رواية كسرة قلوب الفصل السابع 7 بقلم حبيبة مصطفى
رواية كسرة قلوب الجزء السابع
رواية كسرة قلوب البارت السابع
رواية كسرة قلوب الحلقة السابعة
♡ البـارت السـابع ♡
زين بـمقاطـعه مـن الخـلف : انت بتعـمل هنا ايه مع خطيبتي يا لؤي
نيرة بصدمه : افهمني يا زين
زين : مش هكرر سؤالي تاني
نيرة بسرعه : ده….ده… حبيب ورد
زين بصدمه : ايه
لؤي : اه حبيب ورد…انا و هيا متخانقين يعني و عملالي حظر فقولت ارن على نيرة تكلمها عشان مش عارف اوصلها….نيرة مش ردت فقولت اجي الشركه اشوفها
زين بعصبيه خفيفه : ميهمنيش انت و ورد بتعملوا ايه تمام…اللي يهمني انك تبعد عن خطيبتي عشان متزعلش يا لؤي مني…و متدخلهاش في علاقتكوا الزباله دي …. يلا يا نيرة
« نيرة ذهـبت خـلفه و صـعدوا إلى الشـركه »
« فـي الكلـيه »
ورد : اسفه يا دكتور على التأخير
نظر خلفه وقال : لا ادخلــ….ورد!
ورد بإستغراب : مازن!؟
مازن بسعاده : احممم الصدفه الرابعه تقريبا هاااه
ورد بإبتسامه : فعلاً…..ينفع ادخل
مازن : اه اتفضلي ادخلي
ورد : شكراً
« اسـتغرب الطـلاب من معـرفه الـدكتـور لـطالبـته فـي اول يـوم »
« فـي الشـركه و خـصوصًـا فـي مكتب زيـن »
زين بعصبيه خفيفه : مينفعش يا نيرة….يعني انتي بتساعدي اختك في الطريق الغلط
نيرة : لا والله يا زين
زين : اومال معناه ايه ده….يعني قولتيلي مرتبطين يعني مفيش قراية فاتحه ولا خطوبه ولا اهلك عارفين بيه من الأساس يعني اختك اهو في بدايه طريق غلط و انتي بتحاولي تحلي بينهم يعني بتساعديها
نيرة بتمثيل : انا اسفه يا زين…خلاص مش هعملها تاني و هقولهم مليش دعوه
زين : ياريت يا نيرة
نيرة : احممم التصميمات جهزت ولا لا
زين : اه جهزت….هتلاقيها على المكتب شوفيها كده و قولي رأيك
نيرة : تمام
« بـعد انتهاء المحـاضره خـرجت وخرج هو خلـفها»
مازن بإبتسامه : اعتقد اننا لو في مسلسل مش هيبقى في الصدف دي كلها
ورد : اه والله معاك حق
مازن بتلميح : ممكن يكون ربنا ليه أراده من كده
ورد : ااا….الله اعلم…اسفه لأني اتأخرت على المحاضره
مازن بإبتسامه : لا لا عادي…اساسًا كنت داخل قبلك بـ خمس دقايق بس
ورد : طب الحمد لله
امير من بعيد : princess
ورد بإبتسامه : ميرو….ايه اللي جابك
امير نظر لمازن المتضايق قليلاً وقال : قولت اروح اخد اختي من الجامعه و اخرجها شويه و ندردش
ابتسم مازن وقال : احممم استأذنكوا انا بقى
امير بملاحظه سعادته : ااا…ينفع نتعرف
مازن مد ايده : مازن…الدكتور اللي بيدي ورد
امير سلم عليه : امير اخو ورد
مازن بإبتسامه : اتشرفت بمعرفتك
امير بمزاح : انا اكتر…ااا….طب ما تاخد رقمي بحيث ان لو ورد هربت مثلًا او عملت مشكله مثلاً….ترن عليا
ورد بعصبيه خفيفه : لينا بيت نعرف نتخانق فيه هاااه
مازن بإبتسامه : اه تمام
« اعـطى امير رقمه لمازن ثم وضع يده على كتف ورد و ذهبوا عـند السيـاره و ركبـوا »
« فـي السيارة »
امير : احممم
ورد : ايه
امير : احممم احمممم
ورد بتقليد : احمم احمم ايييه
امير : يلا سامعك
ورد بفهم : اااه عايزني اقول مين ده بقى و اتقابلنا امتي و كان واقف معايا ليه
امير : ايوااااا هوو ده
ورد بتقليد : ايوااااا هوو ده….طب ما تقولي قوليلي كنتي واقفه معاه ليه مش لازم يعني تعمل احمم احممم
امير بإبتسامه : صبرني على طولة لسانها
ورد : عمومًا…ده شخص كده تحس ان القدر بيحاول يجمعنا في اي حاجه
امير : مش فاهم
ورد : يعني….« حـكت له اول مـقابله بينها هي و مازن إلى اخـر مقـابله »
« فـي الشـركه »
اسر : مش عارف حاسس ان في حاجه في الموضوع
زين : زي ايه مثلا
اسر : مصدقش ان ورد تكون مرتبطه بـ لؤي بصراحه
زين : اشمعني
اسر : يعني واحده محترمه و لبسها كويس و قريبه من ربنا و بتعرف تفرق بين الصح و الغلط..يبقي هتروح ترتبط بواحد و تهد ده كله ليه
زين بتفكير : مش عارف يا اسر بس نيرة تكدب عليا ليه برضوا
اسر : مش عارف يا زين عشان كده بقولك في حاجه غلط في الموضوع ده
« عـلى الكـورنيش »
أمير و هو يأخذ قـضمه من السنـدوتش : اااممم….بس مش عارف ليه حاسس انه معجب بيكي
ورد وهيا تأخذ رشفه من العصير : ببجدد….قصدي ليه يعني
أمير بإبتسامه : اصل كان زعلان اول ما شافني بسلم عليكي و بعدين لما قولتله اني اخوكي لاقيته اتنهد براحه و ابتسم
ورد بإبتسامه : ااه ممكن
امير : طب هسألك سؤال بس تجاوبي بصراحه
ورد : حاضر والله
امير : هو انتي معجبه بيه
ورد بإبتسامه وخجل : بص.. ااا..انا مش عارفه بس بفرح اوي لما بشوفه
امير بإبتسامه : اممم يعني لو اتقدم هتوافقي
ورد : احتمال كبير اوي ايوا….يعني شخص محترم و متفهم و قريب من ربنا و بيحفظ قرأن و صوته حلو فيه و لبسه مهندم مش زي شباب اليومين دول بناطيل مقطعه والشغل ده يبقى ارفض ليه
امير بضحك : احممم نفسي تشوفي نفسك وانتي بتتكلمي عليه
ورد : متندمنيش اني قولتلك حاجه….بس قولي يا ميرو انت رأيك ايه فيه
امير : حاسس انه محترم كده و يتحب
ورد بإبتسامه : ايوه هو كده فعلا
«فـي الـلـيل عـاد الجـميع إلى منزلـه »
♡ فـي ڤيـلا سـعد … عـلى الغـداء ♡
سليم : بس مش بدري يا زين
زين : لا يا بابا مش بدري…يعني ننزل نجيب الدهب بكره و الخطوبه تبقي بعد بكره و الفرح بعده بيومين
سندس : طب قولت لنيرة يا حبيبي
زين : ايوه يا ماما و قالت لأهلها موافقين فشوفوا مين اللي هيروح بكره معاها وانا هبقى اجي من الشركه على محل الدهب
سمر : انا اكيد جايه.
سندس : هروح انا وسمر و ثناء بكره عندهم ناخدها هيا و والدتها
زين : تمام ماشي
سـعد : و أخيرا عشت لليوم ده
زين : ربنا يطول في عمرك يا جدي
• فـي مـنزل محـمد •
جميله : حاسه انه بدري اوي
نيرة : متهيألك يا ماما
جميله : يعني خلال اربع ايام هتكوني متجوزه يا نيرة
ورد : انتي ناويه تخلليها جنبك ياست الكل ولا ايه
جميله : تؤ يابت بتدخلي بيني انا واختك ليه
يزيد : مش عارف طالعه حشريه لمين
ورد : ولااا هقوملك
جميله : بس انتي و اخوكي خليني اكلم بنتي بقي براحتي
ورد : كلميها ياست جميله
جميلة :طبعًا حضرتك هتيجي معانا بكره ياست ورد
ورد : أكيد دا أنا أخت العروسة و بعدين أنا عندي كام نيرة
نيرة بتوتر : لا يا ورد مينفعش أصل مين هيقعد يعمل الغدا لبابا وأمير و يزيد ، انتي عارفه ان بابا و أمير مش هيكونوا موجودين بسبب الأجتماع
ورد بحزن قليلاً : بس أنا أختك يا نيرة ولازم أكون معاكي
نيرة : عارفة يا حبيبتي و كدا كدا هتشوفي الدهب لما نيجي
نظرت ورد لوالدتها الصامته فتنهدت وقالت : ماشي يا نيرة اللي يريحك يا حبيبتي
« كـان يـوم طـويل و انتهـي بأحداثـه…فـي الصـباح »
نيرة : ماشي يا ماما هالبس الصندل و خلاص
جميلة : ماشي…..ورررد…يا ورررد
ورد : نعم
جميله : هعتمد عليكي في الغدا النهارده ماشي
ورد : حاضر متخافيش
جميله : اما نشوف ايه اللي هييجي ورا كلمه متخافيش دي
نيرة : انا خلصت يا ماما
جميله : يلا يا حبيبتي
نيرة : هرن علي زين هشوفه هيقولي هما فين
جميله : لا مش تشغليه…تعالر ننزل تحت نستناهم
« نـزلت جـميله و معـاها نيرة و وجدوا سندس و سمر و ثناء ينتـظروهم في العـربيه….بعد ترحيبـات ذهـبوا الي مـحل الدهـب »
« فـي الشـركه »
زين : ماشي يا اسر هعتمد عليك انت في موضوع اللبس
اسر : متخافش والله انا كلمت خـالدو قال هيجهز بدل الخطوبه و الفرح
زين : اما نشوف
اسيا : يلا سلام احنا
زين : على فين
اسيا : هنروح الڤيلا نجيب رنا و عنود و بعدها هنروح المول نشوف الفساتين
اسر : ماشي خلي بالكوا على نفسكوا
رغد : حاضر
اسر : رويه….لو شوفتي علي و عمر خليهم يكلموني عشان الاتنين تيليفوناتهم مغلق
رويه : ماما واخده الفون من علي….بس حاضر هخلي عمر يكلمك
«ذهـبت الـبنات »
زين : وانا كمان لازم امشي عشان الحقهم
اسر : تمام و انا داخل الاجتماع اهو
زين : لو في حاجه ابقى رن عليا
اسر : ارن ايه انت في ايه ولا في ايه دلوقتي
زين : تصدق انا غلطان
« ذهـب زيـن إلى محل الذهب و كـانوا يختاروا الشـبكه »
• عـند منـزل محمـد •
ورد : يا بتااااع النعـناع يا مـنعـنع يا منعنع يااااااا…..جاااايه جااايه
« ذهـبت لتفتح الباب »
امير : سنه عشان تفتحي
ورد : كنت بغني مش فاضيه
امير دخل و قفل الباب : احنا اسفين لحضرتك والله….اومال ماما فين
ورد : ماما و نيرة راحوا يجيبوا الشبكه
امير : طب هييجوا قبل الغدا
ورد : لا انا اللي هعمل الغدا النهارده
امير : بتهزري
ورد : لا والله
امير : بالله عليكي اطلبي اكل من برا
ورد : متخافش والله
امير : طب انا هدخل اخد دش و يكون الغدا خلص
ورد : اممم هو صعب بس هحاول
« دخـل امـير ليـأخذ دش »
ورد : ياااااااا منـعـنع ياااااا منـعنع….يوووه بقي
~فـتحت البـاب ~
يزيد : ايه ياااا منعنع هنعملوا ازاي اخوكي جه
ورد : انت عرفت منين
يزيد : شوفته لما كنت في السوبر ماركت
ورد : اهم حاجه جبت الاندومي
يزيد : ايوه بس ابوكي
ورد بمقاطعه : يا اهبل ابوك ميعرفش شكله. هو هياكل و خلاص و كدا كدا ماما هتيجي بعد الغدا هيا و نيرة
يزيد : ماشي اما نشوف
«دخـلت ورد و عـملت اندومـي للجمـيع »
«خـارج محـل الذهـب »
زين : تمام يا ماما هوصلهم انا بالعربيه بتاعتي و لو كدا السواق ياخدكوا بالعربيه اللي جيتوا بيها
سندس : ماشي يا حبيبي
« ركـبت نيرة و جميله مـع زيـن فـي العـربيه »
♕ عـند مـنزل محـمد ♕
يزيد : اه يا بابا لسه مش جم
محمد : طب الغدا فين
ورد : اهوو يا بابا السفره جاهزه
محمد ذهب إلى السفره وقال : ايييه ده !
ورد : دي مكرونه بشوربه
محمد : يعني ايه مكرونه بشوربه دي
ورد : طعمها حلو والله دوق كده
امير بصوت واطي : الله يحبك يا شيخه
ورد بنفس الصوت : اي خدمه
محمد : امممم طعمها حلو اوي
يزيد : طبعا يا بابا مش ورد اللي عملاها
«اكـل الاب و وقـع تحت خداع ابنـته »
~ تحت منزل محمد ~
زين : والله يا امي شبعان
جميله : والله مش هسيبك يا زين هتطلع يعني هتطلع و بعدين ورد اللي هتعمل الغدا النهارده فيلا يا حبيبي متكسفنيش بقي
زين بعد مُحايلات : حاضر يا امي
• فـتح يزيد الباب •
يزيد : اهلاً بخطيب اختي نورتنا
زين : بنورك يا يزيد
« دخـل زين إلى الصالون…ودخلت ورد الغرفه لترتدي الخمار »
جميله امام زين : ايه يا محمد ورد عملتلكوا غدا ايه
محمد : عملتلنا مكرونه بشوربه
امير بضحك وصوت واطي : اااالبس…اختك اتقفشت ياعم يزيد
يزيد : المشكله ان انا اللي جايب الاندومي😹
امير : ماما هتعمل منكوا صباع كـوفته والله ، لا ومين موجود خطيب اختك
جميله بإستغراب : ايه مكرونه بشوربه دي
نيرة بإبتسامه : يارب ميكونش اللي في بالي
زين : ليه ايه اللي في بالك
نيرة بضحك : هتعرف بعد شويه استني
جميله : هقوم اجيب عصير و جايه
«دخـلت الام جميله إلى المطبخ و خرجت ورد من الغرفه وجلست بجانب يزيد و امير و نيرة و زين على الانتريه »
ورد : بسس…بسس
يزيد : عايزه ايه
ورد : هيا ماما فين
يزيد : بس عشان اتقفشتا بسبب ابوكي….وبعدين امك في المطبخ
ورد : ليه قالها ايه
نيرة : قالها كلنا مكرونه بشوربه
جميله من المطبخ : يااااالهوووووووي
« خرجت وقالت »
جميله ومعها اكياس الاندومي : مكرونه بشوربه يا محمد….مكرونه بشوربه صح….دي اكلتك اندومي
محمد : اندومي ايه
جميله : والله اندومي لا وانا بقول لزين اطلع يا حبيبي دي ورد عامله الغدا
ورد : والله طعمه حلو و عجب بابا
جميله : لا وجايبه خمس اكياس
ورد : ايوه عشان يكفينا انا و بابا و يزيد و امير
محمد : عايزه تموتي ابوكي يا ورد….عايزه تجيبي لأبوكي السرطان يا ورد
ورد : والله يا بابا طعمه حلو و بعدين متنكرش انه عجبك
جميله : لا و من بجاحتها حطالي الاكياس على الرخامه
ورد : فيها ايه يعني…عملت الجريمه ونسيت امحي اثارها
محمد : دي كانت هترتكب جريمة قتل في ابوها و اخواتها وانا بقول ازاي مكرونه بشوربه بطعم اللحمه
ورد : قتل ايه بس يا بابا…و بعدين انت قولت اهو بطعم اللحمه…يعني اكلتلك مكرونه و شربتك شوربه و كمان ده كله في طعم لحمه يعني تلاته في واحد و كمان بـ ٥ ج بس
محمد : بصراحه كان طعمه حلو
جميله : انا معتمدش عليكي في حاجه أبداً والله
ورد : كان طعمه حلو والله
الاب محمد : بس اندومي يا ورد اندومي
ورد : اهو هيقول نفس الاسطوانه تاني
الاب محمد : عايزه تجيبي سرطان لأبوكي يا ورد و تموتيه اخص
« ضحك الجميع و خصوصًا زين… ثم ذهب إلى منزله انتهـي اليـوم الـمُتعب وجـاء تـاني يـوم»
• فـي الصـباح •
سندس : لا زين قالي الخطوبه تبقى عائليه بس…لكن في الفرح هنعزم صحابنا و شركائنا
ثناء : نفسي اعرف بيخبيها من الكل ليه
سمر : حقه وبعدين هو و خطيبته حُرين مع بعض
رنا : ماما الخطوبه هتبقى هنا صح
سندس : اه و الفرح هيبقي في الفندق
« في الليل…فـي منزل محمد »
جميله : طب اتصلي على روفيده تروح معاكي
ورد بتعب : لا يا ماما انا هروح اهو عادي
جميله : انتي حظك نحس يعني ولا حضرتي قرايه الفاتحه ولا الخطوبه هتحضريها
امير : هو بمزاجها يا ماما….طب اجي معاكي يا ورد
ورد : لا يا ميرو….وبعدين دي خبطه خفيفه
امير : طب لو عوزتي حاجه رني عليا
ورد : حاضر
« ذهـبت ورد لتكـشف عـلى رجـلها التي اُصيبت من حادثه العربيه عند خـروجها من الكليه»
« ذهـب الجـميع بدون ورد إلى حـفل الخطـوبه و كـانت حفله رائعه….ارتدوا الخـواتم و رقصوا معًا وبعد ليل طويل و احـاديث طـويله ذهبوا الي المنزل »
« فـي منزل محمد »
ورد : متقلقيش والله قالي خبطه بسيطه و اداني مرهم
جميله : طب الحمد لله
ورد : اهم حاجه بقى ننزل نشوف الفساتين بكره بما ان الفرح بعد بكره يا عروووسه
نيرة بسعاده مزيفه : اه يا حبيبتي عقبالك
ورد : لا يا نيرو تفي من بوقك…وبعدين انا عايزه اهتم بدراستي
امير بإبتسامه : ايوه ايوه انتي هتقوليلي « ثـم غـمز »
ورد : صبرني يااارب
«خـلد الجـميع إلى النـوم و جـاء الصـباح و كـان قـبل الفـرح بـيوم»
• أسـتيقـظت نيرة عـلى صـوت الهـاتف….فـتحت الـمكالمه وقـالت •
نيرة : الو
لؤي : ايه عملتي ايه
نيرة : انت فين هاااه….عماله ارن عليك وانت مبتردش
لؤي : عملتي ايه عرفتي تجيبي التصميمات
نيرة : يووووه بقى…لؤي انا فرحي بكره
لؤي بصدمه : ايه؟
نيرة : والله الفرح بكره….مش هينفع ارجع في قراري….من دلوقتي انت في طريقك وانا في طريقي
لؤي : انتي بتهزري يا نيرة
نيرة : مبهزرش بس قولي كدا اعمل ايه
لؤي : هشوف حل
نيرة بإستهزاء : حل ! سلام يا لؤي
«اغـلقت الخـط »
~ ثـم نزلـت تناولـت الفـطار معهم….و استيقظ زين و تناول الفطار مع عائلته ثم التهى الجميع في تجـهيزات الفـرح ~
« فـي منـزل محـمد….عـلى الغـداء »
جميله بعياط : بس بس هتوحشني
محمد الاب : طب سيبينا نكمل الغدا طيب
نيرة : يا ماما يا حبيبتي ما انا هكون معاكي برضوا والله
جميله بعياط : مش هتفطري معانا تاني
ورد بضحك : احسن…هههههه
جميلة : بس يا عديمة الدم
نيرة : يا ماما سيبك منها بكره تتجوز هيا كمان
ورد : لا يا حبيبتي هكمل دراستي وبعدين استحاله اسيب ماما هنا لوحدها
نيرة : اما نشوف
• فـي ڤيـلا سـعد الـلـه •
رنا : مش مصدقه ان في فرد جديد في العيله ييجي بكره
علي : ولا انا والله
رنا : انا حبيتها اوي يا جماعه
اسر : اومال لو شوفتي ورد اختها
سندس : ايه ده هيا عندها اخت
اسر : اه يا مرات عمي
سندس : اومال مش شوفناها في قراية الفاتحه ليه و الخطوبه
زين : ساعة قراية الفاتحه كان عندها موضوع مهم في الجامعه و ساعة الخطوبه كانت عامله حادثه بس كانت بسيطه يعني رجليها بس اللي كانت وجعاها و راحت كشفت عليها فمعرفتش تيجي
اسر بغمزة : يا متابع انت
زين : متابع ايه….نيرة اللي قالتلي
سندس : يلا هنشوفها بكره
سعد : والله بنت زي السكر كده تتحب اوي يعني
سمر مرات مراد : وانت شوفتها فين يا بابا
سعد : ما هيا البنت اللي ساعدتني لما كنت في الجنينه
سمر بتذكر : اااه افتكرت
اسيا اخت زين : بس بجد عسوله اوي تحسها طفله كده بتصرفاتها و شقاوتها و الا طريقه كلامها و عنادها
رويه بضحك : لا ولما بتخاف من حاجه بتقعد تعيط زي الاطفال
رنا بإبتسامه : بجد
رويه بتذكر : استنوا اقولكوا ايه اللي حصل في المطار……
« بـدأت تـحكي مـا حـدث فـي المـطار و كـانت تـتـعالى شـهقـات الجـميع »
• عـند مـنزل مـحمد •
امير : princess
ورد : نعم
امير : تعالي ندخل البلكونه عايز اكلمك في موضوع
يزيد : موضوع أيه من غيري
ورد بهزار : لما تكبر هنقولك
« فـي الـبلكونه »
امير : احمم..مازن كلمني النهارده
ورد بحماس : ايه ده بجد….احممم… قصدي ليه
امير بإبتسامه : يعني قالي اختك مجاتش ليه و المحاضره كانت مهمه….فبعتلي ايه اللي شرحه النهارده و قالي خليها تشوفه
ورد : اه……يسلم
امير : هو انتي معجبه بيه اوي كده
ورد : احممم….بص يا امير بصراحه ايوه….خايفه الاعجاب دن يتحول لحب عشان كدا كل ما بصلي بقول يارب لو كان شخص كويس اجعله من نصيبي و لو كان شخص وحش او نصيبه مع حد تاني يارب زيل اعجابه من قلبي
امير : بصراحه هو شخص كويس يا ورد
ورد : فعلاً يا ميرو….ربنا يسعده
امير : يلا قومي نامي بدري عشان بكره يوم مهم ولا مش هتحضري دا برضوا
ورد : لا هحضر طبعًا دا انا ما صدقت رجلي خفت شويه
امير بإبتسامه : ماشي ياستي
« دخـلت ورد إلى غـرفتها وصـلت قـيام الـلـيل ثـم خـلدت فـي نـوم عـميق »
♡ فـي الصـباح….استـيقظ الجـميع بـنشاط و حـماس….لأنه يـوم كـتب كـتاب و فـرح حـفيد سـعد الـلـه ♡
• فـي منـزل سـعد •
زين : يابني عشان كده اختارت الفندق ده…..نيرة تجهز في اوضتها وانا اجهز فـي اوضـتي و بعدين ننزل لصالة الفندق
عمر : ايوه احسن والله على الأقل بدل مرمطه القاعات و كدا…. هو انتوا تجهزوا في اوض الفندق و بعدها تنزلوا الصاله بتاعة الفندق على طول
زين : طب ما ده اللي انا قولته… انت هتشلني من دلوقتي
رنا : زين العروسه بتتصل
زين : هاتي يا خفيفه
« ابعتـد زيـن عـنهم قـليـلاً لـيرد عـلى نيرة »
زين : اهلا بالجميل
نيرة : عامل ايه
زين بسعاده : الحـمد لـله انتي عامله ايه
نيرة : الحـمد لله
زين : خير يا حبيبتي
نيرة : كنت هسـألك اروح الفندق امتي
زين : دلوقتي يا نيرو
نيرة : حاضر
زين : بجد انا فرحان جدا….ربنا يخليكي ليا
نيرة : ويخليك ليا يا حبيبي
زين : يارب….لو عوزتي حاجه رني عليا
نيرة : حاضر….سلام
« اغلـقت الـهاتف….ثم جـلست على السـرير تفكر »
نيرة : ماشي يا لؤي….يا خسارة التصميمات اللي سرقتها عشانك والله…..انا هاخدهم معايا و هديهم لزين وانت بقى اخسر شركتك مع نفسك…..ماااااشي
« عـند لـؤي »
لؤي على الهاتف : يعني هيا معاها التصميمات
هدير : ايوه يا لؤي بيه….انا شوفتها لما دخلت المكتب و سرقت الورق
لؤي : ااااخ يابنت الـ……..يا نيرة، دي مش قالتلي، هيا فاكره نفسها هتضحك عليا….ماشي والله لأعرفها مين لؤي
« بـعد عـدة سـاعات ذهـب الجـميع إلى الفـندق و بـدأوا بالأستعداد »
• فـي الفندق….خصوصًـا فـي غـرفه نيرة •
ورد : استني انا هفتح الباب انتي كملي لبس
نيرة : انا خلصت
الميكاب ارتيست : لا يا نيرة فاضل الطرحه و التاج و هعدلك الميكاب بس
ورد فتحت الباب : اسياااا عاامله ايه يا جميل
اسيا : انا الحمد لله يا حبيبتي
ورد : دايما يارب….ازيك يا رويه
رويه : بخير يا عيوني
ورد : دايماً……اتفضلوا
«دخـلوا ثم اغلقـت الـبـاب»
سندس والدة زين : اااا….مشوفناش بعض قبل كده
ورد : اه فعلاً
سندس تمد ايديها : احمم انا سندس والدة زين و اسيا و رنا
ورد حضنتها مما جعل سندس تبتسم : اتشرفت طبعًا يا جميل
سمر : وانا سمر والدة رويه و عمر و علي
ورد حضنتها : اتشرفت يا عيوني
جميله : يابت بس نازله احضان في الناس خنقتيهم
سندس بإبتسامه : لا لا عادي….دي جميله اهي
ورد بإبتسامة : تؤ ارى الجميله تتحدث عن الجمال
« ابتسم الجميع »
جميلة : اه يا بكاشه بتضحكي على حمات اختك بكام كلمه هاااه
ورد : لا والله اللهم بارك جميله جدا….ربنا يحفظك يارب
سندس بإبتسامه واعجاب : انتي اللي جميله والله
« كـانت ورد تـرتـدي فـستان سـهرة باللـون الكـاشمير وخـمار بنفـس اللون »
رويه : العروسه عامله ايه
نيرة : الحمد لله يا حبيبتي
جميلة : انا هنزل اشوف المعازيم جم ولا لا
سمر : استني انا و سندس نيجي معاكي برضوا نتأكد
سندس : اه يلا…..عن اذنكوا يا بنات
ورد : اذنك معاكي
«نزلت سندس و سمر و جميلة»
« عـند غـرفه زين »
علي : يالهوي ده انت اول مره تضحك كده ياعم
زين بسعاده : فرحان طبعا
عمر : سيبك يا زين من الغبي ده
علي : هعمل حساب انك اخويا الكبير بس مش اكتر
اسر : والله يا احفاد سعد الله احنا هنتشقط تحت
علي : في دي معاك حق
« فـي غـرفة نيرة »
نيرة : لا لا عادي
رويه : هنشوفهم بس و هنيجي على طول
نيرة : عادي والله كدا كدا ورد معايا هنا
اسيا : تمام ماشي
« ذهبت اسيا مع رويه ليروا زين و الشباب »
ورد : عايزه حاجه يا عيوني
نيرة بتوتر : معلش انزلي اندهيلي على ماما وبابا عايزه اتكلم معاهم شويه
ورد : انتي كويسه
نيرة : اه كويسه بس عايزه اتكلم معاهم
ورد بقلق :حاضر
نـزلت ورد إلى صالة الفندق »
« كـانت تجلس نيرة امام المـرآه فظهر لؤي خلفها »
نيرة : قولتلي فضيلي المكان عشان اتكلم معاكي…اهو… شوف انت عايز ايه بقى بس اتأكد انها اخر مره هسمعك فيها يا لؤي
لؤي بتمثيل : وحشتيني
نيرة : انجز
لؤي : تعالي نهرب يا نيرة
نيرة بصدمه : ايه
لؤي بتمثيل : تعالي نهرب….بصي « اخرج تذاكر من جيبه » انا حجزت في فندق في دبي….تعالي نهرب و متكمليش الموضوع ده وانا مش عايز تصميمات انا عايزك انتي….مش عايز الشركه عايزك انتي….انا بحبك يا نيرة متعمليش كده فينا
نيرة : مينفعش يا لؤي
لؤي : لسه في وقت يا نيرة…انا عارف انك بتحبيني….بلاش تعملي كده في نفسك و تتجوزي واحد انتي مش بتحبيه
نيرة : الوقت فات
لؤي جاء على نقطه ضعفها : نيرة ورث زين قليل جدا ده لو كان ليه ورث اصلا….اولا هو مش اول حفيد..دا غير شوفي سعد عنده كام حفيد و حفيده لسه هيوزع الورث عليهم….لكن انا الابن الوحيد و الحفيد الوحيد يعني الشركات و ده كله بأسمي انا و اي حاجه ليا تبقي ليكي انتي كمان….يعني هتكوني مع شخص انتي بتحبيه و هيعملك اللي انتي عوزاه
نيرة بتفكير : بس
لؤي : يا نيرة والله هتندمي لو اتجوزتي زين….انتي مش بتحبيه مش هتستحملي العيشه معاه
نيرة : طب و التصميمات مش عايزها
« لـم تكن تعلم انه يعـرف انها سـرقت التـصميمـات لأنها لم تخبره »
لؤي بتمثيل : قولتلك عايزك انتي مش عايز التصميمات
نيرة : انا خايفه من بابا
لؤي : متخافيش…. وبعدين فكرك لو قولتيله انك عايزه تلغي الجواز ده هيوافق…لا طبعًا لان كل شركـائه تحت فأستحـاله يصـغر من نـفسه قدامهم
نيرة : طب هنهرب ازاي
لؤي : الرجاله تحت مستنيين بس اشارة مني
نيرة : طب….تمام…استني بس اكتب رساله عشان محدش يدور عليا
لؤي : تمام وانا هتصل ب الرجاله
« و بـعد قليل ذهبت نيرة مع لـؤي و لم تـفكر في عـواقب هـذا »
ورد : فينك يا ماما عماله ادور عليكي
جميله : في ايه
ورد : نيرة عيزاكي انتي و بابا
جميله : حاضر جايين اهو
امير : جاي معاكوا
يزيد : وانا كمان عشان اشوفها
« صـعد محمد و زوجته و اطفاله»
• امام غرفة نيرة •
ورد : اسيا
اسيا : هيا نيرة فين
ورد : قاعده جوا….هيا بس قالتلي انزل انادي على ماما و بابا عشان عيزاهم
عنود اخت اسر : لا مش جوا…. احنا كنا جوا دلوقتي عشان نشوفها خلصت ولا لا مكانتش جوا
جميله بخضة : ازاي يابنتي ممكن تكون في الحمام
« دخـلوا الغرفه و لم يجـدوا نيرة»
ورد : هتكون فين دي
اسيا : طب رني عليها
« رنت ورد ولكن وجدت هـاتف نيرة عـلى السـرير »
ورد : تيليفونها هنا
جميله بدموع : بنتي فين
عنود :طب استني اشوفها كده عند زين
« ذهبت عنود إلى غرفه زين »
اسر : عايزه ايه
عنود : هيا نيرة هنا
زين : لا
عنود : اصل مش لاقيينها وتيليفونها في الاضه
زين بخضه : ازاي يعني
عنود : اه والله
« ذهب زين و الشباب إلى غرفة نيرة »
زين : هو في ايه
ورد : منعرفش نيرة فين
زين : مين اللي كان معاها هنا
ورد : انا بس نزلت تحت عشان كانت عايزه بابا و مامـ
زين بعصبيه : وانتي سيبتيها لوحدها ليه
ورد : وانت بتزعقلي انا ليه
اسر : اهدوا يا جماعه….تعالوا ندور عليها ممكن تكون اضطرت تنزل
« نزل الشباب إلى الاسفل و صعدت سندس و سمر و ثناء و رغد و رويه إلى غرفه نيرة بعد علم الامر »
مراد : علي…علي
علي : نعم يا بابا
مراد : هو في ايه
علي بصوت واطي كي لا يسمع المعازيم : مش لاقيين نيرة
سليم والد زين : ازاي
علي : اه والله
سعد : تعالوا نطلع نشوف في ايه
« صـعد سعد إلى الغـرفه و معه سليم و مراد و سمير »
سليم : ازاي مش لاقيينها
سندس : منعرفش والله يا سليم
« صـعدوا الشباب و قالوا »
امير : مش لاقيها خالص
اسر : ولا انا
زين بعصبيه : هتجنن….ازاي يعني اختفت
رغد : ايه ده في ورقه اهي…«اخذت الورقه وقرأتها»
رغد بصوت عالي : انا اسفه يا ماما عشـان هربت بس انا مبحبش زين من البدايه محدش يدور عليا عشان مش هتلاقوني..شـكـراً يـا ورد لأنـك سـاعـدتـينـي كـان مـعاكـي حـق مـينـفعش اعـيش مـع شـخص مـش بحـبه…سـلام
« نـظر الجـميع لـورد بـصدمه الـتي امتـلأت عـينـاها بـالـدمـوع»
زين بعصبيه : لا وعامله نفسك غلبانه هااااا….قوليلي نيرة فين
ورد بدموع : معرفش
زين بصوت عالي : ازاي متعرفيش هااااه….هيا هتكتب اسمك هنا من فراااغ
ورد : والله معرفش
سمير بضحك : ياااه اهي التربيه ظهرت اهي….الاخت ساعدت اختها تهرب من الفرح
محمد : انت بتقول ايه
سمير : هيا مش دي الحقيقه
ورد بدموع : مممـ….والله مش ساعدتها والله….ماما انا مش ساعدتها هاااه انتي تتوقعي مني كده…جدو سعد والله معرفش هيا فين
زين : بطلي تمثييييل بقي…بطلي عشاااان اهلك ميعرفوووش حقيقتك اساااسا…ميعرفوش ايه الي مستخبي ورا الخمار و الوش البريء ده
امير بعصبيه : زييين متتكلمش مع اختي كده و الا والله العظيم محدش يعرف ياخدك من تحت ايدي انت فاااهم
زين : قول انت كده نيرة تكتب اسمهااا هناا لييه…ما تتكلم
ورد ببكاء : والله العظيم معرفش حاجه….امير هو انت تصدق اني ممكن اعمل كده…هااه
امير : لا يا حبيبتي انا مصدقك سيبك منهم
ثناء : واضحه تربيتك يا استاذ محمد هااه….نقول ايه للمعازيم دلوقتي ولا نودي وشنا منهم فين…بس عمومًا العيب مش علينا العيب من اهل العروسه معرفوش يربوا بنتهم….انا قولت البت دي قليله ادب من البدايه و وراها حاجه محدش صدقني
محمد بصدمه : اودي وشي فين دلوقتي
سمير : ده انت وشك في الطين
امير بصوت عالي : كلم ابويا عدل احسنلك
« كـانت تتعالي جـميع الاصـوات فـي الغـرفه و لم يلاحـظ احد صـدمه سعد و سكوته »
ورد بدموع : جدي….انت ساكت ليه رد عليا
ثناء بصوت عالي : ما انت لو عرفت تربي مكانش ده حصل لا و الاخت اللي هربت اختها
ورد نظرت لها وقالت : معملتش حااجه….بابا هو انت تصـد
صفعها محمد بالألم امام الجميع : يا خسارة تربيتي فيكي يا ورد
امير بعصبيه : انت ازاااي تضربها هاااه…حلفت انها معملتش حاجه
ثناء : اي حد يحلف كدب عادي
امير بصوت جهوري : انتي تحلفي كدب اه لكن ورد لا….انتي بلبسك ده و الزينه اللي انتي عملاها في نفسك دي و بُعدك عن ربنا رغم كُبر سنك تحلفي كدب اااه لكن ورد لااااا….هيا اه اصغر واحده بينا هنا لكن اقرب واحده فينا لربنا…اكتر واحده تعرف الصح من الغلط هناااا
ورد ببكاء : يا جدي بالله عليك رد عليا والله معرفش حاجه والله
« تعالت اصوات الجميع »
سعد بصوت عالي : بسسسس
«سكت الجميع»
وقف سعد وقال : ورد…انا مصدقك بس هطلب طلب منك و متكسريش بخاطري
ورد ببكاء : اطلب
سعد : تتجوزي زين يا ورد وتنهي الخلافات بين العيلتين….و متصغريش ابوكي ولا تصغريني قدام اللي تحت
« حـلت الصـدمه عـلى الجـميع »
زين بعصبيه : لا طبعا…انا اتجوز دي
امير بعصبيه وكاد يتهجم على زين لكن مسكه اسر و يزيد : انت ازاي تتكلم عليها كده….اللي انت بتتكلم عليها دي احسن منك و من اي حد هنا انت فاااهم
« تعالت الاصوات مرة اخري…و في هذا الوقت نظرت ورد لوالدها »
محمد لورد : هه فكراني هقف جنبك….لا واللي يشوفك بتنصحيني ابعد عن الغلط و بحبك يا بابا…عايزه نتجمع في الجنه يا بابا ميشوفكيش وانتي بتصغري مني يا ورد….ياريت كنتي موتي بدل ورده اختك في الحادثه على الاقل هيا مكانتش هتصغر مني كده
ورد بصدمه : ياريتني كنت مت…الأصول تصدقني
امير بدموع : متوافقيش انتي فاهمه…انا جنبك هنا…انا مصدقك….متغيريش حياتك في يوم وليله….انتي ملكيش ذنب تدفعي تمن حب زين لنيرة او تدفعي تمن خيانة نيرة لزين انتي فاااهمه
ورد بدموع : بس يا امير
امير : مازن بيحبك يا ورد….ناوي يتقدم كمان….اختاري نفسك يا ورد
« بـكت ورد بشـهقـات عـاليه بـعد مـعرفة حـب مـازن لـها »
امير : استني لو مش مصدقه
« اخـرج امير هـاتفه و فـتح تـسجـيل المـكالمه بينه وبين مـازن »
♡ تـسجـيل المكالـمه
امير : مش سامعك يا مازن
«كـي يعيد كلامه مره اخري»
مازن : ااا…بقولك انا معجب بورد و عايز اتقدملها بس قولت يعني استني لما ربنا يتمم لنيرة اختك على خير و اجي ادخل البيت من بابه و اطلبها قدام ربنا
امير : اه يا مازن تنور في اي وقت
مازن : بنورك يا حبيبي
امير : بس اشمعني ورد يا مازن
مازن : يعني….انسانه محترمه..طريقه كلامها كويسه جداً…قريبه من ربنا…و اتقابلنا اربع مرات صدفه يعني ساعة الجنينه لما ساعدت الراجل العاجوز…وساعة الطيارة و مره في الفندق و اللي مكنتش اتوقعه بقي اني اكون الدكتور بتاعها….و الاربع مرات دول والله يا أمير كانت بتتكلم بإحترام معايا فأنا بصراحه عايزها تكون شريكه حياتي…فقولت مش هكلمها في الجامعه عشان محرجهاش…قولت استأذنك انت الاول
امير : تنور يا مازن…سلام يا حبيبي
مازن : سلام
« اغلق امير التسجيل »
امير بدموع : انا عارف انك معجبه بمازن و عارف انك بتدعي ربنا يكون من نصيبك…ورد…ملكيش دعوه بحد هنا
الاب محمد : هو ايه اللي ملهاش دعوه بحد….هيا تهرب اختها و تبوظ سمعتي و تقول ملهاش دعوه بحد….يا تصلحي اللي بوظتيه و تتجوزي زين يا اتبرى منك ليوم الدين و متدخليش عتبه بيتي
امير : انت ازاااي اب….عارف ان بنتك معجبه بواحد تاني و من احترامها ممشيتش معاه ولا قالتله كلمه بحبك حتى زي بنات اليومين دول ولا ارتبطت بيه…دي بتدعي ربنا عشان يكون نصيبها و لما ربنا يتقبل دعوتها تقولها كده
محمد : بنتي اااه….ياريتها ماتت بدل ورده….مش انا اللي اقنعت امك تحبك هاااه مش انا اللي اقنعتها ان ورده اللـ
امير : بسسسس بقي بسسس…متجيبش سيرة ورده الله يرحمها انت عارف انها بتضعف قدامها
جميله ببكاء : احلفك بحياة ورده يا ورد وافقي
امير بدموع : لا يا ورد
ثناء : انت عايز تبوظ سمعة العيله يعني ولا ايه
امير : لو همك سمعة العيله جوزيه بنتك
ثناء : على الاقل بنتي مش قليله ربايه و هتهرب
« تعـالت الاصوات مرة اخري و قاطعهم صوت ورد »
ورد ببكاء : مموافقه
« صـدم الجـميع »
سـعد الـلـه : ابدأوا التجهيزات الضيوف استنوا كتير
انتهـى الـبارت♡ رأيكوا خاص فضلاً يا سـكاكـر
♡ مين ورده و ايه اللي حصل؟
♡ يا تري ورد و زين هيتعاملوا مع بعض ازاي؟
♡ رد فعل مازن ايه لما يعرف
♡ لو كنتوا مكان ورد هتعملوا ايه…..تختاروا عيلتكوا و سمعتها ولا نفسكوا و شخص انتوا معجبين بيه؟
دُمتم في سـلام♡
يتبع..
لقراءة الفصل التالي : اضغط هنا
لقراءة الرواية كاملة اضغط على : (رواية كسرة قلوب)
