رواية عشق الأغا الفصل الأول 1 بقلم صابرين علاء
رواية عشق الأغا الجزء الأول
رواية عشق الأغا البارت الأول
رواية عشق الأغا الحلقة الأولى
في عماره عالنيل عاليه جدا كان رجل الاعمال الشهير ساهر الاغا صاحب اكبر شركات ازياء ف مصر والوطن العربي والشرق الاوسط واقف بغرور وبيمد ايده للحارس بتاعه وياخد منه رزم فلوس ويرميها من العماره
الحارس كان باصص على المنظر وهيتجنن من تصرفات ساهر بيه
ساهر مد ايده ليه
راح الحارس قال خلاص يافندم
الشنطه خلصت
ساهر قال انا كنت جايب 50 رزمه اللي مسكتهم دلوقتي كانو
49 بس فين اخر رزمه؟؟؟
الحارس معرفش يافندم انا فتحت الشنطه لحضرتك وانت اخدت كل الفلوس
ساهر لف وف اقل من ثانيه عمل حركه كان واخد الفلوس من جاكت
الحارس
الراجل ارتبك جدا وقاله انا
انا
ساهر قاله انت مرفود وتحمد ربنا انها جت عالرفد وبس
ولبس نضارته وراح عالاسانسير ركب فيه هو ورجالته ومشي
ثواني وخرج من العماره
الامن اتكلمو مع بعض عنه وقالو
كل شهر يجي ومعاه خمسين رزمه
يرميهم من فوق السطح ورزق اللي ياخد بقا انا مش عارف هو عليه ندر ولا ايه دا كل شهر بيجي يعمل كدا
الامن التاني ياسيدي وانت مالك واحد وربنا مديله مال خليه يصرف منه زي ماهو عايز مالناش دعوه
ركب ساهر عربيته ومشي بيها شويه
وفجأه
لقى بنت وقفت ف وشه
قالتله اظنت ايه اعمى مش شايف
معاك عربيه سته متر ومش شايف خلاص
نزل ساهر من عربيته بنضارته الشمس الغاليه جدا مسك ساعته ولفها بحركه جذابه تدوب اي بنت تشوفه
قفل عربيته
وقرب من البنت وقال
انتي اللي وقفتي قدام عربيتي
تقصدي ايه بالحركه دي عالفكرا
انا كان ممكن مهتمش ابدا وادوسك
بمنتهى البرود ومش هاخد فيكي ساعه سجن
الهام قالت اممم ماهو اللي زيكم
مش بيعملو حاجه ف حياتهم الا انهم يدوسو على خلق الله بس سيبك مني مش مهم انا. بص
ورفعت اديها ليه ومعاها قطه صغيره لسه وليده وقالتله
كان بس سنتي واحد وكنت هتاخد روحها وبردو مش هتاخد ساعه
سجن بس كان هيبقى حسابك عند ربنا عسييير
اللي عملته دا يا استاذ ان دل على شئ يدل على الاستهتار والتسيب وانعدام الضمير
قالها انتي بتقولي ايه يابت انتي انتي عارفه بتكلمي مين.
قالتله هاكون بكلم مين يعني
مين ماكنت تكون طظ فيك وف فلوسك وطلعت لسانها
وبعدها خدت القطه ف حضنها وقالتلها معلش ياحببتي انا هاخدك معايا انا اقدر احميكي منه،،مش هيقدر يعملك حاجه حكم هم الناس الاغنيه كدا متخلفين
قالتها وجريت
ساهر عقد حواجبه ومسح ايده على شعره الناعم وقال،،،
اي دة، مجنونه دي ولا ايه
توقفني انا ف الطريق علشان قطه
ركب عربيته من جديد واستعد علشان يروح شركته ولما وصل هناك،
الشركه كلها بقت على رجل واحده،
الكل عمال يجري ويروح ويجي
علشان يجهزو الشغل ويبقى على اكمل وجه قدام ساهر بيه الاغا
دخلت الهام ومعاها ملف شغلها ال C.V الخاص بيها،
لقت واحد معاه ورق كتيير جدا
قالتله لو سمحت، انا المفروض عندي انتر فيو النهارده،اقدر اعرف من فضلك فين مكتب المدير
الموظف قال، نصيحه روحي وتعالي بكرا، مستر ساهر جاي النهارده
بلاش منها المقابله دي احسنلك
الهام قالت، ليه يعني هو المدير
بتاعكم دا بيعض ولا ايه،
الموظف مردش ومشي،
جت واحده وقالت لها، انتي مين
الهام، انا جايه اقدم على وظيفن وعندي النهاردة الانترفيو
الموظفه، بعدين بعدين،، تعالي معايا دلوقتي،
الموظفه خدت الهام معاها على غرفه كبيره كدا.، كان باين على شكلها انها قاعه المؤتمرات الخاصه بالشركه
الهام سألتها، اي دا،هو حضرتك جايباني هنا ليه،
الست مهتمتش لكلام الهام،
وكانت ماسكه مازوره ف اديها وعماله تقيس ف جسمها
وتقول تمام. تمام الجسم كيرلي
والطول متوسط تمام.
بتعرفي تلبسي كعب يا انسه،
الهام قالت،، لا وبصراحه عمري ماحاولت انا صحيح قصيره بي انا انسانه متصالحه مع نفسي جدا وبحب كل حاجه فيا
الموظفه قالت. لا لا مش، هينفع لازم تلبسي كعب علشان الفستان يتظبط، ياروكا. تعالي بسرعه خديها اوضه اللبس مستر ساهر زمانه وصل
الهام قالت استني بس حضرتك مين وبتعملي ايه انا مش فاهمه حاجه. ،
الموظفه انا مدام شاهيناز جبار
وانا مصممه ازياء ف الشركه هنا
وانتي دلوقتي هتدخلي تقيسي فستان ضروري جدا مستر ساهر يشوفه لانه رايح كادو لحد ف باريس،
يلا روحي
الهام قالت هو ايه اللي روحي انتي شايفاني عديمه الشخصيه انا مش موافقه بحاجه زي كدا
شاهي،مش بمزاجك خدوها،
الهام لقت نفسها بتتشد وتروح معاهم
ولبسوها بسرعه جدا وكانت جاهزه بفسان فرح ولا احلى
الفستان كان مفتوح من عند الصدر
وفيه رباط من الظهر،
الماكير فرد شعرها عليه فكانت زي الاميرات، وقصير من الامام وطويل من الخلف، بحيث انه يدي شكل جميل وجذاب،
الماكير خلص وقالها، اتفضلي يا انسه مستر ساهر برا
الهام جت تخرج وقفتها بنت قالتلها
استني، نسيتي الجذمه
وحطتلها الجذمه تحت رجلها ولبستها الهام وطلعت وسط الكل بالفستان
الابيض وشعرها الاسود الطويل الناعم المفرود على ظهرها،
كانت شبه الملكات او اجمل كمان
ساهر بص عليها بصه من غير قصد وبعدين رجع بصلها تاني بدقه
كانت ماشيه الهام وسطيهم خجوله جدا وخطواتها بسيطه مش، اغراء او استعراض لأ دا لأنها خجوله جدا من نظراتهم ليها
شاهي بدأت تتكلم وتوصف ف التصميم،
ودا التصميم اللي انا صممته ف الفتره الاخيره دي مستر ساهر، انا حبيت انزل فيه تاتشات من كل العالم
من فاشون اوروبا، فاشون باريس
كانت عماله تتكلم ولا حد منتبه ليها اصلا، الكل مركز على الهام
الملاك التي ابهرت وسحرت الجميع
وصلت عند ساهر وهوب الجزمه اتلوت ساهر فتح دراعه وفجأه بقت ف حضنه،
التقت عنيهم ف عنين بعض ف نظره طويله قطعها صوت شاهي، قالت
اي دا يا متخلفه انتي حد يقع كدة بالطريقه دي كنتي هتقكعي الفستان، قصدي دايقتي مستر ساهر
ساهر، سبيها، اي بنت تتمنى تبقى ف حضن الاغا.
الهام قالت ،ها واحد مغرور ومتعجرف ايه الثقه اللي انت فيها دي وايه اللي جابك هنا اصلا انت ايه ورايا ف كل حته،
شاهيناز جزت عى سنانها يخربيتك ايه اللي عملتيه دا
صمت عم المكان بأكمله، وساهر الاغا مازال ف صدمته من اللي قالتله الهام،
شاهيناز، يخربيتك انتي عملتي ايه،
ساهر قام وقف مره واحده والهام وقعت، وقال، اطلعو برا
الهام جت تمشي قالها، لا انتي استني عايزك،
ساهر قرر يعاقبها على جرئتها معاه
قالها، انتي جايه هنا ليه، انتي موديل
الهام انا جايه اقدم على وظيفه ف
قسم الدعايه والاعلام ف الشركه
وكان معاد الانتر فيو الخاص بيا النهارده
ساهر، مع مين الانتر فيو دا؟؟
الهام، مع المدير التنفيذي،
ساهر قالها، وريني ال C. V الخاص بيكي
الهام قالت، هو برا عند السكرتيره
ساهر رفع سماعه التلفون الخاص بالمكتب وقال ابعتيلي ال Cv الخاص بالموظفه الجديده،
ثواني والسكرتيره دخلت وقدمت ال CV خرجت بسرعه،
ساهر مسك الملف وبكل برود قطعه وقال،
عندنا وظيفه واحده بس هي اللي متاحه
سكرتيره خاصه ل مكتب ساهر الاغا
الهام اتعصبت منه جدا وهو بيقطع شهداتها وورقها الخاص بيها لكن قدرت تتحكم ف غضبها،
قالتله، وانا موافقه يا ساهر بيه،
ساهر قالها هتكوني معايا ف كل مكان زي ضلي اجتماعات حفلات ندوات واحتمال
اطلبك بليل وتصحي من عز نومك وتجيلي البيت، اوقات بيكون في ورق مهم لازن يتمضي
دا اولا اما ثانيا انا اتغاضيت عن غلطك قدام الموظفين النهارده بمزاجي
لكن اي غلط منك ف حقي تاني هيكون عقابك عسيييير
الهام خافت جدا من كلام ساهر معاها
قالتله، بس انا معرفش اشتغل سكرتيره، انا مؤهلاتي تسمحلي اني اشتغل ف قسم الدعايه والاعلام
سبني اشتغل الحاجه اللي اقدر افيدك فيها لو سمحت،
ساهر قالها، مش انتي اللي هاتقوليلي اعمل ايه ومعملش ايه
يالا روحي غيري لبسك دا علشان نبدأ شغل من دلوقتي ولا اقولك تعالي معايا كدا،
الهام فتحت بؤها وعنيها من صدمت اللي قال،
ساهر، ايه هتصوريني ولا ايه،
وقام من مكتبه، ورمى ف وشها ملفات وقالها ورايا
الهام قالت، طب طب استنى
بقت عماله تجري وراه زي العيله الصغيره
يا ساهر بيه ياساهر باشا
ياساهر افندي
يانهار اسود انا كان ايه اللي جابني هنا
دا ايه المدير المجنون دا،
وفجأه وقفت ف وشه،
ياساهر بيه مينفعش امشي مع حضراك بالمنظر دا الناس هتقول علينا ايه،
معلش خليني اغير الفستان دا،
بدال ما يقولو علينا كلام ميصحش
ساهر،امم طلعتي بتخافي من كلام الناس كمان،
الهام، مش بالظبط، بس يعني لو شافوني معاك ف اي مكان كدا هايقولو
ايه.
ساهر مهتمش بكل الموظفين اللي موجودين حواليه ف الشركه
وقرب منها وقالها لو عايزه تشتغلي ف إمبراطورية ساهر الاغا يبقى لازم ترمي كلام الناس تحت رجليكي وتدوسي عليه
علشان في مواقف كتيره اوي هتشوفيها معايا هتخليكي تسمعي ابشع كلام
ودا اول درس تتعلميه هنا،،
ساهر بعد ماقلها كدا مد ايده حوالين وسطها وفك رباط ونزل الجزء الثاني للفستان، الجزء السفلي الخاص بالديل
وبقى الفستان قصير شويه اسفل الركبه
ساهر قالها يالا بينا،
وطلع تلفونه واتصل ب علي دراعه اليمين وصاحب عمره قاله،
علي،المناقصه بتاعت النهارده معاد حضور الوفد الخاص بيها موجودين ف االاوتيل اللي عالنيل وانا رايح هناك دلوقتي. شويه وتبقى هناك، يالا
نزلت الهام مع ساهر ف السانسير واللي حصل مكنش ف الحسبان فجأه الاسانسير عطل
الهام، اي دا هو هو ايه اللي حصل
ساهر قالها. متقلقيش، عطل هيتصلح خلال ثواني معدوده عدي خمس ثواني
الهام برغم خوفها الا انها سمعت كلام ساهر و بدأت تعد
1، 2. 3. 4.
فجأه العكل اتصلح والاسانسير اشتغل ونزل تحت
ساهر قال. مافيش حاجه بتتعطل ف إمبراطورية الاغا اكتر من خمس ثواني
الهام ف سرها،مغروور
ساهر والهام نزلو سوا وراحو احدى الفنادق الكبرى الخاصه ب ساهر الاغا
ساهر دخل قاعه كبيره جدا تشبه اجمل القصور واغلاها
دخلو الاتنين وكان في ناس كتيره جدا وبدأ يسمع همز ولمز الموظفين على الهام
كان في منهم بيقول،اي دا، البنت دي حلوه اوي انا اول مره اشوفها مع ساهر الاغا. تفتكرو ممكن تكون حاجه اكبر من انها سكرتيرته الخاصه
الثاني رد عليه، اكيد هي حاجه اكبر من سكرتيره انت مش شايفها جايه تحضر الاجتماع لابسه ايه،انا من رأي هي جايه من السويت اللي كانت بايته فيه طول الليل مع ساهر ،
او هربانه من عريسها يوم الفرح
ساهر كان شايف عنيهم اللي رايحه جايه على الهام وحاسس بالهمز واللمز اللي هم في بس سايبهم ومطنشهم عالاخر
لانه خد على كدا اتعود انه يسمع ويطنش
كفايه بس خوف للناس منه الكل بيحبو يتكلمو عليه من ورا ظهره لكن محدش يجرأ انه يروح يقوله حاجه ف وشه،
علي تمام يا ساهر الوفد وافقو بكل شروط العقد اللي انت حطيتها
ساهر بغرور طبعا لازم يوافقو
علي، اي يابني دا، انت معلم بقى وعرفت منين انهم هيوافقو، جايب منين بقى الثقه دي
ساهر قال، خسرو كتيير الفتره اللي فاتت بسبب تعاملهم مع شركات غير معروفه ومجهوله المصدر وبالتالي شركات وحشه،ومستوها ردئ ف سوق العمل طبعا سمعتهم باظت ومحتاجين يرفعوها. وانا بقى سألت عنهم وعرفت كل دا علي انت لسه صغير اوي ف البزنس، لما تكبر هتعرف
على قال برنس طول عمرك يا اغا
ساهر قال، ولسه، نا ناوي دلوقتي
اجيب عليها واطيها،
ساهر مضى العقود بكل غرور،
وبعدها دعاهم على حفله ف الاوتيل بمناسبه مرور 20 سنه على نجاح الاوتيل
الحفله كانت جميله وجوها هدوء كبير
ودة لان الاغا مش بيحب الحفلات ولا الرقص هو شخص هادي جدا بطبعه
وبيحب يسمع مزيكا هاديه بس مشكلته الغرور وانه شايف نفسه ديما رقم واحد
ولازم يسبق الكل،
وف الحفله كان قاعد على ترابيزه كبيره والهام وقاعده جمبه ومخنوقه وحاسه بكسوف
بقولك ايه يا ساهر بيه
اظن انا كدا خلصت شغلي ممكن اروح بقا انا امي ست كبيره ومحتاجه دواها
ساهر قال، مافيش خروج من هنا الا بأمر مني واحتمال تباتي معايا كمان،
الهام برقت وقالت ابات معاك فين ياحيوان انت
واحد من الوفد كانت عينه هتطلع على الهام من ساعت ماشافها وهم بيمضو العقود وهو ماشلش وشه عنها وساهر كان ملاحظ كل دا
جه اعد جمبه قال ابهرتنا سكرتيرتك
جدا يا مستر ساهر،
فاتنه جدا، ياريت اخدها وتبقى ف مكتبي القلب يحب الوجه الجميل
فهد قال، امممم الهام،
الهام وقفت وقالت. افندم يا مستر ساهر
تحت امرك
ساهر قام وحط ايده حوالين وسطها وشدها عليه،وبص لشريكه بكل غرور وقاله وقال، مش للبيع
وخدها ومشي وطول ماهم ماشيين كان بيشد كل الناس ليه والكل بقى يبص عليهم الهام كانت مدايقه من اللي عمله جدا وبتحاول تبعده عنها مش عارفه هي طبعا هتيجي قدامه وقدام قوه ايه ولا حاجه
دخلو سوا الاسانسير ولما اتقفل عليهم
الهام زقته بكل قوتها وقالتله،
انا ايه اللي عملته دا، انت واحد قليل الادب وسافل
ساهر قال، ليه انتي سكرتيرتي مهما حصل ولازم تسمعي كلامي
ساهر كان بيكلمها ببرود وبيلعب ف خصلات شعرها الدهبي
كان بتأمل عنيها وملامحها الجمياه مركز على عنيها الخضرا وبيشكيلهم ويحكيلهم عن نار الشوق ف قلبه،
ساهر فضلت عنيه متعلقه بيها كتير وهي كمان فضلت تبص على وشه وبتشوف كل جزء من ملامحه عنيه انفه شفايفه
غمضو الاتنين عنيهم وفضلو عايشين ف دايره التأمل فجأه الهام فاقت على جرس السانسير انهم وصلو على اخر دور ودا الدور الخاص ب ساهر الاغا في جناحه والجم والجاكوزي وكل شئ مكان خاص بيه هو وبس ومحدش غيره يقدر يدخله
والهام تعتبر اول بنت تدخل معاه الجناح دا
فاقت الهام من ضعفها لاقته قريب منها جدا وقرب يبوسها من غير ماتحس ضربته كف سمع ف السانسير،
ساهر سمع صوت الكف وجن جنونه عنيه
وسعت مره واحده وخدوده بقت حمرا
وجبينه نازل منه العرق زي المطر.
الهام خافت منه ورجعت لورا من الخوف مكنتش متصوره ان رد فعله عالكف قاسي كدا، بس لحظه. ،هو لسه اصلا مبينش رد فعله ياترى الاغا ناوي على ايه
كـ نصيحة مُخلده :
اقترب من الله و يقترب منك كُل شيء جّميل
بصلها ساهر وعنيه مش ناويه عالخير ابدا
كان باب الاسانسير مفتوح اخدها وجرها من شعرها،قالتله،
ساهر بيه،انت هتعمل ايه
سبني،،
سبني ارجوك انا مش عايزه اشتغل خلاص وانا اسفه عاللي عملته،
والله اسفه،انا غلطت معلش سامحني
ساهر قالها انت تضربيني بالقلم انتي فاكره نفسك مين ولا فاكره نفسك ايه
انتي انتي واحده من الشارع ولا ليكي لازمه ف الدنيا اصلا،
الهام والدموع ف عنيها قالتله،ساهر
بيه ساهر بيه من فضلك انا مكنش قصدي اعمل كدا والله،
ساهر بدأ يتحول رفع فازه جمبه وكان هيضربها بيها راحت الهام حطت اديها على دماغها وغمضت عنيها من الخوف،
ساهر وقف دقيقه متسمر مكان
دقيقه افتكر لما ابوه ضرب امه بالفازه
وقعدت تنزف،
ساهر جه ناحيه المرايه ورمى الفازه فيها بكل قوته ونزلت اتكسرت ميت حته،
الهام صرخت من الخوف وساهر قام مسك شعرها وجرها عالارض،
قعدت تصرخ هي مش فاهمه ايه اللي حصل وازاي ساهر بقى كدا فجأه ايه اللي صحى الوحش دا، هو ليه بقا كدا
مين ساهر الاغا وايه حكايته وليه بقا كدا
اسأله كتيره خطرت ف بالها، ومش، عارفه اي اجابه ليها كل اللي شايقاه
هو وحش قدامها،وحش بمعني الكلمه،
الهام مسكت ف رجليه، وقالت ساهر
ساهر بيه ارجوك انا بنت غلبانه سبني امشي والنبي امي تعبانه اوي،
ومالهاش غيري،، ابوس، ايدك لازم تاخد دواها،ابوس ايدك، ابوس رجلك
ساهر قالها،كان عقلك فين وانتي
بتضربيني بالقلم، كنتي فاكراني
ايه، هنزل على رجلك وابوسها واقولك ارجوكي حسي بيا محتاجلك،
انا ساهر الاغا، اجمل بنات اروبا وامريكا اترمو تحت رجلي، كل بنت كانت تتمنى نظره واحده بس مني،
بس انتو كلكم كدا كلكم خونه
كلكم خونه،
كان جنب التراز مسكها من رقبتها ورفعها
الهام بقت مش قادره تاخد نفسها
وشها كله بقى باللون الاصفر،
ساهر قالها، انتي دلوقتي ممكن تموتي
انتي ف الدور ال 30، ممكن تنزلي 100 حته،
الهام بصت بخوف على تحت وهي اصلا عندها فوبيا من الاماكن المرتفعه،
نزلت دمعه من عنيها وبدأت تدوخ
ساهر بعدها عن السور وحدفها على ع الارض
الهام بخوف بدأت تزحف علشان تمشي من بيت الرعب اللي دخلت فيه دا
ساهر داس بالريموت و باب السويت فتح
الهام ودموعها نازله على عنيها جريت بسرعه على برا،
ساهر رفع تلفونه وقال،
علي، عايز اعرف كل حاجه عن الهام
علي قاله الهام مين؟
ساهر قال، جرا ايه يا علي انا اللي يشتغل معايا لازم يكون مصحصح
هي نازله دلوقتي من الاوتيل يالا بسرعه
ـــــــــــــــــــــــــــــــــــــــــــــ
الهام نزلت من الاوتيل على عجله وركبت تاكسي وروحت بسرعه على بيتها
بيت حياه بيت بسيط جدا ف منطقه شعبيه
خلوني اقولكم مين هي حياه
الهام الخولي
انسانه بسيطه وجميله جمالها من النادر
عنيها خضراء شعرها اصفر وسمرا
باباها هرب من سنين وسابها ف سن صغير وحيده هي وامها
وهنعرف السبب بعدين
دخلت الهام بسرعه البيت وهي عماله تنهج من كتر ماهي متوتره مش عارفه تفتح الباب وكل شويه تتلغبط ويقع من اديها
جارتها عالسلم شافتها وقالت،
ايه يا اختي دا، راجعالنا وش الفجر وكمان بفستان فرح ايه يا اختي لاقيتي عريس يرحمك ويتوبك من القرف اللي انتي فيه دا
انا مش عارفه امتى الحاره هتنضف بقى من شكلك الفقر دا
يتوب علينا ربنا
الهام مكنتش مهتمه بكلام ام صلاح جارتها على قد ماكانت عايزه تدخل تشوف امها بسرعه
فتحت الباب ودخلت وكانت الصدمه
كانت الام واقعه عالارض ولونها اصفر
الهام قالت. لا ماما
لاياحببتي فوقي. انا جيت اهو انا انا اسفه اني اتأخرت عليكي والله مش هعمل كدا تاني
ماما عشان خاطري فوقي
الحقوني حد يتصل بالإسعاف حد يلحقني امي بتموت
الهام كانت عماله تصرخ وتطلب من حد يساعدها حاولت تقوم امها وتفوق فيها لكن مافيش فايده
الهام قعدت تبكي وكانت منهاره من العياط
جارهم كريم وامه كانو راجعين من برا لقو الهام عماله تصرخ ومحدش عايز يرد عليها
حنان ام كريم قالت اي دة هي الهام بتصرخ ولا انا بيتهيألي
كريم قال ايوا انا سامع صوتها من تحت
حنان قالت طب يالا بينا ياابني نشوف ايه اللي حصل
كريم قال تعالي يا امي ربنا يجعله خير
حنان دخلت ولقت الهام بتقولها
الحقيني. ياخالتي ماما مش بترد ومحدش عايز يجي يساعدني
حنان قالت اومال احنا روحنا فين يابنتي احنا موجودين اهو ياكريم ياكريم
روح يابني اتصل بالاسعاف بسرعه
الست ام الهام تعبانه اوي خلينا نلحقها
حنان عنيها لمحت الفستان اللي لابساه الهام قالتلها اي دا يابنتي انتي كنتي فين
الهام قالت مش وقته ياخالتي هاحكيلك بعدين خلينا بس نلحق امي وكل شئ بعد كدا سهل
الاسعاف وصلت بعد وقت كبير طبعا لان البيت ف منطقه شعبيه وخدت عزيزه ام الهام والهام طول الوقت منهاره
من العياط
حنان قالتلها يابنتي متعمليش ف نفسك كدا ان شاء الله هتبقى كويسه امك متقلقيش
الهام قالت اهدى ازاي بس ياخالتي انا ماليش غيرها ف الدنيا لا اب ولا عم ولا خال ولا اي حد خالص يارب يشفيكي يا امي يارب
كريم قال اهدي يا الهام من فضلك
اومال احنا روحنا فين الحاجه عزيزه ان شاء الله هتبقى كويسه متقلقيش
الهام قالت ياارب
وصلو على اقرب مستشفى وكانت استثماري وغاليه جدا
دخلو المريضه اوضه العمليات والكل وقف برا والهام اترمت ف حضن حنان
وقعدت تعيط
ف نفس الوقت كان ساهر موجود ف رهان شعبي وبيتلاكم مع واحد وعمال يضرب فيه بكل قوته بيطلع كل طاقته السلبيه والغل اللي جواه ف الراجل
اداله لكمه ف بطنه وبعدها بالرفص على ركبته كسرها لدرجه انه سمع صوت العضم بيتكسر وبعدها لكمه قويه ف وشه طيرت طقم سنانه وبعدها شاله ورماه ف الارض ووقع عليه ودي كانت الضربه القاضيه والراجل اغم عليه
ساهر قام من عليه ورمى القفازات اللي ف ايده وقرب من الراجل اللي ضربه وفضل
يفوقه ومكنش راضي يفوق
وف نفس الحظه سمع سارينه اسعاف
البوليس الكل خاف وجري
ياترى ايه هيحصل مع ابطالنا ف الحلقات الجايه تفتكرو ام الهام عزيزه هتموت
طيب ايه هيحصل مع ساهر الاغا وايه
اللي مخبيه ماضيه شايل وراه كل القسوه دي
كل دا هانعرفه مع بعض الحلقات الجايه
يتبع..
لقراءة الفصل التالي : اضغط هنا
لقراءة الرواية كاملة اضغط علي : (رواية عشق الأغا)
