رواية احتواء قلب الفصل الثالث والعشرون 23 بقلم عبير سليم
رواية احتواء قلب الجزء الثالث والعشرون
رواية احتواء قلب البارت الثالث والعشرون
رواية احتواء قلب الحلقة الثالثة والعشرون
…………………………….
يجلس في تلك الشرفه المطله على البحر هائما في بحور ذكرياته غير منتبه لتلك النداءات المتتاليه له و بعد أن اصابها اليأس من رده أتت ووقفت امامه : بقالي ساعه بنده عليك مبتردش علية ليه عاوزة افهم
تجده يلتفت لها باعين باكيه و يرد عليها بصوت يملاءه الحزن : عايزة حاجه يا فاديه
فاديه : صلاح انت بتعيط
صلاح :…………
فاديه : مالك يا صلاح في ايه يا ابو نجلاء حصل حاجه
صلاح : نجلاء وحشتني اوي يا فاديه
فاديه : هي لحقت توحشك يا صلاح ده امبارح لسه كان فرحها
اسكت بقى احسن انا جسمي تاعبني اوي
صلاح : ليه
فاديه : من التنطيط عالسكك مش كنا سمعنا كلامهم لما ام فهد و ابوه اتحايلوا علينا نبات عندهم مش عارفه انت ليه اصريت نرجع مع الناس
صلاح : قطيعه تقطع فهد و سيرته مش عاوز اسمع اسمه قدامي
فاديه : ليه بس كده يا صلاح الف بعد الش.. ر عنه من كل حاجه وحشه ده جوز بنتك يا راجل يعني غلاوته بقت من غلاوتها و لو بعد الشر يحصل له حاجه حتبقى وجيعه لينا كلنا ده بردو كلام يا صلاح ده انت عاقل و سيد العاقلين
صلاح : و هو خللى فية عقل اخد مني بنتي حبيبتي يعني انا اكبر و هو ييجي ياخدها فلحظه و يمشي
فاديه : مش دي سنة الحياه يا راجل هههههههه لا وربنا انت مخك فوت و هو انت مخدتنيش من ابويا قبل كده
صلاح : كان عنده غيرك حيونسوه و يملوا عليه حياته لكن انا معنديش غيرها هي اللي كانت كل حياتي
فاديه : اللي يسمع كده ميقلش انك انت بنفسك اللي كنت كل شويه تديني فلوس عشان انزل اشتري لها حاجات في جهازها في ايه يا صلاح مالك يا حبيبي ده انت جوزت بنتك و سترتها و اطمنت عليها يعني المفروض تبقى فرحان و مبسوط انك أديت رسالتك مش قاعدلي بتبكيلي عالاطلال
صلاح : شريط حياتها كله مر علية يا فاديه من يوم من عرفت منك انك حامل فيها لحد اللحظه دي حياتها معانا كلها من يوم ما جت للدنيا و نورتنا
فاديه : متفكرنيش يومها عكننت عليةانت وامك اقولك عاوزة اسميها هنا عشان تبقى هنايا و سعدي و انت وامك نجلاء يعني نجلاء
صلاح : مش اختي نجلاء الله يرحمها كانت لسه متوفيه يا ام الذكاء و امي الدنيا مساعتهاش من الفرحه لما جبتي بنت عشان تسميها نجلاء على اسم بنتها اللي اتوفت عاوزاني اكسر بخاطرها يعني و بعدين انتي جايه بعد السنين دي كلها بتتكلمي في الاسم
فاديه : مش انت اللي عمال تفكرنا و فاتحلي دفتر الذكريات و عايشلي دور صالح سليم في الشموع السوداء
صلاح : اعمل ايه غصب عني مش بأيدي بنتي اتاخدت مني يا ناس فغمضة عين كانت معايا في حضني لسه شايفها و هي عامله الضفيرتين و واخدها رايح بيها المدرسه و لما كانت تيجي تجري تترمى فحضني عشان تستخبى منك لما كنتي بتبقي عاوزة تضربيها يا مفتريه
فاديه : اعمل ايه ما هو من عمايلها كانت شقيه و جايبابنا الكلام مع الناس مش فاكر لما مرة خلت راجل اصلع ماشي من تحت العماره و تعالي انتي رشي عليه المياه و لما اقوللها عملتي كده ليه تقوللي اصلي لاقيته معندهوش شعر يا ماما قلت اسقيله راسه عشان تنبت و فضل الراجل يزعق و البواب يهديه و ده يشتم يا ناس ياللي مش محترمين ياللي مش متربيين فاكر و اللا نسيت
صلاح : مش كانت عيله يا فاديه و كبرت و بقت قمر كنت بحس اني ملك و هيا اميرتي لما كانت تمشي معايا و كل ما حد يقابلني و يسلم علية و يسالني مين القمر دي كنت بقولهم بنتي وانا الدنبا مش سايعاني من الفرحه عشت معاها مراحل حياتها كلها مغابتش عن عيني لحظه
فاديه : طب ماهي كانت بتروح تقعد عند جدتها بالشهر و ياما راحت باتت عند ناديه ام جنه و نسيت ايام قضية جنه ماهي قعدت شهور في القاهره
صلاح : يا سلام على اساس اننا كنا بنسيبها و بعدين ما اخدتكيش انا القاهره و سافرنا كذا مرة نطمنوا عليها و بعدين كنت عارف انها حتى لو قعدت برة سنه حترجع لحضني تاني لحضن ابوها حبيبها لكن دلوقتي خلاص راحت لحضن حد تاني كان عقلي فين لما وافقت الزفت ده على جوازهم انا عاوز بنتي يا فاديه لا انا مش حستحمل غيابها اكتر من كده هاتيلي بنتي مليش دعوة
فاديه : لا حول ولا قوة الا بالله الراجل مخه فوت يا عيني
صلاح : انتي بتبرطمي بتقولي ايه انا عاوز بنتي
فاديه : اجيبهالك منين دلوقتي قللي بنتك مع عريسها فشهر العسل اقولها قومي من حضن جوزك و تعالي لحضن ابوكي عشان وحشتيه
صلاح : متقوليش حضن جوزك زفتك دي ادامي لحسن ححدفك في البحر ده
فاديه : ههههههه يا عيني عليك يا صلاح مكنش يومك يا حبيبي طول عمرك عاقل و مخك يوزن بلد الفيوزات عندك ضربت خالص
صلاح : هاتي التليفون اكلم بنتي
فاديه : اتفضل على الله تهدى شويه يتصلوا جرس و ميردوش
صلاح : مبيردوش ليه دول انا عاوز افهم
فاديه : نايمين يا حبيبي تلاقيهم سهروا طول الليل و نايمين يا راجل
صلاح : ليه يناموا لحد دلوقتي دي نجلاء طول عمرها بتصحى بدري
فاديه : عرايس يا راجل عرايس زي ما احنا كنا عرايس و اللا نسيت و على رأي ريا
فاكر ليلة دخلتنا يا حسب الله
صلاح : دي كانت ليله فاكرة يا فاديه ده انا عملت عمايل كنت أسد
فاديه : ااه و دلوقتي خلاص بقيت بركه كفايه عليك قاعدة البلكونه اللي انت قاعدهالي
صلاح : انا بركه يا فاديه
فاديه : واحلى بركه يا ابو نجلا طب يعني انت اهوه فاكر كل حاجه مستكتر الفرحه على بنتك ليه بس مش ده اليوم اللي كنا بنتمناه طول عمرنا
صلاح : أنا حستكتر الفرحه على بنتي انتي بتقولي ايه يا فاديه ده انا وانا بكتب كتابها الدنيا مكنتش سايعاني من الفرحه بس
فاديه : مبسش و بدل بقى مانت عمال تندب كده ادعيلها يا صلاح ربنا يهنيها و يسعدها و يرزقها بالذريه الصالحه يا رب تخيل كده و هي داخله علينا و ابنها فحضنها ياااه ده الدنيا مش حتساعني من الفرحه
صلاح : بس انا عاوز اعرف مبيردوش علينا ليه
فاديه : يا لهوي حتشل يا ناس يعني بزمتك لسه متجوزين امبارح و سافروا بعد الفرح يا حبايبي ملحقوش يستريحوا واكيد سهروا حيصحوا بدري ليه هما وراهم ايه ما يصحوا براحتهم
صلاح : يطمنونا عليهم و بعدين يتخمدوا تاني
فاديه : اطمنت عليهم ارتاحت كده هديت اتبطيت
صلاح : إيه يعني كلمتك و معبرتنيش. فاديه : أنا اللي كلمتها انت تفتكر اني انا كان حيجيلي نوم و اللا يغمضلي جفن قبل ما اطمن على بنتي و اللا إيه
صلاح : واطمنتي كويسه يا فاديه مبسوطه و اللا الزفت ده زعلها فحاجه قوليلي لو زعلها و اللا ضايقها اروح اجيبها
فاديه : تف من بؤك تجيب مين ده لا يقدر و لا يكون دي بنتك حبيبتك تربية ايدك اللي طول عمرها رافعه راسنا للسما
و هو يزعلها ليه أن شاء الله دي نجلا ست البنات كلهم
و عالعموم اطمن يا سيدي فرحانه و مبسوطه ربنا يهنيكي يا بنتي يارب و يجعل السعاده من نصيبك
و هي اول ما تصحى حتكلمنا من نفسها اهدى بقى
صلاح : ودي حتصحى امتى ان شاء الله ده احنا بقينا العصر
♥️بجد يا حبيبي بقينا العصر معقوله انا نمت النوم ده كله
_نوم الهنا و السعاده على عيونك يا حبيبة عمري
مبسوطه يا جنتي
جنه : مبسوطه بس ياااه دي كلمه قليله اوي عاللي انا حساه انا حسه اني عايشه فحلم جميل و نفسي مصحاش منه
هادي : لاء اصحي منه براحتك و فتحي عيونك للدنيا واوعدك انك حتلاقي دنيا احلى واجمل من الأحلام مية مرة
جنه : يا حبيبي يا هادي ربنا يخليك لية يارب
هادي : انا بحبك اوي يا جنه
جنه : وانا بعشقك يا قلب جنه
هادي عاوزة اكلم ماما اطمن عليها
هادي : حاضر يا حبيبتي بس ياللا بقى قومي خدي دش عشان نصلي سوى و نبدأ بقى البروجرام ده احنا عاملينلكم مفاجأت
جنه : هو فهد و نجلا صحيوا
هادي : لسه مصحي فهد و المفروض انه حيصحي نجلا
جنه : حتصحى بسرعه هيا اصلا متعوده عالصحيان بدري
قومي يا نجلا قومي يا حبيتي قومي يا ضنايا الله يخرببيتك انا حقعد طول اليوم اصحي فيكي قومي يا زفته (قالهالها و هو بيديها بالمخده على رأسها)
تقوم بسرعه : ايه ده يا لهوي انا فين انا ايه اللي جابني هنا
فهد : الحب هو اللي جابك هنا يا قلبي
نجلاء : ايه ده فهد تصدق اني افتكرت اني لسه فبيت بابا
فهد: لا بابا و لا ماما يا حبيبتي من دلوقتي مفيش غير بيت فهد و بس
نجلاء : لا يا حبيبي انت قلت لبابا انك حتوديني ليه علطول
فهد : حوديكي وانا اقدر موديكيش ده ابوكي كان وداني ورا الشمس
وبعدين في ايه يا أمي أنا مكنتش اعرف ان نومك تقيل اوي كده ساعه بصحي فيكي
نجلاء : طب بس بقى يا فهد عاوزة انام لسه مشبعتش نوم
فهد : مشبعتيش نوم و انا لسه مشبعتش منك يا مزتي
نجلا : يخرببيتك بس بقى مكفكش امبارح حرام عليك يا أخي
فهد : طب بزمتك طلعت فهد و اللا مطلعتش
نجلا : بس بقى يا قليل الأدب
فهد: ده انا فهد ملك الغابه يا بت
نجلا : ملك الغابه ده مين الأسد هو ملك الغابه يا حبيبي
فهد: لا هو انتي متعرفيش مش غيروا المهام لقوا الفهد اسرع فعينوه ملك الغابه
نجلا :و الله و ده حصل امتى ان شاء الله
فهد :ده حصل و وصل قومي يا زفته حتضيعيلنا اليوم ده احنا عملينلكم مفاجأت
نجلاء : طب هما الفريق التاني صحوا
فهد : ده هما اللي صحوني يا قلبي
نجلاء : بابا عاوزة اكلمه وحشني بس يالهوي لا حتكسف اوي منه
فهد : تتكسفي
نجلاء : أيوة طبعا حتكسف فهد تفتكر بابا يكون يعني عارف وفاهم اللي حصل بيننا يا لهوي أعمل إيه أنا دلوقتي اودي وشي فين منه
فهد : وديه للحيطه وارفعي ايدك لفوق و لو نزلتي ايدك حعبطك
بت انتي هبله و اللا عبيطه هو انا شاقطك يا بت و اللا واخدك من وراه ده هو اللي مسلمك لية بايده يا مزتي و عارف و فاهم اني حسوي معاكي الهوايل زي هو ما عملها ياختي لما اتجوز فاديه القمرايه دي
و بعدين هو مش انتي كلمتي مامتك بالليل و طمنتيها يا بت
نجلاء : إيه ده انت سمعتني ده انا افتكرتك مسمعتنيش
فهد : أنا بسمع دبة النمله يا روحي
نجلاء : و حياتك هي اللي اتصلت عشان تطمن علية
فهد :و اكيد طمنت الحج صلاح يبقى عايشالنا الدور ليه تعرفي يا بت يا نوجه انك لو قلتيله فيوم اني بعيد عني يعني مش قايم بمهامي ده يزعل اوي
نجلاء : بجد يا فهد
فهد : صبرني ياربي انا شكلي وقعت فواحده هبله يا ناس
نجلاء : يعني اكلمه وانا قلبي مطمن كده
فهد : ده انتي مش بتكلميه ده انتي تزغرتيله في التليفون يا بت ياللا بقى يخرببيتك زمان هادي و جنه نزلوا و سابونا
نجلاء : طب اكلم بابا الأول
فهد : يا لهوي ما بلاش ابوكي دلوقتي خليها لما نرجع احسن
نجلاء : لاء دلوقتي
فهد : طب و ليه العكننه دي عالصبح ياربي كنتي استني لما ننبسط شويه
نجلاء : عكننة بقى كده يا فهد
فهد : مانا مضمنش ابوكي الصراحه يفضل بقى يقوللي بنتي وحشتني واخدتها مني و يعيشلي فجو ام العروسه
نجلاء : مليش دعوة هات التليفون بقى
تتصل عليه فيرد بسرعه : بنتي حبيبتي وحشتيني يا نور عين ابوكي عامله ايه يا حبيبتي طمنيني عليكي انتي كويسه
نجلاء : ياحبيبي يا بابا وحشتني اوي يا حبيبي انا كويسه الحمد لله وفهد كويس
صلاح : طب هاتي الزفت ده
فهد و هو بيشاورلها تقوله انه نايم : نجلاء : امسك كلم بابا
فهد : حبيبي يا باشا صباح الخير يا بابا
صلاح : صباح ايه قول مساء الخير يا فالح احنا بقينا العصر كل ده نوم انت كده حتبوظ اخلاق بنتي
فهد : ماتبوظ أخلاقها هي حتبوظ مع حد غريب مش عرسان و زي ما نت عارف بقى يا بابا
صلاح : جتك بو ايه بابا دي
فهد : يالهوي مش حضرتك اللي قلتلي امبارح اقولك بابا
صلاح : اه صحيح نسيت طب طمني نجلاء كويسه يا فهد عامل ايه معاها
فهد : عامل كل خير يا باشا اطمن عالاخر انت مجوز بنتك لأسد
صلاح : فهد امانه عليك نجلا يا فهد نجلا طول عمرها مقفول عليها متعرفش حاجه عن القاذورات اللي فدماغك دي
فهد : طب اسكت اسكت والله مانت عارف حاجه
صلاح : مش عارف ايه يا بني آدم انت فهد : مفيش مفيش ده انا بكلم نفسي
صلاح : اه بحسب البنت اديني قلتلك اهوه البنت خام ملهاش في الحركات الخايبه بتاعتك دي
فهد : هههههههه و ربنا عسل يا بابا هو حضرتك مش اتجوزت قبل كده و اللا الجواز على ايامكم كان باللاسلكي
صلاح : اخرس يا زفت بقولك ايه بنتي امانه عندك و ربنا لو زعلتها او ضايقتها وربنا لاجيلك انت فاهم
فهد : لا والنبي ما تيجي الله يخليك بص حخليها كل يوم تكلمك تطمنك عليها. تديك تقرير مفصل تمام كده يا حاج
صلاح : تمام يا فالح
فهد : طب ياللا سلام بقى يا حج
صلاح : مستعجل اوي انت بتي يا فهد انا نبهتك اهوه
فهد : وربنا ما حعمل حاجه ده انا نفسي مقطوع من امبارح احنا نازلين نتفسح وربنا
صلاح : ليه مش كنت لسه أسد
فهد : و هو الأسد مبيتعبش يعني و اللا عشان ملك الغابه
صلاح : ماشي سلام يا أسد بقولك استني حماتك عاوزة تكلمك
حبيبي عاملين ايه يا فهوده
فهد : وربنا انت اللي فيهم يا قمر صراحه يا ماما انا مش عارف حضرتك ازاي متكيفه مع الحج ده
فاديه : حعمل ايه بس يا فهد مليش غيره يا حبيبي و بعدين ده عمك وربنا عسل و طول عمره عاقل معرفش من يوم ما نت نورتنا ايه اللي حصلله
المهم انتوا كويسين مبسوطين يا حبايبي
فهد : اوي اوي
فاديه : ربنا يسعدكم و يهنيكم يا حبايبي يارب خدوا بالكم من نفسكم يا فهد
فهد : حاضر يا ماما
فاديه : يا حبيب قلب ماما بوسلي نجلا
تلاقي صلاح بيزغرلها
قصدي سلملي على نجلا مع السلامه يا فهد
………………………………………
بعد مرور يومين في المساء يصطحبها إلى ذاك الحفل الذي وعدها بالاتيان اليه معه : واو ايه الفخامه دي كلها انا حسه اني جوة حكايه من الف ليله وليله معقوله الجمال ده كله في الحقيقه
شهاب : معلش يا قلبي اصلك لسه على ادك و مشفتيش حاجه
دلوقتي بقى حتشوفي ناس و تقعدي مع شخصيات كان اخرك انك تشوفي صورهم بس في التلفزيون و المجلات
ذكرى : يا حبيبي يا شهاب ربنا يخليك لية يا حبيبي يارب
شهاب : تعالي حنسلم على أحمد لاشين
ذكرى : ده صاحب الفيلا دي مش كده
شهاب : أيوة
خللي بالك ده من اتقل رجال الأعمال في الشرق الأوسط
يعني مهم جدا بالنسبه لي اظني فاهماني عاوزك تكوني ذوق و لطيفه معاه
ذكرى : حاضر يا حبيبي
احمد باشا ازي حضرتك
احمد و هو بيسلم عليه : ازيك يا شهاب عامل ايه منور الحفله
شهاب : الحفله منورة بوجودك يا احمد باشا
ينظر احمد ليها و عيونه بتتفحصها بجراة : مش تعرفنا عالقمر اللي معاك
شهاب : مدام ذكرى صديقتي المقربه
احمد يمد لها ايده بالسلام ويبوس ايدها و هو بيسلم عليها و طبعا شهاب ينبسط اوي بالحركة دي لأنه ما دام عمل كده تبقى عجبته : أهلا مدام ذكرى نورتي الحفله
ذكرى : ميرسي يا احمد باشا
احمد : اتمنى ان المكان و الحفله يكونوا عجبوكي
ذكرى : أكيد طبعا و كفايه اننا فاستضافة حضرتك تبقى اكيد حتعجبني
احمد : من ناحية حتعجبك فهي حتعجبك اوي
واقف كده ليه يا شهاب اتحرك شوف بقية رجال الأعمال و سلم عليهم يمكن تطلعلك بصفقه مانا عارفك بتحب الصفقات اوي
شهاب : احبك وانت فاهمني يا احمد باشا تعالي يا ذكرى
احمد : سيب مدام ذكرى تاخد راحتها في الحفله و تتمتع بيها هي اكيد مش حتحب تقف و انت بتتكلم في الشغل مش كده و اللا إيه يا مدام ذكرى
ذكرى : اه طبعا أكيد الكلام في الشغل الصراحه بيبقى تقيل اوي على قلبي
احمد : سلامة قلبك يا قمر
شهاب : ماشي يا ذكرى براحتك عيشي حياتك و انا حروح اشوف شغلي و حرجع لك تاني يا زوزو
ذكرى : ماشي حبيبي
يسيبها و يمشي و احمد يوجهلها الكلام : هو صديقك و اللا حبيبك
ذكرى : حتفرق مع حضرتك
احمد : مش اوي بس احب اعرف لو مكنش يضايقك اصل شهاب ده ملهوش احباب حبيبه هو قرشه و بس و غير كده ملوش لازمه عنده
ذكرى : ده حضرتك عارف كل حاجه بقى احمد : انا مفيش حاجه تستخبى علية المهم مقلتليش حبيبك و اللا صاحبك
ذكرى : بصراحه بصراحه ساعات حبيبي و ساعات صديقي
احمد : و مفيش ساعات جوزي
ذكرى : هههههههه هههههههه واضح انك شقي اوي يا باشا
احمد : و هو في احلى من الشقاوة بس تعرفي ان ضحكتك حلوة اوي
ذكرى : بجد عجبتك
احمد : اللا عجبتني دي هوستني بصراحه
ذكرى : أيوة انا اعز الصراحه اوي
احمد : مثيرة اوي
ذكرى : يعني عجبتك قصدي ضحكتي عجبتك
احمد : انتي تعجبي من غير حاجه من غير حتى ما تتكلمي بس بالضحكه دي بتبقي مثيرة اكتر بكتير بتبقي عاوزة تتاكلي اكل
ذكرى : مش اوي كده يا باشا ده احنا على ادنا
يتفحصها من شعرها لقدمها بنظرات جريئه وقحه : ده انت اللي باشا يا باشا
هو شهاب كان مخبيكي فين
ذكرى : مش مخبيني و لا حاجه مانا موجوده اهوه و بعدين هو مكنش بيجيب معاه حد قبل كده و اللا إيه
احمد : لا كان بيجيب معاه مراته اللي طلقها بعد التهمه اللي اتهموها فيها بس الصراحه كانت كئيبه اوي مش فريش خالص
ذكرى : طب وانا
احمد : انتي لا انتي حاجه تانيه خالص واضح انه ذوقه اتحسن اوي و بقى بيعرف ينقي و يختار و واضح كمان ان الكلام معاكي حيحلو اوي و حيبقى ليه طعم تاني
ذكرى انا مضطر اسيبك واروح لبقية الضيوف بس لازم اشوفك و اتكلم معاكي تاني
ذكرى : اوكيه حضرتك تبقى تتفق مع شهاب و نجيلك من عيوني
احمد : شهاب ده مين اللي يجيلي وايه اللي جاب سيرته دلوقتي انا عاوزك انتي لوحدك عاوز اشوف العيون دي لوحدها عشان اشبع منها براحتي
ذكرى : إيه ده لا انا مش حقدر يا باشا مقدرش اتحرك في أي مكان من غير شهاب لازم يكون معايا
احمد : ليه حيحرسك بقولك عاوز اشوفك
ذكرى : طب سيبني افكر
احمد : هههههههه تفكري انتي فاكرة نفسك بتتكلمي مع شهاب انتي واقفه مع احمد لاشين يا مدام ذكرى عن اذنك
ذكرى : إيه ده حضرتك زعلت مني و اللا إيه لا انا مقدرش ازعل الباشا مني ابدا دي اول مره اشوف حضرتك فيها
احمد : وممكن تبقى اخر مره بردو تشوفيني فيها
ذكرى : ليه بس كده يا احمد باشا
احمد : افتحي تليفونك
ذكرى : حاضر فتحته
احمد : اكتبي عندك
و يمليها رقم تليفونه. ده رقمي الخاص انا اللي برد عليه بنفسي و خدي بالك مش اي حد بياخده
حستنى منك مكالمه و براحتك يا جميل
يسيبها و يتحرك بين ضيوفه و هي منبهره بالعالم اللي هيا فيه و اللي اول مره تشوفه و بتكلم نفسها : يااه و انا اللي كنت فاكره ان شهاب ده أغنى واحد وكان اقصى امالي في الدنيا و يوم ما حضرت حفلته قلت عمر عيني ما حتشوف الجمال ده تاني امال احمد باشا ده يبقى ايه اهو هو ده الراجل اللي يستاهل التضحيه بجد و يستاهل انك تجري وراه بالمشوار ده انتي اتفتحتلك طاقة القدر انه بصلك و لفتتي نظره دي فرصتك يا ذكرى و جت لحد عندك و اياكي تسيبيها مهما حصل
………………………………………..
تمر عدة أيام و الأحباب كل يوم في بدايته يلبسوا و يتقابلوا كلهم و يفطروا في الفندق و هما بيضحكوا و بيهزروا و الدنيا مش سايعاهم من الفرحه و بعد كده يتحركوا ناحية الشط و يلعبوا و يجروا ورا بعض في المياه ويقضوا يوم جميل و تتوالى افراحهم و سعادتهم
كل يوم ينزلوا متأخر ياكلوا و يخرجوا كانوا بيحاولوا يستمتعوا بوقتهم و ميضيعوش ولا لحظه و لما يرجعوا بالليل كل حبيب ينفرد بحبيبه و يعيش معاه احلى لحظات الهوى و الغرام أجمل لحظات في العمر كله ما العمر لحظه جميله من حقنا نعيشها و نتمتع بكل لحظه و دقيقه و ثانيه فيها
هي ليه اللحظات الحلوة و الأوقات الجميله بتنتهي بسرعه كده ليه دايما السعاده عمرها قصير
هادي و هو بيبوس ايدها : و احنا مع بعض عمر أيامنا الحلوة ما حتنتهي و عمر سعادتنا محيكون عمرها قصير ان شاء الله حياتنا كلها حتبقى حب فحب و حتفضل السعاده ماليه قلوبنا
جنه : بجد يا هادي يعني الشغل مش حياخدك مني
هادي : مفيش حاجه في الدنيا دي كلها ممكن تشغلني عن جنتي
جنه : سعيد معايا يا هادي
هادي : انا لو سعادتي اللي حاسس بيها اتوزعت عالدنيا كلها كل الناس حتعيش
سعيده و الفرحه مالية قلوبهم
جنه : يا حبيبي يا هادي انا بحبك اوي
هادي : وانا بعشقك يا جنه انتي نعمة ربنا لية احلى هديه هداني بيها القدر
جنه : ربنا يقدرني و اعيشك في سعاده العمر كله نفسي اوي يا هادي اجيبلك الطفل اللي انا وانت نفسنا فيه
هادي : ان شاء الله يا حبيبتي ربنا كريم اوي وان شاء الله حيرزقنا ببنوته قمر عشان تبقى جنتي الصغيره
جنه : بس انا بقى نفسي فولد و يبقى شبهك
هادي : لاء انا عاوز بنت
جنه : وانا مليش دعوة عاوزة ولد
وانا جعان و عاوز اكل ايه يا عصافير الكناريا هي دي حصة علوم عن درس التكاثر و اللا إيه مبقالناش غير كام يوم متجوزين و بتتكلموا في الصبيان و البنات من دلوقتي و عاوزين تلعبوا في الجينات كمان و بتحددوا كل عيل حيبقى شبه مين
هادي : إيه ده انت ايه اللي جابك هنا هو انتوا مش اتسحبتم وخدتوا بعضكم ومشيتوا
فهد : وجتلكم يا حبيبي مقدرش ابعد عنك يا غالي يا ابو العيال
هادي : تقوم تدخل كده مفيش استئذان
فهد :على اساس اني دخلت عليكم اوضة النوم ده احنا عالشط يا برنس
هادي :ده انت سمعت الحوار اللي قلناه كله
فهد : لا انا معرفش انتوا كنتوا بتهبدوا فايه انا هنا من ساعة انا نفسي فولد وانا نفسي فبنت
سيبك انت بقى من البت اللي شبهها و الواد اللي شبهك وخلينا نجهز عشان نتحرك البت نجلا بتلبس ونازله
يا لهوي
هادي : في ايه حصل حاجه
فهد : تصدق انتوا لفتوا نظري لحاجه
هادي : حاجة ايه
فهد : انا قلقان لاجيب ولد و يطلع شبه الحاج صلاح ده انا كده حبقى رحت بلاش
هادي : احسن بردو عشان يربيك
جنه : هههههههه عسل و ربنا يا فهد
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية احتواء قلب)
