رواية بنات السعد الفصل السادس والثلاثون 36 بقلم نورهان ثروت
رواية بنات السعد الجزء السادس والثلاثون
رواية بنات السعد البارت السادس والثلاثون
رواية بنات السعد الحلقة السادسة والعشرون
اؤما فارس بتفهم ثم اقترب من السعد وقال بجديه:عمي كنت عايز اقول لحضرتك حاجه انا عملت اللي قولتله لحضرتك وسمر وافقت الحمدلله انا وحضرتك اتفاقنا على كل حاجه انا طلب من حضرتك ان خطوبتي تكون على يوم التلاتاء
نظرت له سمر وقالت بصدمه:انهي تلاتاء اوعى تقول التلاتاء دا
نظر لها فارس وقال:التلاتاء دا فيها اي يعني
نظرلهم السعد وقال بهدوء مزيف:ها كمل واي كمان اعتبرني اختها واقفه ثم قال بغضب بس انتم الاتنين وانت تلاتاء اي احنا انهارده السبت تالت ايام هنلقي انهي قاعه موجوده ولا هتلحق هي تحجز فستان ولا تكلم الكوافير امتي ولا هتعمل اي بظبط
نظر له فارس وقال برجاء:ياعمي انا هحل كل دا القاعه انا هعرف احجزها وسمر يوم تنزل تشوف الكوافير ويوم لفستان ولو عايزني اجي معاها ونلف بالعربيه لحد ما تلقي الفستان اللي هي عايزه انا معنديش مشكله
تنهد السعد بتعب وقال:انا تعبت منكم بس ماشي انا موافق عشان يكون فى حاجه رسميه بينكم بس الاهام هنا رايك ياسمر موافقه ماشي مش موافقه هنطرد فارس من الفرحه دلوقتي
ابتسمت سمر ثم عانقته والدها وقالت بحب:انا بحبك اووي يابابا انا رايك هو اهام حاجه عندي اهام من رايي ومن الدنيا كلها لو انت موافق انا موافقه
ربت السعد على راسها وقال بحنان:ربنا يديمك ليا يابنتي واشوفك اجمل عروسه فى الدنيا
ابتسم فارس وقال بامتنان:شكر ياعمي بجد انا مش عارف اقولك اي حضرتك ساعدتني كتير اووي انا باذن الله بكره على المغرب هجيب ابويا وامي يقاعدوا مع سمر انا اصلا صدعتهم من كتر كلامي عنها وعن اخلاقها
ابتسم السعد وقال بحنان:انت بقيت ابني مفيش بينا شكر واهلك ينور ياحبيبي فى اي وقت
نظر له فارس وقال بحب:ربنا يديمك ليا ياعمي ثم قال بقلق بس في حاجه انا عايز اقولها ليكم
نظرت له سمر وقالت بخوف:في اي قلقتني ناوي تعمل الفرح بكره ولا اي
ابتسم فارس وقال بجديه:والله لو اقدر هعمل كده المهم سمر مينفعش تقول لحد فى الاكاديميه انها مخطوبه وانا حتي هعازم ناس قريبه مني جدا وهكون ماكد عليهم انهم ميقولوش لحد على سمر ودا عشان سمر لسه فى الاكاديميه وممنوع تتجوز او تتخطب طول ما هي لسه فى الاكاديميه
اؤما له السعد بتفهم وقال:تمام ربنا معاكم فارس خد بالك من سمر انا وافقت انها ترجع الاكاديميه وتعمل اللي هي عايزه عشان عارف انك هتحميها لو حصلها حاجه تاني انسى انك تروحي الاكاديميه
ابتسمت سمر وقالت بحب:متقلقش عليا يابابا انا قرده انا هروح لاخواتي
ينظر هشام لساندي وهو يقول بحب:مش قادر اصدق ان انتي بقيتي مراتي خلاص عارفه قبل ما شوفك كنت صعب اووي مش عايز اتعامل مع الناس ولو هتعامل مع حد هتخانق ديما متعصب ومش طايق نفسي ومكنتش بخاف لحد ما ظهرتي انتي عارفه لما شوفتك فى الخناقه لي اول مره اخاف كده خوفت يعملك حاجه خوفت يكون حصلك حاجه فهمت ساعتها انك هتكوني حاجه كبيره عندي من هنا اتغيرت بقيت بدل منا عصبي ديما بقيت ديما برخم عليكي واستفزك شكلك بيبقي حلو اووي وانتي متعصبه كده تعالي نتكلم جد انا بحبك اووي قولتها ليكي كتير وهفضل اقولها كل ثانيه بتمر علينا مع بعض
ابتسمت ساندي وقالت بغيظ مزيف:اه دا انت كنت مطلع عيني ولسه والله مطلعه عيني هشام انا بحبك معرفش ازاي حبيتك بس اول ما شوفتك حسيت بحاجات غريبه بفكر فيك كتير بتكسف كل ما متكلمني وببقي عايزه تتكلم كتير معايا بتوحشني انا هنا ساعتها قولت اي جو الافلام دا انا مش عايزه احب حد وخصوص لو كان عصبي زيك كده اي متبصش كده مانت كنت عصبي اوووي كنت حرفيا لو شوفت حد معدي من قدامك هتقوم تتخانق معه من غير سبب كنت مجنون وانا بقيت مجنونه معاك
عانقها هشام وقال بحب :انا بمو*ت في المجنونه بصي اي رايك اكلم عمي نعمل الفرح فى اجازه نص السنه
نفت ساندي وقالت بهدوء:لا لسه فى حاجات كتير هنزل اشتريها غير ان انا عايزه لما اتجوز اكون اتخرجت عشان كده خلينا بعد الفاينل اكون جبت كل حاجه وكمان خلصت من الدراسه
نظر لها هشام وقال :خلاص ماشي انا موافق الوقت اللي يريحك هنعمل فيه الفرح
تنظر سليا لساندي وقالت بفرحه:ساندي شكلها زي القمر و
قطع حديثها يحيي وهو يقول :والله مافي قمر غيرك كنتي مخبيه الجمال دا كله فين
ابتسمت سليا وقالت بخجل:شكر انت كمان شكلك حلو اوووي
نظر لها يحيي وقال بحب:عارفه رغم اني كنت همو*ت واكتب الكتاب انهارده بس ملناش نصيب سليا انا بحبك معرفش ازاي حبيتك كده وانا كنت ناوي اقفل على قلبي بس انتي جيتي غيرتي كل حاجه حياتي كلها اتغيرت وبقي ليها طعم على ايدك انا بوعدك اني هخليكي اسعد انسانه فى الدنيا وعمر ما حبي ليكي هيقل هفضل سندك لحد اخر لحظه فى العمر
نظرت له سليا وقالت بحب:انا تقريب مقولتهاش ليك يحيي انا بحبك اوووي حبيت حنيتك وشخصيتك القويه حبيت كل خاجه فيك واهام حاجه صبرك عليا فى المصيب وعد اني هفضل معاك لاخر العمر واخليك اسعد واحد فى الدنيا وهخد بالي من اليس كانها بنتي
ابتسم يحيي وقال بحب :انا بحبك هفضل اقولها ليكي كل شويه لحد ما تزهقي مني ربنا يديمك ليا يااجمل هديه من ربنا ثم قال بجديه بصي انا كمان يومين تالته كده هكلموا ونحدد الفرحه هيكون امتي ونبداء نجهز البيت ونظبط دنيتنا فاهمه
اؤمات له سليا بنعم وقال:اه فاهمه انا موافقه باذن الله ربنا يكملها لينا على خير
امسك يحيي يدها وقال :يلا ياحبيبتي نروح نقاعد شويه
…………….
يوم الثلاثاء تجلس سمر وهي تتحدث مع فتاه امامها وتقول:انا عايزه ميك اب هادي وبسيط
اؤمات لها الفتاه وقالت بهدوء:عيوني انتي اصلا عروسه قمر
جلست سليا بجانبها وقالت :قمر واجمل من القمر كمان
ابتسمت سمر وقالت بحب:ربنا يديمك ليا ياسليا طلع عينك معايا فى اليومين دول
جلست ساندي بجانب سليا وقالت بتعب:اه يالهوي متفكرنيش باليومين دول انا لحد دلوقتي مش فاهمه ازاي عملنا كل دا فى اليومين دول بس نصيبك يابت ربنا سهل ليكي كل حاجه الحمدلله
اؤمات سليا بتاكيد على حديث ساندي وقالت:عندها حق وفارس كمان ساعد كتيرر طلع بيحبك اووي يابت ياسمر ربنا يديمكم لبعض
دق باب الغرفه دخلت والدتها الغرفه وهي تقول بفرحه:مش قادره اصدق انكم كبرتوا وكلكم اتخطبتوا مبسوطه اووي ربنا يكمل فرحتكم دي على خير ثم نظرت لسمر وقالت مكنتش اتخيل انك هتتخطبي بالسرعه دي قولت اكتر واحده هطلع عيني فيهم هي سمر
نظرت لها سمر وقالت بجديه مزيفه :صح انتي عندك حق انا هلغي الموضوع دا انا هفضل جنبك اصلا لو كلنا اتحوزنا مين هيرخم عليكم
دخل والدها الغرفه وقال بمرح:لا لا امشي ياست احنا مش عايزين حد يقاعد معانا ثم نظر لاحلام وقالت اسكتي دول شويه مجانين ما هيصدقوا
ابتسمت سمر على حديث والدها وقالت:كان نفسي اعمل كده بس فارس هيقت*لني دا مجنون
نظر لها السعد وقال :صراحه عندك حق المهم خلصي بسرعه الخطوبه هتبداء كمان ساعه ونص مش فاهم فارس ليه حجزها الصبح كده دا مفيش وقت نهايي
نظرت له سمر وقالت بهدوء:يابابا دا كويس ان كان فى قاعه اصلا انا فضلت مستنيه فارس يقول ان مفيش قاعات ونلغي الخطوبه دلوقتي لان مستحيل نلقي قاعه فى الوقت الضيق دا بس الحمدلله انه عرف يلقي
نظرت لها ساندي وقالت:يلا مش عايزين نضيع وقت انتي لسه هتتصوري انجزي
…………
يجلس فارس بجانب والده نظر له والده وقال :الحمدلله ان اخيرا شوفتك عريس مع اللي قلبك اختارها
ابتسم فارس وقال بحب:الحمدلله ادعيلي يابابا انا لحد دلوقتي مش مصدق اني اخدت الخطوه دي بس سمر تستاهل انا لو لفيت الدنيا كلها مستحيل القي بنت زي سمر
نظرت له والدته وقالت بفرحه:الحمدلله ان شوفت اليوم دا ربنا يفرح قلبك يارب رسمر فعلا بنت حلال ربنا يديمكم لبعض ويحفظكم من العين انت خلصت لبس ولا لسه ياحبيبي
اؤما لها فارس بنعم وقال:اه خلصت لبس هروح دلوقتي عشان اخد سمر من عند بيتها وبعدها نتصور ونيجي على القاعه يلا سلام ادعولي اليوم دا يعدي على خير انا قلبي بيقولوا في حاجه هتحصل مخليني قلقان
نظر له والده وقال بهدوء:دا بس من التوتر تفائل خير واقرأ اية الكرسي وسيبها على ربنا باذن الله هيكون يوم حلو
…………..
سمر تنظر لملامحها فى المرآة بصدمه وتقول :الله دي انا ازاي بجد مش عارفه اقولك اي تسلم ايدك بجد
نظرت لها ساندي وقالت:بسم الله ماشاء الله اللهم بارك اي القمر دا
نظرت لها سليا وقالت بمرح:مين هتخطف قلب فارس بجمالها دا
نظرت لها سمر وقالت بغرور مريف:انا خطفته من زمان
قهقهة ساندي على حديثهم وقالت :اسكتي بس انتي وهي ثم نظرت لفتاه وقالت بعد اذنك اعملها الخمار خلاص مفيش وقت كلها دقائق وفارس هيجي يلا
…………………………….
بعد مرور ساعه تنظر سمر لفارس وقالت بحزن:فارس مالك ساكت ليه انت من اول ما شوفتني وانت ساكت في اي
نظر لها فارس وقال بشرود:مش عارف انا كنت مخطط هقول اي لما اشوفك وهعمل اي وتخيلت اني هعيط بس لما شوفتك نسيت كل دا مش لقي ولا كلمه توصف مشاعري ليكي نفسي اخدك ونهرب من هنا انا خايف اووي تاني مره اخاف بسببك خايفه تحصل حاجه تبوظ اليوم سمر انا متخيلتش ان ممكن احب حد كده انتي مش بس حبيبتي انتي بقيتي كل دنيتي النفس اللي بتنفسه ممكن تشوفيني اوفر بس والله العظيم ما اوفر سمر فى حاجه عايزه اقولها ليكي من اول ما شوفتك انهادره انتي احله مما تخيلت ومش بس انهارده ولا امبارح انتي حلوه اووي من اول مره شوفتك فيها خطفتي قلبي وعقلي انا شوفت حاجات كتير فى حياتي وحشه ومحدش يتخيلها وكنت فقدت الامل ان حياتي تتعدل لحد ما جيتي انتي مكنتش متخيل ان عوض ربنا جميل اووي كده انتي بجد عوض ربنا ليا النجمه اللي ربنا بعتها ليا تنور دنيتي الضلمه لسه فى كلام كتير اووي فى قلبي كلام ومشاعر مستحيل تخلص عارفه نفسي اعمل اي دلوقتي اووي
سقطت دموع سمر من الفرحه تشعر ان كل دا حلم ان فارس مستحيل يحبها بشكل دا وان هي فقدت الامل متخيلتش ان ربنا هيستجيب ليها وفارس هيحبها نظرت له وقالت بحب:نفسك في اي
مسح فارس دموعها وقال بحنان:بس بس ياعبيطه بتعيطي ليه امسحي دموعك دي الناس بتبص علينا مش عايز حد يشوف دموعك ابدا ثم قال بمرح ثم ان الناس تقول العريس مخليها تعيط من دلوقتي هتخلي الناس تفتكرني اي دلوقتي
قهقهة سمر على حديثه مسحت دموعها واخذت نفس وقالت بعدم تصديق:مش مصدقه يافارس اللي بيحصل انت كنت الدعوه الوحيده اللي بدعيها ديما ربنا استجاب ليا بعد كميه العياط والدعاء دي الف حمد وشكر لله انا بحبك اووي يافارس مش من اول يوم شوفتك بتاع الكمين انا اعرفك من قبلها بكتيرر اووي حبيتك من طرف واحد وقولت انسي يابت انه حتي هيشوفك هيشوفك فين اول يوم شوفتك فيه مكنتش مصدقه ان انا اللي اعمل كده اللي هو اتخانق وكده انا فى المواضيع دي هتلقيني ساكته ومش عارفه اتكلم بس لما دا حصل قولت خلاص حتي لو كان فى امل كده باظت حسه اني فى حلم حلم جميل اووي مرعوبه انه يكون حلم بقي واصاح القي انك لسه مش طايقني وبتعاملني وحش
ابتسم فارس وقال بحب:انا بحبك جدا وعمري ما كنت مش طايقك انا بس كنت بعمل كده عشان اهرب من المشاعر دي لان مكنتش عايز احب ولا ادخل فى الجو دا تاني بس انتي خلتيني غرقت فى الحب تنهد ثم قال بمرح برده مسالتنيش انا نفسي اعمل اي دلوقتي
نظرت له سمر وقالت بفضول:عايز تعمل اي
امسك فارس يدها وقال بجديه:نفسي اووي اخدك واهرب من وسط الناس دي ياريت كان انهارده الفرح بس هانت تتخرجي تاني يوم تخرج هيكون الفرح و
قطع حديثه سليا وهي تقول بهدوء:انتم الاتنين قاعدين هنا زي المعازيم قومي ياسمر خلينا نرقص دا الفرح فرحك ياعروسه
نظر لها فارس وقال بغضب:رقص اي مفيش رقص احنا ممكن نقف معاكي وسمر اخرها تسقف
نظرت له سمر وقالت بغيظ:طبعا ومالوا اللي انت عايزوا ثم قالت بهمس يلا يابت ننزل نرقص هو مش هيعرف يعمل حاجه وسط الناس وربنا يستر بعدين
نهضت سمر وهي تقول بخبث :فارس هروح اقف معاهم هسقف بس
اؤما لها فارس ثم نظر حواله بقلق اقتربت فتاه منقبة من سمر وقالت بصوت خشن شويه :سلام عليكم مبروك ياعروسه فى حد بره بعت ليكي البوكيه دا وبيقولي اقولك الف مبروك والكارت اللي في البوكيه دا اقرأ مع عريسك
امسكت سمر الورد وقالت بهدوء:الله يبارك فيكي شكر حاضر
جلست سمر بجانب فارس نظر لها فارس وقال بستغرب:في اي انتي لسه نازله رجعتي ليه واي البوكيه دا
وضعت سمر الورد بجانبها وقالت بهدوء:ست منقبه صوتها خشن وغريب عليا لقتها جت ليا وسط البنات وقالت ان حد قالها توصل البوكيه دا ليا وان الكارت اللي فى البوكيه دا لينا احنا الاتنين
امسك فارس الكارت وقرأ بصوت مرتفع قليل مبروك ليكم كنت عايز اقول حاجه لفارس بتدور عليا وانا حواليك فى كل مكان مستحيل تعرف توصلي حلوة عروستك ابقي خلي يهدي ويعرف هو بيتعامل مع مين خد بالك منها يافارس اصلا الدنيا مش امان دلوقتي
(فاعل خير)
نظر لها فارس وقال بهدوء:شكلنا هنطلع مهمه مع بعض قريب اووي
تمت…
لقراءة الرواية كاملة اضغط على : (رواية بنات السعد)
