رواية ملاك الاسر الفصل الثالث 3 بقلم مي عبدو
رواية ملاك الاسر الجزء الثالث
رواية ملاك الاسر البارت الثالث
رواية ملاك الاسر الحلقة الثالثة
الجد: ها الاكل جهز
الجدة :ايوآ هنية بت ياهنية حضري السفرة
هنية :حاضر ياستي وحضرت السفرة
وقعدو كلهم عل السفرة ورد ابتسمت بخبث
وبدأو اكل
الجدة :بجد الاكل حلو جدآ تسلم ايدك يا حبيبتي
كريمة :فعلآ مكنتش متوقعة انك تعملي اكل حلو كدا بجد
احمد : تسلم ايدك يا ملاك
ادهم :وبقا عندنا شيف جديد في العيلة
اسر ببرود :اي رأيك يا جدي في اكل مراااتي
الجد: حلو تسلم ايدك
ملاك بفرحة :شكرآ
ورد لنفسها :ازاي الاكل طلع مظبوط كدا انا حاطة ملح في الاكل كتير ازاي نفدتي منها المرة دي يا ملاك بس المرة الجاية لا
فلاش باااك
كريمة : ملاك حطي ملح قليل جدآ
ملاك: ليه يا طنط
كريمة : لان كل اللي هنا بياكلو اكل صحي وبس
عشان عمي وماما فا حتى لو الاكل عايز ملح هما يبقو يحطو فهمتي
ملاك :ايوآ حاضر يا طنط
باااااااك
كريمة :والملح مظبوط بظبط
ملاك لي نفسها :غريبة انا محطتش ملح في الاكل اصلآ بس طلع ملحو مظبوط ممكن تكون طنط كريمة بعد ما انا خرجت من المطبخ
بعد وقت انتهو من الاكل وقعدو كلهم سوا
صفا:الشاي يا هنية
هنية : حاضر هنية جابت الشاي وملاك بتاخد الشاي بتاعها فا الحرق اللي في ايدها بان
اسر شافه ومسك ايدها وخد منها الشاي وحطو عل الطربيزة واتكلم بلهفة وخوف :اي اللي في ايدك دا
مريم :دا حرق
ملاك : ممكن يكون اتحرقت بي الغلط وانا بشوف الاكل عادي يعني
اسر : قولتلك بلاش تدخلي المطبخ شوفي ايدك اتحرقت ازاي
سحر :اسر اهدي
الجدة : مريم هاتي علبة الاسعافات من اوضتي فيها كريم للحروق
مريم :حاضر وقامت
اسر: انا قولتلك متدخليش الزفت لازم تعندي
ملاك :الحرق بسيط جدآ فا مهتمتش
اسر بزعيق : ايوآ فعلآ بسيط شوفي ايدك كدا
دا كله بسيط
ملاك مردتش بس عيطت ومريم جابت الكريم
واسر خدو منها حطو عل ايد ملاك
كريمة: خلاص يا اسر في اي لكل دا كان غصب عنها مش قصدها يعني
اسر لي ملاك : قومي اطلعي عل فوق
مريم : يا اسر سيبها قاعدة معانا
اسر بزعيق : عل فوووق يا ملاك يلااا
ملاك خافت من صوتو طلعت بسرعة
اسر للجد : عجبك كدا
الجد :وانا مالي
اسر: معاك حق وانت مالك ما هي مش مريم او ورد عشان تخاف عليها انا طالع اوضتي وطلع
الجدة :مكنش ينفع تخليها تحضر الغدا دي مهما كان صغيرة اصغر من مريم و ورد ومع ذالك هي محبتش ترد كلمتك
الجد: خلاص خلاص
ورد: جدو حبيبي
الجد :نعم يا ورد
ورد : خلاص متدايقش يا جدو هي هتبقا كويسة خلاص متزعلش
مريم بضيق:عيلة رخمة
___________”_______”_________
ملاك دخلت الاوضة وعيطت وبعد شوية اسر دخل وقعد جنبها
اسر: ملاك خلاص متعيطيش انا خوفت عليكي
لما لقيت ايدك محروقة
ملاك :بس انت زعقتلي قدام الكل تحت
اسر: حقك عليا انا اسف طب اي رأيك اخليكي تكلمي اياد بس انتي متزعليش مني
ملاك بفرحة مسحت دموعها :موافقة طبعآ
اسر: طيب هرن عليه دلوقتي اسر مسك فونو ورن عل اياد اسر :الو عامل اي وصلت
اياد :ايوآ الحمدلله وصلت ملاك عاملة اي
اسر: خد اهي كلمها ملاك خدت الفون
ملاك :اياد حبيبي عامل اي
اياد :الحمدلله يا ملاكي واحشتيني اووي
ملاك :كنت خدتني معاك
اياد :وعد لما ارجع نبقا نسافر سوا اي مكان انتي تختري يا ملاكي
ملاك : طيب خلي بالك من نفسك يا روحي وارجعلي بسرعة
اياد: حاضر يا بنوتي ادي الفون لي اسر يلا
ملاك :خد الفون اهو يا اسر
اسر خدو منها : نعم
اياد: خلي بالك منها يا اسر انا مليش غيرها هي دنيتي كلها
اسر :حاضر خلي بالك انت من نفسك
اياد :حاضر سلام وقفل
اسر :ها زعلانة
ملاك : لا بس متزعقليش بعد كدا
اسر :حاضر تعالي ننزل تحت نقعد معاهم
ملاك:يلا
اسر: اظبطي الطرحة يلا
ملاك :حاضر وظبطت الطرحة ونزلو سوا
واسر قعد ملاك جنبو
الجد : عاملة اي ايدك
ملاك بأبتسامة :الحمدلله بقت احسن شكرآ
الجدة :بكرا حنة هدي و زيد واكيد هنحضر
اسر :انا وادهم عارفين
مريم :طيب عايزة اشتري لبس عشان الحنة
الجدة : كل حاجة جاهزة
مريم : ازاي مش فاهمة
الجدة : صفا في تلت شنط جوا في اوضتي هتيهم بسرعة
صفا :حاضر يا ماما وقامت ودقيقة ورجعت وهي معاها تلت شنط
الجدة :تعالي يا مريم الشنطة دي ليكي ودا اللي هتروحي بي بكرا خدي يا ورد انتي كمان دي
مريم فتحت الشنطة لقت دريس جميل وهادي
مريم و ورد :شكرآ
الجدة : تعالي يا ملاك
ملاك قربت منها : نعم
الجدة :والشنطة دي ليكي
ملاك :شكرآ بس
الجدة : خديها يا ملاك يلا
ملاك بصت لي اسر هز رأسه عل ان موافق ملاك خدت الشنطة: شكرآ وقعدت جنب اسر تاني وبعد ساعات اتعشوا سوا وبعدين كلهم طلعو اوضهم
________^-^______^-^_____^-^_____
ملاك بدلت لبسها وبعدين اسر
ملاك مسكت الشنطة اللي الجدة ادتهلها وطلعت الدريس شافتو
ملاك لنفسها : جميل جدآ
اسر : لو مش عجبك نخرج بكرا سوا اجبلك واحد غيره عادي
ملاك : لا شكرآ شكلو حلو جدآ
اسر : تمام ومسك الاب توب و بدأ يشتغل عليه
ملاك : انت مش هتنام
اسر :لا شوية كدا عندي شغل هعمله نامي انتي
ملاك :اوك تصبح عل خير
اسر :وانتي من اهلي يا ملاكي
ملاك نامت بسرعة وبعد شوية اسر بصلها لقاها نامت وبعدين نام هو كمان بعد ما خلص شغل
________^-^ ______^-^______^-^___
تاني يوم الكل صحي ونزل ملاك صحيت الاول
ملاك قامت خدت دوش ولبست
ملاك : اسر اسر اصحي يلا
اسر فاق: في اي
ملاك : يلا عشان ننزل تحت
اسر طيب وقام خد هدوم ودخل الحمام وبعد وقت خرج وهو جاهز
اسر : يلا ونزلو سوا
الجدة :تعالو يلا افطرو
اسر وملاك قعدو وفطرو معاهم بعد الفطار قامو كلهم سوا يشربو الشاي احمد والجد خرجو
الجدة: يلا اجهزو
الكل قام يجهز واسر بعت ادهم مشوار
_____^-^_____^-^_____^-^______
ملاك لبست الدريس اللي الجدة ادتهولها وحطت ميكاب خفيف جدآ
اسر حس بالغيرة: امسحي الاقرف دا لأنك مش هتخرجي بي برا الاوضة
ملاك :بس مش باين خفيف وشكلو حلو
اسر بعصبية بسيطة : ملااااك كلمة كمان واحلف ما تروحي فا امسحي احسن
ملاك :حاضر يا اسر ومسحتو وسابتو ونزلت وهو نزل وراها
وكانت الجدة وصفا وسحر وكريمة قاعدين
الجدة: مشاء الله زي الاقمر بس انتي مش لابسة زينتك ليه
ملاك بعدم فهد : زينتي يعني اي
كريمة :قصدها دهبك
ملاك : انا مجبتوش معايا عشان مش بلبسو اصلآ لأن مش بحبو انا بحب الفضة اكتر فا عل طول بلبس فضة وتكون حاجات هادية وسيمبل
سحر بهدؤ : بس دلوقتي غير يا ملاك دلوقتي انتي ملاك اسر القناوي وعيلة القناوي معروفة
قطع كلامهم دخول ادهم وهو شايل شنط ومريم و ورد نزلو
ادهم : اسر خد اهم
اسر خدهم وقرب من ملاك وقعدها وقعد جنبها وطلع دهب ولبسو لي ملاك
ملاك : اسر بس انا مش بحب الدهب بجد
اسر : معلش يا حبيبي لما تيجي من الحنة اقلعيهم خالص تمام
ولبس مريم كمان مريم : شكرآ يا اسر
اسر :بس يا هبلة
الجدة : بما ان كلنا جاهزين يلا
كلهم خرجو وركبو العربيات اسر خد ملاك ومريم وسحر والعربية التانية ادهم وكريمة والجدة وصفا و ورد واتحركو وبعد نص ساعة العربيات وقفو والكل نزلو
اسر :مريم خليكي ديمآ مع ملاك هي متعرفش حاجة ولا حد هنا
مريم : متقلقش
اسر: ملاك فونك يبقا في ايدك عشان هرن عليكي كل شوية
ملاك: والله انا مش طفلة
الجدة :يلا ندخل وانت يا اسر انت وادهم سليم واحمد هناك في الناحية التانية عند الرجالة
ودخلو البنات والكل سلم عليهم وقعدو كلهم
منال ام العروسة : هي مين الاقمر دي
الجدة : ملاك مرات اسر
منال : ازاي مش اسر كان هيتجوز ورد
الجدة: كل شيئ نصيب بقا
منال : ايوا صح مبروك لي اسر والكل سلم عل ملاك وعرفو انها مرات اسر
ورد دخلت الحمام عيطت : انا هوريكي يا ملاك اسر ليا انا المفروض انا اللي ابقا مرات اسر مش انتي استني عليا بس ومسحت دموعها وخرجت قعدت جنب صفا تاني
مريم :ملاك تعالي نرسم حنة
ملاك :طيب والحنانة جت قعدت جنبهم ورسمت لي ملاك عل ايدها
مريم : لو سمحت اكتبي اسم اسر عل ايدها
ملاك : ها لا لا مش مهم
مريم : بس انتي وفعلآ كتبت اسم اسر عل ايدها ومريم رسمت حنة
الجدة : ورد ارسمي زيهم يا بنتي
ورد رسمت زيهم و خلت الحنانة تكتب حرفA
من غير ما حد ما ينتبه معاها
منال : مشاء الله عليكي اسر عرف يختار
ملاك بخجل : شكرآ لحضرتك
بعد ساعة كانت الحنة نشفت وغسلو ايدهم
مريم : ملاك تعالي معانا
ملاك : فين
مريم : هنرقص
ملاك :لا
مريم : يلا بقا وبعدين اقلعي الطرحة دي احنا هنا كلنا بنات بس
ملاك : تمام وقلعت الطرحة والكل بص لي شعرها الطويل بنبهار من طوله وتقله وهي مخدتش بالها ومريم شدتها وقامت رقصت مع البنات واندمجو سوا وقعدو يهزرو ويضحكو اكنهم عارفين بعض من زمان
سحر : ملاااك ملاك تعالي
ملاك :حاضر يا طنط بعد اذنكم يا قمامير ومشيت من جنبهم وراحت عند سحر
ملاك :نعم يا طنط
سحر :تعالي فونك مبطلش رن من لما قومتي فا قفلتو
ملاك :فين فوني
سحر:خدي اهو
ملاك : طيب وخدت الفون وفتحتو لاقت اسر رن كتير
ملاك : اسر فونها رن
ملاك :مريم عايزة ارد عل اسر وهنا دوشة
مريم :طب تعالي هناك كدا ملاك وقفت والطرحة وقعت من عل شعرها
ملاك: الو يا اسر
اسر :رنيت عليكي كتير مبترديش لا وكمان قفلتي الفون ماشي يا ملاك
ملاك : مخدتش بالي من الفون كان مع طنط سحر والله
اسر :انا قولتلك اي خلي فونك في ايدك لينا كلام تاني لما نروح وقفل
مريم: ها قالك اي
ملاك : قالي لينا كلام تاني لما نروح وقفل في وشي من غير سلام حتى
مريم : هيكون نسي تعالي يلا
ملاك لفت وكان في شخص واقف
ملاك ومريم اتخضو وملاك كانت هتقع بس مسك ايدها بسرعة وشدها قبل ما تقع ملاك بعدت عنه بسرعة ودخلت
مريم :انت مين وازاي تدخل هنا
منال جت: في اي يا مريم
مريم :مين دا وويدخل هنا ليه
منال : دا ياسين ابني وداخل عشان ياخد الصواني الاكل لي الرجالة يا بنتي في حاجة وبعدين هو مدخلش دا هو واقف هنا ومعتبش مكان اللي في الحريم
مريم بضيق :طيب ودخلت وسابتهم
منال : خد يا بني خرج دول يلا
ياسين :حاضر وخرج
مريم لي ملاك : خلاص اهدي
ملاك بصوت واطي :انا خرجت من غير الطرحة مخدتش بالي اني مش لابساها
الجدة :انتو بتقولو اي
مريم : بتقول ان الحنة جميلة
كريمة : في اي مالكم
مريم : مفيش يا مرات عمي
كريمة :قولو في اي متخافوش
ملاك : لما قومت قعدت هناك مع البنات نسيت الفون هنا واسر رن كتير ومامتو قفلت الفون فا خرجت اكلمو واحنا راجعين لقيت واحد واقف في وشي ومكنتش لابسة طرحة شكلها وقعت من عل شعري وانا مخدتش بالي
كريمة :طيب خلاص اكيد يعني اسر مش هيزعقلك
ملاك: ماشي يا طنط
كريمة : اي طنط دي
ملاك :ممكن اقولك ماما بس لو هتدايقي بلاش
كريمة بحنيه :هدايق اي بس يا هبلة انتي وبعدين ماما احسن من طنط دي مليون مرة
ملاك حضنتها
مريم بمرح:خدوووني معاكم
كريمة حضنت الاتنين بحب كل دا تحت نظر ورد اللي قاعدة جنب صفا والجدة
ورد لنفسها :افرحي اوووي دلوقتي يا ملااك وابتسمت بسخرية وقامت من مكانها .بعد ساعات فون الجدة رن
الجدة :الو يا ابني
احمد: يلا اخرجو احنا برا
الجدة :ماشي سلااام يلا عشان هنمشي
منااال: خليكم شوية
الجدة: بكرا ان شاء الله نيجي في الفرح
منال :نورتو والله
الجدة :البيت منور بي ناسه يلا يا بنات وخرجو
اسر كان واقف مش طايق نفسه ادهم جنبه
واحمد والجد معاهم
الجد :يلا اركبو الجدة والجد وسحر واحمد في عربية احمد ملاك ومريم واسر في عربية
ادهم وصفا و ورد وكريمة في عربية
واتحركو عل قصر الاقناوي
_________^-^______^-^____^-^_____
في عربية اسر كان بيسوق وملاك ومريم قاعدين وراه ومكنش بيتكلم وملاك ومريم سكتو لأنهم شافو متعصب
___________^-^___^-^___^-^_______
في مكان اول مرة نروحو
اياد:كله تمام يا فندم متقلقش
..: متخليش حد يعرف يمسك عليك حاجة وخلي بالك من نفسك كويس ومن دلوقتي انت مراد رئيس عصابة وبس
اياد:تمام يا فندم بعد اذنك لازم ابقا هناك دلوقتي عشان محدش ياخد بالو ويشك
..: اتفضل انت ربنا معاك خرج اياد من المطعم اللي كان قاعد فيه هو والشخص دا وبعدين ركب عربية وبعد وقت وقف ثدام اوتيل كبير ودخل الاوتيل
_______^-^_____^-^_____^-^______
بعد نص ساعة وصلو وكلهم نزلو وقعدو
اسر: يلا يا ملاك نطلع
الجدة :مش لما تتعشو الاول يا بني
اسر: لا يلا يا ملااااك
ملاك قامت وطلعو فوق سوا واسر قعد عل الكنبة بكل هدؤ وملاك رايحة تاخد هدوم عشان تاخد دش وتبدل هدومها
ملاك : مالك شكلك متعصب
اسر قام وراح عندها ملاك خافت
اسر :رنيت عليكي كتير وقولتلك فونك يبقا في ايدك صح ولا لا
ملاك : صح بس والله انا سيبت الفون مع طنط سحر ومريم خدتني اقعد مع البنات ولما رجعت فتحت الفون لقيتك رانن كتير بس
اسر كسر المراية اللي جنبو :ولما انتي كنتي قاعدة مع البنات اي اللي خرجك برا ومسك فون فتحو حطو قدامها ومسك دراعها:اي دا هاووووو
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية ملاك الاسر)
❤️❤️
🤍🤍
🫶🏻🫶🏻
🤍❤️
🧡🫶🏻