رواية إليك سكن فؤادي الفصل الثامن 8 بقلم نورهان محمد
رواية إليك سكن فؤادي الجزء الثامن
رواية إليك سكن فؤادي البارت الثامن
رواية إليك سكن فؤادي الحلقة الثامنة
سليم باستغراب بابا انت لسه صاحي
ليكمل انت تعبان ولا حاجه
منصور بهدوء لا انا كويس انا بس كنت مستنيك تخلص علشان عايزك في موضوع مهم
سليم باستغراب وهو يجلس بجواره هاتفا بقلق خير يابابا في حاجه ولا ايه
منصور بتوتر انا تعبان شويه ومحتاج اطمن عليك
سليم بقلق طيب نكلم الدكتور يجي يطمنا عليك
منصور ملوش لازوم يابني انا راحتي عارفها كويس
سليم بترقب طيب ايه وانا اعملهولك
منصور انك تتجوز
سليم بصدمه وهو يقف امامه لا يسوعب ما تلفظ به والده هاتفا بدهشه ايه
منصور دي الحاجه الوحيده اللي هتريحني وهتريح قلبي
سليم بغضب بس انا مش عايز اتجوز
منصور بحزن يعني ياابني الحاجه اللي نفسي فيها مش هتحققهالي
سليم بغضب انا احققلك اي حاجه غير الموضوع دا
منصور بزعل تمام ياسليم يابني
سليم بحزن جلس بجواره ونظر اليه مطولا ليهتف بترجي يابابا اسمعني بس ولكن تذكر حديث الدكتور وتاكيده بعدم ازعاجه لانه سوف يضر بحالته
ليكمل بضيق ومين بقا صاحبه السمو دي ولا لسه هنختار وهندور
منصور بهدوء لا موجوده وانت عارفها كويس
سليم بدهشه ومين دي بقا اللي اعرفها كويس
منصور بتوتر مريم بنت عمك شريف
سليم بصدمه ايه
منصور بترقب ايه ياسليم مالها مريم
سليم ومازال علي صدمته ليهتف بتشتيت بس اشمعنا مريم يابابا انت عارف كويس ان مريم لا
منصور بحزن ليه ياابني بتقول كده دي بنت عمك وانت اولي بيها من الغريب
سليم بضيق ايه الكلام دا يعني ايه اولي بيها من الغريب هو انا كمان مجبور اني اتجوزها علشان اولي ولا مش اولي انا تعبت والله من الكلام دا
منصور بحزن يعني ايه ياسليم ايه الكلام دا
سليم بحزن كلام ايه يابابا انت عارف كويس ان البيت دا بالذات انا مش بحبهم ولا بحب اتعامل معاهم تيجي انت تقولي اتجوز واحده من البيت يعني دا بردو كلام
منصور بتعب ودا ليه بقا ياسليم مالو البيت دا هيفضل طول عمرو بيت الغالي وانت عارف كده كويس
سليم بغضب لا مش عارف يابابا ولا عايز اعرف انا عمري ماهنسي انو بسببهم امي ماتت
منصور وبدأت علامات الاعياء تظهر علي وجهه ليهتف بغضب انت هتفضل كده لحد امته مصمم تقفل علي اي حاجه تظهرلك الحقيقه هتفضل كده عايش علي الوهم لامته لازم تفوق بقا سامعني انت كبرت كفايه علشان تعرف الحقيقه بنفسك وترحمنا وترحم نفسك من سوء الظن فيهم وفي اخويا اللي ساب الدنيا كلها وبقا تحت التراب خلاص ولا قادر يتكلم ولا حتي يدافع عن نفسو
سليم بغضب وانا هعرف الحقيقه دي منين منهم هما اللي هما في الاساس اهلو وعيلتو لا طبعا انا لا يمكن اصدق غير اللي شوفتو او سمعتو حتي لو وصلت اني افضل كده لاخر لحظه في حياتي
منصور بتعب اخرس خالص ومتتكلمش عنهم كده لانهم هيفضلوا في الاول والاخر اهلك مهما حصل
سليم بضحكه سخريه اهلي لا كويس والله
ليكمل بغضب انا لا يمكن انسي اللي حصل بسببهم لا يمكن انسي
منصور بحزن انت ازاي بقيت قاسي كده
سليم بسخريه وهو يحرك وجهه يمينا وشمالا هاتفا بحزن بقيت قاسي هو دا كل اللي فكرت فيه طيب تقدر تقولي القسوة دي نتجت بسبب ايه ماتتكلم ها نتجت من ايه غير اني اتكسرت كتير وملقتش اللي يكون جنبي ويداويني
كنت كل مره بفوق من صدمتي والقي نفسي لوحدي لا والمطلوب مني اني اكون شخص حنين وطيب ياسلام
انت بالذات سبب كبير في اللي انا فيه دا
منصور بغضب وهو يتحرك من مكانه ليقف امامه هاتفا بتعب انا ياسليم
سليم بحزن ايوه انت
منصور بتعب ليه بتقول كده داانا عملت كل دا علشانكم
سليم بحزن يااريت ما كنت عملت حاجه يااريتك كنت فضلت زي زمان انت اتغيرت واتغيرت معاك كل حاجه
ليكمل بصوت مرتفع انت السبب سامعني انت السبب في كل حاجه
منصور تند هذا ولم يستطع ان يمكث اكثر من ذلك ليسقط ارضا فاقدا الوعي
سليم بصريخ بابا
ليترجل الي الداخل معاذ في هذه الاثناء ليصعق مكانه بعدما رأي ابيه ساقطا ارضا وبجواره سليم يحاول افاقته
معاذ بصريخ هو الاخر وهو يتجه نحوه هاتفا بزعر ايه اللي حصل بابا مالو
سليم بخوف اتصل علي الدكتور بســــــــرعه
ليخرج معاذ هاتفه ومن ثم تحدث الي الطبيب ليغلق معه مستند والده مع سليم متجهين به نحو غرفته محاولين افاقته لحين قدوم الدكتور
بقلم نورهان محمد
••••••••••••••••••••••••••••••••
بعد دقائق
الدكتور بهدوء مخبيش عليك الحاله صعبه والقلب تعبان ومحتاج العمليه
سليم بحزن طيب والعمليه دي هتكون امته
الدكتور بعمليه لازم يرتاح الاول علشان العمليه دي حساسه فلازم يكون علي اتم استعداد ليها
سليم بحزن طيب وايه اللي المفروض نعملوا حاليا
الدكتور بهدوء لازم يبعد عن الانفعالات او العصبيه لان دي كلها خطر عليه وممكن تضر بصحته وكويس اوي انو قد يستحمل لانو من الواضح ان اتعرض لضغط عصبي جامد ودا باين من ارتفاع الضغط عندو بالنسبه دي
ليكمل دا الحل دلوقتي لحين الاطمانان عليه ودخول العمليات فلازم الوقت دا يكون في راحه كامله بعيد كل البعد عن الانفعالات والتاثيرات الخارجيه مع العلاج هيتحسن ان شاء الله
سليم بحزن حاضر يادكتور
ليخرج معاذ موصل اياه الي الخارج اما سليم فاخذ ينظر اليه لبعض الوقت قبل ان يتحرك الي غرفته
ولكن اوقفه صوت من خلفه هاتفا بغضب سليم
سليم بانتباه وعلامه الحزن تعتلي اعلي وجهه
معاذ بغضب ايه اللي حصل ان بابا يوصل للحاله دي تاني
سليم بحزن عندما تذكر انه السبب في وصول والده مجددا الي حاله الاعياء هذه هاتفا بحزن شدينا مع بعض شويه
معاذ بضيق وايه السبب
سليم وهو يمسح علي وجهه من شده التعب هاتفا بهدوء عايزني اتجوز
معاذ باستغراب طيب ودي فيها ايه
سليم بابتسامه سخريه لا ماانت متعرفش العروسه
معاذ بنفاذ صبر يعني هتكون مين
سليم بابتسامه سخريه مريم شريف الكيلاني
معاذ بصدمه ايه
سليم بهدوء ايوه من بين الدنيا كلها ملقاش غير دي
معاذ بهدوء طيب وايه الحل هتعمل ايه
سليم بتفكير مش عارف
معاذ بهدوء لازم توافق
سليم بصدمه ايه اللي انت بتقولوا دا
معاذ بقلق ما هو مفيش حل غير دا احنا كل يوم بابا بيتعب اكتر من اليوم اللي قبلوا احنا مش هنستني لما يضيع من ايدينا
سليم بغضب ودا اللي هو علي حساب ايه بقا اني اتجوز البنت اللي مش بطيق حتي ابص في وشها
معاذ بهدوء لازم تضحي بسعادتك دي في سبيل ارضاء بابا وسلامته
ليكمل وبعدين مريم دي بنت طيبه ومفيش زيها وانت عارف كده وبتكابر
سليم بغضب معاذ لحد هنا وكفايه ومتحاولش انك تفتح في القديم
معاذ بهدوء تمام اللي يريحك ياسليم انا قولتلك الي عندي واللي يريحك اعملوا اهم حاجه ان بابا يكون كويس
ليتجه نحو غرفته تاركا سليم وسط افكاره التي كادت ان تطير بعقله من شدتها
ليترجل نحو غرفة والده ومن ثم فتح الباب رويدا رويدا لكي لا يشعر به والده وظل ينظر اليه لبعض الوقت قبل ان يتجه نحو غرفته لكي ينال قسطا من الراحه
بقلم نورهان محمد
•••••••••••••••••••••••••••••••••••••••
في صباح يوم جديد يشرق علي فيلا الكيلاني معلن عن اشرقة يوم جديد يحمل كثيرا من الاشياء
سليم بهدوء صباح الخير
منصور بحزن صباح النور
سليم بهدوء وهو يجلس بجواره ويقبل يده هاتفا بابتسامه ايه اللي مصحيك بدري كده مش المفروض ترتاح
منصور ومازال علي حالته انا كده كويس
ليسود صمت لبعض الدقائق قبل ان يهتف سليم قاطعا هذا الصمت ببعض الكلمات
سليم بهدوء بابا انا عايزك في موضوعين مهمين
منصور باهتمام ايه هما الموضوعين
سليم بحزن اول حاجه الموضوع اللي اتكلمنا فيه هبلغك قراري فيه لما ارجع من الشركه ان شاء الله
منصور بهدوء طيب وتاني موضوع
سليم بحماس هي في صفقه مهمه جدا هتخلي الشركه في مكانه تانيه خالص بالنسبالنا هتكون هي القاضيه اللي هتخلي اسم الشركه مش بس معروف في مصر او الوطن العربي لا دا هيكون علي مستوي العالم
منصور بترقب وايه هي الصفقه دي
سليم بتوضيع في شركه حابه تعمل شراكه مع الشركه بتاعت حضرتك الشركه دي معروفه عالميا بقوتها طبعا كان في تواصل معاهم من فتره وقدرت ارتب معاهم كافة الاشياء وانا واثق منهم جدا
ليكمل وكمان هيكونوا السبب ان شاء الله في نجاح اسم شركتنا عالميا فطبعا هما قدموا اقتراح بالشراكه وتمويل الاموال اللي يحتاجها المشروع بالكامل ومن وجهة نظري هتكون افاده مهوله للشركه من كل النواحي ولا ايه رأي حضرتك
منصور باهتمام اسمها ايه الشركه دي
سليم بهدوء TBC
منصور باعجاب طيب وانت قدرت تتواصل معاهم ازاي وازاي هيوفقوا بالشراكه دي بالنسبه لشركتهم العالميه
سليم بتوتر كان في سابق معامله قبل كده وانا قدمتلهم كذا اقتراح مهمين يفيدوا مشاريع كتير وهما وثقوا كل دا وحبوا يعمل شراكه ويستفادوا من خبراتي
منصور باعجاب من مستوي ابنه وخصوصا في هذا السن
ليهتف بهدوء تمام ياسليم اعمل اللي تشوفوا في صالح الشركه لانك حاليا المسؤل الاول والاخير عنها اهم حاجه تكون واثق من المشروع
سليم بابتسامه كل شئ مدروس
منصور بهدوء تمام ياسليم موفق ان شاء الله
سليم بابتسامه تمام هستاذن انا لان عندي اجتماع
منصور بهدوء تمام
بقلم نورهان محمد
•••••••••••••••••••••••••••••••••••••••
في الشركه
سليم بهدوء اتفصل
مصطفي بازعاج وهو يترجل الي داخل مكتب سليم هاتفا بهزار لا انا مش بتاع صحيان بدري والكلام دا انا واحد بيحب النوم
سليم احنا بدأنا ولا ايه بقا
مصطفي بملل ها هنعمل ايه بقا
سليم لا هطلبلك قهوه علشان تصحصح كده وتركز بقا لان انهارده محتاج لكل ذرة تركيز
مصطفي تمام اطلب وانا هفوق اهو
••••••••••••••
في غرفه الاجتماعات
سليم بهدوء اللي اتعرضت ليه الشركه دا نقدر نقول خيانه وخيانه عظمي كمان ان ملف مهم زي دا يتسرق ويتسبب في مشكله كبيرة للشركه واحتمال يكون سبب في فشل الصفقه الي كانت هتغير مجري الشركه 180°
ليكمل بس اللي حصل دا كان ضرر كبير وانا علي قد مااقدر حاولت اتلاشي المشكله واجهز ملف جديد بتفاصيل تانيه
فالمطلوب من حضراتكم دلوقتي انكم تراجعوا كل كبيره وصغيره هتمر علي الشركه والا الشخص اللي هيتخازل او هيقصر في واجبه يعتبر نفسه خارج الشركه نهائيا
جميع الحاضرين حاضر يابشمهندس
سليم بهدوء تمام ساره هتسلم كل واحد فيكم حالا الملف وهنتناقش في كل جزئيه فيه قبل مانستقبل الوفد الرسمي من الشركه المقدم العرض
لتترجل ساره نحو كل منهما لتعطي له ملف خاص بكل مايخص الصفقه المنتظره
ليظل الاجتماع مستمرا لبعض الساعات قبل ان يهتف سليم بتعب كده كلو تمام اتفضلوا علي مكاتبكم
ليترجل كل منهما نحو مكتبه
مصطفي بابتسامه لا انا مصاحب داهيه والله
سليم بدهشه في حد يقول علي صاحبه داهيه
مصطفي بنظره ممتلي بالتمثيل ومالو داهيه دا انا كده مقدر الصحوبيه وبحاول اختار الالفاظ
سليم لا متتعبش نفسك
مصطفي بجديه لا بس بجد شابوه ليك تفكير عبقري
سليم بابتسامه انت لسه شفت حاجه
•••••••••••••••••••••••••••••••••••••••
كان يتحدث بخفوت من ان يستمع اليه احد هاتفا بترقب الو ايوه ياباشا
الطرف الاخر ها ياسعيد عملت ايه
سعيد بخوف هو شاكك ان في خاين وسطينا وقالها صريحه
الطرف الاخر بضحك طيب وفيها ايه ماهو دا المتوقع ملف واتسرق من مكتبه يخص صفقه عملاقه متخيل ردة فعلوا تكون ايه
سعيد بقلق طيب ياباشا لو عرف هيأذيني لانو باين عليه شديد ومش بيرحم
الطرف الاخر بغضب في ايه ياسعيد ماانا قولتلك هأمنلك مستقبلك خايف من ايه بقا
سعيد بابتسامه تمام ياباشا
الطرف الآخر ها في اي جديد
سعيد بشر ايوه طبعا في جديد
ليكمل هو سلمنا ملف جديد بدل اللي اتسرق علشان نناقشوا فيه واعتبر الملف الاول لاغي
الطرف الآخر ومستني ايه ابعتهولي فورا
سعيد طيب ياباشا لو عرف اني اللي اتسببت في تسريبه ممكن يسجني
الطرف الاخر بهدوء لا متقلقش انا هرتب كل حاجه
سعيد بارتياح تمام ياباشا انا هقفل دلوقتي وابعتوا لحضرتك
الطرف الاخر بابتسامه سلام
••••••••••••••••••••••••••••••••••
عند مريم
مريم بدهشان السلام عليكم
ضحي بهدوء وعليكم السلام ورحمة الله وبركاته
لتكمل بتعنيف ايه ياست هانم انتي لسه نايمه لحد دلوقتي
مريم بنعاس هو في ايه اللي هيخليني اصحي وبعدين انا نايمه بعد الفجر ومش قادره هي الساعه كام
ضحي لا يادوب الساعه 11 بس واحنا محاضرتنا الساعه 1
مريم بهدوء ماانا كده كده مش هروح
ضحي بدهشه ودا بقا اللي هو ليه يااستاذه
مريم انا مش هحضر لدكتور عمرو اقل حاجه الفتره دي مش هقدر اتعامل معاه
ضحي بتذكر بس بردو يامريم مش هينفع تضيعي محاضرات مهمه زي دي علشان متردده او محرجه دي حاجه تانيه خالص ولازم تفصلي
مريم بهدوء وهي تعتدل في جلستها هاتفه بحزن انا فعلا فاصله بس جسديا ومعنويا ونفسيا ياضحي
ضحي بقلق مالك يامريم
مريم بحزن انا كويسه متقلقيش
لتكمل روحي احضري المحاضره وابقا بلغيني الدكتور شرح ايه
ضحي باستغراب من حالة صديقتها هاتفه بهدوء حاضر
لتغلق مريم معها ومن ثم ترجلت من علي الفراش متجها الي الخارج
مريم بهدوء صباح الخير
ريم بابتسامه صباح النور
مريم باستغراب ماما فين
ريم بهدوء وهي تعود الي هاتفها من جديد هاتفه بتذكر خرجت هي ومروان هيشتروا طلبات للبيت
مريم بهدوء تمام
ريم باستغراب مالك يامريم احنا من لما رجعنا امبارح وانتي متغيره
مريم بحزن لا عادي انا مجهده شويه
ريم بحنان متأكده
مريم بابتسامه ايوه
ريم بحب طيب انا موجوده لو حبيتي تتكلمي انا زي اختك بردو
مريم بطيبه قلب اختك انتي
لتكمل انا داخله احضر الاكل تاكلي معايا
ريم بضحك طبعا يابنتي انا اي حاجه فيها اكل انا موجوده
مريم بابتسامه تمام ياقلبي
بقلم نورهان محمد
•••••••••••••••••••••••••••••••••••••••
في فيلا الكيلاني
الدادة فايزه بابتسامه الغدا جاهز ياسليم
سليم بابتسامه تمام ياداده
ليكمل عملتي اكل بابا زي ماقولتلك
فايزه بهدوء ايوه ياسليم انا ماشيه علي التعليمات اللي موجوده في النوته اللي قولتلي عليها
سليم بابتسامه تمام ياداده تسلمي
ليكمل حضري السفره وانا هجيب بابا ومعاذ
فايزه بابتسامه تمام
بعد وقت من تناولهم الغدا
معاذ بهدوء انا خارج محتاجين حاجه
منصور بهدوء لا سلامتك
سليم بهدوء متتاخرش بليل لاني عايزك في موضوع
معاذ بقلق تمام
ليترجل معاذ الي الخارج تاكا والده وسليم في صمتهم الذي سيطر علي الموقف
سليم بتوتر بابا
منصور بانتباه نعم
سليم بحزن مش حابب تعرف قراري
منصور بهدوء وايه قرارك
سليم بضيق موافق اتجوزها
منصور بصدمه انت بتتكلم جد ياسليم
سليم بهدوء ايوه طبعا
منصور تمام وانا هبلغهم
سليم لا انا عايز رقمها وهكلمها وابلغها انا
منصور باستغراب انت اللي هتكلمها
سليم بحزن ايوه وفيها ايه
منصور تمام قولها اننا هنزورهم انهارده
سليم باستغراب انهارده
منصور بابتسامه ايوه
بعد دقائق
سليم بهدوء الووو
مريم باستغراب مين
سليم بضيق انا سليم الكيلاني
مريم باستغراب نعم
سليم وهو يحاول السيطره علي نفسه انا وبابا جاين عندكم انهارده
مريم باستغراب ليه
لتكمل وبعدين عمي تعبان ولو محتاج حاجه اجي انا بلاش هو يتعب نفسو
سليم بسخريه لا هو حابب يتعب نفسو
مريم تمام تنوروا
سليم بهدوء سلام
مريم وعليكم السلام ورحمة الله وبركاته
•••••••••••••••••••••••••••••••••••••••••
في المساء
اسماء بابتسامه منورين والله
منصور بابتسامه بنورك يااسماء
منصور بهدوء انا هقوم اصلي العشاء
اسماء تمام وانا هدخل احضر حاجه نشربها
لتكمل هاتي لعمك المصليه يامريم
مريم بهدوء حاضر
بعد مرور بعد الدقائق
منصور بابتسامه والله يااسماء انا من الفرحه مش عارف ابدأ منين
اسماء باستغراب خير ياابو سليم
منصور بفرحه انا وبكل فخر وسعاده وحب طالب ايد بنتي وحبيبة قلبي مريم لابني سليم
اسماء بصدمه ايه
منصور بهدوء ايه يااسماء مالك
اسماء بتوتر لا طبعا انا مش مصدق الطلب بس
لتكمل بابتسامه الرأي الاول والاخير لمريم طبعا
كانت مريم مازالت علي صمتها لم تتفوه باي حرف
لتهتف اسماء موجها كلامها الي مريم
اسماء بابتسامه عمك طالب ايدك لابنو سليم
مريم بدموع وانا مش موافقه ياعمي
ليكتفي سليم بالقاء نظره نحوها وعلي وجهه ترتسم السعاده مع ابتسامه بسيطه تعتلي ثغره
•••••••••••••••••••••••••••••••••••••••••••••
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية إليك سكن فؤادي)
