رواية وردة في وسط الصعيد الفصل العاشر 10 بقلم الكاتبة الصغيرة
رواية وردة في وسط الصعيد الجزء العاشر
رواية وردة في وسط الصعيد البارت العاشر
رواية وردة في وسط الصعيد الحلقة العاشرة
مشي عمر وهي فضلت واقفة وصل للراجل اللي بيبيع ايسكريم واشتري لها ورجع وانصدم لما مكنتش في المكان دور عليها بس كانت اختفت
عمر وهو بينادي علي اسمها بخوف : وردة ي وردة ياربي هتكون راحت فين
كان لسة هيمشي عشان يدور عليها بس بقي تليفونها مرمي علي الارض ومكسور ودا اللي زاد من خوفه
طلع عمر يجري وهو مرعوب وخايف ليكون حصلها حاجة فضل فترة ماشي وبيدور عليها لوقت ما سمع صوت صرخة من بيت لسة قيد الانشاء راح بسرعة علي هناك وانصدم لما لقي تلات شباب واقفين وبيضحكوا ووردة قدامهم وبتصوت
الشاب الاول : صرخي كمان ي حلوة محدش هيسمعك
الشاب التاني : صوتها حلو اوي زي جسمها
الشاب الاول : هنشوف دلوقتي ونتاكد بنفسنا
عمر : اه ي ابن ال*** منك ليه
الشاب : انت مين ي جدع انت
عمر : انا ابقي جوز الحلوة اللي انتوا خاطفينها واللي هيربيكم من الاول
الشاب : انت قد كلامك دا هتندم
عمر : تمام انا هوريكم ازاي تفكروا حتي انكم تبصولها
قرب عمر منهم ونزل ضرب فيهم وهما كانوا بيسددوا له لكمات قوية بس قدر لهم كلهم عمر بعد ما خلص منهم راح بسرعة لوردة اللي كانت بتعيط ومش بتتكلم صعب عليه شوفتها كدة فك رجليها وايديها وشالها من غير ما يتكلم
اخد تاكسي وراح لبيتها نزل من العربية وشالها وطلع علي فوق دخل الشقة وحط وردة علي كرسي ودخل جاب لها كاس ماء
عمر : خدي اشربي ي حبيبتي
مقدرتش وردة تمسك الكاس فشربها عمر بنفسه وقعد جمبها وحضنها اول ما عمل كدة انهارت وردة من العياط
عمر : اهدي ي حبيبتي انا معاكي اهو ومفيش حد موجود
وردة : كانوا كانوا
عمر : اششش متتكلميش اهدي كل حاجة هتبقي كويسة انا معاكي
وردة : انت لو مكنتش لحقتني كنت
عمر : انا طول ما انا معاكي محدش هيقدر يؤذيكي ابدا انا هفضل جمبك دايما
وردة : انا خايفة اوي ي عمر
عمر : متخافيش طول ما انا موجود وامسحي دموعك دي لانك كدة بتزعليني انا انتي عاوزاني ازعل
وردة وهي بتمسح : لا خلاص
عمر : تعالي نامي جوة ونمشي بكرة انا هتصل وهعرفهم اننا مش هنروح النهاردة
وردة : متسيبنيش ي عمر
عمر : انا معاكي ي حبيبتي بس هتصل عليهم عشان ميقلقوش وهرجعلك
باس عمر راسها وقام وهي عيونها دمعت تاني اتصل بالجد وعرفه انهم مش هيقدروا يرجعوا ورجع لها تاني اخدها في حضنه ودخلها الاوضة
وردة : انا بحبك اوي ي عمر
عمر : وانا كمان ي وردتي بس يلا نامي دلوقتي وانا هفضل جمبك متخافيش
نامت وردة في حضنه وهو اول ما اتاكد انها نامت قام من جمبها وطلع برة الاوضة وهو متعصب من اللي حصل وبيفكر في انه لو مكنش لقاها كان ايه اللي هيحصل وكل ما تيجي في باله الحكاية دي يتعصب اكتر
عدي الوقت وجه الليل صحيت وردة من النوم ملقتش عمر جمبها خافت اوي وصرخت دخل عمر الاوضة اول ما سمع صوتها
عمر : في اي ي حبيبتي
وردة : انت روحت فين ليه سيبتني
عمر : انا قاعد برة بجهز العشا وكنت لسة هصحيكي
وردة : انا بس خوفت لما ملقتكش جمبي
عمر : انا معاكي يلا قومي عشان تاكلي
وردة : لا مليش نفس
عمر : انتي ماكلتيش من الصبح يلا قومي بقي ودوقي اكلي
قامت وردة معاه وخرجوا اتعشوا ودخلوا ناموا عشان يسافروا للصعيد بدري تاني يوم صحيوا وجهزوا حاجتهم ومشيوا بعدها بساعات وصلوا دخلوا لجوة كان الكل مجتمع علي السفرة بيفطروا
عمر : السلام عليكم اي دا دا انا حماتي بتحبني
الجد : تعالي ي لمض اقعد يلا
عمر : حبيبي ي جدي
قعد عمر هو ووردة وبدأوا في الاكل بعد ما خلصوا اخدت صفاء وردة وطلعوا علي فوق
وردة : ي بنتي اهدي في اي
صفاء : تعالي عاوزة احكيلك حاجة
وردة : في اي بس مش تعرفيني
صفاء : هتعرفي دلوقتي
دخلوا اوضة صفاء وقفلت الباب وراها ودا اللي خلي وردة تستغرب
وردة : في اي انتي بتقلقيني
صفاء : انا سمعت امبارح جميلة ومرات عمي بيتكلموا مع بعض امبارح
وردة : طب وانا مالي
صفاء : لا مالك ونص لانهم كانوا بيتكلموا عنك
وردة : عني انا ليه
صفاء : هيكون ليه بيخططوا انهم يفرقوكم استني هسمعك حاجة
طلعت صفاء تليفونها وفتحت فيديو مصوراه لهم وهما بيتكلموا وبيتفقوا
صفاء : انا كنت معدية بالصدفة وسمعتهم وقولت اني لازم اصورهم عشان اعرفك
وردة : طيب ممكن تديني موبايلك شوية وهرجعه اصل انا موبايلي اتكسر
صفاء : طبعا اتفضلي
وردة : انا هرجع تاني بس عاوزة اعمل حاجة وهاجي نتكلم في الموضوع دا تاني
خرجت وردة من الاوضة وراحت لاوضة جميلة اللي كانت موجودة فيها خبطت علي الباب وفتحت جميلة لها
جميلة : هو انتي عاوزة ايه
وردة : انا حابة اتكلم معاكي
جميلة : وانا مش عاوزة اتكلم اتفضلي امشي
فتحت وردة الفيديو وانصدمت جميلة لما سمعت صوتها هي ووالدتها وسحبت وردة لجوة الاوضة
جميلة : انتي اتجننتي
وردة : انا لو مجنونة كنت وريت الفيديو لعمر وهو هيتصرف معاكم
جميلة : انتي عاوزة ايه
وردة : جاي اتفق معاكي
جميلة : انا وانتي ازاي
وردة : انا جيت اعمل اتفاق انك تبعدي عني انا وعمر وانا بالمقابل مش هوريه الفيديو دا
جميلة : وايه اللي هيخليني اوافق
وردة : انا هقولك ………
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية وردة في وسط الصعيد)
