رواية جواهر الجبل الفصل الثاني 2 بقلم زهرة الربيع
رواية جواهر الجبل الجزء الثاني
رواية جواهر الجبل البارت الثاني
رواية جواهر الجبل الحلقة الثانية
قال ..ايوه ما انا العريس ..فيه ايه ركذي شويه
بس كريم حط ايده على كتف جبل وقال..لا..انا العريس يا جبل
واخد منو العلبه بتاعت الدهب ومسك ايد جواهر هيلبسها تحت انظار الزهول والصدمه من الجميع وخصوصا جبل الي كان في قمة صدمتو
كريم اخد العلبه منو ولسه هيلبس جواهر بس جبل مسك ايده جامد وقال..انت هتعمل ايه انتو بتهزرو…صح
كريم لسه هيرد بس جواهر قالت..لامش بنهزر..انا بحب كريم…وهتجوزو هو..وطبيعي عريسي يلبسني الشبكه
جبل كان بيبصلها بزهول والناس كانت بتبص لجبل وبيهمسو على منظرو الي بقى زي الزفت وجبل بصلها بغضب رهيب وقال بزعيق…الحفله انتهت…اتفضلو..مش عايز اشوف حد هنا
الناس ابتدت تمشي وهما زعلانين وحمدي بقى يحاول يعتذر للناس وكان مش فاهم ايه الي بيحصل ده …طلع عند جواهر وقال..يابنتي انتي مش قولتي هتتجوزي جبل واخترتيه ايه الي حصل ده
جواهر لسه هترد بس جبل قال بغضب..الي حصل ان الهانم بتلعب…مش قادره تنسى الي حصل زمان وبتردهالي..بس مش جبل المنزلاوي الي يتحط في موقف زي ده..فاهمه…لازم تفهمي كلك على بعضك متدخليش زمتي بمليم متفتكريش انك لما لبستي واترسمتي هعتبرك بنت فوقي لنفسك ..جدك هو الي اجبرني عليكي زمان وهو عايش واجبرني عليكي كمان دلوقتي وهو ميت..انما انا اتعمي قبل ما ابص لواحده زيك..سامعه
جبل كان في قمة الانفعال ومش واخد بالو لكلامو وامه قالت بسرعه..اهدي يا جبل انت بتقول ايه يا ابني تعالي معايا يلا
جبل مرضيش يمشي معاها وكان واقف بيبص لجواهر بغضب وهيه حاولت تتخطى كلامو المؤلم وقالت بقوه مصتنعه..سبيه يا طنط…هو مش في وعيو دلوقتي مسكين مش ساهله عليه يترفض لاول مره وبصتلو بانتصار وقالت….انا هتجوز كريم ياجبل وزعيقك وجنانك ده مش هيخلوني اعملك الي انت عايزه زي ما متعود تزعق وياخدوك على قد عقلك..وقربت عليه وبصتلو بتحدي وقالت…واوعدك انك هتندم على كل كلمه قولتها ..بكره تشوف مين هيه جواهر المنزلاوي
جبل كان هينفجر من الغضب ومسك كريم من بدلتو بغضب وقال..وانت..ازاي… ازاي تعمل فيا كده…ازاي تسمع كلامها ازاي يا و،اطي احنا متربين سوا
كريم اتنهد بخنقه وقال..اهدى يا جبل الموضع ابسط من كده انا بحب جواهر من زمان وانت عارف ومع ذالك وافقت انك تخطبها علشان الفلوس…انا كمان وافقت اعمل فيك كده علشان الفلوس …الموضوع بسيط.
جبل سابو وهو بيبص للكل بغضب وحاسس انهم اتأمرو عليه ومشي بسرعه وعصبيه
جواهر بصت لطيفه بدموع وقعدت وحطت ايدها على دماغها بحزن
امها اتنهدت بحزن وقالت….تعالي علشان تغيري يا جواهر يلا يا بنتي..واخدتها ومشيت بيها وهيه حزينه جدا على الحاله الي بنتها وصلت ليها
اما والده جبل مسكت ايد كريم وابتسمت بحب وقالت..وانت كمان يلا متفكرش كتير دلوقتي يرجع…وجواهر كمان هتكون بخير
كريم بصلها بحزن وقال..انا اسف ليكي ولعمي انتو ملكمش ذمب تتحطو في الموقف المحرج ده
حمدي قال بحزن…كان المفروض تفكر في المنظر ده قبل كده يا كريم…على العموم الي حصل حصل…ولازم تحلو الي بنكم….علشان نخلص من الحوارات دي بأقل الخساير .انا مش هقف اتفرج عليكم وانتو بتقطعو في بعض قدامي سمعت
حمدي قال كده ودخل وكريم راح مع والده جبل ودخلو البيت
اما جبل فكان في البار زي العاده بيشرب وسهران مع بنات كتير وهيتجنن بيرقص ويشرب ويتكلم ويشغل نفسو في كل حاجه علشان ينسي جواهر والي عملتو بس تعب وقعد بيأس وهو لسه كل حاجه في دماغو
اتقدم عليه واحد صاحبه وقال .. ما خلاص يا ابني كفايه شرب حرام عليك نفسك تغور في 60 داهيه هي واللي خلفوها
جبل بص له بحده وقال.. ايه هي واللي خلفوها دي ما تحترم نفسك يابني ادم انت ناسي انها بنت عمي
صاحبه قال… يا عم مش ناسي بس لما اتبهدلك كده المفروض انت بنفسك تستغنى عنها مش تعمل في نفسك كده وبعدين يعني الصراحه لما بفكر في الموضوع بلاقي ان انت غلطان من الاول البنت بس ترد جزء من كرامتها زعلت ليه دلوقتي مش انت اللي سبتها يوم فرحها
جبل اتنهد وقال قوم من جنبي يا حسن..كنت ناقصك انا انهارده حل عني
حسن قال…هو الحق بيزعل..بس عارف انا من زمان نفسي اسألك.. انت سبتها ليه الاول
جبل كان بيشرب جامد وارتبك لما سألو بعد عيونه عنو وقال…احم..عادي مش استايلي … كانت مسترجله جينز وكاب ونضاراه زي نضارة طه حسين..وكانت البنات حوليا زي ما انت شايف كده..كنت شايفها دكر مع انها كانت مميزه قوي
حسن ابتسم وقال..وايه الي جد دلوقتي
جبل اخد نفس عميق بحزن وقال…بقت امز من اي موزه..بس من جوه كسرتها قوي…مش عارف اصلح الي حصل..وكرامتي مش جيباني اعتذر..ولا يتقال انها ذلاني بالفلوس…اخ من الي عملو جدي فيا لو كان عايش دلوقتي
حسن ضحك جامد وقال…اممم على فكره انا صاحبك وحافظك ومتأكد ان فيه حاجه بتمنعك غير الكرامه ..وعلى العموم خليك انت وكارامتك اشربو سوا..وخلي الي اسمو كريم ده يتجوزها..اصلا هو بيحبها من الاول…سواء زمان او دلوقتي مكانتش تفرق معاه ..بيضالو في القفص مزه حلوه ومليونيره
جبل بصلو بغضب وقال..انت حد مسلطك عليا قوم من جمبي انا قرفان لوحدي ومش ناقصك
حسن ضحك وقام وجبل فضل يفكر في جواهر ونظرات الغضب الي كانت بتبصلو بيها والاسوء الموقف الي حطتو فيه وبقى يشرب كتير علشان ينسى
اخر الليل رجع وكان الكل نام لانهم متعودين على مزاجيتو ولانو لازم لما بيضايق يقضي الليل بره بقى يطوح وهو سكران وجات عيونه على اوضة جواهر راحلها وهو متعصب وفتح البال ودخل
جواهر كانت نايمه بهدوء جبل قرب منها وبقى يبصلها شويه ورما الجاكت بتاعو وقعد على ركبو بقى قريب منها وبقى يتأمل ملامحها قال بهدوء…جواهر..جوجو
جواهر ابتسمت كانها في حلم جميل وقالت برقه..جبل…حبيبي
جواهر كانت فاكره نفسها بتحلم اما جبل ابتسم لما قالت كده ومشى ايده على شعرها ووشها
جواهر اول ما حست بلمسه ايديه اتأكدت انها مبتحلمش قامت مفزوعه ونطت لاخر السرير
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية جواهر الجبل)
