رواية فتاة في زمن قاسي الفصل العاشر 10 بقلم دودو محمد
رواية فتاة في زمن قاسي الجزء العاشر
رواية فتاة في زمن قاسي البارت العاشر
رواية فتاة في زمن قاسي الحلقة العاشرة
فتحت سمر عيونها على صوت تليفونها بصت فيه لاقتها انجي نفخت وكنسلت عليها وقامت قعدت وطلبت رقم ملك مردتش عليها قالت
سمر :- اكيد زعلانين من اللى حصل امبارح تلاقى اللى اسمه شادى ده عمل حاجه معاهم زعلهم منى احسن حاجه اول ما اروح ادور على ملك واعرف منها ايه اللى حصل وقامت دخلت الحمام وشويه خرجت لاقت عبدالرحمن وصل قالت انت كنت فين من امبارح
عبدالرحمن :- بتعب كنت شغال
سمر :- شغال اممم حلو يعنى معاك فلوس صح
عبدالرحمن :- عايزه ايه
سمر :- هات اى حاجه مقفله بلاش شغل العشرينات اللى اختك ماشيه بيه معايا
عبدالرحمن :- خدى خمسين اهم
سمر :- خمسين بس
عبدالرحمن :- اعملك ايه انا شغلى باليومية اديتك نصها
سمر :- بعدم رضا ماشي بس لما تاخد اليوميه بتاعة النهارده اعمل مع اختك دور واجب واشحنلي
عبدالرحمن :- اتنهد وقال حاضر ممكن تسبينى بقى ادخل اخد دوش علشان افوق واعرف اروح الجامعه
سمر :- ما تدخل الحمام حد منعك ودخلت الاوضه لاقت مياده لسه نايمه راحت خبطت على كتفها وقالت يا ست جوليت اصحى يا اختى فالحه بس تصحينى كل يوم وتدينى اوامر على الصبح
مياده :- يخربيت رخمتك على الصبح يا شيخه
سمر :- ده جزاتى أن انا خايفه عليكى تتأخرى وصحيتك
مياده :- قامت قعدت وقالت متشكرين على كرم اخلاقك
سمر :- قعدت جنبها وقالت عايزه فلوس
مياده :- بت انتى مش بتشبعى فلوس فين الخمسين بتاعة امبارح
سمر :- وحياتك عندى خلصت اخر حاجه دفعتها لسواق بتاع التاكسى وانا رايحه عند احم صاحبى
مياده :- بقرف وليكى عين كمان تجيبى سيرة الموضوع ده
سمر :- خلصنا بقى يا مياده بلاش أڤوره يا اختى هتدينى فلوس ولا لاء
مياده :- محدش قالك تتفشخرى وتركبى تاكسي روحى الجامعه مشي بقى
سمر :- بغيظ كده طيب غورى بقى
مياده :- لمى لسانك
سمر :- شوحت ليها بأيديها وقالت كتك القرف ولبست هدومها ولسه هتخرج من الباب
مياده :- رايحه فين
سمر :-بتريقه رايحه اعمل شوبينج
مياده :- اتعدلى يا سمر بدل ما اعدلك
سمر :- ما انتى اللى غبيه ما انتى عارفه رايحه فين وبتسألى
مياده :- اللهم طولك ياروح مفيش خروج لوحدك يا سمر انا هوصلك الجامعه وهخلى عبدالرحمن يجيبك
سمر :- نااااااعم ليه بقى أن شاءالله عيله صغيره انا
مياده :- نسيتى اللى عملتيه امبارح واحده غيرك تتلم وتبقى مكسوره بعد اللى حصل انما انتى اقول ايه بس
سمر :- بقولك ايه متعصبنيش انا مش عيله صغيره علشان حد يودينى ويجيبنى
مياده :- والله العظيم العيله الصغيره اعقل منك مليون مره
سمر :- مياده بقولك ايه روحى لسى روميو بتاعك ده واطلعى من نفوخى
مياده :- سي روميو !
سمر :- ايوه سي مهند بتاعك ده
مياده :- مهنددددد تصدقى فكره
سمر :- هى ايه دى اللى فكره
مياده :- ولا حاجه روحى انتى يلا
سمر :- والله العظيم انتى مجنونه ما طبيعيه وخرجت من الاوضه
مياده :- فكرت شويه وقالت مش قدامى غير الحل ده هو الوحيد اللى سمر بقت تخاف منه وقامت خرجت من الاوضه وقالت عبدالرحمن انت جيت امته
عبدالرحمن :- وهو بيسرح شعره قال لسه جاى من شويه اخد دش علشان افوق ورايح الجامعه
مياده :- مش قولت هترجع بدرى شويه تنام ساعتين
عبدالرحمن :- كان فيه ضغط شغل
مياده :- بس حرام كده هتنام امته بس
عبدالرحمن :- بضحك فى المحاضره
مياده :- والله
عبدالرحمن :- فيه محاضره الدكتور بيلك كتير فيها هبقى انام ساعتها
مياده :- ربنا يقويك يا حبيبى
عبدالرحمن :- عايزه فلوس
مياده :- لاء معايا خلى فلوسك معاك
عبدالرحمن :- ماشي يا حبيبتى وباس راسها ونزل
مياده :- دخلت الحمام اتوضت وخرجت أدت فرضها وغيرت هدومها ونزلت السلم وفى الوقت ده مروان فتح الباب وخرج
مروان :- صباح الخير
مياده :- صباح النور
مروان :- من غير ولا كلمه نزل وسابها
مياده :- استغربت ونزلت وراه وقالت مروان يا مروان
مروان :- وقف ومن غير ما يبص ليها قال نعم
مياده :- ه.ه.هو انت زعلان منى فى حاجه
مروان :- انتى عملتى حاجه ازعل منها
مياده :- لاء
مروان :- يبقى خلاص عن اذنك
مياده :- ممكن ثوانى بس
مروان :- خير
مياده :- ممكن لو زعلان منى تقولى علطول زعلان من ايه
مروان :- مدام انتى مش شايفه نفسك غلطى يبقى هقولك ليه
مياده :- يمكن عملت حاجه وانا مش واخده بالى منها نبهنى انت ليها
مروان :- اتنهد وقال ماشى ممكن افهم ايه ما بينك انتى ومهند
مياده :- بعدم فهم بينى وبين مهند ازاى مش فاهمه
مروان :- رجوعكم فى وقت متأخر تقريبآ الفجر مع بعض ووقفتكم مع بعض فى الشارع ممكن افهم ده معناه ايه
مياده :- امممم وانت بقى قررت أن انا مذنبه وواحده مش كويسه وقولت ترجع فى كلامك صح
مروان :- انا محتاج تفسير للى بيحصل يا مياده
مياده :- مفيش داعى لتفسير يا استاذ مروان عن اذنك وسابته ومشيت
مروان :- طلع يجرى وراها وقال مياده استنى
مياده :- نعم
مروان :- يعنى فى الاخر انتى اللى تزعلى مع أن مفروض انا اللى ازعل مش انتى
مياده :- ايوه انا اللى ازعل لانك من اول موقف شكيت فيا فين الثقه اللى مفروض بتتبنى عليها اي علاقه ناجحه
مروان :-اولا اى راجل مكانى كان هيزعل لما يشوف حبيبته راجعه الفجر مع شاب ومش اى شاب كلنا عارفين مهند ايه وثانيآ انا مش بشك فيكى انا بغير عليكى يا مياده وده من حقى
مياده :- أسأل مامتك انا عملت ايه امبارح
مروان :- انا مش هسأل حد انا عايزك انتى اللى تحكيلى
مياده :- س.س.سمر كانت عند واحده صحبتها وبيتها فى مكان بعيد ومكانش معاها فلوس ترجع اتصلت بيا وطلبت منى اروح اجيبها خبط عليكم خالتى قالت ليا انك نايم مكانش قدامى حل غير اخبط على خالتى حكمت واطلب منها أن استاذ مراد يجى معايا بس طلع هو كمان نايم وصممت أن انا اخد مهند معايا وهو كان شهم اوى وراجل على فكره جه معايا ومرفعش عينه فيا وجبت سمر وجينا ولما شوفتنا واقفين فى الشارع كنت بشكره أن هو جه معايا المشوار ده كله وإن هو اللى دفع الاجره بتاعة التاكسى رايح جاي
مروان :- ومأخديش عبدالرحمن ليه
مياده :- عبدالرحمن اشتغل جرسون فى كافيه طول الليل
مروان :- بلاش مهند انتى عارفه أنه بيشرب ومش كويس
مياده :- على فكره بقى انا كنت واخده فكره وحشه اوى عنه بس كذا مره يوقف برجوله معانا من يوم ما علياء اختفت وهو بيدور معانا ووقت ما بنحتاجه بنلاقيه
مروان :- بغيظ انتى بتتكلمى عنه كده ليه
مياده :- انا بقول الحق مش لازم اكذب يعنى علشان ارضيك
مروان :- يا بنتى افهمى بقى انا راجل وبغير عليكى وصعب عليا استحمل اشوفك وانتى بتشكرى فى راجل بالطريقه دى يعنى هتبقى عادى لو جيت وشكرت ليكى فى واحده معايا فى الشغل
مياده :- عادى على فكره انت مش هتحب فيها مش معنى انك تشكر فى حد يبقى واقع فى حبه فى احترام فيه تقدير فيه مسميات كتير اوى غير الحب
مروان :- على فكره بقى انتى محدش بيعرف ياخد منك لا حق ولا باطل
مياده :- علشان كلامى صح
مروان :- ابتسم ليها وقال انتى كلك على بعضك صح الصح
مياده :- ابتسمت وقالت شكرآ بس ممكن اطلب منك طلب
مروان :- طبعآ اطلبى اللى انتى عايزاه
مياده :- عايزه رقم مهند
مروان :- بغيظ نعم يا اختى
مياده :- ايه هنرجع لقلة الثقه دى تانى
مروان :- مش قلة ثقه طيب ممكن افهم انتى عايزه رقمه ليه
مياده :- مش هينفع اقولك وياريت تدينى الرقم علشان انا ممكن اجيبه بأى طريقه تانيه
مروان :- بص ليها كتير وطلع تليفونه وقال خدى الرقم ده وقاله ليها وقال انا عايزك تعرفى أن انا واثق فيكى يا مياده بس ياريت تخفى كلامك معاه
مياده:- سجلت الرقم عندها على التليفون وقالت حاضر يلا عن اذنك بقى
مروان :- استنى اوصلك
مياده :- لاء انت عارف ردى باى وسابته وخرجت من العماره وراحت ركبت الاتوبيس وهو راح وراها وركب هو كمان الاتوبيس وكل واحد منهم راح على شغله
«««««««««««««««««««««««««««««
فى شقة عمر
دخل عمر الشقه ولاقه الدنيا ضلمه عرف أن علياء مشيت شغل النور وراح عند الاوضه اللى بتنام فيها علياء وفتح الباب واتصدم وقال
عمر :- علياء وطلع يجرى عليها وشالها من الأرض حطها على السرير وخبط على وشها وقال علياء علياء ردى عليا وقام يجرى جاب بصله من المطبخ وكسرها وقربها من مناخير علياء
علياء :- حركت راسها وقالت اممممم
عمر :- علياء انتى سامعنى
علياء :- هزت راسها بألم وقالت ايوه
عمر :- فتحى عينك طيب
علياء :- بدأت تفتح عينيها بصعوبه وبصت حاوليها وقالت هو ايه اللى حصل
عمر :- معرفش انا دخلت لاقيتك واقعه فى الارض ومغمى عليكى
علياء :- مغمى عليا انا اخر حاجه كنت فكراها أن انا لبست وكنت هخرج من الاوضه علشان اروح عند اخواتى وبعد كده محستش بحاجه تانى
عمر :- تحبى اتصل بالدكتور
علياء :- وهى بتقوم قالت لالالا ملهوش لزوم وداخت ولسه هتقع
عمر :- وقف ولحقها ووقعت فى حضنه
علياء :- اتوترت وبعدت عنه وكانت هتقع تانى
عمر :- مسكها من دراعها وقال اقعدى يا علياء شكلك لسه دايخه
علياء :- قعدت بتعب على السرير وغمضت عينيها بألم وقالت مش عارفه مالى
عمر :- ممكن من قلة الاكل ارتاحى وانا هروح اعملك شوية ميه بسكر وبعد كده اعمل ليكى لقمه تاكليها
علياء :- لالالا شكرآ متتعبش نفسك انا هبقى كويسه دلوقتى
عمر :- اسمعى الكلام بلاش المخ الصعيدى ده وخرج وسابها
علياء :- بصت عليه وهو ماشى ومسكت راسها بألم وقالت ايه الدوخه دى بس
عمر :- دخل المطبخ وعمل ميه بسكر ودخل تانى عند علياء وقال خدى اشربى
علياء :- اخدت الميه منه وشربتها وقالت ش.ش.شكرآ
عمر :- ريحى بقى وانا هعملك اى حاجه تاكليها
علياء :- بالله عليك مش عايزه انا لازم امشي
عمر :- تمشى ازاى بس وانتى كده انتى مش شايفه نفسك عامله ازاى اصبرى لما تشدى حيلك شويه
علياء :- اخواتى واحشونى وهتجن عليهم
عمر :- معلش اصبرى شويه مش هينفع تروحى ليهم بمنظرك ده هتقلقيهم عليكى
علياء :- بصت ليه وقالت م.م.ماشي
عمر :- ابتسم ليها وقال ارتاحى وانا هروح اعملك اكل
علياء :- انا مش هقدر اكل مليش نفس والله
عمر :- لازم تاكلى يلا مش عايز كلام كتير ارتاحى شويه وخرج وسابها وراح على المطبخ و حضر اكل سريع لعلياء وخبط على الباب ودخل لاقها نايمه حط الاكل جنبه وقعد على حرف السرير وقعد يبص عليها وهى نايمه ومشى أيده على وشها
علياء :- حست بأيد عمر فتحت عينيها بصدمه وقامت قعدت وقالت ا.ا.انت بتعمل ايه
عمر :- اتوتر وقال و.و ولا حاجه انا بصحيكى علشان تاكلى
علياء :- ل.ل.لو سمحت قوم من على السرير
عمر :- قام وقف وقال ا.ا اسف خدى يلا كلى لقمه
علياء :- اخدت الاكل وبصت ليه وقالت شكرآ
عمر :- كلى الاكل كله بقى
علياء :- حطت الاكل فى بؤقها وقالت تسلم ايدك
وفى الوقت ده تليفون عمر رن برقم مراد رد عليه وقال
عمر :- صباح الخير يا مراد
مراد :- صباح النور يا فندم
علياء:- اول ما سمعت اسم مراد قلبها وجعها ودموعها نزلت منها
عمر :- طمنى عملت ايه
مراد :- كله تمام يا فندم خلصت ليه كل اوراق السفر
عمر :- شكرآ يا مراد شويه وجاى الشركه
مراد :- تمام يا فندم مع السلامه
عمر :- بص على علياء لاقها مش بتاكل ودموعها نازله استغرب وقال علياء مالك
علياء :- مسحت دموعها وقالت م.م.مفيش بس افتكرت اخواتى
عمر :- تحبى اجيبهم ليكى هنا
علياء :- ازاى
عمر:- متشغليش بالك ازاى انا هجبهم بطريقتى المهم انتى تقولى ايوه
علياء :- طبعآ اكيد عايزاهم ده انا هتجن عليهم
عمر :- هيكونوا عندك النهارده
علياء :- بفرحه بجد
عمر :- نامى دلوقتى واستريحى واول ما تصحى هتلاقيهم جنبك
علياء :- بفرحه شكرآ بجد انا مش عارفه اقولك ايه
عمر :- متقوليش حاجه انا اهم حاجه عندى اشوفك سعيده يلا سلام وخرج وسابها ومشي
علياء :- اتنهدت وقالت يا ترى يا مروان هتفكر فى يوم فيا وتحبنى زى ما بحبك وبعدين ضحكت بوجع وقالت هيحبنى على ايه بس بعد ما خسرت كل حاجه ودموعها نزلت منها وغمضت عينيها ونامت
«««««««««««««««««««««««««««««««
فى شقة عبده
دخلت حكمت الاوضه عند مريم لاقتها لسه نايمه اتنهدت وراحت عندها وخبطت على كتفها وقالت
حكمت :- مريم بت يا مريم
مريم :- يوووه عايزه ايه يا ماما
حكمت :- انتى خلاص ناويه تقضى حياتك كلها نوم قومى كده وقوليلى فيكى ايه مالك
مريم :- مش هنخلص من موال كل يوم قولتلك انا مش هروح الجامعه دى تانى
حكمت :- يعنى ايه مش هتروحى تانى انتى اتهبلتى يا مريم انا تعبت معاكى انا هخلى اخوكى مهند يتصرف معاكى علشان ابوكى مش حمل مناهده معاكى
مريم :- يووووه بقى هو التعليم بالعافيه انا مش هكمل تعليم مش هكمل
حكمت :- حرام عليكى ليه بتعملى فينا ده مش بنتأخر عليكى فى اى طلب بتطلبيه حتى يوم ما طلبتى عربيه ابوكى باع حتة الارض اللى فى البلد اللى حيلته علشان يجيبها ليكى كل طلباتك مجابه نعمل ايه تانى بس انا تعبت معاكم تعبت
مريم :- ايوه ابتدينا شغل المعايره اهو ما انتو اهلى ملزومين تحققوا مطالبى معملتوش حاجه زياده يعنى والعربيه اللى كل شويه تعيرونى بيها دى ومحسسنى أنها احدث موديل مش عربيه ماشيه بالزق عندكم تحت مش عايزاها سبونى فى حالى انتوا بقى
حكمت :- بصت ليها بقلة حيله وقالت لله الامر من قبل ومن بعد وسابتها وخرجت
مريم :- قعدت تهز فى رجليها بدموع وتاكل فى ضوافيرها وجابت صورة أدم على التليفون واتنهدت بوجع وقالت ليه مش قادره اكرهك ليه انا لازم اشوفه وقامت دخلت الحمام اخدت شاور وخرجت لبست هدومها وخرجت من اوضتها
حكمت :- ايه اللى حصل وغير رأيك
مريم :- مفيش مزاجى كده
حكمت :- يا بت اتكلمى عدل
مريم :- ماما بقولك ايه فكك منى بقى انا ماشيه
حكمت :- مش هتفطرى
مريم :- مش عايزه وخرجت وسابتها ونزلت ركبت عربيتها وراحت على الجامعه وبعد وقت وصلت ونزلت تجرى ودخلت الجامعه وبصت حاوليها لاقت ادم واقف مع أصحابه وعمال يضحك ويهزر راحت عنده وقالت ادم انا عايزه اتكلم معاك
أدم :- مريم عاش من شافك يا مزه ومشى أيده على وشها
مريم :- رجعت راسها لوراه وقالت متلمسنيش
أدم :- اممم ولما انتى مش عايزانى المسك جيتى ليا ليه
مريم :- بصت على أصحابه وقالت ممكن نتكلم لوحدينا
أدم :- انت تأمر يا جميل ومشى معاها عند الكافتيريا ومسك ايديها وقال واحشتينى
مريم :- شدت ايديها وقالت ليه عملت معايا كده انا حبيتك بجد
أدم :- بقولك ايه فكك من الكلام ده حب ايه بس انا مش بتاع حب انا بتاع الليالى الحمرا وداس على شفيته من تحت بأسنانه وقال الجسم الملبن وااااه بقولك ايه ما تيجى وقرب منها
مريم :- بعدت عنه وقالت ده انت طلعت بنى ادم واطى وزباله
أدم :- ايووووه انا كده تعالى بقى بقالى يومين هموت والمس حد فيكم
مريم :- حد فينا يا ترى بتلعب على مين تانى يا آدم
أدم :- كتيرررررر
مريم :- تفت علي وشه وقالت قد ايه انت طلعت واحد واطى انا ندمانه أن عرفتك وحبيتك ولسه هتمشى
أدم :- شدها من دراعها
مريم :- بألم وصوت عالى سيب دراعى يا زباله
أدم :- هتعملى فيها واحده شريفه تعالى بقولك
مريم :- انا اشرف من عشره زيك يا و****
أدم :- لاااااا شكلك كده نسيتى نفسك ورفع أيده ولسه هيضربها بالقلم
عبدالرحمن :- مسك أيده
أدم :- انت سيب ايدى
عبدالرحمن :- داس على أيده جامد وقال ابعد عنها احسنلك
أدم :- شوف مين جاى يدافع عنها مش انت اخو الخدامه يا لا ويدافع على مين اللى دخلت اختك القسم
عبدالرحمن :- ضربه بالراس فى مناخيره وقال دى علشان جبت سيرة اختى وضربه واحده تانيه وقال ودى علشان انت كنت سبب من اللى عملوا اللعبه دى على اختى وضربه واحده تالته ووقعه على الارض وقال علشان تتعلم الرجوله شويه وتف عليه وبص لمريم وقال ليها بصوت عالى امشى قدامى
مريم :- كنت بتبص ليه ومتحركتش من مكانها
عبدالرحمن :- بصوت عالى قولتلك امشى
مريم :- مشيت تجرى قدامه
أدم :- كان نايم على الارض ومناخيره كلها بتنزل دم
عبدالرحمن :- بقرف اوعى تفكرى أن انا عملت كده علشانك انتى كلبه ولا تسوي انا عملت كده علشان انتى بنت الحاره اللى ساكن فيها وعلشان اخواتك الرجاله جدعه معانا وابوكى وامك اللى طول عمرهم واقفين معانا وساعدونا كتير بس مش اكتر
مريم :- وانا مطلبتش منك المساعده
عبدالرحمن :- مش هستنى لما تطلبى منى رجولتى هتخلينى اعمل كده من نفسي
مريم :- وانا مش هشكرك على فكره ولا اقول واو ده بطل بجد
عبدالرحمن :- وانا مش محتاج من وشك المقرف ده حاجه وسبق وقولتلك انا معملتش كده علشانك ولا علشان خاطر سواد عيونك بصلها بقرف ومشي وسابها
مريم :- بصت ليه بغيظ وقالت عااااا بنى أدم غلس وراحت ركبت عربيتها وروحت على البيت
««««««««««««««««««««««««««««««
فى شركة عمر
دخل عمر الشركه وبلغ السكرتير انه عايز مراد ضرورى وبعد شويه دخل مراد المكتب عند عمر وقال
مراد :- خير يا استاذ عمر
عمر :- اقعد يا مراد
مراد :- قعد وقال أمر حضرتك
عمر :- مراد انت اكتر واحد فى الشركه هنا بحبه وبحب أمانته علشان كده هطلب منك طلب وبتمنى انك مترفضش طلبى ده
مراد :- انا تحت امر حضرتك
عمر :- انا هسفر أدم اخويه يدرس بره انت عارف طبعآ الكلام ده وانت اللى خلصت ليه كل الاوراق الخاصه بيه
مراد :- ايوه يا فندم
عمر :- كنت عايزك تسافر معاه تخلى بالك منه وبالمره تمسك ليا فرع الشركه اللى هناك واى مبلغ مادى هتطلبه هصرفه ليك علطول وهوفر ليك السكن هناك وكل طلباتك مجابه
مراد :- اسافر
عمر :- ايوه يا مراد انا مش هأمن على اخويه يعيش بره لوحده لازم يكون ليا عين هناك تخلى بالها منه وتنقلى اخباره
مراد :- بس حضرتك يعنى امى وابويه واختى صعب اسيبهم لوحدهم
عمر :- مش هيبقوا لوحديهم يا مراد فيه اخوك مهند وبعدين انا هخلى بالى منهم واى حاجه هما عايزينها هنفذها ليهم
مراد :- مش عارف حضرتك فجأتنى بالموضوع ده
عمر :- انا عندى ناس كتير تقوم بالمهمة دى بس انا عايزك انت يا مراد لأن انا مش هبقى مطمن على اخويه غير وانت جنبه
مراد :- بص حضرتك قرار زى ده محتاج افكر فيه سبنى لحد بكره افكر وارد على حضرتك
عمر :- مفيش مشكله وبتمنى انك توافق على طلبى ده
مراد :- وقف وقال إن شاءالله خير يا فندم
عمر :- أن شاءالله تقدر تروح تكمل شغلك
مراد :- عن اذن حضرتك وخرج وراح مكتبه
عمر :- بص عليه وهو خارج واتنهد ومسك تليفونه واتصل على رقم وانتظر الرد وبعد وقت رد عليه وقال
المتصل :- عمر باشا أمر
عمر :- هبعتلك اسامى ناس تجيبهم ليا قبل ما الليل يليل مفهوم
المتصل :- ساعة زمن بالكتير هيكونوا عندك فى الفيلا
عمر :- لاء مش عايزيهم فى الفيلا هبعتلك العنوان هاتهم على هناك
المتصل :- انت تأمر يا باشا
عمر :- وهبعتلك حق متقلقش
المتصل :- عيب يا باشا اخر حاجه بتكلم فيها هى الفلوس احنا مع بعض من زمان اوى وعارف عمر باشا مش بياكل حق حد
عمر :- ربنا يخليك يلا هبعتهم ليك اهو وروح هاتهم سلام وقفل السكه وبعت ليه الاسامى والعنوان وحط التليفون على المكتب وبدء يشوف شغله
««««««««««««««««««««««««««««««
فى بيت عبده
خرج مهند من اوضه ودخل المطبخ عند أمه وقال
مهند :- صباح الخير يا اما
حكمت :- صباح النور يا ابنى اول مره تصحه بدرى كده
مهند :- عندى مشوار مهم
حكمت :- ياريت يكون شغل وتنزل تشتغل زى البنى ادمين بقى
مهند :- شغل ايه يا اما هو مفيش حاجه مهم غير الشغل
حكمت :- ابنى يا حبيبى نفسى تنزل تشتغل علشان اشوفلك بنت حلال و افرح بيك قبل ما اموت
مهند:- ربنا يديكى طولت العمر يا اما بس هو انتى مش بتتعبى من الكلام فى الموضوع ده بقى سيبك انتى من الكلام ده واعمليلى لقمه بسرعه كده احسن هموت من الجوع
حكمت :- لله الامر من قبل ومن بعد وحضرت ليه الفطار وقالت ربنا يهديكى يا مهند
مهند :- ايه ربنا يهدينى دى هو انا ببيع مخدرات فيه ايه يا اما مالك مأڤوره على الصبح كده ليه
حكمت :- خلاص مفيش حاجه عجباك كلامى كله بيعصبك علشان عايزه مصلحتك وعايزه اشوفك شبه الرجاله ما تشوف اخوك اهو بينزل من ادان ربنا وبيرجع بليل علشان لقمة العيش ولا ابوك اللى بينزل يوقف فى المحل طول النهار على رجليه
مهند :- باااااس كده جبرت وبعت ليها بوسه فى الهوا وقال انا كده شبعت وعال العال سلام
حكمت :- مش هتاكل
مهند :- اكل ايه بقى ما كفايه عليا كلامك اللى زى السكر انا ماشى وسابها ومشى
حكمت :- ربنا يهديك يا ابن بطنى وشالت الاطباق تانى
«««««««««««««««««««««««««««««««
فى كلية العلوم
دخلت سمر الجامعه ودورت بعينيها على ملك علشان تعرف ايه اللي. حصل وتعتذر ليها بس لحظة نظرات الشباب غريبه ليها محطتش فى دماغها وكملت بحث عن ملك وفى الوقت ده ظهرت انجى وقالت
انجي :- سمر يا سمر
سمر :- وقفت ونفخت وقالت افندم نعم عايزه ايه
انجي :- ايه جابك الجامعه النهارده
سمر :- هو ايه السؤال الغريب ده ما انا كل يوم باجى الجامعه
انجي :- ارجوكى روحى
سمر :- انتى عبيطه ولا بتستعبطى هو ايه اللى ارجوكى روحى لاء مش هروح واوعى كده من سكتى
انجي :- وقفت قصادها وقالت افهمينى يا سمر وجودك دلوقتى غلط
سمر :- زقتها وقالت اوعى كده شكلك شاربه حاجه على الصبح وسابتها ومشيت ولاقت الشباب بتصفر ليها بتقول يا حلو يا ابيض تعالى واحنا نديكى اللى انتى عايزاه استغربت الكلام ولاقت البنات بتبص ليها وبعدين تبص على التليفون وتضحك شافت ملك راحت عندها وقالت
سمر :- هاى ملك
ملك :- ازيك
سمر :- انا عارفه انك زعلانه بس انا مليش دعوه باللى عملوه امبارح انا اصلا مش عارفه ايه اللى حصل امبارح والله
ملك :- اممم مش عارفه ازاى بس اذا كان الجامعه كلها عرفت يبقى انتى صاحبة الشأن متعرفيش تؤ تؤ تؤ ودى تيجي برضه افتحى التليفون بتاعك وانتى هيوصلك كل حاجه
سمر :- بأستغراب التليفون وفتحته
ملك :- بعتت الفيديو بتاعها وقالت استمتعى بوقتك يا حلوه وبعتت ليها بوسه فى الجو وسابتها ومشيت
سمر :- فتحت الفيديو واول ما شافته حطت ايديها على بؤقها بصدمه وهزت راسها يمين وشمال وبصت على الشباب لاقتهم بيبصوا ليها نظرات شهوانيه وبصت على البنات لاقتهم بيبصوا ليها ويضحكوا شافت هيثم وشادى طلعت تجرى عليهم وقالت شوفتوا الزباله عملوا فيا ايه
هيثم :- انتى اللى عملتى فى نفسك كده حاولنا ننقذك من اللى انتى فيه بس انتى طلعتى متستهليش متلوميش حد غير نفسك يا سمر
سمر :- بغيظ انت فرحان فيا بدل ما تجيب ليا حقى
هيثم :- جبنا ليكى حقك وزياده
سمر :- شادى انت ساكت ليه اتكلم
شادي :- بكسره مش قدامى حاجه غير السكوت يا سمر للاسف حبى ليكى دلوقتى مبقاش ينفع ووجودى هنا بقى صعب انا مسافر يا سمر ههرب من حبى ليكى وهبعد عن كل حاجه بتفكرنى بيكى
سمر :- بغيظ انا مش محتاجه ليكم اصلا ولا عايزه اعرفكم انا بكرهكم بكرهكم وطلعت تجرى من الجامعه والشباب بتصفر ليها وقعدت تجرى لحد ما بعدت عن الجامعه وقعدت على الرصيف ملاقتش حد دموعها نزلت منها وشغلت الفيديو وقعدت تتفرج عليه وهى دموعها نازله منها وفى الوقت ده سمعت صوت بيقولها
_عملتى ليه كده فى نفسك
سمر :- مسحت دموعها بسرعه وقفلت التليفون ورفعت راسها لفوق وقالت …………
««««««««««««««««««««««««««««««
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية فتاة في زمن قاسي)
