رواية وردة في المزبلة الفصل الثالث والستون 63 بقلم منة محمد
رواية وردة في المزبلة البارت الثالث والستون
رواية وردة في المزبلة الجزء الثالث والستون
رواية وردة في المزبلة الحلقة الثالثة والستون
لازم اكون مفتريه هنام شويه اصحا القي الكل متفاعل والا ابططكم زي البوفتيك وانتحر
الجزء الثالث
ورده في مزبله
واقفين عند العربيه
الجد قبل ما يركب العربيه بجديه لنادر: انتبه يا نادر البنت كبرت ومالوش داعي لعصبيتك
نادر بقهر من دفاع ابوه عن ريم : وانت شايف حركتها حلوه ؟؟ تروح تتجوز من غير علمنا
الجد ضرب نادر على راسه بخفه : اصحى يانادر انت صدقت التمثيليه ؟؟
نادر عقد حواجبه بعدم فهم : اي تمثيليه ؟؟؟
الجد : يا بني البنت متعرفش اي حاجه انت ما شفتش ازاي بصتلنا باستغراب وكأنها بنظراتها تستفسر فين المشكله ولما قال خيري انه كان عاوز يجوزها
انت مااخدتش بالك ازاي وشها بهت وعلامات الدهشه اترسمت عليه
نادر وهو بيفكر كلام ابوه صحيح كانت علامات الدهشه
واضحه عليها بس برضو مش عاوز يقتنع يمكن بتمثل باحترافيه لما حست نفسها انكشفت : طيب ولما كلمها في الموبيل !!!
الجد وهو متكي على العربيه : سهله دي
اي واحده تقدر تنتحل وتقلد صوتها يعني حط في بالك انه احتمال كله مزور!!!!!
خالد : كلامك مظبوط ما استبعدش حاجه عن خيري ده يعمل المستحيل عشان يخلي سيرتنا علي كل لسان وبكل سهوله استدراجها للمأذون
نادر : مش عارف حاسس انه فيه حاجه ناقصه في الموضوع يعني ازاي تيجي للمأذون ومتعرفش عن الموضوع ؟؟!!
الجد : المهم اذا سمعت انك مديت ايدك عليها صدقني مش هسكت خلاص تقبل الامر الواقع دي بنتك من لحمك ودمك
نادر : مش قادره اهضمها ماتنساش انها شايله دم العيله الخبيثه
الجد بحزن : لو عماد عايش مستحيل كان يقبل بكدا البنت مالهاش ذنب بكل الحكايه ولا كلامي غلط ياخالد
خالد بضيق : كلامك عين العقل عارف انها صعبه عليك يا نادر بس حاول تخفف شايف بنفسك زي ما قال ابويا البنت مالهاش ذنب وعماد الله يرحمه وعايله سالم مش قتلوه هو اللي من العصبيه ساق العربيه بسرعه جنونيه وحصل الي حصل
نادر بحقد والكره يزيد : طيب
…………………………
اخدت ريم نفس عميق ده استقبال ابوها ليها بكف الله يستر من الباقي وقفت وطلعت من المكتب راحت للصاله كل الاثاث اللي كان فيها متغير
دخل نادر الصاله التقت نظراتهم لعده ثواني ،قطعها دخول ساميه
بصتلها ريم وتحسها متغيره جسمها بقي مليان اكتر من الاول شعرها اقصر
قربت منها ريم وسلمت بهدوء : ازاي حالك يا طنط
ساميه وهي باصه لريم بعدم تصديق : اهلا ياريم اخبارك ؟؟
ريم بابتسامة ناعمه : الحمد لله بخير
ساميه بابتسامة : تعالي اقعدي ارتاحي
نادر متكتف : اه طبعا خليها ترتاح عروسه واكيد تعبانه
بصتلو ريم وفي سرها يا ليل ما اطولك
ما ردتش وقعدت بهدوء ويغلب عليها الحياء حست نفسها غريبه
قرب نادر بحركه بطيئه وقعد قصادها هو بصصلها
وساميه قاعده قصادها وبصلها
حست ريم بالاحراج من نظراتهم مش بتحب حد يقعد يبصلها ويتأمل ملامحها
نزلت راسها وفضلت تلعب بصوابعها بتوتر
مر وقت والصمت سيد المكان وريم منزله راسها محروجه
رفعت راسها على كلام نادر : مطوله يا عروسه وانت منزله راسك ؟؟
ريم زاد احراجها اضعاف
ساميه بتحاول تخفف الاحراج عنها : ليه لابسه الطرحه؟؟ مافيش حد غريب!!
ايه رايك تطلعي اوضتك تغيري هدومك وترتاحي ؟؟
هزت ريم راسها بالموافقة فعلا عاوزه ترتاح من نظراتهم المسلطه عليها
وقفت ريم تحت نظرات نادر الي مش عاوز يرفع نظره عنها
مشت وري ساميه وفي نص السلم
وقفت ساميه لما سمعت صوت نادر يناديها : نعم
نادر نظراته علي ريم : دليها على اوضتها القديمه
ساميه باعتراض : بس
نادر بعصبيه : ولا كلمه اللي تطلع عن مشوره ابوها ما تستحقش حد يحترمها
وبص لريم بكره
وبعدها لساميه : خلاص وديها على الاوضه الي جهزتيها ليها
وقعد بهدوء ما كانش ناوي يخليها ترجع
للغرفه القديمه لانها اصلا بيحطوا فيها الكراكيب الي مش محتاجنها بس حب يوصل لريم انها مالهاش قيمه عنده
الراجل ده حرفيا جلطني
………………………….
ساميه بهدوء : هو بس حب يضايقك الاوضه اصلا مقفوله ومحطوط فيها كراكيب
ريم بلامبالاه : فين الاوضه ؟؟
ساميه حست بالكسفه من رد ريم بس طنشت واخدتها للغرفه
وبعدها طلعت
قفلت ريم الباب ووزعت نظرها بأنحاء الغرفه متوسطه الحجم
قطعت تأملها لما افتكرت الصلاه
خلعت هدومها والطرحه وراحت تتجهز لصلاه الظهر
…………………………………….
كان باصص علي ساميه وهي نازله السلم قربت ناحيته وقعدت قصاده ولا اتكلمت
كان بصصلها وحس في عيونها كلام بس طنش
وسأل بهدوء ظاهري ومن جواه بركان
منتظر الانفجار بأي لحظه : قلتي لها تنزل للغداء ؟؟
ساميه بتردد: لا ما قلتش خفت اقولها وتعصب مني يمكن مش عاوز ت
قاطعها بدون نفس : خلاص انت ما تتكلميش معها انا هطلعلها واقولها بنفسي
اخد نفس بضيق مقهور لحد دلوقت ناره مابردتش منها وتابع كلامه بغل:
اسمعي بفكر ما اخليش البنات يختلطوا بيها خايف تبوظ تفكيرهم بتفكيرها المتحرر
ساميه اتفاجأت من كلامه مش متوقعه يقول عن ريم كدا حتي لو غلطت ريم تبقي بنته والمفروض مايقولش عنها كدا بس في النهايه هي ارتاحت شويه لانها متخوفه من علاقه ريم ببناتها ويمكن تأثرعليهم متعرفش اخلاقها وفنفس الوقت مش من حقها تمنعها دول مهما كان اخوات مع بعض بس مصلحة بناتها اهم
ساميه : اللي تشوفه مصلحه لبناتي اعمله
نادر بضيق : يحصل كل خير
……………………………..
بعد ما خلصت صلاه اتصلت مع جوري واول ما فتحت جوري الخط
بعدت ريم الجوال عن ودنها وهي كشه ملامحها من صرخه الجوري
بعد ما كملت الجوري موشح الصريخ : وطي صوتك يا عجله استغفر الله صوت نشاز
الجوري ضحكت : ههههه يا عصايا ليه تديني مشغول ؟؟؟
ريم اتنهدت : اسكتي اسكتي متعرفيش عن المصايب اللي حصلت لي
الجوري قاطعتها : فالجامعه ؟؟
ريم : لا اصلا ماروحتش الجامعة
الجوري وعرق الفضول طق : قولي ايه الي حصل بسرعه احسن ما امسكك من شوشتك ولا هيهمني خالك ولا بنات خالك
ضحكت ريم بنعومه : ههههه تعالي لانك مش هتلاقيني ههههه
الجوري عقدت حواجبها : مش فاهمه انتي فين !!
ريم اخدت نفس : في بيت نادر
الجوري سكتت لثواني تستوعب وبعدها صرخت
بصوت عالي : ايييييييييييييييه ؟؟ وامتتتتي رجعتيلو؟؟؟
ريم بضجر : حطي لسانك في بؤقك بقي خليني اقدر اتكلم ايه راديو مفتحش بؤي بكلمه الا فاتحه جعورتك عليا زي صفارات الانذار جبر يلمك حطه ايه في زورك صفاره اعوذ بالله من غضب الله
الجوري : لا والله اكلتيني خلاص قفلت بؤي يالا يا آنسه انطقي غردي ليه رجعتي لنادر (افتكرت وصرخت)ااااااحيه اوعي تقوليلي خيري مات واهل ابوك اخدوك؟؟
ريم :يا ريته كان مات وخلصت منه وبعدين انا نفسي افهم امك لما حملت فيكي على ايه اتوحمت يا حظي
الجوري ضحكت : هههه خلاص توبه يالا اتكلمي
ريم بتهديد : صدقيني اذا بتزعقي مره تانيه الا هتلاقي رزعت السكه في خلقتك فاهمه
الجوري بطاعه : فاهمه
ريم ربعت على السرير : اسمعي يا ستي حفيظه نزلت النهارده الصبح علشان اروح الجامعه وطلعت مع السواق وكان النوم مسيطر على عيوني الحلوين
الجوري على اعصابها : خلللللصيني
ريم بابتسامة : طيب ده انا بقولك بالتفصيل نمت في العربيه وصحيت لما وقفت العربيه بصيت حواليا في المكان
الجوري : بيت نادر
ريم : لا يا غبيه فالمدرسة غبيه وحتى بالاستنتاجات غبيه
الجوري : ما جبتيش صفه جديده كملي
ريم : بصيت في المكان طلع قدامي مأذون بَعمه وخيري ومحمد اخو امي معاه
الجوري شهقت : ليكون موقعينك على شيكات
ريم قاطعتها : لا يا ذكيه
طلع الشايب جايب معاه اممم فاكره لما كنا فالمول وجه علينا واحد شحات يشحت منك وماسبكيش الا لما اخد منك جنيه بحاله
الجوري بتذكر : النحس ده ايه الي جابه معاهم؟؟؟
ريم : جايبه علشان يجوزه
الجوري مش فاهمه : ايه دخلك انتي ؟؟
ريم ضحكت من كل قلبها : ههههههه انا العروسه المتعوسه
سكتت الجوري للحظات وصرخت : اااااحلفي !!
ريم : ده اللي جالك ـ المشكله مش هنا
طلع الشايب ناشر خبر جوازي في الجورنال
والمفاجأة انه وصل نادر وابوه وخالد للمكان ومعصبين على الاخر
الجوري بهدوء : وطبعا انت طلعتي قدامهم البنت المتمرده اللي هتتجوز بدون علم ابوها
ريم بابتسامة : اول مره احسك بتفهمي تخيلي موقفي قدام اهل ابويا رايحه اتجوز بدون علمهم لا ويا ريته شخص عدل يستاهل التضحيه
طلع سُكري حرامي وشحات شفتي الهنا الي انا فيه الي يفلق الصخر
الجوري : وطبعا نادر اخدك بعد الحكايه دي
ريم بهدوء : مش محتاجه لكلام
ضحكت الجوري بصوت عالي : ههههههههههه استني اتخيل شكلك جنب العريس المتسول هههههههههههه هههههههههههههههه
ريم وهي تضحك : هههههههه تخيلي شكلي ياخدني بفستان الزفاف للمول نشحت هههههههههههه سوي
الجوري بجديه : ريم انتي بتهزري و القصه الفاشله دي من تأليفك زي القصه اللي كاتبتها بدفترك ؟؟!!
ريم وهي تضحك : ههههههههه يالا لازم تيجي وتباركي لي بما اني النهارده كنت العروسه
قاطعها لما فتح الباب والعصبيه واضحه عليه
: انت معندكيش دم ؟؟
الجوري تكلم ريم : ده نادر ؟؟
ريم بهمس : ما فيش غيره
وبصوت سمعه نادر : خلاص جوري اكلمك بعدين
وقفلت قبل ما تسمع الجواب
قرب نادر وعيونه طالع شرار : عارفه صوت ضحكك واصل للصاله برا ؟؟
ريم اخدت نفس وبهدوء : في حد غريب فالبيت ؟؟
نادر استغرب من سؤالها وما كانش منه الا يجاوبها : ما فيش حد ليه بتسألي ؟؟؟
ريم بجديه وصوت هادي : طلاما ما فيش حد غريب فالبيت فين المشكله انكم تسمعوا صوت ضحكتي ؟؟
نادر بهت للحظات بس مستحيل يسكت لها : اسمعي البيت ده له احترامه وصوت ضحك عالي ومش عاوز اسمعه انا مش بمنعك ماتضحكيش بس بحدود
وبعدين انت مش مكسوفه من نفسك فوق عملتك البايخه وكمان مبسوطه وعاوزه الناس تيجي تبارك لك والله لولا ابويا حلفني ما امد ايدي عليك على العمله المهببه ولا كان زمانك مدفونه …وشد على قبضه ايده
ريم محتاره مش عارفه ازاي تتعامل معاه تسكت او ترد بس قررت انها ما تردش
نادر بحقد : شايف القط اكل لسانك عموما انزلي دلوقت وقت الغداء وحطي في بالك كل وجبه تكوني مزروعه قدام عيوني
ريم بابتسامة واثقه : ياااه للدرجادي بتحبني ؟؟؟
نادر بنظره باستصغار : واثقه من نفسك !! حصليني تحت وبدون كلام زايد
ريم بجديه : لنفرض اني مش جعانه لازم اتواجد ؟؟
نادر : اه لازم حتى لو مش عاوزه تاكلي تبقي قاعده لحد ما نكمل اكل ده قانون البيت وهتمشي عليه زيك زي غيرك فاهمه
بصتلو ريم بنفسها احمق قانون بس مش حابه تعمل مشاكل من اول يوم ردت بهدوء :ان شاء الله
انقهر نادر من ردها نفسه تعاند علشان تكون حجه له ويكسر راسها عطاها نظرات ناريه
وطلع وهو يردد : خمس دقايق وتكوني تحت
نفخت ريم بضيق محتاره من تصرفاته بس نفسه يمسك عليها
الزله علشان يبرد ناره فيها ده بعينه
……………………………………………………..
نزلت بهدوء وهي بصالهم قاعدين زي تنبله السلطان بالصاله
ساميه ونادر ومعاهم عيالهم اشكال مختلفة عن اللي رسمتها بقصتها بس نفس عدادهم
قربت بهدوء وقالت السلام
ما شافتش حد من اخواتها قرب ناحيتها حتى عشان يسلم عليها
صحيح انها مش بتهتم لحد ولا يهمها حد بس اخدت علي خاطرها
ساميه تداركت الامر وابتسمت : سلمى ولينا وسيف سلموا على اختكم
ريم بلامبالاه : خليهم مكانهم خلاص وصل سلامهم
قعدت بثقه ما يهموهاش مش عارفه ليه بتحب اخواتها من امها اكتر مع انها بصغرها كانت بتغير من فارس الا انها كانت بتحبه !!!!
نادر باسلوب ساخر : لا ازاي ودي تيجي لازم يسلموا عليك ويباركوا لك
ابتسمت ريم وبصتله وبدون وعي اتكلمت : بس ايه الفايده يباركوا والموضوع بخ فركش
نادر بنظرات ناريه : ريم
وقفت ساميه تنهي المعركه : يلا الغداء جاهز
وقف نادر بعد ما عطى ريم نظرات ناريه ومشي راح للسفره
سيف بص لريم من تحت لفوق وقبل ما يتكلم
وقفت ريم وبحده : قبل ما تتفلسف ياعيل ابلع لسانك ماشي
بصتلو بغرور وراحت للسفره
…………………………
سيف حس بالكسفه وبغيظ : مغروره بكرها ولا بحبها
لينا : يعني دلوقت دي ريم ؟؟!!
سلمى : لا خيالها بس بحسها قويه
لينا : يمكن زعلت ليه ما سلمناش عليها
سلمى : مفتكرش لانها ولا اهتمت وبصتلنا من فوق بس احنا مالناش دخل بابا طلب منا ما نسلمش عليها
سيف : من موقعي هذا بدإت الحرب وانا هفرجكم عليها
لينا : امشوا اتأخرنا عليهم
………………………………..
بعد الغداء طلعت ريم للغرفه وقضت وقتها
ترد على مكالمات من بنات خالها اللي مصدومين
وجوري اللي نفسها تعرف كل التفاصيل
وحتى امها اتصلت بريم وكانت متضايقه بعد سمعت بآخر المستجدات
قفلت ريم الموبيل بعد ماحست دماغها صدع من كتر الاتصالات
اللي انهالت عليها
رمت نفسها على السرير وغمضت عيونها بتعب تتذكر الاحداث
كان اليوم مليء بالاحداث وكأنه عدا عليها دهر مش قادره تستوعب انها في بيت نادر امور كتيرة تشغلها الدراسه وانتقامها من الوغد خيري وازي تقدر تستحمل نادر….قاطعها بعد ما دق الباب ودخل
رفعت نفسها عن السرير وبصتلو وفي سرها ربنا يستر
نادر قرب وهو ماشي ورافع مناخيره وقف
قريب منها وكتف ايديه : جهزي نفسك علشان تروحي تسلمي على امي واخواتي
قاطعته ريم وهي تبعد خصله وري ودنها : خليها يوم تاني مشـ
قاطعها بحده : هتروحي غصب عنك ازيي ماتروحيش تسلمي عليهم؟؟!!
ريم ابتسمت بهدوء : اللي يسمع يقول جايه من السفر علي فكره انا هنا من نفس البلد ..واللي يسمع يقول متشوقين لشوفتي عارف عدت 8 سنين ماحدش سأل عني
نادر بلامبالاه : ومين قال لك انهم متشوقين يشفوكي بصي بقي خديها مني علي بلاطه من كبيرهم لصغيرهم ما حدش بيحبك ولا يطيقك فبلاش تاخدي بنفسك مقلب
ريم ابتسمت : عارفه من غير ما تقول واولهم انت وللمعلومه ما يهمنيش حد
نادر باستهزاء : اكيد ما يهمكيش الا عريس الغفلة
وبأمر كلامي واضح جهزي نفسك
وقفت ريم واخدت نفس : وقت تاني لاني مش فاضيه 8 سنين ما شافوني مش هتقف كمان علي يوم…..وبعدين اذا عاوز تبر امك لازم ما تاخدنيش لانها اول ما تشوفني هتضايق ويمكن تتخانق مع جوزها بسببي
نادر قاطعها : ولا كلمه مش كأنها جدتك او جدك ..اصلا انت مش شكل حد يحترمك ويقدرك فعلا كلامك مظبوط ما فيش داعي اعكنن علي امي بخلقتك انطقي بالاوضه كتك داهيه
وقرب منها بتحقيق : انت ليه مش لابسه النقاب ؟؟؟
ريم بصتلو ويا دوب ماسكه نفسها
القول مش شبه الفعل : عندي ضيق بالنفس والدكتور قالي مش البسه
نادر باستهزاء : ومين الدكتور دا اللي قال لك كدا ؟؟؟ الدكتوره غاده والا الدكتوره ساره ؟؟؟
اخدت ريم نفس يا ليل ضلم كمان : دكتور اسمه بسام
نادر : وايه سبب الضيق عندك ؟؟ (وبمسخره) وايه الي مضيق خلق سيادتك؟؟
ريم بهدوء : غرقت
نادر : حلو دي كدبه من كدباتك والا ايه بالظبط؟؟؟
ابتسمت ريم وما ردتش حساه عاوز يتخانق وخلاص
نادر : معاكي اوراق من المستشفى او اي شيء يثبت ؟؟
هزت ريم راسها وراحت سحبت ملف فيه اوراق دورت فيه وبعدها
سحبت ورقه ورجعت الملف لمكانه قربت منه وناولته الورقه برقه
سحب الورقة منها بقرف وبص في الورقه
وبعد وقت بصلها وبحيره :وايه يضمن لي ان الورقه مش مزيفه ؟؟؟
اتضايقت ريم بس ما اظهرتش وقبل ما ترد
اتكلم من فوق كأنها شيء قذر : خلاص ماتغطيش وشك بس يا ويلك اذا شفت عليك هدوم ضيقه او شعره طالعه ما تلوميش الا نفسك وانا هاحاول انسق واخدك للمستشفى نتأكد ..وتابع بتحقيق فين غرقتي ؟؟؟
ريم بهدوء : في حمام السباحه
بصلها وللان متغاظ منها : يا ريتك لما غرقتي موتي وارتحت منك بس مش هقول غير الله يعيني
وطلع وضرب الباب وراه بعنف
………………………………..
عند الشباب
ايهاب بحماس : يا راجل انسى النادي وتعال الكل متجمع
رامي بدون اهتمام : انت تعال النادي وبلاش هبل يعني عاوز تشوف ايه؟؟
ايهاب : اكيد هيتكلموا في الموضوع للصبح في الي حصل انت تعال خلينا ناخد التفاصيل مباشره
رامي : مش جاي عندي في النادي النهارده مباراه حاسمه لازم اكون موجود وبعدين احكيلي عن التفاصيل
ايهاب بضجر : افففف منك مش بتمل من النوادي ومن المباريات اربعه وعشرين ساعه مش عارف ازاي عمي خالد ساكت لك
ضحك رامي : ههههه يا اخي قاعده الشباب انبساط وفرفشه وخاصة العزاب اي فهمك بالحياه دي انت وصقر
ايهاب : خيبه عليك …..عموما سلم على الشله واشوفهم بكره ان شاء الله
رامي : يوصل
وقفل الخط وبص لصقر : مش عاوز يحضر يا اخي تعلقه بالنوادي مش طبيعي
صقر : من الشغل للنادي قليل لما يجي البيت النوادي واخده عقله
ايهاب: بيقول عنده ماتش النهارده ومش عاوز يسيبو..سيبك خلينا في المهم تتوقع ايه هيكون سيناريو اللقاء بين جدتي وريم
صقر بلامبالاه : ولا اعرف سؤال انت ليه متحمس للدرجادي
سكت ايهاب للحظه وبعدها ضحك : هههههه مش عارف بس انا بعشق اللحظات الحاسمه
………………………………..
نفخت براحه بعد ما طلع وابتسمت بألم للدرجه يتمنى لها الموت نفضت راسها مش عوزه مشاعرها واحاسيسها تسيطر عليها ـ وبعدين ولا يهموها ليه تهتم لكلامه خليه يدعي من هنا لبكره في امور اهم عليها دراسه متراكمه
راحت لكتبها واخدتهم وحطتهم على السرير
واتربعت وقعدت وبدأت تحضر مع انه عقلها مشوش الا انها حاولت تركز بدراستها
قاطعها اتصال امها
ردت بهدوء : الو ماما
ساره : اخبارك ؟؟
ريم بهدوء : بخير الحمد بخير
ريم : ماما بالنسبه للدراسه ازاي اروح للجامعه بكره
قاطعتها ساره بحزم : انتبهي تظهري لحد انك
فالجامعه والله ما استبعد عنهم يسألوا عن تخصصك بالجامعة حاولي تتهربي منهم
ريم : طيب يمكن شافوا اسمي وقت النتايج
ساره : لأ ما ظنش لوعندهم خبر كان فتحوا معاكي تحقيق المهم انا هبعتلك سواق عن طريق صديقتي ووعدتني يكون الامر بينا سر لاني ما اضمنش جدي اذا عرف يعمل مشكله
ريم باستغراب ؛ طيب ليه نخبي عنهم فين المشكله لو عرفوا
ساره : لا مش هيقبلوا انك تدرسي طب وهيسحبوا ملفك من الجامعه لانهم متخلفين
ريم : طيب بكره ابعتيلي السواق
واديهم العنوان وقوليلهم من الباب الي وري يستنوني مش عاوزه عند البوابه الرئيسية
ساره : خلاص اتفقنا
اسمعي احمد قرب يوصل اسيبك دلوقت سلام
قفلت من امها ورجعت تذاكر وهي بتفكر ازاي يعني ماحدش يعرف عن دراستها
………………………………
الجد بحزم وهو موزع نظراته الموجودين : وقسما بالله كلمه واحده تجريح لريم مش هيحصل طيب
وخاصة الحريم يا ويلكم حد يضايقها بكلمه كل واحد يهتم بنفسه سامعين
قعد الجد مكانه ورجع يتكلم مع فخري
بعد دقائق دخل نادر قال السلام بصوت عالي
دخلت بعده ساميه وردت السلام
اما سلمى ولينا دخلوا بخجل وراحوا لجدهم وسلموا عليه وعلى جدتهم والحريم
وكانت كل الاعين مركزه للباب
منتظرين ريم تدخل طال الانتظار
الجد : نادر فين ريم ؟؟؟
نادر حس الكل ينتظر الاجابه اخد نفس ورد: في البيت
ابوه بعصبية : اياك تقولي انك منعتها تطلع من البيت
قاطعه نادر : احلف لك بالله انها رفضت تيجي يعني اجرها من شعرها
الجد ما توقعش ريم حقوده للدرجه : لا تجرها ولا تشدها خليها على راحتها
عصمت مدت البوز : يمكن مش من مستواها قرفانه تسلم علينا
الجد بحزم : خلااااااص مش عاوز اسمع كلمه واحده
سكتت عصمت بقهر ولفت للحريم يتكلموا
الجد يهمس لنادر : ليه رفضت تيجي ؟؟
نادر بلامبالاه : بتقول مش فاضيه
خالد مش عاجبه : وانت مش قادر تجيبها غصب عنها سايبها تمشيك يمين وشمال
نادر اتغاظ وحس انه المفروض جابها غصب عنها بعد ما حس شكله غلط قدامهم
الجد ينهي الموضوع : خلاص انسوا الموضوع
سكت خالد وهو مش عاجبه
………………………….
عند الشباب
بدر : كنت حابب اشوف لحظه اللقاء
عمر : غريبه سابها عمي على راحتها
ايهاب مش عاجبه : وعليا النعمه البت دي مش بتفهم والا المفروض تيجي تسلم على اهل ابوها
صقر باستهزاء : اللي يسمعك يقول اهل ابوها مقطعين حالهم عليها
ايهاب : بغض النظر المفروض تيجي تسلم
سامي ابتسم بخبث : ابوي النهارده قال عاوز يخطب ريم لعبود
بدر قاطعه : اسكت لا يسمعك ابويا تبقي ليله
صقر عقد حواحبه باستفسار : بجد ؟؟
وبصول عبود اللي نفش ريشه بغرور : ايوه بجد وبابا وعدني يكلم عمي وجدي النهارده
ايهاب : طيب وانت تعرفها ؟؟
بدر ابتسم بخبث : حب الطفوله هههههه
عمر : ههههه حب من اول نظره
ايهاب : اي حب واي طفوله هي في صغرها ما تفرقها عن الاولاد ولوى بوزه اي حب واي غم حَكم
امير ابتسم على كلامهم : شوقتوني اشوفها ريم دي
ايهاب لوى بوزه باشمئزاز : عباره عن قرد ينط هنا وهنا ولسانها مترين
امير بص لعبود : المفروض تطلب تشوفها وتقعد معها وبعدين انت لسه صغير على الجواز
عمر : من دلوقت بقولكم مش هتعجبه
صقر مش عجبه الكلام : اسكت انت وهو بعدين الشكل مش دايما مهم اهم شيء الاخلاق ويرتاح معها
ضحكوا الشباب بصوت عالي على كلام صقر
وصقر وامير بصلهم باستغراب
الجد عطاهم نظره ناريه سكتتهم
امير باستغراب : ليه المتخلفين دول بيضحكو ؟؟؟
صقر بحده : كلمه كمان هامسح بيكم الارض
وعطاهم نظره قويه
سكتوا الشباب
…………………….
نزلت بهدوء وكان المكان فاضي استغلت الفرصه
وطلعت بسرعه من الباب الخلفي
ركبت العربيه وطيران للجامعه كان دوامها نفس الروتين ومن حظها الترم ده محاضراتها تخلص قبل الساعه 2 يعني لما ترجع نفس معاد المدارس
كملت يومهاواتصلت بالسواق ورجعت للبيت
دخلت بهدوء وكان المكان فاضي وبسرعة طلعت
للغرفه قفلت الباب واتنهدت براحه بعد ما صلت وبدلت ملابسها
دق باب الغرفه …وكانت الشغاله تطلب منها تنزل للغداء
هزت راسها وطلعت وري الشغاله بهدوء
دخلت صاله الطعام وكان الكل متجمع
قالت السلام وقعدت ونطت على الصرخه : وبعدين كل وجبة لازم نبعتلك مرسال ينادي حضرتك !!!
ريم اللهم سكنهم مساكنهم اخدت نفس وردت بهدوء : انا مش عارفه مواعيد وجباتكم
نادر قاطعها : خلاص ولا كلمه من يوم ورايح ما نزلتيش لوحدك ومش هنستني سيادتك عنك ما اكلتي واحنا مش خدم لحضرتك نندهلك على كل وجبه
نفخ بضيق وبدأ يتناول الغداء
اتنفست ريم براحه عاوزه تقوم تبوسه على راسه كدا احسن لو اتأخرت بالجامعه او الصبح مش مجبوره ترتبط معاهم وما حدش هينتبه لغيابها
وبدات تتناول من الاكل ولا كأنه فيه حاجه حصلت من شويه قدامها هدف ومستحيل تتخلي عنه اواي شئ يأثر علي هدفها الرئيسي
اتغاظ نادر من برودها يصرخ عليها وهي ولا كأنه يعنيها الامر
وقف بعصبيه
ساميه : كمل اكلك
نادر نفض ايده بعصبيه : ناس تسد النفس
وطلع وهو بركان من امبارح ما برد غله فيها
سلمى بصت لاخواتها
وبعدها ترجع تبص ل ريم اللي تتغدى ولا كأن حصل اي شئ
ورجعت لشعارها طنش-فنش-عش-تنتعش
سيف بكره : عجبك يا انسه ؟؟!!
ريم طنشته وعطته نظره استصغار ورجعت تكمل أكل
ساميه كانت مضايقه حاسه من لما رجعت ريم واجواء البيت نكد في نكد
اتمنت انها ما كانت رجعت سابت الاكل وطلعت من الصاله
سيف بحده: من لما جيتي وبابا منكد علي البيت
شربت ريم من الميه ورجعت تكمل اكل ولا كأن حد بيكلمها
سلمى عطت نظره لسيف يعني يسكت
سيف ولع من تطنيشها وقف : انتي انا بكلمك
لينا: يمكن مش بترد عليك خايفه منك
وقفت ريم بعد ما شبعت وطلعت من المكان بهدوء
وطلعت لغرفتها تنام شوي تريح نفسها من تعب اليوم
وبعدها تصحى للصلاه وتكمل تحضير
………………
الجد بعصبية : طول الوقت وانت مش عاوزه تشوفيها ودلوقت كل شوي تفتحي موشح لو للدرجادي مشتاقه لها اروح اجبهالك
عصمت بزعل: انت دلوقت بتصوت في وشي وكأني عيله عندك انا قلت ايه؟؟؟
ليلى مرات صقر : يا خالتي جدي ما يقصدش
عصمت بغضب : لا يقصد
دخل صقر وهو شايل ابنه : وبعدين بقي مش هنخلص من الموضوع ده
قعد وحط رشاد في حضنه
الجد زعق : مش عارف ليه عاوزه تشوفها دي مش بطيق تشوف وشها وكل ما نترزع نقعد ترجع تفتح السيره وبعدين!!!!!
صقر باس ابنه :رجاء عمتي فكونا من السيره دي
ويلا على الغداء انا ميت من الجوع
……………………………
بدر : بابا كلمت عمي نادر علشان عبود
بص سلطان لعبود اللي فاتح ودانه وابتسم : اه كلمته
سامي : وقالك ايه ؟؟ اكيد رفض وقال مااجوزش بنتي لطفل
عبود ضرب سامي بالخداديه : ما حدش طفل غيرك
سلطان بحزم :والله عال قدامي تتضربوا بعض !!!
عبود ابتسم : هزار
وبص ل سامي بوعيد
بدر : قالك ايه ؟؟
سلطان : بالبدايه اعترض انه لسه بيدرس وصغير
قلت له بس مجرد خطوبه ولما يتخرج من الجامعه يكتبوا
عبود وقلبه دق طبول : ورد عليك بأيه؟؟
سلطان : قال اذا كدا ما عنديش مانع بس نشوف ريم اذا موافقه او لاء
عبود ابتسم وضرب بدر على كتفه : اهلا بعديلي
بدر ضربه على راسه : يا تقل دمك
بدر بجديه : بابا لامتي هفضل مستني بنت عمي ؟؟؟ خلاص انا اتخرجت واتوظفت
سلطان : تتهبل البنت لسه صغيره على الاقل تكمل الثانويه
بدر لوى بوزه
ندي قاعده وتسمع كلامهم وساكته !!!!
سلطان : ليه ساكته ؟؟
ندي : بسمع هبالكم …لنفرض بعد ما يحجزها يشوفها وما تعجبهوش ويغير رأيه ياتري ايه يكون موقف البنت ؟؟
ريان : وقتها يكون كل شيء قسمه ونصيب
ندي بحده : انت اخر واحد تتكلم فاهم
سلطان : خلاص قفلوا على الموضوع تعال قولي ازاي كان يومك فالجامعة ؟؟
ريان اخد نفس : الحمد لله
عبود رجع لنفس الموضوع : يعني النهارده يردوا علينا ؟؟
سلطان : هو قال النهارده ابلغكم
انا قلت له خليها تفكر اسبوع او اكتر قالي مالوش داعي بكره اردلك جواب
صفحتي قصص منه محمد
عندها امتحان وقاعده بتذاكر لكن مش قادره تركز مش فاهمه ليه من اول ما جات هنا فقدت التركيز قررت ترتاح شوي وتطلع برا الغرفه لدقايق تغير جو وترجع تكمل مذاكره
طلعت من الغرفه ونزلت السلم بنفس الوقت دخل نادر البيت بس ماهتمت لدخوله تابعت نزولها
وقفها صوته : ريم تعالي هنا
ريم قربت منه : نعم
نادر : تعالي معايا
مشت ريم وراه ودخلو للمكتب وريم مستغربه وفي سرها..الله يستر ده عاوز منها ايه
قعد نادر على واحد من الكراسي وبصلها: اقعدي
بصت ريم في المكان وقعدت قصاد منه منتظره يتكلم
نادر : اكيد فاكره عمك سلطان
هزت ريم راسها بالموافقة ازاي متفتكرهوش كان احن شخص كان عليها من ابوها صحيح طول 8 سنين ما زارها ولا سأل عنها بس هتفضل ممتنه له
نادر : امبارح كلمني عاوز يخطبك لعبود ايه رايك؟؟
ريم بدون تفكير : اكيد لا
نادر رفع حاجب : وليه ان شاء الله ؟؟ ولا السكران اللي كنت ناويه تتجوزيه احسن من عبود ؟؟
اخدت ريم نفس امتى ينسى حكايه السكران : انا مش بفكر في الجواز
نادر بسخريه : مش بتفكري في الجواز وامبارح رايحه تكتبي كتابك من غير علمنا وبعدين لو علي الدراسه هو اكبر منك يعني منين ماتتخرجي يكون هو جهز نفسه
ريم جواها بركان مش قادره تمسك اعصابها اخدت نفس : اذا متضايق من وجودي وعاوز تجوزني علشان ترتاح مني خلاص رجعني عند اهل امي
قاطعها نادر بعصبية : تحلمي تروحيلهم واذا عتبتي باب بيتهم لا اقطع رجولك (وبتهديد)فاهمه ودلوقت قلتي ايه في عبود؟؟
ريم في نفسها مالوش الحق يمنعني من بنات خالي بس مش هرد لكل حدثاً حديث خلينا بعريس الغفله عبود : طيب عندك سلمى جوزهالو
قاطعها : سلمى مخطوبه لبدر
اتفاجأت منه الخبر ما توقعتش ان سلمى تنخطب قبلها وقبل ما ترد
رد نادر بعصبية : وما طلبتش منك تشتغلي خاطبه انا جاي اسألك ايه رايك بعبود ؟؟
ريم بتصميم : مش موافقه
نادر انقهر منها : اخر كلام عندك ؟؟
هزت ريم راسها وبثقه : اخر كلام
وقف نادر وساب المكان بعصبيه لانه اذا قعد اكتر من كدا ما يضمنش نفسه يدفنها بالحيا ويخلص
قعدت تفتكر ايام عبود بس مش فاكره شكله كتير افتكرت بعض المواقف بس مش فاكره الاشكال بالظبط عباره عن خيالات
وابتسمت باستهزاء : ده الي كان ناقص اتجوز طفل اظاهر نادر مش لاقي طريقه يتخلص مني الا دي هه فاحلامهم اتجوز قاعده على قلوبهم لاخر يوم بحياتي
وقفت ورجعت بعض الخصل من شعرها
وطلعت لغرفتها تراجع عشان الامتحان وعقلها مشوش
………………………..
الشباب بالجنينه
ايهاب ابتسم وبص لعبود : شايف بنت العم رفضتك !!
عبود بقهر : ما يخصكش ماشي
ريان بغرور : خلاص انا اخطب لك اللي تسواها
عبود : انت ما تتدخلش فاهم
امير وهو متربع : غريبه ماجاتش تسلم علي حد
بدر : يمكن مستنيه جدتي والحريم وعمامي يروحوا يسلموا عليها
رامي : المفروض بقالها يومين يروحوا يسلموا عليها
عمر : صقر انت ما روحتش شفتها ؟؟
صقر : لا ما روحتش افتكرت امبارح هاتيجي وحتى النهارده قلت يمكن تيجي بس خلاص بكره اروح ازورها انا والمدام وغمزلهم
امير ابتسم : بفكر اجي معاك
ضربه صقر على راسه : تيجي فين ؟؟ اظاهر عطناك وش زياده بأي حق عاوز تروح تشوفها ؟؟؟
امير ابتسم : بنت عمي ولا مره شفتها بحياتي يا اخي دبحني الفضول الله عاوز اشوفها انسه كبيره
ايهاب : ماتشوفش وحش اهبط تسد النفس
صقر ابتسم بخبث : احترموا نفسكم دي في مقام بنت اخويا ولا ايه رايك يا عبود ؟؟
عبود مادد البوز شبرين وحاسس الدنيا ضاقت عليه
بدر ضربه على كتفه : ما تمثلش دور العاشق الولهان مش لايق عليك الدور قبل أسبوع كنت نازل موشحات عشق وعاوز تخطب بنت الجيران
امير : عبود عامل زي عشاق الحمام كل ساعه بجهة
ايهاب ضحك : هههههه عبود وريم
وقف عبود بحزن وبص لايهاب : انت ولا كلمه فاهم ولا مقهور لانها كانت محجوزالك
ايهاب : اهو انت قلت كانت وبعدين جدي قالي كلامه مجرد تهديد ..،ومستحيل يغصب حد علي الجواز وبعدين لو كنت عاوزها كنت خطبتها
اميربعقل : ما تنساش يا عبود ان ايهاب متجوز مش عيل تكلمه بالطريقه الفجه دي حاسب على كلامك
عبود بستهزاء : والله ده اسلوبي واللي مش عاجبه يشرب من البحر
وسابهم ومشي
صقر ابتسم : كلكم ضد الولد لازم تراعوا مشاعره يعني مرفوض هههههههه ،،صراحه مش داخله عقلي ريم وعبود ههههه
عمر : اصلا انا من زمان شاكك انه بيحبها
فاكرين لما طلبنا من عبود يراقب لنا الوضع واذا شاف ابوي او عمي سلطان ويبلغنا واحنا ربطنا ريم وفضلنا نكب عليها ميه بارده
ايهاب ضحك لما افتكر الموقف : ههههههه
عمر : وقتها عطيناه فلوس علشان المهنه طلع الاخ وافق علشان يشتري حلاوة لريم
بدر : وقتها حققنا معاه ليه بلغ ابويا وعمي وقال انه اشترى بالفلوس حلاوه لريم
امير ضحك : هههههه يا جمالو حب الطفوله
صقر : اي حب تعال بكره هتلاقيه عاوز يخطب واحده تانيه
ايهاب : عيل مستني منه ايه
……………………….
رجعت من الجامعه وطلعت لغرفتها
وما نزلتش للغداء عندها شغل لازم تنجزه كانت تشتغل على اللاب وكل ذهنها بالشغل بعد ما خلت جهازها صامت فركت عيونها اكتر من ساعتين
وهي على نفس الوضع
قررت تصلي وتنزل للمطبخ تشرب اي عصير يعدل مزاجها ويرجعلها تركيزها
نزلت علي السلم بشويش وهي تتثاوب
نادر بكره : دخلين ع العصر ولحد دلوقت بتتاوبي غريبه
ما ردتش بس لفت انتباها الشخص القاعد والست ومعاهم طفل بتردد رجعت لوري
بس وقفها صوت نادر : تعالي سلمي على صقر
اتنهدت براحه ظنته راجل غريب سبحان الله متغير كتير ماعرفتوش
نزلت بهدوء وراحت لصقر وسلمت عليه
وبعدها برقه سلمت على الست الي جانبه
قعدت بهدوء رفعت نظرها كان صقر والست يبصولها
صقر بابتسامة : اخبارك يا ريم ؟؟
ريم بنعومه : الحمد لله ..اخباركم انتم؟؟
صقر محروج حس انه بيكلم بنت غريبه : الحمد لله
كان بصصلها ومش عارف في ايه يسألها : امممم مين احسن هنا ولا عند اهل امك ؟؟
شتم نفسه على سؤاله الغبي
ريم قبل ما تجاوب رد نادر بحقد لما افتكر عايله سالم : اكيد هتقولك عند اهل امها طالعه نازله على كيفك لا حسيب ولا رقيب ولا مسؤول
صقر يهدي الوضع : مجرد وجهات نظر
ورجع لريم يغير الموضوع : اخبار الدراسه ؟؟
ريم بملل مش فاضيه لكل الاسئله عندها اشغال الدنيا : الحمد لله
وقف نادر واتكلم باستهزاء : اي دراسه انا شاكك اذا بتعرف تميز بين التاء والثاء
يمكن طفل في الروضه يقرء احسن منها انا اشك (وعطى ريم نظره اشمئزاز )
وبعدها ل صقر : استأذن انا عندي شغل خد راحتك يا صقر انت وام رشاد البيت بيتك
طلع نادر وريم تتبع زواله
دخلت ساميه وسلمت على ليلي وعلى صقر من بعيد
ساميه بصت ل ريم وابتسمت : دي ليلي مرات صقر وده ابنهم رشاد
ريم في سرها…صقر اتجوز ولا عندها خبر
اخدت نفس ووقفت بهدوء : عن اذنكم
وراحت للمطبخ
مش طايقه تشوف حد منهم حست انها تستحملهم وتحترمهم فوق طاقتها بس مهما كان مش عاوزه تكون مراهقه وعواطفها تتحكم فيها
…………………………………..
قربت منهم ووزعت عليهم العصير وهي راسمه ابتسامه على محياها
ساميه : ليه تعبتي نفسك ؟؟
ريم بنعومه : تعبكم راحه
قعدت بمكانها بهدوء كانت ليلى وساميه يتكلموا وصقر ساكت ما فيش كلام يتكلم فيه بعد مرور وقت وصقر ينكش مخه لعله يلاقي موضوع يتكلم فيه مع ريم واخيرا لمحت بعقله فكره
بصلها وابتسم : ايه رايك يا ريم تجي معايا للبيت تسلمي على جدتك وجدك
بصتلوا ريم ده اللي ناقص اروح انغم وارجع ردت بهدوء : وقت تاني عندي امتحانات وعن اذنكم لازم استأذن عندي امتحان وما كملتش مذاكره
طلعت لغرفتها وعيون صقر تراقبها بحنين
ليلى بغيره : هي مالها كدا مغروره
صقر ابتسم وهو يغيظ ليلى : يحق لها
ليلى عقدت حواجبها : تقصد ايه ؟؟
حط العصير على الطربيره وقف : ولا حاجه انا راجع للبيت عاوزه مني حاجه
وقفت ليلى : انا راجعه معاك
رفع صقر رشاد ومشى قبلها
ساميه : خليك اقعدي شويه
ليلى عدلت نفسها: مره تانيه
وسلمت على ساميه وطلعت
…………………………………………
قررت تروح تقعد مع اخواتها تتعرف عليهم مش حابه تكون بينهم فجوه كبيره هي الكبيره ولازم تتقرب منهم راحت لغرفة سلمى ولينا بهدوء وفتحت الباب بهدوء
سلمى :سيف اطلع برا
لفت سلمي وشها وانصعقت من وجود ريم
ابتسمت ريم ليها : ممكن ادخل ؟؟
سلمى بخجل : اهلا اتفضلي
دخلت ريم وقعدت على طرف السرير
وبصت لسلمى المكسوفه : اخبارك ؟؟
سلمى وهي تفرك ايدها : بخير
ريم ضحكت على سلمى : هههههههه
سلمى باستغراب
ريم : مكسوفه مني ؟؟؟
سلمى نزلت راسها وما ردتش
دخلت لينا الغرفه وبايدها كتاب : سلمى ……وسكتت لما شافت ريم
لفت ريم للينا وابتسمت ………لينا رفعت حاجب باستغراب
ريم بابتسامة : وانت كمان بتتكسفي مني ؟؟
لينا وعلامات الاحراج على وشها : ها لا عادي
سلمى ل لينا : كنتي عاوزه ايه ؟؟
لينا قربت : السؤال ده صعب حلهولي
سلمى مسكت الكتاب وقرأت السؤال وكتبت الاجابه
عقدت حواجبها حست في خطأ بالاجابه
لازم الرقم يكون نفس العدد اللي بعد =
رجعت جربت مره تانيه نفس الغلط
قربت منها ريم واستغلت الفرصه
حتى تتقرب منهم : ممكن اشوفها ؟
سلمى مدت لها الكتاب
مسكت ريم الكتاب وبصت في المسأله وابتسمت كانت سهله حلتها ومدت الكتاب لسلمى
سلمى بدهشه : ازاي حلتيها ؟؟
وضربت جبهتها : ما انتبهت على 5 ههههههه
لينا اخدت الكتاب من سلمى وبصت ل ريم : شكرا
ريم بهدوء : العفو
قاطعهم دخول نادر اللي اتكلم بعصبية : رييييييم
بصتلو ريم وعقدت حواجبها باستغراب
من عصبيته وحست بإعصار دخل عليهم وبهدوء : نعم
نادر بعصبية قرب بضع خطوات بعد دخوله : نعامه ترفسك انا بدور عليك من ساعه وحضرتك هنا؟؟!!
وما عطاهاش فرصه ترد حرك ايده بطريقه علشان تتبعه : تعالي بسرعه
وطلع من الغرفه
اخدت ريم نفس ولنفسها الله يستر ياتري ايه الي وري الاعصار اكيد الغرق
ووقفت وابتسمت لاخواتها بنعومه : اشوفكم بعدين
وطلعت بخطوات هاديه من الغرفه سلمى وقلبها بيدق من عصبية نادر
حطت ايدها على قلبها :شفتي عصبية بابا
لينا : كنت هعملها على روحي من الخوف
ضحكت سلمى على لينا : ههههههه
لينا بجديه : والله عصبية بابا تخوف مستغربه من عصبيته!!! دايما مروق ويضحك معنا بس من لما جات ريم قلب البيت نكد وكل شيء عنده زعيق وصريخ
سلمى : عندك حق النهارده اتأخرت عليه دقيقه الصبح شفتي ازاي زعق
ضحكت لينا : ههه وشفتك وانت بتعيطي ههههه
سلمى : مش متعوده عليه يزعق عليا كدا
وبعدين ما تنسيش قبل ما انزل من العربيه قالي انه مش قصده بس متنرفز من الشغل
لينا راحت للمرايه تشوف نفسها وهي بتلعب بخصله من شعرها : قولي متنرفز من ريم
سلمى:عندك حق بس غريبه تحسيها كدا ما عندهاش احساس يعني كل الزعيق وتضحك وتشرب وتاكل لو انا اقاطع الاكل اسبوع
لينا لفت وشها وبصت ل سلمى : يمكن بتكابر عشان محدش يشمت فيها
سلمى هزت كتفها : يمكن
………………………
كانت ماشيه وراه بهدوء وحاسه بإعصار قدامها ماشي بسرعه
فجأة وقف والتفت لها
وقفت ريم وهي بصاله وبقلبها اللهم سكنهم مساكنهم
كان الشر طالع من عيونه
نادر اخد نفس وقرب منها وريم واقفه على نفس الوضعيه : جهزي نفسك بكره او اللي بعده اخدك على المستشفى فاهمه
بصتلو ريم وحاولت تكتم ضحكتها يصرخ عليها
ومتعصب وحالته حاله وفي الاخر يقول كدا بس ردت بهدوء عكس الحريقه الي حساها : ان شاء الله
بصلها من فوق لتحت وساب المكان
كانت ريم تتبع زوله وراسمه البسمه على شفايفها
لوكانت بنت تانيه كانت بكت من المعامله دي بس هي تبتسم لانها توقعت من نادر ازفت من كدا معامله في نظرها كدا بيعاملها برقي مقارنه طبعا بطفولتها الي قضتها عنده
اخدت ريم نفس ومسحت دمعه متطفله نزلت على ذكرى طفولتها في البيت
وطلعت لغرفتها عندها امور كتيره لازم تنجزها خلال اليومين
……………………………
صالحه : يا عصمت ليه كل القساوه دي البنت في النهايه بنتكم لو طال العمر او قصر
عصمت: صدقيني صعب نتقبلها ..خلاصتوا البنت دي شايله نفس دم عايله سالم وخيري
صالحه : ان كنتي انت ولا بناتي معرفش انكم حقودين للدرجادي!! خلاص الواحد ينسى الماضي ويفتح صفحه جديده
دخلت سها وقعدت : ما اظنش يا امي يبقي فيه صفحات هي في حالها واحنا في حالنا
صالحه : انت اسكتي اعوذ بالله الحقد عندك للدرجادي البنت ماعملتلكيش حاجه انا غسلت ايدي منك انت واختك ليلي عاملين حرب علي البنت وانتم لسه ما قعدتوش معاها
سها لوت بوزها : الكتاب واضح من عنوانه وبعدين ليلى بتقول راحت وشافتها تقول يا ارض اتهدي ما عليك حد قدي مغروره بشكل
صالحه قاطعتها : اسكتي دي ليلى من غيرتها انا عارفها بنتي و حفظاها
عصمت: وعلي ايه هتغير ياحسره ؟؟!! والله ليلى تسواها الف مره ايه الي جاب العشه للثريا
سها : صادقه يا خالتي احنا مالنا بيها صوفها وخروفها وعيني ما تشوفها
ولوت بوزها بقرف
صالحه بصت ل بنتها سها بغيظ:قوليلي خايفه لواحد من عيالك يتجوزها؟؟؟
سها بغضب : الله لايقدر واحد من عيالي ده الناقص وبعدين خالد قال مستحيل يجوزها لواحد من عياله مش عاوز احفاده يشيلوه دم عايله سالم
عصمت: مستحيل اقبل بيها زوجه لواحد من احفادي خلي نادر يجوزها للغريب وانتهي الموضوع!!
صالحه : وليه ينتهي ؟؟ يمكن اخطبها لواحد من احفادي دي دنيا !! البنت اهم حاجه اخلاقها ودينها
سها : ده الناقص عيال اخواتي يخطبوا ريم !!
صالحه بعصبيه خفيه : انت عمرك شفتي البنت وائعدتي معاها ؟؟تعرفيها ؟؟ زورتيها ؟؟ اكيد لا (وبعصبيه ) ازاي تحكمي على البنت قبل ما تشوفيها !! الله لا يقدر نكون من الحاقدين
عصمت تغير الموضوع : خلاص فكونا من سيرتها لاحسن هرجع
قاطعهم دخول ليلى وهي رافعه رشاد اللي بيبكي وهي بتحاول تسكته
سها : ليه ياقلب خالتو بتعيط ؟؟
ليلى وهي تهز فيه : عاوز يروح مع صقر
عصمت : ادهولي يمكن يسكت معاي
اخدته عصمت بحضنها
واتغير مجرى الحديث عن العيال والولاده < كلام حريم مالناش دعوه بيه
………………………………
جناح سلطان
ندي : اليوم ان شاء الله رايحه ازورها يااااه قلبي متشوق اني اشوفها
سلطان ساند على ايد الكنبه : مع اني زعلان منها بس لازم ازورها ما تهونش عليا الجزمه ولا فكرت تزورنا وتسلم علينا
ندي بابتسامة ناعمه : انا كنت ناويه ازورها اول ما جات بس انت الله يسامحك ما خليتنيش ال ايه قاعده تتدلع والمشكلة ولا احنا علي بالها ولا عبرتك
سلطان : عندك حق البت ولا عبرتنا بس مع كدا بحبها
ندي ابتسمت : ما قلتلكش؟؟
عقد حواجبه سلطان وهز راسه بالنفي
ندي : النهارده عبود جاي عندي عاوز يخطب اخت صديقه قال بيحبها
سلطان هز راسه بأسف : هو الولد عامل زي عشاق الحمام كدا ليه
ندي : الحمد لله ريم رفضته والا كنا ظلمناها معاه
سلطان نفخ بضيق لما افتكر ابوه
ندي باستغراب : مالك ؟؟
سلطان بضيق : بابا زعل وعصب مني لاني خطبت ريم لعبود
ندي عقدت حواجبها : وليه اتعصب ؟؟
سلطان : لانه مفيش حد قالو و..
قاطعته ندي : مش انت النيه تقول لنادر وعمي ؟؟!!
سلطان : ايوه بس غيرت رايي خفت اقول لابوي وبعدها يجبر ريم فحبيت بالاول اشوف رايها اذا وافقت اقول لابوي واذا رفضت كل شيء قسمه ونصيب تعرفي ريم ليها مكانه بقلبي ومش عاوز اظلمها
ندي : طيب ليه عمي اتعصب ؟؟
سلطان مسح على شعره : لأنه ((((هنعرف بعدين))))
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية وردة في المزبلة)
