رواية فتاة انحنت من أجل الحب الفصل السادس عشر 16 بقلم دودو محمد
رواية فتاة انحنت من أجل الحب الجزء السادس عشر
رواية فتاة انحنت من أجل الحب البارت السادس عشر
رواية فتاة انحنت من أجل الحب الحلقة السادسة عشر
فى الصعيد
كان الكل متجمع فى دوار حسين وقعدين بيشربو العصير وبيتكلمو فى ذكريات احمد قطعهم امير وقال
امير / عمى لو سمحت كنت عايز من حضرتك تخلص اجراءات الورث علشان نرجع القاهره فى أقرب وقت
حسين / زهقت مننا بالسرعه دى يا ابن اخوي
امير / لاء والله يا عمى بس فى ورايا شغل مهم ولازم ارجع ليه بسرعه
حسين / والله يا ابن اخويه الإجراءات قدامها اسبوع بالكتير دى أراضى وبيوت وفلوس بالملايين ولازم المحامى يحسب المكسب طول السنين دى ويضفهم ليكم وبعدين احنا أرضنا مش بنديها لحد احنا هنتمن الأراضى اللى ليكم فلوس بما يرضى الله وكل قرش ليكم هتاخدو بالمكسب بتاعه طول السنين اللى فاتت
امير / واحنا واثقين فيك يا عمى بس مينفعش الإجراءات دى تخلص قبل كده
حسين / صعب والله يا حبيبى اصبر شويه واهو نشبع منكم شويه
امينه / خلاص بقى يا امير عمك عارف بيعمل ايه
حسين / وبعدين يا ابنى احنا لسه متكلمناش فى موضوع بنتى
امير / بأستغراب موضوع بنتك
حسين / ايوه بنتى سها انت ابن عمها واحق بيها
امير / اتصدم وقال بس انا يا عمى قولتلك مش بفكر فى موضوع الجواز ده دلوقتى
حسين / يا ابنى انت مش صغير وابنى اصغر منك اهو ومتجوز ومعاه كمان عيله
امير / انا مش مستعد للخطوه دى يا عمى وبعدين انا سها بعتبرها زى اختى ساره
سها / بابا انت هتتحايل عليه انا اصلا اللى مش موافقه عليه
حسين / بت لما الرجاله تتكلم مسمعش صوتك وبعدين بص لامينه وقال ايه رأيك فى الكلام ده يا ام امير
امينه / بصت لامير وبعدين بصت لحسين وقالت احنا مش هنلاقى احسن من بنتك طبعآ يا اخويه بس الرأى رأى امير هو اللى هيختار مش انا
حسين / يا ابنى احنا عايزين الود يرجع تانى ما بنا وبنكم احنا اتحرمنا من ابوكم واتحرمنا من ان نشوف أولاده طول السنين اللى فاتت دى وانا سبق وقولتلك أن عندنا بنات العيله تخدها شباب العيله مش بيطلعو لحد غريب علشان الأراضى بتاعتهم وورثهم ميروحش لحد غريب وبنتى مش معيوبه ولا جاهله علشان مترضاش بيها بنتى دكتوره وانا صممت أن اعلمها علشان يبقى زيها زى البنات المتعلمه عندكم
امير / والله يا عمى مش قصدى حاجه خالص واكيد بنتك ست البنات واى حد يتمناها ويكفى انها لحمى ودمى بس صدقنى هظلمها معايا لو قبلت أن اتجوزها لان مش هقدر اسعدها ولا احبها زى اى زوجين
حسين / انا سألتك متجوز ولا خاطب قولت لاء يبقى ايه المانع
امير / المانع أن قلبى مشغول بواحده تانيه ومقدرش اتقبل واحده فى حياتى غيرها
حسين / سكت شويه وقال بزعل اللى يريحك يا ابن اخويه وفى الوقت ده دخلت مرات صلاح
صلاح / رشا ايه جابك
رشا / ايه جايه بيتى وبيت جوزى ولا كمان هيستولو على بتنا اللى عايشين فيه
صلاح / رشا اهدى الكلام ده مش هنا
حسين / صلاح خد مراتك واطلع اوضك
صلاح / حاضر يا بابا وبص لرشا وقال امشى قدامى
رشا / لاء مش طالعه وبعدين بصت لامير وأمينه ومحمود وساره وقالت انتو كده ارتحتو لما هتاخدو فلوسنا وفلوس عيالنا مش مسمحاكم فى كل قرش هتاخدو مننا علشان مش من حقكم
امير / فلوس ايه وحق مين اللى بتتكلمى عنه
رشا / ايوه اعملهم عليا واعمل نفسك مش فاهم حاجه هقول ايه ما انتو شوية شحاتين وما صدقتو لاقيتو ملايين هترفضو ولا يهمكم اذا كان حقكم ولا لاء حسبى الله ونعمه الوكيل
حسين / رشا مسمعش كلمه واحده فاهمه
رشا / لاء مش هسكت يا عمى هما ابوهم مات قبل جدى يبقى ملهمش فى الورث ولا مليم واللى هياخدو ده حقنا وحق ولادنا
ساره / بغيظ انتى بتتكلمى كده ليه وفلوس ايه يا ام فلوس اللى بتتكلمى عليها احنا اه فقره بس مش شحاتين زى ما بتقولى وعمى حسين هو اللى طلب من امير اننا نيجى وناخد الورث بتاعنا ام انتى كلامك ولا يهمنا كلامك على جزمتنا
رشا / لاء نصابين وبجحين كمان
صلاح / رفع أيده وقال رشا لحد هنا وكفايه وضربها بالقلم
رشا / حطت ايديها على خدها وقالت بتضربنى يا صلاح علشان الزباله دول طب ودينى ما انا قاعده فيها وهاخد بنتى معايه
صلاح / الباب يفوت جمل إنما بنتى مش هسيبها تروح فى أى حته
امينه / يا جماعه استهدو بالله
رشا / ايوه ولعوها واعملوا نفسكم انكم كويسين
امينه / عيب يا بنتى انا مرات عمك برضه احترمينى شويه
محمود / بعصبيه قومى يا ماما احنا مش هنقعد ولا دقيقه هنا
ام صلاح / أهدا يا حبيبى مش كده
امير / احنا اسفين يا مرات عمى بس مش هنقعد فى مكان بيتغلط فينا فيه
صلاح / لاء هتقعدو وعليا الطلاق منها لانتو قاعدين وهى اللى هتروح على بيت ابوها
امينه / لا حول الله يارب طيب ليه يا ابنى كده
صلاح / خلاص يا مرات عمى انا حلفت
رشا / خربتوها وقعدو على تلها سيبها ليكم مخضره وسابتهم ومشيت
محمود / معقول دى بنت عمنا
حسين / معلش يا جماعه هى كده علطول اندفاعيه فى كلامها
ساره / ده من اندفاع يا عمى دى واحده معرفتش التربيه اصلا سورى يعنى يا جماعه
امينه / يابت لمى لسانك دى مهما كان بنت عمك
محمود / دى بنأدمه متتعشرش انت مستحملها ازاى دى
صلاح / ده اللى بناخدو من جواز القرايب مكنتش عايزها بس قانون العيله يودى فى ستين داهيه
حسين / صلاح خلاص قفل على الموضوع ده
صلاح / يا أبا قولتلك أطلقها انا تعبت منها
حسين / صلااااااااح سمعت قولت ايه قفل على الموضوع ده
صلاح / بص لابوه وبعدين وقف وقال عن اذنكم ودخل اوضه
ام صلاح / معلش بقى يا جماعه صدعناكم بمشاكلنا
امينه / يا اختى احنا اللى بنقولكم معلش وجودنا هنا سبب ليكم مشاكل
حسين / لاء والله يا ام امير انتو منورنا وكنت حابب ناخد بنتكم ساره لابنى حسام
ساره / اتصدمت وقالت نعم
حسام / ايوه بقى هو ده الكلام المفيد قول يا حاج وسمعنى
ساره / وقفت وقالت انا مش موافقه
حسين / ليه يا بنتى
ساره / انا لسه فى الجامعه
حسام / وايه يعنى استناكى مش دى اخر سنه ليكى يعنى كلها شهور وتخلصى
ساره / بصت ليه بغيظ وقالت بس انا مش مستعده للجواز دلوقتى انا لسه عايزه احقق حلمى وافتح مرسم
حسين / ايه برسم ده
حسام / مرسم يا ابا يعنى مكان ترسم فيه لوح وكده وبعدين بص لساره وقال ايه المشكله انا مش ممانع على الشغل على فكره
ساره / انا مش هقدر اسيب القاهره واجى اعيش هنا فى الصعيد
حسين / بتستعرى من اصلك يا بنتى دى بلدك وبلد ابوكى
ساره / انا مستعرتش يا عمى بس انا متعلقه بالقاهره
حسام / اشترى ليكى شقه فى القاهره ونقعد حبه هناك ونقعد حبه هنا
ساره / داست على سنانها وقالت لنفسها ياربى على اللزقه السوده دى
حسين / ايه رأيكم يا أمير انت ومحمود والحاجه فى الموضوع ده
امير / والله يا عمى دى حاجه تخصها هى
امينه / انا لو عليا موافقه طبعآ بس المهم رأيها هى
حسين / وانت يا محمود
محمود / مش موافق يا عمى هى عايزه تثبت نفسها الاول وتحقق حلمها وبعد كده تبقى تفكر فى الجواز براحتها
ساره / ايوه بالظبط كده
حسين / يعنى لا انتى ولا اخوكى عايزين تتجوز حد من عيالى
امير / يا عمى الجواز ده قسمه ونصيب واكيد اللى ربنا عايزه هو اللى هيكون
حسين / ونعمه بالله وكل واحد قام ودخل اوضه
____________________________
فى الاسكندريه
فى المستشفى
طلبت زهراء الخروج من المستشفى والدكتور رد عليها وقال
الدكتور /مينفعش طبعآ انتى لسه محتاجه متابعه وعلاج
زهراء / بالله عليك يا دكتور خرجنى من هنا انا زهقانه ومخنوقه من المستشفى عايزه اشم هوا بره المستشفى دى
الدكتور / والله هقول لعاطف باشا وهرد عليكى
زهراء / هو مالو اذا كنت أخرج ولا لاء
الدكتور / مش هو متكفل بمصاريف العلاج بتاعة المستشفى يبقى لازم نديه خبر قبل اى حاجه
زهراء / طيب ياريت تكلمو وعرفه أن انا هريحو منى خالص
الدكتور / اوك عن اذنك وخرج من. الاوضه وقفل وراه الباب ومسك تليفونه وطلب عاطف وانتظر الرد
عاطف / خير يا دكتور
الدكتور / اسف بجد ليك لو كنت بعطلك بس غصب عنى والله
عاطف / لاء عادى ولا يهمك اتفضل قول
الدكتور / المريضه اللى عندنا
عاطف / مالها
الدكتور / عايزه تخرج من المستشفى
عاطف / وهى صحتها تستحمل خروج
الدكتور / لاء محتاجه رعايه واهتمام لحد ما تستعيد اللى فقدته من جسمها خلال الغيبوبه
عاطف / يبقى متخرجهاش
الدكتور / بتقول انها مخنوقه من جو المستشفى عايزه تخرج وبتقولك يعنى احم هتمشى وهتريحك منها خالص
عاطف / والعمل دلوقتى
الدكتور / بعد اذنك عندى اقتراح وعايزه أقوله
عاطف / قول
الدكتور / خدها عندك فى الفيلا وخلى الخدم عندك يهتمو بيها الفتره دى لحد ما تقدر تشد حيلها وبعد كده حضرتك حر تساعدها أو تسيبها تمشى
عاطف / سكت شويه
الدكتور / ها ايه رأى حضرتك
عاطف /تمام بكره الصبح هتكون عندكم العربيه الخاصه بتاعتى انقلها فيها
الدكتور / تمام يا باشا ربنا يديك على قد نيتك
عاطف / شكرآ سلام
الدكتور / سلام وقفل مع عاطف وراح على مكتبه
____________________________
فى فيلا روز
وصل سامح الفيلا وقعد انتظر نزول روز وبعد وقت نزلت روز فى قمة الشياكه ولبس محترم
سامح / بص ليها بأعجاب وسرح فى جمالها
روز / هاى يا مستر
سامح / كان سرحان فى جمالها
روز / مستر يا مستر
سامح / ها ا.ا.ايوه يا روز
روز / خير يا مستر بكلمك مش بترد
سامح /احم مأخدش بالى اقعدى يلا
روز / قعدت جنب سامح
سامح / بدأ يشرح الدرس ليها
روز / مستر سامح ك.ك.كنت عايزه أسألك سؤال
سامح / اه طبعآ اسألى
روز / احم ه.ه.هو انت ممكن تحب عبير
سامح / استغرب السؤال وبص ليها وقال ليه بتسألى السؤال ده
روز / احم اصل وقفتنى وقالت ليا انك انت ليها هى وكانت لسه هتكمل كلامها جت جهاد وقطعتها
سامح / اتغاظ من عبير وقال هى قالت ليكى كده
روز / ايوه
سامح / طيب وده يهمك فى ايه اذا كنت ممكن احبها ولا لاء
روز / ها ع.ع.عادى ا.ا.انا بسأل بس
سامح / بس شايف ان ده مش مجرد سؤال عادى
روز / اتوترت وبصت فى الارض
سامح / رفع وشها ليه وقال عبير دى اخر واحده ممكن افكر فيها واكيد جهاد قالت ليكى السبب
روز / ايوه قالت ليا بس هى شكلها بتحبك
سامح /بس انا مش بحبها
روز / بأندفاع طيب بتحب حد تانى
سامح / ضحك وقال يلا نكمل الدرس
روز / م.م.ماشى
سامح / شرح ليها الدرس وبعد وقت خلص ووقف وقال انا جيت النهارده علشان خاطرك بس الاسبوع ده مش هقدر اجى ليكى
روز / بزعل طيب ولا حتى هترجع تدينا فى المدرسه
سامح / هحاول
روز/ بزعل ماشى
سامح / مشى لحد الباب وبص لروز وقال روز
روز / نعم
سامح / ردى على سؤالك من شويه لاء مفيش حد وسابها ومشى
روز / بصت على الباب مكان ما خرج بصدمه وبعدين قعدت تنط بفرحه وتقول yes yes
مادلين / ربنا يشفيكى يا بنتى اتجننتى ولا ايه
روز / احم ها م.م.مفيش حاجه ع.ع.عن اذنك وطلعت تجرى على اوضتها
مادلين / بصت لبنتها بأستغراب وحركت كتفها ومشيت
____________________________
فى الصعيد
فى اوضت امير
كان نايم فى اوضه وسمع صوت الباب بيخبط قام يفتح وبيحسبها ساره بس اتفاجئ وقال
امير / سها
سها / ممكن اتكلم معاك شويه
امير / هنا فى الاوضه
سها / معلش كنت عايزاك فى موضوع مهم ومينفعش حد يسمعنا
امير / وسع ليها وقال اتفضلى
سها/ دخلت وقفلت الباب وراها وقعدت على السرير وقالت انا عارفه انك مستغرب من وجودى دلوقتى عندك
امير / يعنى شويه
سها / امير انا فى ورطه وحاسه أن ربنا بعتك ليا فى الوقت ده علشان تساعدنى
امير / ورطة ايه دى
سها / بس اوعدنى الكلام اللى هقوله ليك ده محدش يعرفه انا حسيت انك راجل بجد وهتقدر تساعدنى
امير / بقلق قولى يا سها
سها / امير ا.ا.انا كنت متجوزه عرفى
امير / اتصدم وقال ا.ا.ايه اللى انتى بتقوليه ده
سها / بدموع ايوه يا أمير حبيت واحد فى اسكندريه وانا فى الجامعه وكنت قاعده فى سكن البنات ومره طلب منى أن يجى يتقدم ليا رفض وقولت ليه أن بابا مش هيرضى دلوقتى وممكن لو عرف أن فى ما بنا حاجه يمنعنى من الجامعه قالى أن هو بيحبنى ومش قادر يستحمل بعده عنى اكتر من كده والصراحه انا كمان بحبه ومازلت بحبه واقترح عليا اننا نتجوز عرفى وبعد ما نتخرج يجى يتقدم رسمى انا رفض فى الاول وكنت خايفه من الموضوع ده بس فى الاخر وافقت لان بحبه
امير / طيب ومجاش اتقدم ليكى ليه بعد ما اتخرجتو
سها / بدموع جه وبابا رفضه وقال معندناش بنات بتتجوز حد من بره العيله أو البلد
امير / وطبعآ هو ما صدق كبر منك
سها / هزت راسها بمعنى ايوه وقالت بدموع ايوه من ساعة ما اترفض وانا معرفش حاجه عنه لما بابا كلمك كان كلامه ليك بجديه ولو مكنتش انت هتوافق هيجوزنى لأبن العمده متقدم ليا ومش عارفه اعمل ايه
امير / عايزه رأى انتو الاتنين غلطانين اولا هو غلطان لما طلب منك تتجوزو عرفى لان مفيش حاجه اسمها جواز عرفى اصلا يعنى معشرتك ليه دى كلها حرام ولو كان بيحبك بجد مكنش طلب منك حاجه زى كده وانتظرك فى الحلال ثانيآ انتى كبنت رخصتى نفسك لما سلمتى نفسك ليه بكل سهوله وسمحتى يقرب ليكى تحت مسمى الجواز الكاذب ونسيتو أن ربنا شيفكم ومش راضى على اللى بتعملوا ده وحتى لما اتقدم ليكى واترفض ده مش معنى بيحبك ده خايف من أهلك لان عارف الصعايده ممكن يعملوا فيه ايه لو عرفوا وانتى المفروض كنتى فكرتى فى أهلك قبل ما تعملى كده أهلك اللى ادوكى الثقه وسمحو ليكى تعيشى لواحدك فى بلد تانيه على اساس انك تقدرى تحافظى على نفسك وتصونى شرفك وهو اللى بيحصلك ده نتيجة افعالك الغلط
سها / بدموع عارفه يا أمير أن ربنا بيعاقبنى أن سلمت نفسى ليه تحت مسمى الحب بس هو كان مستعد يتجوزنى رسمى المشكله فى بابا مرضاش وعايز يجوزنى ليك او لابن العمده
امير / بصلها وسكت
سها / امير بالله عليك ساعدنى
امير / انا مش عارف هساعدك ازاى يا سها انا مقدرش اعمل اى حاجه
سها / طب والعمل
امير / مش عارف يا سها مش عارف
سها / طيب ممكن اطلب منك طلب
امير/ اتفضلى
سها / اطلب ايدى واتجوزنى وبعد فتره طلقنى وقول أن احنا متفقناش وانا هحاول ادور عليه يجى يتجوزنى بعد ما أطلق منك
امير / صعب اعمل كده يا سها
سها / ليه يا أمير والله ما هزعجك
امير / يا سها انا بحب واحده وصعب اخلى اى حد ياخد مكانها هى بس اللى هتكون مراتى وبعدين انتو موثقين العقد عند محامى
سها / ايوه موثقين العقد عند المحامى بس هو طلقنى وقطع الورقه بحجة علشان لما يتقدم رسمى ويتكتب الكتاب عند المأذون يبقى مفيش حاجه تثبت اننا متجوزين قبل كده
امير / اولا العقد لما يكون موثق عند المحامى مش علشان هو يبقى حلال لاء ده بيبقى موثق علشان لو هو مات وليكى اطفال منه تقدرى تاخدى ورث الاطفال دى من أهله إنما مش علشان يبقى حلال ولا حرام لأنه مش معترف بى عند ربنا فهمتى يا سها
سها/ايوه مكنتش اعرف كده قولت ايه يا امير اتجوزنى لحد بس ما الاقى ريان واخليه يجى يتقدم ليا تانى وسعتها بابا هيوافق لانى هكون مطلقه ابوس ايدك يا أمير
امير / صعب يا سها
سها / لو انت رفض بابا هيجوزنى لأبن العمده ولو اكتشفوا أن انا مش بنت بنوت هيقتلونى يا أمير ارجوك
امير / بص ليها وسكت
سها / وقفت وقالت بدموع انا اسفه ليكى لو كنت ازعجتك عن اذنك ومشيت لحد الباب
امير / انا موافق يا سها هكتب كتابك واخدك معايه بس متنتظريش منى اكتر من كده لان قلبى وروحى مع واحده تانيه
سها / وانا مش محتاجه حاجه غير انك تستر عليا لحد ما الاقى ريان
امير / هكلم عمى بكره وهاخدك معايه واحنا راجعين للقاهره
سها / شكرآ يا أمير مش هنسا وقفتك معايه دى ولو طلبت منى عمرى مش هرفض ابدآ وخرجت من الاوضه
امير / قعد على السرير بأنكسار ومسك صورة زهراء من تحت المخده وقال بدموع حقك عليا يا عمرى كله انا لازم اعمل كده علشان دى بنت عمى يعنى لحمى وعرضى بس هتفضل اختى ومستحيل اعيش مع اى واحده حياة زوجيه غير معاكى انتى وبس يا زهرتى هتفضلى انتى حب عمرى وهتبقى انتى مراتى وام عيالى انتى كل دنيتى وهتفضلى طول عمرك كده وحضنها ونام على السرير
____________________________
اشرقت شمس صباح يوم جديد بنورها الساطع فى سماء الاسكندريه لتبدأ زهراء بفتح عيونها على صوت الدكتور
الدكتور /انسه يا انسه
زهراء / فتحت عيونها وقالت خير يا دكتور
الدكتور / يلا يا انسه خدى الهدوم دى والممرضه هتساعدك تجهزى نفسك علشان هتخرجى من المستشفى
زهراء / بفرحه بجد يا دكتور
الدكتور / ايوه وفى عربيه مستنياكى تحت
زهراء / عربيه بتاعت مين
الدكتور / عاطف باشا بعتها ليكى علشان تروحى عنده
زهراء / اروح عنده اعمل ايه
الدكتور / هتقعدى عنده لحد ما تتعافى نهائى
زهراء / بس انا مش عايزه اروح عنده
الدكتور / عندك مكان تروحى فيه
زهراء / هزت راسها بمعنى لاء وقالت هو انا فاكره حاجه يا دكتور
الدكتور / يبقى أمن ليكى تقعدى عند عاطف باشا أو خليكى فى المستشفى
زهراء / لالالا المستشفى لاء خلاص هروح عنده
الدكتور / انا خارج والممرضه هتدخل تساعدك وخرج والممرضه دخلت ساعدة زهراء ولبستها هدومها وجهزتها وسندتها وركبو الاسانسير ونزلو تحت عند العربيه وقعدتها وراه بس اتفاجئت بعاطف قاعد فى العربيه قدام
زهراء / احم السلام عليكم
عاطف / وعليكم السلام وبعدين قال لسواق امشى على الفيلا
زهراء / بصت ليه بخوف واكتفت بالسكوت لحد ما وصلت العربيه الفيلا ودخلو عند الباب ونزل عاطف من العربيه وحاولت زهراء تفتح الباب وتنزل بس مقدرتش
عاطف / انزلى يلا
زهراء / بصت ليه وقالت ح.ح.حاضر وحاولت تانى بس مقدرتش
عاطف / فتح الباب وقال بعصبيه ما تنزلى ولا مستنيه حد يجى يفتح الباب لحضرتك
زهراء / بدموع م.م.مش قادره انزل لوحدى
عاطف / اتنهد وبعدين مد أيده ليها وقال هاتى ايدك
زهراء / مدت ايديها بخوف
عاطف / سندها لحد ما نزلت من العربيه ومال عليها وشالها
زهراء / ل.ل.لو سمحت نزلنى
عاطف / والله انا شايلك مش حب فيكى انا شايلك علشان مليش فى مشى العيانين ده ودخل بيها على اوضه ارضى وحطها على السرير وقال انا مرضتش احطك فى اوضه فوق علشان لو حبيتى تقومى وتخرجى مش هتقدرى تنزلى من على السلم كده اسهل ليكى
زهراء / ش.ش.شكرآ انا اى مكان انام فيه
عاطف / حط عليها الغطا وقال هسيبك براحتك ولو احتاجتى حاجه دوسى هنا هيجى ليكى حد من الخدم اطلبى منهم اللى انتى عايزاه
زهراء / ش.ش.شكرآ وفى الوقت ده دخل بنت وولد صغيرين وقالو
الطفلين / بابى بابى احنا عندنا ضيوف
عاطف / روحو على اوضتكم ايه خرجكم منها
بيلار / مين دى يا بابى
عاطف / دى .دى دى طنط يا حبيبتى
رائف / طنط مين يا بابى
عاطف / دى واحده من أهل بابى بس كانت مش عايشه هنا
بيلار / وليه عامله كده
عاطف / تعبانه شويه
رائف / واسمك ايه يا طنط
زهراء / أسمى أسمى وبصت لعاطف
عاطف / اسمها صدفه
زهراء / بصت ليه بأستغراب
بيلار / اسمك حلو اوى يا طنط
زهراء / اسمك احلى يا حبيبتى
رائف / طنط انتى هتقعدى معانا علطول
زهراء / ها ل.ل.لا قعده شويه وهمشى
بيلار / بس مكنتش بشوف حضرتك خالص يا طنط
عاطف / يلا كفايه كده أسأله روحو على الاوض بتاعتكم
بيلار / بس احنا عايزين نقعد شويه مع طنط
عاطف / سمعتو قولت ايه يلا يا رائف يلا يا بيرو
رائف / حاضر يلا يا بيرو
ومشو الاتنين داخلو الاوض بتاعتهم
زهراء / انا اسفه لو هسبب ليكم ازعاج
عاطف / مفيش ازعاج ولا حاجه
زهراء / والمدام موافقه أن اقعد هنا ولا
عاطف / ريحى انتى ومتشغليش بالك بأى حاجه تانيه وسابها وخرج
زهراء / بصت حاوليها على الاوضه وقالت يا ترى كانت اوضى شكلها ايه شبها ولا حاجه تانيه بحب الوان ايه زوقى ايه يارب انا تعبت نفسى افتكر انا مين وشافت كتب جنبها مسكت كتاب وقعدت تقراه فيه
_____________________________
مر اسبوع على ابطالنا
فى الصعيد
اتقدم امير لسها وفرح حسين بالطلب ده واتفقوا أن هيكتب الكتاب وهياخدها معاه وهو مسافر وتم الانتهاء من إجراءات الورث والكل عند امير مستغرب من قرار امير حتى ساره نفسها اتفاجئت من طلب اخوها واليوم معاد كتب كتابهم
حسام بيحاول يتقرب من ساره وهى بتحاول تصدو وتوقفه عند حده
فى القاهره
مازال شريف وسامح بيدور على زهراء وانضم ليهم احمد
والكل عرف بجواز امير واتصدمو من الخبر لكن مش بأيديهم حاجه باركو ليه ومنتظرين عودتهم من الصعيد
نبيله دموعها موقفتش على موت جوزها وبعد بنتها عنها
شريف علاقته تطورت هو لميس وحبهم بيزيد كل يوم اكتر من اللى قبله
سامح اتقرب من روز اكتر وعلاقتهم اتحسنت اكتر من الاول وجهاد مازلت بتلطف الجو بدمها الخفيف
ريم رجعت الجامعه وبتروح المكتب وبتتكلم هى ومحمود كل يوم
احمد بيكلم كل يوم ساره ولسه ميعرفش أن ابن عم ساره اتقدم ليها
عبير واسلام اختفو الفتره دى ومش بيظهرو نهائى
فى الاسكندريه
زهراء اتحسنت بدنية وبتقدر تقوم وتتحرك بس لسه حزينه وبتحاول تفتكر حاجه لكن لسه زى ما هى ومش بتفتكر حاجه نهائى غير كلمه واحده وصوت واحد ومش بتشوف عاطف الا قليل جدآ وبالصدفه
عاطف بيخرج كل يوم الصبح قبل ما الكل يصحه ويرجع بليل بعد ما الكل ينام ومش بيتواجد فى الفيلا الا قليل جدآ حتى يوم الاجازه خرج ومرجعش غير متأخر
____________________________
اشرقت شمس صباح يوم جديد بنورها الساطع فى سماء الاسكندريه لتبدأ زهراء بفتح عيونها على أشعة الشمس قامت من على السرير دخلت الحمام اخدت شاور واتوضت وخرجت لبست هدومها وأدت فرضها وخرجت من الاوضه واتفاجئت بوجود عاطف قالت
زهراء / صباح الخير
عاطف / وهو بيبص فى الجريده وبيشرب القهوه صباح النور
زهراء / اسفه لو خرجت دلوقتى بس معرفش أن حضرتك لسه موجود
عاطف / انا اللى اتأخرت النهارده فى الخروج
زهراء / تمام هدخل اوضى ولما حضرتك تخرج ابقى اجى
عاطف / اقعدى افطرى انا مش خارج النهارده
زهراء / مش عايزه أزعج حضرتك
عاطف / نزل الجريده وقال انا اللى بقولك اقعدى لو مزعوج مش هقولك اقعدى وبعدين قال بأستغراب انتى قصيتى شعرك
زهراء / حطت ايديها على شعرها وقالت ا.ا.ايوه
عاطف / شكلك متغير جدآ وهو قصير كده
زهراء / الله اعلم قبل كده كنت بخليه طويل ولا قصير
عاطف / اقعدى افطرى
زهراء / قعدت وبدأت تاكل بس ببطئ
عاطف / لو محروجه تاكلى قدامى اقوم
زهراء / هزت راسها بمعنى لاء وقالت انا باكل عادى
وفى الوقت ده جت بيلار ورائف وجريو على عاطف وقالو بابى بابى
عاطف / باس الاتنين وقال عاملين ايه يا حبايب بابى
رائف / احنا زعلانين منك يا بابى
عاطف /ليه بس
بيلار / علشان احنا بقالنا كتير مش بنشوفك خالص
عاطف / بس انا بقى كل يوم بشوفكم وببوسكم كمان
رائف / ازاى
عاطف / الصبح قبل ما انزل وبليل لما برجع بدخل الاوض بتاعتكم وبشوفكم
بيلار / بس انت واحشتنا اوى يا بابى
عاطف / بسها وقال وانا قاعد معاكم اليوم كله النهارده وهنلعب كتير
بيلار ورائف / قعدو ينطو بفرحه وقالو هييييييييا
زهراء / كانت بتبص عليهم ومستغربه عاطف وهو بيعامل أولاده
بيلار / وانتى يا طنط هتلعبى معانا
زهراء / ها ل.ل.لاء انا تعبانه شويه هدخل اوضى ووقفت ولسه هتمشى
عاطف / خليكى مع الاولاد
رائف / ايوه يا طنط خليكى قعده معانا
زهراء / قعدت تانى وقالت م.م.ماشى
عاطف / اقعدو افطرو الاول
رائف وبيلار/ ماشى وقعدو يفطرو كلهم مع بعض
وبعد وقت قامو وقعد عاطف يلعب مع أولاده وكانت زهراء قاعده بتتفرج عليهم وشافت عاطف فى شخصيته التانيه وشافت هو قد ايه طفل صغير مع أولاده بس تملى كان عندها سؤال محيرها فين مراته وليه ولا مره شافتها موجوده فى الفيلا بس مكنتش عندها الجرأه تسال عليها وانتهى اليوم ما بين لعب وضحك عاطف وأولاده وحيرة زهراء واسألتها اللى مش قادره توصل لاجابتهم
___________________________
فى الصعيد
امينه وامير ومحمود وساره وسها
كانو بيجهزو الشنط علشان السفر بليل
وجاء الليل وانكتب الكتاب
ام صلاح /بدموع امير ياابنى خلى بالك منها انت واخد حته منى
امير / متخفيش عليها يا مرات عمى
امينه / سها هتبقى بنتى التانيه وزيها زى ساره بالظبط وان مشلتهاش الارض نشلها فى عيونه
ام صلاح / عارفه والله يا اختى وهتقطعو بينا و قعدتكم كانت جميله وكنتو منورنا والله
امينه / تسلمى يا اختى
حسين / امير اى حاجه تحصل منها تبلغنا علطول واحنا نيجى نكسر ليها دماغها وانتى يا سها تخلى بالك من جوزك ومرات عمك وولاد عمك فاهمه
سها / حاضر يا بابا
حسين / وانتى يا ساره فكرى فى موضوع حسام ابنى
ساره / ردى نهائى يا عمى انا مش مستعده للجواز دلوقتى
حسين / فكرى براحتك هناك مش هتعبر ده ردك الاخير
محمود / يلا بينا يا جماعه
امينه / يلا وسلمو على الكل وركبو عربيه بتاعة العيله مخصوص توصلهم لحد القاهره
_____________________________
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية فتاة انحنت من أجل الحب)
