رواية الطالبة الخجولة الفصل الخامس 5 بقلم أسماء سعيد
رواية الطالبة الخجولة الجزء الخامس
رواية الطالبة الخجولة البارت الخامس
رواية الطالبة الخجولة الحلقة الخامسة
ولاء خرجت الي والديها كي تتناول العشاء
ولاء .. مساء الخير يا بابا
والد ولاء …. مساء الجمال علي احلي الناس اي قاعدين في نفس البيت ومش بشوفك تقريبا
ولاء … عادي والله باجي تعبانه وبذاكر اللي عليا وبنام
والد ولاء …. ربنا يوفقك يابنتي
ولاء .. ماما كانت بتقول انك عايزني في حاجه
والد ولاء … ايوا هنسافر اخر الاسبوع جهزي نفسك وشوفي محتاجه ايه وانزلي هاتيه من دلوقتي علشان منتأخرش
ولاء … كانت تتنطت من الفرحه وقامت بعناق والدها ربنا يخليك ليا يا بابا وميحرمنيش منك ابدا ابدا
والدة ولاء …. احم احم نحن هنا
ولاء … ايوا طبعا ولا منك يا ماما يا عسل انتي
والدة ولاء … بس يا بت يا بكاشه انتي مبقيتيش تقعدي معايا زي الاول ونضحك ونهزر
ولاء … حقك عليا يا ست الكل يلا بقي نأكل علشان بطني بتصوصوا من الجوع
ضحك والديها علي مرحها
ولاء … الله انتي عامله بنيه وبتنجان محشي دا انا بموت فيهم
والدة ولاء … بالهنا والشفا علي قلبك
والد ولاء … بقولك يا ولاء ولسه هيكمل
ولاء والاكل في فمها .. بعد الأكل نتكلم انا هموت من الجوع ومحبش حد يقطع عليا اللحظه الصراحه
ضحكا والديها عاليا لأنها مهما كبرت لا تتغير وسادت الفرحه
**********************عند نورا
محمود … نورا
نورا … نعم يا بابا
محمود … عندي ليكي مفاجأه
نورا بفرحه … مفاجأة ايه
محمود… انا اتفقت مع مصطفى أبو ولاء اننا هنسافر اخر الاسبوع اسكندريه نغير جو
زينب …. بجد يا محمود
محمود …. بجد يلا جهزوا نفسكم بقي
نورا … دا احلي خبر سمعته في حياتي
وانتهي اليوم بسلام وتوجه الجميع الي الفراش
************الطالبه الخجوله بقلم اسماء سعيد
في الصباح خرج كل من ولاء ونورا كالعاده في الطريق
ولاء …. نورا مالك ساكته ليه
نورا .. انا زعلانه منك
ولاء … ليه انا عملت ايه م انا سايباكي امبارح كنا كويسين ايه اللي حصل
نورا … بقي نبقي مسافرين مع بعض ومتقوليليش
ولاء .. والله انا ما كنت اعرف بابا قالي من كام يوم هنسافر بس محددش ومعرفش انك جايا معايا
نورا … حتي لو مش جايه معاكي عرفيني بردو
ولاء ..اسفه يانونو
نورا … لا بردو
ولاء … طب هننزل نشتري الحاجات امتي
نورا .. باليل ان شاء الله
ولاء تمام وذهبوا الي الكليه
************** في الكليه
ولاء كالعاده ماشيه في الكليه ومتوتره
ولاء … نورا انا متوتره ومش عارفه امشي
نورا … احنا قولنا ايه مش قولنا هنحاول وانتي خلاص بقيتي كبيره والخجل ده مينفعش خلاص تعرفي تعيشي حياتك
ولاء … والله بحاول
نورا … طيب يلا ندخل
ودخلا الي المدرج ووجدوا دكتوره تدلف الي الداخل وتعرف بنفسها
الدكتوره سهام … انا الدكتوره سهام هديكوا ماده الاستماع وهي ماده سهله ولذيذه جدا وهنشتغل مع بعض بالراحه علشان انا عارفه انكم لسه اولي والنظام جديد عليكوا
وبدأت الدكتوره بعرض بعض الاديوهات السماعيه والكلمات الصعبه تكتبها علي السبوره
ولاء كانت تكتب وراء الدكتوره وكانت لا تترك كلمه الا تكتبها وأن لم تعرف معني كلمه تكتبها أيضا وسوف تترجمها عندما تذهب الي المنزل
وانتهت المحاضره علي خير
وخرج كل من ولاء ونورا وجدوا لافته كبيره ع الحيطه بصوا لبعضهم بصدمه ……
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية الطالبة الخجولة)
