رواية مشاكل عائليه الفصل الثاني 2 بقلم رحاب القاضي
رواية مشاكل عائليه الجزء الثاني
رواية مشاكل عائليه البارت الثاني
رواية مشاكل عائليه الحلقة الثانية
البارت الثاني
ــــــــــــــــــــــــــــــــــــــــ
_وبعد شويه رجعو البيت وحكت نور لجدتها فريال علي اللي حصل.، فاتعصبت وقالت..
فريال _
انتو ازاي تدوه معاد وتخلوه يجي…
نور بقلق _
وفيها ايه يا تيته، جدو بيقول عليه انه شاب كويس وانا مرتحالو….
فريال بحده _
يعني ايه يا نور انتي عايزه تتجوزي وتسبيني…
فاروق بضيق _
وفيها ايه يا فريال ما دي اخرة كل بنت انها تتجوز وتسيب بيتها وتروح بيت تاني…
فريال بعصبيه ردت عليه وقالتله _
بس انا مش هخليها تتجوز وتسيبني وهي عجباها العيشه معايا كده صح يا نور…
نور بحزن ردت عليها وقالت _
صح يا تيته اللي تشوفيه…
زعق فاروق فيهم وقال _
جرا ايه منك ليها انا مش هقعد حد جنبي، بنت ابني قمر وحلوه وهتتجوز مش هخليها تبور يا فريال عشان انا وانتي مش هنعيشلها العمر كله…
نور بسرعه قالتلهم _
ربنا يديكم طولت العمر يا جدو..
فريال بغيظ قالت _
ماااشي تتجوز بس مالك لا، ده واد طايش وانا مش بحبه ولا برتاحله…
بصلها فاروق بخبث وقال _
انتي يا نور ايه رئيك في مالك؟..
.اتوترت نور وبصت لجدتها فريال بخوف وقالت _
اللي تشوفه انت يا جدو…
فاروق بجديه قالها _
لا مش اللي اشوفه انا، لازم المره دي اللي تشوفيه انتي،مالك عاجبك ولا لا؟…
نور بتوتر ردت عليه وقالت _
ااا ما تكسفنيش بقي يا جدو…
ضحك فاروق وقالها _
لا يا شيخه وانتي وش كسوف اوووي، ده انتي خليتي الواد من اول مره شافك فيها جه يخطبك..
فريال بحده قالتلهم _
بقي كده انا رئي ما لهوش اي قيمه عندكم…
نور بسرعه قالتلها _
لا طبعا يا فيفي ده انتي الاساس ولازم توافقي الاول..
جات ترفض بس بصلها فاروق بحده، فقالت بضيق _
خلوه يجي ونتفق الاول بس ده مش معنااه اننا موافقين خلاص..
حضنتها نور وقالت وهي مبسوطه _
ميرسي يا تيته ربنا يخليكي ليا يا حبيبتي…
ــــــــــــــــــــــــــــــــــــــــ
_بعد كام يوم جه مالك ومعاه باباه وكان فاروق وفريال ونور قاعدين معاهم، وكانت نور متوتره جدا…
فريال بضيق _
وانت عندك كام سنه يا استاذ مالك..
مالك بهدوء _
بشمهندس يا تيته..
زعقت فيه فريال وقالت _
انا اقول اللي عايزاه يا استاذ براحتي، وبعدين اسمي مدام فريال…
_كتمت نور ضحكتها بصعوبه واستغرب مالك طريقة فريال الجامده معاه ورد عليها وقال..
مالك _
حاضر يا مدام فريال اللي تشوقيه، انا عندي33 سنه…
فاروق بهدوء _
مالك يا فريال من اشطر البهندسين عندي في الشركه وكمان ماسك اكبر منصب عندي كمان..
مندور بجديه _
ده بفضلك يا فاروق انت اللي علمته الشغل تحت ايدك…
فريال بحده _
هو انت ليه ما اتجوزتش لحد دلوقتي اصلا…
بص مالك لنور بهدوء وقال _
ملقتش البنت اللي تساهل تشيل اسمي البشمهندس مالك مندور..
كتمت نور ضحكتها ومال عليه باباه وقال _
لم نفسك شويه الست مش طيقاك لوحدها…
فاروق بجديه _
طيب تعالو يا جماعه نقعد في البرنده شويه ونسيب العرسان قاعدين لوحدهم شويه…
قام مندور وفاروق وفريال مقامتش وقالتلهم _
معلش بس انا رجلي منمله شويه هفضل قاعده معاهم هنا روحو انتو البرنده..
_بصلها فاروق بضيق ودخل البلكونه، وقعد مالك متغاظ منها وبص لنور اللي كانت مكسوفه تبصله وتوقعت انه مش هيتكلم قدام جدتها بس فجأهم وقال لنور بخبث…..
مالك _
بس ايه رئيك في البدله يا نور لونك المفضل الكحلي مش كده؟..
اتكسفت نور وقبل ما ترد سالته فريال بحده وقالت _
وانت عرفت منين ان لونها المفضل الكحلي…
رد عليها مالك بهدوء وقال _
من النت يا تيته..
فريال بعصبيه _
قولتلك ما تقوليش يا تيته، اسمي مدام فريال…
مالك بخبث _
سوري يا تيته نسيت، قصدي يا مدام فريال..
وقفت فريال وقالت بغيظ _
انا قايمه اخد حباية الضغط..
مالك ببرود _
بالشفا يا تيته، اقصد يا مدام فريال..
_مشيت فريال وضحكت نور اووي عليهم، فقام مالك وقعد جنبيها بس ساب مسافه بينهم وقال بخبث..
مالك _
بتغير اووي عليكي تيته، بس انا عرفت اطفشها…
نور بتوتر قالتله _
بس ياريت تبطل ترخم عليها، هي اصلا مش موافقه عليك..
مالك بهدوء سألها وقال _
طيب وانتي موافقه ولا لا..
نور بسخريه ردت عليه وقالت _
يعني هو انا لو مش موافقه بيك كان زمانك قاعد هنا…
مالك بغيظ رد عليها وقال _
لا بقولك. ايه عشان نبقي متفقين من اولها، تلمي معايا المترين دول وتخليهم اتنين سانتي عشان وانتي ساكته بتبقي زي القمر…
نور بكسوف _
لم نفسك بقي وعلي فكره انا لسه موافقتش انا وافقت مبدئياً بس…
مالك بغيظ رد عليها وقال _
بطلي فتي يا نور، هي يا موافقه يا لا مش موافقه، وانتي باين عليكي اووي انك واقعه…
نور لصدمه قالت _
بقي انا واقعه، بقي في حد يجي يخطب وحده يقولها يا واقعه..
مالك بثقه رد عليها وقال _
انا بني ادم صريح..
نور بغيظ _
لا دي مش صراحه دي قلة ذوق..
مالك بخبث وهو بيقرب منها _
مقبوله منك اعسل…
اتوترت نور وجات فريال وقعدت وسطيهم وقالت بحده…
فريال _
ما توسع كده شويه قاعد لاسق فيا كده ليه؟..
مالك بغيظ رد عليها وقال _
ليه هو انا اللي جيت واتحشرت وسط الناس من غير لا احم ولا دستور…
فريال بحده _
قصدك ايه يا ولد انت…
مالك بهدوء قالها _
فيه ايه بس يا مدام فريال ده انا حتي بحبك والله..
فريال بغيظ قالتله _
وانا مش بحبك ومش موافقه بالجوازه دي…
نور بقلق قالتلها _
يا تيته خلاص مش كده ما يصحش..
بصلها مالك ببرود وقال _
عادي با نور، احنا من امتي بنمشي كلام الستات علينا…
فريال بحده قالتله._
طيب ايه رئيك انك مش هتتجوزها يعنيي مش هتتجوزها….
خافت نور فبصلها مالك وضحك وقال _
ههههههه انتي خوفتي ليه كده، اطمني يا نور انا رخم ومش هسيبك هفصل لاسق فيكم انتي وتيته علي طول..
وبعدين قرب من فريال وقالها بخبث _
وبلاش تتحديني عشان انا واحد. مجنون وممكن اجيب المأذون واتجوزها دلوقتي…
_طلع في الوقت ده فاروق ومندور من البلكونه، وقال فاروق بحماس…
فاروق _
ها يا ولاد اتكلمتو واتفقتو ولا ولا؟..
رد عليه مالك وقاله _
احنا اتكلمنا وتيته كانت معانا ومش بس كده ده احنا كمان اتفقنا ان الفرح يبقي اخر الشهر الجاي…
فريال بعصبيه _
نعمم يا اخويا، اتفقنا امتي؟..
مالك بخبث بصلها وقال _
خلاص بقي يا تيته مش هقولهم ان دي كانت فكرتك من الاول…
اتصدمت فريال هي ونور وقال فاروق _
مش قولتلك يا فريال انك لما هتتعرفي عليه هتحبيه..
مالك قال _
هي حبتني وبس دي كانت عايزه تطفش البت نور وتنفرد بيا من كتر ما حبتني..
قالتله فريال بصوت واطي وغيظ _
ده انت طلعت خبيث خبث…
رد عليها مالك وقال _
بعض من ما عندكم يا تيته…
مندور بفرحه كبيره _
طيب نقرأ الفاتحه…
مالك بهدوء قال لنور _
ايه رئيك يا نور نقرا الفاتحه…
رفعت نور ايديها وقالت بسرعه وهي بتقرأ الفاتحه _
بسم الله الرحمن الرحيم…
ــــــــــــــــــــــــــــــــــــــــ
_عدت فتره وكامت خطوبة نور ومالك حلوه جدا وكانو مبسوطين اكتر لما قربو من بعض حبو بعض واتعلقو ببعض جدا، وفي يوم كانو عازمين مالك عندهم علي العشا و..
فريال بخبث _
كل يا مالك يا ابني شكلك هفتان..
مالك بقلق _
مش مرتاحلك انا يا ست الكل انا..
نور بحزن ردت عليه وقالت _
عيب كده يا مالك ده تيته اليوم كله واقفه في المطبخ تعمل الاكل…
مالك رد عليها وقال _
والله برضو قلقان من هنا للسنه الجايه ومش مرتاح ليها…
فريال بهدوء _
معلش انا مش هاخد عليك انا الكبيره برضو، يلا بس كمل اكلك…
جه فاروق وقعد وكان لسه هيمد ايده علي الاكل، فقالتله فريال بسرعه…
فريال بخوف _
لا لا لا يا فاروق استني متاكولش..
مالك بقلق _
ايوه ما يكلش ليه بقي، حطيتي ايه في الاكل اللي اكلتيني نصه ده؟…
نور بغيظ _
ما بس بقي يا مالك، ده الاكل بتاعك انت تيته عملاه ليك مخصوص اكل جدو جوه خفيف اكل صحي…
فريال وهي بتمثل الحزن _
شوفت كنت ظالمني ازااي؟..
مالك بصلها بقلق وقال لنور _
قوليلي هو انتي ليه يا نور مش بتاكلي..
نور بهدوء ردت عليه وقالت _
عشان مش بحب المحاشي خالص،اجيبلك حمام…
قامت فريال وقالت _
تعالي يا فاروق هجهزلك الاكل جوه..
_دخل فاروق وفريال جوه وكان قاعد مالك بياكل وفجأه حس بالم في بطنه…
نور بقلق سالته _
مالك يا حبيبي في ايه؟..
مالك بالم رد عليها وقال _
عملتها جدتك وحطتلي حاجه في الاكل عشان تخلص مني..
ضحكت ملك وقالته _
بقيت تتفرج علي افلام ابيض واسود كتير، والله تيته بتحبك انت ظالمها…
مالك بالم شديد سألها _
الله يخربيت جدتك، فين الحمام…
نور بخوف _
اخر الطرقه في ايه؟..
مالك بغيظ قالها _
ماسك بطني وبسال عن الحمام هيكون في ايه بعني مش ناقصه غباوه..
_دخل مالك الحمام وطلع وقبل ما يوصل لنور يرجع تاني الحمام، فطلعت فريال وبصتله بشماته وقالت..
فريال _
قولي بقي يا مالك ايه رئيك. في الاكل…
مالك بغيظ ردت عليها وقاال _
ازاي بس يا خبث ونص يطلع كل ده منك..
نور بخوف قالتله _
خد يا حبيبي الدوا ده هيخليك تخف ان شاء الله…
مالك بخبث _
بقولك ايه يا نور انا تغبان مش قادر اتحرك ممكن ابات هنا النهارده..
فريال بعصبيه قالت _
تبات فين هو انا فتحنااه ملجأ انا هنادي سيد البواب يسندك ويوصلك للبيت..
فاروق بحزن _
بس يا فريال، بيتك طبعا يا ابني، بقولك يا نور روحي قولي للشغاله تجهزله اوضة الضيوف..
جات نور تقوم فقالها مالك بخبث _
ما تجهزي اوضتك انتي احسن..
لكمته علي كتفه وقالت وهي مكسوفه _
لم نفسك عيب كده..
فريال بغيظ قالتله _
بقولك ايه يا ولد انت تبات هنا يبقي تباات بادبك..
. قعد. مالك جنبيها وقال بخبث وهو قاصد يستفزها _
متقلقيش يا تيته الصبح هخليكي تشيلي عيالي انا ونور..
_كانت لسه هتتكلم، بس هو مسك بطنه بألم ودخل الحمام بسرعه، وهي فضلت تضحك حتي فاروق مقدرش يمسك نفسه وضحك هو كمان….
_تفتكرو ايه اللي هيحصل؟؟..
ــــــــــــــــــــــــــــــــــــــــ
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية مشاكل عائليه)
