رواية كسرة قلوب الفصل الحادي عشر 11 بقلم حبيبة مصطفى
رواية كسرة قلوب الجزء الحادي عشر
رواية كسرة قلوب البارت الحادي عشر
رواية كسرة قلوب الحلقة الحادية عشر
♡ البـارت الـحادي عـشر ♡
….. : زييين
« نـظر الـجمـيع للصـوت »
زين قال بإستغراب : نـيرة ؟؟
« وقـف الجـميع بصـدمه…اقـتربت نيرة مـنهم »
رغد : انتي بتعملي ايه هنا
نيرة بدموع تمثيل : ااا…جيت اشوف زين
رغد : والله ! …تشوفيه بعد ما سيبتيه
نيرة : كان غصب عني والله انـ
اسيا بمقاطعه : غصب عنك ايه احنا عارفين كل حاجه و شوفنا كل اللي حصل بينك و بين لؤي..شوفناكي وانتي بتهربي من فرحك عشانه و سمعناكي وانتي بتقوليله انا بحبك..يعني مش هتعرفي تضحكي علينا يا نيره
الاب سليم : امشي من هنا
نيرة بدموع تمثيل : زين انا اسفه…بالله عليك سامحني انا والله مش هعمل كده تاني…اديني فرصه
زين بدموع حاول إخفائها : جيتي هنا ليه هااه
نيره مسكت ايده : انا عارفه انك لسه بتحبني
زين زقها فوقعت علي الارض : بسسس متقوليش بحبك
ورد بقلق علي اختها : اانتي كويسه
نيرة ببكاء : انا اسفه يا ورد بالله عليكي سامحيني عارفه انك مبتحبيش زين و كنتي مجبوره ساعتها انك تتجوزيه
زين بدموع : امشي من هنا يا نيرة
نيرة : والله معنديش مكان اروحه..بابا ضربني و طردني من البيت و مفيش مكان ليا
رغد : اه يعني عايزه ايه
نيرة : خليني هنا معاك يا زين…قصدي اقعد هنا لغاية ما ابويا يوافق اني ادخل البيت تاني
رغد : انتي اتجننتي ولا ايه
نيرة : والله بابا لما يوافق ادخل البيت تاني همشي من هنا و مش هعمل حاجه خالص
اسيا : بس مينفـ
الجد سعد : ماشي يا نيرة هتكوني معانا هنا لغاية ما ابوكي يسامحك…رأيك ايه يا زين
زين كي يغيظها : مش فارق معايا وجودها من عدمه انا بس موافق انها تكون هنا و هقدملها المساعده عشان هيا اخت مراتي لكن اكتر من كده لا
نيرة بإبتسامه : والله هخليكوا تسامحوني
سندس : سعديه
سعديه : نعم يا هانم
سندس : طلعي نيرة اوضة الضيوف
سعديه : حاضر
« صـعدت سعـديه و معها نيرة »
الجد سعد : وجودها هيفرق معاك في حاجه
زين : لا والله عادي و اساسًا انا و ورد قررنا ندي علاقتنا فرصه
الجد سعد بسعاده : ربنا يسعدكوا يابني
( بـعد قليل صـعد الجـميع إلى غرفـته)
« عـند زين و ورد »
ورد : ااا…شكراً جداً ليك يا زين..يعني رغم اللي عملته نيره إلا انك سمحتلها تقعد هنا دلوقتي
زين : انا بساعد اخت مراتي…و بعدين يا ورد وجود نيره مش هيأثر على علاقتي انا وانتي
ورد : ان شاء الله..هروح اتكلم معاها تمام
زين : ماشي
( ذهـبت ورد إلى غـرفة نيره )
ورد : ااا…عايزه اتكلم معاكي شويه
نيره : اه اتفضلي
ورد جلست بجانبها و قالت : عامله ايه
نيره : كويسه وانتي
ورد : الحمد لله بخير….جيتي دلوقتي ليه يا نيره..اشمعني دلوقتي وياريت تكوني صريحه معايا
نيرة : عادي يعني يا ورد
ورد : اه…لو عيزاني اكلم بابا عشان يسامحك قوليلي
نيرة : ليه يعني…خايفه من وجودي هنا
ورد : وهخاف من وجودك ليه ؟
نيرة : عشان عارفه اني اقدر اخلي زين يرجعلي
ورد : والله ! … اساسًا زين نساكي و بيعاملك علي انك اخت مراته مش اكتر
نيرة : طب تحبي نشوف
ورد : لا ثانيه هو انتي مستوعبه انتي بتفكري في ايه
نيرة : والله بقي حتي لو خدتي زين المفروض متستغربيش لأن هو مكانش ليكي من البدايه اساسًا و اوعي تنسي ان انتي اللي غلطانه..انتي لو رفضتي من البدايه مكانش دلوقتي هيبقي معاكي ولا فكر انه يبصلك حتي
ورد بدموع : يعني انا جايه هنا عشان اكلمك بهدوء و اعرف انتي مريتي بإيه و ندردش سوا زي الاول وأنتي تقولي كدا
نيرة : يلا بقي دموع التمثيل دي انا عرفاها…لو فكراني هسامحك يبقي بتحلمي
ورد بدموع : تسامحي مين هااا… انا معملتش حاجه غلط اصلاً عشان تقوليلي هسامحك عليها
نيرة : ورد انتي اللي غلطانه ماشي… كنتي تقدري تلغي الجواز ده بكلمه منك
ورد بدمـوع : يعـني بـعد ده كـله جـاية تـقولي أنـا الـلي غلـطانه
نيـرة : إنتـي طلـعتي إنسـانه زبالـه عشـان سـرقتـي خـطيبـي مـني لا و جـايه تعـيطـي و تمـثلي عشـان أسامحك ده ايـه البـجاحـه دي
ورد بصدمـة : أنا إنسـانة زبالـه .. شكـراً يا أُخـتي .. بس صـدقـيني انا اكتـر واحـده اتظلمـت في الحكايـة دي .. لأن شيـلت نتـيجة حُـبك أنتـي و هـو .. ولا اقـولـك صـح .. ده مش حـب .. ده ذنـب .. لأنـك مـش كنتـي بتحـبيه
نيرة : كُنـت بحبـه بـس
ورد بمقاطـعه : كنـتي بتحـبي فلـوسه ولمـا لـؤي ضحـك عليـكي جايـه تقـولي انـك بتحـبي زيـن .. للأسـف يا نيـرة انتـي فوقـتي متـأخر أوي .. انتـي بصيـتي للفلـوس وبـس
نيـرة : ياسـت ورد دي حاجـه متخـصكيش بـس الـلي أنـا متـأكده مـنه إن زيـن هـيبقـي لـيا
ورد بصدمـة : لا ده أنتـي بـجـحه اوي .. انتـي نـاسيـة انـك بـتكـلمي اخـتك هـااااه .. نـاسية ان انـا الـلي اتعـاقبت علـي نتـيجة غلـطك فـي الاخـر .. بسـببـكوا انتـوا الاتنـين احلامـي اتهـدت
نيرة : اتطلـقي يا ورد .. ده الحـل الوحـيد عـشان انسـي الـلـي عمـلتـيه و اعتـبرك أختـي تانـي
ورد : استحـاله يـا نيـرة
نيرة بوعـيد : يعـني كـده .. تمـام أوي .. مـن دلـوقـتي انتـي مـش أختـي ولا اعرفـك و هـتعـامل مـعاكـي عـلي الاسـاس ده يا ورد
ورد بدمـوع : لا بـجد مكـنتـش مـتوقـعه مـنك انتـي كـده
نيرة : انتـي اللـي عمـلتي كـده
ورد : انا معملتش حاجه ولو معتقده اني هخاف علي زين منك… تؤ نسيت برضوا….قصدي لو معتقده اني هخاف علي جوزي منك يبقي انتي اللي بتحلمي لأن هو سمحلك تقعدي هنا عشان انتي اختي…قصدي اخت مررراته يعني واخده بالك من مراته انتي هاااه….سلاااام
« تـركتها ورد و خـرجت مـن الغـرفه و قـالت لـنفـسها بـدموع »
ورد لنفسها بدموع : ليه كده يا نيره ليه مصممه تخليني ازعل منك اكتر من الاول…وانا اللي كنت معتقده إن علاقتنا هتتحسن…يارب متخلهاش تبوظ العلاقه بيني انا و زين
« ذهـبت ورد إلي الـغـرفه و وجـدت زيـن يجـلس عـلي الأريـكه و مـعه كـشكـول و يـرسم فقـالت »
ورد : منمتش ليه
زين : مش هينفع انام دلوقتي عشان لازم اصمم تصاميم من اول و جديد عشان اختك الله يسامحها سرقت التصاميم
ورد : طب نام دلوقتي و اصحي الصبح كمل شغلك
زين : مش عارف
ورد : طب فاضلك كتير
زين : احممم لسه في اول تصميم
ورد : طب كده انت هتضطر تسهر و السهر غلط يا بابا عليك
زين : طب هتصحيني بدري
ورد : اساسًا انت عارف اننا هنصحي الساعه ٤ عشان نصلي الفجر
زين : اه صح…خلاص هنام دلوقتي و ابقي اشتغل بعد ما نصلي
ورد : ايوه كده جدع…هدخل اخد دش
« دخلـت ورد إلـي الحـمام و أخـذت دش دافـيء و إرتدت بيچامـة عليـها دب بنـدا و خـرجت »
ورد : زين انت كـ « نـظرت فـوجدتـه نام »
ورد : نام من التعب ياعيني…« ذهـبت و غـطته بالـبطانـيه و وضـعت يـدها علي شعـره وقـالت بحـزن »..عارفه انك هتتعب نفسيًا عشان هتشوف نيره قدامك و عارفه انك مش هتخلي حد فينا يحس بوجعك ده…بس صدقني انت مش لوحدك وانا هنا معاك و كل خطوه هكون جنبك فيها
« زين فـتح عيـنه و وضـع يـده عـلي يدها وقـال »
زين : عارف ياست ورد و شكراً علي وجودك جنبي
ورد بصدمه : انت انت…انت صاحي !
زين بإبتسامه : ايوه و كويس اني منمتش وإلا مكنتش هسمع الكلام دا
ورد بإبتسامه : لا و عامل نفسك غرقان في النوم والله انت تنفع ممثل
زين بإبتسامه : اممم ممكن افكر في موضوع ممثل دي
ورد بتثـاؤب : لا ممثل ايه كنت بهزر…وسع كده عشان بجد عايزه انام
« نامت ورد بجانبه فقالت »
ورد : اه صح يا زين
زين : نعم
ورد : انا هنزل جامعه بكره ان شاء الله زي ما اتفقنا
زين : اممم علي ما اظن ان اخر مره قولتلك فيها اني مش موافق
ورد : يا زين بقي
زين بهزار : خلاص يا ورد بهزر…اشجعك والله انك تنزلي لكن اهم حاجه تخلي بالك علي نفسك كويس اوي ماشي
ورد : حاضر والله
زين : عايز افكرك بحاجه
ورد : اممم
زين : رغم ان انا وانتي لسه في بدايه علاقتنا يعني لسه اهو بنحاول نفهم بعض و نعرف بعض أكتر إلا إني مش هخلي وجود اختك يأثر علينا مهما كان السبب
ورد : عارفه يا زين وانا واثقه فيك والله
زين : وانا مش هكسر ثقتك
ورد بإبتسامه : ان شاء الله….يلا تصبح علي خير
زين : وانتي من اهله
« كـانت الـساعه ٤ الفـجر فأستيـقظت ورد علي صوت المنبه و نظرت جنبها ثم قالت لزين »
ورد : زين….زين
زين بنوم : اممم
ورد : يلا يا بابا الساعه ٤
زين بنوم : حاضر قايم اهو
ورد : هدخل اتوضي و اخرج ألاقيك صحيت
زين : حاضر
« دخـلت ورد الي الحـمام و اتوضـت و خـرجت فـوجدت زين كـما هو ينام بـعمـق »
ورد : انت يا استاااذ
زين : هممم
ورد بتقليد : هممم هممم اييه مش هتقوم
زين : قايم اهو
ورد بوعيد : يعني كده مااشي
« مـسكت رجـل زيـن و كـانت تـسحبـه ليسـتيقـظ »
ورد : نفسي اعرف بتاكل ايه
زين : قايم اهو قايم
ورد : بقالك سنه بتقول قايم يا زين
زين استيقظ قليلاً وقال بإبتسامه : صباح الورد علي اجمل ورده
ورد : صباح الخير
زين : صحيت بسرعه اهو مش غلبتك
ورد : ايوه ايوه انت هتقولي
زين بتثـاؤب : هقوم اتوضي و اجي
ورد : تمام و هكون روقت السرير
« بالفعل دخـل زين الي الحـمام و اتـوضي و خـرج فـوجد ورد رتـبت الغـرفه و وضـعت سجـاده الصـلاة علي الأرض و كـانت بإنتـظاره »
زين : والله الواحد فرحان انك في حياته
ورد بسعاده : بجد
زين : اه والله
ورد : وانا والله يا زين فرحانه انك شريك حياتي
« بـدأوا صـلاة…بـعد الإنتهـاء »
زين : كنتي بتقولي ايه بقي
ورد : في ايه
زين : انك فرحانه عشان انا شريك حياتك
ورد : اه طبعًا فرحانه
زين : فرحانه ليه
ورد : بص فرحانه عشان بجد رغم الظروف اللي اتجوزنا فيها إلا إنك كنت متفهم معايا…اه في البدايه اتخانقنا و حصل سوء تفاهم بس تاني يوم علي طول اعتذرتلي و وقفت جنبي ساعة وفاة مازن الله يرحمه و رغم ان وجود نيرة هنا صعب بالنسبالك إلا إنك وافقت انها تعيش هنا الفتره دي عشاني و كمان بتشجعني انزل الكليه و الأهم من ده كله بقي انك بتحاول و بتسعي انك تقرب من ربنا و بتمسك ايدي عشان اقرب انا كمان من ربنا اكتر فأكيد لازم أفرح ان ربنا رزقني بشريك حياة زيك كده
زين بسعاده : تعرفي ان اول مره احس اني مميز بفضلك…يعني مكانش في حد بيقولي علي مميزاتي او الحاجات اللي عملتها في حياته و انه يحسسني اني غالي عنده لكن انتي حسستيني اني مميز
ورد بإبتسامه : طبعًا مميز يا زين و بجد انا عيزاك تفضل زي ما انت كده متتغيرش
زين : تعرفي
ورد : هممم
زين : بصراحه يعني…اول مره اكون فرحان ان اختك سابتني في الفرح و إلا مكنتش هتجوزك انتي و اكيد كنت هبقي خسران كتير اوي
ورد بصدمه ممزوجه بالسعاده : انت بتتكلم بجد
زين : اه والله
ورد حضنته : ربنا يديمك في حياتي
زين : وانتي يارب
ورد : قوم يلا كمل بقيت تصميمات امبارح و انا هنزل اعملك كوبايه قهوه
زين : خلاص ماشي
« و بالفـعل جـلس زيـن عـلي الأريـكه و كـان يـصمم التصـميمات فـنزلت ورد إلي الأسـفل و جـهزت فـطار خـفيـف و كـوبان مـن القـهوه فـصعدت وقـالت »
ورد : تعالي نفطر الاول
زين : يا شيخه حرام عليكي خضتيتي…..كنت قاعد مندمج وانتي دخلتي بهدوء
ورد بإبتسامه : إحنا أسفين لحضرتك…المهم تعالي نفطر الاول عشان لو شربت قهوه علي معده فاضيه غلط اوي
زين : والله بتحسي بيا اساسًا انا كنت جعان
« جـلسـوا يأكـلون و يـتحدثـون ….بعـد قـليل »
ورد : لا غير اللون ده….بص ثانيه كده
« اخذت اللون الكحلي و لونت التصميم »
ورد : كده احلي
زين بإنبهار : بجد كفوو اووي
ورد : بجد
زين : اه والله….وبعدين هتبقي المساعده بتاعتي امتي
ورد : امممم افكر
زين : تفكري !…تعرفي انتي كام واحده تتمني تكون المساعده بتاعتي
ورد : هتشوف نفسك من أولها يبقي هقولك لأ
زين بهزار : لا لا خلاص بهزر والله
ورد : استني يومين كده لغاية ما اشوف بس انا هنزل اعمل ايه في الكليه
زين : خلاص اتفقنا
ورد : دي كلمتي علي فكره
زين : كانت مكتوبه بإسمك
ورد : متقلدش كلامي تاني ماشي
زين : ماشي اتفقنا
ورد بإبتسامه : تاني
« فـي منـزل محمد »
الام جميله : اه وبعدين
محمد : في ايه يا جميله هي دي صباح الخير بتاعتك
جميله : دور علي نيره يا محمد
محمد : قولتلك متجيبيش سيرتها تاني…. قولت ولا مقولتش
جميله : بس
محمد : مبسش…هيا غلطانه و تشيل نتيجه غلطها
« خـرج إلي الخـارج »
« فـي الڤيـلا كـان يجـلس الجمـيع علي السـفره »
سمر : حد يطلع ينادي علي نيره
« لا رد »
الجد سعد : لا بقولكوا ايه…عاملوها كويس مش عشانها هيا… حتي لو عشان ورد
رغد : هطلع انادي انا عليها
« فـي غرفه زين و ورد»
زين : طب بصي عندي تيشيرت سماوي
ورد : طب حلووو وانا عندي خمار سماوي
زين : طيب…بصي بقي…انا هلبس كوتش ابيض وانتي برضوا كوتش ابيض…وانا هلبس بنطلون اسود و انتي برضوا چيبه سودا…و كده هلبس التيشيرت سماوي انتي هتلبسي خمار سماوي…ايه ده ؟ …طب انتي هتلبسي تيشيرت ايه
ورد : هلبس تيشيرت اسود و كده كده الخمار بيكون طويل يعني اللون السماوي هيبان اكتر
زين : اه كده حلو اووي
ورد : هدخل اغير هدومي بقي
« دخـلت ورد الحـمام و بـدلت مـلابسها و كـان زيـن يبـدل مـلابسـه في الغـرفـه…خـرجـت ورد و قـالت »
ورد : فاضل الخـمار بس
زيـن : انا هحط برفان و هسـرح شعـري
« وقـفوا امـام المـرآه فكـان زين يُـمشـط شـعـره و كـانت ورد تـلف الخـمار….عـلي السـفره »
نيرة : بجد مش عارفه اقولكوا ايه
الجد سعد : علي ايه يابنتي….خلاص ده كان ماضي و انتهي دلوقتي احنا عيله
نيرة : شكراً اوي
عمر : اومال زين و ورد فين
سندس : شويه و نازلين اكيد
عمر : ماشي
« في غرفه زين و ورد »
زين : انا خلصت
ورد : انا كمان خلصت
زين : طب يلا بينا
ورد : يلا
زين مـد ايـده : هاتي ايدك
ورد : هاااه
زين : هااه ايه…هاتي ايدك يلا
ورد مسكت ايده : يلا بينا
« مسـك ايد ورد و نـزلوا إلي الأسـفل »
زين : صباح الورد
الكل نظر بسعاده لهم : صباح الخير
عمر : ايه ده ايه ده….لا و عاملين ماتشينج سوا
زين : طبعًا يا حبيبي
علي : لا بجد ورد حلوه اوي في السماوي
زين : وانت مركز معاها ليه يا حيوان
علي : وانت مالك انا بكلم ورد
زين : ليا طبعًا مش مراتي
ورد بإبتسامه : شكراً يا علوش
زين نظر لها : علوش ! ماشي ماشي
سمر : ألا متشيكين كده و رايحين فين
زين و هو يأخذ عنبه : هروح اوصل ورد الكليه و بعدها هطلع علي الشركه
سندس : مش هتفطروا الأول يا حبايبي
زين : لا يا أمي احنا فطرنا الساعه ٥ الصبح
سندس بسعاده : ايه ده وانت صحيت بدري
زين : ايوه انا من ساعة ما اتجوزت و ورد بتصحيني الساعه ٤ كل يوم عشان نصلي الفجر وبعدين بنعمل فطار خفيف بس كنا بنفطر معاكوا برضوا احنا بنحب نفطر مرتين😂
سندس بسعادة اكتر : لا بجد فرحتني والله….الله يبارك فيكي يابنتي
ورد بإبتسامه : تسلميلي يا اجمل سندس
رنا : بجد يا ورد انتي جميله اوي
ورد : والله يا رنون انتي اجمل….بت هو انتي ذاكرتي
رنا بإبتسامه : لا
ورد : عشااان كده عماله انتي و علوش من الصبح تقولولي جميله و شكلك حلو….ده انتوا يومكوا حلو معايا النهارده
رنا : المسامح كريم بقي
ورد : لا لا مفيش الكلام ده….ذاكروا لغاية ما اجي من الكليه
رنا : حاضر
ورد : يحضرلك الخير يا رنون
زين : عماله تقولي رنون و علوش و تقولي لجدي سعدو و لسعديه سعدود و عم تامر تيتو….حضرتك دلعتي الكل إلا أنا
ورد : اممم بص هبقي افكرلك في دلع حلو ماشي
زين : خلاص اتفقنا
ورد : انت ماسك الكلمه دي من الصبح و بقيت تقولها مكاني
زين : زي ما انتي عماله تقوليلي امممم من الصبح وبقيتي تقوليها مكاني
اسر : والله انتوا الأتنين بقيتوا تقولوا كلام زي بعض أصلاً
زين : طبقنا على بعض
اسر : ايوا
زين : عن أذنكوا عشان منتأخرش
ورد : اه صح بابا اوعي تنسي تاخد العلاج انا قايله لسعدود تدهولك في وقته
الاب سليم : حاضر يا حبيبتي
ورد : وانت يا جدو عندك معاد مع الدكتور النهارده الساعه ٦ المغرب لما أجي من الكليه هروح معاك ماشي
الجد سعد : ماشي يا حبيبتي
ورد : يلا سـلام عليـكم
الكل : وعليكم السلام
« خـرجت ورد و معها زيـن وكـانوا سعـداء و كـانت نيـرة تـتابـع كـل هـذا بحـقد و غيـرة »
« أمـام الـكليه »
زين : واللي يكلمك مترديش عليه
ورد : حاضر
زين : و اقعدي مركزه في المحاضره
ورد : حاضر
زين : و ان في دكتور طول في الكلام معاكي قوليله انا متجوزه
ورد : والله ! و الدكتور هيطول معايا في الكلام ليه
زين : معرفش بقي هو كده
ورد : حاضر
زين : واللي اسمه محمود ده ان بصلك رني عليا
ورد بإستغراب منه : ان بصلي !…ايوه ايوه حاضر
زين : و ان حصلت معاكي اي مشكله قوليلي وانا هاجي علي طول
ورد : حاضر
زين : و اقعدي مركزه في المحاضره
ورد : لا دي انت قولتها من شويه
زين : اه صح….طب اقعدي في المحاضره و ملكيش دعوه باللي جنبك
ورد : زين
زين : نعم
ورد : لو عايزني اروح معاك الشركه و مدخلش الجامعه قولي
زين : اه ياريت
ورد : بهزر طبعًا …. ينفع ادخل بقي عشان اللي رايح واللي جاي باصص علينا
زين : فيها ايه واقف مع مراتي
ورد بإبتسامه : يارب صبرني…ينفع ادخل
زين : ماشي ادخلي و خلي بالك من نفسك
ورد : حاضر وانت كمان
روفيده من بعيد : انتي يااابت يا ورررد
ورد : ننننعممممم
زين ضربها علي كتفها بخفه : نعم الله عليكي ياختي ايييه واقفه مع اريل هنا…..صوتك يا ابله
ورد : اه صح معلش
روفيده من بعيد : ياااااابت
ورد : سلام يا زين….. « تركته وذهبت خطوتين »جااااااااااايه اهووووو جبتي ااااااكل
زين : ماااشي يا ورررد مااااشي
« ركـب زيـن العـربيه ثـم نظـر لورد و ابتـسم ثـم ذهـب »
روفيده : إلا مين الواد المز ده
ورد : بس يابت
روفيده : لا بجد قولي…..طب هو مرتبط طيب
ورد : ليه
روفيده : عشان اخليكي تعرفيني عليه
ورد : اه ده زين
روفيده : الله اسمه حلو اوي زي بطل الروايه….بت يا ورد ده معاه عربيه جمدان و لبسه….لبسه….ايه ده…انتوا كنتوا مطقمين سوا….يااالهوي انتي ماشيه معاه من ورا اهلك يا قليلة الأدب والله لأقول أمك
ورد : الله يحبك يا شيخه ماشيه مع مين بس
روفيده : اومال لابسين زي بعض ليه اعترررفي
ورد : ده جوزي علي فكره
روفيده : اه جوزك….ماشـ….لا ثانيه ، مين يا عين طنط
ورد بإبتسامه : جوزي
روفيده : جوزك ازاي
ورد : هو ايه اللي جوزي ازاي….جوزي والله
روفيده : يعني عملتوا فرح و تنجيد و حنه بقي و تلبيس دبل و
ورد بمقاطعه : ايه حيلك حيلك….لا انا عرفت انه جوزي في يوم الفرح
روفيده : لا دي أسوأ من المعادله الرياضية….بجد مش فاهمه
ورد : بصي ياستي حصل…..
« فـي الشـركة »
اسر : يعني هتصمم تصاميم جديده
زين : اه
رويه : طب يلا يا شباب نساعد زين بيه و نشتغل من اول و جديد
اسيا : استنوا اطلب قهوه و نبدأ شغل
رغد : لا خليكي هطلبها انا علي طول
اسيا : خلاص ماشي….متتأخريش
رغد : حاااضر
« ذهـبت رغـد إلي كـافيه بجـانب الشـركة »
« فـي الجـامعه »
روفيده بإعجاب : الله ده زي الروايات اووي….يابختك يا ورد….يارب انا كمان يحصل معايا كده ولا اقول لا لا لا انا عيزاه يخطفني ايوه يخطفني و يعذبني و يطفي بقي السجاره في قفايا زي البطل الشرير
ورد : يطفي السجاره فين
روفيده : في قفايا يابت وبعدين يقولي انا بكرهك …. و يقع في حبي بقي في الأخر و يقولي انتي ليا انا بس وانا احبه كمان
ورد : كمان ! … يعني بعد ده كله انتي تحبيه…ده انتي عديمة كرامه اوفر
روفيده : ما انتي مش متابعه روايات بقي….انا عيزاه يكون رئيس عصابات و تاجر مخدرات و يعذبني و يكون ليه ماضي مؤلم و بعدين يحبني وانا احبه
ورد : ياااه علي الأفوره ما الروايات دي اللي لحست دماغك
روفيده : ليه…يعني انتي مكنتيش عايزه زين يعاملك بالطريقه دي و بعدين يحبك زي الروايات
ورد : لا طبعًا….و اقولك علي حاجه كمان…زين لو كان عاملني كده مكنتش هحبه حتي لو ايه…الإنسان اللي ميكونش متفهم و يحسسك بالأمان و يكون حنين معاكي و يعترف بغلطه يبقي مفيش فرق بينه و بين الحيوان….ربنا ميزنا عن الحيوانات بإننا عندنا عقل نعرف نشوف فين الغلط و فين الصح…ايوه مفيش انسان كامل و كلنا بنغلط لكن مش تعيد نفس الغلط و تكابر انك صح….انتي بتحبي الشخص من شخصيته و تصرفاته و تفكيره….فمن الطبيعي لو لاقيتي شخص بيكرهك و متجوزك عشان يعذبك و يضربك و يطفي السجاره في قفاكي زي ما انتي عيزاه هههههه….عمرك ما هتحسي بالأمان معاه وكل ما تشوفيه هتخافي منه و هتكرهي المكان اللي هو هيكون موجود فيه….و بصراحه انا بالنسبالي الشخص اللي بيضرب مراته او انه يعذبها و يشتمها يبقي هو كده مريض لا وهيا تقع في حب شخص مؤذي يبقي هيا كده مريضه و بتحب تكون ضحيه
روفيده : الله اقنعتيني….إلا قوليلي بقي يعني انتي بتحبي زين عشان كده
ورد : بصي ياستي انا معجبه بيه بس لسه في البدايه كمان
روفيده : طب كلميني علي زين
ورد : زين….قصتي فعلاً زي الروايات…البطل اسمه زين و وسيم كمان و عنده شركات و قاعد في ڤيلا وبنت عمه كانت بتحبه
روفيده : ايه ده بجد…. عرفتي منين
ورد : اختي قالتلي لما كانت مخطوبه لزين ان بنت عمه بتحبه
روفيده : اه و بتكرهك عشانه زي الروايات
ورد : ينفع تسيبيني اكمل
روفيده : طب قولي من الأول
ورد : تاااني….مش تقاطعيني…البطل اسمه زين و وسيم و عنده شركات و عايش في ڤيلا و بنت عمه بتحبه و اتجوزنا غصب بسبب عيلتنا بس انا قصتي مختلفه شويه عن الروايات….يعني…زين كويس معايا و بيشجعني و بيخاف عليا و من اول يوم لينا اعتذر علي اللي عمله و دلوقتي اهو ادينا علاقتنا فرصه تانيه يعني مش زي البطل كرهني و عذبني و كده….لا خالص….و علي طول ام البطل بتبقي شريره بالعكس بقي ده ام زين اجمل حماه في الدنيا ممكن اقول عليها ام لأني بقولها يا ماما من كتر ما هيا حنينه معايا….و بنت العم البطل بتكره البطله و بتحاول توقع بينهم…تؤ تؤ…رغد كويسه معايا و بتكلمني عادي جداً…..عم البطل و مراته لازم يكونوا شريرين…. هو عم مراد و سمر مراته حلوين جداً و عسلات…لكن عندك عم ثروت و طنط ثناء هما رخمين شويه مش شريرين يعني بيرموا كلام لكن مش بيأذوا حد فيهم ولا بيعملوا خطط بقي قتل و فيهم حقد و كده لا هما بس مهتمين بالفلوس و بيرموا كلام لكن متوصلش انهم يأذوا شخص جسدياً يعني
روفيده : طب زين اكبر حد في أحفاد العيله صح
ورد بإبتسامه : لا برضوا…زين التاني لكن أسر اكبر واحد يعني برضوا قصتي مختلفه عن الروايات في دي….عارفه…الأختلاف الحقيقي إن الأنسانه الشريره في القصه هيا أختي…يعني لو كانت بنت عم البطل كنت هستحمل ده لكن لا دي أختي…و دي حرب كبيره جداً بين عقلي و قلبي…عقلي يقولي أأذيها لو أذتك و قلبي يقولي لا دي اختك من دمك …المفروض انها تكون اكبر داعم ليا زي الروايات لكن في قصتي بالعكس هيا أكتر شخص عايز يأذيني
روفيده : انا عايزه واحد زي زين جوزك خلاص
ورد : بإختصار يا روفيده ان مش كل اللي في الروايات حقيقه و مش لازم تصدقي كل حاجه بتحصل في الروايه….الواقع غير…عشان متخليش الروايه تتحكم في عقلك و تغير نظريتك عن الواقع بتاعنا….مش شرط تاخدي شخص غني زي الروايه او يعذبك و بعدين يحبك او لازم يكون بينتقم منك او انك تكوني شغاله عنده في شركه…يكفي انه يكون شخص حنين و يشجعك علي الصح و يعترف بغلطه فعلاً لما يكون غلطان مش يقاوح و يكابر و الأهم انه فعلاً ميضربكيش و يعذبك زي بطل الروايه يعني شخص يكون عارف ان رجولته هتقل او هتنعدم اصلاً لما يستقوي علي ست يا حبيبتي….أقرأي روايات عادي لكن مش تخليها تستحوذ علي تفكيرك و لو فيها حاجه مفيده استفادي منها
روفيده : بت انا مش بحبك من فراغ
ورد بإبتسامه : وانا بحبك والله
روفيده : بس فين خاتم جوازكوا
ورد : نسينا في الحوادث اللي حصلت دي
روفيده : اه ربنا يسعدكوا يارب
ورد : يارب….بت…. المحااااااضره
روفيده : يا خرااابي اه صح
« ذهـبت ورد و معها روفـيدة إلي المحـاضره »
( فـي الشـركة )
رغد : إتأخرت عليكوا
اسيا : اوووي بس هو هدومك متبهدله ليه
رغد : يابت الشاب وقع القهوه عليا الله يسامحه
اسيا : مين ده
رغد : نادل شغال في الكافيه
رويه : طب انتي كويسه
رغد : اه اه كويسه….اساسًا معايا هدوم في المكتب بتاعي فهروح بس اغير هدومي و جايه
اسيا : ماشي يا حبيبتي
« ذهـبت رغد »
( فـي الڤيـلا كانت تجلس نيره بمفردها في الحديقه فجائت سندس وقالت )
سندس : قاعده لوحدك ليه
نيرة : احمم…لا عادي يعني كلكوا مشغولين شويه
سندس : اه….بصي يا نيرة…مش بمعني ان احنا خليناكي تقعدي هنا يبقي سامحناكي…لا لو الكل سامحك انا مش هسامحك لأن اللي انتي عملتيه في زين و ورد مش قليل….ابني بيتعذب كل يوم لما بيصحي بس مش بيبين بس انا امه و عرفاه….هو حبك و وثق فيكي وانتي خدعتيه…. بجد زين كان تعبان نفسيا يوم الفرح بسببك و اختك مفرحتش زي اي عروسه بسببك و بسبب أنانيتك و كفايه كسرة والدك و والدتك في اليوم ده
نيرة : اه انا اسفه
سندس : مهما تتأسفي مش هتداوي جرح بالأسف ده … وبعدين كويس ان ده حصل في البدايه و بجد الشكر لله أن رزقه إنسانه جميله زي ورد و من أول يوم كانوا بيعاملوا بعض كويس و بجد بفرح لما بشوفهم فرحانين سوا…. أنا بس بعرفك عشان لو حاطه في دماغك ان في أمل إنك ترجعي لزين و إنه يحبك تاني وكده أعرفك انه مش هيحصل….فأنتي موجوده هنا لغاية ما والدك يسامحك و يسمحلك تدخلي البيت تاني لكن سبب تاني لا، و بصراحه وافقنا عشان ورد غير كده لا
نيرة : بس انا مش حاطه امل في دماغي انا كنـ
سندس بمقاطعه : متخبيش عليا قصدي متضحكيش عليا….عشان انا سمعت كلامك مع ورد امبارح و إلا مكنتش هاجي و أقولك كده من فراغ….فلو حاولتي بس انك تبعدي ورد عن زين هطردك من البيت ده و هقف ضدك و ساعتها مش هيهمني حد…و حتي لو زين قرر انه يبعد عن ورد هطردك انتي و زين بره و هسيب ورد معانا احنا هنا عشان هيا بنتنا
نيرة : ماااشي
سندس : أتمني انك تكوني فهمتي…. عن اذنك يا حبيبتي
« ذهبت سندس فقالت نيرة بوعيد و غيظ »
نيرة : ماااااشي يا ورد
« فـي الجـامعه »
ورد : يلا سلام
روفيده : سلام
ورد : اه صح متقوليش لحد عن موضوعي انا و زين
روفيده : حاضر …. هتيجي بكره ان شاء الله
ورد : ان شاء الله
( ذهـبت ورد إلي الـڤيلا )
ورد : السلام عليكم
علي : وعليكم السلام
ورد : نادي علي رنا خلينا نذاكر شويه
علي : طب ما تاخدي نفسك شويه
ورد : يلا يا حبيبي انت عايز تغفلني و تهرب
رنا : انا جيت اهو و معايا حاجتي
ورد : قوم انت كمان هات حاجتك
علي : حاضر
« ذهـب علي ليأخذ كتبه…..ذاكـرت لهم ثم جائت الساعه ٥ فقالت »
ورد : كده فهمتوا
علي : اه
رنا : انا بس مش فاهمه الخطوه دي
ورد : بصي ياستي…..« شرحت المسأله مره اخري»
رنا : اه فهمت
علي : أخيراً ربنا فتح مخك
رنا : بس يا بارد
ورد : اقعدوا استريحوا شويه و بعدين حلوا المسألتين دول تمام…عشان راحه مع جدو عند الدكتور
رنا : حاضر
الجد نزل وقال : متتعبيش نفسك يا ورد
ورد : بتقول كده ليه بس يا سعدو…ولا تعب ولا حاجه
سعد : تسلميلي يابنتي
« أخذتـه ورد و ذهـبت معـه إلي الدكـتور »
( فـي الشركـه )
اسر : يلا نمشي عشان تعبت اوي
رويه : مش لوحدك
اسيا : بجد انا تعبت اوي
اسر : سلامتك من التعب يا جميل
زين : يارب صبرني بدل ما ارتكب جريمه هنا
اسر : ملكش دعوه
زين : طب امشي قدامي
« ذهـبوا إلي الڤيـلا »
الدكتور : لا الحمد لله حالتك بقت أحسن عن الأول
ورد : طب الحمد لله
الدكتور : بص بقي عايزك تلتزم في العلاج يا استاذ سعد
سعد : والله مرات حفيدي جمبي اهي… مش بتسيبني خالص في موضوع العلاج
الدكتور : طب كويس والله
ورد : فهمني كده هياخده امتي
الدكتور : هياخد دي كل يوم بعد الفطار و دي كل يوم بعد الغدا
ورد : حاضر
الدكتور : يلا اشوفك المره الجايه
ورد : شكراً يا دكتور سلام
« أخذت الجد و ذهـبت إلي الڤيلا….في الحديقه »
زين : ادخلوا انتوا و جاي وراكوا
رويه : ماشي
( وبالفعل دخلوا و تركوا زين في الحديقه )
زين : احممم قاعده لوحدك ليه
نيرة : زين اقعد
زين : اممم
نيرة : انت سامحتني بجد
زين : لا مش سامحتك انا بس سيبتك هنا عشان ورد
نيرة : انت هتضحك عليا انا
زين : وهضحك عليكي ليه انا بقول الحقيقه
نيرة : لا انت بتعمل كده عشان تضايقني
زين : لا والله انا مش طفل اوي كده…انا بعمل كده عشان معجب بورد و اساسًا قبل ما تيجي انا و ورد قررنا ندي لعلاقتنا فرصه يعني الموضوع مش ليه علاقه بيكي
نيرة حضنته : انا لسه بحبك
ورد من الخلف : نيييرة
يتبع..
لقراءة الفصل التالي : اضغط هنا
لقراءة الرواية كاملة اضغط على : (رواية كسرة قلوب)
