رواية فتاة انحنت من أجل الحب الفصل الرابع والأربعون 44 بقلم دودو محمد

فى شركة امير
دخلت زهراء وهى متوتره المكتب عند امير وقالت
زهراء/ الحق يا أمير عاطف عرف أن انا نزلت الشركه ونازل مصر من غير ما يكمل علاجه انا خايفه اوى شكله مش ناوى على خير
امير / أهدى يا زهره متخفيش
زهراء / اهدا ايه مراته بتقولى اتعصب لما عرف أن انا نزلت الشركه معاك يعنى اكيد هيكون ناوى على شر
امير / انا كده اتأكد
زهراء / اتأكد من ايه
امير / عاطف كان بيراقبنا يا زهره
زهراء / وانت عرفت ازاى
امير / بشوف عربيه بتمشى ورايا تملى من بعيد وشكيت أن عاطف بيراقبنا ونزلتك الشركه النهارده علشان اعرف اذا كان بيراقبنا ولا لاء والتليفون بتاع مراته ده أكد كلامى واكيد عرف أن احنا عرفنا موضوع ريان وسهى
زهراء / اه صح انت عرفت ازاى بموضوع ريان وان سهى بتروح عنده
امير / مش انا قولتلك أن مخلى ناس تمشى وراه وتراقبه من غير ما يحس
زهراء / ايوه
امير / بس صورو سهى وهى طالعه عنده وبعتو ليا الصور وأتصدمت لما شوفتهم انا كنت أتصور اى حاجه غير أن سهى كانت لسه على علاقه بريان وتعرف أنه عايش وأتصدمت اكتر واكتر لما سمعت اعترافها وبعد كده بعت ناس جابو ريان المخزن وضربوه وكتفوه والباقى انتى عارفه
زهراء / انا اتصدمت اكتر منك بجد عمرى ما كنت أتخيل أن هقابل ناس بالشر ده بس لسه الخوف من عاطف
امير / أهدى وخليكى معايا ولما ينزل انا اللى هقف ليه
زهراء / بدموع خايفه عليك انا ممكن استحمل اى وجع فى الدنيا بس مقدرش استحمل اى حاجه فيك
امير / مسك ايديها وقال متقلقيش ربنا أن شاءالله هيقوينى عليه لان هو شيطان ظالم وربنا ميرضهوش الظلم
زهراء / يارب يا أمير يارب
امير / مسح دموعها وقال وحياة عيونك الحلوين دول هنخلص من عاطف ونعيش احلى سنين عمرنا مع بعض وقرب شفايفه من راسها وبسها برقه وقال ربنا يخليكى ليا
زهراء / بعدت عنه وقالت بكسوف احم ا ا انا طالعه بره عايز حاجه
امير / اه عايز عايزك تبقى جنبى علطول
زهراء / هههههههههه انا طول النهار معاك فى المكتب لا انت شوفت شغلك ولا انا شوفت ورايا ايه ههههههههههه
امير / هههههههه وبرضه مشبعتش منك نفسى ادخلك جوه حضنى مطلعكيش ابدآ منه
زهراء / احم ع.ع.عن اذنك انا طالعه وراحت عند الباب وفتحته ولسه هتطلع
امير / زهره
زهراء / بصت ليه وقالت نعم
امير / بحبك يا احلى ضحكه فى حياتى
زهراء / ضحكة ليه بكسوف وخرجت وقفلت الباب وراها وراحت قعدت على المكتب وقالت وانا بموت فيك يا كل عمرى
_____________________________
فى المدرسه عند روز وعبير وجهاد
انتهى وقت المدرسه وقعدو التلاته مع بعض عبير بصت لجهاد وقالت
عبير / بتوتر جهاد احم ك.ك.كنت عايزه أسألك سؤال
جهاد / اسألى
عبير / احم ك.ك.كان فيه واحد انا خبط فيه فى الفرح اسمه باين حسن أو حسين اه اسمه حسام
جهاد / بأستغراب حسام انا معرفش حد بالاسم ده بس ما علينا ماله
عبير / هو يبقى ابن عم مرات اخوكى
جهاد / مالو يعنى
عبير / ك.ك.كنت عايزاكى تعرفى منها كل حاجه عنه
جهاد / بصت لروز بأستغراب وبعدين بصت لعبير وقالت وانتى عايزه تعرفى كل حاجه عنه ليه
عبير / ها ا.ا اصل يعنى حصل موقف معانا فى الفرح وقعدنا نتكلم مع بعض شويه وحسيت أن هو دمه خفيف وشاب لذيذ فى نفسه كده فكنت عايزه اعرف كل حاجه عنه
روز / وانتى اى شاب تقعدى تتكلمى معاه شويه ويعجبك تعملى عليه تحريات وتدورى وراه وتعرفى كل حاجه عنه
عبير / لا والله بس انا اول مره اتكلم مع حد واحس معاه بالشعور ده الصراحه مكنتش عايزه اسيبه وامشى بس اتكسفت اقف اكتر من كده يقول عليا وقعه ولا حاجه
جهاد / عمومآ انا معرفهوش ولا حتى اعرف شكله ايه بس هسألك ساره عليه
عبير / حضنتها وقالت بفرحه بجد انا بحبك اوى يا جوجووووو
جهاد / ههههههههه مجنونه
روز / لا دى رايحه منها على الاخر وانا اللى كنت بقول عليكى يا جهاد مجنونه ده انتى جنبها ست العاقلين
عبير / ههههههههه طيب والله العظيم انتو الاتنين غلسين ودمكم تقيل
جهاد / والله ما حد دمه تقيل غيرك احمدى ربنا وبوسى ايدك وش وضهر اننا مستحملينك
عبير / هه خفه ايه رأيك فى الكلام ده يا رورو
روز / انا من رأى اتلم تنتن على تنتون واحد نتن والتانى انتن منه
عبير / ها انتى متأكده أنك كنتى عايشه بره مستحيل اصدق فيه واحده اتولدت وعاشت فى أمريكا وتقول الكلام ده تنتن نهارك اسود ومنيل
روز / ههههههههههه لاء انا هبهرك ده انا اتعلمت شوية كلام يودى فى داهيه اقسم بالله ودى اخرت اللى يعرف اشكال زيكم هههههههههه
جهاد / لاء يا بت اعمليهم عليا ده انتى تموتى لو بعدنا عنك بلاش تعملى فيها البت التقيله احسن شكلك هيبقى وحش اوى
روز / احم الصراحه انا مقدرش اعيش من غيركم انا بقعد معاكم اكتر ما بقعد مع اهلى وبعتبركم اخواتى بالظبط عوضونى عن حرمان الاخوات بموت فيكم والله العظيم
عبير / والله العظيم نفس شعورى معاكم بحس بحاجه مختلفه مش مجرد اصحاب وخلاص بحس معاكم بفرحه وحب الاخوات
جهاد / بس بقى احسن انا دمعتى قريبه ولو انفتحت فى العياط هغرق ليكم المدرسه هنا مش مسؤوله عن اللى هيحصل
عبير / يخربيتك يا جهاد متعرفيش تبقى جد مره واحده
جهاد / الجد هالله هالله عليه والهلس فى دمى وانا اعمل ايه ههههههههه
روز وعبير / ههههههههههههههه
وفى الوقت ده جه سامح
سامح / روز يلا بينا
روز / دلوقتى طيب خلينا شويه
سامح / كلمه واحده قومى يلا
روز / وقفت بعصبيه وقالت يووووو بقى
سامح / يلا يا جهاد اوصلك معانا
جهاد / لاء يا مستر روح انت روز وانا هروح مع عبير
سامح / يا بنتى ما تيجى معانا اروحك على سكتنا
جهاد / شكرآ يا مستر هروح مع عبير
سامح/ اللى يريحك وبص لروز وقال يلا
روز / بصت ليه بغيظ ومشيت قدامه
عبير / ههههههههه روز منظرها تحفه وهى متعصبه كيوت خالص وربنا هههههههههههه
جهاد / شبه تويتى بالظبط اوزعه وتخبط رجليها فى الارض وتتعصب شبه الارنوب ههههههههههههه بس عسوله بنت الايه
عبير / ده على اساس انك طويله وماشيه تخبطى فى السقف
جهاد/ لاء ما انا اوزعه برضه بس على اجرامى شويه يعنى شكلى باين عليه انى عصبيه إنما هى كيوت وملامحها هاديه واوزعه لما بتتعصب بتبقى شكلها تحفه هههههههههههه
عبير / وانتى عسل يا جوجو والله
جهاد / ربنا يجبر بخاطرك يا شابه يلا بينا يا طويله
عبير / هههههههههه يلا وخرجو الاتنين من المدرسه وهما ماشين سمعو صوت اسلام
اسلام / عبير يا عبير
عبير / اسلام ايه جابك
اسلام / وهو بيبص على جهاد قال جيت اوصلكم
جهاد / طيب روحى انتى يا عبير انا ماشيه
اسلام / جهاد استنى اروحك معانا
جهاد / مش هركب مع حد يا عبير
اسلام / جهاد متبقاش دماغك ناشفه اركبى اوصلك
عبير/ تعالى يا جهاد اركبى معانا
جهاد / لاء انا ماشيه
عبير / خلاص هاجى معاكى
جهاد / براحتك
اسلام / بعصبيه بقولكم ايه انتو الاتنين اركبو يلا
جهاد / قولى ليه ان انا مش هخاف من الشويه دول وميتعبش نفسه لان لو انطبقت السما على الأرض مش هركب معاه العربيه
عبير / ها ما هو سامع
اسلام / مسكها من دراعها وقال جهاد بلاش تزوديها اكتر من كده غلط فى حقك عارف بس عرفت غلطى وغيرت حياتى علشانك سامحينى بقى
جهاد/ للمره الالف اقولك متلمسنيش لو سمحت وهو هو نفس الكلام انسى أن انا اسامحك مهما تعمل وعلى فكره بقى احتمال اتخطب قريب اوى متتعبش نفسك كتير على الفاضى
عبير / خلاص يا اسلام سيبها دلوقتى
اسلام / داس على دراع جهاد جامد وقال اللى يفكر يقرب منك هنسفه من على الارض وانتى ليا انا يا جهاد وبتاعتى انا ولو عايزه تشوفى الوش التانى بتاع زمان فكرى تتخطبى لغيرى
جهاد / بألم سيب ايدى يا حيوان وهتخطب يا اسلام واللى عندك اعملو
اسلام / قرب وشه لوشها وقال بعصبيه يبقى انتى اللى جبتيه لروحك
عبير / اسلام اهدا مش كده وانتى يا جهاد بلاش تزوديها الناس هتتفرج علينا
جهاد / بعصبيه قولتلك سيب دراعى
اسلام / ساب دراعها ومره واحده شالها وراح بيها عند العربيه
عبير / اسلام انت بتعمل ايه
اسلام / بعصبيه مسمعش حسك ومتدخليش فاهمه
جهاد / انت بنأدم همجى وواطى وزباله ومهما تعمل عمرك ما هتتغير وحاولت تفلت منه
اسلام / انا بقى هوريكى اسلام القديم
جهاد / نزلنى يا حيوان
عبير / يا اسلام فوق واهدا الأمور كده هتتعقد اكتر
اسلام / قولتلك متدخليش وحط جهاد فى العربيه وقفل الباب
جهاد / حاولت تفتح الباب وتنزل معرفتش قعدت تخبط على ازاز العربيه
اسلام / بص لاخته وقال اركبى
عبير / بقلة حيله حاضر وركبت العربيه معاهم
اسلام / شغل العربيه ومشى بيها
جهاد / حاجه مش جديده عليك ما انت قبل كده خطفتنى بس المره الفاتت خرجتك منها إنما المرادى
هوديك فى داهيه
اسلام / ماشى بالعربيه ومش بيرد عليها
جهاد / رد عليا يا حيوان انا بكرهك بكرهك وقعدت تضربه على كتفه
عبير / أهدى يا جهاد اسلام بيحبك ومستحيل يأذيكى بس هو متعصب شويه
جهاد / وانا مش بطيقه خليه ينزلنى مش طايقه ابقى معاه فى مكان واحد
عبير / حاضر يا جهاد بس اسكتى شويه علشان ميتعصبش اكتر من كده
جهاد / ده بارد جبله بشتم فيه وبضربه وهو ولا هنا ماشى بالعربيه ولا هامه الكلام
عبير / اسلام رد علينا
اسلام / ساكت ومش بيرد عليهم ووصل عند الفيلا بتاعتهم وقال انزلى يا عبير
عبير / ها ط.ط.طيب وجهاد
اسلام / ملكيش دعوه انزلى
جهاد / مسكت فيها وقالت رجلى على رجليها
اسلام / عبيرررررررر انزلى يلا
جهاد / اوعى تنزلى يا عبير
اسلام / نزل من العربيه وفتح الباب اللى جنب عبير وشدها من دراعها نزلها
عبير / ط.ط.طيب انت ناوى على ايه
اسلام / ادخلى الفيلا جوه ومتتحركيش منها فاهمه ورجع ركب العربيه وشغلها ومشى بيها
جهاد/ يا ناس الحقونى انا مخطوفه الحقووووونى
اسلام / ماشى بالعربيه ومش بينطق
جهاد / عااااااااااا بارد وقربت من كتفه وعضته
اسلام / ااااااااه يا بنت العضاضه
جهاد / نزلنى يا بارد بكرررررررهك بكررررررررهك
اسلام / وقف العربيه على جنب مره واحده
جهاد/ راسها اتخبطت فى الكرسى من الوقوف المفاجئ
اسلام / مسمعش نفسك فاهمه
جهاد / ااااااه يا حيوان انت مستحيل تكون بنأدم وحرام اشبهك بالحيوان ابقى ظلمت الحيوان حتى الزباله ببقى بظلمها لأنها انضف منك
اسلام / خلصتى مسمعش صوتك تانى بدل ما اعمل حاجه اندم عليها
جهاد / نزلنى يا باااااااارد
اسلام / نزل وفتح الباب وشدها نزلها وركبها جنبه من قدام وقفل الباب وراح ركب العربيه تانى وشدها فى حضنه وقال جهاد قولى انك كنتى بتغظينى بموضوع الخطوبه دى وان ده مش هيحصل
جهاد/ نفسها سرع من قربها ليه بس حاولت تتمالك نفسها وزقته وبعدت عنه وقالت وانا هغيظك ليه فعلا انا هتخطب لقريب بابا
اسلام / داس على سنانه وقال جهاد لآخر مره بقولك متعصبنيش
جهاد / الله مش بقولك الحقيقه نزلنى بقى
اسلام / مسك ايديها وقال ارجوكى يا جهاد بلاش تقولى الكلام ده لان مجرد فكرة أن الكلام ده حقيقى بيجنينى ولو حد فكر يقرب منك يبقى جنى على نفسه
جهاد / والله انا حره اتجوز اللى عايزه اتجوزو حاجه ملكش دخل فيها
اسلام / جهاد جهاد جهااااااااد لآخر مره بطلب منك متعصبنيش
جهاد / هووووف وبصت من الشباك
اسلام / عاااااااا اعملك ايه تانى قولتلك أن غلط مفيش حد مش بيغلط وانا اتعلمت من غلطى واتغيرت علشانك حبك فى قلبى من زمان يا جهاد بس لأنك بنت نضيفه مكنتش بقرب منك علشان موسخكيش بقذرتى بس لما حسيت أن الطريق اللى ماشى فيه ده هيكون سبب ضياعك منى وان عيونك كانت بتنادينى لما خطفتك بعد عن الطريق ده واتغيرت علشانك ومستعد اضحى بعمرى كله فى سبيل ضحكه حلوه منك ليا
جهاد / والله مره واحده كده طلعت كنت بتحبينى بلاش كدب ارجوك
اسلام / جهاد لو تفتكرى نظراتى ليكى لما كنت باجى عندكم الفيلا وانتى صغيره كنت بحس فيكى حاجه بتشدنى ليكى كنت بحب ابصلك تملى وكنت تملى قاعد عندكم بسببك ولما بعد شويه عنك وعن اخوكى واتجهت لطريق التانى كانت تملى صورتك بتيجى قصاد عينى بليل وانا نايم على السرير بس كنت بحاول ابعد صورتك عنى علشان مقربش منك واذيكى ولما قابلتك فى المدرسه وشوفت انك كبرتى وبقيتى احلى من الاول بكتير وشوفت نظرت عيونك اللى بحس فيهم بسحر غريب بحس انها دوامه وبتسحبنى ليها مقدرتش أقاوم اكتر من كتر وقلبى بدء يسلم ليكى ولما خطفتك وحاولت أثبت لنفسى عكس كده مقدرتش وأتأكد ساعتها أن انا بقيت اسير عيونك ومش قادر اشوف غيرك وبدأت ابقى انسان جديد من تانى انا اتولد على ايدك بقيت واحد مش عايز حاجه من الدنيا غير وجودك جنبه وبس
جهاد / مش قادره اصدقك يا اسلام اللى بيحب بجد عمره ما يقدر يوجع اللى بيحبه وانت كنت تملى توجعنى حتى لو مكنتش بتجرحنى جرح مباشر بس وجودك جنب غيرى كانت بتموتنى وانت كنت عايش حياتك مع كل واحده شويه يعنى شوف كنت بتموتنى كام مره لو بتحبنى بجد مكنتش فكرة تأذينى نفسيآ وجسديآ انا مش قادره اسامحك يا اسلام ودموعها نزلت منها وقالت ولا قادره اكرهك
اسلام / مد أيده ومسح دموعها ومسك ايديها وبسها وقال حقك عليا انا واحد حيوان زى ما قولتى انا فعلا مستهلش واحده زيك فى حياتى انا حمار علشان اكون سبب دمعه واحده من عنيكى ودموعه نزلت منه
جهاد / سحبت ايديها منه وحاولت تمد ايديها تمسح دموعه بس مقدرتش قفلت ايديها ورجعتها تانى مكانها وبصت من الشباك وقالت ارجوك نزلنى
اسلام / بصلها بدموع وقال هروحك
جهاد / مردتش عليه
اسلام / جهاد ممكن تبصيلى
جهاد. / مبصتش ليه
اسلام / سحب وشها ليه وبص فى عينيها وقال جهاد سامحينى تعالى ننسى اللى فات ونفتح صفحه جديده كلها حب وسعاده وانا اوعدك هكون ليكى نعم الزوج والسند ومش هخليكى تندمى عمرك على قرارك ده وعمرى ما هفكر ازعلك واكيد انتى حاسه بصدق كلامى انا بحبك لاء انا بعشقك بعشق التراب اللى بتمشى عليه وحبك ده حاجه غاليه عليا اوى
جهاد / حست بصدق كلام اسلام غمضت عينيها وقالت ممكن تروحنى
اسلام / اتنهد وقال مش هضغط عليكى هسيبك تفكرى فى كلامى وهستنا ردك فى اى وقت بس بلاش ارجوكى تختارى البعد لأنك كده هتكونى حكمتى عليا بالموت وشغل العربيه وصلها على الفيلا بتاعتها وراح على الفيلا بتاعتهم
_____________________________
عند روز وسامح
روز / كانت متعصبه ان سامح خلها روحت وسابت جهاد وعبير
سامح / ممكن افهم مالك
روز / بعصبيه مفيش
سامح / هو ايه اللى مفيش انتى مش شايفه منظرك عامل ازاى
روز / لاء انا منظرى كده اذا كان عجبك
سامح / روز اتكلمى عدل علشان متعصبش عليكى
روز / يعنى هتعمل ايه هتضربنى مثلا علشان بقيت جوزى وجو الرجاله الهماجيه ده
سامح /بعصبيه روز لمى لسانك احسن اقسم بالله اخليكى تندمى ندم عمرك على كل كلمه بتقوليها دى
روز / بدموع بدأنا شغل التحكم بقى
سامح / لا إله إلا الله يعنى انت عايزه ايه دلوقتى
روز / طلقنى يا سامح
سامح / نعم يا اختى
روز / طلقنى بقولك
سامح / غورى ابت بلاش لعب عيال
روز / ايه غورى دى لم نفسك
سامح / داس على سنانه وقال امشى يا روز ادخلى جوه
روز / لاء مش ماشيه
سامح / مسكها من دراعها ودخلها الفيلا ودخل معاها وقال السلام عليكم
سليم / وعليكم السلام ايه ده فى ايه
سامح / مفيش يا عمى بعد اذنك هطلعها اوضتها
سليم / اه طبعآ خد راحتك البيت بيتك انت مش غريب انت جوزها
سامح / شكرآ يا عمى وطلع هو وروز الاوضه بتاعتها وحدفها على السرير بتاعها
روز / بدموع ااااااه
سامح / فيكى ايه بقى مالك ايه غيرك كده ما كنتى الصبح حلوه ومفيش حاجه ولا عبير لعبت فى دماغك قلبتك بالطريقه دى
روز / بصت ليه بدموع ومردتش عليه
سامح / متبصيش كده وانطقى
روز / انت اللى اتغيرت مكنتش كده معايا قبل كتب الكتاب بقيت قاسى عليا اوى
سامح /والله وانتى لحقتى تشوفينى اذا كنت قاسى عليكى ولا لاء احنا لسه مكتوب كتابنا امبارح انتى اللى عايزه تمشى اللى فى دماغك وخلاص
روز / لاء طريقتك اتغيرت معايا النهارده مكانش بيهون عليك تزعلنى
سامح / اتنهد وبص الاتجاه التانى وقعد جنبها وقال بهدوء يا روز اعقلى انتى المفروض تتصرفى تصرفات ناس كبار مش اطفال احنا دلوقتى غير الاول دلوقتى انا جوزك ومن واجبك تحترمينى زى ما لازم انا احترمك ولازم تسمعى كلامى إنما شغل العيال ده مش هينفع والدلع ده ليه وقته مش مطلوب طول الوقت واحنا هنعيش عمرنا كله مع بعض مش يوم ولا اتنين ومش اى حاجه تحصل اذا كانت كبيره ولا عبيطه تطلبى الطلاق انتى بكره تكونى ام ومسؤوله عن اطفال ولازم تخدى بالك من كلامك وتصرفاتك لأنك هتكون قدوه ليهم
روز / ربعت ايديها على صدرها وقالت انت مش بتاخد رأى انت عايز تأمر وبس يعنى مسألتنيش اذا كنت عايزه اقعد شويه مع جهاد وعبير ولا لاء قولتلى يلا يا روز بتأمرنى ولازم انفذ كلامك من غير ما اقول ولا حرف صح
سامح / روز انا اصلا مش حابب موضوع تقربك من عبير بس سايبك براحتك علشان متقوليش الكلمتين دول وبعدين يا روز مين أهم عندك انا ولا جهاد وعبير
روز / انتو التلاته غاليين عاليا ومقدرش اعيش من غيركم
سامح / بزعل كده يا روز وانا كنت مفكر أن انا اغلى حاجه عندك زى ما انتى اغلى حاجه عندى
روز / ما انت اغلى حاجه عندى انت جوزى حبيبى وعمرى وكل دنيتى وهما اصحابى واخواتى والدنيا من غيرهم متسواش
سامح / عمومآ ماشى يا روز بس ارجوكى اعقلى شويه وبلاش الزعل اللى على الفاضى والمليان
روز / هزت راسها بمعنى ماشى
سامح / وقف وقال ربنا يهديكى
روز / رايح فين كده
سامح / ماشى
روز / لاء مش تمشى خليك اتغدا معايا
سامح / لاء علشان ماما لوحدها
روز / خلاص خدنى اتغدا معاكم وابقى روحنى بليل
سامح / لاء خليكى شوفى مذاكرتك
روز / يوووه بقى مليش دعوه انا عايزه اروح معاك
سامح / حط أيده على وشه وقال ولا كأنى قولت حاجه
روز/ يلا بينا
سامح / يلا بينا فين انا لسه قايل ليكى اعقلى وبلاش شغل الاطفال ده انا تعبت بجد
روز / راحت عنده ولفت ايديها حاولين دراع سامح وبسته فى خده وقالت علشان خاطرى يا سموحتى خدنى معاك انا مش رورو مراتك وحبيبتك
سامح / بصلها بأستغراب وقال وده من ايه بت انتى عايزه تجنينى ولا عايزه ايه بالظبط
روز/ الله لا كده عجبك ولا كده عجبك
سامح / لاء اثبتى على الوش الحنين ده
روز / بفرحه يعنى هتخدنى معاك
سامح / لاء خدك ربنا اقعدى شوفى مذكراتك وسابها وخرج من الاوضه
روز / عاااااااا غلس وقعدت على السرير وهى متغاظه
_____________________________
فى اوضت شريف ولميس
طلعت لميس من الحمام وهى لبسه البورنص وراحت وقفت قدام المرايا وبدأت تسرح شعرها
شريف / راح عندها وبسها فى رقبتها واخد الفرشه من ايديها وسرح ليها شعرها وبص لانعكسهم فى المرايا وقال قمر فى كل حالاتك
لميس / بصت ليه بكسوف وقالت ه.ه.هات انا اكمل
شريف / لاء انا اللى هسرح ليكى
لميس / احم م.م.ماشى
شريف / سرح ليها شعرها ولف دراعه حاولين وسط لميس وقال عسل يا خواتى وبسها وراه ودنها ونزل على رقبتها
لميس / بعدت عنه وقالت شريف اوعى تكون عايز اللى فى دماغى
شريف / وفيها ايه انا مش بشبع منك عمرى
لميس / لالالا كده كتير والله
شريف / قولى الله اكبر بس الحاجات دى بتتحسد
لميس / لاء بجد يا شريف انا تعبت وكمان جعانه
شريف / تعبتى ليه هو احنا لحقنا نعمل حاجه وبعدين لو جعانه انا هتصل بيهم تحت يطلعو لينا اكل
لميس / لالالا يطلعو ايه انا زهقت من قعدت الاوضه تعال ننزل ناكل تحت
شريف / تحت ايه بس خلينا هنا براحتنا
لميس / علشان خاطرى يا شريف
شريف / اتنهد وقال حاضر يا لميس بس مش هنغيب تحت ناكل ونطلع بسرعه الاوضه انا عايزك فى موضوع مهم
لميس / يادى مواضيعك اللى مش بتخلص دى ماشى بس البس بسرعه
شريف / قلبى يا ناس هوا اهو ولبس هدومه وهى لبست هدومها ونزلو تحت
_____________________________
فى اوضت ريم ومحمود
كانت ريم نايمه فى حضن محمود وقالت
ريم / محمود
محمود / عيون محمود
ريم / انا جعانه اوى
محمود / يا قلبى ومقولتيش ليه من بدرى
ريم / احم م.م.مكانش هينفع
محمود / ليه بقى
ريم / احم ع.ع.علشان يعنى كنا احم كنا انت عارف بقى
محمود. / ههههههههههه ولا اعرف حاجه انا قطه عاميه معاكى
ريم / بكسوف اوى
محمود / هههههههه طيب قومى خدى شاور على ما اطلب اكل
ريم / طيب ما تيجى ننزل ناكل تحت
محمود / لاء طبعآ مفيش نزول ادخلى يلا خدى شاور وهتطلعى تلاقى الاكل موجود
ريم / حاضر وجت تقوم
محمود / شدها فى حضنه وبسها بوسه طويله وبعد وقت بعد عنها وقال يخربيت جمال أهلك يا شيخه
ريم / والله العظيم انت ما طبيعى وزقته وقامت دخلت الحمام
محمود / ههههههههههه حبك جنني يا بنت اللذينه ومسك التليفون وطلب اكل وبعد وقت جه الاكل وخرجت ريم من الحمام وهى لبسه البورنص وقالت
ريم / ايه ده يا حوده الاكل جه
محمود / بصلها من فوق لتحت وقال ايه ده
ريم / ايه فيه ايه
محمود / وقف وراح عندها وقال يخربيت جمالك حرام عليكى انا مش قدك
ريم / اتكسفت وقالت محمود اتلم
محمود / وهو بيشدها فى حضنه قال اتلم ايه بس هو فيه كده
ريم / اوعى يا محمود
محمود / اوعى ايه بس وقرب اكتر منها وشالها
ريم / لالالا نزلنى انا جعانه وربنا
محمود / انا هشبعك بطريقتى
ريم / بس يا محمود بقى
محمود / حطها على السرير وقرب من شفايفها وبسها بوسه طويله وشويه وبعد عنها وقال انا حاسس أن انا بحلم يا اخوانا يالههههههوى على كده ومد أيده شد الحزام بتاع البورنص و(سكتت شهرزاد عن الكلام الغير مباح 😉😉)
_____________________________
فى الجامعه عند أحمد وساره
خرجو الاتنين من الجامعه وهما ماسكين ايد بعض وساره قالت
ساره / احمد ما تيجى نتمشى شويه على النيل
أحمد / بس كده من عنيا تحبى نركب العربيه ولا نمشيها
ساره / نتمشى احسن
أحمد / اللى يريحك
ساره / انا لحد دلوقتى مش قادره اصدق أن احنا اتخطبنا واتكتب كتابنا كمان
أحمد / ولا انا بس بحلم بيوم الفرح اللى هخدك منه على اوضى
ساره / اتكسفت وبصت على الارض ومردتش عليه
أحمد / رفع ايديها عند شفايفه وبسها وقال بموت فيكى بكل حالاتك وانتى عصبيه وانتى هاديه وانتى مكسوفه وانتى جريئه بحب ادق التفاصيل فيكى
ساره / احم و.و.وانا كمان
أحمد / وانتى كمان ايه
ساره / ب.ب.بحبك
أحمد / يا دين النبى اخيرآ نطقتى يا شيخه
ساره / احم خلاص بقى يااحمد بلاش تكسفنى
أحمد / يارب قرب البعيد يا بختك يا محمود زمانك مظبط نفسك دلوقتى
ساره / احمد بطل قلة ادب بجد انا مصدومه فيك مكنش بيبان عليك انك قليل الادب كده
أحمد / وانا بقل ادبى مع حد غريب انتى مراتى ياعبيطه
ساره / مراتك بس لسه الفرح
أحمد / تعرفى أن انا ممكن اخدك دلوقتى بيتى ومش حرام المسك لان أساس الجواز الاشهار واحنا الحمدالله اتكتب كتابنا قدام الناس كلها والكل عارف انك مراتى وبعلم أهلك يبقى انتى كده شرعآ وقانونآ مراتى ومسموح أن انا اعاشرك معاشرة الازواج
ساره / والله ده اللى هو ازاى
أحمد / زى السكر فى الشاى ههههههههه
ساره / هه خفه
أحمد / انا بتكلم بالشرع والقانون إنما الأصول بتقول لازم استنى الفرح وانا متعودش اعدى الأصول
ساره / ماشى
أحمد / بس ده ميمنعش برضه اخد بوسه تصبيره لحد الفرح انا غلبان وزى جوزك برضه
ساره / هههههههههه وربنا انت قليل الادب ومجنون فى نفس الوقت انا معرفش انك كده
أحمد / وعرفتى هتغيرى رأيك
ساره / مقدرش اغير رأى علشان مقدرش ابعد عنك
أحمد / حط أيده على كتفها وقال بحبك يا ساره وبموت فيكى
ساره / بصت على أيده اللى على كتفها بكسوف وضحكة وبصت على الأرض
أحمد/ جعانه
ساره / هزت راسها بمعنى ايوه
أحمد / تعالى نتغدا فى المطعم ده
ساره / لاء انا عايزه اكل كشرى
أحمد / اللى تأمرى بيه بس تعالى نرجع نركب العربيه علشان نروح عند اللى انتى اخدينى عنده قبل كده
ساره / ماشى وراحو عند العربيه ركبوها وراحو عند محل الكشرى ودخلو ياكلو مع بعض
_____________________________
فى الشركه عند امير
خلصت زهراء شغل ودخلت عند امير وقالت
زهراء / امير انا خلصت عايز منى حاجه تانى
امير / رايحه فين
زهراء / الفيلا
امير / مش هتروحى الفيلا تانى يا زهره
زهراء / أمير ارجوك بلاش تعمل كده عاطف هيعتبرها تحدى منك ليه ويأذيك
امير / خليكى واثقه فيا أن انا هقدر احميكى واحمى نفسى
زهراء / صدقنى انا مش خايفه على نفسى انا خايفه عليك انت
امير / متقلقيش ووقف ولبس الجاكت بتاعه ومسك مفاتيحه والتليفون بتاعه وقال يلا امشى معايا
زهراء / على فين
امير / على الفيلا عندى
زهراء / مينفعش
امير / ليه مينفعش
زهراء / الأصول كده يا أمير مينفعش اروح معاك الفيلا هروح بصفتى ايه انا لو كده هروح عند امى
امير / مش هعرف احميكى منه هتبقى بعيده عنى
زهراء / فيه سامح موجود متقلقش
امير / ماشى يا زهره امشى
ونزلو الاتنين مع بعض ركبو العربيه بتاعة امير وصلها الحاره ونزل معاها
زهراء / انت رايح فين
امير / هطلع معاكى اوصلك لباب الشقه بتاعتكم وبالمره ابص على الشقه بتاعتنا
زهراء / ماشى وطلعو الاتنين فوق راحت زهره عند الشقه بتاعتهم وخبطت على الباب
امير / بصلها وقال بحبك
زهراء / ضحكة ليه بكسوف وخبطت تانى على الباب وفى الوقت ده الباب اتفتح ودخلت زهره وقفلت الباب وامير دخل شقتهم وقفل الباب وراه ومر الوقت ووصل عاطف ومعاه ملك لمصر وراح على الفيلا ملاقاش زهره فكرها مع امير مسك تليفونه بعصبيه واتصل عليها وانتظر الرد
زهراء/ ايوه
عاطف / بعصبيه انتى فين يا هانم معاه صح نايمه فى حضنه
زهراء / احترم نفسك انا فى الشقه عند امى
عاطف / بتعملى ايه
زهراء / وانت مالك
عاطف / كده يا زهره ماشى انا جاى ليكى وقفل السكه وقال ماشى مبقاش انا لو مكنتش ندمتك على اللى بتعمليه ده يا زهره وبص لملك وقال يلا حركى الكرسى
ملك / ح.ح.حاضر وحركة الكرسى وخرجته وركبو العربيه وساق السواق العربيه وراح بيهم عند بيت زهراء ونزلت ملك ونزل السواق وطلعوه عاطف عند شقة زهراء وحطوه على الكرسى ورنت ملك الجرس وشويه وفتحت ليهم زهراء سلمت على ملك ودخلتهم الشقه وقفلت الباب ودخلتهم اوضت الضيوف وقفلت الباب وراهم
عاطف / بعصبيه ايه خلاكى سبتى الفيلا وجيتى هنا
زهراء / ربعت ايديها على صدرها وقالت حاجه متخصكش
عاطف / قرب منها وشدها نزلها ليه ومسك شعرها وقال لتكونى مفكره أن انا عاجز ومش هعرف اكسرك انا اطلع روحك فى ايدى فاهمه
زهراء / اااااااه اوعى شعرى ابعد عنى
ملك / راحت عندهم وقالت ارجوك يا عاطف اتحكم فى اعصابك اكتر من كده سيب شعرها
عاطف / ملك اطلعى من الموضوع ده اطلعى بره استنينا
ملك / بخوف ح.ح.حاضر وخرجت وسابتهم
زهراء / حاولت تفك شعرها من أيده وقالت بألم وليك عين تتكلم بعد المؤامره القذره اللى شبهك اللى كنت عاملها مع سهى وريان
عاطف / داس على سنانه وشد شعرها اكتر وقرب من وشها وقال سبق وقولتلك انا مستعد اعمل اى حاجه علشان حبك وعلشان متبعديش عنى
زهراء / ااااااه انت واحد خداع وغشاش رسمت عليا دور الحنيه واللى زيك عمره ما يعرف الحب اللى زيك عنده حب امتلاك مش اكتر وانا بقولك يا عاطف عمرى ما هكون ليك انا بحب امير سامع بحب امير
عاطف / زقها وقعها الارض وحاول يقوم يقف وبصعوبه وقف من على الكرسى وقرب منها وقال يبقى انتى قررتى تزوريه فى قبره
زهراء / بخوف اياك تقرب منه فاهم
عاطف / مسكها من دراعها وقال ايه خوفتى عليه صح لو خايفه عليه بجد ارجعى معايا الفيلا يا زهره
زهراء /رجعت لوراه وهزت راسها يمين وشمال وقال بدموع مستحيل ارجع معاك تانى من بعد ما عرفت حقيقتك
عاطف / انا عملت كده من شدة حبى ليكى وخوفى لتبعدى عنى وتسبينى
زهراء / وفعلا يا عاطف جه الوقت اللى لازم نفترق انا استحملت منك حاجات كتير فوق طاقتى بس بجد خلاص انا تعبت طلقنى يا عاطف
عاطف / مش هطلقك يا زهره وهتيجى معايا ومسكها من درعها وسند على الحيطه ومشى بيها وقال انجرى قدامى
زهراء / بصوت عالى ابعد عنى يا حيوان ابعد
عاطف / فتح الباب بتاع الاوضه وخرج وهو بيسند على الحيطه وبيشد فى زهره وفى الوقت ده خرج سامح من اوضه وشاف منظر اخته وهو عاطف بيسحبها راح عنده ومسك عاطف من هدومه وقال
سامح / ابعد عن اختى يا واطى يا جبان
عاطف / مش هبعد عنها دى مراتى وهتروح معايا
سامح / زهره مش هتتحرك من هنا يا عاطف وورينى هتقدر تعمل ايه وزقه وقعه على الأرض
ملك / طلعت تجرى جابت الكرسى وراحت عند عاطف وسندته وقعدته على الكرسى
عاطف / اقسم بالله لادفعكم تمن اللى بتعملو ده غالى اوى
سامح / مسكه من هدومه وقال طلق اختى
عاطف / طلاق مش هطلق واعلى ما فى خيلك اركبه
وفى الوقت ده رن جرس الباب وفتحت زهره الباب وأتصدمت وقالت
زهراء / ا.ا.امير ا.ا ايه اللى جابك
امير / انا ممشتش يا زهره من الشقه اوعى من سكتى ودخل وعينه كلها شرار وراح عند عاطف ضربه بالبوكس فى وشه وقعه بالكرسى ونزل ليه وقعد يضرب فيه لحد ما وشه كله جاب دم
زهراء / مسكت امير من دراعه وشدته علشان يبعد عن عاطف وقالت امير امير اهدا ارجوك بلاش تودى نفسك فى داهيه
امير / اوعى يا زهره خلينى اطلع فيه العذاب اللى شوفنا انا وانتى بسببه
زهراء/ لا يا امير سيبه علشان خاطرى وفيه ربنا ينتقم منه
امير / نزل عنده ومسكه من هدومه وقال طلق زهره
عاطف / وهو وشه كله بيجيب دم قال لاء مش هطلقها واللى عندك اعملو
امير / مسكه من رقبته وخنقه وقال هطلق يا عاطف
عاطف / هز راسه بمعنى لاء
ملك / بدموع خليه يسيبه ده ممكن عاطف يموت فى أيده
زهراء / امير علشان خاطرى سيبه
امير / مش هسيبه غير لما يطلقك
عاطف / بدأ يظهر عليه علامات الاختناق
زهراء / امييييييير ابعد عنه شكله هيموت بجد
امير / طلقها اخلص
عاطف / وهو مش قادر يتكلم هز راسه بمعنى لاء
زهراء / سامح ادخل الراجل هيموت فى أيده
سامح / راح عندهم وبعد امير عن عاطف وقال اهدا يا أمير هنطلق زهره منه بس من غير ما نروح فى داهيه
عاطف / وهو بيكح مش هطلق زهره مهما تعملو
امير / يا سامح سيبنى عليه اخلص منه ونرتاح كلنا
سامح / وهتستفاد ايه غير انك هتترمى فى السجن أو تتعدم وهو هيموت ويرتاح
امير / مش هيخرج من هنا غير لما يطلق زهره
عاطف / طلاق مش هطلق
امير / عااااااا سبونى عليه
سامح / هطلق ورجلك فوق رقبتك
ملك / ارجوك بلاش عند يا عاطف طلقها وخلاص وخلينا نمشى
عاطف / مستحيل أطلق زهره
امير / داس على سنانه وقال هطلق يا عاطف
عاطف / ورينى هطلقها منى ازاى هههههههه
امير / فلت من سامح ومسكه وقعد يضرب فيه ومسكه تانى خنقه بس المرادى بطريقه اصعب وقال طلق زهره
عاطف / هز راسه بمعنى لاء
امير / طللللللللللق بقولك
عاطف / مستحيل
وفى الوقت ده خرجت زهره من المطبخ ودموعها على خدها وحطت السكينه على ايديها وقالت هطلقنى يا عاطف ولا اموت نفسى انا خلاص تعبت مبقتش قادره استحمل اكتر من كده
امير / اول ما شاف كده اتصدم وقال زهره أهدى انا هطلقك منه بس بلاش جنان هاتى السكينه دى
زهراء / بدموع ابعد يا أمير عنى لو حد قرب منى هقطع شريان ايدى وداست بالسكينه اكتر على ايديها
سامح / زهره زهره أهدى والله العظيم هنطلقك
زهراء/ بدموع انا تعبت يا سامح تعبت
ملك / اللى انتى عايزاه هيتنفذ بس هاتى السكينه دى
زهراء/ بدموع هزت راسها بمعنى لاء
نبيله / دخلت الشقه وأتصدمت وقالت ايه ده فيه ايه زهره السكينه بتعمل ايه فى ايدك وامير هنا ليه وعاطف ماله هو ايه اللى بيحصل بالظبط حد يجاوبنى
سامح / عاطف مش عايز يطلق زهره وزهره عايزه تموت نفسها
نبيله / بنتى ليه تعملى كده وتوجعى قلب امك عليكى انا السبب انا اللى رميتك فى الجوازه دى
زهراء / لاء يا امى انا اللى رميت نفسى فى كل ده بس خلاص تعبت مش قادره استحمل اكتر من كده والله العظيم تعبت انا عايزه اموت وارتاح وداست اكتر على ايديها والدم بدء ينزل منها
عاطف / لالالا متأذيش نفسك يا زهره وحياة اغلى حاجه عندك مقدرش اشوفك بتتأذى
زهراء / وهى بدأت تفقد دم كتير منها قالت بدموع طلقنى يا عاطف
عاطف / بدموع انتى طالق يا زهره
وفى الوقت ده صرخت نبيله وقالت
نبيله / بنتتتتتتتتتتى