رواية ملاك الاسر الفصل التاسع 9 بقلم مي عبدو
رواية ملاك الاسر الجزء التاسع
رواية ملاك الاسر البارت التاسع
رواية ملاك الاسر الحلقة التاسعة
ورد : يلا بقا نروح اوضة ملاك او نروح ليه العقد مسروق النهاردة ممكن يكون في شنطتها اللي في ايدها
ملاك : هااا لالا طبعآ
ادهم :ملاك كلنا هنا عارفين انتي مين واي وكلنا واثقين فيكي اكيد بس عشان نخلص من الهبل والمسرحية اللي بتحصل هنا ممكن اشوف الشنطة اللي في ايديك
اسر بعصبية :ادهم انت اتهبلت ولا اي
مريم خدت الشنطة من ملاك وفتحتها
مريم بسخرية: مفيهاش حاجة
ادهم قرب من شنطة ورد لونها اسود وفتحها
ادهم طلع العقد من شنطة لارا:يعني هو دا اكيد
ورد اتصدمت ومريم وادهم ابتسمو بسخرية فلاش باااااك
مريم :يوووه نسيت فوني فوق هطلع اجيبه
وطلعت وقفها صوت ورد وهي بتكلم حد في الفون
ورد :لا اسر مش هيكون غير ليا انا وبس انا بحبه من صغري تيجي دي وتاخده مني
..: النصيب يا ورد وخلاص انسي انتي بدأتي تتغيري لأوحش
ورد : مش هقدر ابعد انا بحبه بعدي عنه يبقا موت ليا يا سلمي
سلمي:هتعملي اي طيب
ورد بخبث :العقد بتاعي هروح دلوقتي اوضتها واحطو عندها في اي شنطة يد من بتوعها وهي دلوقتي اصلآ مش هنا خرجت هي واسر وبكرا هقول انها سرقتو وقتها وهتطلع كدابة وحرامية واكيد جدي وخالي هيطردوها من هنا وقتها اسر هيكون لي انا وبس هو مش هيلاقي احسن مني ابقا مراته
مريم سمعت كلامهم سوا
مريم : وانا هوريكي هعمل فيكي اي يا عقربة استني عليا بس ولقت الباب هيتفتح جريت عل تحت ودخلت المطبخ ورد خرجت وبعدين دخلت اوضة ملاك ودقيقة وخرجت منها ورجعت اوضتها تاني
عند مريم نزلت تاني وهي بتكلم نفسها :طب اقول لمين دلوقتي اسر بس لا اسر عصبي وبابا وجدو مش هيصدقو اوف بقا
ادهم دخل :مريم انتي بتكلمي نفسك
مريم اتخضت وهتصوت ادهم حط ايدو عل بؤها :انا ادهم يا متخلفة وشال ايدو
مريم : ادهم خضتني يا زفت
ادهم :بت احترمي نفسك هضربك
مريم : وقتها هرضلك الضربة اتنين
ادهم بسخرية :بس يا بت
مريم : يوووه انا مش هرد عليك لأني مش فاضية دلوقتي ولازم اشوف حل
ادهم :في اي
مريم بصتلو وابتسمت :هحكيلها بس تساعدني
ادهم: في اي
مريم :حكتلو كل اللي سمعتو
ادهم :اي ورد انتي متأكدة انك سمعتي ورد
مريم :ايوآ لازم دلوقتي نروح ناخد العقد من اوضة ملاك
ادهم :طيب اطلعي انتي خدي العقد من عند ملاك واول ما ورد تنزل عشان الفطار هروح احطه في اوضتها
مريم :اوك سلام وطلعت
بااااااااك
ادهم: اومال العقد دا بيعمل اي في شنطتك
ورد : معرفش
اسر: انتي اي ها حسابي معاكي بعدين بس الحفلة تخلص هوريكي
كريمة: خلاص يا جماعة بعد الحفلة نتكلم لازم ننزل ضيعنا وقت كتير
ادهم: ايوآ يلا
اسر :انزلو انتو وانا وملاك هنيجي وراكم
وشد ايد ملاك ومشي
كريمة وادهم ومريم نزلو تحت
ورد بضيق وغيظ وعصبية : اي اللي جاب العقد هنا انا متأكدة انو حطيتو بي ايدي في شنطة ملاك ماشي يا ملاك
__________^-^_____^-^_____^-^____
اسر دخل اوضته وكانت ملاك معاه قعدها وجبلها مياه :ملاك اهدي كدا وصدقيني الحفلة بس تعدي وهتشوفي هعمل اي
ملاك بعياط: انا عايزة اياد عايزة اروح بيتي
اسر : ملاك قولت اهدي خلاص وهجبلك حقك
بس الحفلة تخلص قومي يلا اغسلي وشك عشان ننزل سوا
ملاك : حاضر ودقيقة وخرجت ملاك واسر مسك ايدها ملاك: اسر لو سمحت سيب ايدي مينفعش كدا
اسر: ملاك مهما كانت معملتي معاكي عاملة ازاي متنسيش انك مراتي ونزلو سوا في الحفلة
ملاك كانت لابسة الدريس ومش حاطة ميكاب بس كان شكلها حلو اوووي هي ومريم واسر طول الحفلة واقف مع ملاك ولو هو راح يسلم عل حد كان بيسبها مع مريم او سحر او كريمة
ادهم: مريم
مريم : نعم
ادهم بصوت واطي :بحبك
مريم بصدمة :اي قولت اي
ادهم :انا مقولتش حاجة ولا اتكلمت وسابها ومشي وراح وقف مع احمد ومحمد والجد
كريمة :مشاء الله قمر انتو الاتنين
سحر: فعلآ
الجدة :واحلا حاجة انهم مش حاطين اي الوان في في وشهم
مريم بضحك: اسمه ميكاب يا تيتا
الجدة: بس يا زفتة
صبا : فعلآ هما اصلآ مش محتاجين حاجة
اسر :ملاك خليكي هنا مع ماما هشوف بابا وجاي ومشي
جت واحدة :سحر كريمة واحشتوني اووي
سحر وكريمة :فيروووز وراحو حضنوها
فيروز :واحشتوني كدا متسألوش ولا تيجو
سحر :معلش يا حبيبتي
فيروز :كل سنة وانتي طيبة يا روما
مريم :وانتي طيبة ياطنط شكرآ
فيروز : اومال مين القمر دي اول مرة اشوفها
كريمة :دي اخت اياد صاحب اسر وهو مسافر وهي منورة معانا
فيروز : مشاء الله زي الاقمر
ملاك بخجل :شكرآ لحضرتك
سحر :انتي جاية لوحدك ولا اي
فيروز : لا جاية مع زياد ابني بس هو مع اسر وادهم هناك اهم زياااد تعالى زياد واسر وادهم جم سوا فيروز : دا زياد ابني
زياد بمرح :والله دا على اساس انهم اول مرة يشوفوني ولا اي
فيروز :لا في فرد جديد دي ملاك ودا ابني زياد يا ملاك
زياد بص عل ملاك :مين دي اول مرة اشوفها
اسر: ملاك اخت اياد انت عارفه
زياد: ايوآ اهلآ اتشرفت بيكي
ملاك : شكرآ وانا كمان اتشرفت بي حضرتكم
فيروز :زياد اي رأيك اخطبلك ملاك
كريمة: انتي جاية تخديها منا ولا اي
فيروز :ايوآ هي هتبقا مرات ابني خلاص
سحر : لا وكمان بقت مرات ابنها مرة واحدة
كل دا واسر هيموت من الغيرة عليها
اسر: تعالو يلا نقف مع بابا ومشيو سوا
مريم :ماما هروح اسلم عل صحابي واقف معاهم شوية ومشيت
فيروز :وانتي في سنة كام يا ملاك
ملاك: سنة اولة كلية هندسة
فيروز :ربنا معاكي يا روحي
وبعد سعات الحفلة خلصت والكل مشي ومريم حكت كل حاجة لي احمد وسحر والجد والجدة
احمد لي ملاك :انا اسف يا حبيبتي معلش حقك عليا انا
ملاك: لا يعمو متعتزرش خلاص مفيش حاجة
احمد :وانتي يا ورد مش تتأكدي الاول قبل ما تتهمي حد بي الباطل اعتزرلها يا ورد
ورد: بس يا خالو انا مغلطتش هو مفيش حد معانا غريب غيرها ودا اللي خلاني اتهمها
ملاك: خلاص يا عمو مفيش داعي
الجد :ورد اعتزرلها حالآ
ورد بصت لجدها وفهمت : حاضر انا اسفة يا ملاك متزعليش مني
اسر :جدي فهم ورد بلاش هبل لأني المرة دي هسكت عشانك المرة الجاية ردي فعلي هيزعلها ملاك مراتي يعني كرامتها من كرامتي ياريت تكوني فهمتي
الجدة :اللي مفهمتوش بقا مقولتوش للي اسمها فيروز دي لي ان ملاك مرات اسر ليه عرفتوها عل انها اخت اياد وبس
احمد : لأن لسه محدش عرف بي جوازهم هما كتبو الكتاب بس ولما اياد يرجع الفرح
الجدة : طيب
الجد: يلا انا هقوم انام تصبحو عل خير
الكل :وانت من اهل الخير وكل واحد طلع اوضته
___________”__________”________
عند اسر في اوضته
اسر :ملاك
ملاك : نعم
اسر :ملاك لو مدايقة تعالي نمشي نروح شقتي
ملاك : لا يا اسر خلاص موضوع وعدا وخدت هدوم ودخلت الحمام وبعد وقت خرجت واسر دخل ملاك نامت كانت زعلانة ومدايقة وبتدعي ربنا ان اياد يرجع بسرعة
ملاك في سرها : لازم ابعد عن هنا يارب بقا يا اياد ترجع بسرعة مش عايزة احبه ولا اتعلق بي وفي الاخر اندم ونامت
_________”________”_________
عند مريم في اوضتها مليانة هداية
مريم لنفسها : معقولة اتجننت وبقيت بتخيل كلام متقلش يا لهوووي حالتي بقت حرجة اووي الله يخربيتك يا ادهم يا بن كريمة لو بيتك مبقاش بيتي
ياارب اسخطه قرد لو فكر يحب بنت غيري يارب خلي في عين كل البنات عفريت عشان مفيش بنت تحبه غيري انا عارفة هو اكيد بيحب وبيكلم بنات غيري ما هو خاين ينهار اسود انا طالعتة خاين من قبل ما يحبني ادعي عليك بي اي يا ادهم يا ابن كريمة بس جننتني
___________”_________”________
تاني يوم اسر وملاك صحيو عل صوت خبط الباب اسر قام فتح
اسر :في اي يا مريم
مريم : ماما بتقولك يلا الفطار جاهز
اسر :طيب نازلين اهوو مريم مشيت واسر وملاك جهزو ونزلو تحت وكانو كلهم قاعدين عل السفرة سوا بيفطرو بعد عشر دقايق
اسر :يلا يا ادهم عندنا اجتماع كمان ساعة
ادهم قام :يلا
اسر :ماما ملاك متخرجش لي اي مكان ولا حتى الجنينة عقبال ما ارجع وخرج وملاك قامت بسرعة وجريت وراه
ملاك :اسر استني مريم خرجت وراهم
مريم: في اي جريتي ليه كدا
ملاك: اسر عايزة الحاجة اللي في شنطة عربيتك اللي جبناها امبارح
اسر: ثواني وفتح شنطة العربية وطلع بوكس شكلو شيك :خدي اهو
ملاك خدتو :شكرآ
اسر: ملاك متخرجيش من غير ما اعرف
ملاك بتجاهل :يلا يا مريم
ادهم: يلا يا اسر هنتأخر كدا
اسر:جاي اهو وركب عربيتو
ملاك ومريم دخلو جوا وملاك شايله البوكس
سحر :اي دا
ملاك قعدت : دي هدية مريم عشان عيد ميلادها بس معرفتش اقدمهلها امبارح كل سنة وانتي طيبة يا روماااا
مريم بفرحة طفولية : شكرآ يا روحي وحضنتها
ورد بغيظ : انتي فرحانة كدا ليه ما جتلك هدايا كتير
مريم: انا فرحت انها افتكرت تجبلي هدية وانا وهي لسه عارفين بعض من اسبوع اما افتحها بس مريم فرحت بي الهدية اووي
كريمة :بجد زوقك حلو اوووي لوكة
ورد بغيظ :لا زوقها عادي خاااالص
مريم: سوري بس شكلك مش بتفهمي في الازواق يا ورد بجد زوقها جميل جدآ
ملاك : بعد اذنكم يا طنط انا هطلع فوق
مريم :وانا هاجي معاكي
ملاك: يلا وطلعو سوا
__________^-^_____^-^______^-^_____
في عربية اسر
ادهم: مالك يا بني
اسر: مش عارف
ادهم : اقولك انا مالك
اسر بصلو بسخريه :قول
ادهم:بتغير عل ملاك والغيرة معناها حب انت بتحب ملاك بس مش عايز تقتنع بي دا يا اسر
اسر: اي اللي انت بتقوله دا ملاك وحب لا طبعآ
ادهم :اومال غيرت عليها لي امبارح واتعصبت عشان طنط فيروز قالت هتجوزها لي زياد
اسر: يووووووه ادهم قفل عل للسيرة دي واي اللي عملتو امبارح
ادهم : عملت اي
اسر: شوف انت قولت اي لي مريم وياريت متتكررش تاني
ادهم ببرود: ايوآ عشان قولتلها بحبك يعني عادي ما هي كدا كدا مش هتكون غير ليا بس انا ساكت ومستني لما تخلص السنة دي عشان اتقدملها رسمي وبعدين انا قايلك انت وعمي
اسر: دا انت بجح صح
ادهم: لا مش بجح بس دا اللي في قلبي اكدب عليكو يعني ولا اي
اسر: لا يا خويا يلا وصلنا انزل ونزلو بى هيبة ودخلو الشركة
السكرتيرة :اسر بيه الوفد جه وفي غرفة الاجتماعات بقالو عشر دقايق
اسر: تمام واتجه لي اوضة الاجتماعات كلهم وقفوا اسر وادهم قعدو وكلهم قعدو
ونسيبهم هما في الاجتماع
__________”________”_________
عند اياد في اوضته
اياد: كانت في عربية ماشية ورانا ولما نزلنا ودخلنا الاوتيل كانو برضو ورانا وحاليآ زهرة قاعدة في اوضتي
عبدالله : شاكين فيكو ولازم انت وزهرة تبقو ديمآ سوا عشان يطمنو ليكم شوية ومش بعيد كمان يكونو مراقبين اوضتك يا اياد
اياد :نعععم دا اللي هو ازاي انا اتأكدت ان الاوضة مش فيها كاميرات ولا اي حاجة
عبدالله: مش شرط جوا الاوضة لازم زهرة تفضل معاك في الاوضة يا اياد ديمآ
زهرة /اياد: نعععععم
زهرة : لا طبعآ مينفعش وحرام
عبدالله : لا مش هيبقا حرام
اياد: دا اللي هو ازاي مش حرام
عبدالله : مش حرام لو بقت مراتك
زهرة :نعم لا طبعآ دا مستحيل
عبدالله : دا الحل اللي عندي ومفيش غيره يا زهرة وبعد ما تتم العملية اطلقو عادي
اياد: موافق
زهرة :بس قطعها عبدالله
عبدالله : زهرة العملية دي لازم تتم لأنهم كل يوم بيموتو ناس ملهاش ذنب
زهرة : موافقة
عبدالله : تمام ساعة بظبط وهيكون يزن مجهز كل حاجة
اياد: تمام وقفلو بعد ساعتين كان يزن مجهز ورق الجواز و زهرة واياد مواقعين عليه
__________”________”__________
عند ملاك ومريم قاعدين في الاوضة سوا
مريم سرحانة
ملاك :مريم مالك
مريم : مش عارفة اقولك بس وعد متقوليش لحد حاجة
ملاك :وعد
مريم : امبارح اتخيلت ان ادهم قالي بحبك تقريبآ ولما سألتو انت قولت اي قالي مقولتش
ملاك: وانتي بتحبي ادهم قطع كلامهم فتح الباب ودخول حد
….:انتي بتقولي اي
مريم بتوتر :هاااا
___________________________
…: معاك يومين بس وتكون جبتلي اللي اسمها مراته دي هنا
….2: بس هي مبتخرجش غير معاه
…1:معاك يومين مجبتهاش اترحم عل نفسك
…2: حاضر يا بيه هتكون عندك بعد يومين وقفل وووووو نكمل البارت الجاي💙
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية ملاك الاسر)
