رواية صعيدي علمني العشق الفصل الرابع 4 بقلم حنين عادل
رواية صعيدي علمني العشق البارت الرابع
رواية صعيدي علمني العشق الجزء الرابع
رواية صعيدي علمني العشق الحلقة الرابعة
بيطلع مصطفي من البيت وبيركب عربيته وبيكون باين ان في عربية واقفة بتراقبه من بعيد
بيكون معاه ملف بيحطوا جمبه وبيسوق عربيته لحد ما بيطلع لطريق عمومي والعربية وراه ومعاها عربيتين تانيين بتوقف قدامه العربية فجأة وبينزل منها رجاله ماسكة سلاح
وبيبدأوا يضربوا فيه ..
وبينزل راجل ماسك سيجار كبير وبيقف قدامه وبينفخ الدخان في وشه
_مش هاتدينا البحث برده يا مصطفي
مصطفي: لا ولو علي جثتي مش هاديكم البحث بملاليم وترجعوه للناس الغلابة بعد ما يتصنع بملايين .
_يبقي هاناخده بس علي جثتك ..
بيطلع مسدس من جيبه وبيبتسم ببرود وبيضربه ناحية قلبه بيقع مصطفي علي ركبته وكأن شريط حياته بيمر من قدامه
لحظاته مع ابوه ويونس وروح وبسمة وكرم وبعدها بيقع وبيغمض عينيه وبيستسلم لكل اللي حواليه
مصطفي لاااااأاااااااااااااا
بتصحي بسمة مفزوعة وبتصوت بتدخل امها تجري علي صوتها :
مالك يا بنتي بسم الله الرحمن الرحيم
بسمة: كابوس يا ..مه
بتبتسم أمها :
لسه مش واخده تقولي يامه
بسمة: هاااا لاه
بتتنهد أمها:
انا وانتي انحرمنا من بعض انا كان منايا اشوفك بتكبري قصاد عيني وتبقي حبيبتي وصاحبتي انا كنت ماعنديش خوات بنات وكان أملي في ربنا كبير انه يرزقني ببنت
ابتسمت :
عارفة يا بسمة كان ايامينا اننا نروح لدكتورة عيب هي الداية وبس بس ابوكي كان حنين قوي وفرحته بيكم زادت قوي لما عرف ان انتم توأم اشتالني ولف بيا كيف المجنون وقالي ربنا كرمنا ماشوفتش الفرحة دي في عينيه غير لما شافك للمرة التانية وانتي كبيرة .
بتبتسم بسمة وبتحضن أمها :
الله يجازي اللي كان السبب حتي لو خد جزائه فانا مش مسمحاه يامه مش مسمحاه
_____________________
بيشتال يونس روح وبيدخل للشاليه..
يونس: كنتي فضلتي لما نطمن عليكي مستعجلة ليه
روح: عشان بدوري حبيب قلب مامته يا نوحي يا نوحي عليه
بيضحك علي طريقتها وبيحطها علي السرير:
سلسة ضهري عاوزه تتغير بالله عليكي كفاية بقا..
روح بتسكت ثواني وبتدمع وبتبص له وبعدين بتتفتح في العياط
النمر: ايه ايه في حاجة واجعاكي اهدي
روح: لأ عشان انت هاتتجوز عليا
النمر: نهار اسود مين اللي قالك اكده خبريني وانا اطخه عيارين
روح: انا حسيت
النمر: تلاتة بالله العظيم ما حصل
روح: صاحبتي جوزها اتجوز عليها اهئ اهئ
النمر : مش فاهم ايه العلاقة
روح: عشان انتم رجالة بوريه منكم بت قمر قمر يا نمر دا كفاية انا بحبها ازاي يتجوز عليها عشان تخنت شوية وانت بتقول سلسلة ضهرك فا انت شايفني تخنت مثلا وعينك هاتزوغ .
بتتحول عيونها للغضب:
بالله يانمر أقطعها واشتري اسد ياكلها أما انت بقا
بيضحك النمر: هاتعملي ايه يا شرسة انتي
روح بتحضنه:
مش هاقدر أعمل حاجة مش هاقدر أبعد عنك انت ناسي وأهلي وونسي ماليش حد غيرك وماليش حد بعدك
_______________________
وعند كرم كان المخزن مولع وبيحاول يطفي بيه وهو لابس الطقم الأبيض السديري والبنطلون وطلع من النار وشه مهبب وهدومه النار مسكت فيها..
في نفس الوقت عربية سودا بتوقف وبتنزل منها واحدة
جميلة جدا
بتقرب منه : انت بخير
كرم: ها..
بتكرر كلامها تاني: انت بخير
كرم بيحاول يعدل من هدومه:
بخير الحمد لله الا مين القمر يعني
_انا شمس
كرم بيضحك: واضح حصل لي زغللة في عيوني لما شوفتك بس اي اللي بيعمله القمر ده في بلدنا
بتضحك: شغل
كرم : يا سلام عليكي يا بلدنا اوعي المستقبل لينا يا سوزوكي وربنا حامينا
كرررررررررررررررررم
بيبص حواليه بخوف:
كاريما …
كريمة بتقرب منه ومنها وبتبص عليها من فوق لتحت :
ايه دي بتخوني مع دي يا كرم 20% ليكرا و80% سيلكون
شمس: سيلكون !
كرم: من واقع خبرتي ده مش سيلكون
بيبحلق كرم فيها وبيتحول الريأكشن لريأكشن الكبير:
هنا سأسكت قليلا ده طبيعيييييي
كريمة: من واقع ايه يا خوياا
كرم: ايه انا…ماهو مش المخزن اتحرق واتدمر يا كريمة
كريمة: مش المخزن لوحده اللي اتدمر دا انا هاولع فيك يا بن نعيمة بتخوني مع….المنحنيات دي (بتشاور عليها)
كرم: يابت انا اللي واد كاريزما الحريم بتتحدف عليا
ربعت شمس ايديها وهي بتتفرج علي كلامهم ومستنياهم يخلصوا…
كريمة بتمسك رقبته : هاقتلك يا كرم
كرم بيحاول يشيل ايديها من علي رقبته :
هامووووت يا كريمة هاموت يا ولية يخربيتك
بتشيل كريمة ايديها بغضب وبتمشي وهي بتبُص لشمس بغضب وقرف :
ورايا يا كرم
شمس بترفع حاجبها وهي مستغربة :
مالها دي !
كرم بابتسامة : امسحيها فيا يا ست الناس كلهم يا بووووي عالاينيرر
كرررررررررم….
كرم : يييييه جاي وراكي يا نصيبي الأسود
بتضحك شمس وهو ماشي
فبيلف لها :
ضحكت يعني قلبها مال وخلاص الفرق ما بينا اتشال
بيمشي كرم جمب كريمة طول السكة من غير كلام ..
بيوصلوا البيت فبيحاول يفتح كلام :
اعملي لي شاي يا كِريما عما اغير خلجاتي
كريمة : من عنيا
كرم بقلق: تسلم عينيكي
بيغير هدومه وبياخد دوش وبيطلع وهو بينشف شعره بيلاقيها واقفة…
كريمة :تعالي يلا اشرب الشاي
بيروح معاها بيلاقيها مجهزة لب وفشار
كرم بيستغرب لما بيلاقيها مبتسمة بيشرب الشاي وبياكل اللب وبيكون مندمج اوي مع التلفزيون
بيلقيها بتشهق بدموع بيقرب منها وبيحضنها :
مالك يا قلب قلبي فيكي ايه
كريمة : سامحني يا كرم انت اللي اضطرتني لاكده
بيبعدها عنه وهو بيبرق بخوف وبيلطم :
سمتيني يابنت المركوب حطيتي ايه في الشاي بسرعة نهار اسود ومنيل يوم ما اتجوزتك
جري بسرعة علي علبة الدوا اللي في الحمام :
اخد ايه يا رب يا لهوي يا لهوي علي انت فيه يا كرم
ايوه انا عرفت انا لازم ارجع كل في اللي جوفي والله لو عشت لو عشت يعني لاسجنك يا كريمة يا بنت حشمت ااااه
بيحط صابعه في زوره عشان يحاول يرجع :
يارب انا لسه عاوز اعمل خير كتير قوي
بيسمع صوت ضحكات جمبه
كرم : مبسوطة انك سميتي جوزك يا حزييييييينة اه يا ما نعيمة تعالي شوفي ولدك
كريمة : بطل هري في نفسك يا كرم هو مش من أعراض السم انك بطنك توجعك مثلا انا ماسميتكش بس وريتك مصيرك ايه لو فكرت تبُص برايا
عيون كرم دمعت وقعد عالأرض جمب الحوض :
ضيعتي علي نفسك انك تجيبي مني عيال ابقي قابليني بقي
ضحكت كريمة ….وبص لها كرم بغيظ …
قعدت جمبه وحضنته :
قولي كلام حلو يا كرم
زقها وقعها عالأرض :
ماكانش يتعذر يا كريمة
وقام طلع بره البيت:
البت دي مستهيفاني خالص انا لزمن أعلمها الأدب وأنا عارف انا هاعمل ايه وربنا يستر عليك يا كرم
*_____________________________*
في مطعم …
خالد : ممكن اعرف انتي طالباني ليه يا ميرا
ميرا بدموع : آسفة بس والله مش بايدي انا مش عوزاك تبعد عني بس خايفة
خالد : خايفة من ايه بس ؟!
ميرا : من ساعة تجربتي الأولي في الجواز مع عبد الغني وانا خايفة اوي من الموضوع ده وبسبب اللي عمله هو ومرات ابويا وانا ماعنديش ثقة في حد
خالد: انسي اللي فات يا ميرا خليكي في اللي جاي هو خد جزائه ومرات ابوكي فاتن كمان فاكره لما دخلت علينا وكانت عاوزه تقتلك وماتت محروقة الجزاء من جنس العمل يا ميرا
انتي ربنا عوضك انتي واخوكي غناكي من فلوس عبد الغني اللي عمره كان بيكنزها علي قلبه بس
واخوكي اللي كنتي هاتموتي عمن قهرتك عليه لما فاتن مرات ابوكي وعبد الغني زوروا التحاليل طلع كويس وماعندوش حاجة الحجة اللي كان عبد الغني بيجبرك بيها عالجواز أما فهمك أنه عنده حاجة وحشة عشان كان بيدوخ
انتي مريتي بحاجات كتير لازم تبقي قوية وتثقي في نفسك وتعرفي تفرقي بين اللي يحبك عشانك أو عشان فلوسك
وانا وحياة اللي خلق الليل والنهار والشمس والقمر وصورك فأحسن صورك انا قلبي مادق ولا هيدق ولا عشق ولا هايعشق حد غيرك
ابتسمت ميرا ومسكت ايديه
خالد : هاتاخدي ثواب وتتجوزيني وترحميني من حياة العزوبية دي
هزت راسها فابتسم وطلع من جيبه الخاتم
ميرا بابتسامة: انت ماشي بيه
خالد :انا ماشيلتوش من جيبي اصلا
لبست ميرا الخاتم بسعادة
خالد :مش هقول ده اسعد يوم في حياتي لأن ايامي السعيدة بدأت يوم ماقلبي دق ليكي ….
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية صعيدي علمني العشق)
