رواية حب قيد المراجعه الفصل السابع 7 بقلم دودو محمد
رواية حب قيد المراجعه الجزء السابع
رواية حب قيد المراجعه البارت السابع
رواية حب قيد المراجعه الحلقة السابعة
وصل فريد الشركه ومعه اكرم صعدوا إلى المكتب الخاص بوالده جلس على المقعد بضيق وقال بتساؤل
-والشريكه هانم بقى حلوه ولا بومه
نظر له بنفاذ صبر وقال
اكرم :-انت جاى تعاين جمالها انت مالك إذا كانت حلوه ولا لاء ركز فى شغلك وبلاش طريقتك دى واحب ابشرك الشريكه دى ملهاش فى الهزار خالص يعنى متحاولش تستخدم اسلوبك معاها علشان متقلش منك
تكلم بغضب وقال
فريد :-تقل من مين يا ابنى ده انا فريد اللى مدوخ نص بنات العالم دى هى مش هتصدق نفسها لما تشوفنى وتعرف أن شغلها هيبقى معايا أنا
ابتسم له بثقه وقال بتحذير
اكرم :-والله يا ابن عمى أنا حذرتك وانت حر بس مترجعش تشتكى بعد كده
تكلم بنفاذ صبر وقال
فريد :-وفين بقى الست هانم لسه بتفطر عيالها قبل ما يروحوا المدرسه ولا تكونش بتلبس جوزها الجذمه
ابتسم له وقال بصوت جاد
اكرم :-الشريكه انسه يا فريد مش متجوزه
أطلق صفافير من بين شفتيه وقال بثقه
فريد :-واوووو وكمان انسه شكل الشغل هيكون مسلى اوى بالنسبالى
امسك سماعة الهاتف وتكلم بصوت جاد قائلا
اكرم :-الشريكه الجديده وصلت ولا لسه
اجابه السكرتير بتوضيح وقال
-لسه واصله حالا فى مكتبها
اغلق الخط ونظر إلى فريد وقال
اكرم :-يلا بينا
نظر له بضيق وقال بتساؤل
فريد :-يلا بينا فين !؟
اجابه بأستغراب قائلا
اكرم :-علشان تقابل الشريكه الجديده
حرك رأسه بالرفض وقال
فريد :-انا مش هتحرك من مكانى هى اللى تيجى على مكتبى
نظر له بأستغراب وقال
اكرم :-وهتفرق ايه انت اللى تروح ولا هى اللى تيجى
ابتسم له وقال بثقه
فريد :-بالنسبالى تفرق كتير بلغ السكرتير يبلغها أن انا فى انتظارها
زفر بضيق وأمسك سماعة الهاتف وقال بأمر
اكرم :-بلغ الشريكه الجديده أن استاذ فريد فى انتظارها
ثم وضع سماعة الهاتف مكانه وانتظر وصلها وبعد عدة دقائق سمع صوت الهاتف اجاب عليه سريعا وقال
-خير
تكلم السكرتير وقال
-بتقول لحضرتك أنها هى اللى منتظراكم فى مكتبها
زفر بضيق وقال بنفاذ صبر
اكرم :-والله!! هنبدأ شغل العيال ولا ايه
ثم نظر إلى فريد وقال بترجى
-تعالى احنا نروح ليها مش هتفرق والله قوم يا حبيبى ربنا يهديك اتحرك يا ابنى متبصليش كده
حرك رأسه بالرفض وقال
فريد :-لا ، مش هروح مكتب حد هى اللى تيجى
اغلق عينه حتى يهدأ قليلا وقال بنفاذ صبر
اكرم :-ده شغل الحضانه ارحم من الشغل معاكم والله ده شغل عيال على فكره قوم يا فريد اخلص
حرك رأسه بالرفض والتف بالمقعد الاتجاه الآخر وقال بمرح
فريد :-المقابله انتهت ان أن أن ، أنفع اكون رئيس شركة صح
هدر به بغضب وقال
اكرم :-ما تخلص يا ابنى بلاش شغل العيال ده خلينا نشوف شغلنا
التف بالمقعد مره اخرى ونظر له وحرك رأسه بالرفض وقال
فريد :-لا ،هى اللى تيجى مكتبى
هب واقفا وقال بنفاذ صبر
اكرم :-هروح أنا ليها واقنعها تيجى لحضرتك لما نشوف اخرتها ايه معاكم
وخرج مسرعا من غرفة المكتب واتجه إلى غرفة مكتب فريده
امسك القلم ووضعه بفمه كأنه سيجار ونفث الدخان بالهواء وقال بطريقه مرحه
فريد :-الصفقه مرفوضه اتفضل بره بررررره
ثم تعالت ضحكاته وقال بثقه
-يا سلام عليك يا واد يا فريد المنصب ده معمول مخصوص علشانك واد مز وشخصيه و لايق على الكرسى حاجه فى منتهى اللذاذه والله انا بحبنى جدا أنا بموووووت فيا
جلس اكرم على المقعد امام المكتب ونظر إلى فريده وقال بصوت جاد
-صباح الخير يا انسه فريده نورتى مكانك
ابتسمت له وقالت بنبره هادئه
فريده :-صباح النور يا استاذ اكرم المكتب منور بيكم دايما
تنحنح بتوتر وقال بأبتسامه
اكرم :-استاذ فريد فى انتظارك فى مكتبه علشان تتكلموا فى النظام الجديد لشركه
حركت رأسها بالرفض وقالت
فريده :-يقدر ينورنى استاذ فريد فى مكتبى ونتكلم فى كل حاجه بالتفاصيل إنما أنا مش هتحرك من هنا
زفر بضيق وقال بنفاذ صبر
اكرم :-انا مش عارف ايه سر تمسككم بالمكتب بتاعكم دلوقتى هو اللى هيقابل التانى فى مكتبه ليه جائزه وانا معرفش ولا فيه ايه بالظبط
تكلمت بتوتر وقالت
هند :-لسه كنت بقول ليها الكلام ده دلوقتى والله
نظرت لها بغضب وقالت
فريده :-حطى لسانك فى بؤقك و متنطقيش فاهمه
اومأت رأسها بتوتر وقالت
هند :-ف ف فاهمه
امسك رأسه بغضب شديد وقال
اكرم :-كتير عليا اللى بتعملوه فيا ده والله ، اقولكم على حل للمشكله دى انتوا تتقابلوا فى أرض محايده فى صالة الاجتماعات ايه رأيك
اومأت رأسها بالموافقه وقالت
فريده :-اوك موافقه
تنهد بأرتياح وقال
اكرم:-اخيرا اتفضلى انتى والانسه هند على صالة الاجتماعات وانا هجيب فريد واجى
ونهض سريعا واتجه إلى غرفة مكتب فريد وجلس على المقعد وقال بنفاذ صبر
-بص بقى اخر حل وصلت ليه انكم هتتقابلوا على أرض محايده لا فى مكتبك ولا فى مكتبها
نظر له بعدم فهم وقال
فريد:-اومال هنتقابل فين فى الشارع
حرك رأسه بالرفض وقال
اكرم :-لا يا ابو العريف فى صالة الاجتماعات اتفضل قوم يلا
اومأ رأسه بالموافقه وقال
فريد :-تمام يلا بينا
نهض من على مقعده وخرج مع اكرم من الغرفه واتجهوا إلى صالة الاجتماعات
عندما رأته ابتسمت بسعاده وقبل أن تتحرك أمسكت يدها وقالت بصوت هامس
فريده :-حسك عينك تتحركى من جنبى فاهمه
نظرت لها بضيق وقالت
هند :-طيب اسلم عليه طيب
نظرت لها بتحذير وقالت
فريده :-هند
زفرت بضيق وقالت
هند :-حاضر
جلس فريد على المقعد المقابل لفريده ونظر لها بأستغراب واقترب من اكرم وقال بصوت هامس
-شكلها مش غريب عليا حاسس ان شوفتها قبل كده
نظر له بأبتسامه وقال بصوت هامس
اكرم :-ركز شويه وانت تعرف
ثم نظر إلى فريده وقال بصوت جاد
-نبدأ بسم الله
تكلم سريعا وقال
فريد :-نبدأ ايه استنا مش لما نتعرف على اسم القمر ايه
نظرت له بغضب وقالت
فريده :-المفروض أننا قاعدين فى شركه محترمه مش فى قهوه على الشارع اتكلم بأسلوب احسن من كده لو سمحت
وضع يده على قلبه وقال بطريقه مرحه
فريد :-لا وصوتها اجمد كمان اااه قلبى ما تيجى تشوفى عملتى ايه فى قلبى
صرت على أسنانها بغضب وقالت بنفاذ صبر
فريده :-استاذ اكرم انا لحد دلوقتى محترمه وجودك والمكان اللى احنا فيه اتصرف معاه بدل ما اتصرف أنا بطريقتى
نظر له بضيق وقال بتحذير
اكرم :-فريد بلاش اسلوبك ده هنا خلينا نتكلم جد شويه ونبدأ الاجتماع
نظرت له بأستغراب وقالت
هند :-معقول كل ده معرفتناش يا استاذ فريد
ضغطت بغضب على قدميها حتى تصمت
نظر لها وقال بأستغراب
فريد:-الصوت ده مش غريب عليا وشكلكم مش غريب حاسس ان شوفتكم قبل كده بس مش فاكر فين
نظر لها بضيق وقال
اكرم :-ممكن تحطى لسانك فى بؤقك الله يكرمك
زفرت بضيق وقال
هند :-وانت مالك و أنا كلمتك
صر على أسنانه بغضب وقال
اكرم :-شايف ان بقى يطلعلك صوت دلوقتى
حملق عينه بصدمه وقال
فريد :-لا استنو كده خناقكم مع بعض ده مش غريب عليا انتى هند صح
ابتسمت بسعاده وقالت
هند :-ايوه صح عامل ايه يا فريد واحشتنى اوى
رد عليها بسعاده وقال
فريد :-وانتى اكتر، بس ايه الجمال ده يا بت كبرتى واحلويتى كده ليه
ابتسمت بخجل وقالت
هند :-وانت كمان شكلك اتغير خالص وبقيت اجمل بكتير من الاول بس طريقة كلامك وهزارك زى ما هما متغيروش
زفرت بضيق وقالت
فريده :-اجبلكم شجره واتنين ليمون احنا مش جاين نتعرف هنا عايزين نشوف شغلنا
نظر لها بصدمه وقال بعدم تصديق
فريد :-فريده التخينه بس ايه التغير المفاجئ ده فين الكرش والخدود المقلبظه راحوا فين يا بت انتى اتغيرتى خالص
تكلمت بصوت جاد وقالت
فريده :-لو سمحت اتكلم معايا بأحترام واياك تشيل الألقاب ما بينا فاهم
نظر لها بضيق وقال
فريد :-الكرش والخدود راحوا بس الرخامه لسه زى ما هى مكمله معاكى ماشاءالله
تكلم سريعا وقال بنبره جاده
اكرم :-طيب مش يلا بينا نبدأ الشغل
نظر له بصدمه وقال بعدم تصديق
فريد :-ايه ده فريده التخينه هى الشريكه اللى قولته عليها
اومأ رأسه بالتأكيد وقال
اكرم :-ايوه بس اسمها الاستاذه فريده أو الانسه فريده مش فريده التخينه هى دلوقتى سيدة أعمال ممتازه جدا ومن أشهر الموجودين فى السوق
نظر له بصدمه وقال
فريد:-فريده التخينه بقت سيدة أعمال عجبت لك يا زمن، شكل الشغل هيحلو وهيكون ممتع اوى الفتره الجايه
زفرت بضيق وقالت بصوت هامس
فريده :-بنى ادم تافه
تكلم بصوت جاد وقال بتحذير
اكرم :-فريد احنا هنا علشان نشتغل وبس ومتنساش الهدف اللى احنا دلوقتى متجمعين علشانه أننا نرجع الشركه توقف على رجليها من اول وجديد خلى الهزار فى اى وقت تانى غير وقت الشغل ماشى
زفر بضيق وقال
فريد :-ماشى
ابتسم لهم جميعا وقال بنبره جاده
اكرم :-بسم الله نبدأ الاجتماع.
……………………………………………………………….
جلس جلال على مقعده وأمسك الهاتف الخاص به وأجرى اتصالا وانتظر الرد وبعد وقت أتاه صوت رجولى قائلا
حاتم :-جلجل عامل ايه
اجابه بصوت سعيد وقال
جلال :-الحمدلله يا حتوم اخبارك ايه ياراجل يا عجوز
تعالت ضحكاته وقال
حاتم :-انا شباب عنك الدور والباقى على سنانك الواقعه
تكلم بسعاده وقال
جلال :-سيبك مننا احنا خلاص راحت علينا المهم دلوقتى الكتاكيت الصغيره
تكلم بأستغراب وقال بتساؤل
حاتم :-ايه فيه حاجه حصلت النهارده ولا ايه !؟
اجابه بتوضيح وقال
جلال :-النهارده فريد نزل الشركه واتقابل مع بنتك فريده هناك أثناء الاجتماع
تكلم بصدمه وقال بعدم تصديق
حاتم :-بجد !! انتوا لحقتوا تقنعوه ينزل الشركه
تكلم بثقه وقال
جلال :-عيب عليك انت مش عارف صحبك ولا ايه بمساعدة اكرم قدرنا نقنعه أنه ينزل الشركه واكرم بعت رساله لهند علشان تخلى فريده تروح الشركه هى كمان واتقابلوا مع بعض وعرفوا بعض
رد عليه بضيق وقال بتساؤل
حاتم :-طمنى ايه اللى حصل فى اول مقابله ما بينهم اوعى يكون ابنك زعلها زى ما كان متعود يعمل كده معاها وهما صغيرين
تعالت ضحكاته وقال بأطمئنان
جلال :-يا ابنى كانوا لسه صغيرين اطفال إنما دلوقتى بقوا كبار و عاقلين والتعامل ما بينهم هيكون بحدود
تكلم سريعا وقال بتوضيح
حاتم :-انا عارف طبعا وواثق فى فريده بنتى أنها هتتعامل مع فريد بحدود بس انت اكتر واحد عارف طريقة وأسلوب ابنك عامله ازاى علشان كده بسأل
رد عليه بعدم اقتناع وقال
جلال :- أن شاءالله هيقدروا يتأقلموا على بعض بسرعه ويخرجوا شغل الدنيا كلها تتكلم عنه ويكملوا اللى احنا بدأنا، و انا وانت تفضل صداقتنا العمر كله لحد ما نروح نوصل بعض المقابر .
تكلم سريعا وقال
حاتم :-بعد عمر طويل أن شاءالله، بقولك ايه ما تجيب أم فريد وفريد وتعالوا اتعشوا معانا النهارده
اجابه بعدم معرفه وقال
جلال :-مش عارف والله هشوف ام فريد اسألها وهبقى ارد عليك يلا اسيبك دلوقتى وهرد عليك كمان شويه
اغلق الخط معه ونظر أمامه بتمنى وقال
-ربنا يهديك يا فريد يا ابنى ومتخذلنيش قصاد عشرة عمرى كله واخسره بسببك.
……………………………………………………………….
انتهى الاجتماع وخرجت فريده مسرعه دون ان تنتظر أحد نظر لها بأستغراب وقال بتساؤل
فريد:-دى مالها دى مستعجله كده ليه
ابتسمت له وقالت بمرح
هند :-لا هى فريده كده معندهاش استعداد تقعد دقيقه واحده من غير شغل
غمز لها بعينه وقال بتساؤل
فريد :-وانت يا جميل نظامك ايه شغل وجديه وكده
نظرت له بأستغراب وقالت بعدم فهم
هند :-مش فاهمه
اغلق عينه بضيق وهدر بها بغضب وقال
اكرم :-انتى واقفه هنا ليه مش خلصتى شغلك اتفضلى يلا مع السلامه
نظرت له بضيق وقالت
هند :-وانت مالك يا غلس اوقف ولا امشى حاجه متخصكش
صر على أسنانه بغضب وقال بتحذير
اكرم :-اخفى من قدامى دلوقتى احسنلك
ركلت الأرض بقدميها وقالت بتذمر
هند :-يووووه بقى ملكش دعوه بيا
هدر بها بغضب وقال
اكرم :-امشى يلا
ركضت سريعا إلى الخارج وظلت تهمهم بكلام غير مفهوم
تعالت ضحكاته وتكلم بصعوبه وقال
فريد:-مش قادر هموووت انتوا لسه زى ما انتوا مش كبرتوا على اللى انتوا بتعملوه ده
نظر له بأستغراب وقال
اكرم :-شوف مين اللى بيتكلم وشغل العيال اللى حصل من شويه انت وفريده ده كان ايه لعب كبار
تكلم بصدمه وقال بعدم تصديق
فريد :-اسكت انا لحد دلوقتى مش قادر اصدق عينيا دى البت التخينه اللى كنت افضل اضحك عليها واغيظها لحد ما اعيطها البت بقت طلقه يا اخى معقول الكام سنه اللى غيبتهم دول الدنيا تتغير فيها بالشكل ده
ابتسم له وقال بلؤم
اكرم :-فريده مبقتش عيله زى زمان ومن الصعب حد يملى عينيها دلوقتى رجاله كتير اوى هتموت عليها واتقدموا ليها بس هى رافضه فكرت الجواز نهائى
تكلم بثقه وقال بنبره مرحه
فريد :-الكلام ده يمشى على اى راجل لكن ميمشيش عليا البت اصلا طول عمرها هتموت عليا وانا اللى كنت مش شايفها اصلا
تكلم بتهكم وقال
اكرم :-مغرور بس غرورك ده مش هينفع مع فريده وبلاش تحط عينك عليها احسنلك انت مش قدها
تكلم بضيق وقال بنفاذ صبر
فريد :-ليه يعنى السفيره عزيزه فيه اجمل منها بكتير على فكره
اومأ رأسه بالتأكيد وقال
اكرم :-فعلا فيه اجمل منها بكتير بس مافيش واحده ناجحه فى حياتها وعندها كاريزما فى شغلها وجميله وذكيه وشيك ومحترمه غير فريده بس
تكلم بعدم اهتمام وقال
فريد :-وانا مش بيعجبنى اصلا النوع بتاع فريده ده أنا بحب البنت اللى تعتبرنى سي السيد وهى تبقى امينه
تعالت ضحكاته وقال بمرح
اكرم :-بس اوعى خلى بالك علشان سى السيد كانت الستات بتحزمه وهو بيرقصلهم
دفعه بعيد عنه وقال بغيظ
فريد :-يخربيت دمك السم، امشى يلا خلينى اروح اخد شاور واروح اسهر شويه اغسل عيونى من التلوث اللى شوفته فى الشركه
وهبطوا سريعا إلى مقر السيارات وصعد كل واحد منهما سيارته وغادروا المكان .
…………………………………………………….
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية حب قيد المراجعه)
