رواية حب قيد المراجعه الفصل الأول 1 بقلم دودو محمد
رواية حب قيد المراجعه الجزء الأول
رواية حب قيد المراجعه البارت الأول
رواية حب قيد المراجعه الحلقة الأولى
وقفت فتاة ذوى الثلاثين عاما بقوه وشموخ أمام جميع المتواجدين نظرت لهم بغضب شديد قائله
-مين سمح ليكم تتصرفوا كده !؟ مين قالكم تحركوا الشاحنه من بليل من قبل ما أعاينها بنفسي
ابتلع ريقه بتوتر وتناثرت حبات العرق على جبينه أجابها بصوت مرتعش قائلا
-ا ا انا يا انسه فريده
ابتسمت له بغضب ثم اقتربت منه ببطئ شديد ونظرت له عن قرب وقالت
فريده:-انا يا انسه فريده!! شاطر جدع سقفه ليه بقى على شجاعته دى
نظر إلى الأرض بتوتر وقال
-ا ا انا اسف يا فندم معرفش أن كل ده هيحصل
-اوووه يا حرام ظلمتك فكرتك انك قاصد تعمل كده
تفوهت بها “فريده” وهى تدور حوله
ثم تكلمت بغضب شديد وقالت
-اعمل ايه بأسفك ده انت عارف البضاعه اللى خسرناها بسببك تمنها كام انت عارف بعد اللى حصل ده سمعت الشركه هتبقى ازاى!؟ اعمل معاك ايه الطرد مش هينفعنى بحاجه ومش معاك ربع المبلغ بتاع البضاعه اللى راحت دى قول انت اعمل فيك ايه دلوقتى
مال بجسده سريعا امسك يدها بأسف وقال بترجى
-انا اسف ارجوكى سامحينى يا انسه فريده مكنتش اعرف ان فيه حد داسس لينا شغل مشبوه فى البضاعه بترجاكى سامحينى
عادت مره اخرى على مقعدها ونظرت له بغضب وقالت
فريده :-الحل الوحيد علشان اسامحك تصلح غلطتك دى وتقول فى التحقيقات أن الشغل المشبوهه ده بتاعك انت علشان تنقذ سمعت الشركه وتخلى المسؤوليه عننا
حملق عينه بصدمه وقال
-بس انا كده هروح فى الرجلين و مستقبلى هيضيع ظلم أنا فعلا معرفش مين عمل كده
حركت رأسها بعدم اهتمام وقالت
فريده :-مش مشكلتى الغلطه غلطتك وانت اللى لازم تتحمل عواقبها واحمد ربنا أن اكتفيت بحبسك بس وانا اتحملت الخساره الماليه كلها اتفضل يلا جهز نفسك وودع حبايبك علشان تسلم نفسك لشرطه واياك تفكر تهرب علشان هعرف اجيبك حتى لو كنت فى بطن أمك
اومأ رأسه بدموع وخرج من الغرفه
نظرت إلى جميع المتواجدين بغضب وقالت
فريده :-ده درس ليكم علشان اللى يفكر يعمل زيه كده يعرف هيكون ايه مصيره الاجتماع انتهى كل واحد يروح على مكتبه
تنهدت بأرهاق شديد ونهضت من على المقعد وذهبت إلى غرفة مكتبها جلست على مقعدها الجلدى وضغطت على زر متواجد على مكتبها الخشبى وقالت
-حسام ابعتلى هند بسرعه
نظرت بساعة يدها وانتظرت مجئ هند وبعد عدة ثوانى سمعت صوت طرقات على الباب أذنت لها بالدخول
دلفت هند سريعا إلى الداخل وقالت بتساؤل
-خير يا فريده عايزه منى ايه
ردت عليها بأرهاق وقالت
فريده :-جهزى نفسك علشان رايحين نقابل مسيو جون
زفرت بضيق وقالت بتذمر
هند :-وانا مالى انا ما تروحى مع السكرتير بتاعك أنا ورايا شغل قد كده
نظرت لها بغضب وقالت
فريده :- هو ايه انا مالى دى، واحنا رايحين نلعب ما احنا رايحين شغل برضه
ردت عليها بنفاذ صبر وقالت
هند :-هو انتى كل حاجه عندك شغل ارحمى امى الغلبانه ساعه سوده يوم ما اتولد وطلعت بنت خالتك
نهضت من على مقعدها بغضب اقتربت إليها وقالت
فريده :-محدش ضربك على ايدك لما جيتى اشتغلتى معايا فى الشركه جيتى هنا بكامل إرادتك يا بنت خالتى امشى يلا اخلصى
خرجت من المكتب وتركتها
نظرت إلى أثرها وقالت بنفاذ صبر
هند :-يجيبوا ويحطوا عليكى يا فريده يا بنت انكل حاتم
ركضت سريعا خلفها أغلقت الباب ثم دلفت معها المصعد وهبطوا إلى الأسفل.
……………………………………………………………..
جلس أمام شاشة الكمبيوتر الخاص به ونظر بها بأشتياق وقال
-واحشتينى اوى يا حنون اخبارك ايه
تكلمت بحزن شديد وقالت
حنان :-الدنيا وحشه اوى من غيرك يا روح قلب ماما هترجع مصر امته بقى مش كفايه غربه كده يا ابنى
رد عليها سريعا وقال
-ارجع مصر ايه بس يا حنون بقى حد يسيب المتعه والجمال ده كله ويجى مصر
تنهدت بضيق وقالت
حنان :-يا ابنى يا حبيبى ميصحش اللى انت بتعمله ده ابوك تعب ومحتاجك جنبه، ده جزاءه علشان سفرك تكمل تعليمك بره ومحبش يتعبك معاه فى الشركه انت خلصت بقالك كام سنه قاعد عندك بتعمل ايه
زفر بضيق وقال بصوت مختنق
-ما خلاص بقى يا ماما مش كل ما اتكلم معاكى تضيعى المكالمه كلها فى نفس الموضوع أنا بكلمك علشان بتبقى واحشانى وعايز اشوفك وأطمن عليكى سيبك من موضوع الرجوع ده علشان أنا مش بفكر فيه دلوقتى نهائى لما الاقى نفسي حابب الرجوع هتلاقينى واقف قصادك من غير سابق إنذار وبعدين ما انا كل يوم بكلمك فيديو واشوفك وتشوفينى عايزه ايه تانى
اومأت رأسها بعدم رضا وقالت
حنان :-مش عايزه حاجه يا ابنى عايزه سلامتك يا حبيبى وانك تكون دايما مبسوط
نظر خلفه وقال سريعا
-طيب أنا لازم اقفل دلوقتى بكره هبقى اكلمك فى نفس الميعاد باااااى
اغلق شاشة الكمبيوتر ونهض سريعا احتضن إحدى الفتيات .
………………………………………………………………
حل المساء وعادت فريده إلى الفيلا هبطت من السياره والقت مفاتيح السياره إلى الحارس وتحركت إلى الداخل وجدت والدها يجلس على مقعده المتحرك وينظر لها بأبتسامه اقتربت منه ووضعت قبله صغيره على وجينته وقالت بنبره حنونه
-القمر بتاعى سهران ليه لحد دلوقتى المفروض كان زمانك اخد علاجك ونايم
امسك يدها بحنو واخرج تنهيده حزينه وقال
حاتم :-مستنيكى يا بنتى عايز اتكلم معاكى كلمتين
جثت على ركبيها أمامه ونظرت له بأهتمام وقالت بتساؤل
فريده:-خير يا بابا اتكلم بسمعك
نظر لها بحزن وقال بنبره مختنقه
حاتم :-هتفضلى كده لحد امته يا بنتى العمر بيجرى بيكى وانتى مش حاسه عايشها لشغل وبس وكل ما يجى ليكى عريس ترفضيه أنا نفسي اطمن عليكى قبل ما اقابل وجه كريم
تكلمت سريعا وقالت بضيق
فريده :-ربنا يخليك ليا ويبارك فى عمرك انا مش عايزه حاجه يا بابا غير انك تفضل جنبى واكون ناجحه فى شغلى بمساندتك ودعمك ليا يعنى أنا هستفاد ايه من الجواز غير راجل عايز يمارس سلطته عليا ويعمل فيها أن مافيش منه اتنين يا حبيبى أنا مرتاحه فى حياتى كده وموضوع الجواز ده مستحيل افكر فيه
حرك رأسه بالرفض وقال
حاتم :-يا بنتى مينفعش الجواز سنة الحياه وانا نفسي اشوف ولادك وافرح بيكى مش كفايه قعدتى دى ومتكسح كده مش قادر اساعدك فى الشركه
قبلت رأسه بحنو وقالت
فريده :-متقولش كده تانى يا بابا كفايه وجودك جنبى اللى مقوينى وبعدين ما انت عندك ولاد كريم ربنا يخليهم زى القمر وعلى طول منورين الفيلاه بوجودهم عايز ايه تانى بقى متبقاش طماع يا دومى يلا يا حبيبى تعالى اديك علاجك علشان تنام بس اهم حاجه اكلت
اومأ رأسه بالتأكيد وقال
حاتم :-ايوه يا حبيبتى اكلت الحمدلله
تحركت إلى الخلف وبدأت تدفع المقعد المتحرك بأتجاه الغرفه دلفوا إلى الداخل حملته بين ذراعيها ووضعته على فراشه وأعطته الدواء وقالت بنبره هادئه
فريده :-تصبح على خير وصحه جيده يارب
ابتسم لها بحنو وقال
حاتم :-وانتى من أهل الجنه يا حبيبتى
وضعت عليه الغطاء جيدا وخرجت من الغرفه صعدت إلى غرفتها دلفت إليها وأغلقت الباب خلفها ارتمت على السرير بأرهاق شديد وخلعت حذائها القته بالأرض ونزعت رابطة شعرها وطلقت العنان له ثم نهضت مره اخرى بدلت ملابسها وأرتشفت قليلا من الماء وعادت على فراشها تسطحت عليه وثوانى قليلا ذهبت فى سبات عميق.
…………………………………………………………….
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية حب قيد المراجعه)
