رواية كبرياء أعمى الفصل الثاني عشر 12 بقلم الشيماء محمد
رواية كبرياء أعمى الجزء الثاني عشر
رواية كبرياء أعمى البارت الثاني عشر
رواية كبرياء أعمى الحلقة الثانية عشر
عباس وطلعوه بره فضل الصمت مسيطر علي المكان
ادهم افكاره كلها بتتخانق مع بعضها وافتكر كل لحظه ظلم فيها ليلي وهانها طول الوقت بيجرح فيها ويبيع ويشتري فيها وهيا مظلومه.
كريمه انا اسفه يا ادهم بس كنت فاكره اني كده بسعدك
ادهم تسعديني بايه بانك تشتريلي عروسه انت عارفه انت عملتي فيا ايه انتي عارفه انا عملت ايه
ادهم كان بيزعق بصوته كله
كريمه انا اسفه حقك عليا. انا عملت كده علشان بحبك.
ادهم انا عارف انك بتحبيني بس انتي خليتيني اقضي علي الانسانه اللي بحبها بايدي انا سمعتك وانتي بتكلمي المحامي ويتقوليله انه يدفع لحد ما يوافقوا وكنت فاكر ان ليلي هيا اللي هتقبض عندك ادني فكره انا عاملتها ازاي
كريمه بعياط انا اسفه بس انت ليه مقولتليش
ادهم لاني كنت مجروح منك ومنها ازاي ليلي تقبل تبيعني كده وانت ازاي تشتري لابنك عروسه بالشكل ده كنتي عايزاني اقولك ايه.
سابها ادهم وطلع اوضته وهيا جريت وراه
كريمه هتعمل ايه
ادهم هروحلها وياريت ما اكنش اتأخرت كتير لازم اصلح كل حاجه
كريمه طيب خليك الصبح
ادهم لا مش هستني اكتر من كده ارجوكي سيبني
حمدي جه وسمع صوت كريمه وادهم وحس انهم بيتخانقوا علشان صوتهم عالي طلع السلم وحط شنطة اوراقه وشنطة اللاب من ايده علي اخر السلم وراحلهم
حمدي صوتكم عالي كده ليه مالك يا ماما بټعيطي ليه ادهم في ايه فهموني ايه اللي حصل
ادهم مفيش حاجه انا لازم
اسافر دلوقتي لليلي
خرج ادهم من اوضته مستعجل من غير عكازه وكل همه يروح لحبيبته وفجأه اتكعبل في شنط حمدي ووقع علي السلم اتدحرج السلم كله لحد ما استقر تحت..
حمدي جري وراه بس ما لحقوش وكريمه صړخت علي ابنها
حمدي ادهم رد عليا ارجوك رد عليا ادهم..
ادهم اتكلم بصعوبه ليلي هاتلي ليلي يا حمدي
وغاب عن الدنيا…
وقع ادهم وغاب عن الوعي وجت الاسعاف بسرعه ونقلوه المستشفي. كريمه طلبت من حمدي يروح بسرعه يجيب ليلي زي ما ادهم طلب وفعلا سافرلها ووصل لها علي طلوع النهار وقابلها نازله من بيتها.
ليلي اول ما شافته قلبها اتقبض لانها طول الليل بتحلم بادهم وهو بينادي عليها.
ليلي حمدي في ايه وايه اللي جابك هنا
حمدي ادهم يا ليلي تعالي بسرعه.
من غير ما يزود كلمه تانيه كانت راكبه عربيته وفي الطريق حكالها كل اللي حصل طول الطريق وهيا بټعيط وتدعي ربها انه يديلها فرصه تانيه تقوله انها بتحبه ولعنت كبريائها الاعمي ولعنت غبائها اللي خلاها تتخلي عن حبيبها
اخيرا وصلو المستشفي وجريت علي كريمه وفضلت ټعيط
كريمه انتي لازم تكوني قويه فاهمه
ليلي يا ريتني ما مشيت يا ريتني.
كريمه لا يا حبيبيتي انا اللي عملت فيكم كل ده يمكن لو مكنتش اتدخلت بينكم كانت كل حاجه مشيت صح سامحيني
عيطت كريمه وليلي
ليلي اسامحك علي ايه بس انتي عملتي كل ده بحب لكن احنا اللي كنا اغبيه احنا ما صارحناش بعض بالحقيقه انا عايزه اشوفه يا ماما ارجوكي.
دخلت ليلي عند ادهم كان نايم في سريره واجهزه كتير قوي واصله بيه وصوت نفسه عالي من الجهاز ونبضات قلبه ضعيفه ما استحملتش منظره ده فعيطت اكتر واكتر دخلت الممرضه عليها
الممرضه ممنوع يا فندم العياط هنا ووجودك كمان غلط ارجوكي اطلعي بره لو سمحتي
ليلي انا مراته مش هيعط هفضل جنبه بس ارجوكي سيبيني
الممرضه اسفه بس هو مش هيحس بيكي هو في غيبوبه حاليا
ليلي بټعيط اكتر والممرضه بتاخدها وتطلعها بره…
عدي اسبوع كامل وهو في غيبوبه ومفيش اي تحسن زي ما يكون استسلم خلاص للمۏت ليلي وهيا
ليلي ارجوك فوق بقي كفايه كده انا بحبك مش عايز تسمعني بقولها فوق وانا اقولهالك كل لحظه وكل ثانيه هفضل لاخر لحظه في عمري احبك بس فوق علشان خاطري فوق
عيطت ليلي علي ايديه ودموعها نازله علي ايده شويه وحست بيه بيتحرك ليلي جريت بسرعه تنادي علي الممرضه والدكتور
الدكتور ادهم سامعني انت حاسس بيا
ادهم …
الدكتور اي حركه او اشاره هعرف انك سامعني
ادهم …
الدكتور بدأ يفحص فيه ويشوف ردود افعاله ولحظات وغاب تاني عن الدنيا…
الدكتور طمنهم بانه طالما فاق يبقي ده علامه كويسه شويه شويه وكل يوم يفوق لحظات ويغيب تاني
في ثالث يوم ادهم فاق والدكتور عنده حاول ادهم يتحرك بس ما قدرش يتحرك نهائي
الدكتور في ايه مالك حاسس بايه
ادهم مش قادر اتحرك نهائي مش قادر احرك راسي او ايدي او اي حاجه.
فعلا طلب الدكتور من ادهم يحرك رجليه او صوابعه بس ادهم ما قدرش
ادهم ايه بقيت مشلۏل كمان
الدكتور لا مشلۏل اي أهده بس من اثر الوقعه كام يوم وهتتحسن
ان شاء الله بس انت ما تقلقش.
ليلي كانت بتقضي طول النهار والليل مع ادهم وكل ما يحاول يتكلم تسكته وتقوله مش دلوقتي هنتكلم براحتنا بس مش دلوقتي..
عدي كام يوم وادهم برضه مش قادر يحرك اي حاجه في جسمه نهائي
الدكتور مع كريمه وليلي.
ليلي دكتور طمني عليه هو مش بيقدر يتحرك ليه و امتي هنقدر نمشي من هنا
الدكتور انا
مش هخبي عنكم هو حالته سيئه الخبطه عملت ڼزيف علي المخ والڼزيف اتجمع وبيضغط علي مركز الحركه في المخ ومحتاج لعمليه علشان نشيل الډم اللي اتجمع ده ونخفف الضغط علي مركز الحركه..
ليلي طيب مستنين ايه اعملوله العمليه
الدكتور الموضوع مش سهل نهائي والعمليه خطيره جدا ومش اي حد يقدر يعملها.
كريمه احنا ممكن نسافر بره قولنا اسم دكتور كويس للمخ والاعصاب واحنا نسافرله
الدكتور حضرتك برضه مش فهمتيني المشكله مش في مين اللي هيعمل العمليه
كريمه قصدك المشكله في اضرار العمليه صح مش ده اللي عايز تقوله
الدكتور …
كريمه انا عديت بالمرحله دي قبل كده فارجوك هات من الاخر وقولي اضرار العمليه
الدكتور لو نجحت هيمشي تاني وهيعيش حياته طبيعيه..
ليلي ولو فشلت
الدكتور لو فشلت هيفضل مشلۏل شلل كلي ده غير المخاطر التانيه اللي ممكن يتعرضلها في العمليه
كريمه مخاطر زي ايه
الدكتور زي انه يفقد ذاكرته ويفقد هويته مع كل الاضرار الناتجه عن فقدانه لعقله
ليلي يعني ايه انا مش فاهمه..
الدكتور يعني ممكن يفقد كل حاجه بتخليه انسان يعني هيكون مشلۏل تماما مع عقليه طفل لسه مولود معندوش عقل نهائي يعني مش هيعرفكم ولا هيميزكم ولا هيقدر يتكلم ده غير انه اعمي من الاخر مش هيكون الانسان اللي انتو تعرفوه غير بشكله بس. وده اسوء سيناريو ممكن يحصل.
نزل كلام الدكتور زي الصاعقه عليهم وهنا اڼهارت كريمه تماما وطلعت
كل العياط اللي كانت حبساه جواها من ساعه ما ابنها عمل الحاډثه من 3 سنين دلوقتي حست انها خسړت ابنها
ليلي خلاص مش هنعمل العمليه
الدكتور هيفضل مشلۏل ده غير ان الڼزيف ممكن يزيد او يتحرك من مكانه وساعتها ممكن
ليلي ممكن ايه
الدكتور ممكن يخسر حياته انا اسف عارف ان كلامي صعب بس انتو طلبتو الحقيقه قرروا براحتكم وبلغوني قراركم.
كريمه هنعمل ايه يا ليلي
ليلي مش عارفه بس ده قرار ادهم هو المفروض ياخده
كريمه انت ناويه تقوليله
ليلي طبعا ده شيئ مش هينفع نخبيه وما ينفعش ناخد قرار زي ده من غير موافقته انا عن نفسي مش هقدر اخد قرار زي ده
دخلت ليلي عند ادهم واول ما حس بيها
ادهم اخيرا جيتي كنتي فين كل ده وسيباني لوحدي
ليلي انا جيت اهوه كنت بشم هوا بره عندك مانع
ادهم طول ما بتبعدي عني يبقي عندي مانع خليكي جنبي بس لو متضايقه قولي
ليلي لا يا ادهم لو اطول افضل جنبك علي طول.
ادهم طيب وايه اللي مانعك
ليلي نامت. جنبه ودموعها نزلت ڠصبا عنها
ليلي انا جنبك اهوه مسحت دموعه بس انت ما تزهقش مني
ادهم مخبيه ايه عني قولي اللي تاعبك وريحي نفسك لو عايزه تبعدي يا ليلي…
ليلي قاطعته بسرعه لا عايزه افضل جنبي انا بندم علي كل لحظه عدت وانا مش جنبك
ادهم توعديي تفضلي جنبي مهما يحصل واوعديني لو في يوم عايزه تبعدي قوليلي ما تسيبينيش للافتراضات
ليلي اوعدك ان افضل علي طول جنبك
ادهم ايه بقي اللي مضايقك قولي بقي..
ليلي انا هنادي للدكتور وهو يشرحلك احسن مني
ادهم بهزار ايه قالك ھموت ولا ايه عارفه حتي لو ھموت مش هزعل لانك جنبي وكفايه عليا قوي اني حبيت واتحبيت.
الدكتور خبط ودخل وبدأ يشرح لادهم حالته كامله وقاله علي كل الاضرار
ادهم كان بيسمع بهدوء شديد لحد الدكتور ما خلص كلامه
الدكتور عندك اي استفسارات
ادهم لا شكرا الكلام كله واضح
الدكتور اسيبكم لوحدكم بعد اذنكم
سابهم وخرج وفضلو الاتنين في صمت لحد ما ليلي قطعت الصمت ده
ليلي ناوي علي ايه
ادهم …
ليلي ارجوك ما تسكتش كده اتكلم
ادهم عايزيني اقول ايه
ليلي قول اي حاجه اتكلم معايا.
ادهم عملت حاډثه وخسړت حياتي وفضلت في المستشفي من عمليه لعمليه وخرجت وقابلتك وقلت انك تعويض من ربنا واتعذبت في حبك واخيرا كل حاجه كانت هتتعدل وانا كنت هجيلك بس اتكعبل علي السلم واقع ودلوقتي انا مش بس اعمي لا كمان بقيت مشلۏل والمفروض اعمل عمليه يا اما تنجح وده احتمال ضعيف جدا او تفشل وابقي ابقي ايه مش عارف ابقي ايه
ليلي مهما كان قرارك انا هفضل جنبي
ادهم هتفضلي جنبي لامتي
ليلي لاخر يوم في عمري.
ادهم انتي مش واخده بالك ان انا بقيت مشلۏل يعني ما انفعش لاي حاجه وانا عمري ما هقبل تضيعي عمرك وشبابك مع واحد زيي
ليلي انا بحبك وهفضل جنبك مهما يحصل
ادهم سيبيني لوحدي لو سمحتي
ليلي لا يا ادهم مش هسيبك لوحدك ارجوك ما تيأسش كده وبعدين احنا في مركب واحده يا نغرق مع بعض يا نوصل لبر الامان مع بعض.
ادهم انتي مش واخده بالك انا في الحالتين مېت لو معملتش العمليه وفضلت مشلۏل ده بالنسبالي المۏت بعينه ولو عملتها وفشلت وده الاكيد ھموت او اسوء من المۏت مليون مره
ليلي او تعمل العمليه وتخف ده اختيار ثالث ليه ناسيه
ادهم مش ناسيه بس انتي ما سمعتيش الدكتور وهو بيقول نسبه نجاح العمليه اقل من 5
ليلي وانا بؤمن بالفرص المستحيله ايه فرصه ان واحده بتغسل صحون في مطعم تتجوز مليونير.
ادهم مليونير اعمي محدش بيبصله
ليلي انت لو شاورت مليون واحده هتترمي تحت رجليك انت ما شفتش سهيله كانت ھتموت عليك ازاي ولا حمدي بيغير منك ازاي
ادهم سهيله ھتموت عليا علشان فضلت واحده عليها وحمدي من صغره بيغير
ليلي انت ليه مصر تقلل من قيمه نفسك
ادهم خلاص يا ليلي خدي انت القرار نيابه عني واللي تقوليه هعمله لو قلتي اعمل العمليه هعملها.
ليلي لا انت بتقول ايه لا طبعا ما اقدرش اخد قرار زي ده نيابه عنك
ادهم ليه لأمش احنا في مركب واحده زي ما بتقولي خدي انتي القرار واللي يسري عليكي يسري عليا
ليلي ادهم حرام عليك تحملني قرار زي ده وتحملني ذنب ما اقدرش اشيله لو جرالك حاجه مش هقدر اسامح نفسي ابدا
ادهم وبعدين عيطت
ادهم ليلي لو ھموت مفيش حاجه هتمنع ان ده يحصل وكفايه عليا قوي انك بتحبيني لو فضلت مشلۏل يا ليلي يبقي مېت ولو عملت العمليه وفشلت برضه مېت يبقي فاضل ال 5 انه ممكن تنجح. زي ما انتي قلتي
ليلي يعني نخاطر بال 5 بس لو معملنهاش هتفضل جنبي هتفضل عايش معايا.
ادهم ما تفكريش بانانيه يا ليلي ارجوكي لو مشلۏل مش هبقي عايش هبقي عاله علي كل واحد وده وضع مش هستحمله انا يدوب قدرت اتقبل وضعي كأعمي بس اخد مني 3 سنين لكن الشلل مش هقدر اتقبله ابدا ابدا
ليلي
يبقي تعمل العمليه ونقبل ال 5 يمكن ربنا يعوضنا عن كل اللي فات ويحققلنا المعجزه
ادهم بس عايزك لو مت تعيشي حياتك وتخلي بالك من امي ومتوفقيش حياتك علي كده اتجوزي تاني
ليلي ارجوك يا ادهم بلاش الكلام ده.
ادهم لا يا ليلي ده شرطي انك توعديني انك تزعلي عليا فتره وبعدها تخرجي للدنيا وتتجوزي تاني بس بلاش حمدي هتخنق وانا مېت لو اتجوزتيه
ليلي بتضحك مش هتجوز حمدي انا مش عايزه اخنقك برضه
ادهم عايزك تخلفي عيال كتير وتحكيلهم عن قصه حبنا القصيره اللي الغباء كان مسيطر عليها من اولها لاخرها
ليلي ضحكت واسمي اول عيل باسمك وافتكرك في كل لحظه في حياتي.
بعد كده عيطت قوي وهو كمان عيط قالو للكل انه قرر انه يعمل العمليه وكريمه جواها امل كبير ان ربنا هيشفي ابنها ويرجعهولها تاني.
حمدي كان مع ادهم وادهم طلب منه طلب غريب
ادهم حمدي انا عايز اطلب منك طلب هما طلبين صراحه مش واحد
حمدي اي حاجه انت بس تشاور..
ادهم ايه ده! انا مش متعود منك علي كده ولا علشان ھموت يعني
حمدي لا يا ادهم انت مش ھتموت بس مراتك خلتني اغير نظرتي لامور كتير واولها انت خلتني ابصلك كأخ مش كمنافس
ادهم يعني مراتي في كام شهر عملت اللي انا معرفتش اعمله في سنين واخير بصتلي كأخ
حمدي المهم قول عايز ايه
ادهم اولا عايز اسافر بره اعمل العمليه مش هنا
حمدي ليه ماهو الدكتور اللي هيعمل العمليه احنا هنجيبه من بره
ادهم لا يا حمدي انا عايز اسافر
حمدي وليه انت غاوي تعب
ادهم عندي اسبابي الخاصه
حمدي وايه هيا
ادهم …
حمدي ماهو يا تقولي ليه يا مش هساعدك
ادهم انت بتساومني ولا ايه
حمدي مش اتفقنا نبقي اخوات ولا رجعت في كلامك
ادهم هقولك بس توعديني محدش يعرف باللي هقولهولك
حمدي ماشي اوعدك.
ادهم بره عندهم سياسه في المستشفيات مش عندنا هنا
حمدي سياسه ايه
ادهم ان المړيض ينفع يرفض الانعاش او انه ينهي حياته!
حمدي افندم مش فاهم يعني ايه
ادهم يعني قبل ما ادخل العمليه همضي علي ورق في حاله ان العمليه فشلت وانا هفضل مشلۏل من غير عقل هخليهم ينهوا حياتي لاني مش عايز استمر كده
حمدي انت مچنون ده اڼتحار.
ادهم لا مش اڼتحار انا ساعتها مش هكون موجود اصلا كل اللي هعمله هرفض الانعاش يعني لو قلبي وقف يسيبوه واقف
لو فشلت العمليه يا حمدي مش عايز اعيش عاله علي امي او ليلي ده انا حتي مش هعرفكم وهكون مشلۏل واعمي يعني مېت اصلا بس مېت متعب هتفضل امي تتحسر عليه كل ما تشوفني لحد ما ټموت بحسرتها وليلي هتفضل تخدم فيا وياريت حتي هكون حاسس بيهم انت عايز تعمل في ليلي وكريمه كده
حمدي …
ادهم سكت يعني لانك عارف ان كلامي صح
حمدي بس يا ادهم..
ادهم ما بسش مش عايز حد يعرف بالموضوع ده وابدأ جهز للسفر من غير ماحد يعرف امي او ليلي لو عرفو مش هيوافقو
حمدي وليه انا اللي عايزني اوافق
ادهم لانك عملي ومش بتفكر بعواطفك وبعدين انا بعتمد علي حته الغيره اللي فيك فكر كده لو انا مت هتبقي انت الكل في الكل
حمدي تصدق فعلا عندك حق هتسافر امتي
ضحكوا هما الاتنين
حمدي والطلب التاني ايه هو
ادهم الطلب التاني ده المهم وهو ليلي
حمدي مالها ليلي
ادهم هتكون مسؤليتك انت مسؤل تعيشها حياتها لو انا مت مطلوب منك تنسيها ادهم تماما
حمدي هههههه وانت فاكر ان انا اقدر انت بتحلم
ادهم طول ما انا موجود لأمش هتقدر لكن لو انا مت انا قلتلها تعيش حياتها بس
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية كبرياء أعمى)
