينى ليه
روح:اقعد وهقولك
فؤاد:ادينى قعدت قولى بقى
روح:على الدغرى كده ومن غير لف ولا دوران انت عايز يا فؤاد مالك ومالى عرفت ان حضرتك عمال تخلى رجال الأعمال يعملو صفقات غصب عنهم معايا وبتخليهم يوافقو ليه لو مش عايزين يمشو وفى غيرهم كتير انت عايز اى يا فؤاد
فؤاد:هو بصراحه يعنى
روح:مم سمعاك اتفضل
فؤاد:طبعا انا فرحت انك سبتى سليم ومشيتى وعارف انى غلطت لما بعتك هناك انا اسف
روح:بعيد عن الى حصل فى ماضى ده ماضى بنسبالى ومش بدخله فى حياتى لكن دلوقتى عايز منى اى
فؤاد:انا بحبك ياروح والله مش مصلحه انا بحبك بجد انا كنت انسان وحش جدا لما كنت بدور على الفلوس والسلطه وانى اخد مكان سليم فى السوق لكن دلوقتى انا مش عايزه حاجه من كل ده وفرحت لما اعتبرتينى صديقك وخليتني اساعدك وانا كنت بساعدك علشان اكفر عن ذنبى وحبيتك
روح:سبنى افكر وهبقى ارد عليك تقدر تروح تشوف شغلك
فؤاد:وانا منتظرك سلام
ايمان:مالك يا روح فيكى اى
روح:مفيش فؤاد بيحبنى
ايمان:شوفتى بقى ان تخميني صح وانه فعلا بيحبك واكيد هترفضيه علشان الى عمله زمان
روح:مش عارفه بصراحه فؤاد ساعدني كتير اوى اول ما سبت مصر من 6 سنين جالى المطار
فلاش بالك
فؤاد: رررروح استنى
روح:نعم عايز اى سليم عرف كل حاجه كده انت مش هتبقى عايزنى فى حاجه
فؤاد:روح انا عايز اساعدك واكفر عن غلطتى ادينى الفرصه دى ارجوكى
روح:وانا اى الى يسبتلى انك مش بتضحك عليا
فؤاد:انا هسافر معاك وهساعدك تبدأى حياه جديده اعتبرينى صديق ليكى انا عارف انك مبقاش ليكى حد خالص وانا والله قصدى خير مش شر
روح:ماشى هحاول اصدقك
بالك
ايمان:وحصل اى تانى
روح:وسافر فعلا معايا وساعدنى فى تأسيس شركه ليا وكان بيساعدنى فى كل حاجه مش بيسبنى لوحدى استغربت فى الاول بس بعدين قولت يمكن فعلا اتغير وهو استقر فى فرع شركته الى هنا وبقى اى صفقه بعملها اى عميل بيرفض هو بيخلي يوافق غصب عنه ويواقع الصفقه بأقل تمن علشان كدا جبته انهارده علشان اعرف بيعمل كل ده ليه
ايمان:غريبه فعلا وانا كنت اول واحده تسكنى عندى فاكره الخناقه الى حصلت
روح:اه فاكره طبعا ودى حاجه تتنسى مكنتيش طيقانى خالص
أيمان:اعمل اى طيب خطيبى سابنى بسببك
روح:ايمان انتى عارفه ان خطيبك مكنش كويس فى الأصل وانك كنتى كرهانى ومامتك هى الى صدقتنى
ايمان:خلاص وبقينا اعز صحاب
روح:نسيت صح أسألك السؤال ده اول ما شوفتك وكمان الشغل خلانى انسى برضو انتى جيتى تركيا ليه
ايمان:كنت بحب تركيا اوى من المسلسلات وقلت لما اتخرج من الكليه هحقق حلمى واسافر واشتغل هنا وسافرت انا وماما لان بابا متوفى من زمان ومليش اخوات بس اتبهدلت سنين كتير وملقتش شغل خالص اشتغلت فى مطعم وحصلت معايا مشاكل كتيره وحبيت شخص كنت بحس تصرفاته غريبه اوى بس هو كان ببقولى انه بيحبنى وانا حبيته اوى لانه ساعدنى كتير وقلت ممكن يتغير فى يوم من الايام لحد ما قبلتك وحصل الى حصل
روح:ودلعتك متنكريش مع انك طلعتى عينى فى تعليمك الكمبيوتر بس بقيتى لهلوبه فيه
ايمان:هههههههه خلاص بقى الله عمرى ما فكرت انى هيبقى لياا بيت كبير كده زى الى فى المسلسلات مش لسه ملقتش البطل
روح:هيجى الى هيبقى عوضك ويحافظ عليكى ان شاء الله
ايمان:انا مستغرباكى اوى ان بعد حكايتك وكل الى عشتيه ده نسيتى بسهوله
روح:بصى لو فضلت مركزه فى الماضى مكنتش هبنى اى حاجه من الى بانتها دلوقتى الماضى خلاص مبقاش موجود فى حياتى
ايمان:طب وعمر ونور
روح:بكلمهم كل يوم عايزنى ارجع بس انا لسه بفكر مقررتش
ايمان:كلمتى مروه زمنها وصلت مصر عند اهلها
روح:تصدقى نسيت تعالى نكلمها
•••••••••••••
مروه:ازيك يا روحى اخبارك اى
ايمان:روحك بس وانا روحت فين
مروه:ايمى قلبى متزعليش منى وانتى عامله اى
ايمان:الحمدلله ياقلب ايمى وانتى اخبارك اى
مروه:الحمدلله
روح:وصلتى ولا لسه
مروه:خرجت من المطار اهو و السواق جه وقربت اوصل
روح:ماشى يا روحى لما توصلي ابقى طمنينا
مروه:حاضر هقفل انا دلوقتى بقى علشان داخله عليهم
روح:ماشى ياروحى توصلي بسلامه يارب
•••••••••••••••
مروه بصوت عالى:اناااا جيييت
سميره بفرحه:حبيبت ستها وحشتينى اوى اوى
مروه:وانتى وحشتينى اوى يا تيته
سلوى:وانا ولا ماما موحشتكيش
مروه:لا طبعا وحشتينى اوى
سليم:واخوكى اى ملوش فى الحب جانب
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية الروح المنكسرة)
