رواية فتاة انحنت من أجل الحب الفصل السابع والأربعون 47 بقلم دودو محمد

فى الفندق

عند اوضت زهراء

راح شريف ومحمود وامير وخبطو على باب اوضت زهره

فتحت ليهم ريم وقالت
ريم / نعم
محمود/ هو ايه اللى نعم اختك خلصت ولا لاء
ريم / اه خلصت
محمود / طيب ادخل يلا يا أمير
ريم / ايه ايه يدخل فين اسفه يا أبيه امير مش هينفع تدخل انت هتستلمها من أبيه شريف تحت
محمود / انتى هتعملى نفسك منظمة حفلات خلى الراجل ياخد خطيبته وينزل المأذون حمض تحت
ريم / ملكش دعوه انت بتتكلم ليه وانت ايه جابك هنا اصلا انزل عند المعازيم
محمود / شايف اختك وطريقتها فى الكلام معايا يا شريف
شريف / باااااااس انت وهى خلاص انزل يا أمير تحت وانا هجبها ليك
محمود / هو ده اللى ربنا قدرك عليه اشوف فيكم يوم يا ظالمه
امير / الله يحرقكم انتو الاتنين وسابهم ونزل
شريف / بص ليهم الاتنين وقال وربنا انتو الاتنين مجانين ما جمع الا ما وفق وسابهم ودخل الاوضه عند زهره
محمود / بص لريم وقال بقيتى مفتريه ربنا على المفترى
ريم / لا اسم الله عليك يا نبع الحنان يا ترعة المفهوميه
محمود / ادعى عليكى بأيه وانتى فيكى كل العبر وسابها ونزل
ريم / بغيظ بنأدم عديم الاحساس حتى مهنش عليه يقول ايه رأيه فيا ونزلت تحت
شريف / دخل الاوضه عند زهره وانبهر بجمالها ضحك وراح بسها فى راسها وقال بسم الله ماشاءالله طالعه زى القمر
زهراء / بكسوف بجد يا شريف
شريف / اه والله طالعه جميله اوى ربنا يستر عليكى من العين وميرو برضه طالع زى القمر انتو الاتنين لاقين على بعض اوى ربنا يسعدكم يارب ومد دراعه لاخته وقال يلا بينا
زهراء / حطت الطرحه على وشها وحطت دراعها فى دراع اخوها ومشيت معاه وهى متوتره
شريف / اخد زهره ونزل بيها من على السلم والكل كان مبهور بجمال فستان زهره
امير / واقف تحت عند اول السلم ومش مصدق نفسه أنه اخيرآ شاف زهره وهى لابسه ليه الفستان الابيض
شريف / نزل عند امير وسلم عليه وسلمه زهره
زهراء / كانت متوتره جدآ وجسمها كله بيترعش من الخوف
أمير / مسك ايد زهره وبسها ورفع الطرحه من على وشها وانبهر بجمالها ودموعه نزلت منه من الفرحه وشدها فى حضنه وضمها جامد وقال مش مصدق نفسى اخيرآ يا زهره بجد مش قادر اصدق ان الجمال ده كله هيكون ليا انا
زهراء / احم ا.ا.امير الناس بتتفرج علينا و.و واحنا لسه مفيش حاجه ما بنا
امير / بعد عنها ومسح دموعه وقال اسف بس اندفعت بمشاعرى ومن فرحتى حضنتك وحط دراعها فى دراعه وراحو عند الكوشه قعدها وراح قعد جنب المأذون وقعد شريف الجنب التانى وحط ايديهم فى ايد بعض وبدأو يقولو وراه المأذون نفس كلامه وامير يبص لزهره بحب ويغمز ليها
زهراء / افتكرت كتب كتابها على عاطف وافتكرت كل اللى حصل ليها ودموعها نزلت منها
ساره / شافت دموع زهره طبطبت علي كتفها وقالت افرحى يا زهره وانسى اللى فات وبلاش عياط علشان الميكب ميسحش
زهراء / ضحكت ليها وقالت ح.ح.حاضر وانتبهت على صوت المأذون وهو بيقول
المأذون / بارك الله لكما وبارك عليكما وجمع بينكما فى خير
شريف/ راح عند أخته واداها الورق مضت عليه وبسها فى راسها وبارك ليها ومشى
امير / راح عند زهره وبص فى عينيها وقال مبروك يا حرم أمير الدمياطى اخيرآ يا زهره بقيتى مراتى اخيرآ هتبقى معايا وفى حضنى بحبك يا زهره وبسها فى راسها وحضنها وقال نفسى تفضلى كده علطول جوه حضنى ومتبعديش عنه ولا ثانيه
زهراء/ بكسوف الله يبارك فيك
والكل بارك ليهم وبدأو الراقصه السلو مع بعض

امير وزهراء

امير / يااااااه يا زهره انا خايف اكون بحلم معقول اتحقق حلم عمرى وبقيتى بتاعتى خلاص مفيش فراق ولا وجع ولا دموع
زهراء/ انا خايفه اكتر منك لكون بحلم واصحه على كابوس اصل مش متعوده من الدنيا انها تفرحنى كده وتدينى اللى بحلم بيه
أمير / بسها فى خدها وقال لاء يا زهره من هنا ورايح مفيش وجع مفيش ييأس فيه بس حب وفرح وضحك وحنان طول ما احنا جنب بعض وايدينا فى ايد بعض مفيش حاجه هتقدر تكسرنا
زهراء / اترمت فى حضنه وقالت بدموع انا بحبك اوى يا امير اوى وعلى قد ما انا حاسه ان طايره فى السما وانا جنبك على قد ما انا خايفه القرب ده يكون بداية بعد ما بنا
امير / ضمها اكتر ليه وقال ربنا ما يجيب بعد ما بنا ابدآ يا زهره انا عديت مراحل الحب من زمان اوى انا بموت فيكى يا زهره وبسها فى راسها وقال انسى كل حاجه فاتت وعيشى اللحظه الحلوه اللى ما بنا دى يا زوزو وشالها لف بيها وقال بصوت عالى بحببببببببببببببك
زهراء / نزلنى يا مجنون
امير / اضحكى وانا انزلك
زهراء / هههههههه والله مجنون
امير / نزلها وقال اللى معاه واحده قمر زيك كده لازم يتجن
زهراء / لفت دراعها حاولين رقبت امير جامد وحطت راسها على كتفه وقالت ربنا يخليك ليا يارب
امير / بسها فى خدها وقال وميحرمنيش منك يا اغلى ما عندى فى الدنيا دى كلها وكملو رقص

وانضمو ليهم الكابلز يشاركو معاهم الرقصه السلو

شريف ولميس

لميس / انا فرحانه ليهم اوى يا شريف
شريف / وانا كمان مش مصدق نفسى أن خلاص امير وزهره اتجوزو ربنا يسعدهم يارب
لميس / يارب
شريف / لميس انتى سعيده معايا
لميس/ ليه بتسأل السؤال ده يا شريف
شريف / ردى عليا يا لميس ارجوكى
لميس / انا عمرى ما كنتى هبقى سعيده ومبسوطه زى وانا معاك انا معاك بنسى الدنيا بحالها انت المعنى الحقيقى لسعاده يا شريف
شريف/ يعنى مش زعلانه ومضايقه بسبب موضوع تأخير الحمل
لميس / يا روح قلبى سبق وقولتلك انت عندى اهم من اى حاجه فى الدنيا واحنا لسه العمر قدامنا وانت بتتعالج وربنا أن شاءالله هيجبرنا ويرزقنا بالذريه الصالحه يبقى ليه الاستعجال ده وحتى لقدر الله ده محصلش انا مش هزعل لأنك انت غنينى عن اى حاجه انت ابويه وأخويه وابنى وجوزى وكل حاجه حلوه فى حياتى شيل الموضوع ده من دماغك لان عمرى ما هبعد عنك لاى سبب من الأسباب
شريف / مش عارف اقولك ايه انتى نعمه كبيره اوى ربنا بعتها ليا مستحمله ظروفى الماديه رغم انك كنتى عايشه فى بيت ابوكى مستوى تانى خالص ورغم كده قادره تتأقلمى على ظروفى ومستحمله ظروفى الصحيه رغم انك ست زى اى ست نفسك تكونى ام ودى غصب عنك لان الامومه بتبقى غريزه فى الواحده من يوم ما بتتولد وفوق كل ده بتبقى تملى بكلامك البلسم اللى بيطيب كل جروحى ربنا يديمك نعمه فى حياتى وميحرمنيش منك يارب وضمها فى حضنه وبسها وكملو رقص

عند سامح وروز

روز / امته بقى ياربى نبقى مكانهم ويبقى الفرح فرحنا
سامح / بعد ما تخلصى تعليمك
روز / انت ازاى كده
سامح / كده ازاى مش فاهم
روز / ببرود الأعصاب دى انا بشوف الرجاله بتبقى هتموت على الجواز وبيحاولو يتجوزو فى أول فرصه تيجى ليهم إنما انت باااااارد اوى ولا شاغل بالك حكاية الجواز خالص ده انا كبنت هتجنن واتجوز وانت ولا هنا يا اخى
سامح / علشان عايز مصلحتك ومش عايز يكون الحمل تقيل عليكى انا لو عليا عايز اتجوزك دلوقتى قبل شويه بس مستقبلك عندى اهم من اى حاجه فى الدنيا
روز / وانا بقول كده ليه يا سامح ما علشان انا بحبك ونفسى ابقى معاك وجنبك علطول ومستقبلى انا مطمنه عليه طول ما انت معايا
سامح / بص فى عينيها وقال وانا بموت فيكى يا روز يكفى انك انتى الوحيده اللى قدرتى تدخلى قلبى من غير استأذن عشقتك من اول نظره ليكى بموت فى كل تفاصيلك رقتك ضحكتك جنانك عصبيتك كل حاجه فيكى بعشقها وبخاف عليكى حتى من نفسى اوقات كتير بحس انك بنتى ومسؤوله منى انتى حياتى كلها يا روز واوعدك أن انا هفكر فى موضوع تقريب مدة الجواز دى
روز / اترمت فى حضنه وقالت بعشقك اوى يا سموحتى ربنا يخليك ليا وميحرمنيش منك يارب
سامح / ولا منك يا قلبى وضمها فى حضنه اكتر وقعدو يرقصو مع بعض

عند أحمد وساره

ساره / اخيرآ امير وزهره اتجوزو مش قادره اصدق نفسى
أحمد / مين يقول بعد اللى حصل ده كله أن هما يوصلو للحظه دى ربنا يسعدهم يارب تعبو كتير اوى على ما وصلو لكده
ساره / انا فرحانه اوى أن كان فرحنا وش الخير عليهم واتخطبو فيه بس متوقعتش أنهم هيتجوزو بالسرعه دى
أحمد / احسن حاجه عملوها انا سرعو الجواز الفرحه عايزه اللى يمسك فيها بأيده وسنانه قبل ما تبعد وتسيبه
ساره / عندك حق
أحمد / بيبص عادى حاوليه فى الفرح
ساره / انت بتبص على ايه
أحمد / ولا حاجه انا ببص عادى على الفرح
ساره / بتبص على الفرح ولا بتبص على البنات اللى موجوده فى الفرح
أحمد / بنات فين البنات دى يا ساره
ساره / والله ايه اتعميت ومش شايف البنات اللى موجوده
أحمد / اه يا ساره اتعميت ومش شايف البنات اللى موجوده لان انا باختصار مش شايف غيرك بعيونى
ساره / اه اعملهم عليا
أحمد/ يا حبيبتى ربنا يهديكى بلاش الغيره الزياده عن اللزوم دى لأن انا بحبك ومقدرش ابص لغيرك والله والله كمان مره انا مكنتش ببص على بنات ولا حاجه انا ببص حاوليه عادى
ساره / بدموع وليه تبص حاوليك واحنا بنرقص مع بعض ايه مش طايق تبص ليا
أحمد / مسح دموعها وقال ايه الجنان ده يا ساره انتى بتعيطى على حاجه محصلتش اصلا يا عبيطه انتى حب عمرى اللى عشت احلم بيه واتمنا اللحظه اللى هتكونى فيها مراتى وام عيالى انتى عندى ملكه متوجه على عرش قلبى يا ساره ونظرة عيونك تغنينى عن ستات الدنيا دى بحالها خليكى واثقه فى نفسك اكتر من كده وثقى فى حبى ليكى لان احنا لسه فى بداية حياتنا ولو الغيره بتاعتك دى دخلت حياتنا هتخربها صدقينى لان الغيره بتبقى سلاح ذو حادين لو ذادت عن حدها بتخرب بيوت لان ساعتها بتبقى قلة ثقه فى شريك حياتك
ساره / انا واثقه فى نفسى وفيك يا أحمد بس علشان بحبك بغير عليك اوى حتى من النسمه اللى بتعدى على خدك
أحمد / طيب ما انا بحبك وبغير عليكى بس مش بخلى الغيره دى تكون شئ هدام لسعادتنا وثقتى فيكى وفى حبك مطمنانى من نحيتك ومخليانى متأكد انك مستحيل تشوفى حد غيرى اعقلى يا صرصور انا بعشقك وضمها فى حضنه وكملو الرقصه

عند جهاد

كانت قاعده بتتفرج عليهم وهما بيرقصو جه اسلام قعد جنبها على الترابيزه وقال
اسلام / عقبالنا يارب
جهاد / اتفاجئت بأسلام وقالت انت جيت امته
اسلام / لسه جاى حالا وشوفت القمر بتاعى سرحان فى اللى بيرقصو قولت اكيد بتفكرى فى اليوم اللى انا وانتى هنكون مكانهم وبنرقص مع بعض الرقصه دى وبندوب فى احلى كلام العشق والغرام
جهاد / اسلام ألزم حدودك
اسلام / وانا قولت ايه طيب انا بقول لما تبقى حلالى زيهم
جهاد / بصت ليه ومردتش عليه وبصت تانى على اللى بيرقصو
اسلام / جهاد وافقى بقة وخلينا نتجوز ونعيش اسعد ايامنا واحنا مع بعض
جهاد / انا قولتلك اللى فيها لو نجحت وجبت مجموع حلو يدخلنى الكليه اللى بحلم بيها هسامحك وهوافق على طلب جوازنا
اسلام / وأمته النتيجه دى أن شاءالله
جهاد / أسأل اختك اكيد عارفه
أسلام / انا مش قلقان من النتيجه لأن انا عارف انك شاطره واكيد هتوصلى لحلمك بس اللى تعبنى الوقت اللى من هنا لنتيجه هفضل بعيد عنك
عبير / جت عليهم وقالت ازيك يا مزتى
جهاد / الحمدالله يا بيرو كنتى فين كده
عبير / ها ك.ك.كنت بلف لفه كده فى الفرح
جهاد/ مش جاى
عبير / ها ق.ق.قصدك مين
جهاد / قصدى على اللى انتى بدورى عليه فى الفرح سألت بنت عمه ساره اذا كان جاى النهارده ولا لاء قالت مش جاى علشان فرح أخته اللى هى اسمها سهى اللى كانت متجوزه امير كمان النهارده
اسلام / انتو بتتكلمو على مين
عبير / ها و.و.ولا حاجه
جهاد/ على فكره مفيهاش حاجه لما تقولى أن احنا بنتكلم على حسام ابن عم ساره ما هو اتقدم ومستنى رد من اخوكى واخوكى معلقه
اسلام / مش بسأل عليه كويس ولا اروح ارميها لاى حد وخلاص مش لازم اتأكد أن هو شاب كويس وملهوش فى الشمال
جهاد / والله انت اللى بتقول كده غريبه دى مع انك انت كنت المنبع بتاع الشمال ده
أسلام / اهو انتى قولتيها كنت يعنى فعل ماضى إنما الحاضر انا مش شايف غيرك قدامى ومحافظ على الحدود اللى ما بنا وانت شايفه ده بنفسك علشان بحبك وبخاف عليكى حتى من نفسى
جهاد / احم ع.ع.عمومآ مش ده موضوعنا عبير اتشدت لحسام وهو شكله بيحبها بجد ودخل البيت من بابه وافق وفرح قلوبهم
أسلام/ طيب لو وافقت على موضوع عبير وحسام هتوافقى على موضوعنا
جهاد / على فكره ده ملهوش علاقه بده انا قولتلك اللى يخصنا وبعدين انت حر مصلحة اختك وانت تعرفها اكتر من اى حد عن اذنك ولسه هتمشى
أسلام/ اصبرى هنا متبقيش قفوشه كده خلاص هتصل بيه واقولو موافق
عبير / بفرحه بجد وحضنته وقالت انت احلى اخ فى الدنيا
اسلام / طبطب عليها وقال هههههههه لدرجاتى يا بت واقعه
عبير / بكسوف احم يعنى
اسلام / يا بت عينى فى عينك كده عمومآ ربنا يسعدك يا بيرو يارب انتى مش بس اختى انتى بنوتى الصغيره اللى بعشقها
جهاد / بصت بحب لاسلام وبعدين حضنت عبير وقالت مبروك يا بيرو
عبير / الله يبارك فيكى يا جوجو عقبالك مع اللى فى باللى يارب
جهاد/ بعدت عنها وقالت بكسوف ش.ش.شكرآ
أسلام/ يااااارب يسمع مع بؤق ربنا وتلين ونتجوز بقى
جهاد/ عن اذنكم
اسلام / انتى اللى نازل عليكى كل شويه عن اذنكم عن اذنكم ما تقعدى معانا
جهاد / اقعد معاكم ليه
اسلام /كده بحب المكان اللى بتبقى قاعده فيه بحس فيه بالسعاده
جهاد / اتوترت وقالت احم م.م.ماشى وقعدت وهى بتبص على اللى بيرقصو ومتوتره من نظرات اسلام ليها وقالت م.م.ممكن تبص اى مكان تانى اتفرج على الفرح
اسلام / مش عايز عينى تشوف اى حد غيرك
عبير / احم طيب عن اذنكم وسابتهم ومشيت
اسلام / قاعد جنب جهاد على الترابيزه وعينه منزلتش من عليها
جهاد/ اتوترت اكتر واكتر من وجود اسلام جنبها على نفس الترابيزه ومن نظراته اللى مبعدهاش لحظه واحده من عليها

عند ريم ومحمود

الاتنين بيرقصو مع بعض فى صمت تام
محمود / اتنهد وقال ممكن اعرف ليه لويه وشك ومش بتتكلمى معايا
ريم / مفيش
محمود / ما هو واضح فعلا أن مفيش ما تنطقى ياريم انا زهقت
ريم / زهقت زهقت زهقت احنا لسه متجوزين بقالنا كام شهر ومفيش غير كلمه واحده على لسانك زهقت امال لما يبقى بقالنا كام سنه هتعمل ايه
محمود / انا زهقت من النكد اللى على الفاضى و المليان ده بتزعلى من اقل حاجه وساعات بتزعلى على حاجه مش موجوده اصلا وده موتر علاقتنا يا ريم ايه حصلك خلاكى بقيت بالطريقه دى مكنتيش كده الاول
ريم/ لاء يا محمود مش بنكد عليك ولا حاجه بس الواحده مننا بتستنا كلمه حلوه من جوزها بتبقى اسعد لحظات عمرها بتحب اللى يعرف يحتويها وبالذات فى المرحله اللى انا فيها الحمل بيخلينى اوقات كتير احس بالضعف وببقى محتاجه كلمه حلوه منك تقوينى بس انت علطول بتنتقدنى موضوع زى بتاع النهارده بيأثر عليا وعلى نفسيتى
محمود /موضوع ايه ده يا اختى
ريم / انت مفكرتش حتى تجبر بخاطرى وتقولى رأيك فى شكلى النهارده ايه كانك مش شيفنى خالص
محمود / احم م.م.ما انتى حلوه علطول مش النهارده بس
ريم / والله الله يرحم ايام ما كنت بتغازل فيا علطول على الفاضى والمليان
محمود / بصوت واطى كنت غبى وبعدين قال انتى قمر فى كل حالتك يا قلبى
ريم / سمعتك على فكره مش انت اللى كنت غبى انا اللى غبيه أن اتجوزتك وسابته وراحت قعدت على الترابيزه
محمود / بصلها ومشى أيده على شعره من وراه وقال كالعاده نكد نكد واتنهد وقال صبرنى يا ربى على ما بلتنى وراح قعد جنبها من غير ولا كلمه

وفى الوقت ده شغل الدجى الاغانى الشعبيه وبدأ الكل فى الرقص لكن زهره شافت حد بيمد ايده من بعيد بمسدس وبيوجه لامير حست أن الدنيا بتلف بيها وقالت بصوت عالى اميررررررررررر حاااااااسب بس كانت الرصاصه طلعت واستقرت فى قلب امير والاغانى سكتت والكل اتجمع حاولين امير وامينه وساره قعدو يصرخو وكل ده زهره واقفه مش مصدقه اللى حصل وزقت الناس وقعدت قصاد امير ومشت ايديها على مكان الرصاصه وضحكت وقالت
زهراء / ههههههههههه قوم يا أمير بلاش هزارك التقيل ده قوم يلا علشان نروح بيتنا ههههههههههههه قوم يلا بقى هههههههههه امير رد عليا ا.ا انت مش بترد عليا ليه ودموعها نزلت منها وهزت راسها بمعنى لاء وقالت لالالا مستحيل يكون اللى بيحصل ده حقيقى ا.ا اكيد بتهزرو صح يا شريف أمير محصلش ليه حاجه ط ط.طيب قول انت يا سامح قول أن كل ده مش حقيقى طيب انت يا محمود رد عليا ا.ا.انتو بتعيطو ليه محدش يعيط امير كويس ه.ه.هو بس بيحب يهزر معايا بس هزاره المرادى تقيل شويه قوم يا أمير قولهم إن انت كويس وبتهزر قوم يا أمير رد علينا ساكت ليه مستحيل بعد كل اللى حصل فينا ده فى الاخر تبعد وتسبنى ده ظلم والله رد عليا يا امير يا أمير رد وقعدت تهز فيه وبعدين قالت بصوت عالى اميررررررررررر واغمى عليها

يتبع…

لقراءة الفصل التالي : اضغط هنا

لقراءة الرواية كاملة اضغط على : (رواية فتاة انحنت من أجل الحب)