رواية حبيبي زعيم المافيا الفصل السادس 6 بقلم منى مرزوق
رواية حبيبي زعيم المافيا البارت السادس
رواية حبيبي زعيم المافيا الجزء السادس
رواية حبيبي زعيم المافيا الحلقة السادسة
زين : هيحصل يا منى و هيعرف كل… *صوت ضرب نار*
منى : ااااااااه زييييين
- دخلوها العربية بسرعه
منى : عاااااااا ابعد عني يا حيوااان، و فجأة بتغيب عن الوعي بعد ما الشخص المجهول رش عند وشها مخدر
*بعد ساعه بتفوق منى* و بصوت خافت بتقول : اممم مراد متسبنيش، و فجأة بتقوم مفزوعه و بتبص حواليها بتلاقي نفسها في اوضه غريبه لوحدها، بتبدأ تفتكر اللي حصل و بدموع بتقول : زين.. زين اتقتل وانا..انا اتخطفت، طب انا.. انا اعمل ايه دلوقتي؟ يا ربي انا ايه اللي بيحصلي ده كله بس
*فجأة بيتفتح باب الاوضه و بيظهر شاب وسيم شعره بني بشرته بيضا و عينيه عسلي و طويل*
منى بتبلع ريقها و هي بتقول في سرها : و بعدين بقى هو انا موعوده اتخطف كل يوم من مُز شكل ولا ايه؟
- حمدالله على سلامتك
منى بتوتر : ا ا الله يسلمك.. ه هو حضرتك مين؟
- انا عمار.. اسمي عمار الكردي
منى : طب و حضرتك خاطفني ليه يا استاذ عمار؟
عمار : انا خطفتك عشان انقذك يا منى.. مش اسمك منى بردو؟
منى : ايوه اسمي منى، بس ممكن اعرف حضرتك انقذتني من ايه و كمان عرفت اسمي منين؟ هو .. هو انت كمان عضو في المافيا
عمار : لا انا مش عضو في المافيا، انا اكتر واحد بتمنى هلاك المافيا دي بكل اعضائها
منى : ياااه و الكره ده كله ايه سببه ؟
عمار : سببه ان زعيمهم دمرني و قتل اغلى و اعز شخص عندي.
منى : مراد؟! مراد قتل مين؟
عمار : قتل مين؟ مراد بيه قتل ناس كتيير اوي و من ضمنهم كان…. كان ابويا، قتله ب دم بارد و بكل خِسه
منى : طب وانا خطفتني عشان… عشان تنتقم منه؟
عمار : انتقم منه؟ لا يا منى انا جبتك هنا عشان زي ما قولت انقذك و احميكي منه و عشان مصيرك ميكونش نفس مصير ابويا.
منى : وانا مصيري هيكون زيه ليه؟ انا عملت ايه ل مراد عشان يعمل فيا زيه؟
عمار : و هو ابويا كان عمله ايه عشان يعمل فيه كده؟
منى : معرفش بس اكيد كان فيه بينهم مشاكل او مصالح مشتركه و اختلفوا لان دي طبيعة جماعات المافيا.
عمار : قولتلك يا منى انا و ابويا ملناش اي علاقه بالكلام ده، ابويا كان راجل محترم و ناجح في شغله و جه هنا ايطاليا من 32 سنه و بنى نفسه بنفسه.
منى : طب و ايه اللي جمع بينه هو و مراد.
عمار : القدر.. ابويا كان صاحب شركة من اشهر شركات البرمجيات في ايطاليا و مراد راح له في يوم و طلب منه انه يساعده في عمليه من عملياته المشبوهه اللي بيعملها، و لما والدي رفض مراد هدده بإنه هيقتله ولان والدي كان انسان قوي و مؤمن قاله ان تهديده ده مش هيخليه يتراجع عن قراره وانه لو مبعدش عنه هيوصل الموضوع للحكومه و وسائل الإعلام.
منى : وبعدين؟!
عمار : ولا قبلين، مراد مكدبش خبر و بعدها بيومين قتل ابويا و هو خارج من باب شركته.
منى : انا… انا مش قادره اصدقك، مراد مش بالشكل الوضيع اللي انت بتوصفه ده، هو ممكن يكون فيه عيوب كتير بس مش بالحقاره دي.
عمار : معذوره،انا عارف انه اكيد ملى دماغك بكلامه الفارغ واكيد انتي كمان انبهرتي بيه و بحياته و بكلام الناس اللي زرعهم حواليكي عنه.
منى : بردو انا مش فاهمه يعني هيكون عايز مني ايه؟ انا ولا عندي شركات ولا انا اصلا من الوسط بتاعه.
عمار : واحد زي ده يا منى ليه اطماع مختلفه و مش بعيد يكون كان بيجهزك عشان عمليه جديدة من عملياته.
منى بتبص بقلق و بتبلع ريقها و بترد : بردو انا مش هقدر اثق في صدق كلامك بسهوله غير لما اتأكد.
عمار : وانا هخليكي تتأكدي بس انتي تديني فرصه اثبتلك
منى : طب دلوقتي انا همشي من هنا ولا هتفضل حابسني كده كتير؟
عمار : انا مش حابسك انا بحافظ عليكي و عايز اساعدك
___________________________________________
- كويس ان الاصابه حصلت قريب من القصر وإلا مكناش هنلحقه.
مراد : طب هو عامل ايه دلوقتي؟
- الحمدلله، كلها ساعه بالكتير و يفوق و هيبقى تمام و الحمدلله ان ربنا ستر و الرصاصه جت ف كتفه
مراد : ماشي يا دكتور شكرا
___________________________________________
مراد : عايزك تمشطلي المنطقة كلها يا سعد و قبل اليوم ما يخلص تكون جايبلي الخبر اليقين اذا كان اللي عمل كده هو ابن الكلب ولا حد تاني
سعد : تحت امرك يا باشا
مراد : يلا روح انت
*بيطلع مراد ل زين و اول ما بيدخل الاوضة*
زين : منى فين؟ منى حصلها ايه؟
مراد و هو بيحاول يتحكم في غضبه : والله المفروض انت اللي عارف ايه اللي حصل لعشيقتك مش انا
زين بصوت عالي : يا اخي كفايه بقى كفايه ، دمرت كل حاجه و كنت هموت بسببك و ضيعت البنت المسكينه
مراد : يااه صعبانه عليك اوي كده؟
زين : صدقني محدش صعبان عليا غيرك انت، لاني عارف انه لو حصلها حاجه مش هيكفيك عمرك كله ندم
مراد : لا يا حبيبي الندم ده بيكون عالناس ال نضيفه اللي تستاهل مش الناس اللي زيها
زين : انت ليه مش عايز تصدق ان ده كان فخ و لعبه قذره من چين هانم؟ انت عارف كويس اوي و متأكد ان انا عمري ما اعمل حاجه زي دي ولا منى انسانه بالاخلاق دي
مراد بيصقف و بيرد : برافو حلوه المحاضره، بس يا زين باشا مش منى ام اخلاق دي هي اللي عينك كانت هتطلع عليها في الحفله، مش انت بردو اللي كل يوم مع واحده شكل؟ فرقت ايه بقى دي عن الباقي
زين : فرقت ان هي مش واحده منهم ولا زيهم وانت عارف كده كويس، فرقت انك عارفني اكتر من نفسي و عارف انت ايه عندي
مراد بيبلع ريقه و بيرد : طب ولو انا صدقت ان چين فعلا هي اللي عملت كده، ايه اللي يثبت لي صدق الكلام ده؟
زين بإبتسامه : والله انت اول واحد معاك الاجابة و الطريقه اللي تعرف تكشف بيها الحقيقه
مراد : ماشي، انا هعمل كده بس لو طلعت بتكدب المره دي انا بنفسي هضربك بالرصاص و ارميك بره
زين : ماشي و انا موافق
___________________________________________
منى : ايه ده؟ ايه الورد ده؟
عمار بإبتسامه : دي حاجه بسيطة كده يا رب تعجبك
منى : شكرا بس سوري يعني انا مخطوفه مش جايه ميعاد غرامي
عمار : منى قولتلك 20 مره انتي مش مخطوفه وانك هنا عشان امانك…. (بتنهيده) تفتكري يا منى انا لو خاطفك فعلا كنت هستفاد ايه من ده؟ ممكن تقوليلي؟
منى ب حيرة : مش عارفه… انا مبقتش عارفه حاجه
بيقرب منها عمار و بيحرك شعرها ورا ودنها و بيقول : صدقيني يا منى بكره الايام تثبتلك اني عايز اساعدك و ارجعك لبلدك و اهلك بسلام و من غير اي مقابل
منى : مفيش حاجه ملهاش مقابل
عمار : عارف، بس يمكن يكون المقابل بالنسبة لي زي ما قولتلك انك ماتشوفيش اللي انا شوفته و كمان لو انا وحش و خاطفك… مراد باشا مجاش ينقذك ليه؟
منى بتبلع ريقها : انا… انا مش عارفه اقولك ايه
عمار بإبتسامه : متقوليش حاجه، انا اللي عايز اقول
منى بإستغراب : عايز تقول ايه؟
مراد بصوت هادي : انتي اجمل من كل ركن في العالم
منى بتسرح لحظات في كلامه وبعدين بتحرك راسها يمين و شمال عشان تفوق و بترد : احم شكرا ب.. بس بعد اذنك سيبني لوحدي بس عشان عايزه انام شويه
عمار بيبتسم و بيرد : حاضر، بعد اذنك
*بيخرج عمار و بتقعد منى لوحدها تفكر*
منى لنفسها : يا ربي اعمل ايه انا دلوقتي، طب اصدق مين فيهم؟ طب انا مخطوفه بجد ولا مراد فعلا كان بيضحك عليا؟
*اسئلة كتير حاوطت منى لحد ما تعبت و نامت*
___________________________________________
مراد : انا عايز كاميرات المراقبه كلها تتفرغ من يوم ما مشيت لحد النهارده
- تحت امرك مراد بيه
مراد : طيب امشي انت
- بعد اذنك
مراد : سيلين
سيلين : تحت امرك مراد بيه
مراد : انا عايز كل العاملات اللي ف المطبخ ييجوا على مكتبي
سيلين : حاضر يا افندم
*بعد 5 دقايق* تك تك “صوت خبط عالباب”
مراد : ادخل
سيلين : مراد بيه العاملات كلهم معايا
مراد : خليهم يدخلوا
*بتدخل العاملات المكتب و بيقوم مراد من على مكتبه و بيقف قدامهم* و بيقول : ها مين فيكم بقى اللي كانت مع چين هانم وهي بتعمل العصير لما انا كنت بره؟
- احم ا ا انا يا افندم
*بيقرب منها مراد و بيقولها*: طيب انا عايزك تحكيلي بالظبط و بالتفصيل اللي حصل
- والله يا افندم هي چين هانم دخلت المطبخ و قالتلي انها هتعمل عصير و طلبت مني بعد ما تعمله اني اطلعه اوضة زين بيه
مراد : وانتي كنتي جنبها وهي بتعمل العصير ده؟
- لا هو انا كنت واقفه بجهز الغدا
مراد : يعني مشوفتيش اي حاجه غريبه هي كانت بتحطها في العصير؟
- غريبه؟ لا يا افندم هي حطت البرتقال و… لا ثواني انا افتكرت حاجه، هي كانت ماسكه ازازه فيها حاجه بيضا بس انا قولت اكيد ده سكر او اي حاجه هي جايباها مخصوص للعصير خصوصا بعد ما صممت انها تعمله بنفسها و رفضت لما عرضت عليها اني اعمله بدالها.
مراد بصدمه : انتى متأكده من كلامك ده؟
– اقسم بالله يا افندم هو ده اللي حصل
مراد : طب اتفضلوا انتو
*بتخرج العاملات و بتبص سيلين لمراد بقلق*
مراد : سيلين
سيلين : تحت امرك مراد بيه
مراد و هو باصص قدامه بشرود : اندهيلي چين حالا
___________________________________________
چين : ماتعرفيش هو عايزني ف ايه؟
سيلين بتبلع ريقها : لا يا افندم، حضرتك عارفه انا بنفذ الاوامر و بس
چين : طب انا جايه روحي انتي
*بتخرج سيلين*
چين لنفسها : يا ترى عاوزني ف ايه؟ … *بتبتسم بخبث*
و بتقول : اكيد هيطلب مني اسامحه و افضل جنبه بعد ما الفيروس دي مشيت من هنا
___________________________________________
تك تك *صوت خبط على الباب*
مراد : ادخل
چين بإبتسامه : مساء الخير
مراد بإبتسامه مصطنعة : مساء الفل
چين : ايه ده انت شكل مزاجك رايق النهارده
مراد : و هو مين يشوفك و مزاجه يتعكر
چين : لا انا مش مصدقه، انت بتقولي انا الكلام ده!
مراد : وانا عندي اغلى منك اقوله ليه
چين : يا سلام ياخويا اومال ست منى دي كانت ايه؟
مراد : ايه لازمتها بس السيرة دي ما تخلينا ف نفسنا
چين : معاك حق دي حتى سيرة تقلب المعده، بس قولي بقى يا حبيبي ايه اللي غير موقفك فجأة كده من ناحيتي؟
مراد : فوقت.. فوقت و عرفت قيمتك بعد ما شوفت الفرق بين الهوانم اللي زيك و العينات الزفت اللي زي منى
چين بفرحه : انا كنت متأكده ان ده هيحصل عشان انت مينفعش تكون لحد ولا مع حد غيري يا مراد و كمان….. *بيقاطعها صوت خبط على الباب*
مراد : ادخل
- تحت امرك مراد بيه، لاقينا ازازة المنوم بنفس المواصفات في دولاب چين هانم
چين بصدمه و هي مبرقه : ايه ده؟ هو ايه اللي بيحصل؟
مراد بإبتسامه : كنا بتقول ايه بقى؟ اه افتكرت الفرق بين منى و الاشكال القذره اللي زيك
چين بدموع : مراد انا….
مراد : ششش خلي صوتك ده جواكي عشان هتحتاجيه ف اللي جاي
چين بخوف : م مراد كل الكلام ده كذب، مراد انت هتعمل ايه؟
مراد : انا هخليكي تكرهي اليوم اللي عرفتي فيه حد اسمه مراد نور الدين،….*بصوت عالي* يا رامي
رامي : اوامرك يا باشا
مراد : هتاخد الهانم عالصالون بتاعنا و عايزك تكرمهالي
رامي : تحت امرك *بيشد چين من ايدها واللي كانت بتصرخ* : مراااد ارجوك لا يا مراااد بلاش تعمل فيا كده انا بحبك يا مراااد
*بعد ما بتخرج چين* مراد لنفسه : انا اللي عملت فيكي كده يا منى، انا اللي اتسرعت و اندفعت و ظلمتك بس صدقيني وحياة عشقي ليكي لاكون معوضك عن كل ده
*الباب بيخبط*
مراد : ادخل
- تحت امرك يا باشا
مراد : ايه وصلتوا لإيه؟
- هو يا باشا
مراد وشه احمر و بغضب رد : انت متأكد يا سعد؟
سعد : ايوه يا باشا و الكاميرات صورت كل اللي حصل
مراد بيخبط بإيده على الترابيزه اللي كانت جنبه و بيرد : جيت لأجلك يا ابن الكردي واللي صاب ابوك على ايدي هيصيبك…….
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية حبيبي زعيم المافيا)
