رواية فرصه استثنائية الفصل الثامن عشر 18 بقلم دودو محمد
رواية فرصه استثنائية الجزء الثامن عشر
رواية فرصه استثنائية البارت الثامن عشر
رواية فرصه استثنائية الحلقة الثامنة عشر
فى شقة مراد
كانت علياء نايمه فى حضن مراد ومغمضه عينيها بص عليها مراد وباس راسها وقال
مراد :- انتى نمتى يا قلبى
علياء :- وهى مغمضه عينيها هزت راسها يمين وشمال وقالت لاء
مراد :- امال مالك
علياء :- م.م.مفيش
مراد :- لاء فيه انتى زعلانه علشان اللى حصل ما بينا ده ؟
علياء :- بكسوف ل.ل.لاء بس مش مصدقه أنه حصل
مراد :- ابتسم وقال لاء حصل
علياء :- اتنهدت وقالت تفتكر كده ابقى اتعالجت
مراد :- والله مش عارف بس اكيد الدكاتره بتاعتنا هما اللى هيقولوا لينا أمته هننتهى من العلاج ده ونبطل نروح ليهم
علياء :- صح عندك حق وسكتت شويه وقالت مراد ممكن أسألك سؤال
مراد :- اه طبعآ اسألى
علياء :- هو انت عرفت منين موضوع مريم وساره
مراد :- من ساره نفسها
علياء :- قامت قعدت وبصت ليه وقالت بغيظ ساره وانت شفتها فين بقى أن شاءالله
مراد :- جات الشركه وبتطلب منى اسامحها وحكت ليا كل حاجه
علياء :- بغيظ والله وسامحتها بقى
مراد :- لاء وطردها من الشركه
علياء :- بجد
مراد :- وحياتك عندى
علياء :- ابتسمت ليه وقالت ماشى ولسه هتقوم
مراد :- رايحه فين
علياء :- هاخد شاور وأروح اشوف العيال ناموا ولا لسه وقامت وقفت
مراد :- مشى ايده على شعره وابتسم ليها وقال طيب متغبيش
علياء :- ليه
مراد :- احم علشان كده
علياء :- هو ايه علشان كده مش فاهمه
مراد :- يعنى انا مش هتحرك من مكانى هستناكى نعوض كل اللى راح مننا
علياء :- فهمت وضحكت ليه بكسوف وراحت على الحمام وقبل ما تدخل
مراد :- علياء
علياء :- بصت ليه وقالت نعم
مراد :- بالنسبه للقميص اللى انتى كنت ناسيه فى الحمام ده ايه ظروفه مش ناويه تلبسيه تانى
علياء :- وشها احمر من الكسوف ودخلت تجرى على الحمام
مراد :- ضحك على كسوفها وقعد ينتظرها
~•~•~•~•~•~•~•~•~•~•~•~•~•~•~•~•
عند سمر
كانت قاعده عند انجى وعماله تعيط وانجى بتهدى فيها وقالت بغيظ
انجى :- انتى متخلفه ازاى تسبيه ليها انتى كده حققت اللى هى عايزه وصلتيها لهدفها بكل سهوله شابو ليكى بجد
سمر :- بدموع يعنى كنتى عايزانى اعمل ايه بعد ما عرفت أنه اتجوز عليا وكمان فى أول اسبوع
انجى :- وهو اتجوز عليكى علشان بيحبها ما انتى بلسانك قولتى علشان يصلح غلطة زمان وهيطلقها يعنى حاجه مؤقته وانا شايفه أن اللى عمله ده الصح ودليل على أنه راجل بجد ويستاهل انك تمسكى فيه بأيديك واسنانك
سمر :- اه ما انتى لازم تقولى كده علشان بعيده عن الموضوع ومش حاسه باللى انا حاسه
انجى :- شكرآ يا سمر على كلامك بس عايزه اقولك انا وانتى واحد وبحس بأى حاجه توجعك بس انا عايزه مصلحتك مهند بيحبك بجد وحرام تبعدى عنه
سمر :- انا اسفه يا انجى مكنتش اقصد ازعلك بس بجد انا متلغبطه ومش عارفه بقول ايه
انجى :- يا حبيبتى انا مقدرش ازعل منك بس فكرى فى كلامى وبلاش تخسرى مهند يا سمر
سمر :- قامت وقفت وقالت أن شاءالله
انجى :- رايحه فين
سمر :- اتنهدت وقالت هروح الفيلا بتاعة عمر الله يرحمه اقعد فيها الفتره دى
انجى :- هدى اعصابك وفكرى بهدوء يا سمر
سمر :- ماشى باى وخرجت ركبت عربيتها وراحت على الفيلا
~•~•~•~•~•~•~•~•~•~•~•~•~•~•~•~•
فى فيلا ادم
وقف ادم مصدوم لما سمع كلمة سلوى وبص ليها بغيظ وقال
ادم :- بصدمه ملك مين
سلوى :- بدموع ملك ام عمر
ادم :- بصلها بصدمه ومنطقش ولا كلمه
سلوى :- كملت كلامها بدموع وقالت أنا لما جيت هنا كنت جايه انتقم منك لاختى ، ويوم ما انت شوفت الصوره فى ايده كنت أنا اللى اديتها ليه علشان اشوف رد فعلك ايه لما تشوف صورتها بس لما حكيت ليا حاجات انا مكنتش اعرفها عن اختى معرفش ليه صدقتك اديتك أعذار كتير وساعتها بس عرفت قد ايه انا بحبك وان كل الكلام اللى قالته ملك ليا كان اكتر كدب
ادم :- طيب ازاى؟ انا حاسس نفسى تايه ازاى انتى اخت ملك مش فاهم وكنتى فين طول السنين اللى فاتت دى
سلوى :- انا اختها شقيقتها من الأب لكن مش من الام بابا وامها ماتوا فى حادثه واحنا لسه فى ثانوى بس هى رفضت تعيش معايا انا وماما وقررت تعيش لوحدها واتقطع عننا اخبارها وعرفنا بعد كده أنها سافرت ومعرفناش حاجه تانى عنها وبعد فتره كبيره اوى من كام سنه كده جه حد ليا وقال ليا أن اختى ملك فى الحبس وعايزه تشوفنى انا خوفت ومصدقتش كلام الراجل ده لحد ما أثبت ليا أنه جاى من عندها فعلا وروحت قابلتها وسكتت شويه وقالت ، قالت انك انت ضحكت عليها ومسكت عليها صور وفيديوهات وبتهددها بيها وأنك كنت بتخليها تعمل حاجات مش كويسه ولو رفضت كنت انت بتهددها انك هتنزل الفيديوهات والصور دى على النت وهتخلى الناس كلها تشوف جسم اختى وأنها طلعت حامل بسبب العلاقه اللى بتحصل ما بينكم بالغصب منك ليها وأنك انت اللى دبرت موت مرات اخوك علشان تاخد الورث كله ليك ولما اكتشفوا الخطه بتاعتك سلمت اختى مكانك هى وبنت خالتها ريهام وطلبت منى اساعدها فى الانتقام منك واهتم بأبنها وجيت عندك الاول كنت بتعامل معاك بتحفظ شديد بس مع الوقت بقيت اكتشفك على حقيقتك واشوفك عكس اللى اتقال عنك بس كنت بكدب نفسى واحساسى واقول اكيد ملك مش كدابه وأنك بتحاول توقعنى فيك علشان تعمل معايا نفس اللى عملته فى اختى وإن هى دى طريقتك وأسلوبك علشان تعلق بيك البنات، وكملت الخطه وكنت بوصل ليها اخبارك اول بأول ولما كنت باخد عمر على أساس أخرجه شويه انا كنت بخده عند أمه تشوفه بس مع الوقت صدقت احساسى بيك وأنك مش زى ما ملك قالت عنك شوفتك راجل بجد وشهم وللاسف حبيتك وده اللى خلانى اقولك الحقيقه يا ادم والله العظيم حبيتك بجد
ادم :- ضحك بتريقه وقال حبتينى ولا ده من ضمن الخطه بتاعتكم ازاى كنت غبى اوى لدرجاتى انا عمرى ما اتخيلت انك تطلعى بالقذاره دى وضحك وقال لاء وانا حبيتك بجد ورسمت حياتى معاكى ولف جسمه اتجاه التسريحه ووقع كل اللى عليها فى الأرض وقال بعصبيه ليييييييه تعملى فيا كده ليييييييه وراح مسكها من شعرها وقال واللى انا جيبته هنا ده كان من ضمن الخطه ولا حقيقه
سلوى :- بدموع وألم قالت نص اللى قولته حقيقى والنص التانى لاء
ادم :- داس على أسنانه بغيظ وداس اكتر على شعرها وقال انطقى علطول خطه ولا حقيقه
سلوى :- بدموع اااااه شعرى يا ادم
ادم :- انتى لسه شوفتى حاجه ده انا هخليكى تتمنى الموت يا سلوى انطقى ده جوزك ولا لاء
سلوى :-………..
~•~•~•~•~•~•~•~•~•~•~•~•~•~•~•~•
فى شقة مياده
وصلوا الاتنين على الشقه ودخلت مياده على المطبخ تحضر الأكل وهى واقفه حسيت بأيد مروان بتلف حاولين وسطها وبيبوسها فى رقابتها ابتسمت ليه وقالت
مياده :- مغيرتش هدومك ليه
مروان :- جيت اساعدك
مياده :- لفت ليه وبصتله بأستغراب وقالت سبحان مغير الاحوال
مروان :- شدها فى حضنه وقال اللى فات مات يا ميزو
مياده :- بأبتسامه واخدنا العزا كمان وقربت من شفايفه وباسته برقه
مروان :- عمق البوسه وبعد وقت بعد عنها وقال بعشقك
مياده :- مسكت ايده وحطتها على بطنها وقالت هتبقى بابا لتانى مره
مروان :- بص ليها بفرحه وقال انتى حامل
مياده :- هزت راسها وقالت ايوه
مروان :- بفرحه انا عايز بنوته وتكون شبهك يا مياده
مياده :- أن شاءالله يا حبيبى بس تكون شبهك انت
مروان :- حضنها وقال بحبك اوى يا مياده اوى
مياده :- اتعلقت اكتر فى حضنه وقالت وانا بعشقك يا قلب مياده وكملوا تحضير الاكل وقعدوا ياكلوا
~•~•~•~•~•~•~•~•~•~•~•~•~•~•~•~•
اشرقت شمس صباح يوم جديد بنورها الساطع فى سماء القاهره ليبدء عبدالرحمن بفتح عيونه قام قعد وبص فى الساعه واتنهد وقام دخل الحمام وبعد وقت خرج ولبس هدومه واده فرضه وخرج من الاوضه وبص على صورة مريم وبنته بحزن واتنهد بوجع ونزل ركب عربيته وراح على الشركه ودخل على المكتب بتاعه وطلب من السكرتير يجيب ليه واحد قهوه ورجع بجسمه على الكرسى من وراه وغمض عينه بألم وشويه والباب خبط ودخل السكرتير حط الملفات على المكتب والقهوة جمبهم وقال
السكرتير :- فيه واحده بره بتقول عايزه تقابل حضرتك
عبدالرحمن :- واحده مين دى
السكرتير :- بتقول أن حضرتك اللى اديدها الميعاد ده
عبدالرحمن :- انا مديتش ميعاد لحد
السكرتير :- معاها كارت حضرتك وبتقول اسمها تسنيم
عبدالرحمن :- تسنيم معرفش حد بالاسم ده وسكت شويه وقال اه اه استنا دى البنت بتاعة المطعم دخلها
السكرتير :- حاضر وخرج وشويه ودخلت تسنيم وقالت
تسنيم :- ساعه علشان اقابلك ده انت طلعت مهم اوى بقى
عبدالرحمن :- ولا مهم ولا حاجه كل الحكايه أن انا مكنتش فاكرك اصلا واخد وقت على ما افتكرتك
تسنيم :- بتريقه لا والله ده على اساس أن اللى عملته فيا امبارح ده يتنسى
عبدالرحمن :- قصدك تقولى اللى انتى عملتيه فيا امبارح
تسنيم :- احم حصل خير يا فندم شوربه تفوت ولا حد يموت وكتمت ضحكتها
عبدالرحمن :- ابتسم على كلامها وقال على العموم هتروحى مع السكرتير تمضى العقد وتستلمى شغلك علطول
تسنيم :- شكرآ بجد مش عارفه اقولك ايه والله جميلك ده مش هنساه عمرى كله
عبدالرحمن :- انا بتمنى تكونى قد المسؤوليه وتثبتى كافأتك معانا
تسنيم :- وقفت وقالت أن شاءالله عن اذنك
عبدالرحمن :- اتفضلى
تسنيم :- خرجت من عنده
عبدالرحمن :- كلم السكرتير وبلغه يعمل ايه مع تسنيم وبدء يشوف شغله
السكرتير :- اخد تسنيم ونفذ الكلام اللى قال عليه عبدالرحمن ووصل تسنيم مكان شغلها ورجع تانى على مكتبه
تسنيم :- قعدت على الكرسى وبصت على المكتب بفرحه وقالت معقوله انا اشتغلت فى شركه كبيره اوى كده وبقى ليا مكتب خاص كمان مش قادره اصدق نفسى الحمدالله واتنهدت بسعاده وبدأت تشوف شغلها
~•~•~•~•~•~•~•~•~•~•~•~•~•~•~•~•
فى شقة مهند
جرس الباب رن قام مهند من على الكنبه اللى قعد عليها طول الليل وهو حزين وراح فتح الباب وقال بغيظ
مهند :- انتى؟ جايه ليه
احلام :- مش عايز تشوف ابنك
مهند :- اتنهد وباس ابنه وقال ادخل يا حبيبى
احلام :- لسه هتدخل
مهند :- وقف قصادها وقال رايحه فين
احلام :- ايه داخله يا مهند
مهند :- انا قولت لابنى بس يا احلام إنما انتى امشى ملكيش مكان معانا
احلام :- مهند انا مراتك وليا حقوق عليك
مهند :- ملكيش حقوق عندى يا احلام انا قولتلك قبل اى حاجه انتى ملكيش اى حقوق انا بحب مراتى ومستحيل اخونها فاهمه
احلام :- ضحكت وقالت مراتك فين مراتك دى اللى من اول مشكله سابتك ومشيت
سمر :- ومين قالك كده يا حلوه وراحت وقفت جمب مهند ومسكت ايده وقالت لا انتى ولا عشره زيك هيقدروا يفرقونا عن بعض
مهند :- بصلها بفرحه واخدها فى حضنه وقال سمر حبيبتى واحشتينى
سمر :- بصت لاحلام وقالت ياريت بقى تخلى عندك دم وتبعدى عن جوزى غلط معاكى زمان وصلح غلطته دلوقتى اكتر من كده ملكيش حاجه عنده فاهمه
احلام :- بصت ليهم بغيظ وندهت على ابنها واخدته ولسه هتمشى
مهند :- استنى
احلام :- وقفت بفرحه وبصت لمهند وقالت نعم
مهند :- انا كده عملت اللى عليا وزياده معاكى انتى طالق يا احلام وبكره هكتب ابنى على أسمى
احلام :- بصت ليهم بغيظ واخدت ابنها ومشيت
مهند :- انا فرحان اوى يا سمر انك سامحتينى
سمر :- بعدت عنه وسابته ودخلت اوضتها
مهند :- بصلها بأستغراب ودخل وراها وقال سمر مالك
سمر :- ملكش دعوه بيا فاهم
مهند :- ده اللى هو ازاى مش فاهم
سمر :- هو كده واخدت هدومها ودخلت الحمام
مهند :- البت دى ملبوسه ولا ايه وخرج من الأوضه
سمر :- خرجت من الحمام ودخلت المطبخ وحضرت الفطار وقعدت تاكل
مهند :- وبالنسبه البغل اللى معاكى ده ملوش نصيب فى الاكل ده
سمر :- بصت ليه بغيظ ومن غير كلام زقت الطبق اتجاهه وقامت وقفت
مهند :- راح عندها ومسك دراعها وقال سموره حبيبتى انسى بقى وسامحينى ربنا يهديكى
سمر :- شدت دراعها من ايده وسابته ودخلت الاوضه
مهند :- اممم شكلى كده هشوف ايام فحلوقى معاها ودخل الاوضه ولسه هينام على السرير
سمر :- هتعمل ايه
مهند :- هنام شويه منمتش طول الليل
سمر :- نام بره على الكنبه انسى السرير ده خالص
مهند :- ناااااعم
سمر :- نعم الله عليك يا اخويه يلا امشى
مهند :- اتنهد واخد مخده فى ايده وبصلها وقال ربنا على المفترى وخرج من الاوضه وحط المخده على الكنبه ونام
سمر :- بصت عليه وهو ماشى وكتمت ضحكتها وقالت هو انت لسه شوفت حاجه يا مهند انا هعرفك ازاى تتجوز عليا وبصت عليه واتأكدت أنه نام اخدت الغطا ومشيت براحه وحطيته عليه ودخلت تانى اوضتها
~•~•~•~•~•~•~•~•~•~•~•~•~•~•~•~•
فى شقة حكمت
صحيت مريم من نومها على صوت عياط ابنها اتنهدت وقعدت على السرير وقالت
مريم :- ماما يا ماما
حكمت :- جات وقالت عايزه ايه يا مريم
مريم :- خدى رضعى الولا ده
حكمت :- طيب يا بنتى ما ترضعيه انتى حرام عليكى
مريم :- قولتلك لاء وخديه بقى علشان يبطل زن
حكمت :- لا حولا ولا قوة الا بالله وشالته وقالت تعالى يا حبيب تيته ذنبك ايه فى كل ده بس وخرجت بي من الاوضه
مريم :- بصت عليهم وهما ماشين ودموعها نزلت منها ومسكت تليفونها وطلبت رقم عبدالرحمن وانتظرت الرد وانتهت الرنه ومحدش رد عليها جربت تانى ومفيش رد حدفت التليفون جمبها وقعدت تعيط وقالت ماشى يا عبدالرحمن براحتك وقامت دخلت الحمام وبعد وقت خرجت ولبست هدومها وخرجت من الاوضه
حكمت :- بصت ليها بأستغراب وقالت رايحه فين يا بنتى
مريم :- هنزل ادور على شغل واشتغل ومش هستنى حاجه من حد
حكمت :- شغل ايه بس يا بنتى هو انا قصرت معاكى فى حاجه
مريم :- لاء مقصرتيش بس انا لازم اشتغل عن اذنك وسابتها ومشيت
حكمت :- ربنا يهديكى يا بنتى مش عارفه دماغك دى هتوديكى على فين وحطت الببرونه لابن بنتها
~•~•~•~•~•~•~•~•~•~•~•~•~•~•~•~•
فى شقة مراد
صحى مراد من نومه وبص على علياء وهى نايمه فى حضنه وابتسم بحب وقرب من راسها وباسها واتحرك براحه وحط راسها على المخده وقام دخل الحمام وبعد وقت خرج ولبس هدومه واده فرضه وفى الوقت ده صحيت علياء وبصت ليه وقالت
علياء :- ايه ده انت صاحى من بدرى
مراد :- راح قعد جمبها واخدها فى حضنه وباس راسها وقال صباح الفل يا قلبى
علياء :- ابتسمت ليه وقالت صباح النور
مراد :- صحيت من شويه ومرضتش اعمل صوت واسيبك نايمه براحتك
علياء :- ليه بس كده منار هتتأخر
مراد :- يا حبيبتى لسه بدرى كنت هجهزها وانزلها مدرستها قبل ما انزل متخافيش
علياء :- ابتسمت ليه وقالت ربنا يخليك لينا وباسته فى خده
مراد :- ضمها فى حضنه وباس خدها وقال وميحرمنيش منكم يا قلبى
علياء :- انا فرحانه اوى انك هترجع تنزل الشغل تانى
مراد :- لازم انزل الشركه علشان اخد بالى منها والبركه فيكى عرفتى ازاى تخرجينى من الحاله اللى كنت فيها وغمز ليها
علياء :- ابتسمت ليه بكسوف ونزلت راسها لتحت ولسه هتقوم افتكرت حاجه وبصت على نفسها ورجعت تانى مكانها
مراد :- وهو كاتم ضحكته قال فيه حاجه يا حبيبتى
علياء :- ها ل ل لاء
مراد :- قعد يضحك على توترها وجاب القميص بتاعها من على الأرض ومد ايده بي وقال خدى اهو
علياء :- بكسوف والله العظيم انت غلس
مراد :- قعد يضحك وباس خدها وخرج من الاوضه وسابها
علياء :- لبست القميص وقامت من على السرير دخلت الحمام وبعد وقت خرجت لبست هدومها وأدت فرضها وخرجت من الاوضه وشالت زين وباسته وقالت صباح الخير يا حبيب ماما وباست منار من خدها وقالت صباح الخير يا حبيبتى
منار :- صباح النور يا مامى
مراد :- يلا يا حبايب بابا حضرت الفطار
علياء :- كنت صبرت انا أحضره
مراد :- على ايه علشان منتأخرش وراحوا قعدوا وبدأوا ياكلوا
منار :- بابا فى المدرسه طالبين مننا نعمل موضوع عن أى حاجه نحبها وانا عايزه اكتب عنك انت ومامى ممكن تساعدنى
مراد :- بص لعلياء بتوتر وقال ع.ع.عايزانى اساعدك ازاى يا حبيبتى
منار :- هو مش المفروض انت بابا الحقيقى
مراد :- ايوه
منار :- طيب هو ازاى انا كنت موجوده مع بابا عمر وأنت مكنتش موجود
مراد وعلياء اتوتروا ومعرفوش يردوا عليها
علياء :- ه.ه.هو انتى بتجيبى الكلام ده منين
منار :- عادى يا مامى انا عارفه كل حاجه من على اليوتيوب وان مينفعش الواحده تبقى مامى غير لما تتجوز زيك انتى وبابا وعلشان كده عايزه اعرف ازاى بابا مراد الحقيقى وهو مكانش موجود ايام بابى عمر
مراد :- احم ك.ك.كنت مسافر يا حبيبتى
منار :- يعنى انت اتجوزت مامى وسافرت
مراد :- لاء يا حبيبتى
منار :- طيب ازاى مكنتش متجوز مامى وكان معاكم انا
مراد :- معرفش يرد على منار وبص لعلياء
علياء :- خ.خ.خلاص بقى يا منار بطلى كلام وكلى الباص زمانه جاى
منار :- حاضر بس لما اجى عايزه افهم علشان انا بحبكم اوى وهكتب الموضوع عليكم انتوا الاتنين
علياء :- ا.ا.ان شاءالله كلى بقى وبصت لمراد بتوتر وقعدوا ياكلوا
~•~•~•~•~•~•~•~•~•~•~•~•~•~•~•~•
فى القسم
وصلت سلوى وهى حزينه وانتظرت مقابلة ملك اختها وقعدت سرحانه تفكر فى اللى حصل ما بينها هى وادم امبارح بدموع
فلاش بااااااااك
سلوى :- بدموع ايوه كان جوزى
ادم :- واللى قولتيه ليا كان كدب
سلوى :- بدموع مش كله
ادم :- مسكها من دراعها جامد وقال ده انتوا عصابه بقى يا ولاد ال****
سلوى :- بدموع انا حبيتك بجد يا ادم والله العظيم حبيتك ومقدرتش اكمل معاهم الانتقام وبالعكس انا كنت بحميك منهم حاولوا كتير يتخلصوا منك وانا كنت بنقذك فى اخر لحظه ووجدى طليقى زى ما قولتلك عليه بالظبط بس الفرق أن هو كان متفق مع ملك على الفيلم ده هو كان مستعد يطلقنى علشان الفلوس وانا كنت بتمنى أطلق منه النهارده قبل بكره وملك قالت ليه أنه يهرب ويدوخك لحد ما توصلوا ليه علشان تصدق التمثيليه بتاعتنا و يطلقنى مقابل مبلغ هى اديته ليه
ادم :- ضحك بتريقه وقال يعنى الطلاق كنتوا متفقين عليه وانا اللى كنت مفكر بعمل ليكى حاجه تسعدك
سلوى :- انت فعلا عملت اللى خلانى سعيده وجدى ده شيطان كان ممكن ياخد الفلوس وميطلقش لكن هو لما طلقنى طلقنى علشان خاف منك كل اللى قولته ليك كان بيعملوا فيا وزياده وربنا شاهد أن كل كلمه حكيتها ليك عن حياتى مع وجدى صادقه ومكذبتش عليك وجدى منتهاش دوره ملك اتفقت معاه على حاجه تانيه وكانت طالبه منى اساعده
ادم :- انطقى طالبه منه ايه
سلوى :- بصت ليه بدموع وقالت يخطف عمر
ادم :- ده يبقى اخر يوم فى عمركم
سلوى :- انا بحب عمر يا ادم وبحاول احميه على قد ما اقدر
ادم :- متشكرين لخدماتك بس انا معنديش شغل اتفضلى من غير مطرود
سلوى :- بصت ليه بصدمه وقالت انت بتقول ايه يا ادم
ادم :- بعصبيه اطلعى بره
سلوى :- بدموع مسكت ايده وقالت ابوس ايديك سامحنى انا بحبك ومقدرش ابعد عنك انا قولتلك كل حاجه علشان انت بقيت الأمان بالنسبه ليا ارجوك يا ادم بلاش تقسى عليا انا مليش ذنب فى كل ده
ادم :- شكلك مش بتفهمى ومسكها من دراعها وجرها وراه وفتح باب الاوضه ونزل تحت وفتح باب الفيلا وحدفها بره وقال مش عايز اشوف وشك هنا تانى فاهمه وقفل الباب فى وشها
سلوى :- وقعت على الأرض وقعدت تعيط وتنادى عليه وتقول ادم ارجوك متسبنيش انا بحبك والله ادم يا ادم
~•~•~•~•~•~•~•~•~•~•~•~•~•~•~•~•
بااااااااك
فاقت سلوى على بدء الزياره مسحت دموعها ودخلت ملك وسلمت على سلوى وقعدت وقالت
ملك :- فينك بقالك فتره مش بتيجى يعنى
سلوى :- م.م.معلش كنت تعبانه شويه
ملك :- وجدى بيقول انك انتى واقفه فى طريقه ومانعه ينفذ اى حاجه خير ايه اللى حصل
سلوى :- بدموع بلاش تأذيه يا ملك علشان خاطرى
ملك :- انا شامه ريحه كده مش كويسه وبتمنى يكون اللى جه فى دماغى غلط يا سلوى
سلوى :- بصت على الأرض وقالت ايوه يا ملك حبيته
ملك :- حبيتى مين روح امك انتى نسيتى نفسك ولا ايه ده انا امحيكى من على وش الأرض
سلوى :- ادم مش وحش يا ملك ادم طيب اوى واللى انتى وصلتى ليه ده بسبب شيطانك انتى انا عرفت الحقيقه وعرفت انك كذبتى عليا علشان تخلينى اساعدك بس من النهارده انا مش هساعدك تانى ومش هسمح لاى حد يقرب من ادم وعمر يا ملك
ملك :- اللللله ده بجد بقى طيب بصى يا حلوه انا عمرى ما حبيتك طول عمرك بنت مسهوكه وبابا كان بيحبك انتى وامك اكتر منى انا وامى ومش بطيقك وكراهتك دلوقتى اكتر واكتر واى حد هيوقف فى طريقى ويمنع خطتى همحيه من على وش الأرض حتى انتى يااااا اختى ووجدى هينفذ اللى اتفقنا عليه بكره ولو فكرتى تمنعيه هيكون اخر يوم فى عمرك فاهمه
سلوى :- قامت وقفت وبصت ليها بتحدى وقالت وانا مستعده احمى ادم لاخر نفس فى عمرى يا ملك ومش هسمح لاى حد يأذيه فاهمه سلام وسابتها ومشيت
ملك :- حلو يبقى انتى اللى جبتيه لنفسك يا سلوى ودخلت على الزنزانة بتاعتها
~•~•~•~•~•~•~•~•~•~•~•~•~•~•~•~•
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية فرصه استثنائية)
