رواية اختلس قلبي الفصل الثامن 8 بقلم رولا
رواية اختلس قلبي الجزء الثامن
رواية اختلس قلبي البارت الثامن
رواية اختلس قلبي الحلقة الثامنة
حست ان حد بيراقبها ، فضلت تتلفت وراها يمين وشمال ملقتش حد فكملت طريقها بخو*ف من الطريق اللي مفيهوش شعاع نور واحد لحد ما اتسمرت مكانها لما شافت نور عربيه جاي ناحيتها بسرعه وهوووب …
فتحت عيونها لقت نفسها ف نفس الاوضه العتمه بنفس الوانها المخيفة وهو قاعد قدامها ماسك كتاب وبيقرأ فيه ..
انا جيت هنا تاني ازاي !
_هو انتي مشيتي من هنا اولاني لما جيتي تاني !
بصتله بإستغراب وقالتله :_ مش احنا اتخانقنا وانت قولتلي امشي لو عاوزه تمشي وانا مشيت من هنا !؟
_ لا آخر حاجه حصلت قبل ما يغمي عليكي ، اني قولتلهم انك مراتي ، وآخر حاجه حصلت بعد ما وقعتي ان مامتك ولا الست اللي كنتي بتكلميها دي قفلت الباب ف وشك ومرضيتش تجيبلك حتي ميه فاضطريت اني اجيبك هنا ..
هزت راسها بحزن وقالتله :_ متشكره ليك بس مكنش لازم تقول انك جوزي ، كل الناس دلوقتي بقت فكراني مش كويسه ..
رد عليها بهدوء :_ انتي في نظر الناس دلوقتي متجوزه مش خاطيه …
اتنفست بعمق وقالتله :_ اقدر امشي امتا
_ ممكن تفضلي هنا لحد ما تشوف أمورك او تلاقي مكان تقعدي فيه ، قالها مصعب وهو باصصلها فردت عليه :_ مش عاوزه اتعبك اكتر من كده معايا
_ مفيش تعب ولا حاجه ، ثم ان كل اللي بيحصلك ده بسببي ..
نقلت نظرها ف المكان بهدوء ووقع علي نفس الصوره اللي متعلقه علي الحيط فسألته :_ صورة مين دي .. !؟
اتنهد بعمق :_ اللي واقف دا انا …….. سكت شويه وابتسم بحزن وكمل :_ واللي جمبي دي اجمل حاجه كانت ف حياتي كلها ..
اختك !! سألته دنيا بعفويه فبصلها وعيونه مدمعه :_ حبيبتي …
حست بو*جعه فاعتزرت منه بسرعه :_ اسفه والله ، هي بس مألوفه بالنسبالي ، حاسه اني شيفاها قبل كده عشان كده سألتك اصلا ..
_ بجد ، شوفتيها فين !!؟
لا انا بقولك حاسه مش متأكده ..
هز راسه بتفهم وقام من مكانه :_ في هدوم ف الدولاب ده غيري هدومك وانزلي ، الفطار جاهز .. اه صح ، الحمام هنا .. قالها وهو بيشاور علي الحمام و سابها وخرج من الاوضه فقامت من مكانها ، دخلت الحمام خدت شاور وخرجت وهي لابسه البرنص ، لقته واقف ف الاوضه فاتخضت وصوتت ، قرب منها بسرعه وهو بيك*تم بيها وبيقولها بلهوجه :_ اهدي ، اهدي ، نسيت تليفوني فدخلت اجيبه وهمشي ، هزت راسها بتفهم فبعد ايده عنها براحه ، ف صو*تت تاني :_
عااااااااااااااااااااااااااا ، صوتها سمع الفيلا كلها واخيرا سكتت وهديت :_ ارتاحتي كده !
ردت بعفويه :_ اه
سابها وخرج لقي الخدم كلهم واقفين تحت وبيبصو علي الأوضه اللي خارح منها ، فنزل بسرعه عشان يكلمهم بينما دنيا فتحت الدولاب وكانت بتقلب ف ابهدوم لحد ما لقيت فستان صغير لطفله صغيره وفجأه ظهر ف عقلها بعض الخيالات والاحداث اللي مكنش ظاهر فيها غير الفستان وصوت ناس بتتكلم حواليها معرفتش تميزهم و ..
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية اختلس قلبي)
