رواية أرض الهلاك الفصل السادس 6 بقلم رشا منصور
رواية أرض الهلاك الجزء السادس
رواية أرض الهلاك البارت السادس
رواية أرض الهلاك الحلقة السادسة
نجم الدين ….
كنت مجهد من تعب اليوم ومحتاج أنام علشان أقدر أفكر فى اللى جاى وابتديت أنام ومحستش غير بأشعه الشمس ع وشي يااااه أنا نايم كل ده ولقيت السفينه وثابته ومش بتتحرك قومت مخضو’ص وطلعت ع سطح السفينه لقيت سفروت بيلعب مع صابرينا ولقيت أننا وصلنا بدايه الغابه السودة
وسمعت صوت ضرغام وفردت دراعي ولقيته جايب رساله من السلطان قرأتها ونزلت اوصلها ل قمرالزمان
بس استغربت. ان السلطان مجبش سيرة رسلان كنت متوقع إنه يكون مصدوم. ومش مصدق لكن واضح أنه عنده خلفيه عن الموضوع
قمرالزمان. …
كنت نايمه وسمعت صوت خبطت ع الباب قومت بسرعه خو’فت يكون الاخطبوط🐙 رجع تاني فتحت الباب لقيت نجم الدين وبيقولى رسالتك وصلت للسلطان وباعتلك دى
فتحتها لقيت فعلا ده خط ولدى السلطان فرحت أوى إن رسالتي وصلت له واطمن عليا
وحسيت بحر فظيع نفسي أعوم في البحر بس بصراحه مبعرفش وطلعت ع السطح فضلت انادى ع البنت اللي شكلها غريبه وبتعوم مع الحوت 🐋 ولقيت نجم الدين قالي عاوزة منها إيه قولتله عاوزة أنزل البحر ومبعرفش أعوم وعوزاها تساعدني
نجم الدين …
صابرينا تعالى قربي أنتي وسفروت وشيلت الأميرة قمرالزمان ورميتها فى البحر وطبعا صر’خت بس نزلت وراها علشان تطمن وشيلتها وقعدتها ع سفروت وفضلنا أنا وصابرينا نعوم حواليها ولأول مرة أشوف ضحكتها خطفت’ قلبي لكن يا خسارة ياريتك ما كنتى أميرة كان زمانى اخدتك وروحنا بعيد عن كل الناس
ياسمين….
فضلت سهرانة طول الليل وأنا ع 🔥 هتجنن عاوزة أعرف شكلها إيه دى اللى فضلها عليا ولا يمكن خالتي بتضحك عليا
طلعت البلورة السحريه اللى مخبياها من أبويا وعزمت عليها علشان أشوف نجم الدين ولقيته بيعوم فى البحر ما صابرينا وبنت من الأنس وشكله مبسوط معاهم
يعنى أنا خايفه من انسيه الاقي معاه كمان جنيه ودى صاحبته من زمان يعني ممكن يتجوزها ووقتها هيرضي امه
او يتجوز الانسيه وفى الحالتين هيبعد عني لكن لآ أنا مش هسمح بكدا أنت من حقي أنا وبس يا نجم الدين وإلا الموت’ هيكون مصيرك. زى ما هتكسر’ قلبي هكسر’ك انت كمان
رسلان….
فضلنا ماشين لحد ما وصلنا جنوب أرض النعمان والخدم نصبو’ا الخيام والحر’س فضلوا صاحيين بيبدلوا مع بعض ورديات علشان الذئاب🐺 الموضوع شكله مش سهل وده اللى هطلعه عليك يا نجم الدين بقي أنا أنام ع الأرض وسط الجبال
سرحان…
كنت قلقان مش قادر أنام ياتري رسالتي وصلتك يا نجم الدين ع الله تكون فى أمان انت وقمرالزمان
سامحني يا صاحبي مكنتش عارف اللى ناوي عليه رسلان
السلطان لقمان….
لأول مرة من وقت خطف’ بنتي أقدر أنام من بعد ما اطمنت عليها
بس لازم أفهم إيه علاقه كهرمان ب رسلان
قومت وجهزت وروحت ع القاعه الكبيرة وأمرت ان يحضروا لي كهرمان وأول ما حضرت
كهرمان….
مولاي السلطان يا ترى فى اى أخبار عن مولاتى قمرالزمان أتمني تكون فى أمان
السلطان لقمان….
أنا مطمن مدام رسلان هو اللي بيطا’رد القرصا’ن أصله بيحبها من زمان بس مش عارف ليه رسلان كان مصمم ينقلك إنتي وكل الوصيفات لقصر الأمير بلهان كان بيقول إنك السبب وراء رفض الأميرة الزواج منه
كهرمان….
الأمير رسلان عاوز يبعدنى من هنا واسيب الأميرة 😔
السلطان لقمان…
أنا متأكد من حبك ل قمرالزمان علشان كدا فكرت بعد جواز الأميرة اجوزك ل لأحد الحرا’س وقتها طبيعي تقعدى هنا مع جوزك ومهرك هديه مني افرحي يا كهرمان انصرفي دلوقتى واستعدى يا عروسه
كهرمان….
انصرفت وأنا مش عارفه أعمل إيه أتجوز ازاى وكمان واحد من الحرا’س أنا كدا أتحكم’ عليا بالاعد’ام
أخص عليك يا رسلان لكن أنا مش همو’ت لوحدى يا جبا’ن
نجم الدين….
طلعنا من البحر بعد ما الأميرة استمتعت بوقتها وكان كل تفكيري هعمل إيه مع عمى عفان ولا ياسمين لو شافت قمرالزمان أنا بفكر اسيبهم ع الشط هنا واروح امهد الكلام معاه يمكن يلاقي لنا مكان نستخبي’ فيه
ياااا رجاله استنوا هنا انتوا فى أمان ومعاكم صابرينا وسفروت كمان ع ما أشوف لنا مكان ممكن نرتاح فيه يومين
قمرالزمان. …
خدنى معاك أرجوك مينفعشي تسيبني لوحدى مع كل دول وصدقني مش هضايقك خالص ولا هتسمعلي صوت
نجم الدين…
إنتي مش فاهمه يا أميرة أنا هفضل الف فى المكان ولسه مش عارف ممكن أقابل إيه هنا من الأخر دى أرض الساحرة يعني فى خطر’ عليكي وجودك مع صابرينا هيكون أمان
ونزلت من السفينه واخدت معايا ضرغام وحمدان ما هو عارف عمي عفان وعارف اعتراضه إنى اكون بحار خا’يف عليا من البحار مع إنه عارف إني هجين والجان المائي بيساعدنى بس أنا واثق أنه قلقان من إنى أتجوز منهم وابعد عنه وانساه
وفضلت ماشي بين الأشجار ورغم أننا بالنهارإلا ان بسبب الأشجار الكثيفه هتحس أنك بالليل ويمكن ده سبب لتسميتها بالغابه السوداء وفضلنا كدا لحد ما وصلنا نص الغابه وابتدى النور يظهر والبيوت والسكان وكنت معروف بين السحار اللى هناك
ووصلت عند بيت عمي عفان ولقيت ياسمين واقفه ع الباب
ياسمين….
أهلا يا ابن عمي اخبارك إيه أزيك يا حمدان ده عمك هيفرح آوى بقدومك تعالوا اتفضلوا حالا هجهز الفطور
حمدان….
غريبه أول مرة ياسمين ترحب بوجودي وكمان بتقولك يابن عمي اومال فين كلام الحب اللي كانت بتستقبلك به تفتكر ناويه تتجوز واحد غيرك ولا تكون وردشان قالت لها عن وجود قمرالزمان 😮
نجم الدين….
أنا مش مطمن خلينا نشوف عمي ونكلمه الأول
عفان…..
أخيرا يا نجم الدين افتكرت عمك بقالك سنه كامله متفكرش تيجي تشوفني وياتري إيه اللي فكرك بيا زيارة ولا وراك مصيبه’
نجم الدين….
أنت ع بالي ع طول يا عمي اتفضل زهور التعبان جبتهالك مخصوص عرفك بتتستخدمها فى شغلك وبعد ما ياسمين قدمت لنا الفطور قولتله عمي أنا معايا البحارة بتوعي وضيفه فى حما’يتي وكنت عاوز مكان بعيد نقعد فيه
عفان….
ضيفه تطلع مين دى يابني واستغربت لما قالي قمرالزمان بنت السلطان لقمان
ياااااه هى قمرالزمان كبرت والله السنين بتمر وبتعدي وعاوز تحميها من مين وأيه اللى خلاها تسيب القصر وتركب السفينه معاك
نجم الدين ….
حكيت له كل الحكايه واستغربت لما لقيته بيقول ياا ااا الزمن بيعد نفسه رسلان طالع خسيس’ ل أبوه ولما سألته
أنت تعرفهم يا عمي منين هو أنت كنت من سكان الجزيرة
عفان….
بعدين المهم دلوقتى أنك تحميها. روح هات ضيفتك والبحارة بتوعك يابني يأخدوا واجبهم الأول وبعدين نفكر فى مكان
ياسمين….
تسمح يا ابن عمي أنا سمعت كلامكم أنت ازاى عاوز تسيب بنت تقعد فى وسط الرجاله روح هاتها هنا وولدى يبقي يلاقي مكان لرجالتك يقعدوا فيه وهى هتقعد معايا فى أوضتي
ولا إيه رأيك يا ولدى
عفان. ..
والله يابنتي كلامك مظبوط ع الأقل انتوا بنات زى بعض لو احتاجت حاجه مش هتكسف منك يلا قومى جهزى اوضتك واعملي اكل للضيوف وانت يا نجم الدين يلا قوم مضيعش وقت
نجم الدين….
استغربت من كلام ياسمين من امتى وهى طيبه كدا أكيد وراها حاجه بس حاليا مافيش قدامى حل غير إنى اسمع كلامهم واخدت معايا حمدان ورجعت للسفينه وقولت ل صابرينا أنا مش مطمن من ياسمين ياريت تفضلي قريب من هنا يمكن اسيب المكان
قمرالزمان. …
نجم الدين قال أننا هنروح عند عمه نرتاح وبعد كدا يشوف لنا مكان نقعد فيه ولقيته قالي اطمني انتي هتفضلي فى بيت عمي مع ياسمين بنته هى تقريبا من نفس سنك
صفوان…..
قعدنا طول الليل فى الصحراء. وأول شروق الشمس ابتدينا نمشي بين الجبال وشايف الذئاب🐺 حوالينا ونفسي ارمي لهم رسلان بس صابر لحد ما اوصل للأميرة
المشكله أنى مقدرتش اخد الحمام الزاجل معايا ولو حصل اى حاجه مش هعرف أبلغ السلطان
سرحان….
اسمحلي يا مولاى إيه السبب اللى يخليك تمشي بين الجبال وع رجليك اوعي تقولى الحب أكيد فى سبب تاني
ولو ع العر’ش ما سهل ندفع الفد’يه وناخد الأميرة وتفوز بالجوازة وتضمن الور’ث من غير تعب
رسلان….
انت مش فاهم حاجه يا سرحان أنا هدفي دلوقتي بقي نجم الدين أنا محدش يضحك عليا ولو ع الأميرة متهمنيش وكرسي السلطان ده حقي أنا لوحدى ومش من حق لقمان ولازم احسر قلبه عليه واندمه ع كل اللي فات أنا قلبي محر’وق منه هو السبب إنى اعيش يتيم
هو اللى مو’ت أبويا علشان يكون هو السلطان عرفت ليه يا سرحان الكرسي ده من حقي أنا😔😓
سرحان….
اتفاجأت من كلام رسلان وقولت له دلوقتي بس فهمت ليه مش فارق معاك حياة الأميرة مع أنها ملهاش ذنب
رسلان….وأنا كان ذنبي إيه لما عيشت حياتي من غير اب
نجم الدين ….
مشينا كلنا ووصلنا بيت عمي عفان ووقفت الأميرة فى البستان وسط زهور الزعفران كانت أجمل زهرة بينهم ولقيت ياسمين واقفه تبصلها وتضحك لها ولقيتها قالت
اهلا يا قمرالزمان دى أنتي أحلي من الوصف اللى قاله نجم الدين
عليكي👀👀 نعم وأنا هوصفهالك ليه كنتى هتجبيلها عريس
ع فكرة يا ياسمين من قو’انين الجزيرة. ان الاميرة لازم تجوز أمير او سلطان يعني اللى بتفكري فيه ولا ينفعها ولا هو ناوى يتجوز أصلا شيلي الموضوع ده من دماغك خالص
ياسمين…. مش هشيله وهيحصل وبكره تقول ياسمين قالت
قمرالزمان. .. .
فهمت من الكلام ان ياسمين عينها من نجم الدين وهو مش عاوزها بصيت ل ياسمين وقولت لها أنا بنت السلطان يعني اللي هتجوزه لازم يليق بيا وأنا هنا علشان رسلان إبن عمتي هيمو’ت عليا وأنا اللى مش عوزاه وبصراحة العرسان كتير اوى فى الاسرة الملكية’ بس المهم عندى أنا عاوزة مين
ياسمين …
هى حصلت يا بنت السلطان تلقحي عليا بالكلام طب أنا بقي اللى هبعتك للجحيم” علشان تبقي تعرفي تتكلمي ازاى مع ياسمين
بصيت لهم وقولت منورة يا قمرالزمان اتفضلي يلا يا جماعه الأكل جاهز
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية أرض الهلاك)
