رواية فرصه استثنائية الفصل السابع عشر 17 بقلم دودو محمد
رواية فرصه استثنائية الجزء السابع عشر
رواية فرصه استثنائية البارت السابع عشر
رواية فرصه استثنائية الحلقة السابعة عشر
مر اسبوع على ابطالنا بدون احداث تذكر
فى شقة مهند
وصل مهند الشقه وهو ماسك التحليل فى ايده اول ما شافته سمر طلعت تجرى عليه وقالت بقلق
سمر :- ها طمنى النتيجه ايه
مهند :- قعد على الكرسى وبصلها مده
سمر :- انطق يا مهند بقى
مهند :- الولد طلع ابنى
سمر :- اتنهدت بحزن وقعدت على الكنبه بزعل
مهند :- انا عارف انك زعلانه يا سمر بس مش فى ايدى حاجه اللى حصل ده من زمان قبل ما اتغير
سمر :- عارفه يا مهند ومش زعلانه ولا حاجه ودلوقتى ابنك ليه حق عليك لازم تشوف طلباته ايه وتنفذها بس ملكش دعوه بأمه فاهم
مهند :- اتوتر وقال ا.ا اه طبعآ هعمل كده
سمر :- قامت وقفت وقالت هروح احضرك الغدا
مهند :- وقف وقال مليش نفس ولسه هيمشى
سمر :- انت بقالك اسبوع مش بتاكل غير حاجات بسيطه جدآ وكل ما أسألك تقولى قلقان من النتيجه والنتيجه طلعت واللى حصل حصل رافض تاكل ليه بقى
مهند :- اتنهد وقال معلش يا حبيبتى مليش نفس كلى انتى وسابها ودخل الاوضه
سمر :- دخلت وراه وقالت مش عايزه اكل ولا اشرب انا عايزه مهند اللى حبيته بقالك اسبوع متغير وحزين ومبقتش زى الاول
مهند :- نام على السرير وقال معلش استحملينى بس الفتره دى
سمر :- قعدت جمبه وقالت يا حبيبى انا استحملك العمر كله بس مش عايزه اشوفك كده انا زعلانه علشانك مش منك يا مهند
مهند :- قام قعد وشد سمر فى حضنه وضمها جامد وباس راسها وقال عايزك تبقى متأكده أن مهما حصل محدش هياخد مكانك فى قلبى هتفضلى انتى حب عمرى وهفضل احبك لاخر نفس فيا ماشى
سمر :- بأستغراب انت ليه بتقول كده
مهند :- مفيش انا بس حسيت نفسى عايز اقولك كده و قولتلك بحبك وعايزك توعدينى انك تفضلى جمبى
سمر :- اوعدك طبعآ انا اصلا مقدرش اعيش من غيرك بعشقك يا مهند وباسته فى خده وحطت راسها على صدره
مهند :- ضمها فى حضنه وباس راسها واتنهد بحزن
~•~•~•~•~•~•~•~•~•~•~•~•~•~•~•~•
عند مياده
خرجت مياده من المدرسه ووقفت تنتظر الباص وفى الوقت ده جه مجدى ووقف جمبها بصت ليه واتنهدت وبعدت عنه راح وراها وقال
مجدى :- ميس مياده من يوم اللى حصل وسيبتى المدرسه ورجعتى ليها وانتى رافضه تتكلمى معايا هو حصل ليكى مشكله مع جوزك بسببى
مياده :- نفخت ومردتش عليه وبعدت عنه
مجدى :- راح وراها وقال ارجوكى ردى عليا
مياده :- لو سمحت مينفعش كده كفايه اللى حصل ليا المره اللى فاتت بسببك
مجدى :- يعنى حصل مشكله ما بينكم
مياده :- لاء خالص واحد سمع راجل بيقول لمراته بحبك عايزه ايه يطبطب عليها لو سمحت لاخر مره بقولك ابعد عن طريقى وفى الوقت ده جه مروان وشاف مياده بتتكلم مع مجدى اتعصب ونزل يجرى من العربيه وراح عندها واول ما شافته مياده اتوترت
مروان :- مسكها من دراعها وركبها العربيه وراح ضرب مجدى بالبوكس وقال انت عارف لو مبعدش عن مراتى هقتلك فاهم وراح ركب العربيه وشغلها ومشى بيها
مياده :- ممكن تهدا انت وعدنى انك هتتغير يا مروان
مروان :- مردش عليها وزود السرعه
مياده :- اهدا يا مروان ارجوك متنساش أن انت وعدنى انك مش هتتعصب
مروان :- بعصبيه اهدا ايه وزفت ايه راجل شاف مراته بتتكلم مع راجل غريب عايزاه ايه يروح يقولك اتكلمى براحتك يا حبيبتى ولا يهمك
مياده :- عارفه ان معاك حق بس دى قلة ثقه فيا انا عمرى ما اعمل اى حاجه تغضب ربنا وبعرف ازاى أوقف اى راجل يحاول يتخطى حدوده معايا ازاى
مروان :- انا بثق فيكى يا مياده بس برضه بحبك وبغير عليكى
مياده :- طيب وقف العربيه
مروان :- غمض عينه علشان يهدا ووقف العربيه
مياده :- خد الاول علاجك
مروان :- طلع الحبايه واخدها
مياده :- مشيت ايديها على خده وقالت عارفه انك اللى بتعمله ده كله علشان بتحبنى وعايزاك تتأكد انا كمان بحبك وعينى مش شايفه غيرك يا مروان
مروان :- مسك ايديها وباسها وقال والله بحبك اوى يا مياده وبثق فيكى بس مش قادر استحمل اشوفك بتتكلمى مع راجل غيرى
مياده :- ابتسمت ليه وقالت انا فعلا مش بتكلم مع راجل غيرك يا مروان بس ده رديت عليه علشان كنت بقوله ابعد عنى علشان بحب جوزى ومستحيل ابص لغيره يعنى كنت بوقفه عند حدوده مش اكتر
مروان :- ابتسم ليها وقال ربنا يخليكى ليا يا اغلى ما فى حياتى
مياده :- ابتسمت ليه وقالت ولا يحرمنى منك يا عمرى يلا بينا علشان نجيب عامر من الحضانه
مروان :- حاضر وشغل العربيه ومشى بيها
مياده :- بصت من الشباك وقعدت تفكر فى كلام الدكتور بتاع مروان لما قالها ازاى تتعامل مع مروان وقت غيرته عليها وازاى تسيطر على نوبات عصبيته وأنها تحاول تهديه بعد ما ياخد الحبايه وتحتويه اتنهدت بأرتياح لما حسيت بالفرق بعد علاج مروان وبصت ليه وابتسمت بحب
~•~•~•~•~•~•~•~•~•~•~•~•~•~•~•~•
فى فيلا ادم
رجع ادم من الشغل ودخل قعد على الكنبه بتعب ورجع راسه لوراه وسندها على ضهر الكنبه سلوى استغربت الحاله اللى فيها ادم وراحت عنده وقالت
سلوى :- انت كويس
ادم :- هز راسه يمين وشمال وقال لاء دماغى تقيله اوى
سلوى :- حطت ايديها على دماغه وقالت انت حرارتك عاليه اوى
ادم :- اممم شكلى داخل على دور برد
سلوى :- طيب قوم اطلع اوضك خد حمام بميه بارده وريح على السرير على ما اعملك حاجه تشربها
ادم :- وقف بصعوبه وقال ماشى وطلع على اوضه
سلوى :- بصت عليه بقلق وهو طالع ودخلت المطبخ تعمله حاجه يشربها
ادم :- دخل اوضه وقلع هدومه ودخل الحمام ووقف تحت الدش وسند ايده على الحيطه وبعد وقت خلص ولف البشكير على وسطه وخرج من الحمام ونام على السرير بتعب
سلوى :- دخلت الاوضه وهى معاها المشروب اول ما شافته كده اتكسفت وقالت ا.ا.ادم ا.ا.ادم
ادم :- بتعب اممم
سلوى :- قوم يلا عملتلك حاجه تشربها
ادم :- مش قادر يا سلوى
سلوى :- لازم تشرب سوايل كتير هتنفعك
ادم :- مش قادر ارفع راسى سبيه وانا دلوقتى اشربه
سلوى :- لازم تشربه وهو سخن كده واتنهدت وراحت قعدت على حرف السرير وحطت الكوبايه جمبها وقالت تعالى اساعدك تقوم ومدت ايديها وبدأت تساعده انه يقعد بس مقدرش قالت ساعدنى يا ادم
ادم :- مش قادر يا سلوى والله
سلوى :- حطت ايديها تحت راسه ورفعتها وحطته على صدرها ومسكت الكوبايه وقالت اشرب يا ادم
ادم :- شرب منها بصعوبه وبعد وقت خلصت نيمته تانى على المخده وحطت ايديها على راسه لقيت الحراره لسه عاليه دخلت جابت شوية ميه بارده وقماشه وبدأت تعمله كمادات وقامت مسكت الغطا حطته عليه وقعدت جمبه تانى وشالت القماشه وحطتها فى الميه ورجعت حطتها تانى على راسه
~•~•~•~•~•~•~•~•~•~•~•~•~•~•~•~•
فى شقة مراد
دخلت علياء الاوضه عند مراد وقعدت جمبه على السرير وطبطبت على رجله وقالت
علياء :- واخرت اللى انت عمله فى نفسك ده ايه اسبوع من ساعة اللى حصل من اختك وانت حابس نفسك فى الاوضه ومش بتتحرك منها
مراد :- بوجع صعبان عليا نفسى يا علياء كل مشكله بقع فيها بتكون بسبب حد من اهلى اول مره كان السبب مهند وتانى مره من اختى لحمى ودمى اكتر ناس بيوجعونى يا علياء
علياء :- بس وقت ما تقع مش هتلاقى غيرهم يمد أيديهم ليك لحمك ودمك هيفضلوا هما أقرب ليك من اى حد فى الدنيا دى اه بتحصل ما بينكم مشاكل وممكن يكون فيه منكم عنده شوية انانيه بس فى الجد ملكش غيرهم ولا ليهم غيرك سامحها هى طايشه وتصرفاتها صعبه شويه بس مهما كان بنت مكسوره الجناح وعشمانه فى أخواتها يفضلوا جمبها انت فى مقام ابوها يعنى لو منار غلطت مش هتسامحها وتعرفها غلطها
مراد :- غدرها كان صعب عليا اوى الضربه لما بتيجى من اقرب ما ليكى بتكسر اوى
علياء :- معلش انت قلبك كبير وطيب واكيد هتسامحها
مراد :- مش قادر يا علياء
علياء :- كنت بقول كده كنت بقول مش هقدر اسامحك عمرى والنتيجه ايه بقيت مراتك وعايشه معاك تحت سقف واحد
مراد :- انتى ازاى كده بعد كل اللى عملته فيكى قادره تسامحيها وكمان تحاولى تقنعينى أنا كمان اسامحها
علياء :- علشان اتعود أن المسامحه صفه جميله ربنا بيخلقها فى الإنسان صفه اتفقدت فى وقتنا ده وعلشان مبقتش موجوده الاخ بيقتل اخوه والبنت بتقتل امها وحاجات كتير بتحصل لو الناس كلها تتعود تسامح الدنيا هيتصلح حالها
مراد :- مسك ايديها وقال مش كل الناس قلبها ابيض زيك يا علياء انتى حاجه نادره مبقتش موجوده دلوقتى
علياء :- لاء فيه كتير اوى يا مراد بس مش ظاهرين
مراد :- بص فى عينيها وقال بحبك اوى يا علياء انتى اجمل حاجه فى حياتى
علياء :- بكسوف ه.ه.هروح اشوف زين بيعمل ايه ولسه هتقوم
مراد :- مسك ايديها وشدها ليه وحسس على خدها وقال أنا محتاج حضنك اوى يا علياء
علياء :- بتوتر ها
مراد :- محتاج حضنك ارجوكى
علياء :- اتنهدت بتوتر وقربت منه ببطئ
مراد :- حط راسه على صدرها ولف دراعه حاولين وسطها
علياء :- مدت ايديها ببطئ ومشيتها على شعره وقربت من راسه وباسته
مراد :- رفع راسه وبص ليها بحب وغمض عينه وقرب من شفايفها ولسه هيبوسها
علياء :- بعدت عنه وقالت ز.ز.زين بيعيط
مراد :- مسك ايديها وشدها وقال مفيش حد بيعيط سيبى نفسك ليا يا علياء متخافيش
علياء :- بصت ليه بتوتر وهزت راسها بالموافقه
مراد :- مسك وشها بين ايديه وقرب من شفايفها وباسها
علياء :- مسكت فى هدومه بتوتر وخوف
مراد :- بعد عنها وبصلها بقلق وقال بلاش لو قلقانه
علياء :- هزت راسها يمين وشمال وقال ل.ل.لاء ك.ك.كمل
مراد :- بتردد شكلك قلقانه وخايفه
علياء :- ده طبيعى يا مراد
مراد :- ضمها فى حضنه وقال بدموع حقك عليا يا علياء انا السبب فى كل اللى بيحصلك ده
علياء :- بعدت عن حضنه وبصت فى عينيه وقالت بس انا مسمحاك وبحبك يا مراد
مراد :- قرب من شفايفها وباسها ومد ايده فتح السوسته بتاعة الترنج بتاعها و(سكتت شهرزاد عن الكلام الغير مباح)
~•~•~•~•~•~•~•~•~•~•~•~•~•~•~•
فى شقة حكمت
دخلت حكمت الاوضه عند مريم لقيتها بتعيط قعدت جمبها على السرير وقالت
حكمت :- واخرتها يا بنتى من ساعة ما جيتى حبسه نفسك فى الاوضه وعماله تعيطى ورافضه تاكلى حتى ابنك رافضه ترضعيه محدش عمل فيكى كده انتى السبب يا مريم حقدك وكرهك لكل الناس وصلك للى انتى فيه ده لازم تستحملى وتنتبهى لاولادك بقى
مريم :- مش قادره يا ماما جوزى واخويا مره واحده عارفه ان غلط فى حقهم بس والله كنت ناويه اتغير بجد هما اللى مدونيش فرصه لكده
حكمت :- صعبه عليهم لما يكتشفوا انك انتى وراه كل المصايب اللى حصلت ليهم دى اصبرى شويه واخوكى يهدا شويه واكلمه يسامحك وجوزك بقى الرجوع صعب ليه يا بنتى دى أخته برضه واللى انتى عملتيه فيها مش شويه
مريم :- بدموع مقدرش اعيش من غير عبدالرحمن يا ماما انا بحبه
حكمت :- ربنا يهديه ويصلح الأمور ما بينكم المهم دلوقتى كلى لقمه صغيره تسندى بيها قلبك وشوفى الولد اللى قلبه اتقطع من العياط علشان عايز يرضع منك مش عايز الببرونه
مريم :- هزت راسها يمين وشمال بدموع وقالت مش عايزه اكل يا ماما
حكمت :- طيب يا بنتى هترضعى ابنك ازاى
مريم :- حطت ايديها على صدرها وقالت رضعيه الببرونه يا ماما مش هقدر ارضعه
حكمت :- لا حولا ولا قوة الا بالله وقامت وقفت وقالت لما اروح ارضعه الببرونه وخلاص واكل البت احسن عماله تعيط بره وجعانه وخرجت وسابتها
مريم :- بصت على امها وهى ماشيه وقعدت تعيط
~•~•~•~•~•~•~•~•~•~•~•~•~•~•~•~•
فى شقة مهند
كان قاعد فى اوضه وبيفتكر ايه اللى حصل بعد ما ظهرت نتيجة التحليل
فلاش بااااك
خرج مهند من المعمل ومعاه احلام وابنه بص لاحلام بحزن وقال
مهند :- بكره الصبح هروح اكتبه على أسمى
احلام :- مفيش مشكله بس فين وعدك ليا
مهند :- وعد ايه
احلام :- مش انت وعدنى انك هتتجوزنى لو طلع الولد ابنك واهو طلع ابنك فين تنفيذ وعدك
مهند :- انا موعدكيش يا احلام انا قولتلك ربنا يسهل وكنت بفكر فى الموضوع بس مش هقدر اعمل كده سمر مش هتوافق وانا مستحيل ازعلها منى انا ما صدقت أنها بقت معايا
احلام :- بس فين شهامتك يا مهند ترضاها على أم ابنك يتقال عليها انها واحده رخيصه جابت ابنها من الحرام ولا ابنك هتبقى ايه نظرته لينا لما يكبر ويعرف الحقيقه اتجوزنى انشالله ليله واحده بس وبعد كده طلقنى ارجوك يا مهند بلاش تتخلى عنى فى وقت زى ده
مهند :- يا احلام افهمينى سمر مستحيل توافق على حاجه زى كده
احلام :- مش لازم تعرف
مهند :- بأستغراب ازاى
احلام :- يعنى نطلع على المأذون وبابا يجى لينا هناك وتكتب كتابى وبعد كده ابقى طلقنى من غير ما هى تحس بحاجه
مهند :- بس
احلام :- قطعته وقالت حلتها ليك اهو يا مهند لو رفض يبقى انت اللى عايز تتهرب من المسؤوليه وشهامتك كراجل
مهند :- سكت شويه وقال ماشى يا احلام هكتب كتابك وهطلقك تانى يوم بس ملكيش عندى اى حقوق فاهمنى طبعآ
احلام :- بفرحه ماشى موافقه يلا بينا
مهند :- بصلها مده بقلق واتنهد ووقف تاكسى وراحوا على المأذون
~•~•~•~•~•~•~•~•~•~•~•~•~•~•~•~•
بااااااااك
فاق مهند على صوت سمر ليه بتقوله
سمر :- ليه عملت كده يا مهند
مهند :- بتوتر عملت ايه
سمر :- بدموع ليه تتجوز احلام عليا
مهند :- بتوتر ها م.م.محصلش مين قالك الكلام ده
سمر :- اطلع لمراتك بره بس قبل ما تخرج ليها طلقنى يا مهند
مهند :- سمر افهمينى انا عملت كده علشان الولد وهطلقها بكره والله العظيم انا ما خونتك ولا كنت ناوى اخونك
سمر :- بدموع طلقنى يا مهند
مهند :- سمر بلاش تتهورى واهدى وفكرى فى كلامى انا كتبت كتابها وجيت على هنا لو كنت عايز اخونك كنت روحت معاها لكن انا جيت هنا عندك على البيت اللى حصل ده تصليح غلطه قديمه بس مش اكتر لكن انا بحبك انتى ومستحيل اطلقك انا ما صدقت أننا اتجوزنا ومسك ايديها وقال سمر انتى وعدنى انك مش هتبعدى عنى ولا هتسبينى مهما حصل ابوس ايديك بلاش تبعدى عنى
سمر :- سحبت ايديها من ايده وقالت بدموع متلمسنيش فاهم
مهند :- مد ايده علشان يمسح دموعها
سمر :- رجعت راسها لوراه وبصت الاتجاه التانى
مهند :- سمر انا بحبك ومستحيل أفرط فيكى تانى بعد ما بقيتى معايا واحلام انا كنت منتظر بكره علشان اطلقها بس مدام لعبة معايا اللعبه الوسخه دى ودينى لاندمها على اللى هى عملته معايا
سمر :- انا مليش دعوه بكل اللى قولته ده دى حاجه تخصك انت إنما أنا مش هقعد ثانيه واحده هنا وهستنى ورقة طلاقى وراحت فتحت الشنطه بتاعة الهدوم بتاعتها وبدأت تحط هدومها
مهند :- راح عندها وبقى يشيل الهدوم من الشنطه وقال أنا وانتى واحد يا سمر واللى يخصنى يخصك ارجوكى متسبنيش
سمر :- بدموع قعدت تضرب فيه وتقول انت خاين انا بكرهك بكرهك وقعدت فى الارض وقالت انا قولتلك قبل ما نتجوز هى أحق بيك منى انت اللى صممت أننا نتجوز ياريت ما كنت سمعت كلام حد ياريت وحطت ايديها على وشها وقعدت تعيط
مهند :- دموعه نزلت منه وقعد جمبها فى الارض وشدها فى حضنه
سمر :- زقته وقالت ابعد عنى ومسحت دموعها وقالت اطلع بره سيبنى لوحدى
مهند :- لاء يا سمر مش هسيبك
سمر :- اطلع بره يا مهند بقولك روح شوفها عايزه ايه هى مستنياك بره
مهند :- بص بغيظ على الباب وقال شويه ورجعلك تانى يا سمر وخرج وهو متعصب وراح عند احلام
سمر :- بصت عليه بدموع وقامت وقفت حضرت شنتطها وغيرت هدومها وقعدت على السرير وقعدت تعيط
مهند :- خرج من الاوضه ودخل عند احلام ومسكها من دراعها بعصبيه وقال جايه هنا ليه عايزه منى ايه
احلام :- جايه بيت جوزى فيها ايه دى وبعدين انا اللى احق بيك مش هى يا مهند انا أم ابنك
مهند :- داس اكتر على دراعها وقال أنا جوز واحده بس سمر يا احلام هى دى مراتى وحبيبتى وأحق منك انتى واحده رخيصه سلمتى نفسك ليا بكل سهوله و دلوقتى عامله نفسك ضحيه
احلام :- بتعايرنى علشان حبيتك وصدقتك وسلمت نفسى ليك
مهند :- عمر الحب ما كان سبب ولا مبرر علشان تسلمى نفسك لأى راجل علشان لو انا كنت حبيتك بجد كنت دخلت من الباب وطلبت ايديك من أهلك إنما انتى كنتى مجرد تسليه مش اكتر
احلام :- ودلوقتى انت المفروض تكون اتغيرت وتصلح الغلط ده
مهند :- وصلحت بس طلعتى واطيه وناويه على خراب ليا وانا مش هسمح ليكى تعملى كده يا احلام اطلعى بره وورقتك هتكون عندك بكره
سمر :- خرجت من الاوضه وهى شايله شنتطها وراحت اتجاه باب الشقه
مهند :- طلع يجرى عليها ومسكها من دراعها وقال لاء يا سمر متسبنيش ارجوكى
سمر :- سبنى لو سمحت يا مهند
مهند :- سمر علشان خاطرى خليكى
سمر :- شدت دراعها وفتحت الباب ونزلت وهى دموعها نازله منها
مهند :- سمر يا سمر خليكى ارجوكى وبص لاحلام وراح عندها ومسك دراعها وحدفها بره وقال مش عايز اشوف وشك تانى فاهمه وقفل الباب وقعد وراه وقعد يعيط
~•~•~•~•~•~•~•~•~•~•~•~•~•~•~•~•~•
عند عبدالرحمن
خرج من الشركه وراح على مطعم وقعد ينتظر الاكل وكان حزين وقاعد سرحان واتفاجئ بشوربه وقعت عليه بص بعصبيه وقال
عبدالرحمن :- مش تخلى بالك يا عاميه
البنت :- ا.ا.اسفه والله مكنتش اقصد
عبدالرحمن :- اعمل ايه بأسفك ده دلوقتى
البنت :- ارجوك وطى صوتك المدير لو سمعك هيطردنى وانا ما صدقت لقيت شغل النهارده
عبدالرحمن :- وانا مالى بظروفك اعمل انا ايه دلوقتى فى هدومى اللى اتبهدلت
المدير :- خير يا فندم حصل حاجه
عبدالرحمن :- ايوه حصل الهانم وقعت عليا طبق الشوربه وبهدلت هدومى كلها اروح ازاى انا كده
المدير :- احنا اسفين يا فندم وبص للبنت وقال اتفضلى يا انسه ملكيش شغل هنا تانى
البنت :- بصت لعبد الرحمن وقالت عجبك كده منك لله ربنا ينتقم منك وسابتهم ومشيت
عبدالرحمن :- حس بالذنب وبص للمدير وقال مكانش لازم تمشيها كنت خصمت من مرتبها وخلاص
المدير :- هو اصلا كان أول يوم ليها وكنا بنختبرها احنا اسفين مره تانيه يا فندم عن اذن حضرتك وسابه ومشى
عبدالرحمن :- قعد واتنهد بزعل وبص على البنت وهى خارجه من المكان حط الحساب على الترابيزه وطلع يجرى بره بص بعينيه عليها لقها قاعده على الرصيف وعماله تعيط راح عندها وقال أنا اسف مكنتش اقصد اقطع عيشك
البنت :- بصت ليه ومسحت دموعها وقامت وقفت وقالت والله يعنى كنت مستنى ايه المدير يجى يطبطب عليا ويقولى وقعى الشوربه على الزباين ولا يهمك
عبدالرحمن :- لاء بس قولت هيخصم من مرتبك وخلاص
البنت :- الكلام ده لو مكانش اول يوم ليا
عبدالرحمن :- طيب هتعملى ايه دلوقتى
البنت :- ولا حاجه هرجع الف كل يوم فى الشوارع وعلى المحلات لحد ما الاقى شغل تانى ويجى واحد رذل زى حضرتك وامشى منه بسببه
عبدالرحمن :- هو بصرف النظر عن لسانك الطويل ده بس انا عندى شغل ليكى
البنت :- بفرحه بجد فين
عبدالرحمن :- فى شركه(….) عارفها
البنت :- بفرحه بجد اكيد طبعآ عارفها
عبدالرحمن :- معاكى شهاده
البنت :- ايوه تجاره قسم حسابات
عبدالرحمن :- تمام تعالى بكره الساعه تسعه وانا هسيب ليهم خبر اسمك ايه
البنت :- تسنيم
عبدالرحمن :- ايه
تسنيم :- تسنيم أسمى تسنيم
عبدالرحمن :- اسم غريب بس حلو
تسنيم :- شكرآ بس اوعى تكون بتشتغلنى
عبدالرحمن :- وانا هشتغلك ليه فيه ما بينا معرفه ولا حاجه
تسنيم :- لاء
عبدالرحمن :- يبقى خلاص هستناكى بكره فى الشركه اتفضلى الكارت بتاعى اهو
تسنيم :- اخدته منه وبصت فيه وقالت شكرآ جدآ يا استاذ عبدالرحمن
عبدالرحمن :- العفو وسابها وركب عربيته ومشى
تسنيم :- بصت ليه وهو ماشى وقالت يخربيت ام عجرفتك ومشيت روحت على بيتها
~•~•~•~•~•~•~•~•~•~•~•~•~•~•~•~•
فى فيلا ادم
بدء ادم يحرك راسه بتعب وفتح عينه بص جمبه لقه سلوى قاعده جمبه وبتعمل ليه كمادات
ادم :- هو ايه اللى حصل
سلوى :- حرارتك كانت عاليه جدآ عملت ليك كمادات والحمد الله نزلت خالص اهى
ادم :- ابتسم ليها بتعب وقال شكرآ يا سلوى تعبتك معايا
سلوى :- مفيش تعب ولا حاجه المهم انك كويس دلوقتى وقامت وقفت
ادم :- مسك ايديها وقال رايحه فين
سلوى :- هروح الوقت أتأخر ولازم امشى
ادم :- خليكى
سلوى :- مينفعش يا ادم
ادم :- قام وقف وقال طيب ما توافقى بقى محتاجك جمبى يا سلوى خلاص مبقتش قادر استحمل بعدك عنى اكتر من كده
سلوى :- دعكت ايديها الاتنين فى بعض وبصت الاتجاه التانى
ادم :- لف دراعه حاولين وسطها وقربها ليه وحط راسه على راسها من وراه وقال ردى عليا يا سلوى مش عايز اعمل حاجه واندفع بمشاعرى وتزعلى منى
سلوى :- بعدت عنه وهزت راسها يمين وشمال وقالت بدموع مش هينفع
ادم :- بأستغراب ليه مش هينفع
سلوى :- بدموع علشان انا مش زى ما انت فاكر
ادم :- يعنى ايه
سلوى :- بصت ليه بدموع وقالت قبل ما اقولك اى حاجه عايزاك تعرف أن انا حبيتك بجد والله العظيم حبيتك
ادم :- سلوى اتكلمى علطول انا مش فاهم حاجه
سلوى :- بصت ليه بدموع وقالت بتوتر ا.ا.انا ابقى اخت ملك
ادم :-……………..
~•~•~•~•~•~•~•~•~•~•~•~•~•~•~•~•~•
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية فرصه استثنائية)
