رواية جواهر الجبل الفصل الرابع 4 بقلم زهرة الربيع
رواية جواهر الجبل الجزء الرابع
رواية جواهر الجبل البارت الرابع
رواية جواهر الجبل الحلقة الرابعة
واتفاجأت بالي بيقولو كان بيقول…يا حياتي متزعليش قولتلك كنت مع ماما في الدكتور …اه علشان كده اتأخرت عليكي…بس اكيد هاجي بكره انا اصلا هموت واشوفك
جواهر قربت منو بدهشه وقالت …يا حلاوتك..انت بتكلم مين هات التليفون ده
وسحبت منوالتليفون فجأه وجبل كان بيحاول يمنعها بس مسمعتش كلامو اخدت التليفون وقالت…الو..ايوه يا حببتي.. انا مين..انا مراتو يا قلبي…اه اتجوز يا حببتي وبلاش تلزيق بقى روحي شوفيلك حد فاضي
جواهر قالت كده وقفلت في وشها وبصتلو بغضب وقالت..وانت…هما ربع ساعه ادخل الحمام اطلع الاقي الدنيا خربانه…ومامتك في الدكتور طب كنت قولي كنت قولتلها حمد الله على السلامه
جبل كان عايز يضحك على غيرتها بس اصتنع الغضب وقال…وانتي مالك انتي بالكلام ده كلو انتي هتعملي مراتي ولا ايه ..احنا لوحدنا يا حببتي يعني كل واحد حر
جواهر قالت بسرعه..براحتك مدام كل واحد حر انا كمان هكلم واحد اعرفو وخليك واقف جمبي اريل كده زي قلتك..انت حر
قالت كده ولسه هتمشي مسك ايدها وقال بعصبيه..انتي اتجننتي تكلمي واحد يعني ايه.. لا طبعا انتي تحترمي نفسك وتحترمي الجردل الي اتجوزتيه
جواهر قالت بغضب …لو انا احترمت الجردل الي اتجوزتو انت كمان تحترم المغفله الي معاك..والا انا كمان هعمل زيك فهمت
جبل بصلها بغضب وداس على اسنانو بغيظ وحاول يهدى بالعافيه وقال..تمام..حلو كده..الفتره الي هنفضلها سوا..كل واحد يحترم التاني..وربنا يخلص المده دي على خير
جبل قال كده وراح نام وجواهر راحت نامت جمبو وشدت الغطا عليها
جبل قعد وبصلها باستغراب وقال…انتي هتنامي جمبي ولا ايه
جواهر قالت…هنام فين يعني
جبل قال ..احم..اه صح هتنامي فين..انا نسيت الحكايه دي…بس يعني احم…ننام سوا كده ..
جواهر بصتلو جامد وقال بسخريه..ايه..خايف
جبل بلع ريقه بارتباك من نظراتها وقال…نعم ..واخاف ليه..المفروض انتي الي تخافي..وبصلها بنظرات وقحه وقال…انا..انا بقالي كتير محروم من الحلويات دي وحط ايده على كتفها وقال..وانهارده دخلتنا ..وكلو في مصلحتنا
جواهر قامت بسرعه وقالت بارتباك..تمام..انا هنام على الكنبه..اصلا انا عارفه انت بتعمل كل ده ليه..مستفز بجد
جبل ضحك وقال..ليه بس تعالي ده انا عجبك..واتعبك
جواهر رمتو بالمخده وراحت نامت وجبل ضحك عليها وبص بعيد عنها واتنهد وغمض عنيه وبقى يحاول ميفكرش فيها ولا في شكلها الي كان جميل جدا وهيه خارجه من الحمام
في صباح يوم جديد نزلو على الفطار وكانو العيله كلها بتفطر ماعادا كريم رفض ينزل
جواهر وجبل قعدو على السفره وجواهر بصت حواليها وقالت..كريم فين يا ماما
جبل اضايق شويه وسكت وامها قالت..احم..مرضيش ينزل يا بنتي
ام جبل قالت بحزن…احنا كلنا غلطنا…الولد حالتو النفسيه بقت وحشه مكانش يصح تلعبي بمشاعرو كده يا جواهر قولتي قدام الكل انك هتتجوزيه وهتتخطبيلو هو وروحتي بعدها وافقتي على جبل
جواهر قالت بسرعه انا العب بمشاعر كريم…ده صاحبي واخويا من صغرنا انا قولتلو كل حاجه ..قولتلو اني هعمل الخطوبه وهعمل الموقف ده في جبل وهو وافق يساعدني مكنتش بضحك عليه هو كان عارف…بس مش قادر يستحمل
الكل اتفاجأ وجبل بصلها بدهشه وقال…كريم كان عارف
جواهر قالت..اه كان عارف..ووافق يساعدني علشان اردلك الي عملتوو معايا..مش علشان الفلوس
جبل لسه هيتكلم اتفاجأو بكريم نازل من فوق ومعاه شنطه هدومو وقال بابتسامه…صباح الخير يا جماعه
جبل وقف وبص للشنطه الي في ايده وقال …اكيد لا يا كريم..ارجوك
كريم ابتسم وقرب منو وقال…اشوف وشك بخير يا جبل هتوحشني
جبل حاول يتكلم وقال ..لا..لا بجد..اسمعني انا اسف…اسف صدقني انا…
كريم قال …انت اخويا يا جبل..الموضوع مش مستاهل…اما الي غلطت معاك..حاول تسامحني..ربنا معاكو يا ابن عمي..خد بالك من جواهر…دي اسم على مسمى وانت الي هتخسر لو فرطت فيها
جواهر نزلت دموعها وقالت …طب انت رايح فين طيب
كريم ضحك بخفه وعيونه مليانه دموع وقال…متخافوش عليا..انا هاخد بريك سريع وهرجع..اكيد مش هبعد عنكم كتير
ابو جبل قال بسرعه..لا طبعا انا مش هسيبك تمشي ده بيتك و
بس كريم قاطعو وقال..علشان خاطري يا عمي..انا مصر..بجد محتاج ابعد شويه..عايز اعيد حساباتي..لو سمحت انا هرجع لشقه بابا في المانيا وهبتدي حياه جديده هناك..هكلمكم كل يوم
كريم ودعهم والكل كانو بيبكو بحزن خصوصا جواهر وجبل كانو حاسين بالذمب وكريم مشي وهو بيبص للبيت بدموع
بالليل كانت جواهر في اوضتها زعلانه جدا ومش راضيه تاكل وجبل دخل عندها وقال…احم…جواهر مينفعش كده..انتي مكلتيش حاجه من الصبح..متنشفيش دماغك
جواهر بصتلو بغصب وقالت..مش عايزه اكل..وسيبني في حالي
جبل اضايق وقال بغضب ..انتي بتكلميني كده ليه وانا مالي …ما انتي الي مرضتيش بيه مع انك عارفه انو بيحبك ومن زمان انتي الي رفضتي مش انا
جواهر قالت بدموع واندفاع…ايوه انا فعلا غلطانه…غلطانه وغبيه…لاني رفضتو ورفضت حبو الي ميتقدرش بتمن علشان حبك الي مجابليش غير الوجع…سبت بني ادم كان مش شايف غيري علشان بني ادم مش شايفني اصلا..اناغلطانه علشان استبدلتو بيك يا جبل…وضربت على قلبها وقالت بدموع …ياريت كان ليه حكم عليه..كنت فضلت طول عمري وحيده…ولا اني افكر فيك يوم…ونزلت دموعها وقالت بيأس..وياريت قادره اكرهك بعد كل ده
جبل ابتسم بدموع وقرب منها ورفع وشها ليه وبصلها بحنان وحب وبدون مقدمات فاجأها لما قربها ليه واندمج معاها في لحظه جميله سرقت انفاسهم
جواهر اتسعت عنيها بزهول ومقدرتش تتكلم وبقت تجمع الكلام بالعافيه وقالت…انت…انت عملت ايه…احم..انت ازاي تقربلي كده.. انت مجنون
جبل ابتسم وقال…متفتكريش انك لوحدك الي مش قادره تسيطري على قلبك يا جواهر..كلنا مش بنقدر سواء كريم..او انتي او انا
جواهر بصتلو باستغراب وقالت..انت
جبل قال ..اه..انا..عمرك فكرتي ليه كنت موافق بجوازنا ومبسوط بيه مدام مش عايزك
جواهر قالت بسخريه..علشان تسمع كلام جدك وتحافظ على فلوسه..حتى لو هيجوزك المسترجله الي مش عجياك
جبل ابتسم وقال..وانا من امتى بسمع كلام جدي يا جواهر.. انا طول عمري ماشي بدماغي وانتي اكتر واحده عارفه كده…كمان عارفه اني ديما كنت شايفك مميزه بلبسك وقوتك وجمالك الي ميتقارنش بأي بنت..بس…
جواهر استغربت كلامو كانت مستنياه يكمل بس جبل قطع كلامو واتنهد وقال…بس تقدري تقول نصيب
جواهر قالت بغضب..النصيب..النصيب قلك تسبني يوم الفرح..قلك تظلمني قلك تكسر قلبي بالشكل ده
جبل اتنهد وقال..فيه حاجات بتحصل..وبنندم عليها..انا اسف على الموقف الي حطيتك فيه..وبعدين انتي ردتهولي وبقينا خالصين كده
جواهر قالت بغضب ودموع ..لا لا مش خالصين..ومش هنسي الموقف الي عملتو فيا مش هنسى قلبي الي كسرتو ميت حته يومها ..مش هنسي فرحتي ولهفتي قدام صحباتي وانا مستنياك..وفضلت مستنيه..مستنيه وانت مجتش..وبقت تبكي جامد وهيه بتقول بانهيار..والناس بقت تمشي من حوليا وانا مستنياك..مستنيه وبقول هيجي يا جماعه هو قلي انو بيحبني…وانت ..وانت طلعت بتلعب بمشاعري
جبل لقى حالتها بقت سيئه كانت بنرتعش وبتبكي جامد وبتتكلم بهستريا ..عيونه اتملت دموع حاول يسكتها وقال اهدي ..اهدي ياجواهر ..انا اسف انا بجد اسف…علشان خاطري اهدي
بس جواهر مكانتش راضيه تخليه يقرب وبتتكلم بانهيار وقالت…سبتني ليه..علشان لبسي وشكلي…طب..طب ليه قولتلي انك موفق على قرار جدي وانك وانك مبسوط بيه..انا سألتك..سألتك يا جبل ..سألتك مع اني كنت بموت فيك..ليه كدبت ليه
جبل دموعه بقت تنزل على الحاله الي وصلها ليها وكان عايز يضمها ليه بس هيه بتبعدو لحد ما تعبت جدا وقعدت على الارض وبقت تبكي جامد
جبل بقى يبصلها بندم شديد وقعد جمبها وقال…انتي مفيش منك با جواهر انتي جميله قوي اجمل من اي واحده عرفتها…صدقيني والله انا ندمان..حاولي تسامحيني
جواهر مسحت دموعها وقالت بغضب..طبعا لازم تندم بعد ما فلوسك بقت في ايدي..اكيد ده الي مخليك ندمان مش كده
جبل اتنهد… وقال…تمام يا جواهر…انا ..انا عاذرك في كل حاجه قولتيها وكل حاجه هتقوليها انا استاهل اكتر من كده..بس علشان تصدقي اني ندمان ومجرد اعتذار بسيط مني اما هتنازلك عن ورثي..وبعدها انتي تقرري اذا هتسامحيني..او..او احم….او نطلق
جبل قال كده وخرج من الاوضه بحزن شديد كان حابب يشم هوا ومضايق جدا
جواهر اول ما مشي بقت تبكي جامد وتقول يا رب..يارب ساعدني..ساعدني انساه واشيله من جوايا وانبي يا رب
كانت مجروحه وفضلت تبكي وهيه بتفتكر كل لحظاتها مع جبل بس فاقت من شرودها على صوت خبط على الباب قامت ومسحت دموعها وفتحت وكانت والدة جبل قالت…جواهر يا حببتي..كريم سابلك الجواب ده معايا
جواهر قالت..جواب…جواب ايه…طيب شكرا يا طنط
جواهر اخدت الجواب منها ودخلت الاوضه وفتحتو وكان مكتوب فيه…جوجو حببتي الجواب ده كتبتو من وقت طويل..بس يوم ما تقريه يبقى اكيد انا بعدت..لان الي هكتبو في الجواب ده لساني عمرو ما قدر بنطقو..ولا كنت هعرف اقوله ابدا…عايز اقولك انك حببتي وقلبي كمان..مقدرتش احب غيرك مع اني حاولت كتير يا جواهر
جواهر نزلت دموعها بحزن عليه وكملت الجواب …بس حبي ليكي خلاني اناني قوي يا جواهر..انا عارف انك بتحبي جبل من زمان..وهو كمان بيحبك اوي يا جواهر..فاكر زي انهارده يوم ما جدي قال انو هيجوزكم..كان طاير من على الارض..ومبسوط جدا ..بس انا الي بوظت الفرحه دي عليكم
جواهر استغربت الكلام بس كملت المكتوب….انا كنت بحبك اوي ومقدرتش اتكلم ولا حتى قدرت اقول لجدي يوم الفرح كنا مجتمعين كلنا في شقة جبل وكان بيلبس ويجهز علشان كان يوم كتب كتابكم وفرحكم …سمعتو بيتكلم مع صحابو قد ايه مبسوط ..وقد ايه هيكون اجمل يوم انهارده..مقدرتش استحمل.. سامحيني والله ما قدرت… دخلتلو وقولتلو اني بحبك ومش قادر استحمل…طلبت منو يسيبك
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية جواهر الجبل)
