رواية رونز قلبي الفصل السابع عشر 17 بقلم رونز مراد
رواية رونز قلبي الجزء السابع عشر
رواية رونز قلبي البارت السابع عشر
رواية رونز قلبي الحلقة السابعة عشر
رانيا: أحمد انت قولتلي قبل كدا إني حبيبتك ولو أنا حبيبتك فعلاً هطلب منك طلب واحد واتمنى تنفذه
أحمد بقلق: طلب ايه..طب فرصـ..
خلود بتضحك بشماتة: أشوفك بعدين يا بيبي ولسه هتمش
رانيا بمقاطعة: طلعني من هنا
خلود وقفت بصدمة
أحمد بتوتر: ايه؟؟
رانيا بصرامة: عاوزة أروح
خلود نفخت ومشيت
أحمد بتوتر: رانيا ممكن تسمعيني
رانيا مسحت دموعها: ممكن أروح انا مش بطلب المستحيل لو سمحت
أحمد: طب وحاجات الفرح والفستان
رانيا بسخرية: لا ما أنا طفحتها خلاص ومشيت من غير ولا كلمة وطلعت من المحل ومن غير ما تعرف رقية وأحمد طلع وراها علطول
—————————
أدهم: السلام عليكم ورحمة الله وبركاته..اتأخرت عليكم
شهد ورونز : وعليكم السلام ورحمة الله وبركاته..لا الحمد لله
أدهم: طب يلا نبدأ؟
رونز بتوتر: بجد أنا حاسة إني مش جاهزة أمتحن يا أدهم
أدهم بيمثل الصرامة: بس أنا قولت هتمتحن النهاردة يا رونز
شهد: طب يا مستر لو ينفع تمتحن حتى بكرا
أدهم وهو كاتم الضحكة: الله الله وهي حفظتك بقى يا أستاذة شهد
رونز بغيظ: علفكرا أنا مليش دعوة هي صاحبتي وبتدافع عني
شهد بتوتر: لا يا مستر بس طول الطريق كانت قلقانة وكدا
أدهم بص لـ رونز: مش أول امتحان ولا آخر امتحان وأنا واثق فيك حتى لو مش هتقفل بس أبقى مطمن إنك مستعدة دايماً وقد المواجهة ولا انت بقى ناوية على هروب!
رونز بتحدي: تمام ابدأ يا مستر
شهد ضحكت
أدهم بيضحك: يااه مستر مرة واحدة احنا كدا نزعل من الحق
رونز بثقة: بس أنا أهو بقولك أنا قد التحدي وهقفل الإمتحان دا بإذن الله
أدهم بخبث: منتظرك ونهاية التحدي كمان يومين يعني مش بعيدة
شهد: احم
رونز: اتفضل ابدأ
أدهم بمكر: مش هبدأ
رونز بإستغراب: يعني ايه؟!
أدهم: مفيش حاجة ببلاش
رونز: لا والله..والمقابل بقى ايه!
أدهم بتلاعب: تقوليلي بحبك دلوقت
رونز اتحرجت من شهد أوي وشهد كذلك إنها قاعدة
شهد: طب هقوم أشرب
أدهم: لا تقولها قدامك
رونز: أدهم عيب كدا
أدهم: خلاص براحتك بس عموماً نص الإمتحان اللي ناوية تقفليه دا من حصة المرة اللي فاتت
رونز: يعني بتهددني
أدهم بيضحك: أو بتحداك برضو
شهد بصيت لـ رونز اللي هو حرام عليك اخلصي
رونز بصوت واطي: تمام..أنا بحبك
أدهم: مش سامع
رونز بغيظ: بحبك خلصنا يلا ابدأ
أدهم بيضحك: تمام كفاية كدا يلا
وبيقول لـ نفسه تاني قاعدة يا ست رونز هعلمك ازاي تظهر حبك ليا قدام العالم قبل ما يكون قدام نفسك
وبدأ يشرح وأول ما خلص كان فاضل عشر دقايق على الحصة وأدهم طلع يجهز الورق والطلاب حضروا ورونز بدأت التحدي
—————————
يوسف: هه ردت عليك عليها
رقية : مش عارفة بتعيط وبتقولي أنا هروح دلوقت ولما تيجي هقولك
يوسف: إن شاء الله خير هتلاقي أحمد عمل دماغه بدماغها في فستان أو كدا
رقية: أتمنى
يوسف: طب ايه عاوزين نشوف ضحكتك ويلا علشان نختار الطقم بتاعي
رقية ابتسمت: يلا
وطلعوا على محل الشباب واختاروا شميز أسود وبنطلون بيج ماتشينج مع فستان رقية
————————–
سليم: شوشو أنا هنزل شوية وجاي
شروق: رايح فين؟
سليم: هقابل بس عبد الرحمن نص ساعة وجاي واعمل حسابك تكوني جاهزة على 7 كدا
شروق: هنروح فين؟
قرب منها وباسها من خدودها: هنقضي وقت مع بعض
شروق: توصل بالسلامة بس أنا مش عاوزة
سليم: وأنا محتاج أتكلم مع مراتي زي زمان شوية دا من حقي يلا سلام يا قلبي ولو عاوزة حاجه اتصل عليا وباسها تاني ونزل
شروق ابتسمت: ياء الملكية دي حلوة كدا ليه..احم اتلم قولنا هنربيّه مش ندوب فيه!!
وفاء: يا شوشو
شروق من على الباب: جاية يا ماما حاضر..نعم يا حبيبتي
وفاء: البت رونز عاملة ايه مش بتيجي ليه البت دي؟
شروق: معلش يا ماما اعذريها خلاص الإمتحان فاضل عليه بالظبط أقل من شهر
وفاء: ربنا يوفقها يا حبيبتي هي مجتهدة وتستاهل كل خير وانت كمان يا حبيبتي
شروق: حبيبتي تسلميلي يارب يلا نعمل محشي النهاردة
وفاء بتضحك: يلا يختي ما حبيب القلب بيحبه
شروق بتضحك: وشروق بتحبه لو تاخدي بالك
وفاء: يبت عليا ماشي هعمل نفسي مصدقة
———————–
أدهم: هششش مش عاوز صوت
رونز بتسلم الورقة ولسه بتحطها
أدهم: راجعت؟
رونز بثقة: الحمد لله
أدهم: وسؤال 6 في اختر
رونز بتضحك وبتسكت
أدهم بيهمس: التحدي ليه عقاب
رونز بنفس الهمس: و رونز تربية أدهم ومش بتخسر خد بالك
أدهم ابتسم على كلامها ولسه هيتكلم لقى ولد وراها: خلاص هنشوف ربنا يوفقك
رونز طلعت وشهد وراها
شهد: هه عملت ايه؟
رونز: الحمد لله واحدة بس مش متأكدة منها
شهد: ايه هي؟
رونز بتضحك: سؤال في اختر
شهد بإستغراب: بتضحك على ايه..بس استني اختر كانت 5 بس
رونز بتضحك: بالظبط كدا
شهد: يعني ايه؟
رونز: امشي امشي ربنا يهديك على المهلبية دي
شهد: ماشي يختي
رونز: هتروح لـ مستر عمر امتى؟
شهد: على 6 بإذن الله
رونز: اشطا أشوفك هناك وكل واحدة روحت بيتها
—————————-
وفاء: ايه يا سهير بتصل عليك كتير
سهير بقلق: معلش يا وفاء دماغي مش فيا
وفاء: هو وصل؟
سهير: مش عارفة بس محدش قالي حاجة أكيد لسه موصلش
وفاء: يمكن تهديد منها وخلاص
سهير: مش عارفة يلا بقى ربنا يستر
وبدأوا يتكلموا مع بعض في مواضيع تانية
—————————
رانيا وأحمد وصلوا ودخلوا البيت
وأحمد لسه بيقفل العربية رانيا طلعت تجري على البيت
أحمد: يا رانيا اصبري وجري وراها
أبو رقية: وه مالك يا بنتي عيونك عاملة كدا ليه؟
رانيا دخلت في حضنه: مفيش يا بابا مخنوقة بس شوية
أحمد دخل ورانيا طلعت على فوق
أبو رقية: عملت فيها ايه؟
أحمد بزهق: مفيش حاجة يا بابا مشكلة وهتتحل وطلع
أبو رقية: ربنا يصلح حالكم يبني وطلع على الأرض بتاعته
أحمد طلع لقى رانيا عاملة نفسها مشغولة وبتطبق الهدوم
أحمد شد منها الحاجة: ممكن نتفاهم طيب!
رانيا خطفتها منه: مفيش بينا تفاهم ولو سمحت أنا ساكتة ومتكلمتش يبقى قفلناها
أحمد: طب ليه ساكتة وليه كان رد فعلك كدا واتقفلت امتى برضو؟
رانيا بسخرية: ردة فعلي هي اللي كان لازم أعمله أومال أخليها تشمت فيا زي زمان لما اتكسرت أول مرة وتقولي حبيبك أنا حبيبته مش انتِ ولا عاوزني أطلب الطلاق قدامها وأبقى مش مالية عينك قدامها ودا اللي واضح فعلاً..قولتلك كل واحد وليه نصيب ويا ابن الحلال شهر بس علشان رقية وفرحتها وكل واحد يشوف نصيبه
أحمد: يعني ايه؟
رانيا بتوتر: يعني نطلق وكل واحد يختار اللي يريحه
أحمد بيضغط على ايديه وبيقرب منها: امم ويا ترى مين اللي هيريحك يا ست رانيا
رانيا بتبعد: معرفش بس أكيد هلاقي اللي يحبني وأبقى حبيبته
أحمد: يبقى فيها موتك يا رانيا وحاولي تتفادي غيرتي علشان هتطلع عليك وهتتعبك وطلاق دي عند أمك مش هنا وسابها ونزل
رانيا بغباء: هو قال غيرة..هو قصده ايه عند أمي دي!
ورجعت تعيط وتقول والله هعلمك الأدب
————————–
أدهم رجع البيت بعد تعب اليوم واتصل على رونز
رونز بخبث: نعم يا مستر
أدهم: لا مستر كدا هنشد في شعر بعض
رونز بتضحك
أدهم بمكر: ألا قوليلي عملت سؤال 6 في اختر ايه
رونز بنفس المكر: امم مكتوب عندك في الورقة
أدهم: استني أشوفها كدا..نعم يختي ومالها جميع ما سبق معلش؟!
رونز بتضحك: بس قلب أدهم عندي الأهم
أدهم: بلاش جلطة
رونز: أنا تكتب ليا سؤال يوقعني قال ما الأهم لـ رونز (ضحكة ادهم-قلبه-أدهم-جميع ما سبق) استلم انت بقى
أدهم بغيظ: أيوة هتعمل ايه بقلب أدهم لوحده
رونز بحب: لا حاسب كدا قلب أدهم بالدنيا القلب اللي بتقول عليه دا اللي عرفني ازاي أنا جميلة وأستاهل الحب منه ونفس القلب دا اللي علمني أواجه زيه كدا وكذلك علمني يعني ايه كل صعب هنعدي بيه سوا ، قلب أدهم يعني حب رونز يا أدهم لكن معلش هعمل ايه بالشكل ولا غيره وبرضو أنا شايفة أدهم كله حلو بسبب قلبه يعني كل الجهات بتوصلني لـ قلب أدهم
أدهم بحب: ورونز تستاهل قلب أدهم والله
رونز بضحكة من قلبها: لا دا كدا كدا علفكرا غصب عنك
أدهم بيضحك: أقنعتيني هتاخدي الدرجة
————————–
سليم وهو جاي لقى يوسف بيتصل عليه
سليم: ايه صابت ولا عكيت؟
يوسف بيضحك: لا متخافش يخويا إن شاء الله خطوبة أخوك بعد يومين طبعاً من غير ما أقولك العيلة كلها تكون عندنا
سليم بفرحة:ألف مبروك يحبيبي أخيراً يا عم
يوسف بيضحك: كله بفضلك يا سلاموني
سليم: سلاموني اقفل أحسن
يوسف: متنساش هستناك تجهزني
سليم: ماشي يخويا دا اللي انت فالح فيه انت وأدهم صنف واحد
يوسف: عيب يا بيبي
سليم بيضحك: بيبي طب وربنا هطلعه عليك كله لما….
يوسف: صحيح انت عرفتهم إنك…
سليم بتنهيدة: لا ومش عارف رد فعلهم هيكون ايه بس ربنا يستر ومحدش يعرف إني…
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية رونز قلبي)
