رواية معاناة الحب الفصل الثالث 3 بقلم رحمة سامي
رواية معاناة الحب الجزء الثالث
رواية معاناة الحب البارت الثالث
رواية معاناة الحب الحلقة الثالثة
تاني يوم صحيت ملاك علي صوت بنت في الاوضة قامت مستغربة ولاقيت بنت بتحضن مراد ومتشعلقة في رقبته
ملاك باستغراب: اي دا هو اي اللي بيحصل هنا بالظبط وانتي ابعدي عنه كدا اي مش بتتكسفي
نور بضحك: وانتي مالك يا اختي دا جوزي احضنه براحتي اصله وحشني اوي مش انا كمان وحشتك يا بيبي
ملاك بدموع: مراته ازاي يعني مراته انا معرفش انه متجوز هو اي البيت اللي كله اسرار دا
مراد بعصبيه: نور بطلي هزارك دا واعقلي شوية في اي وبعدين مش قولتلك مية مره تخبطي قبل ما تدخلي
نور بضحك: عادي يا مراد اوضة اخويا ادخلها براحتي ووقت ما احب كمان هي دي بقي ملاك
ملاك وهي بتمسح دموعها: ايوة انا ملاك انتي بقي اخته اللي لبست فستانها امبارح
نور: ايوة يا ستي انا اخته متزعليش مني انا بس بحب اهزار مش اكتر بس انتي طلعتي زي القمر
مراد ببرود: ولا قمر ولا حاجه يلا اتفضلي بره بقي لحد ما نلبس وننزلك
نور بصوت واطي: ربنا يعينك بجد قلبي معاكي يا اختشي انا هنزل
ملاك: هو انت دايما كدا معاملتك قاسية مع الكل علي فكرة كدا غلط انت كدا مش هتلاقي حد جانبك والكل هيسيبك لوحدك
مراد بلامبالاة: وفيها اي انا مش محتاج حد جانبي وبطلي رغي معايا متنسيش نفسك
ملاك: طيب ممكن اعرف القبلة منين هنا انت امبارح مصلتش خالص بسبب كدا
مراد باستغراب: وهو انتي بتصلي غريبة دي هتعمليلي فيها شيخه بقي انا مش بحب التمثيل دا مش هيجيب نتيجه
ملاك ببرائية: وانت مالك اصلا دي علاقتي مع ربنا وصحيح انا بسالك ليه وهو واحد زايك بيعرف يصلي اصلا اوع كدا انا هدخل اخد دش الاول
ملاك دخلت ومراد واقف مصدوم ومش عارف سكتلها ازاي وبعد شوية خرجت ملاك ولاقيت مراد مش موجود والمصلية مفروشة علي الارض فرحت اوي ولبست الاسدال وبقيت تصلي وتدعي ربها يهون عليها الفترة دي
مراد كان فرش المصلية وراح اوضة تانية عشان يلبس وينزل عشان عنده شغل كتير…. تحت علي السفرة كان جابر ونور قاعدين نزل مراد وقعد
نور: اخيرا هتتكرم وتفطر معانا شكل ملاك عملت سحرها بقي امال هي فين
ملاك: انا جيت اهو معلش كنت بصلي بس هو انا هقعد فين بقي
نور بضحك: تعالي يا حبيبتي انتي هتقعدي جانب مراد هنا يلا يلا
ملاك قعدت وهي مكسوفة وبداءت تاكل وفجاه جاية تمسك كوباية المياه مراد كمان مسكها وبقوا مسكين ايد بعض وباصين لبعض وعيونهم متقابلين
نور برخامه: احم احم نحن هنا يا جماعة راعو اني سنجل بائس
مراد وملاك فاقوا لنفسهم… مراد: انا شبعت عن اذنكم همشي عشان عندي شغل
نور: مراد انا هاخد ملاك وهنخرج نروح النادي بعد اذنك يعني هخطف مراتك شوية
مراد: ماشي وابقوا خدوا الجارد معاكوا ومتتاخروش تمام
*في النادي…..
كانت شرين قاعده مع صحابها وفجاه شافت نور جاية من بعيد هي وملاك بس هي متعرفش ملاك قامت بسرعه عشان تسلم علي نور
شرين: ازايك يا نور وحشتيني اوي اخيرا شوفتك رجعتي مصر امتا يا وحشه كدا متعرفنيش
نور برخامه: ازايك انتي يا شرين معلش اصلي لسه راجعه النهارده
شرين: حمدالله علي سلمتك يا قمر امممم مش هتعرفينا ولا اي
نور بحب: اه طبعا اعرفك اوي دي تبقي ملاك مرات مراد اخويا
شرين بصدمه: نعم مرات مين ازاي دا حصل وامتا يعني وكدا من غير ما حد يعرف
ملاك اتكسفت ونور قالت: معلش اصل مراد من كتر حبه ليها خاف عليها من العين وعمل كل حاجه علي الدايق
شرين بغيظ وحقد: تمام الف مبروك يا عروسة عن اذنكم عشان سايبه صحابي لوحدهم
مشيت شرين وهي متغاظة وبتتوعد ليهم كلهم وملاك استغربت: هي مين دي يا نور وليه اتصدمت كدا يعني
نور: عادي دي واحده صفراء ملناش دعوة بيها يلا بقي نتمشي شوية
*في الشركة…
مراد كان قاعد وبيفكر في ملاك ومستغرب نفسه اوي وليه ساكت عليها كل دا
مراد في نفسه: اي الحكاية انا اي اللي بيحصلي دا مستحيل لا انا مش هأمن لست تاني كلهم خاينين وملهمش امان واكيد ملاك زايهم
قلبه: بس ملاك باين عليها حاجه تانية دي صغيرة وطيبه اوي وبتصلي وضحكتها حلوة
عقله: بس دي واحده ابوها بعها لينا عشان خاطر الفلوس وهي وافقت من غير حته ما تشوفني ولا فرق معاها السن
قلبه: طب وهي ذنبها اي مش يمكن يكون ابوها جابرها علي كل دا البت باين عليها حاجه تانية حطها تحت الاختبار ومش هتخسر حاجه
فاق مراد من تفكيره دا علي دخول منه وهي بتقول بدلع: مراد بيه حضرتك كويس من ساعة ما جيت وانت في المكتب ورافض اي حد يدخلك
مراد بزعيق: وانتي مالك بتتدخلي ليه في اللي ملكيش فيه اتفضلي بره
منه بخوف: حاضر انا اسفه بس انسة شرين بره وعايزة تقابل حضرتك ومش راضية تمشي
مراد بقرف: طيب دخليها وخلي عادل كمان يجيلي عشان عايزوا
خرجت منه ودخلت شرين: بقي انت تقولي انا مش بتاع جواز ومش هتجوز ومعرفش اي وفي الاخر تتجوز العيلة دي
مراد بلامبالاة: وانتي مالك بقي ان شاء الله اظن اني حر اتجوز اللي عايزاها
شرين بتمثيل: طب وانا يا مراد انت عارف اني بحبك من بدري ليه بتعمل فيا كدا طب واللي بينا اي نسيته
مراد بقرف: وانتي فكراك ان مراد السيوفي يوم ما هيفكر يتجوز هيتجوزك انتي اي يا شرين فوقي لنفسك انتي متستهليش تشيلي اسم مراد ولا اسم اي راجل اصلا
شرين بغل: بقي كدا يا مراد تمام اوي خليك فاكر كلامك دا كويس لاني هدفعك التمن غالي
مراد بغضب: شرفتي يا شرين بتمني الزيارة دي متتكررش تاني خدي الباب في ايدك بقي
خرجت شرين وهي متعصبة اوي علي دخول عادل وهو مستغرب: مالها دي ماشية ومش شايفه في وشها حد خالص اي الحكاية
مراد: عادي كبر دماغك منها المهم الصفقة اللي اتفقنا عليها دي عايزاها تتم في سرية تامه تمام
عادل: حاضر يا صحبي يلا بقي ننزل نتغداء لاني جعان اوي وانت بصراحه بتفتح نفسي
رجعت ملاك ونور البيت جابر كان قاعد واول ما شافهم قرب منهم…
جابر: اي يا حلوين عاملين اي
نور: تمام يا بابا اتمشينا في النادي شوية وغيظتلك البت شرين كانت هتموت لما عرفت بجواز ملاك وقاسم
جابر بضحك: طب كويس والله دلوقتي بقي عايزكم تجهزوا نفسك بكره عشان في حفلة كبيرة هتحصل هنا
ملاك بكسوف: حفلة اي دي انا مش بحب الحفلات ومش بعرف اتعامل فيها
جابر بضحك: ما هي دي مهمه نور… انا عايزها يا نور تبقي جميلة عايز الكل ينبهر بجمال مرات مراد السيوفي
مره واحده ظاهر صوت مراد وقال بغضب: هو انت عايز توصل لي اي بالظبط مش كفايه جوزتني غصب عني
جابر: انا قولت اللي عندي تصبحوا علي خير
طلع جابر وملاك جريت علي اوضتها خوف من منظر مراد ومفضلش غير نور ومراد
نور: ما براحه شوية يا مراد انت مربي للبت الرعب كدا ليه حرام عليك
مراد: بقولك اي انا عايز انام تصبحي علي خير
اول ما مراد دخل الاوضة اتصدم من اللي شافه….
ياتري اي اللي حصل في الاوضة واي هيتم في حفلة بكره وشرين هتسكت ولا اي هيحصل هنعرف الفصل الجاية مستنيه توقعتكوا بقي 😉❤
يتبع..
لقراءة الفصل التالي : اضغط هنا
لقراءة الرواية كاملة اضغط على : (رواية معاناة الحب)
