رواية الزواج الإجباري الفصل الثالث 3 بقلم مريومة
رواية الزواج الإجباري الجزء الثالث
رواية الزواج الإجباري البارت الثالث
رواية الزواج الإجباري الحلقة الثالثة
ندي: أنا.. مراته..
ملك: اي!!
ندي: مـراته.. مراته.. انتي ملك صح! هو جـراله اي!
ملك بصدمه: مش مصدقه.. مستحيـل.. إنتي كدابة..
ندي: لا.. انا مش كدابة و الدليل اني عرفاكي.. انا و علي اتجـوزنا قبل فرحكم ب أسبـوع لأنه اضطـر علي جوازتكم و كنا بنحب بعض و انا اصريت نتجـوز و الأول..
ملك بصدمه: يعني علي متجـوز عليا! متجـوز عليا..
قعـدت قصادهم و أنا مش قادرة أصدق.. معقول اتجـوز!! عايش حياته مع اللي بيحبها و معيشني انا في العذاب دا..
ندي: هو الدكـتور قالكـم اي!
ملك بجمود: حصله بتر في رجله..
ندي بصدمه: بتر!! ي حبيبي ي علي..
ملك: خليكي مع حبيبك.. أنا هروح..
خـرجت من المستشفي كان لسه الصبح بيطـلع وفضلت واقفه شوية لحـد ما لقيت تاكسـي و وصلت للبيت..
منال: اي دا انتي جيتي امتي متصلتيش ليه بحد يروح لعلي..
ملك بسخرية: متقلقيش ي مرات عمي.. مراته معاه.
منال: مراته!!!
ملك: اه هو انتي متعرفيش ان ابنك متجـوز عليا..
منال: ي بنتي والله ما أعرف.. أنا هاخد ابوه و نروحله..
ملك: مع الف سلامـة..
طلعت شقتـي ولميت هـدومي و نزلت لبيت ابويا.. كلنا عايشين في نفس العمارة..
محمود: انتي جيتي امتي ي ملك!
ملك: من شوية ي بابا..
محمود: و اي الشنطـة دي!
ملك: بابا انا هطـلق..
محمود: اي!! ادخـلي.. ادخلي اقعدي وفهميني!!
ملك ببكاء: طلع متجـوز ي بابا..
محمود: متجـوز! مين اللي قال الكلام دا!
ملك: مراته جات المستشفي.. سيبتها معاه وجيت.. انا مش هكمل معاه ي بابا..
انا مكانش ليا ذنب في الجـوازة دي ولا انا اللي أجبرته عليا.. انا كمان كنت مجبـورة بس قولت لا خلاص بقي جوزك حبيه.. و حبيته ي بابا..
عايشين زي الأغراب و تقريبا مبنشوفش بعض.. بيرجع الساعه 11 بليل و هو بيخلص شغل 4 وعمري ما ظنيت انه ممكن يكون متجوز و عايش حياته و قولت تلاقيه بيشوف اصحابه..
يطـلع متجـوز.. هو انا ذنبي اي في الجوازة دي ي بابا..
محمود: الذنب ذنبي أنا ي بنتي.. أنا اللي عاجـز اسد الدين ل عماد و أنا مكنتش عاوزك تتجـوزيه و دا كان شرطه عشان يتنازل…
ملك: بصي ي بابا انا هطلق و ب المؤخر و الدهب بتاعي نسد الدين اللي عليك..
محمود: طلاق بعد شهرين!!
عزة: طلاق!!! مين اللي بيطلق!؟
ملك: انا ي ماما.
عزة: ليه! عشان اللي حصل لعلي.. و هو ذنبه اي ي بنتي! دا بدل ما تبقي بنت أصول و تقفي جنب جوزك و تكوني عكازه تسيبيه!
ملك: أنا عمري ما كنت هعمل كدا.. بقولك متجـوز غيري.. انا مش هقبل كدا ابدا…
عزة: متجـوز!!
محمـود: بس أنا مش شايف أنه وقت ينفع تسيبي فيه جـوزك.
ملك: بمعني!! انا جيت هنا عشان انتوا اكتر ناس هتخاف عليا.. عشان انتوا اللي هتحسوا بيا..
محمود: ي بنتي حاسس بيكي وعارف أن كرامتك موجوعه.. بس مش الوقت ده اللي تاخدي فيه قرار زي دا..
اسمعي خليكي في بيتك لحد ما يرجع كويس.. عمك كان بيقول هنتصرف و نشوف موضوع الرجل الإصطناعيه وبعدين هيرجع تاني يبقي طبيعي وقتها بنفسي هاجي و أخدك و تقعدي في بيتك هنا معززة مكرمه لحد ما تقرري..
ملك: هو ليه كل مره أنا اللي باجي على نفسي!
عـزة: ي بنتي دا لمصلحتك.. أولا عشان أبوكي يبقي عنده وقت يكمل اللي باقي من الدين و ثانيا عشان انتي لسه متجوزة قريب و ثالثا عشان متبقيش سيبتيه في وقت زي دا محتاج وقفتك معاه.
ملك: و مين قالك أن بعد دا كله انا عاوزة اقف معاه!
عزة: حتي لو أنتي مش عـاوزة دي الأصـول.. خليكي هنا معانا لحد ما يخرج من المستشفي وبعدين ارجعي شقتك…
بصتلها و بعدين بصيـت لبابا اللي فضل ساكت لأنه موافقها في كلامها و أخدت شنطتي و خرجت و طلعت شقتي تاني..
دخـلت أخدت شاور و غيرت هدومي و حضـرت أكل و أخدته ورجعت ليه المستشفـي..
وصلت هناك..
كان صاحي و قاعد ساكت و هي جنبـه أول ما شافني مقدرش يحط عينه في عيني…
ملك: الدكـتور قال يخرج أمتي!
عبد العزيز: يومين كدا..
ملك: هتـروح ي عمي ولا هتفضلوا هنا..
عبد العزيز: لا ي بنتي هستني شـوية..
ملك: طيب انا جيبتلكم حاجه خفيفه تاكلـوها..
أديتلهم الأكـل و أخدت الأكـل اللي أنا عملاهوله وقعدت قدامـه…
علي: مش جعـان..
ملك: لازم تاكل.. حتي لو مش جعان.
علي: و دي ازاي بقي..
ملك: كل عشان العـلاج..
علي: قولتلك مش عـاوز أكـل..
ملك: تعالي.. تعالي اكلي جوزك يمكن بقي يقرف مني ولا حـاجه…
سيبتهم وخـرجت برا…
مش هقدر.. مش هقدر اقول اني مكرهتوش لأنه حسسني قليله اووي.. ازاي كان بيقولي ان حالتنا صعبه وانه قد اي مستحمل و اني انا كمان لازم استحمل و هو اصلا مبسوط في حياتة و عايش عادي كدا..
و المطلوب مني اي دلوقتي أكله و اهتم بيه.. و أقلق و اخاف عليه.. عشان مبقاش قليلة الأصل..
فضـلت قاعده برا و شايفاه في الأوضة وهو شايفني و انا برا.. لحد ما لقيتهم خرجـوا..
منال: ادخلي عاوز يتكـلم معاكي..
ملك: في حاجه!؟
منال: ي بنتي ادخلي و شوفيه عاوز اي!
ملك: طيب..
دخلت و قعدت قصـاده و فضلت ساكته و بهزر في رجلي بتوتر..
علي: أنا.. كنت بحبها من ايام الكلية..
ملك: مش مهتمه اعرف حاجه عنك ولا عنها.
علي: اسمعيني..
ملك: الجوزاة دي أكبر غلطه في حياتي… طب كنت قولي بدل ما أنا هبلة و بتعامل معاك علي أني زوجـة و بحاول اقرب منك..
ليه خليتني أقلل من نفسي و أنت مش عاوزني..
علي: انا كنت عاوز أحل المشـكلة.. بس في نفس الوقت مكنتش مستعد أتخلي عن ندي..
ملك: كنت اتفق معايا.. كنت من الاول مسميتهاش جوازة..
علي: يعني كانت هتبقي عادية وقتها..
ملك: اه.. مكنتش ههين نفسي معاك.
علي: و هو لما تقربي مني دي اهانه!!
ملك:مش عاوزة كلام تاني في الموضوع دا… اظنك عرفت رد فعلي و قراري لما انا جيت هنا و مش عاوزة نقاش…
علي بغضب: لا مش عشان انا بقيت عاجز تقوليلي مش عاوزه نقاش.. انتي مش هتخرسيني..
ملك: بتزعقلي! يعني انت اللي غلطان و بتزعق!
علي: انا خرجتهم عشان نتكلم مش عشان أنتي تقوليلي مش عاوزة نقاش..
ملك: عاوز اي ي مالك.. من الأخر كدا..
علي: عاوزك تفهمي اللي أنا مريت بيه وقتها..
ملك: اسمعني انت ي مالك.. بالنسبالي جوازنا كان حقيقي ف لو أنت فاكر أنه عشان وضعنا انا هتساهل مع فكـرة أنك متجوزها و عايش و مبسوط و ممثل عليا دور التعيس تبقي غلطـان..
علي: اومـال جيتي ليه دلوقتي!؟
ملك: عشـان خاطر بابا و لحد ما يسد الدين انا هفضل مراتك و لوقتها دوري اني أفضل جنبك في تعبك عشان مبقاش قليلة الأصل.. مش عشان أنا خايفه عليك..
سيبته وخـرجت.. مش عارفه انا غلطـانه ولا لا.. يعني هو في وضع دلوقتي اكيد حزن الدنيا فيه لأنه فقد رجله و أنا أكمـل عليـه..
انا مبقيتش عارفه المفروض أتصـرف ازااي.. لازم أكتم غضبي طالما انا اللي قررت أكمـل..
ندي: ملك.. ممكن أطلب منك طلب..
ملك بضيق: أتفضـلي..
ندي: ممكـن أفضـل معاه الليلة دي..
ملك بسخرية: مكنتش هفضل هنا أصلا.. شوية و همشي..
ندي: علفكـرا علي كان مضطـر علي كدا.. و علفكرا ابوكي هو اللي عليه دين مش أبو علي…
سابتني و مشيـت.. قعدت ساكته.. في الأول وفي الأخر علي عمل كدا عشان خاطر بابا.. هو كل اللي حصل دا كان بسبب اي اصلا!!!
أخدت شنطـتي و رجـعت البيت تاني..
ل: بابا.. أنا موافقـة أتجـوز عمـاد..
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية الزواج الإجباري)
