رواية لن اعشق سواك الفصل السادس عشر 16 بقلم منى مرزوق
رواية لن اعشق سواك الجزء السادس عشر
رواية لن اعشق سواك البارت السادس عشر
رواية لن اعشق سواك الحلقة السادسة عشر
نور بإبتسامة خجل : صباح النور
عمر و هو مركز ف عيون نور : انا مش قادر اصدق اللي انا فيه حقيقي حاسس ان فرحة الدنيا كلها اتجمعت ف قلبي
نور و هي بتحاول تبص بعيد عن عيون عمر : ربنا يفرحك دايما يا رب
عمر بيرفع راس نور و بيبص ف عينيها وبيقول : لا مفيهاش كسوف ولا خجل خلاص، انا و انتي بقينا شخص واحد يا نور بجد
نور : طب ااا انا هقوم يعني اغسل وشي و احضر الفطار
عمر : قومي اغسلي وشك وانا هحضر الفطار يا ست العرايس
نور : بردو مش هتخليني انا اعمل الفطار؟
عمر : لا انسي النهارده بالذات ( بيغمز لنور) ده فطار الصباحية بجد يا عروسه
نور وهي بتبتسم و بتبص ف الارض : ماشي يا حبيبي
عمر : يا الله، امانه عليكي قوليها تاني
نور : حبيبي
عمر : انتي متأكده اننا لازم نقوم نفطر دلوقتي؟
نور : هههههههه اه يا حبيبي يلا بلاش كسل
( بتقوم نور تغسل وشها و بيخرج عمر للمطبخ يجهز الفطار)
نور : مش محتاج اي مساعده؟
عمر : اه معلش يا نور تعالي امسكي بس الطبق اللي قدامي ده حطيه عالسفره
بتقرب نور عشان تاخد الطبق و بسرعه بيشدها عمر من ايديها و بيبوسها بوسه رقيقه و هو بيهمس في ودنها : والله العظيم بحبك
نور وشها بيحمر و بتبتسم و ترد : وانا كمان
( بيقعدوا هما الاتنين يفطروا)
نور : تسلم ايدك يا حبيبي
عمر : يسلملي قلبك و عمرك يا حياتي
نور بكسوف : انا حاسه ان الدلع ده كله كتير عليا
عمر : مفيش حاجه في كل الدنيا دي تكتر عليكي يا ست البنات
نور وهي بتبص لعمر : انا بحبك اوي يا عمر حقيقي انا عمري ما حبيت ولا ممكن احب حد اددك
عمر : لا فيه حد هتحبيه اكتر مني
نور : حد مين ده؟
عمر : ابننا بإذن الله
نور بإبتسامة : لا يا حبيبي هو هيكون ابني الصغير وانت ابني الكبير
عمر : انا مش عارف ازاي ممكن استوعب الفرحه اللي هكون فيها يوم ما اعرف انك هتخلفي طفلي انا و انتي
نور : والله انا اللي مش قادره اتخيل الشعور ده
عمر : هتبقي احلى ماما في الدنيا
نور : وانت هتبقى ارق و احن بابا خلقه ربنا
( بيخلص الفطار و بتيجي مكالمة ل عمر)
عمر : الو ايوه يا افندم، ايه؟ النهارده؟ طب… هو مينفعش اي حد من المكتب عندي لاني يعني مشغول شويه، اممم ماشي يا افندم حاضر بإذن الله مع السلامه
نور : خير في ايه؟
عمر : في عكننه و قلة مزاج
نور : ايه بس فهمني
عمر : عايزني في الشغل عشان في حاجات جديدة بسبب المؤتمر الزفت ده لازم تخلص بسرعه
نور : طب يا حبيبي مفيهاش حاجه روح شغلك و انا هقعد اعمل الغدا على ما تيجي
عمر : يا ربي طب بالذمه هيجيلي قلب ابعد عن القمر ده ازاي طيب
نور : هههههههه مش هتبعد كتير شويه صغيرين و هترجع لحضني بسرعه
عمر : انا بقول اقدم استقالتي و اقعد معاكي والله بلا شغل بلا نيله
نور : هههههههه لا بس يلا اطلع غير هدومك بسرعه عشان تلحق تروح الشغل و متتأخرش
( بيمشي عمر و بتبدأ نور ترتب الشقه و فجأة موبايلها بيرن بتبص بتلاقيها نيره اخت عمر)
نور : الو
نيره : الو.. صباح الخير
نور : صباح النور يا حبيبتي، عامله ايه؟
نيره : الحمدلله انا تمام، معلش لو كنت قلقتك من النوم
نور : لا يا حبيبتي ده انا و عمر صاحيين من بدري
نيره : عمر؟ هو عمر عندك مش في الشغل؟
نور : لا نزل راح الشغل من شويه انتي عيزاه ف حاجه ؟
نيره : ااا لا هو انا بصراحه عايزه اتكلم معاكي انتي في حاجة يا نور
نور : خير يا حبيبتي في ايه؟
نيره : هو موضوع يعني ممكن يبقى حساس شويه
نور : اممم موضوع حساس، بتحبي يا نيره؟
نيره : بصراحه اه يا نور
نور : طب يا حبيبتي و ماله دي احلى حاجة في الدنيا، بس قوليلي بقى مين هو؟
نيره : واحد زميلي ف الجامعه هو اكبر مني بسنه يعني في البكالوريوس السنه دي و انا و هو بصراحه بنحب بعض من اول ما انا دخلت الجامعه
نور : طب حلو اوي وبعدين يا قلبي؟
نيره : انا قولتله من ٱخر السنه اللي فاتت انه لازم السنه دي ييجي يتقدملي انشالله حتى نقرا فاتحه بس و بعدين الجواز يحصل لما يكون جاهز ان شاء الله
نور : تمام و بعدين؟
نيره : هو وافق ف الاول، بس بقاله شهر بيتهرب مني كل ما اكلمه ف الموضوع و اما واجهته امبارح قال انه مش عايز يستعجل الامور في موضوع الجواز لانه لسه مش جاهز و انه عايز يتقدم لاهلي و هو جاهز و مكون نفسه
نور : طب وانتي قولتيله ايه؟
نيره : انا قولتله عموماً براحتك واعتبر الموضوع محصلش و قفلت معاه و هو من امبارح بيحاول يكلمني مردتش عليه غير النهارده الصبح قاعد يحاول يبرر موقفه لكن انا قولتله خلاصة الموضوع الكلام هيكون مع حد يحكم في الحوار كله و هي مرات اخويا اللي ف مقام اختي لان الموضوع ده مينفعش انا اللي احكم فيه
نور : عيزاني اتكلم معاه؟
نيره : لو مش هيضايقك يا نور، انا فعلا والله مليش حد غيرك انا كل صاحباتي زيهم زيي و كمان هما مش من عيلتي و سمر بنت خالتي انا بصراحه مفيش كيميا بيني و بينها و لا بثق في تفكيرها و كلامها
نور : هممم ماشي يا حبيبتي خليه يتفضل عندنا هنا في البيت وانا و عمر نتكلم معاه
نيره : ايه! بيت و عمر؟ لا لا يا نور ارجوكي عمر مش لازم يعرف اي حاجه عن الموضوع ولا اي حد خالص
نور : ايوه يا حبيبتي لكن هكلمه ازاي؟
نيره : انا بعد اذنك ممكن ابقى اديله الواتس بتاعك يتكلم معاكي؟
نور : الواتس ؟ ( بتنهيده) ماشي يا نيره مفيش مشكله
نيره : تسلمي و يخليكي ليا يا حبيبتي يا رب
نور : و يخليكي يا رب يا روحي
نيره : عموماً هو مش هيتكلم قبل الشهر الجاي لان الشهر ده كله امتحانات الفاينل بتاعته
نور : ماشي يا حبيبتي تمام
نيره : خلاص اشوفك على خير بإذن الله، سلام
نور : سلام
( بيعدي اسبوع و التاني و في يوم نور بتكون في البيت لوحدها و بتعمل الغدا و فجأة بتحس ب دوخه جامده و انها مش طايقه ريحة الاكل، بتروح تقعد في الصاله و بعد ما بتهدى شويه بتفتكر ان دي الاعراض اللي كانت دايما البنات قرايبها بيحكوا انها بتجيلهم و هما حوامل، و نور مش بتكدب خبر و بتروح تشتري اختبار حمل، وبعد ساعه نور بتتصل على عمر)
عمر : الو
نور : الو يا حبيبي،عامل ايه؟؛
عمر : الحمدلله يا حبيبتي،طمنيني انتي كويسه
نور : اووي كويسه اووي
عمر : يا رب دايما بس ايه سبب الفرحة الزيادة دي
نور بضحكه رقيقه : هتعرف.. هتعرف لما تيجي بإذن الله بس بقولك ايه اوعى تتأخر عشان احنا مستنيينك
عمر : مستنييني؟! انتو مين؟
نور : ههههههه لا دي مفاجأة لما تيجي هتعرف
عمر : لا ده انتي شوقتيني، وربنا لا استأذن و ٱجي دلوقتي
نور : ههههههه ماشي بس خلي بالك من نفسك حبيبي
عمر : حاضر يا قلبي، تحبي اجيبلك حاجه او اجيب للضيوف اللي معرفش مين هما حاجه وانا جاي؟
نور : تؤ مش عايزين غير سلامتك
عمر : الله يسلمك حبيبتي
( بعد شويه بيوصل عمر البيت)
عمر : سلام عليكم
نور : عليكم السلام،نورت حبيبي
عمر : نورك يا حبيبتي،ايه ده هي الناس زهقت و مشيت ولا ايه؟ ده انا حتى جيت جري والله متأخرتش
نور : لا محدش مشي هما موجودين
عمر : معقول طلعوا يناموا دلوقتي ؟ اه تلاقيهم جايين من محافظة تانيه بقى و تعبانين طب قوليلي هما قرايبي و لا قرايبك انتي؟
نور : قرايبنا احنا الاتنين
عمر : يا سنه سوخه العيلتين جُم؟! يادي الهنا اللي انا فيه
نور : ههههههه لا يا سيدي العيلتين مجوش ده هو ضيف واحد و مش في الاوضه ده معانا هنا في الصالة
عمر : فين؟ مستخبي تحت الكنبه طيب ولا ده الرجل الخفي بتاع مصر؟
نور : ههههههههه لا مستخبي في حته تانيه
عمر : فين ياستي خلصيني من جو الفوازير ده
بتمسك نور ايد عمر و بتحطها على بطنها و بتقوله : هنا الضيف موجود هنا… ايوه انا حامل يا عمر.
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية لن اعشق سواك)
