رواية كسرة قلوب الفصل الأول 1 بقلم حبيبة مصطفى
رواية كسرة قلوب الجزء الأول
رواية كسرة قلوب البارت الأول
رواية كسرة قلوب الحلقة الأولى
١ – ورد ♕ « البـطـله »
• فـتاة جـميـلة للـغايـة بعيـنيها الـزرقـاويـتين .. و شـعرهـا الذهـبي مـثل لـون أشعـة الشـمس لـكنه مخـفي تحـت الحـجاب .. طـالـبة جـامـعية « مـرحـة • طـيـبة • عـنيـدة • طفـولـية • تـحـاول أن تقـتـرب مـن ﷲ »
( تـمـتلك مـن العُـمر ٢٠ عـامًا)
٢ – نـيـرة : شـقيقـة ورد الكُـبري .. جـميله بمـلامحـها الهـادئـة .. تـمـتلك شـعر بـني غـامق و عيـون بـنية اللـون .. لا تـرتدي الحـجاب .. تـعـمل مـوظفـة فـي شـركة تـصمـيم مـلابـس
« مـــاديــة »
( تمـتلـك مـن العُـمـر ٢٢ عـامًا)
٣ – يـزيـد : شـقـيق ورد الأصـغر .. يمـتـلك عـيـون زرقـاء وشـعر دهـبي مـثل أشعـة الـشـمس فـهو يشـبه ورد .. في الصـف الثـالـث الثـانوي
« مـرح • عـفوي • كـثـير المـشاكـل »
٤ – أمـيـر : شـقيـق ورد الأكـبر لـكن مـن الأب فـقط .. يمـتلـك عيـون زرقـاء اللـون و شـعر ذهـبي فـهو يـشـبه ورد و يـزيـد .. يـعشـق ورد وبـشـدة
« مـرح • طـيب • يـحب الضـحك»
( يـمتـلك مـن العُـمر ٢٥ عـامًا)
٥ – مـحـمد : والـد ورد .. كـان متـزوج قبـل أن يعـرف والـدة ورد وأنجـب أمـير ولكـن تـوفـت زوجـتـه فـتزوج مـن والـدة ورد .. يـمتـلك عيـون زرقـاء و شعـر أسـود .. رئـيـس شـركـة أسـتيراد و تـصـديـر ( لـيست شـركـة كـبيـرة)
« طـيب • أهـم شـيء سـمـعته »
٦ – جـمـيلة : والـدة ورد .. تمـتلك عـيون بـنية الـلـون و شـعر بـني فـاتـح .. تـزوجـت مـن محـمد وكـانـت عـلي عِـلم بـقـصة زواجـه الأول و تـقبـلت بـهِ و أحـبت أمـير للغـايـة
« طـيبـة • مـرحه • متـواضـعه »
꧁ عائـلـة الـبـطل꧂
»» احمممم قصـدي جـيـش البـطل … حــاولـوا تحـفـظوا الشـخصيـات😹📖
١ – زيـن ♕ « البـطـل »
• شـاب جـمـيل .. يـمـتلك عـيون زرقـاء و شـعر بـنـي غـامـق .. يـعـمل فـي شـركـة عـائلـته لـتـصمـيم المـلابـس .. يـجـتهـد فـي عـمله كـثيراً .. يـعشـق عـائلـته ♡
« عـنـيد • عـصـبي للـغايـة • يـخاف مِـن الفـقـدان »
( يـمـتلـك مـن العُـمر ٢٦ عـامًـا )
٢ – اسـيا : شـقيـقه زيـن .. جـميـله لـلغـايه .. تـمتـلك عـيون زرقـاويـة اللـون و شـعـر بـني غـامـق .. تـعـمل فـي الشـركـة
« طـيـبة • عـفـويـة • ضـعـيفة الشـخصـية»
( تـمـتلـك مـن العُـمر ٢٤ عـامًـا)
٣ – رنـا : شـقيـقة زيـن الصُـغـري .. تـمتـلك عـيون زرقـاء الـلـون وشـعر بـني فـاتـح .. طـالـبه فـي الصـف الثـالـث الثـانـوي
« طـيبـة • انـطـوائيـة • هـادئـة»
٤ – سـلـيـم : والـد زيـن .. يـمتـلك شـعـر دهـبي غـامـق و عـيون زرقـاويـة الـلـون .. يـعـمل فـي الـشركـة
« طـيب • مـتواضـع • حنـون»
٥ – سـندس : والـدة زيـن .. تـمتـلك عـيـون لونـها بـني غـامق و شـعـر دهـبي فـاتـح .. تـعـشق التـسوق و تهـتم بـنفـسهـا كثـيراً
« طـيبـة • حـنونـه »
٦ – سمـير : عـم زيـن .. لـديـه عيـون سـوداء اللـون و شـعر أسـود يُـزيـنهُ بـعـض الخُـصـلات البيـضاء .. يـعمـل فـي الشـركه
« مـادي • شـريـر • يـطـمع فـي الـورث »
٧ – ثـناء : زوجـة سـمـير .. تـمتـلك عـيون زرقـاء و شـعر أسـود غـامـق .. تـعـشق المـال .. وتُـريـد أن تُـزوج ابـنتهـا مـن زيـن
« جـشـعه • ثـقـيلـة الـدم »
٨ – اسـر : الأبـن الأكـبر لـسمـير .. يمـتلـك عـيون بـنيـة اللـون وشـعر بـني فـاتح .. يـعمـل فـي الشـركه .. يُـحب زيـن مـثل اخـوه .. ~ يـعـشق اسـيا ابـنه عـمه ~
« طـيب • متـواضـع • مـرح »
( يمـتلـك مـن العُـمر ٢٨ عـامًا )
٩ – رغـد : إبـنة سـمير .. تـمتـلك عـيون زرقـاء وشـعر بنـي فـاتح .. تعـمل فـي الشـركة .. تـعـشق زيـن و بشـدة ♡
« طـيبـة • هـادئـة »
( تمـتلك مـن العُـمـر ٢٤ عـامًـا)
١٠ – عـنـود : ابـنة سـميـر الصـغري .. تـمتـلك عـيون زرقـاء وشعـر دهـبي تُـزيـنه خُصـل بـنيـة .. تعـمل فـي الشـركـة
« جـشعـة • حـربــــاء »
( تـمتـلك مـن العُـمر ٢٢ عـامًـا)
١١ – مـراد : عـم زيـن الثـانـي .. يـمتـلك عـيون بنـية اللـون و شـعر بـني .. يـعمـل فـي الشـركة
« طـيب • مـتواضـع »
١٢ – سـمـر : زوجـة مـراد .. تـمتـلك عـيون بـنية اللـون و شـعـر بنـي فـاتـح .. تـعـشق التـسوق .. تُحـب سـندس والـدة زيـن
« طـيبـة • حنـونـه • مـتواضـعه»
١٢ – رويـة : ابـنه مـراد الكُـبري .. تـمتـلك عـيـون بـنية و شـعر بـني .. تـعمـل فـي الشـركه
« طـيبه • حـنونـه»
(تـمتـلك مـن العُـمر ٢٤ عـامًـا)
١٣ – عـمـر : الابـن الثـانـي لمـراد .. يـمتـلك عـيون بـنيه و شـعر بـني .. يعـمل فـي الشـركة
« حنـون • مـرح »
( يـمتـلك مـن العُـمر ٢٢ عـامًا)
١٤ – عـلي : الابـن الاصـغر لـمراد .. يـمتـلك عـيون زرقـاء وشـعر بـني .. فـي الـصف الثـالث الثـانوي
« طـيب • مـرح • كـثـير المـشاكـل »
١٥ – سـعـد الـلـه : الجـد و مـؤسـس هـذه الأسـرة .. سيـطر الـكُـبر عـليه فـيمـتلك شـعر ابيـض و بشـرة بيـضاء مُجـعده و عـيون زرقـاء اللـون .. يـذهـب الـي الشـركه احيـانا
« حـنون • قـوي الشـخـصيه»
♡♡ هُـنا تنـتهي معـظم الشـخصـيات دُمـتم فـي أمـان♡♡
« اقـتحـمت الأم الغـرفه وقـالت بصـوت عـالي »
الأم جـميـلة : هـو مـش أنـا دخـلت مـن عـشر دقـايق اصـحيـكي قولتـيلي خـلاص يـا مـامـا صـحيت
ورد بنـوم : صحيـت اهـو يا جـميلـة
جميـلة وهـي تفـتح بـاب البـلكونه : طـبعًا سهـرانه علـي الفـون طـول اللـيل لـغايـة مـا بقـيتي شـبه البـاندا
ورد أستـيقـظت قليـلاً : يااا أمـي أنـا فـي أجـازه و يـومين و هنـزل الكـلية يـعني مـش هعـرف أسـهر تـاني
جميـلة : يااابنتي إنتـي فاهمه الأجازه غلط .. أجازه يعني تعليم أكل وغسل مواعين و نساعد ماما
ورد : حـاضـر يـا ماما حـاضـر
جميـله : يلا قـومي عـشان الفـطار
ورد : هـصلي وأقـوم أهـو
جميـله : عـارفه لو راحـت عـليكي نومـه هبـعتلـك يزيـد يصحـيكي
ورد : لا بالله عليكي مش ناقصين تناحه علي الصبح أنا صحيت أهو
( فـاقـت ورد و صـلت صـلاة الضـحي و قـرأت أذكـار الصـباح ثم نزلـت إلـي الصـالون وجـدت عـائلتـها تجـتمع حول السـفره فقـالت)
ورد : صباح الخير يا قوم
العائله : صباح النور
« أخذت كـرسـي وجـلسـت بجـانب يـزيـد »
يزيـد : ووه حيوان الكسلان بذاااته قاعد جنبي
ورد : بس يا أبو كحكه
يزيد : شوف مين اللي بتتكلم واحده عادت سنه تالته ثانوي مرتين ده أنتي أم فطير
ورد : يزيد الكحكه بيتكلم ده أنت هتفتح فرنه من كتر الكحك
يزيد : أول مره أشوف حد يجيب ملحق في كل المواد و ينجح في ماده واحده لا كتر خيرك
ورد : بس علي الأقل مجبتش ملحق في الفرنساوي يا كحكه
يزيد بضحك : ما هو الماده الوحيده اللي نجحتي فيها أصلاً
ورد : كحكه عيب كده أحترم أختك الكبيره
يزيد : فطيره متاخديش مقلب في نفسك
ورد : أما نشوفــ
محمد الاب بمـقاطـعة : احممم ولا كأني قاعد … يعني بقول هيسكتوا هيسكتوا وانتوا لأ
يزيد : هيا اللي عصبتني يا بابا
الاب محمد : كحكه أنت تسكت خالص
ورد بضحك : هههههه أحسن
الاب محمد : وياريت ست فطيره تقعد ساكته
يزيد بضحك : ياريت يعني
( أنتـهي الطـعام فـي صـمت )
« عـنـد ڤـيـلا سـعـد ﷲ »
( جـلس الجـميع عـلي السـفرة بهـدوء فقـال الجـد )
سعـد ﷲ : هو زين فين
سندس والدة زين : سعديه طلعت تصحيه
ثناء مرات سمير : والله اللي يسمع كده يقول إن البيه مجتهد في شغله فنايم من التعب
سـعـد ﷲ : هو البيه ميعرفش إن السفره دي ليها وقت و إن لازم الكل يحترمه
سليم والد زين : نزل أهو
زين بإعتذار : أسف ياجدي راحت عليا نومه
سعد ﷲ : متتكررش تاني يا زين بيه
زين : حاضر يا جدي (جلس بجانب أسر إبن عمه)
ثناء : والله لو كان أسر إبني كنت منعته من الأكل معانا النهارده..الأكل ليه أحترامه ومواعيده
سعد ﷲ : خلاص يا ثناء الموضوع مش مستاهل
عنود ابنه ثناء : لو أنا اللي إتأخرت كان زمانك يا جدي سمعتني الكلام لكن طبعا ده زين حبيب القلب
العم مراد : هو مش جدك قال خلاص
عنود : ماشي (أكملت طعامها)
أسر مـال عند زين قليلاً وقال بصوت منخفض : إن أمي و أختي مبطلوش شغل التعابين ده يموتوا
زين أبتسـم وقـال بصوت منخفض : أحممم عيب يابني
أسـر : عيب إيه بس الواحد بدأ يزهق
ثناء : في حاجه يا زين الكلام مش عاجبك ولا إيه أصل شيفاك بتشتكي لأسر
زين : مفيش حاجه يا مرات عمي ده غير إن الموضوع مش مستاهل و جدي قال خلاص…ينفع ناكل بقي
أسر قال : مش قولتلك تعابين
زين بضحك خفيف : أستغفر الله
« عـند مـنزل محمد والـد ورد »
ورد : بما إن كلكوا قاعدين عايزه أفتح معاكوا موضوع
أمير : خير ياست ورد
ورد : خير والله
نيرة : طب يا ورد عايزه أمشي عشان متأخرش علي الشركة
ورد : معلش يا نيره أسمعيني…خمس دقايق مش هياخدوا من وقتك حاجه
نيره : حاضر يا ورد قولي
ورد : أحممم أنا قررت ألبس الخمار
الأم جميله : تاني يا ورد هو مش أنتي فتحتي الموضوع ده معايا وقولتلك لأ
ورد : تاني وتالت يا ماما..أنتي ليه رافضه أوي كده رغم إنها حاجه صح
جميله : يا ورد أنتي قولتي عايزه البس الحجاب وقولنا ماشي لكن خمار لا يا ورد
الأب محمد : عايزه تلبسيه ليه يا ورد
ورد : عشان أقرب من ربنا يا بابا..متقوليش أنتي لابسه الحجاب لأن ده كده مش حجاب..أنا يُعتبر عند ربنا مش محجبه لأن حجاب علي بنطلون مش أسمه حجاب..حجاب قصير مش واصل لضهري ومش طويل من قدام عشان يحافظ عليا و عشان ده الحجاب الشرعي اللي أتذكر في القرآن يبقي اللي أنا لابساه كده مش حجاب..فأنا ليه أضيع وقت ليه ملبسش الخمار والبس لبس طويل و واسع عشان أبقي قدام ربنا إني محجبه وبحاول التزم
أمير : بما إنها حاجه صح فأنا بشجعك يا ورد
نيره : أممم بصراحه مش مقتنعه بس أنتي براحتك ده غير إنه هيكبرك يعني
ورد : بصي يا نيرة مفيش حاجه أسمها أنا مش مقتنعه في الدين لأن دي حاجه إن معملتهاش هتحاسب عليها.. دي فيها جنه ونار….دي فيها حرام و حلال فأنا مين أو أنتي مين عشان نقول رأينا في حاجه مصيرها معروف..ولنفترض إني مش مقتنعه ومش لبسته طب ما أنا كده هتحاسب
الأم جميله : زي ما أختك قالت يا ورد شكلك مش هيبقي حلو فيه و غير كده هيكبرك و غير كده بصي أحنا قاعدين فين ده إذا كان صحابي و أصحاب أبوكي بيقولوا عليكي معقده عشان لابسه حجاب..إحنا بننزل مع أبوكي حفلات الشركة و معظم الناس بتستغربك
ورد : يا ماما يا حبيبتي أنا مش عايزه البسه عشان شكلي..أنا عايزه البسه عشان ده هيقربني من ربنا و هكون شبه أمهات المؤمنين رضي الله عنهم و التزم أكتر في قربي من ربنا..وبعدين أنا مالي ومال صحاب بابا..يوم القيامه هتحاسب لوحدي وهدخل القبر لوحدي ساعتها مفيش حد هينفعني وغير كده الدين بتاعنا أمر باللبس ده عشان يغلي مني ليه أنا أصمم أظهر مفاتني للناس ومش بمعني إن اللي حوليا مش لابسين حجاب شرعي يبقي أكون زيهم و أعمل الغلط و أزعل ربنا مني وبعدين أنا كبيره بما فيه الكفايه عشان أقدر أحدد الغلط فين والصح فين
جميله : يا ورد يا حبيبتي أنتي لابسه حجاب أهو و ربك غفور رحيم برضوا
ورد : لا يا ماما التفكير ده غلط…أيوه ربنا غفورٌ رحيم بس ده مش معناه أروح أعمل الغلط بقصد و أقول ربنا غفور رحيم..وبعدين الجمله دي بتتقال لما مثلاً معملش السُنه اللي سيدنا محمد صلي الله عليه وسلم كان بيعملها ساعتها أقول ربنا غفور رحيم لكن طالما الحجاب الشرعي ده فرض و أنا هتحاسب عليه ساعتها ربنا مش هيسامحني عشان كده ملتزمتش في اللي ربنا قاله
جميله : رأيك إيه يا محمد
محمد الأب : مش عارف
ورد مسكت يد والدها وقالت : بص يا بابا البنت لو دخلت النار أو دخلت الجنه بتاخد معاها أربعة وهما أبوها و أخوها و زوجها و إبنها..سيب زوجي و إبني دلوقتي علي جنب..لكن أنا مقبلش إن أنت و أخويا تدخلوا النار بسببي…صدقني أنا بحاول التزم و ده فرض عليا ده غير إن حضرتك المفروض تجبرني البسه
محمد : بجد أنا فرحان منك أوي يا ورد..أنا موافق يا حبيبتي البسيه و إن شاء الله تلتزمي بيه
ورد بدموع : بجد شكراً أوي يا بابا بجد أنا بحبك جداً….. و أنتي يا ماما رأيك إيه
جميله : ماشي يا حبيبتي ربنا يحفظك يارب
ورد حضنتهم وقالت : هقوم البس خمار أشتريته و أوريكوا شكله
جميله : أشتريتيه امتي ده
ورد : من ٤ أيام كده عشان بصراحه كنت مقرره إني البسه حتي لو أنتوا رفضتوا لأن ده الصح و رضا ربنا أهم عندي ثم رضا الوالدين
جميله : ماشي البسيه وتعالي ورينا
( جريت ورد إلي الأعلي و إرتدت الخمار ثم نزلت و أنبهروا منها كثيراً)
يزيد بإنبهار : مين الجميله دي
أمير : لا بجد حلو أوي
محمد : ربنا يحميكي يابنتي
ورد : بجد حلو
جميله الام : والله جميل أوي يا ورد
نيرة : أه يا عيوني جميل جداً
ورد بدموع فرحة : بجد فرحانه أوي شكراً ليكوا
نيرة : ينفع أمشي عشان متأخرش عن كده
ورد : ماشي يا حبيبتي في رعاية الله
نيره : باي (ذهبت)
ورد : ماما هدخل البس و أتصل علي روفيده تروح معايا أشتري بقي الحاجات اللي نقصاني
جميله : ماشي يا حبيبتي
محمد الأب : عايزه فلوس
ورد : تسلملي يا حبيبي معايا
أمير : طب شوفي ولو كده أوصلك
ورد : أخويا حبيبي…حاضر أستني أتصل بيها♡
( في الشركه)
نيره : نعم يا أستاذ زين
زين بتفكير : ااا..كنت عايز أقولك جيتي متأخر ليه
نيره : أنا أسفه مش هكررها تاني
زين : لا يا نيره عادي أنا بس بحسب في مشكله كنت هساعدك فيها يعني
نيره بإبتسامه : لا لا مفيش
زين : أه..تمام يا نيره لو عوزتي حاجه قوليلي
نيره : شكراً يا أستاذ زين… عن أذنك
زين : نيره
نيره : نعم يا أستاذ زين
زين : أعمليلي كوباية قهوه معلش
نيره : حاضر عن أذنك
زين : أذنك معاكي
(خرجت نيره)
أسر بإبتسامه وتقليد : كوباية قهوه معلش… هههههه من أمتي و زين بيطلب من حد حاجه بإحترام كده
زين بإحراج : عادي يعني
أسر : بما إنك معجب بيها أوي كده ما تقولها يا زين و روح أتقدم أحسن
زين : خايف لتكون مش معجبه بيا يا أسر
أسر : يا زين كلمها ومش هتخسر حاجه والله
زين : مش عارف بس بصراحه أنا بحبها جداً
أسر : يبقي أعترفلها يا زين
زين : هفكر كده و أستني الوقت المناسب
نيره خبطت ودخلت : القهوه يا أستاذ زين
زين : حطيها هنا يا نيره..شكراً ليكي
نيرة بإبتسامه : العفو
أسر : لا ده أنت واقع واقع يعني
زين : أخرج بره
اسر بإبتسامه : لا لا خلاص
( عند ورد)
ورد : يلا يا أمير أنا جهزت
امير : يلا يا princess
ورد : سلام يا ماما
جميله : خلي بالك علي نفسك
ورد : حاضر
الأب محمد : أمير بعد ما توصل أختك روح الشركه ماشي
أمير : حاضر يا بابا
(ذهب أمير مع أخته ورد)
الأب محمد : هقوم أريح شويه وصحيني علي الغدا يا جميل
جميله : حاضر يا حبيبي
( دخل الأب ليرتاح قليلاً )
الأم جميله : هاه يا أستاذ يزيد
يزيد : خير ياست الكل
جميله : مفيش مذاكره النهارده ولا إيه
يزيد : لا أنا واخد إستراحه
جميله : إستراحه من إيه يا حبيبي من العشر دقايق اللي مسكت فيهم المزكره دول
يزيد : عشر دقايق إيه بس دي ربع ساعه والله أنا كنت ظابط المنبه
جميله : كنت ظابط المنبه علي ربع ساعه مذاكره….طب وهتاخد أد إيه إستراحه
يزيد : ساعه إستراحه
جميله : والله ! يعني ربع ساعه مذاكره و ساعه كامله إستراحه يا بجاحتك يا أخي بجد
يزيد : لازم أفصل يا ماما
جميله : قوم يا جزمه ذاكر
يزيد : يووووه بقي أنا تعبت كل شويه ذاكر ذاكر…ده أنا قربت الزق علي كرسي المكتب
جميله : قوم يا يزيد مش عايزه أعلي صوتي
يزيد : ياااااربي بقي
جميله : خليك شاطر زي إبن خالتك يا يزيد…الكل بيقول عليه شاطر و بيفرحوا بيه أنا أمتي أفرح بيك يا أبو كحكه
يزيد : يا حبيبتي إبن خالتي أدبي و أنا علمي يعني منهج مختلف إزاي بتقارنوا بين منهجين مختلفين…..لو كنت أدبي زيه أو لو كان هو علمي زيي كنتوا قارنوا بينا
جميله : طب قوم يا يزيد ذاكر
يزيد : قايم يا ماما قايم
جميله : ربنا يهديك ويفتح مخك يابني
(عند ورد)
روفيده : الفستان ده شكله حلو أوي
ورد : بقول كده برضوا يا روفي تعالي أجربه
روفيده : بجد فرحامه منك جداً يا ورد
ورد : و أنا والله يا روفي فرحانه جداً أدعيلي بالثبات
روفيده : ربنا يثبتك يا حبيبتي و أدعيلي أنا بقي بالحجاب
ورد : ربنا يناولك الحجاب قريب يا روفيده و يهديكي يارب و يقربك منه
روفيده : يارب
ورد : إيه ده نيرة بترن…أمسكي الحاجه دي كده ثانيه…السلام عليكم يا نيرة
نيرة : أنتي فين
ورد : ردي السلام الاول
نيرة : وعليكم السلام أنتي فين
ورد : مع روفيده بشتري هدوم عايزه حاجه
نيرة : أه بصي روحي المكتبه اللي عند شارع………..
ورد : أه مالها
نيرة : هاتي الورق بتاع التصميمات من هناك…عم أحمد رن عليا وقالي أنه طبعهم و أنا مشغوله فهاتيلي الورق علي الشركه ضروري قبل ما الأجتماع يبدأ
ورد : حد يطبع تصميماته في مكتبه عم أحمد
نيرة : ياستي المطبعه في الشركه بايظه و هتتصلح النهارده أنجزي أنتي بس و خلي بالك من الورق يا ورد بالله عليكي
ورد : حاضر يا نيرة عشر دقايق وهكون عندك…..في رعاية الله
نيره : سلام
هدير أمام الموظفين : هاه يا أستاذه نيرة الورق فين
نيرة : أختي هتجيبه أهو أنا أسفه
هدير : أدعي إنها تيجي قبل الأجتماع و إلا هيكون أخر يوم ليكي النهارده أنتي فاهمه
نيره : حاضر
(عند ورد)
روفيده : هاتي الهدوم دي أوصلها بيتكوا و أنتي روحي شوفي ورق أختك كده كده الطريق مش بعيد و المكتبه أهي علي الطريق
ورد حضنتها : تسلميلي بجد يا روفي
(ذهبت إلي المكتبه و أخذت الورق ثم أخذت تاكسي إلي الشركه)
( عند نيرة)
نيرة أمام الموظفين : والله جايه أهي
هدير : إتأخرت كده ليه
نيرة : أهدي بس يا أستاذه هدير
هدير : طبعا أنتي مش شايله هم حاجه أنتي حتة موظفه هنا ملهاش لازمه لكن زين هيزعقلي انا
نيرة : بعد إذنك كلميني بإحترام عن كده
هدير : بإحترام ! ماشي ماشي
نيرة : صبرني يارب
( بعد خمس دقايق )
هدير : هيا فييين هاااه…التصميمات دي مهمه في الأجتماع أنتي إزاي مش تجيبي الورق معاكي وتعتمدي علي أختك ده فشل منك
نيرة : قولت لحضرتك بعتذر
هدير : أعمل إيه بأسفك كتك القرف
نيرة : أستاذه هدير لأخر مره بقولك كلميني بإحترام
هدير : والله هتعملي إيه يعني
نيرة : هقول لأستاذ زين..طريقتك دي متنفعش
هدير : هو أنتي يا جربوعه بتهدديني فكراني هخاف
نيرة : علي فكره أنتي مش محترمه
(هدير ضربتها بالقلم علي قدوم ورد من بعيد و خروج أسر و رغد أخته و روية بنت عمه و أسيا أخت زين من الأجتماع)
رويه : إيه اللي بيحصل هناك ده
أسر : إيه
أسيا : أنا هروح أنادي لزين ( ذهبت لمكتب أخوها)
أسر : في إيه
رغد أخته : دي هدير ضربت نيره بالقلم
أسر : ينهاري تعالوا (ذهبوا عند هدير)
ورد : في إيه يا نيرة
نيرة بدموع : ده كله عشان انتي اتأخرتي فكلمتني بطريقه وحشه قولتلها هشتكي راحت ضربتني
هدير : إن ملمتيش الدور هتخسري شغلك
رويه : هدير أنتي غلطانه
هدير : محدش يتدخل
زين جاء مع اسيا : في إيه يا هدير
هدير بصوت عالي : محدش يتدخل بيني وبين الموظفه اللي بتشتغل عندي كل الحكايه بعلمها إزاي تحترمني وتتكلم معايا عدل وتكون منتظمه في شغلها أنا مبحبش الفشل
نيرة بدموع كي لا تخسر شغلها : احممم أنا اسفـ
ورد بمقاطعه : إياااااكي…أنتي فاهمه…حسك عينك تعتذري من الناس الزباله وتعمليلهم قيمه
هدير : أوووه دي طلعت الأخت كمان زيها عديمة إحترام ومتعرفش هيا بتكلم مين
زين : هدير أنتي
ورد بمقاطعه : متدخلش أنا أعرف أخد حقي بنفسي…(نظرت لهدير وقالت)..عارفه يا بتاعه أنتي إن معتذرتيش لأختي دلوقتي الموضوع مش هيعدي
هدير : والله و إن معتذرتش
ورد بإبتسامه : أستني ( أخرجت ورق التصاميم من الشنطه وقالت) مش ضربتي أختي عشان الورق ده….أهووووو (قطعت الأوراق الي قطع صغيرع و القتهم في وجه هدير)
هدير بصوت عالي : أنتي يا حيوانه بتعملي إيه
(ورد صفعتها بـقلـم أمام الجميع وكانت الصدمه)
ورد : أنا بقي مش أسفة…ماشي… يلا يا نيرة هنمشي
نيرة بدموع : أنا أسفة بجد أسفه
ورد بزعيق : متعتذريش من حد أنتي فاهمه… هما اللي يعتذروا
نيرة ببكاء : أنتي عملتي إيه أنا هخسر شغلي بسببك…أستاذ زين كان هيحل الموضوع هو المدير التاني هنا
ورد : والله ! فين أستاذ زين اللي بتتكلمي عليه ده
زين من الخلف : أنا أستاذ زين
ورد : كل اللي أقدر أقوله إنك إنسان متخلف عقليا لأنك سمحت للناس الزباله و عديمي الذوق دول يشتغلوا عندك…لا وكنت واقف بتتفرج بس.. بجد تستحق لقب عديم الشخصيه بجدارة لأنك لو كنت مسيطر علي موظفينك مكانش زمان اختي إتهانت كده قدام زمايلها
زين بعصبيه : لمي لسانك و إحمدي ربنا إني مش هحاسبك علي اللي أنتي عملتيه هنا
ورد بنفس العصبيه : أنت تحمد ربنا إن هعدي الموضوع بمزاجي لأن الموضوع لما يخص شخص عزيز عليا مش هعمل حساب ليك ولا لمديرك الكبير حتي…يلا يا نيرة مش هقولها تاني الشركه دي مينفعش يكون فيها ناس محترمه لازم تلم ناس شبهها
هدير : والله لأندمك
ورد بإبتسامه : مستنياكي بسرور..إستني أقولك عنوان بيتي (العنوان) تعالي في أي وقت
(مسكت إيد أختها ونظرت لزين بقرف و أخذت أختها وذهبت)
«أمام الشركه»
نيره ببكاء : حرام عليكي ياشيخه مش هيقبلوني تاني
ورد : أنتي كرامتك فين هاااه..ضربتك قدام زمايلك وشتمتك و أنتي لسه همك الشغل
نيرة : أه هممني الشغل مش عايزه أكون إنسانه فاشله زيك وعديمه الإحساس أطلب فلوس وبس من غير ما أساعد بابا في أي حاجه
ورد : أنا عديمة الإحساس يا نيرة
نيرة ببكاء : أه يا ورد عديمة الإحساس بتطلبي وبس ومبتفكريش في غيرك ومتسرعه في أي حاجه بسببك أنتي كده خسرت شغلي ومستقبلي ربنا ينتقم منك يا شيخه
ورد بدموع : أنا دافعت عنك عشان مينفعش اللي هيا عملته ده
نيره ببكاء : إيه اللي خلاكي تتدخلي أصلاً أستاذ زين كان هيحل الموضوع بهدوء…بعد أذنك متدخليش في أي حاجه تخصني تاني أنتي فاهمه و أدعي ربنا إنهم مش يمشوني من الشغل
ورد : إنتي هبله يابنتي
نيرة : الشغل ده مهم لأن أنا بساعد لؤي من الشغل ده و إن مش بعتله الورق هيدخل بابا السجن و إنتي زي الغبيه بوظتي كل حاجه
ورد : مش فاهمه لؤي مين و بعدين بابا يدخل السجن ليه
نيرة : لأن بابا قـــ…………..
ورد بصدمه ودموع : إزاااي… هاااه أنتي بتكدبي صح
نيرة : و أمير بيهـ…………
ورد بصدمة : إزاي
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية كسرة قلوب)
