رواية ندى العمر الفصل الثاني 2 بقلم حليمة عدادي
رواية ندى العمر الجزء الثاني
رواية ندى العمر البارت الثاني
رواية ندى العمر الحلقة الثانية
أحمد : مالك مستغرب ليه ستك عايزه تجوزني علشان تشوف حفيدها ..
زين : ألف مبروك ياخويا والفرح إمتا ..
أحمد : مافيش فرح هنكتب الكتاب والعروسه هتيجي معانا على هنا ..
زين : وهي موافقه على الكلام دا طب وسمر هتعمل معاها إيه ..
أحمد : سمر وافقت وهي طالعه رحلة مع صحابها ..
زين : ربنا يسعدك يا أحمد ..
أحمد : أنا همشي دلوقتي عندي شوية شغل ..
زين : أحمد أوعى تنسى ..
أحمد : أنسى إيه ؟
زين : إنت نسيت من دلوقتي و لا إيه إمتا هتكلم والد تقى ..
أحمد : معلش دماغي مشوشة نسيت ..
زين : شكلك مش عايز تتكلم معاه ..
أحمد : لا متقولش كدا نخلص بس موضوع ندى وهبقى أروحله ..
زين بإبتسامة : ماشي ياعم إنت عريس النهاردة ..
أحمد بإبتسامة : يلا سلام ..
*********************
في بيت ندى قاعده قدام صورة أمها وهي زعلانه وصاحبتها قاعده جنبها
تقى : خلاص ياندى كفايه عياط النهاردة فرحك على الإنسان اللي بتحبيه ..
ندى : دا جواز مصلحه ياتقى هو متجوز وبيحب مراته ..
تقى : طب ليه وافق يتجوزك لما هو بيحب مراته ..
ندى : علشان جدته طلبت منه كدا ..
تقى : خلاص بقى إمسحي دموعك دي وسيبيها على الله ..
ندى : الحمدلله أنا هسلم أمري لله ..
تقى بإبتسامة : يلا يا عروستنا قومي علشان أجهزك وتطلعي أحلى عروسه ..
ندى : أنا جاهزة ياتقى ..
تقى : نعم جاهزه فين دا ندى قومي معايا الله يهديكي ..
بعد محاولات من تقى عملت لها ميك آب خفيف ولبست فستان جميل
********************
عند أحمد رجع من شغله شاف سمر وهي خارجه
أحمد بسخرية : إيه مش هتيجي معانا ياست سمر ..
سمر : لا مش جايه ماعنديش وقت صحابي مستنيني ..
أحمد : بقى عندك وقت لصحابك وخروجاتك بس ماعندكيش وقت لجوزك ..
سمر بضجر : يوووه أنا زهقت كل مرة نفس الكلام بص يا أحمد أنا عايزه أعيش حياتي مش أورط نفسي بخلفه وولاد و اقعدي ربي زي الخدامين ..
أحمد : الخلفة وتربية الولاد بقى شغل الخدامين ياسمر هيجي اليوم اللي تندمي فيه ..
سمر : أندم على إيه سيبني أمشي أنا إتأخرت ..
أحمد : تمام روحي..
خرجت سمر بلا مبالاة أحمد خذ جدته وراح على بيت ندى استقبلتهم تقى
تقى بإبتسامة : أهلاً وسهلاً إتفضلوا إتفضلوا ..
ندى دخلت الضيافه وبعدها كتبوا الكتاب وسط فرحة نعمة
نعمة بسعادة : ألف مبروك ياولاد ..
أحمد : الله يبارك فيكي ياستي ..
ندى : الله يبارك فيكي ياهانم ..
نعمة : من النهاردة تقوليلي ياستي زي أحمد وزين ..
زين كان قاعد عقله مش معاهم بيبص على تقى وسرحان فيها
نعمة : يلا يابنتي علشان تروحي معانا ..
ندى : بس قبل مانمشي أنا عندي شرط ..
أحمد : شرط إيه ..
ندى:
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية ندى العمر)
