رواية صاحب مفتاح الشقة الفصل العاشر 10 بقلم عمرو راشد
رواية صاحب مفتاح الشقة الجزء العاشر
رواية صاحب مفتاح الشقة البارت العاشر
رواية صاحب مفتاح الشقة الحلقة العاشرة
كل حاجة تمام يا باشا،، الفيديو بتاع هالة اخت المدام هتلاقيه عندك دلوقتي
= اطلع اقت*ل هالة
لا يا باشا احنا متفقناش على القت*ل،، دا كدا حساب تاني خالص
= شوف عايز كام وقرر براحتك بس اطلع نفذ اللي قولتلك عليه
اذا كان كدا يبقا البقاء لله من دلوقتي
” قفلت معاه وانا بنفس الابتسامة بعدها نزلت وقعدت جنب امي وقربت منها وقولت
مش هتتد*فني غير لما حقك يرجعلك،، اطمني ابنك مش هيسيب حقك مهما حصل،، روحك اللي خرجت منك دي هيبقا قصادها الف روح،، ارتاحي أنتي دلوقتي وانا هرجعلك
” بعدها شيلتها ونقلتها على اوضتها وغطيت وشها ب ملاية بيضا وشغلت كل مراوح الشقة ونزلت،، منال بتحب اختها واكيد بعد اللي حصل دا صلاح هيتصل ب منال،، اكيد صلاح أو هالة الله يرحمها كان عندهم طريقة يتواصلو معاها بيها يعني السر هيكون عند صلاح،، ركبت العربية و رجعت تاني عند شهد و طلعت البيت و دخلت على اهلها اللي كانو مستغربين من رجوعي تاني لكن عرفت اقنعهم ب اني مسافر دلوقتي ولازم شهد تكون معايا وفعلا شهد غيرت هدومها ونزلت معايا
هنروح على فين
= هتعرفي لما نوصل
” المكان الآمن بالنسبالي هي شقة ناهد وفعلا روحت بيها هناك وفتحت باب الشقة ودخلت لقيت ناهد قاعدة وبتتكلم في التليفون،، دخلت وقعدت جنبها وبعد دقايق هي خلصت وبصتلي وعلى وشها علامات القلق
في ايه مالك؟
= منال كانت بتكلمني دلوقتي وعايزاني اقابلها
دلوقتي؟
= اه،، اعمل ايه؟
مقالتش عايزة ايه؟
= قالتلي مفاجأه
منال قت*لت امي يا ناهد،، اوعي تتحركي من هنا
= ايه!!!،، يا نهار اسود عليا وعلى سنيني السودا،، يالهوي
منال خلاص كشفت كل حاجة
= بس ممكن ميكونش قصدها حاجة يعني ثم ماهو انا لو مروحتش هي ممكن تيجي وبعدين كدا هي ممكن تشك في حاجة
هي شكت واتأكدت خلاص،، انتي لو روحتي هتمو*تي يا ناهد
= انا معنديش مشكلة امو*ت عشانك
القرار دا مش بتاعك،، دا بتاعي انا وبس،، انا اللي اقول انتي دورك خلص ولا لسة وانا شايف ان دورك لسة مخلصش،، انا مش هقف يا ناهد وهكمل في طريقي مهما حصل
” ساعتها هي اخدت بالها من شهد اللي كانت قاعدة جنبي بس كانت رايحة في عالم تاني،، الدنيا لسة جديدة عليها ف طبيعي تكون مصدومة بالشكل دا
شهد هتقعد معاكي هنا يا ناهد مؤقتا،، خلي بالك منها
= في عنيا
ناهد انا بحذرك اي حركة غبية هتطلع منك مش هرحمك
= انا تحت امرك يا حبيبي ومستحيل اعمل حاجة من غير ما اقولك
” خدت نفس عميق و ابتسمت و بصيت للسقف لكن فجأه تليفوني رن من نفس الرقم،، رقم منال
مش عارف اقولك ايه بصراحة،، انا عارف ان هالة كانت غالية عليكي بس متغلاش على اللي خالقها،، ربنا يرحمها
= مش عيب يا أمجد تسيب امك من غير ما تد*فنها كدا،، دا إكرام الم*يت د*فنه يااخي ولا ايه يا صاحب مفتاح الشقة
امي مش هتتد*فن لوحدها يا منال،، هتنزلي معاها
= لا معلش خليها مرة تانية وعموما انا عملت بالاصول و د*فنتها انا في مكانها اللي تستاهله،، في جهنم،، استسمحك تشوف الصورة اللي هتجيلك دلوقتي
” فتحت الواتساب لقيت صورة اتبعتت من رقمها،، صورة ل بيت امي وهو بيتحر*ق بشكل كامل،، نار شديدة جدا ماسكة في كل مكان في البيت بما فيهم أوضة امي،، قفلت الصورة و رجعت للمكالمة تاني
فعلا امي كانت محتاجة تتدفى،، كويس انك عملتي كدا
= الجح*يم ينتظرك يا صاحب مفتاح الشقة
” المكالمة فصلت وانا مبتسم والافكار بتدور في دماغي،، دقايق واتصلت ب رجالتي
عايزك تطلع على شركات منال تحر*قها،، مش عايز اي حاجة تخصها تكون سليمة،، انت فاهمني؟،، انا عايز اشوف جهنم على الأرض
” قفلت معاه وناهد ساعتها قربت مني وقالتلي
حصل ايه؟
= طاقة جهنم وهتتفتح على الأرض كلها،، انا مفيش حد يقف قدامي،، مفيش يا ناهد،، اللي هيقف قدامي هيمو*ت بس عادي انا سايبها تتدلع شوية،، منال دلوقتي عاملة زي التور اللي هرب من القطيع،، محدش هيقدر عليه غير واحد فاهم و ذكي ويقرب منه وفي لحظة يكون مجهز السك*ينة عشان يتعشى بيه
منال بقت خطر كبير علينا يا أمجد،، لازم تخلص منها
= واضيع فرصتها في الانتقا*م؟،، انا عايزها تاخد فرصتها،، المدرب الشاطر لما يستبعد لاعب معين بتبدأ الجماهير تنتقد وتقوله ليه دا مش بيلعب،، المدرب عارف ان اللاعب دا ضعيف بس هو مش عايز يقول لحد ما هيسمع كلام الجماهير واللاعب هينزل يلعب عشان الجماهير تش*تم اللاعب بعدها لانه ضعيف وتبدأ تشيد بالمدرب العظيم بتاعهم
وتفتكر منال لاعب ضعيف بعد كل اللي بيحصل دا؟
= المهم ان انا المدرب العظيم يا ناهد
بس احنا في مشكلة ومحتاجين حل وفي اسرع وقت،، احنا مش عارفين هي ممكن تعمل ايه تاني
= المتعة شئ مهم في حياتنا يا ناهد،، مينفعش نفوت اي فرصة للمتعة،، اللحظة اللي احنا فيها دي متعة ولازم نستمتع بيها قدر الامكان
” شهد ساعتها اتكلمت وقالتلي
أمجد أنا خايفة،، كل حاجة حواليا محسساني بالخوف،، انا مرعوبة من ساعة الفرح وانت سايبني،، عشان خاطري ارجوك قولي اي حاجة،، قولي كل دا هيخلص امتى؟
= هيخلص يا شهد،، هيخلص اوعدك
طب امتى؟
” ناهد هي اللي ردت عليها المرادي وقالت
ما تنشفي شوية كدا يا بت أنتي،، مالك في ايه؟
= لو سمحتي انا مش بكلمك انتي
ايه دا؟ انتي بتكلميني بالفصحى،، ايه لو سمحتي دي؟
” تدخلت انا ساعتها عشان انهي الموقف
كلمة زيادة وانتو الاتنين هتخرجو برا الشقة دي،، انتو لسة ناقصين خلي بالكم،، لسة ناقص نورا
” ناهد ردت عليا
انت هتجيبها هنا؟
= مينفعش اسيبها لوحدها هناك
بس الوقت اتأخر يا أمجد خليها بكرا
= مفيش بكرا،، كل دا هيخلص النهاردة،، الشمس مش هتطلع علينا غير واحنا في دنيا تانية وفي حياه جديدة نعيشها مع بعض
” قومت عشان امشي وفتحت الباب لكن سمعت صوت شهد ورايا
اوعدني انك هترجع
= اوعدك
متتأخرش
= انتي لسة متعرفيش أمجد العطار يا شهد،، انا اكبر من كل اللي انتي بتقوليه دا،، مش عايزك تقلقي عليا
ازاي مقلقش عليك وانت صاحب مفتاح الشقة
= يخلص الكابوس دا وهتبقي انتي واحدة تدخل الشقة
يارب انا مستنية بفارغ الصبر
= الصبر حلو هيعلمك حاجات كتير،، اصبري يا شهد
” نزلت من الشقة و ركبت العربية و روحت على بيت نورا،، فتحت باب الشقة ودخلت وحتى كنت نسيت اغير هدومي زي ما بعمل كل مرة،، دخلت لقيت شنطة هدوم كبيرة موجودة في الصالة وبعد ثواني لقيت نورا خارجة من اوضتها
ايه دا يا نورا؟ هو في ايه؟
= زي ما انت شايف،، شنطة هدومي انا محضراها عشان الوقت اللي هتيجي فيه انا همشي
تمشي ليه؟،، ايه اللي حصل؟
= اللي حصل اني كنت عايشة في كدبة كبيرة طول السنين دي،، عايشة مع حد معرفوش،، مع واحد غريب عني ولا يا استاذ أمجد يا عطار،، أمجد العطار صاحب شركات المقاولة المتزوج من السيدة منال عزت،، طب حتى كنت قولي،، صارحني بالحقيقة انك متجوز عليا واحدة زي ما صارحتني انك هتتجوز تاني بغرض الستر وحفظ حقوق الست الغلبانة،، والله اعلم انت مخبي ايه تاني،، يعني انت مطلعتش تاجر ولا تعرف ربنا ولا تعرف اي حاجة من اصله،، انت كدبت عليا يا أمجد بس انا نفسي اعرف ليه؟،، استفدت ايه لما كدبت عليا؟،، طب بلاش هدومك اللي كنت بتيجي لابسها دي كنت طبعا بتجيلي بيها انا بس عشان تقنعني اكتر و اصدقك وامشي وراك،، بس انا بحمد ربنا انه كشف ليا حقيقتك وبالصدفة،، والله العظيم بالصدفة يا أمجد،، شوفت صورتك واسمك في جورنال قديم،، ليه يا أمجد؟،، ليه كل دا؟،، انا عملتلك ايه طيب؟
كلامك صح بس مش وقته،، انتي دلوقتي لازم تيجي معايا عشان في خطر عليكي
= انا مش هتحرك معاك خطوة واحدة،، طلقني يا أمجد
” خدت نفس عميق و ابتسمت وكملت كلامي
يا نورا انا جاي عشانك و دا اكبر دليل يثبتلك اني حبيتك ومكنتش عايزك تشوفيني بالصورة اللي شوفتيني بيها
= دا مبرر لكدبك؟،، مفيش حاجة في الدنيا تقدر تبرر بيها اللي عملته يا أمجد
انا مش محتاج ابرر حاجة،، انا بعمل الصح واللي انا شايفه مناسب
= ايه الصح بتاعك لما تضحك عليا وتلبس شخصية مش بتاعتك؟
انا معنديش وقت للكلام دا يا نورا،، دلوقتي أنتي عليكي الاختيار،، هتيجي معايا ولا لا؟
= انا لو همو*ت مش هخرج معاك يا أمجد ولو سمحت طلقني،، بعد إذنك انا مش عايزة مشاكل
البني آدم في الحياه دي بيختار كل حاجة،، ربنا راسم كل الطرق وهو عليه انه يختار،، مفيش حد اتولد عشان يكون حرامي ومفيش اتولد عشان يكون رجل أعمال،، الحرامي معاه مليون و رجل الأعمال معاه مليون،، ايه الفرق؟،، الفرق ان الحرامي اختار يجيب المليون جنيه بالطريقة الحرام رغم انه لو كان استنى كان هيجيبهم بالحلال لأنهم مكتوبين من رزقه اساسا بس هو اختار السهل زيك كدا يا نورا اختارتي السهل رغم انك لو كنتي استنيتي كنتي هتعرفي ان الجنة معايا
= الجنة مع ربنا سبحانه وتعالى مش معاك
” ابتسمت في وشها وبعد ثانية بالظبط خرجت سك*ينة من جيب الچاكيت وجر*حتها في بطنها
غلط يا نورا الجنة معايا انا،، أمجد العطار صاحب مفتاح الشقة جنة الانسان على الأرض
” كانت ماسكة بطنها اللي بتنز*ف وهي مفتحة عينها على اخرها وبتقولي بصوت مبحوح
ليه؟
” وشي كان مبتسم ليها وابتسمت اكتر بعد ما جر*حتها تاني مرة بس المرادي في رقبتها بعدها وقعت على الأرض قدامي
عشان دورك خلص يا نورا،، هي الحياه كدا مش هينفع نعترض
” خرجت من شقتها بعد ما مسحت السك*ينة و رجعتها في جيبي تاني بعدها نزلت ركبت العربية ومشيت عشان ارجع تاني على بيت ناهد،، كل الطرق بتقفل قدامي ولكن انا هكمل،، هكمل عشان انا استحق اكون في الجنة،، وصلت البيت لكن لقيت ناس كتير واقفة قدام البيت ومتجمعين،، نزلت من العربية بسرعة ومشيت بحذر لحد ما عرفت الناس متجمعة على ايه،، ناهد وقعت من البلكونة وما*تت،، جريت بسرعة على الشقة فوق عشان اطمن على شهد لقيت الباب مفتوح،، دخلت لقيت شهد مربوطة ب حبل ومتعلقة في الهوا،، شهد اتشن*قت،، في نفس اللحظة لقيت تليفوني بيرن من رقم منال
مفاجأه حلوة بس كانت ناقصاك
= طب ما تيجي نكملها مع بعض احسن
معنديش مانع،، انت فاضي؟
= جدا
هبعتلك مكان تجيلي فيه بس خلي بالك احنا لحد دلوقتي متعادلين يا أمجد
= وانا مبحبش اتعادل الصراحة
يبقا تجيلي عشان تخسر،، مستنياك
” قفلت المكالمة و بعدها بثواني لقيت لوكيشن المكان اتبعت،، خدت نفس عميق و ابتسمت وبعدها نزلت جري و ركبت العربية ومشيت على العنوان،، الغريبة بقا اني عارف العنوان دا،، المقابر،، وصلت هناك بالفعل وشوفت عربية منال،، نزلت من العربية ومشيت شوية لحد ما رجلي وقفت عند قبر معين كان مفتوح،، وقفت ومش عارف اتحرك وساعتها اضطريت انزل القبر،، لما نزلت شوفت منال واقفة وماسكة كشاف كبير،، ومرسوم على الأرض نجمة خماسية واشكال غريبة كانت موجودة وكلام بالمعكوس وحروف،، منال كانت بتضحكلي وبعد دقيقة اتكلمت وقالت
حمدالله على سلامتك يا أمجد،، حمدالله على سلامتك يا صاحب مفتاح الشقة
= الله يسلمك،، طب مش كنتي تقولي انك عارفة الموضوع من الاول كنا هنوفر وقت كبير اوي يا منال والله
انا عرفته من فترة قريبة صدقني بس كان لازم اتأكد الأول
= واتأكدتي؟
اتأكدت اه
= وايه شعورك؟
حقيقي برافو عليك،، عرفت تضحك عليا وعلى كل اللي حواليك،، كلهم صدقوك بلا استثناء من غير ما حد يشك فيك لحظة،، دي موهبة ولا لحظة ابداع من عندك كدا؟
= لا هي موهبة الحقيقة
لا يا راجل معقول الكلام دا؟،، عامل عهد مع الشيطان وتقولي موهبة؟
” بدأت تضحك وهي بتتكلم
امك في مرة قالتلي انك اكتر حاجة بتخاف منها هي المرض،، عشان ابو*ك مات وهو مريض،، وجدك وخالك وعمك،، كل دول المرض كان بياكل فيهم،، وامراض من جميع الأنواع،، ساعتها كنت بدأت اشك فيك بس عارف اتأكدت امتى؟،، لما شوفت كتاب السحر عندك في درج المكتب مستخبي وسط الاوراق،، ساعتها اتأكدت انك عملت عهد مع الشيطان،، قولي بقا كنت بتعمل ايه عشان العهد دا يفضل ثابت ومكمل؟
” ابتسمتلها وانا بتكلم
كنت بتجوز وبقدمهم قربان لييه،، بس عارفة المشكلة فين؟،، لما هو طلب عدد قرابين اكتر مقابل اني اعيش اكتر وبصحة كويسة،، ساعتها انا بدأت افكر في التعدد واتجوزتك و بعدها اتجوزت ناهد و بعدها نورا وبعدها شهد،، نورا دي الوحيدة اللي كنت محتار في امرها،، امرأه متدينة جدا ازاي هعرف اقنعها بكنز الشقة،، كنت بشوف ان دا تحدي اكبر ليا بس للاسف معرفتش احققه
= وانا؟
ماهو انا مش هعيش حياتي فقير يا منال،، كان لازم اتجوز واحدة غنية عشان اقدر اعيش بفلوسك،، امك كانت لازم تمو*ت هي و اختك عشان اكون انا الوريث الوحيد ليكي
= يعني مش عشان معاملتي ليك؟
الخطة مرسومة من قبل ما اشوف معاملتك يا منال،، كل حاجة كانت ماشية زي ما انا عايز بس انتي اللي استعجلتي
= يعني انت كنت هتقدمني انا وناهد و شهد ونورا قرابين؟
واتجوز تاني واقدمهم والدايرة تفضل تلف
= وكنز الشقة؟
طمع البشر حاجة فوق الوصف يا منال لازم تستغليها عشان تقدري تحققي أهدافك وأنا كان لازم استغلها
= برافو تخطيط عظيم،، الشيطان نفسه ميعرفش يعمل اللي انت عملته
ناقص حاجتين بقا
= ايه هما؟
أنتي عرفتي منين ان ناهد معايا وعرفتي طريق القبر دا منين؟
= موضوع ناهد دا هو اللي جالي لحد عندي،، صلاح هو اللي قالي على الموضوع دا بعد اللي انت عملته فيه ولما قالي عرفت انها معاك و ساعتها بدأت اجمع كل حاجة عنك،، أما القبر دا تخمين مني الصراحة بس امك برضو ساعدتني شوية لما قالتلي ان اكتر مكان بتحب دايما تروحه لما تكون مضايق هو قبر ابوك وبتقعد هناك بالساعات،، لما فكرت شوية ملقتش انسب من المكان دا تعمل فيه عهدك يا أمجد
= صح برافو،، كدا ناقص حاجة اخيرة؟
ايه هي؟
أنتي يا منال،، القربان الأخير
” فجأه هج*مت عليها بعد ما سحبت السكي*نة من جيبي وطع*نتها بيها اكتر من طع*نة،، هي كمان كان معاها سك*ينة وضر*بتني اكتر من مرة،، احنا الاتنين وقعنا على الأرض لكن فجأه الجرو*ح اللي كانت فيا بدأت تلتئم تختفي،، وكدا يبقا القربان اتقدم واتقبل،، قومت وقفت وخرجت من القبر وقفلته ومشيت،، الحياه هتستمر لو انت ذكي،، ذكي هتعرف تعيش،، هتعرف تجيب فلوس،، هتعرف تواجه اي مشكلة تقف قدامك،، الحياه دايما ليها اختيارين يإما تعيش او تمو*ت وانا هنا مش قصدي بالمو*ت الحقيقي بس في ناس بتكون ما*تت وهي لسة عايشة وانا مش عايز اكون واحد منهم،، انا عايز اعيش لاني استاهل اعيش،، متقلقش انت ممكن تلاقيني حواليك دايما،، هتشوفني او هتسمع عني،، هتحلم بيا،، هبقا في مخيلتك،، وبإيدك انت هتختار الجنة لو النار،، خلي بالك اول ما هكون قريب منك هتحس بيا هتلاقي قلبك بيدق بسرعة جدا و ساعتها تقول ” انا اخترت الجنة ” دا لو عايز تنام مرتاح من غير ما الرعب يملا قلبك،، متنساش وافتكر دايما تقول ” انا اخترت الجنة ”
” بعد مرور شهرين ”
تقبلي تتجوزيني يا شيرين؟،، تقبلي تكوني تحت امري؟،، تقبلي تكوني مرات أمجد العطار صاحب مفتاح الشقة جنة الانسان على الأرض…..
تمت
لقراءة الرواية كاملة اضغط على : (رواية صاحب مفتاح الشقة)
