رواية فرصه استثنائية الفصل التاسع عشر 19 بقلم دودو محمد
رواية فرصه استثنائية الجزء التاسع عشر
رواية فرصه استثنائية البارت التاسع عشر
رواية فرصه استثنائية الحلقة التاسعة عشر
فى فيلا ادم
صحى ادم من نومه على صوت عياط عمر نفخ وقام قعد وقال
ادم :- فيه ايه بتعيط ليه
عمر :- بعياط انا عايز سلوى
ادم :- بعصبيه مفيش سلوى انساها فاهم
عمر :- عيط اكتر وقال مليش دعوه انا عايزها
ادم :- مسكه من دراعه بعصبيه وقال قولتلك مفيش سلوى انت مبتسمعش الكلام ليه
عمر :- قعد يعيط وقال انت وحش انا مش بحبك وخرج يجرى من عنده
ادم :- نفخ وبص على ابنه وهو ماشى ومشى ايده على وشه ورجع بيها على شعره واتنهد وقام دخل الحمام وبعد وقت خرج ولبس هدومه واده فرضه وخرج من الاوضه ونزل تحت وجرس الباب رن قعد على الكرسى وقال بصوت عالى حد يفتح الزفت ده واتفاجئ بسلوى واقفه قدامه بصلها بغيظ وقال انتى جايه تانى ليه
سلوى :- ادم اسمعنى ارجوك انا عارفه انك مصدوم فيا ومن حقك تعمل كده وزياده بس صدقني انا خايفه عليك من اللى ملك ناويه تعمله فيك
ادم :- بغيظ ايه لعبه جديده منكم دى
سلوى :- والله العظيم ما لعبه ملك مش ناويه على خير ليك ووجدى ناوى
ادم :- قطعها وقال امشى اطلعى بره
سلوى :- ابوس ايدك انسى كل الخلافات دلوقتى المهم انت يا ادم
ادم :- قام وقف وراح عندها ومسكها من دراعها وداس عليه جامد وقال كفايه تمثيل بقى ابعدوا عن حياتنا انتى واختك بررررره وزقها وقعت على الأرض
سلوى :- بصت ليه بدموع وقالت اعمل فيا اكتر من كده بس ارجوك اسمعنى للآخر وجدى ناوى يأذيك بالاتفاق مع ملك صدقنى والله العظيم مش بكدب عليك
ادم :- شدها من شعرها وجرها منه وفتح الباب ولسه هيحدفها بره عمر شافها وطلع يجرى عليها وقال
عمر :- سلوى سلوى واترمى فى حضنها
سلوى :- قعدت تبوس فى عمر ودموعها نازله وقالت واحشتنى يا حبيبى
ادم :- شد عمر من دراعه بعده عن سلوى وقال اطلعى بره
عمر :- قعد يعيط
سلوى :- بصت ليه بدموع وقامت وقفت وبصت لعمر وابتسمت ليه وقالت متخافش يا حبيبى روح اوضك وانا هروح وابقى اجيلك امسح دموعك يلا واضحك
عمر :- مسح دموعه وطلع يجرى على اوضه
سلوى :- بلاش تعمل كده فى عمر يا ادم اعمل فيا انا اللى انت عايزه
ادم :- ابنى وانا حر فيه اطلعى برررره بقولك
سلوى :- ادم
ادم :- قطعها بقلم على وشها وقال مش عايز اسمع أسمى على لسانك تانى فاهمه اطلعى بره
سلوى :- حطت ايديها على خدها بصدمه وبصت لادم ورجعت بضهرها وخرجت من الباب تجرى
ادم :- غمض عينه وقفل ايده جامد وخرج ركب عربيته وشغلها ومشى بيها بسرعه جنونيه
سلوى :- بصت عليه وهو ماشى بالعربيه وقعدت على الرصيف وقعدت تعيط
~•~•~•~•~•~•~•~•~•~•~•~•~•~•~•~•
فى شقة مهند
صحى مهند من نومه وبص على الغطا اللى عليه وابتسم بحب وقام من على الكنبه واخد الغطا فى ايده ودخل الاوضه لقه سمر نايمه على السرير راح قعد على حرف السرير ورفع شعرها من على وشها وقرب من خدها وباسها ومشى صوابعه على دراعها العريان حسيت بي سمر فتحت عينيها وزقت ايده بعيد عن دراعها ولسه هتقوم من على السرير
مهند :- مسك دراعها وقال بلاش تقسى عليا يا سمر ارجوكى عارف ان غلط بس انا بحبك والله
سمر :- سيب دراعى يا مهند
مهند :- سمر بصى فى عيونى وانتى هتشوفى فيهم قد ايه بعشقك وإن هى عمرها ما تشوف غيرك انتى حياتى كلها والله
سمر :- غمضت عينيها وقالت سيب دراعى يا مهند بقولك
مهند :- ساب دراعها وقال اهو يا سمر عملت اللى قولتى عليه بس وحياة حبنا سامحينى
سمر :- قامت وقفت وقالت اطلع من الاوضه لو سمحت
مهند :- وقف وراح عندها وقال يعنى ناويه تفضلى تعاملينى كده كتير
سمر :- بصت الاتجاه التانى ومردتش عليه
مهند :- ماشى يا سمر وسابها وخرج من الاوضه
سمر :- بصت عليه وهو خارج واتنهدت بزعل وقالت لاء اجمدى كده بلاش قلبك يضعف من اولها خليكى قويه وعلميه الادب ودخلت الحمام وبعد وقت خرجت ولبست هدومها ولبست الاسدال عليها وأدت فرضها وقلعت الاسدال وخرجت من الاوضه
مهند :- اول ما شافها قال الللله ايه ده بقى وقام وقف وقال انتى قصدى تجننينى صح
سمر :- بصت ليه وسابته ودخلت المطبخ ووقفت تحضر لنفسها اكل
مهند :- دخل وراها لقها بتاخد الملح وقف وراها علطول ومد ايده جاب ليها الملح
سمر :- شدت من ايده الملح وكملت الأكل
مهند :- راح عندها ووقف وراها وحضنها من ضهرها وقال مش عايزه اى مساعده
سمر :- نفخت وقالت لاء شكرآ ممكن تبعد بقى
مهند :- قرب اكتر وباسها من رقابتها وقال ليه ده حتى الأكل هيطلع حلو اوى وانا حضنك
سمر :-بعصبيه يا مهند ابعد بقى
مهند :- يوووووه حاضر وبعد عنها وقعد على الكرسى
سمر :- ممكن متقعدش ليا كده اطلع بره لو سمحت
مهند :-بترجى سبينى اتفرج عليكى
سمر:- تتفرج عليا ؟ ليه شيفنى اراجوز قدامك
مهند :- علشان خاطرى يا سموره سبينى اتفرج
سمر :- هو انا معيشه معايا ابن اختى
مهند :- ضحك وقال اعمل ايه محتاج حنان
سمر :- حنان الله يرحمها يا اخويا
مهند :- قام وقف وقرب منها وقال طيب ما تيجى نخدوا العزا وغمز ليها
سمر :- غمضت عينيها وقالت بغيظ امشى يا مهند، بنى ادم سافل وربنا
مهند :- وانا ببقى سافل مع حد غريب ده انتى حتى زى مراتى يعنى
سمر :- بصت ليه من غير ولا كلمه ورفعت السكينه قصاد عينه
مهند :- بعد عنها وقال احم انا هستنى بره مش مستغنى عن حياتى وخرج يجرى من المطبخ
سمر :- بصت عليه وهو خارج وابتسمت وكملت الأكل
~•~•~•~•~•~•~•~•~•~•~•~•~•~•~•~•~•
فى الشركه
خرج عبدالرحمن من الشركه بعد انتهاء وقت العمل وركب عربيته ولسه هيمشى بيها شاف تسنيم واقفه نزل من العربيه وراح عندها وقال
عبدالرحمن :- واقفه كده ليه
تسنيم :- بتريقه واقفه مستنيه السواق الخاص بتاعى
عبدالرحمن :- بتتريقى
تسنيم :- اعملك ايه واحده مستنيه الباص علشان تركب هكون واقفه ليه يعنى
عبدالرحمن :- انتى لسانك ده فيه حته زياده
تسنيم :- لاء خالص والله بس انت اللى اسألتك مستفزه
عبدالرحمن :- عمومآ علشان انا مليش فى المناهده بتاعتك دى اتفضلى اوصلك
تسنيم :- ايه ده هو انت السواق
عبدالرحمن :- اللهم طولك يا روح امشى اوصلك
تسنيم :- هو انت ليه بتتعامل معايا كأننا نعرف بعض من زمان حضرتك انا لسه عرفاك امبارح وكانت معرفة شوربه والله وسيبت الشغل بسببك وحضرتك عوضنى بشغل تانى مكانه يبقى خلصنا وبلاش شغل الشباب بتاعك ده علشان انا مش بنت سهله ومش هركب معاك عربيات فهمت ولا أقول كمان
عبدالرحمن :- ليه كل ده علشان قولتلك اوصلك انا غلطان ومتربتش علشان قولت اساعدك عن اذنك ولسه هيمشى
تسنيم :- استاذ عبدالرحمن انا اسفه مقصدش ازعلك والله بس فعلا مينفعش خالص اركب معاك العربيه
عبدالرحمن :- اللى يريحك ولسه هيمشى سمع صوت مريم بتقوله
مريم :- هى دى الجربوعه اللى سبتنى علشانها
عبدالرحمن :- انتى ؟! انتى ايه جابك هنا
مريم :- جيت اشوف البيه اللى سايب ولاده وعمال يتسرمح مع اللى يسوى واللى ميسواش
عبدالرحمن :- داس على أسنانه وراح عندها ومسك دراع مريم وقال امشى من هنا احسنلك
مريم :- اوعى كده انا مش ماشيه من هنا غير لما الناس كلها تعرف مين خطافة الرجاله
تسنيم :- مين دى وتقصد ايه بكلامها ده
عبدالرحمن :- امشى انتى يا تسنيم
مريم :- تمشى فين وربنا ما هسيبها تمشى غير لما افضحها واقطع شعرها عايزه تعرفى مين دى يا حلوه انا ابقى مراته ام عياله اللى بتحاولى تخطفيه منهم وقربت منها ومسكتها من الطرحه
تسنيم :- وهى بتبعدها عنها قالت اوعى كده يا مجنونه ابعدى عنى
عبدالرحمن :- مسك مريم وشدها بعيد عن تسنيم وقال اه هى دى اللى خطفتنى يا مريم ضفرها برقبتك تسنيم تبقى خطيبتى
تسنيم :- بصت ليه بصدمه ولسه هتنطق
مريم :- بصدمه خ.خ.خطيبتك
عبدالرحمن :- ايوه وانتى كنتى مراتى وحاليآ تبقى طليقتى ياريت متنسيش الحته دى بس انتى طليقتى مش اكتر خلى شرك وحقدك على الناس ينفعك ومسك ايد تسنيم وقال امشى يلا
مريم :- بصت على ايده وهى ماسكه ايديها ودموعها نزلت منها
تسنيم :- من الصدمه ساكته ومش بتقول حاجه وركبت العربيه وهى مذهوله ومش عارفه بتعمل ايه
عبدالرحمن :- شغل العربيه ومشى بيها
تسنيم :- اخدت بالها أنها ركبت العربيه معاه بصت ليه بصدمه وقالت وقف العربيه وقف الزفته دى
عبدالرحمن :- تسنيم انا اسف أن حطيتك فى موقف زى ده مكنتش اقصد والله
تسنيم :- هو ايه اللى مكنتش تقصد والله وانت خبطنى فى كتفى غصب عنك انت ازاى تقولها أن انا خطيبتك وازاى تسمح لنفسك تمسكنى من ايدى انت ازاى تعمل كده
عبدالرحمن :- وقف العربيه وقال مكانش قدامى حل تانى غير كده انا اسف والله
تسنيم :- نزلت من العربيه بغيظ وقالت هو كل اللى نازل عليك اسف اسف انا اللى غلطانه أن جيت اشتغل عندك اصلا ولسه هتمشى
عبدالرحمن :- وقف قصادها وقال أنا عارف ان اللى انا عملته غلط ومن حقك تتعصبى بس انا فعلا مكنتش اقصد اعمل كده انا كنت عايز احرق دمها بأى حاجه ومفيش حاجه تحرق دمها وقلبها غير لما تعرف أن انا هتجوز
تسنيم :- انا مالى بحياتك الخاصه ومشاكلك العائليه بدخلنى فيها ليه
عبدالرحمن :- انا عارف ان ملكيش دعوه شوفى عايزانى اعمل ايه وانا اعمله
تسنيم :- مش عايزه منك اى حاجه انا اوعدك مش هتشوف وشى تانى ولسه هتمشى
عبدالرحمن :- تسنيم انا اسف بجد وانا اوعدك هحل الموضوع ده فى اقرب وقت
تسنيم :- تحله بقى ولا متحلهوش دى مش مشكلتي عن اذنك وسابته ومشيت
عبدالرحمن :- بص عليها وهى ماشيه واتنهد وركب عربيته ومشى بيها على البيت
~•~•~•~•~•~•~•~•~•~•~•~•~•~•~•~•
فى شقة مراد
رجع مراد من الشغل ودخل الشقه وقفل الباب وراه وراح قعد جمب علياء على الكنبه وباس خدها ونام على رجليها بتعب وقال
مراد :- واحشتينى
علياء :- وانت كمان ومشيت ايديها على شعره
مراد :- اومال العيال فين
علياء :- زين نايم ومنار قاعده فى اوضتها قولى عملت ايه فى الشغل النهارده
مراد :- النهارده اليوم كان متعب اوى كان طول النهار اجتماعات
علياء :- معلش يا حبيبى ربنا يقويك
مراد :- قام قعد ومسك ايديها وباسها وقال هدخل اخد شاور بسرعه
علياء :- ماشى وانا هقوم احضر الأكل
مراد :- قام وقف ولسه هيدخل الاوضه
منار :- طلعت تجرى عليه وقالت بابا بابا بابا
مراد :- شالها وباسها وقال واحشتينى يا روح بابا
منار :- جاهز علشان تحكيلى عنك وعن مامى
مراد :- بص لعلياء بتوتر وقال ها م.م.معلش يا حبيبتى بابا راجع تعبان اوى من الشغل خليها يوم تانى
منار :- يووووه خلاص ماشى
مراد :- باسها ونزلها
منار :- دخلت تجرى على اوضتها
مراد :- بص لعلياء وقال هنعمل ايه البنت طفله صغيره ومش هينفع نقول ليها حاجه
علياء :- وانا كمان بقول كده مش هتستوعب اللى حصل دلوقتى حاول تحكى ليها قصه تانيه
مراد :- اتنهد بوجع وقال ماشى وسابها ودخل الاوضه
علياء :- بصت عليه وهو ماشى وقامت دخلت المطبخ تحضر الأكل وبعد وقت الكل اتجمع وبدأوا يتغدوا
مراد :- بص لمنار وقال هحكيلك بابا حب ماما ازاى
منار :- بفرحه بجد
مراد :- ابتسم ليها وقال ايوه وسكت شويه وبص على علياء وقال زمان اوى ماما كانت جارتنا وامها وأبوها ماتوا وامى وابويه الله يرحمه اخدوها هى واخواتها علشان يربوهم معانا ماما رفضت وصممت انها هى اللى تربى أخواتها وعاشت فى الشقه اللى كانت على السطح واشتغلت عليهم وربتهم لحد ما كبروا انا بقى حبيت فيها القوه والإصرار وإن هى مستعده تشتغل فى اى شغلانه شريفه فى مقابل أن هى تربى أخواتها وتعلمهم كبرنا وبقى يكبر حبها فى قلبى عمرى ما حاولت اكلمها ولا اعترف ليها بحبى كنت بغض البصر عنها اول ما اشوفها علشان كنت بخاف ربنا وعلشان كنت بحافظ عليها من نظراتى كنت مستعد أضحى بعمري كله علشانها وفى يوم ماما قررت انها تمشى وتسيب السطح وسكت شويه وبص لعلياء والدموع فى عينه واتنهد وقال قررت اطلع اكلمها واعترف ليها بحبى واطلب منها أننا نتجوز وفعلا طلعت ليها وسكت
منار :- ها يا بابا كمل عملت ايه
علياء :- الدموع اتجمعت فى عينيها
مراد :- وهو بيبص لعلياء قال طلعت ليها وخبط على الباب وفتحت ليا وكنت اول مره ابصلها بالطريقه دى وابقى مش عايز انزل عينى من عليها ، قولتلها بترجى متمشيش قالت بأصرار لاء همشى وابتسم وقال قولتلها بحبك يا علياء من زمان ومقدرش اعيش من غيرك وعايز اتجوزك ابتسمت ليا وقالت وانا كمان بحبك يا مراد و موافقه اتجوزك ودمعه نزلت من عينه وقال وبس واتجوزنا وجيتى انتى
علياء :- دموعها نزلت منها وغمضت عينيها بألم
منار :- بس انا لما كبرت كان بابا عمر هو اللى عايش معانا وانت مكنتش موجود
مراد :- ها ا.ا.اه ما بعد كده حصلت مشاكل ما بينا وطلقتها وسافرت وهى اتجوزت بابا عمر ولما رجعت وشوفت بنوتى كبرت واحلوت طلبت من ماما اننا نرجع لبعض واتجوزنا بعد ما طلعت عينى وعيشنا كلنا مع بعض تحت سقف واحد
منار :- الله انا فرحانه اوى انك انت بابا وبحبكم اوى ونفسى لما اكبر اتجوز واحد شبهك بس يكون عنده فلوس كتير اوى
مراد :- يا حبيبتى السعاده مش بالفلوس ممكن تتجوزى واحد عنده فلوس كتير بس يبقى وحش ويعذبك وتبقى حزينه معاه وممكن تتجوزى واحد مش عنده فلوس كتير بس بيحبك ومستعد يعمل اى حاجه علشانك وتبقى عايشه اسعد واحده فى العالم اوعى تقدرى كل حاجه بالفلوس لأن الفلوس دى رزق من عند ربنا ويرزق بيها من يشاء فيه حاجات كتير اوى احسن واهم من الفلوس وعمر الفلوس ما تنفع تشتريها فاهمتينى يا حبيبتى
منار :- هزت راسها وقالت اه فهمتك بليل هتساعدنى صح
مراد :- اكيد طبعآ يا حبيبتى يلا كلى وبص لعلياء وابتسم ليها
علياء :- مسحت دموعها وابتسمت ليه بحب وقعدوا ياكلوا
~•~•~•~•~•~•~•~•~•~•~•~•~•~•~•~•
عند مريم
رجعت البيت وهى منهاره دخلت تجرى على اوضتها واترمت على السرير وقعدت تعيط دخلت وراها حكمت بقلق وقالت
حكمت :- مالك يا حبيبتى
ملك :- بدموع عبدالرحمن خطب يا ماما خطب وشوفته بعينى وهو ماسك ايديها وماشين مع بعض
حكمت :- يا حبيبتى أهدى كل شئ قسمه ونصيب
مريم :- بعصبيه مفيش قسمه ونصيب عبدالرحمن ليا انا وبس ومش هسمح لاى حد يخدوا منى
حكمت :- قصدك ايه ما كفايه بقى يا مريم محرمتيش
مريم :- بحبه ومش قادره اتقبل فكرة أنه يكون ليا عبدالرحمن من حقى انا يا ماما واترمت فى حضنها وقعدت تعيط
حكمت :- طبطبت عليها وقالت لا حولا ولا قوة الا بالله مش عارفه اقولك ايه بس يا بنتى ربنا يريح قلبك يا حبيبتى
~•~•~•~•~•~•~•~•~•~•~•~•~•~•~•~•
فى شقة مهند
بعد ما أكلت سمر ودخلت اوضتها دخل مهند المطبخ علشان ياكل ملقاش اكل دخل الاوضه عند سمر وقال
مهند :- هو انتى اكلتى الأكل كله
سمر :- انا اصلا كنت عامله اكل على قدى
مهند :- طيب وانا
سمر :- ادخل اعمل لنفسك مليش دعوه بيك
مهند :- خلاص مش عايز اكل وسابها وخرج
سمر :- صعب عليها اتنهدت وقامت من على السرير ودخلت المطبخ وعملت ليه سندوتشات وراحت حطتها ليه على الترابيزه
مهند :- ايه ده
سمر :- مش قولت جعان
مهند :- لاء خلاص هنام من غير اكل
سمر :- براحتك وسابته ودخلت اوضتها وقعدت على السرير وهى قلبها وجعها علشان مهند مأكلش قعدت تدعك فى ايديها وبعد وقت خرجت تتأكد إذا كان اكل ولا لاء لاقيته نايم والأكل جمبه اتنهدت بزعل وراحت عنده وخبطت على كتفه وقالت ا.ا.انت مهند يا مهند
مهند :- اممم
سمر :- قوم كل
مهند :- مش عايز
سمر :- لاء ما انت لازم تقوم تاكل
مهند :- مش عايز اطفح انا هنام
سمر :- كل الاول وبعد كده نام
مهند :- لاء
سمر :- يوووووه
مهند :- انتى عايزه ايه بالظبط مش اكلتى روحى نامى متشغليش بالك بيا وحط المخده على راسه
سمر :- مهند يا مهند وشدت المخده من على راسه وقالت قوم كل وحياة اغلى حاجه عندك واتفاجئت بمهند بيشدها ونيمها على الكنبه وبص فى عينيها وقال
مهند :- انتى اغلى حاجه عندى يا سمر
سمر :- حاولت تقوم معرفتش قالت اوعى يا مهند خلينى اقوم
مهند :- لاء ،ولما انتى بتحبينى أوى كده غاويه تعذبينى معاكى ليه
سمر :- مهند اوعى كده
مهند :- ردى عليا يا سمر ليه بتعملى معايا كده كرهتينى
سمر :- علشان انت كداب وغشاش روحت اتجوزت عليا انت كسرتنى يا مهند ووجعت قلبى
مهند :- والله انا عملت كده علشان اصلح غلطتى وعلشان الولد لما يكبر إنما هى بالنسبه ليا ولا حاجه انا بحبك انتى يا سمر
سمر :- لو كنت قولت ليا انك هتعمل كده قبل ما تتجوزها مكنتش هرفض مدام فيها مصلحه للولد لكن انت عملت كده من ورايا
مهند :- كنت خايف على احساسك يا سمر عارف انك كنتى هتوافقى بس قلبك كان هيكون مجروح قولت اعمل كده واطلقها تانى يوم من غير اى شوشره وهى اللى اترجت فيا كتير علشان اعمل كده بس هى طلعت شيطانه ونيتها كانت شر من الاول عمومآ يا ستى انا اسف اوعدك مش هعمل اى حاجه تانى من وراكى ننسى اللى فات ونبدء صفحه جديده ايه رأيك يا قلبى
سمر :- سكتت ومردتش عليه
مهند :- قولى موافقه بقى يا سموره انا مهند حبيبك
سمر :- بدلع موافقه بس تاكل
مهند :- بخبث ده انا هاكل اكل
سمر :- بتوتر ت.ت تقصد ايه
مهند :- قام وقف وشال سمر وقال اقصد هاكل بسبوسه بالقشطه وغمز ليها
سمر :- مهند بتكلم جد لازم تاكل السندوتشات دى كلها نزلنى بقى
مهند :- بضحك قال أنا عكس الناس احب احلى قبل الاكل ودخل الاوضه ونزل سمر فى الارض
سمر :- اوعى كده مش هتقرب منى غير لما تاكل
مهند :- شدها فى حضنه وقال يا بت قربك منى احسن من مليون اكل وقرب من شفايفها ولسه هيبوسها
سمر :- رجعت راسها لوراه وقالت بس برضه لازم تاكل
مهند :- بغيظ وحياة امك طب وربنا ما انا اكل دلوقتى ها ارتحتى
سمر :- انت بتتعصب عليا
مهند :- يا بت هموت عليكى وانتى مطلعه عين اللى خلفونى واللى نازل عليكى الأكل الأكل ،الأكل مش هيطير اركزى كده وعيشى اللحظه وقرب منها وباسها وبعد وقت بعد عن شفايفها وقال تصدقى انا جوعت ولسه هيمشى
سمر :- مسكته وقالت بدلع الأكل مش هيطير
مهند :- انا بهزر وانا مجنون علشان اسيبك وقرب منها و(سكتت شهرزاد عن الكلام الغير مباح)
~•~•~•~•~•~•~•~•~•~•~•~•~•~•~•~•~•
عند ادم
خرج من شغله وركب عربيته وهو متعصب ولسه هيمشى بيها لقه سلوى بتركب جمبه بصلها بغيظ وقال
ادم :- انزلى يا سلوى
سلوى :- مش هنزل غير لما تسمعنى الاول
ادم :- مش عايز اسمعك ولا اشوف وشك
سلوى :- لاء لازم تسمعنى علشان حياتك فى خطر ملك ناويه تخلص منك النهارده وانا مش مستعده اخسرك يا ادم
ادم :- ضحك وقال لاء صدقتك ومسكها من شعرها وقال كفايه تمثيل بقى انتى وس** زيها
سلوى :- بدموع وألم قول اللى تقوله واعمل فيا كل اللى انت عايزه بس ابوس ايدك صدقنى
ادم :- خلاص ماشى صدقتك غورى بقى من وشى
سلوى :- طيب أتأكد أن فرامل العربيه مربوطه
ادم :- نفخ وقال امشى يا سلوى
سلوى :- بدموع لاء
ادم :- كده ماشى وشغل العربيه ومشى بيها بسرعه جنونيه
سلوى :- غمضت عينيها بخوف
ادم :- زود سرعة العربيه اكتر
سلوى :- بدموع وخوف كفايه يا ادم بقى حرام عليك وحطت ايديها على بطنها وقالت هرجع والله
ادم :- زود السرعه اكتر
سلوى :- قعدت تصرخ وتضرب فيه علشان يوقف العربيه
ادم :- وقف العربيه وبص ليها بغيظ
سلوى :- نزلت تجرى من العربيه وقعدت ترجع
ادم :- شاف حالة سلوى نزل يجرى من العربيه وراح عندها وقال انتى كويسه
سلوى :- زقته وبعدته عنها وقالت ابعد عنى ملكش دعوه بيا وقعدت فى الارض وقعدت تعيط
ادم :- نفخ وقال لا والله وليكى عين كمان تتعصبى
سلوى :- بدموع انت ايه يا اخى اعترفت بغلطى ليك عايزنى اعملك ايه تانى بحبك وخايفه عليك وانت فى المقابل بتعذبنى حرام عليك ليييييه
ادم :- والله ومنتظره منى ايه بعد ما عرفت حقيقتك الوسخه انتى واختك ، بتحبينى ازاى وانا شايف قدامى نسخه من اختك ابعدى عنى وسبينى فى حالى انا عمرى ما هثق فيكى يا سلوى عمرى
سلوى :- وقفت وبصت ليه بدموع وقالت خليك عارف ان انا حبيتك بجد وعلشان كده قولتلك الحقيقه ومقدرتش اكمل الخطه معاهم والله هى دى الحقيقه ومش عايزه حاجه من الدنيا غير أن اشوفك انت وعمر كويسين وبصت فى عينه مده وفى الوقت ده رصاصه خرجت من مسدس و………….
~•~•~•~•~•~•~•~•~•~•~•~•~•~•~•~•
بعد مرور تسع شهور
فى شقة مياده
صحيت مياده من نومها وهى حاسه بطلق خفيف عندها قامت قعدت على السرير بتعب مروان حس بيها قام قعد جمبها وطبطب عليها وقال
مروان :- مالك يا حبيبتى
مياده :- بتعب تعبانه اوى يا مروان شكلى هولد النهارده
مروان :- تحبى نروح المستشفى دلوقتى
مياده :- لاء لسه بدرى ومسكت ضهرها وقالت بألم اااااه
مروان :- بقلق طيب ليه مش دلوقتى انتى شكلك تعبانه اوى
مياده :- ابتسمت ليه بحب وقالت المده اللى ما بين الطلقه والطلقه كبيره انا اول ما احس أن خلاص هولد هقولك ودينى المستشفى
مروان :- ماشى طيب اجبلك تاكلى
مياده :- لالالا مش هقدر بس صحى عامر واكله وانت كمان يا مروان أفطر
مروان :- انا مليش نفس هصحى عامر واكله
مياده :- لو بتحبنى أفطر يا مروان انا كويسه متقلقش
مروان :- انا مش بحبك انا بعشقك يا مياده وباس راسها وخرج من الاوضه
مياده :- قامت وقفت وحطت ايديها على ضهرها وقعدت تتمشى فى الاوضه بتعب
~•~•~•~•~•~•~•~•~•~•~•~•~•~•~•~•
فى شقة علياء
صحيت علياء من نومها وقعدت على السرير بقلق حس بيها مراد بصلها بأستغراب وقال
مراد :- علياء مالك يا حبيبتى
علياء :- مش عارفه قلقانه اوى على مياده حاسه انها تعبانه
مراد :- طيب ما طبيعى تكون تعبانه يا علياء لأن الشهر ده شهرها اللى هتولد فيه
علياء :- عارفه انا هتصل بيها اكلمها
مراد :- اعملى اللى يريح يا قلبى وسابها ودخل الحمام
علياء :- مسكت التليفون وطلبت رقم مياده وانتظرت الرد
مياده :- بتعب صباح الخير يا علياء
علياء :- صباح النور يا حبيبتى عامله ايه
مياده :- اهو الحمدالله شكلى هعملها النهارده
علياء :- بجد يعنى انتى تعبانه دلوقتى
مياده :- شويه وشويه
علياء :- قلبى كان حاسس انك تعبانه طيب انا هجيلك
مياده :- لاء خليكى علشان اللى فى بطنك يا حبيبتى انتى لسه فى أول شهور الحمل
علياء :- انا كويسه والله مش هقدر اقعد هنا وانتى تعبانه كده
مياده :- علشان خاطرى اسمعى الكلام يا علياء انا كويسه ولما أولد مروان هيطمنك فى التليفون
علياء :- بقلق ماشى يا مياده بس لو تعبتى اوى بالله عليكى خليه يتصل بيا
مياده :- حاضر
علياء :- ربنا يقومك بالسلامه يارب
مياده :- انا وانتى يارب باى
علياء :- باى وقفلت السكه مع مياده وفى الوقت ده انتهى مراد من تأدية فرضه بص لعلياء وقال
مراد :- اطمنتى عليها
علياء :- تعبانه وشكلها هتولد النهارده
مراد :- ربنا يقومها بالسلامه يارب
علياء :- يارب يا مراد يارب
مراد :- أهدى انتى بقى علشان اللى فى بطنك
علياء :- حطت ايديها على بطنها وقالت متقلقش اللى فى بطنى كويس
مراد :- قعد جمبها وحط ايده على بطنها وقال أنا فرحان اوى ان ربنا كرامنا بطفل تالت بس شعور ده مختلف خالص حاسس كأنى اول مره هكون اب
علياء :- مشيت ايديها على وشه وقالت علشان ده الوحيد اللى جه بعد شقى وتعب وحاجات كتير صعبه عشناها ده الوحيد اللى توج حبنا انا وانت يا مراد واكتملت احلى واجمل عيله فى الدنيا كلها
مراد :- ربنا يخليكم ليا وميحرمنيش منكم يارب
علياء :- ولا منك يا حبيبى يارب وابتسمت ليه
~•~•~•~•~•~•~•~•~•~•~•~•~•~•~•~•
فى فيلا ادم
صحى ادم من نومه على صوت تليفونه مسك تليفونه وبص فيه لاقها سلوى ابتسم بحب وقال
ادم :- واحشتينى
سلوى :-بحب صباح الخير
ادم :- مش مصدق نفسى انك النهارده هتبقى مراتى وفى حضنى
سلوى :- اتنهدت بحب وقالت ولا انا مصدقه ان بعد اللى حصل ده كله هنتجوز النهارده
ادم :- بحبك
سلوى :- ابتسمت بحب وقالت وانا بموت فيك
ادم :- هو لازم كتب الكتاب بليل ما تخليها دلوقتى يا سلوى
سلوى :- والله
ادم :- هموت واخدك فى حضنى يا بت
سلوى :- هو انت مفيش اى حاجه فى دماغك غير كده وبس
ادم :- بضحك هو فيه حاجه احلى من كده
سلوى :- ااااااادم
ادم :- عيون ادم
سلوى :- يا ابنى ما تجمد كده ايه شغل السهوكه ده
ادم :- اموت انا يا جميل
سلوى :- ضحكت وقالت مجنون والله
ادم :- مجنون بيكى طبعآ ما تجيبى بوسه
سلوى :- تصدق هتصدق أن شاءالله شكلى هعملك بلوك من كل حياتى بسبب قلة ادبك دى
ادم :- وهو ده كده قلة أدب اومال بليل هتعملى ايه احيه يا ابو سوسو احيه على اللى هتشوفيه منى ده انتى هتتقطعى يا سوسو
سلوى :- والله العظيم انت غلس ومتربتش باى وقفلت السكه
ادم :- قعد يضحك على سلوى وقال بحب انتى اجمل حاجه حصلتلى يا سلوى وكنت هضيعك منى بغبائى ونام تانى على السرير وقعد يفتكر اللى حصل من تسع شهور
فلاش بااااااك…………..
~•~•~•~•~•~•~•~•~•~•~•~•~•~•~•~•
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية فرصه استثنائية)
