رواية أحببت صعيدي الفصل السادس 6 بقلم شروق حسام
رواية أحببت صعيدي الجزء السادس
رواية أحببت صعيدي البارت السادس
رواية أحببت صعيدي الحلقة السادسة
ليل بقلق وخوف “نجمة نجمة فوقي انتي كويسة نجمة نجمة”
ليل اتصل بسرعة بالدكتور
بعد شوية
_”مدام نجمة جسمها ضعيف ومحتاجة تغذية والا ممكن يحصلها بعد الشر حاجة وحالتها النفسية متدمرة فياريت تراعوها كويس وتنفذوا لها كل اللي هي عايزاه والإ ….”
_”حاضر حاضر يادكتور هنفذ كل حاجة هي تقولهالي شكرا ليك”
ليل خرج يوصل الدكتور وهنا نجمة فتحت عينيها وفضلت تلف حوالين نفسها بفرحة “yes وضحكت عليه وهخليه زي الخاتم في صباعي”
نجمة وهي بتكلم نفسها زي المجنونة”اششش يا نجمة احسن ما زين الكلب يجي علي السيرة”
……………….
عند سما كانت خارجة من الجامعة وشابين اتعرضولها في الطريق
زياد بوقاحة “راحة علي فين يا مزة”
سما وهي غاضة بصرها “لو سمحت ابعد من طريقي عايزة امشي”
عمر بنظرات شهوانية “تمام امشي معانا واحنا نوصلك وبالمرة نتعرف علي القمر”
زياد “ايه رأيك بدل ما تروحي تقضي اليوم معانا واحنا هنبسطك جامد”
لسه عمر هيحط ايده علي كتفها مسكت ايده بقوة وتنتها كسرتها
_”اااااه يا بنت الكلب والله لهوريكي”
“توري مين يا بن الو** يابن الكل* ده أنا هوديك في ستين داهية”
عادل نزل فيهم ضرب لحد وقعوا أغمي عليهم
_”انتي كويسة يا آنسه حد فيهم عملك حاجة”
_”بخير الحمد لله هو هو انت هتعمل معاهم ايه ”
_”متقلقيش انا هتصرف”
اتصل عادل بالبوليس
بعد شوية
_”الكلاب دول عايزهم يترموا في التخشيبة لحد ما اتصرف”
العسكري بإحترام وهو بيأدي التحية “تمام يافندم تأمر بحاجة تاني”
سما كانت واقفة عند العربية واتصدمت من اللي شافته
عادل ببرود “لأ شوف شغلك يا عسكري”
العساكر خدوا الإتنين ورموهم في البوكس
سما قربت ناحيته بصدمة “انت مين”
عادل بتتويه للموضوع “هكون مين يعني يا هانم انا عادل السواق”
_”ازاي ازاي بس اللي حصل من شوية انك….”
_”قصدك علي البوليس اصل ياهانم كلهم صحابي وفيه منهم قريبي متأخديش في بالك عشان صحابي كتير”
سما وهي جواها مش مقتنعة “تمام يلا عشان اروح”
……………
عند ليل كانت نجمة صحيت من الإغماء المزيف اللي عملته
نجمة وهي عاملة نفسها دايخة “هو ايه اللي حصل أنا تعبانة اووي”
_”عاملة ايه يا قلبي الف سلامة عليكي كدا توقعي قلبي”
نجمة بصدمة واستغراب “قلبي”
ليل بدموع ندم وحب “اه قلبي وروحي وعمري وحبيبتي ومراتي وكل ما ليا حقك عليا يابنت قلبي سامحيني”
نجمة وهي بتحط ايدها علي جبينه”زين انت كويس تعبان ولا حاجة”
_”انا خلاص قررت مش هسيبك لوحدك تاني وهجيب مراتاتي الاتنين يجوا يساعدوكي وبالمرة تتعرفي عليهم وعشان تتعودوا علي بعض”
نجمة بصدمة اكبر “زين بتقول ايه انت كويس انت عارف انا مين انا نجمة اللي بتحب السهر والشرب اللي مش بتطيقها انا بنت عمك المتمردة”
ليل بعشق خالص “انا عمري ما كنت كويس غير دلوقتي أنا كنت حاسس ان روحي بتتطلع وانا شايفك واقعة قدامي نجمة انا اكتشفت اني حبيتك وعشقتك بجنون وهنبدأ انا وانتي صفحة جديدة وهننسي الماضي ونعيش حياتنا ونجيب نجمات صغننين”
نجمة بهزيان “بتحبني ننسي الماضي نجمات”
نجمة مستحملتش الصدمة والمرة دي وقعت واغمي عليها
……………….
في مكان تاني
…بغضب “ده انا لو مشغل اطفال كانت عملت اللي انا عايزه”
_”يا باشا احنا بقي لنا 5 سنين بندور عليه ومش لاقينه اختفي زي الهوا”
رفع المسدس وضرب عليه النار قتله “اللي مش عايز يحصله ينفذ كل اللي بقوله قدامكم شهر واحد وتكونوا لقيتوه وجبيتوه لحد عندي راكع فاهمين ولا لأ”
هزوا رأسهم ليه بسرعة وخوف
…… بضحكة هستيرية مجنونة “هلاقيك واموتكم زيهم هههههه وبطريقة مش هتقدر تنساها حتي بعد موتك هههههههههه”
…………………
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية أحببت صعيدي)
