رواية إليك سكن فؤادي الفصل السادس والثلاثون 36 بقلم نورهان محمد
رواية إليك سكن فؤادي الجزء السادس والثلاثون
رواية إليك سكن فؤادي البارت السادس والثلاثون
رواية إليك سكن فؤادي الحلقة السادسة والثلاثون
•••••••••••••••••••••••••••••••••••••••••••••••
ليعود من تذكره هاتفا بهدوء ايه رائيك من وجهه نظري انا شايف انو اتغير وممكن نعمل خطوبه ولو حسيتي باي حاجه لقدر الله تقدري تسبيه
ليكمل بهدوء والله انا مش بقولك رايي علشان حاجه بالعكس انتي قعدتك معانا علي رأسنا ومنورنا وخدنا علي وجودك بس ربنا يعلم اني عايز اطمن عليك لانك فعلا اختي
نظرت سلمي نحوه بابتسامه هاتفه بحنان منا عارفه والله ربنا يديمكم كلكم ليا يا احلي عوض من ربنا ليا
سليم بابتسامه ويديمك لينا ياسلمي
ليكمل ها رائيك ايه
سلمي بتفكير ممزوج بهدوء موافقه ياسليم
لتكمل هو عمل معايا موقف قبل كده مش حلو بس انا من كلامك حاسه انو اتغير فعلا ودا شئ كويس وانا هعمل خطوبه حصل نصيب يبقا تمام محصلش نصيب يبقا نصيبي كده
سليم بابتسامه عين العقل ياسلمي هو دا الكلام التمام
ليكمل هكلموا وابلغوا قرارك يومين بس ولا حاجه وهعرفوا
سلمي بابتسامه تمام
سليم بهدوء وهبقا ابلغ بابا بردو
سلمي بطيبة تمام ياسليم
بقلم نورهان محمد
•••••••••••••••••••••••••••••••••••••••••••••••
في صباح يوم العيد
مريم بابتسامه عيد سعيد ياحبيبي
سليم بحب انتي عيدي يامريم
مريم بحب وهي تحتضنه هاتفه بكسوف بحبك ياسليم
سليم بحنان وانا كمان بحبك ياقلب سليم
ليكمل يلا نجهز وننزل نصلي العيد وبعدين نرجع نفطر ونبقا نعمل جولة كده
مريم بحماس وهي تترجل من علي الفراش تمام
ليستعدوا سويا مترجلين الي الاسفل
سليم بابتسامه وهو يقبل يد والده ورأسه كل سنة وانت طيب وبخير يا بايا
منصور بحنان وهو يحتضنه وانت طيب وبخير ياحبيبي
ومن ثم بدأت التهني بالعيد من جميع الجالسين
سليم بهدوء طيب مش يلا نروح نصلي
معاذ بحماس يلا
ليترجلوا سويا الي الخارج كانت سلمي تسير بجوار معاذ ويتقدمهم منصور اما مريم فكانت تسير بجوار سليم هاتفه بحب كنت بستني اللحظه دي من زمان اني اكون جانبك كده واحنا رايحين نصلي العيد
سليم بحب وهو ينظر نحوها هاتفا بحنان وان شاء الله هتفضلي جنبي طول العمر
مريم بابتسامه يارب
لينتهوا من صلاة العيد عائدين الي البيت ومن ثم تناولوا وجبة الافطار ليهتف معاذ بحماس طفولي يلا نقوم نفرقع صواريخ
سليم بصدمة هتعمل ايه يامعاذ
معاذ بدهشه هفرقع صواريخ ايه الغريب في كده
سليم بضحك يابني انت كبرت علي الحاجات دي
معاذ بعبوث مصطنع كبرت ايه لا انا لسه صغير
ليكمل وبعدين ما حرمك المصون هتقوم تفرقع معايا طول عمرنا واحنا بنفرقع صواريخ حتي لما كبرنا
سليم وهو ينظر نحو مريم بدهشه ومن ثم انفجر ضاحكا علي وجهها الذي امتلئ بالبراءة كعادتها ليهتف بحب لا طالما حرمي المصون بتحب كده يبقا هي لسه صغيره وتعمل اللي عايزاه
معاذ بصدمه ياخي ايه دا تفرقه عنصريه عيني عينك كده
سليم بابتسامه عندك مانع
معاذ بتوعد لا خالص
بس خليك فاكر انك اللي بدأت
سليم بشك هتعمل ايه
معاذ بضحك ولا حاجه ياحبيبي
اخذ معاذ يفرقع الصواريخ والبومب هو ومريم وسلمي الذين حاولوا جاهدين في ان تشاركهم لهوهم وقد نجحوا في ذلك بعد عدة محاولات معها
ليظلوا علي وضعيتهم هذه حوالي ساعه تقريبا حتي جلست مريم بتعب بجوار سليم
الذي نظر نحوها هاتفا بتفقد انتي تعبانه ولا ايه
مريم بابتسامه ممزوجه بنهجان لا دا انا بس عملت مجهود مش تعبانه ولا حاجه
سليم بابتسامه شكلك حلو اوي انهارده
مريم بطيبة انهارده بس
سليم بضحكه عاليه اختطف بها قلب مريم لا طبعا كل ثانيه بتعدي انتي في نظري اجمل واحده في الدنيا كلها
مريم بابتسامه بسيطه علي فكرة انت بتكسفني
سليم بضحك علي شكلها الله طيب مش دي حقيقة
مريم بابتسامه مش الكلام دا منك يبقا حقيقة جدا جدا كمان
ليضحك سليم بشده علي كلامها ومن ثم اخذت هي تتطلع اليه
بكل حب وحنان فهي حقا اسعد نساء الارض بعدما اصبحت زوجه لحب حياتها الوحيد ولم تكمل تأملها حتي وجدت دهشه من سليم حينما انتهز معاذ انهم منشغلين وبشده فقام باشعال الصاروخ والقاءه بجانبهم ليصدموا سويا وسط صرخه مريم لانها وجدت الصاروح يفرقع بينها وبين سليم
سليم بتوعد وهو يتحرك نحوه بهدوء وعلي حين غفل امسك برأس معاذ بين يديه هاتفا بغيظ انت مش هتبطل شغل العيال دا ولا ايه
معاذ بضحك لا حتي لو هتموتني
سليم بضحك لا انت شغل مصطفي نقلك العدوة
ليكمل المفروض تكونوا ممثلين
معاذ بتفكير ممكن بردو
لينتهي اليوم بالنسبة لهم من بعد زيارات عدة للاقارب والصحاب
بقلم نورهان محمد
•••••••••••••••••••••••••••••••••••••••••••••••
في احدي الكافيهات
رامي بابتسامه شك مالك كده متوتر حاسس انك عايز تقول حاجه
عمرو بتوتر الصراحه اه
رامي بابتسامه احكي احكي بس ربنا يستر
عمرو بقلق بس هو انا مش عارف ابدأ منين ولا اقول ايه
رامي بضحك ابه يابني المقدمه الكبيرة دي ابدأ من اي حته تعجبك احنا في الاول والاخر وقبل اي حاجه اخوات
عمرو بترقب ما انا عايزك فعلا تثبت علي كده ومتغيرش رائيك بعد اللي هقوله
رامي باستغراب ليه انت هتقول ايه
عمرو بتوتر الصراحه كده عايز اتقدم لاختك رنا بعد ما تخلص امتحانات الترم دا وقولت افاتحك
رامي بدهشه اختي رنا
عمرو بقلق بص يارامي انت ممكن تقول اني محترمتش حرمة بيتك واني كنت داخل طالع وانا بفكر في اختك بس والله مش دا هدفي انا فعلا دلوقتي عايز اتقدملها واتجوزها
بس صدقني عمري ما فكرت فيها او بصلتها بصه مش كويسه في الاول كنت بعتبر رنا اختي لانها اخت صحبي
بعد طبعا ما كنت بفكر ارتبط بمريم لكن بعد ما مريم اتخطبت قفلت علي الحوار دا وقولت استني فتره لحد ما لقيت رنا قدامي
وعلشان تكون فاهمني انا مش بفكر ارتبط ب رنا علشان انسي مريم بالعكس مريم كانت في حياتي زي حب تعلق بشوفها علي طول محترمه مؤدبه هاديه ف كل دا شدني لكن في الواقع مكنش حب والدليل انها اول ما اتجوزت وانا عايش عادي
ليكمل لكن رنا حسيت انها مختلفه بغض النظر في الاول عن استهتارها وتهورها واني كنت دايما بنتقدها لاني خايف عليا
بس بعد كده اكتشفت انو لا هي مختلفه فعلا يعني ممكن تلاقيها متعصبه وبتضحك في نفس الوقت وحسيت انها حابه تتغير
والدليل علي كده انها سمعت كلامي واهتمت بمذاكرتها ودراستها فقط وبقت مش بتفتعل مشاكل لا دي بقت هاديه جدا
ودا كلو الصراحه شدني فيها وحسيت انها تقدر تتحمل مسؤليه بيت واسرة واولاد ان شاء الله انا بحكيلك كل دا علشان متزعلش مني يا رامي انت عارف انا بحبك قد ايه وبعتبرك اخويا
رامي بهدوء انا مقدر كل دا ومش زعلان منك لاني عارف ان دي حاجه خارجه عن ارادتك
ليكمل بفرحه وعلي فكره انا احترمتك جدا بعد الموقف دا وانك صارحتني بكل حاجه وحقيقي حاسس بفخر انك صاحبي
عمرو بابتسامه يعني كده خلاص تقبلت الفكره
رامي بضحك لكي يخرجه من موضع الحرج اه تقبلتها امال احنا ازاي دكاتره جامعيين لازم شويه بقا نبدأ نظهر الجانب الكويس اللي فينا وان ازاي عندنا توسع فكري وتدير الامور بعقلانيه وهكذا وكلام كبير اوي سعادتك
عمرو بضحك يخرب عقلك لسه زي ما انت تفضل تتكلم جد وفي الاخر تتريق
رامي بابتسامه بلطف الجو شويه انا اللي غلطان
عمرو بهدوء لا طبعا
ليكمل انا قولت افاتحك في الموضوع دا علشان يكون عندك علم وبعد ما رنا تخلص امتحان تفاتحها في الموضوع وبعدين اتقدم رسمي ونعمل خطوبه ونحدد ميعاد للفرح
رامي بضحك حيلك حيلك دا كلو طيب خطوه خطوه يا اخي
عمرو بفرحه وهو يترجل من مكانه لكي يحتضن رفيقه خير البر عاجله ياصديقي
رامي بسعاده كبيرة صح
ليكمل مبروك مقدما لحد ما نعرف رأي العروسه
عمرو بابتسامه الله يبارك فيك
ليكمل عقبالك بقا خلينا نخلص
رامي بابتسامه ان شاء الله
بقلم نورهان محمد
•••••••••••••••••••••••••••••••••••••••••••••••
ترجلت سلمي الي سليم لتهتف بتوتر سليم
سليم بانتباه تعالي ياسلمي
سلمي بهدوء وهي تجلس ومن ثم تفرك يدها بخوف هاتفا بقلق سليم عايزه اتكلم معاك شويه
سليم بانتباه اتفضلي طبعا
مريم بهدوء طيب انا هسيبكم شويه
سلمي بهدوء لا خليك يامريم
لتكمل انا عايزه عايزه
سليم بابتسامه حنونه اتكلمي ياسلمي متخافيش
سلمي بحزن عايزه اروح اشوف ماما قبل ما يتحكم عليها
سليم بحزن تمام ياسلمي روحي طبعا انا مقدرش امنعك
سلمي بدموع انا عارفه انها حاجه صعبه عليكم بس هي امي
سليم بهدوء وانا عارف ياسلمي ومش ممانع خالص دي في الاول والاخر امك وليك كامل الحق في كده
سلمي بحزن يعني انت مش هتزعل
سليم وهو ياخذ نفسا عميقا قبل ان يهتف لا طبعا
ليكمل ممكن بقا متعيطيش لانك كده بتزعليني
سلمي وهي تمسح دموعها هاتفا بفرحه تمام ياسلمي هروح بكره ان شاء الله
لتكمل ربنا يحققلك كل اللي نفسك فيه ويسعدك انت ومريم دايما تفوهت بفرحه قبل ان تترجل الي الداخل
مريم بابتسامه انت حنين اوي ياسليم وانا بفتخر بيك وبحبك كل يوم اكتر من اليوم اللي قبله
سليم بحب وانا بحبك اكتر
ليكمل وياجي ايه حناني في طيبة قلبك دي اللي بتخطفني
مريم بكسوف وهي تدير وجهها الي الجهه الاخري بجد
سليم بحب وهو يحتضنها جد الجد طبعا ياحبيبتي
بقلم نورهان محمد
•••••••••••••••••••••••••••••••••••••••••••••••
بعد مرور شهر تقريبا
كانت مريم جالسه في عربية سليم بينما هو يقود العربيه متجها الي احد الاماكن
مريم بارهاق اخيرا خلصت امتحانات انا مش مصدقه نفسي
سليم بابتسامه فتره وعدت ياحبيبتي عقبال بقا النتيجه اللي تفرحك بعد مجهودك دا
مريم بتفكير يارب ياسليم
لتكمل انا عارفه انك تعبان ومجهد بسببي بس بجد مش هنسالك وقفتك دي وانك تساعدني في المذاكره والسهر والتعب اللي كنت فيه حقيقي انت احسن واجدع واحن واوفي زوج في الدنيا كلها
سليم بابتسامه وهو يمسك بيدها يقبلها بينما يعود بنظره محددا للقياده هاتفا بحب دي اقل حاجه يامريمي انتي مش بس مراتي انتي بنتي واختي وحبيبتي وكل دنيتي واللي بعملوا معاك دا ما الا جزء بسيط مني ليك
مريم بحب وهي تنظر نحوه هاتفه بابتسامه ارد اقول ايه بعد كمية الكلام الحلو دا
سليم بحب متقوليش حاجه دا اقل حاجه بينا ياحبيبة قلبي
مريم بحب يديمك ليا ياحبيبي
سليم بحنان ويديمك ياحبيبتي
ليكمل هنروح نتغدي بره وبعدين نلف شوية وبعديها بقا نرجع البيت
مريم بحماس تمام اتفقنا
بقلم نورهان محمد
•••••••••••••••••••••••••••••••••••••••••••••••
في فيلا الكيلاني وبعد مرور اسبوع علي انتهاء امتحانات مريم
مريم بهدوء وعي تترجل نحوه هاتفه بصوت مسموع سليم ياسليم
سليم بانتباه نعم ياحبيبتي
مريم باستغراب تعالي ننزل معاذ كان بيرن علي فونك وانا رديت وبيقول في ضيوف تحت مستنينا
سليم باستغراب ضيوف مين دول
ليكمل وقالك عايزينا احنا الاثنين
مريم بهدوء ايوه
لتكمل يلا هلبس العبايه والطرحه وننزل نشوف مين انا متحمسه اوي
سليم بضحك متحمسه لايه ياحبيبتي بيقولك ضيوف عادي
مريم بتفكير لا ماهما مش قايلين مين وبردو لو حد نعرفه فهما مبلغناش بالزياره
سليم بتفكير فعلا عندك حق
لم تمر خمسة دقائق حتي ترجلت مريم الي الاسفل بصحبة سليم
معاذ بابتسامه وهو يتوجه نحوهم انا ضايفتهم لحد ما تنزلوا انتو سلام بقا هطير علشان مش فاضي
سليم بتسائل ضيوف مين انت يابني
ولكن كان معاذ ترجل مسرعا لم يقف ليسمع ماتفوه به سليم
مريم تعال ندخل ونشوف مين واثناء ترجلهم الي الداخل صدمت مريم وايضا سليم الذي بدأت علامات الضيق علي وجهه
سليم بهدوء السلام عليكم
عمرو ورنا وهما يقفان ليلتفان لهم وعليكم السلام ورحمة الله وبركاته
لتترجل رنا نحو مريم لتحتضنها
اما عمرو فمد يده للسلام ليمد سليم هو الاخر يده
عمرو بهدوء انا اسف هي زياره من غير معاد
سليم بهدوء وهو يجلس بجوار مريم بعدما هتف بهدوء اتفضلوا
ليجيب عليه بهدوء عكس ما يشعر به ولا يهمك البيت بيتك تاجي في اي وقت
عمرو بابتسامه عامله ايه يامريم
ليكمل مبارك علي الجواز هي متأخره شويه
مريم بابتسامه الله يبارك فيك يادكتور تسلم
اما سليم فرد عليه بابتسامه صفراء تنم عن غيرته هاتفا بهدوء الله يبارك فيك عقبالك
عمرو بابتسامه وهو ينظر نحو رنا هاتفا بهدوء ما هو دا اللي جايبنا انهارده انا ورنا اصرينا نيجي مع بعض علشان نعزمكم علي خطوبتنا ان شاء الله يوم الخميس الجاي
ليكمل وطبعا انتو مش محتاجين عزومه
مريم بابتسامه ممزوجه بدهشه مبارك يارنا ومن ثم اتجهت نحو رنا لتحتضنها بشده وهي تهمس لها بكلامات مزيج من السعاده
رنا بحب تسلميلي يامريم انا كنت عارفه انك اكتر واحده هتفرحيلي
لتكمل هبقا احكيلك بقا الحوار دا بعدين واني اتجوزت حب حياتي
مريم بدهشه يابكاشه وكنتي مخبيها عليا
رنا بابتسامه لا دا حوار طويل هحكيلك عنو بعدين
مريم بهدوء تمام ياقلبي لتجلس مجددا وهي تهتف بهدوء مبارك يادكتور ربنا يتمم بخير
سليم بشك مبارك يادكتور عمرو وربنا يتمم بخير ويسعدكم
عمرو بابتسامه الله يبارك فيك تسلم
لينظر نحو رنا نظرة ذات مغزي لتهتف رنا بهدوء نريم ما تيجي نطلع نتكلم بره شويه واحكيلك بقا قصه الحب دي
مريم بفرحه يلا بينا علشان انا الفضول هيجنني
رنا بضحك وعلي ايه تعالي معايا وهشرحلك ليستأذنوا منهم متجهين الي الخارج
عمرو بهدوء انا عارف انك مش طايقني دلوقتي وحاسس اني مش مريح بالنسبالك وخصوصا اني خطبت صحبة مراتك
سليم بهدوء عكس ما بداخله لا طبعا
عمرو بابتسامه تمام
ليكمل بس ياسليم انا فعلا اتقدمت لمريم وكنت عايز اتجوزها بس صدقني كان مجرد اني عايز استقر وأسس عيله وخصوصا اني وحيد وحبيت اني ابدأ حياتي
وطبعا بحكم اني دكتور لقيت ان مريم كويسه جدا ك احترام وادب واخلاق وبنت ناس ودا اللي اي واحد فينا لما بييجي يتجوز بيعتمد عليه في المقدمه قبل اي حاجه لان طبعا الزوجه دي بعد كده هي اللي بتشيل البيت والولاد وكل حاجه ولا ايه
سليم بهدوء ايوه فعلا كلامك تمام
عمرو بتفسير طبعا اتقدمت بطريقه يمكن كانت مش افضل حاجه بالنسبالك وعملت فجوة ودا طبعا لاني مكنش عندي علم وحصل اللي حصل بس بعديها ممكن ايه اكون حسيت اني متضايق بس لقيت مريم ما الا انها كانت قدامي مناسبه مقدرش اقولك كان حب او جمال وهكذا واعذرني في كلامي
لكن دي الحقيقه بعد ماعرفت كنت عادي جدا وحسيت ان هي مكنتش نصيبي وان ربنا رزقها بالاحسن وهيرزقني انا كمان بالاحسن بالنسبه لكل واحد فينا
وكنت عايز اجي افهمك وجهه نظري دي علشان متكونش قلقان مني او اي افكار تطرأ علي بالك بس لسوء الحظ انا كنت مشغول معرفتش اظبط ميعاد واجيلك
ليكمل بهدوء هي دي والله كل القصه ولا اكثر ولا اقل ومريم من اليوم اللي اتكتب كتابها عليك وهي اختي فقط لا اكتر من كده ولا اقل وعمري ما هفكر غير انها اخت صغيره ليا وصاحبة زوجتي المستقبليه ان شاء الله
سليم ب اطمأن بعض الشئ تمام يادكتور كل الكلام دا كويس وشكرا جدا للرقي اللي عندك وانك وضحت كل حاجه
عمرو بابتسامه دي اقل حاجه
ليكمل انا حاليا عايزك تدعيلي ان ربنا يتتملي كل حاجه علي خير واجتمع انا والانسانه اللي حبيتها وقلبي اختارها ونفسي اكمل معاها حياتي
سليم بابتسامه اللهم آمين ربنا يجمعكم علي خير ويتمملكم فرحتكم بخير
عمرو بابتسامه اللهم آمين
ليكمل طبعا يابشمهندس انا بشكرك علي تفهمك وعلي حسن الضيافه وحقيقي ربنا يسعدك مع زوجتك ويقدملكم اللي فيه الخير
سليم بابتسامه دي اقل حاجه يادكتور
ليكمل اللهم آمين
عمرو بهدوء وهو يقف من مكانه هاتفا بابتسامه هنستأذن احنا بقا واتمني انك تشرفنا انت والمدام ونبدأ صفحه جديده وتكون بداية صداقتنا يا سليم
سليم بابتسامه ان شاء الله هكون اول الحاضرين انا ومريم
ليكمل طبعا اتشرف جدا بالصداقة دي ياعمرو
عمرو بهدوء وهو يترجل معه الي الخارج رقمي اهو
سليم وهو يدونه تمام ورقمي اللي بيرن دا
عمرو بابتسامه تمام سجلته
عمرو بهدوء مش يلا يا رنا رامي زمانه زهق من القاعده لوحده في العربيه
سليم بتسائل رامي مين
عمرو بهدوء دا اخو رنا وصاحبي واخويا
ليكمل جه معانا علشان مش هينفع انا ورنا نخرج لوحدنا
سليم بابتسامه اه فعلا
ليكمل رنا يسعدكم
عمرو يارب
لتودع رنا صديقتها ويودع سليم هو الآخر عمرو
مريم بتسائل فور مغادرتهم مالك
سليم بهدوء احترمت عمرو بعد مجيته وكلامه
مريم بتسائل هو قالك ايه
سليم بابتسامه وهو يسحبها الي الاعلي تعالي احكيلك فوق بقا واحنا في بلكونتنا وبنشرب كوباية الشاي
مريم بابتسامه طيب يلا بينا
بقلم نورهان محمد
•••••••••••••••••••••••••••••••••••••••••••••••
بعد مرور ست اشهر وتحديدا في احدي المستشفيات
مريم بتعب وهي تحتضن طفلها هاتفه بحب حبيب قلب ماما نورت الدنيا كلها
سليم بابتسامه دا نور الدنيا ونور قلوبنا وملئ الدنيا كلها سعادة بقدوم اغلي الغاليين
ضحي بهزار بقولكم ايه انا خلاص حجزته لبنتي المستقبليه اللي في بطني دي
مصطفي بهزار لا اديني فرصه افكر دي بنتي بردو
سليم بهزار تفكر ايه ياحبيبي احنا مش هناخد رائيك اصلا
مصطفي بعصبيه نعم يا اخويا لا طبعا دي بنتي ولازم اقعد واتشرط كده
ليكمل بتحدي لا اوافق لا موافقش
عمرو بابتسامه فهو اصبح صديقهم الان ليهتف بهدوء دا يا سليم تحس ان فعلا ابنك رايح يتقدم وهو قاعد هيفكر في الشروط
سليم بضحك قولوا بقا يابني
عمرو بهزار اهدي ياحبيبي امال هي لسه في بطن مامتها وبتعمل كده امال لما تتولد وتكبر هتعمل ايه
مصطفي بتفكير لا صراحه ممكن اتجنن بقا في وقتها
ليكمل بهزار اكبر وادلع وياجي واحده علي الجاهز ياخدها
معاذ بضحك لا وجهت نظر بردو تحترم
ليكمل واد يا مصطفي اسكت خالص مريم اخر ما هتزهق هتطردنا بره المستشفي
مصطفي بضحك تصدق صح احنا اسفين يامريم
رنا بابتسامه وهي تنظر نحوه الله ياعمرو دا حلو اوي ماشاء الله
عمرو بابتسامه خلاص هانت تخلصي امتحانات ونتجوز ونملي البيت عيال ان شاء الله
رنا وهي تنظر نحوه بابتسامه ان شاء الله يازوجي الحبيب
عمرو بابتسامه قلب زوجك انتي
فتم عقد قرانهم منذ ثلاثة اشهر لكي يكونوا اكثر حرية
ريم بابتسامه الله انا بقيت خالتو اخير
معاذ بابتسامه وانا بقيت عمو وخالو بردو
مروان يعني جات عليا منا بقيت خالو
مريم بصحك هتفضلوا عيال كده لحد امته خليتكم خال وعم اعمل ايه اكتر من كده
مروان بهزار متحاوليش هنفضل زي ما احنا مش هنتغير دي حاجه بتجري في الدم
سليم بابتسامه عندكم حق
ولم يكمل جملته حتي وجدوا من يترجل هاتفا بمشاغبه وصوت مرتفع احنا جينا
معاذ بفرحه هشام وسلمي ايه النور دا
هشام بضحك هنعمل ايه بقا في سلمي صممت نقطع اخر اصبوع في شهر العسل وننزل علشان تكون مع مريم
سليم بابتسامه وهو يحتضن هشام فيك الخير والله ياسلمي
مريم بحب حبيبتي ياسلمي انا اسفه
سلمي بابتسامه وهي تحتضنها متقوليش كده دل انتي اختي
لتكمل اول ما قولتيلي بميعاد الولاده وانا مش علي بعضي وقولتلوا لازم ننزل ونكون حنبك
لتكمل بعبوث بس هعمل ايه بقا اتأخر في الطريق وملحقتش
مريم بابتسامه ولا يهمك المهم ان انتو جيتوا بالسلامه
سليم بفرحه الله دا صغير اوي بس عسول ما شاء الله
هشام وهو ينظر نحوه من بعيد هاتيه جاي اشوفوا شبه مين ربنا يستر ومياخدش ذكاء واحد
معاذ وهو يضيق عيناه بطريقه مضحكه قصدك ايه يلا
هشام بضحك شوفوا كل واحد عارف نفسه هنقول ايه بقا
ليكمل ياخوفي ياخد خفة الدم بتاعتك دي
معاذ بضحك لا يا ناصح انا عمو من بعيد
هشام بهزار انا بقول كده
اسماء بفرحه ماشاء الله عليكم ياولاد كلكم اطفال هتخلفوا اطفال
ليرد الجميع بهزار ما هو دا اللي مخوفنا والله مستقبل اطفالنا
اسماء بابتسامه لا انا اللي هربيهم كفايه انتو عليكم لحد دلوقتي
ضحي بابتسامه تمام ياطنط وانا موافقه هديكم البنت انتي وماما تربوها
ام ضحي وانا موافقه
سلمي بابتسامه وانا بردو اول ما يكون في نصيب حلال عليك
اسماء بضحك طيب وانتي يارنا
رنا بضحك معاهم معاهم متقلقيش منا صحبتهم ونفس العقل
اسماء بضحك ربنا يسعدكم ياولاد ويحققلكم اللي نفسكم فيه
ليرد الجميع اللهم آمين
مريم بابتسامه وهي تمسك يد سليم ومن ثم تنظر نحو هو ابنها ومن ثم توجها نظرها بين جميع الموجودين هاتفه بطيبة
وجودكم جنبي دا هون عليا كل حاجه تعب والم وخوف بجد ربنا يديمنا لبعض ونفضل عيلة واحدة لاخر العمر
الجميع بابتسامه اللهم آمين
منصور بابتسامه هاتوا حفيدي بقا شويه
سليم وهو يحمله بهدوء ومن ثم يتجه به نحو جده هاتفا بابتسامه اتفضل يا بابا
الجميع بابتسامه مش هتقولوا الاسم ايه بقا الفضول هيموتنا وزهقنا بقا من الحرف اللي متعلق دا ومش عارفين غير انو حرف الراء
سليم وهو يمسك بيد مريم يقبلها هاتفا بابتسامه احنا كنا متفقين نسمي
♡ رحـيـم ♡
الجميع بصراخ ممزوج بفرحة وسعادة هيييييي
الــــنــهــايـــــه ♡
•••••••••••••••••••••••••••••••••••••••••••••••
انتهت بحمد الله رواية ملتزمة سكنت فؤادي واللي القاء في روايات اخري قادمة
•••••••••••••••••••••••••••••••••••••••••••••••••
لقراءة الرواية كاملة اضغط على : (رواية إليك سكن فؤادي)
