رواية ظلم بلا حدود الفصل الرابع عشر 14 بقلم ريناد يوسف
رواية ظلم بلا حدود الجزء الرابع عشر
رواية ظلم بلا حدود البارت الرابع عشر
رواية ظلم بلا حدود الحلقة الرابعة عشر
عليا اول ماحست بأدين حازم بتلمسها عملت نفسها مخضوضه ولفت بسرعه ومره وحده عورت حازم
بالسكين فى وركه وعملت نفسها اتخضت عليه
عليا :حازم انا اسفه اسفه مكنش قصدى والله
حازم وهو بينزف ومذهول من خوفها عليه بالشكل دا
عليا :ايه ده انتا بتنزف جامد وحطت ايدها المغروزه فى
الشطه على الجرح خلت حازم يصرخ بعلو صوته
وهنا طلعت سالى تجرى وكريمه وحسن
واتخضو لما شافو الدم مغرق المطبخ وحازم بيصرخ وعليا
حاطه ايدها على جرحه
حسن :فيه ايه حصل ايه
عليا :انا واقفه فى المطبخ بعمل شاى وحازم دخل محستش
بيه ماسكه السكينه وبلف مره وحده لقيته ورايه
انا أسفه مكنش قصدى وقعدت تعيط وعملت نفسها مرعوبه على حازم اللى رغم المه حس انه خلاص عليا
بقيت بين ايديه وانها عينها منه
سالى :مش تفتحى انتى اتعميتى؟ كده تعوريه افرضى الضربه
كانت جات فى بطنه
عليا وهى بتعيط :بعد الشر انا مكنتش اقصد والله حتى اسألى حازم
حازم :صح هى مكنتش تقصد انا دخلت واتكلمت مره وحده
وهى اتخضت
كريمه :طب يلا ياحسن خد اخوك واطلع على المستشفى
بسرعه شوف جرحه ..
حسن اخد ابراهيم واتنين من الجيران راحو معاه
عليا دخلت اوضتها وقعدت على السرير بانتصار حطت رجل على رجل ومبتسمه
فجأه الباب اتفتح ودخلت سالى وقفلت الباب وراها
عليا عملت نفسها حزينه …حازم هيبقى كويس مش كده
سالى قربت منها ومسكتها من هدومها
اسمعى يابت انتى اياكى تكونى فاكرانى مش واخده بالى منك ومن
عمايلك ومشاغلتك لحازم
بقولك ايه ابعدى عن حازم احسنلك دنا اكلك بسنانى فاهمه ..كله الا حازم
عليا مره وحده نزلت ايديها ومسكتها من شعرها وداست على
دماغها نيمتها على السرير
حازم مين المعفن بتاعك ده اللى ابصله يارمه.. دا هو اللى عينه مبتنزلش من عليا دايما وطول الوقت هياكلنى بعنيه فالراحه الجايه .. ودا مش جديد عليا انا كل العيون عليا طول الوقت …فبدال متيجى تتشطرى عليا املى عين جوزك وخليه ميبصش لحد غيرك …
وبالنسبه لحكاية تاكلينى دى انا مبتاكلش ياماما انا عضمه
ناشفه عليكى اووى
وحازم لو لقيته بيبصلى تانى هخلى حسن يخزق عنيه
ولا اقولك انا اللى هخزقله عنيه ودلوقتى غورى من قدامى
عليا سابت سالى اللى خرجت بره الاوضه مذهوله من الجبروت اللى بتتكلم بيه عليا معاها ..
حازم جه هو وحسن ودخل اوضته عشان يرتاح وسالى نفسها
تطبق فى زماره رقابته لكنها مقدرتش تتكلم عشان مفيش فأيدها دليل على اى حاجه …
الايام بتمر وعليا بتتجنب انها تقعد مع حازم لوحدهم
او انها تتكلم معاه ودا كان بيجننه
فى يوم قدام كل البيت
عليا : انا عاوزه فلوس
سالى :وعاوزه فلوس ليه وانتى معاكيش فلوس يعنى مانتى بتشتغلى …
عليا :بس عايزه فلوس من جوزى عايزه احس انى فعصمه راجل بيصرف عليا وكل ماقوله يقولى خدى من سالى
سالى :منين اللى بيديهونى حسن وحازم يدوب على مصروف
البيت
عليا :ليه كده انتى على كده مش ست بيت شاطره ومدبره
دول بيدوكى تقريبا ٤ تلاف جنيه فى الشهر معقول مش بيفضل منهم؟
سالى :يفضل ايه دحنا احيانا بنستلف عشان نكمل الشهر
عليا :لا لو كده يبقا انا اللى امسك مصروف البيت دا بعد اذن ماما كريمه طبعا اصل الظاهر انك مش عارفه تديرى اموره كويس ..
سالى نعم اللى هو ازاى يعنى ؟
كريمه لسه هتتكلم
عليا :اسكتى ياماما اما انا وصيتلك على حته عبايه وشويه حجات تحفه
كريمه ابتسمت
سالى :حجات ايه وزفت ايه متشوفى ياعمتى مرات ابنك
عايزه تمسك المصروف !!!
كريمه طب ومالو مش يمكن تكون مدبره والمصروف يكفى بدال منتى من نص الشهر تقولى الفلوس بتخلص
عليا بصت لحازم
ايه رأيك ياحازم ينفع انا امسك المصروف
حازم ينفع ونص طبعا مينفعش ليه
سالى :طيب بقا طول ماهتمسكى المصروف تستلمى الطبيخ
كمان عشان تعرفى توفرى
عليا :لا المطبخ هنكون فيه احنا الاتنين
وفعلا عليا مسكت المصروف وحازم بيديها الفلوس ايه دا يازومه
حازم :ايه مالك ياقمر
عليا :هى دى بس الفلوس اللى بتكسبها دانتا لو كنت متجوز
وحده زيى مش هتكفى مصاريفها … كويس ان مراتك سالى
حازم :مين قلك جيب السبع مابيخلاش وطلع اد الفلوس اللى
اداها لعليا فى الاول واداهلها
عليا :ايه دا كلو دانتا كسيب اهو
حازم :امال دنا اعجبك اووى
حازم دخل عند سالى
سالى :قبضت ولا لسه
حازم :قبضت
سالى :طب هات يلا
حازم :ادتهم لعليا
سالى :ناااعم ليه انشاء الله ؟
حازم :لا ابدا خلى الفلوس تكفى الشهر مش عايزين نتفضح قدام الغربه والبونيه تقول مش لاقيين ياكلو … وسابها وخرج وهى
كانت هتشيط من الغيظ
مريم بدأت تدخل المطبخ مع سالى لكن كل ماتعمل اكله تبوظها لدرجه ان اهل البيت تعبو وقررو ان سالى هى
اللى تطبخ على طوول
عليا كانت بتهتم بعلي جدا ودا كان مجنن سالى وحتى سحبت ورقه من المدرسه اللى هو فيهة وقررت تحوله مدرسه خاصه عشان تبعده عن ولاد عمه خالص …
سالى هنا مستحملتش وراحتلها ..
انتى بتعملى كده ليه هاه… واوعى تقوليلى انك بتحبى ابن جوزك
قالو مرات ابوك بتحبك ياجحا قال تبقا اتجننت
عليا :طيب منا اتجننت وبحبه!
سالى :ياعبيطه علي مش ابنك وبكره تخلفى عيل يبقا هو
اولى بالفلوس اللى عماله تبعزقيها على المفعوص ده
عليا :عادى انا عندى فلوس كتييير تكفى ١٠ عيال ياسالى
سالى بفرحه :بجد كام يعنى
عليا :يعنى فوق اتنين مليون
سالى عنيها كانت هتنط من كتر مابرقت
سالى :طب وعايشه عيشتنا دى ليه لما انتى غنيه كده ؟
عليا :بحب تكونلى عيله اعيش وسطها عشان كده بس
سالى بصوت واطى :ربنا يشفى يدى الحلق للى بلا ودان
عليا بتقولى حاجه ياسالى
سالى :لا ياحبيبتى بقول هقوم اروح الحمام
حازم كان كل الفلوس اللى بيعملها يديها لعليا عشان ترضى
عنه وتنوله مراده وهى كانت بتماطل فيه لغايه ماقرب يتجنن
عليا كانت ملاحظه هدوء كريمه وصحتها اللى بتتدهور
والكل مفكر انه حكم السن
سالى مبقاش معاها فلوس تجيب منتجات التجميل
والعنايه اللى كانت متعوده تجيبهم كل شهر ولا شهرين
حالت بشرتها ظهرت وبان عليها التجاعيد والارهاق
سالى كانت بتغير اووى من بشره عليا اللى دايما ناصعه
ونضره من غير مكياجات وقررت انها تراقبها وتشوف
بتستعمل ايه لبشرتها
حازم بقى زى الكلب اللى مستنى تحت رجلين سيده يحن عليه
بقا دايما يسمع كلام عليا لو قالتله على اى حاجه وعليا
قررت ان خلاص جه الوقت اللى تخلص فيه من حازم
مريم كانت بتزور بيت ابراهيم باستمرار وهو فى الشغل
وتقعد مع ولاده وساره وهى خارجه من المدرسه
وفيوم عليا كانت هناك ولقت ورق تحاليل واشاعات
بأسم ابراهيم
فتحت التحاليل وقرتهاوحطت ايدها
على بوقها ودموعها نزلت …
قعدت على اقرب كرسى وهى ماسكه الورق هى معرفتش فيه غير
فيرس C بوستيف
يعنى ابراهيم طلع عنده فيرس سى مريم حزنت اووى على
ابراهيم
خرجت ساره لقتها بتبكى سألتها مالك
عليا :لا ابدا جالى مغص شديد فجأه بعد اذنك هروح يلا ياعلى
عليا اخدت ورق التحاليل خبته من ساره واخدته معاها
روحت على وراحت لاكبر دكتور عشان يفهمها
ايه اللى فى التحاليل
الدكتور :بصى يامدام انا هقولك على الحقيقه ومش هكدب
عليكى المريض عنده فيرس C والواضح انه عنده من
زمان
مش دى المشكله لانو ليه علاج
المشكله أن المريض سكت على نفسه لغايه مجاله تليف فى
الكبد دمر اكتر من نص الكبد
عليا الدنيا لفت بيها واتكلمت بصوت مخنوق .. دكتور اكتبلى اى علاج وانا اجبهوله اسفره بره اى حاجه
الدكتور للاسف مفيش غير حاجه وحده بس ودى صعبه
ومكلفه جدا
عليا :اى حاجه مهما كانت قول عليها
فى بيت ابراهيم
ساره :الدكتور بتاعك قلك ايه على التحاليل المرادى يا ابراهيم
ابراهيم بيبص لولاده بحزن
قالى انى بتحسن ياساره الحمد لله
ساره الحمد لله طب وطلب منك تسيب العلاج يعنى اصلك
مأخدتوش النهارده
ابراهيم :لا مهو ملوش لازمه تانى مصاريف ع الفاضى طالما خفيت
ابراهيم قام ودخل الحمام وفتح الدش عشان يعمل صوت
يغطى على صوت ترجيعه
ابراهيم كان بيرجع دم وعارف ان ايامه فى الدنيا معدوده
بس مكنش خايف من الموت كان خايف على اولاده من بعده
قعد يبكى فى الحمام
عليا خرجت من عند الدكتور كلمت حسن انها هتروح عند مس هناء
وراحت هناك واول مامس هناء فتحت الباب عليا انهارت
قدامها من العياط
مس عليا اتخضت عليها دخلتها وفضلت تهدى فيها
مس هناء :احكى ياعليا مالك عملو فيكى ايه
عليا :ياريت كان فيا انا وفجعتى متجيش فى اعز الحبايب
مس هناء
علي جراله حاجه
عليا :لا مش على ابراهيم
عليا حكتلها على كل حاجه وان الدكتور قال الحل الوحيد
انه حد يتبرعله بفص من كبده ولازم يكون قريب من الدرجه الاولى
او تطابق فى الانسجه مع حد تانى
عمليه صعبه ومكلفه بس هى الحل الوحيد
مس عليا :اوعى تكونى بتفكرى!!
عليا :طبعا بفكر دا ابراهيم يامس هناء
هناء :ياحبيبتى يامريم كل مالدنيا تيجى تضحكلك تحصل حاجه تخسف بيكى الارض!!!
عليا :نصيبى بقا هعمل ايه
مس هناء :طيب خطواتك ايه بقى
عليا :الاول هخلص من حازم وانا فعز قوتى وبعدين هشوف
عليا روحت
حسن :مالك شكلك باكيه فيه حاجه حصلت لقرايبك
عليا لا مفيش حاجه حصلت لقرايبى حاجه حصلت ليا انا
وبتحصل وانا تعبت منها ومكنتش هرجع هنا تانى
حسن بخضه :
ليه ايه اللى بيحصل معاكى
عليا :حازم اخوك
حسن :ماله حازم
عليا :علطول بيدايقنى ومش سايبنى فحالى طول الوقت بيبصلى بصات مش لطيفه ودلوقتى اتجرأ وبقى يمد ايده انا قرفانه منه اوووى
حسن :انتى بتقولى ايه حازم بيمد ايده على مراتى ؟ لكن الغلط مش عليه ميت مره اقولك لبسك ده هو
السبب
عليا بصتله بغيظ :لا ياحسن مش لبسى السبب متبررش
وساخه اخوك انت لو سالى لبست ايه قدامك مش هتبصلها واى حد غيرك كده
حسن خارج عليا رايح فين
حسن :هروح اشوف ازاى يعمل كده فى مرات اخوه
عليا :ياسلام واول لما تسأله هيعترف ومش هينكر صح؟
حسن :يعنى ايه
عليا :يعنى انا هخليك تظبطه بنفسك وساعتها مش هيقدر
يتكلم ولا ينكر
حسن قعد على السرير لكن عنيه بتطق شرار …راحت قعدت جمبه وطلبت منه يقترح عليهم يخرجو يتفسحو كلهم وهى هتتحجج باى حجه وتقعد فى البيت وحسن
يرجع ويستخبى واكيد حازم مش هيفوت فرصه زى دى
وفعلا تانى يوم حسن عمل كده وعليا اتحججت انها مصدعه
ومش هتقدر تروح معاهم وبصت لحازم بصه هو فهمها
واتبسط اوووى وحس انه خلاص الفرصه جت
حسن وصلهم الملاهى وسابهم بحجه ان صاحب الشغل
رن عليه وروح بسرعه واستخبى جوه الاوضه
عليا قعدت فى الصاله مفيش نص ساعه وكان حازم
بيفتح فى الباب
حازم دخل
عليا :حازم ايه اللى رجعك متفسحتش معاهم ليه
حازم :انتى اللى رجعتينى راجع عشانك مبقتش مستحمل
مش هتحنى عليا بئا
حازم هجم على عليا
عليا :اااه بتعمل ايه يامجنون انا مرات اخوك حرام عليك
عليا كانت بتقول الكلام بابتسامه حازم شايفها ومشجعاه
انه يهجم عليها زى الوحش
عليا فلتت منه ودخلت الاوضه اللى فيها حسن وقفلت
الباب على حازم
حازم افتحى ياعليا هكسر الباب
عليا :لا مش هفتح ولو كسرت الباب هقول لحسن
كانت بتقول الكلام ده وعنيها فعين حسن
حازم فاكرها بتتدلع عليه وابتدى يكسر الباب وحسن كان
مستعدله
عليا :الووو ايوه ياحسن انتا فى الطريق قربت توصل البيت
يالهههوى
حازم سمع كده وجرى لبره
حسن فتح الباب لقى حازم خرج
انتى ليه عملتى كده ليه مشتيه؟
عليا :عشان خايفه عليك.تعمل فيه حاجه وتضيع منى ودا كلب ميسواش انت عرفت دلوقتى حقيقته ودا اللى يهمنى انا هروح اقعد عند مس هناء كام يوم اريح اعصابى وبعدين نبعد عنه وعن هنا
خالص
ناخد على ونمشى …
حسن قعد على السرير ونار بتحرق فى صدره ومش مصدق
ازاى اخوه يعمل كده
سالى وكريمه رجعو من بره
سالى راحت ناحيه عليا اللى كانت قاعده على السرير
وبتاكل فى تفاحه وهى مبسوطه ومبتسمه
سالى استغربت من حالتها دى وانها كانت مصدعه
سالى دخلت اوضت عليا وقفلت الباب
عليا :افندم ياسالى فيه حاجه
سالى :هو حازم جه هنا
عليا بدلع :اه ولسه ماشى دلوقتى
سالى بغيظ : كان بيعمل ايه ؟
عليا ابتسمت بخبث وهى بتام عالسرير ولا حاجه قعد شويه ونزل ومسكت اطراف شعرها بتلعب فيه
سالى قربت منها
بقولك ايه ياعليا انا مش حذرتك من انك تقربى من حازم …
انتى نهايتك خلاص على ايدى
دى مريم مقربتش منه ومعملتش حاجه وحرقتها وشوهتلها
وشها وموتها بحسرتها عشان هو بس كان بيبصلها
وشكلك هتحصليها قريب قوى
سالى سابتها وخرجت وعليا طلعت تسجيل من تحت الغطا
وفصلته
عليا : دانتو اللى نهايتكم على ايدى واقرب ماتتصورو
عليا طلبت من حسن انها تاخد على وتقعد كام يوم عند
مس هناء وفعلا راحت
مريم اخدت على وراحت بيت ابراهيم وكان قاعد دخلت
قعدت معاهم وفهمتهم انها هتروح تقعد عند قريبتها عشان
هى مش فاضيه مامتها عندها تليف فى الكبد وبتروح بيها
تعالجها عند دكتور اسمه كذا كذا وهو شاطر جدا
وان مامت قريبتها كان عندها نسبه تليف كبيره والدكتور
ده عالجها واسعاره رمزيه
ابراهيم فعلا فكر انه يروح
للدكتور ده كان اكبر دكتور فى البلد ومشهور …
وعليا راحتله واتفقت معاه يعمل ايه وورتله صورة ابراهيم وهو وراها
لكل العاملين عنده ودفعتله مقدما وخلته فهمهم انه لو
جه ميخدوش منه فلوس كتير
وفعلا معدوش يومين وابراهيم راح للدكتور وكل حاجه تمت
زى ماعليا خططتلها
الدكتور كشف على ابراهيم وطلب منه اشعه وتحاليل وحوله
على معمل بيشتغل يوم للاه يعنى هيعملهم ببلاش
كل ده كان بالتفاق مع عليا ومركز الاشعه طبعا
وفعلا كل حاجه اتعملت
الدكتور قال لابراهيم ان الحل الوحيد هو عمليه زراعه كبد
ابراهيم كان عارف الحل لكن كمان كان عارف ان الكبد لازم يتاخد من قريب من الدرجه الاولى او متبرع
وده هيكلف كتيير جدا وهو معهوش
ابراهيم روح من عند الدكتور وآخر امل ليه فى الحياه
اتبخر
الدكتور كان آخد رقمه وتانى يوم اتصل بيه وقالو انه
لقاله الحل
كان فيه واحد تبرع لاخوه بفص من الكبد واخوه مات قبل الزراعه والانسجه متطابقه معاه وانه مستعد يعمله
العمليه بكره
ولان ابراهيم كان زى الغريق اللى بيتشعبط فى قشه
صدق كلام الدكتور ومفكرش ان اللى بيقوله الدكتور ده
مستحيل او مش عاوز يفكر
ابراهيم كان عارف برضو ان العمليه ممكن متنجحش
جاب مراته وحكالها على كل حاجه وهى كانت هتموت
من الخوف عليه وانهارت وزعلت منه
ازاى كان شايل الهم ده كله لوحده ومحكلهاش على حاجه
عليا جابت قرض صغير من البنك بضمان العماره يكفى
مصاريف العمليه وعلاجها وعلاج ابراهيم وهتسدده
من ايجار العماره وعملت الفحوصات اللازمه و وراحت العياده مستعده للعمليه قعدت فى اوضه لوحدها
وسابت على مع مس هناء وقالتله انها رايحه مشوار
ابراهيم جه العياده هو وساره ودخل اوضه العمليات
عليا استخبت لغايه مخدروه وبعدين دخلت من باب تانى عشان يخدروها هى كمان …عليا مسكت ايد اخوها وهى بتتخدر
وكأنها عايزه تنقله روحها كمان مش بس حته من كبدها
ونكمل الحلقه الجايه
احداث مثيره جدا وشيقه تفاعل عشان نعرفها ..
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية ظلم بلا حدود)
