رواية الكمين الفصل السادس 6 بقلم سهيلة سعيد ونور عمر
رواية الكمين الجزء السادس
رواية الكمين البارت السادس
رواية الكمين الحلقة السادسة
نارين وهي بتقوم : م انا عاوزة افهمك إني بمثل ، هعرفك ازاي طيب 🙄
عيسى : وتعرفيني ليه اصلاً ، مش قادرة تكملي الدور لحد م نبقا لوحدنا !
نارين وهي بتعدل هدومها : م انت كنت مخضوض انا غلطانة 🤷🏻♀️
عيسى : مخضوض عشان فكرت عمله فيكي حاجة !
نارين : هيعمله فيا ايه يعني !
( يتنهد عيسى ب ضيق )
نارين : وبعدين انت الي غبت اوي فوق وكانت طلعالك ، معرفتش اتصرف ازاي غير إني الهيها ب اي حاجة تخليها متطلعش 🤷🏻♀️
عيسى : وياريته ب فايدة
نارين : كماااااان ، يعني بعد كل دة مع ……..
عيسى وهو بيكتم بؤها : ششششش بس ، وطي صوتك ي جاموسة 😬
نارين : اممممم
عيسى : ايه !
( يتفتح الأسنسير ويسمعه صوت قاسم ، يتخضه ، تترمي نارين ع عيسى يسندها بسرعة )
قاسم وهو بيبصلهم : فاقت ؟!
عيسى : لأ 😐
( يستغرب قاسم إنه ساندها وهي كدة مش شايلها )
عيسى وهو بيخرج ب نارين م الأسنسير : فاقت شوية
( يجر فيها )
قاسم ب استغراب : فاقت فين !!
( تبتسم نارين غصب عنها ، يلمحها عيسى ، يتخض ويشيلها بسرعة ويخبي وشها ف حضنه ، تتخض من قربها منه وتتحرج بس متقدرش تتحرك ، يقربه ع الأوضة ، يفتحها قاسم ويدخله ، يقرب عيسى يحطها ع السرير ، يخبط الباب ويدخل شاب )
قاسم : دكتور اتفضل
( يقرب الدكتور يقيسلها الضغط )
الدكتور : ضغطها مظبوط !
نارين : اااه ، دماغي 😓
قاسم : اهي فاقت 😃
( تفتح عيونها وتبصلهم )
الدكتور : انتي كويسة ، حاسة ب ايه ؟
نارين : انا كويسة ، دماغي كانت وجعاني بس 😕
الدكتور : ودلوقتي ؟
نارين : لا احسن
الدكتور : طب الحمدلله
قاسم : حمدلله ع سلامتك 🙂
نارين وهي بتقعد : الله يسلمك
قاسم : نسيبك بقا ترتاحي ، عن اذنكم
عيسى : اتفضل
( يمشي قاسم والدكتور ، وفجأة )
عيسى وهو بيمسكها من هدومها : ي بنتي انتي عاوزة تجلطيني ولا عاوزة تقتلينااا 😡
نارين ب خضة : في اييييه 😨
عيسى : بتضحكي وانتي مغمى عليكي !!
نارين : ي عم محدش شايفني 🙄
عيسى : افرضي شافوكي ، وتضحكي ليه اصلاً !
نارين ب ضحك : معرفش كنت عاوزة اضحك 😂
عيسى وهو بيشدها من هدومها : متستفزنيش 😡
( تخبط فيه ، تتحرج )
نارين : سيب الفستان طيب دة عهدااااا 😲
عيسى وهو بيزقها : غوري انتي وهو
نارين وهي بتعدل هدومها : كنت هتفزئه !
عيسى ب تنهيدة : نارين
نارين : نعم 😀
عيسى وهو بيقرب عليها : لو مبطلتيش استهتار بلي احنا فيه هفزئك انتي
نارين وهي بترجع ل ورا ب قلق : احم ، اوك 😅
( يتنهد عيسى ويقعد )
نارين وهي بتقف قدامه : مقلتليش عملت ايه !
عيسى : ملقتش حاجة
نارين : خااالص ؟!
عيسى : مفيش غير خزنة ، وطبعاً معرفش ارقامها
نارين : طب نحاول نعرف
عيسى : هنعرف ازاي ؟
نارين : اكيد هنلاقي حل
عيسى : اممممم 😒
نارين ب وجع : اااه 🤦🏻♀️
( يبصلها )
نارين : شكل دماغي هتوجعني بجد !
عيسى : معرفتيش منها حاجة ؟
نارين : لا هي الي كانت عمالة تستفسر عننا
عيسى : ريحتيها ؟
نارين : يعني مش اوي ، عشان يبقا عندها فضول تتكلم معايا تاني
عيسى وهو بيقوم : تمام
نارين : رايح فين ؟
عيسى : اوضتي
نارين : وتسيب اختك عيانة 🤷🏻♀️
عيسى وهو بيمشي : يكش تموت وتريحني 🙄
نارين : اخويا جداً 😐
( يلف يبصلها )
عيسى : اجهزي بالليل هنروح نشوف الأرض
نارين ب استغراب : ارض ايه ؟!
عيسى : الي جايين نشتريها عشان الأوتيل
نارين : هو مش حوار ؟!
عيسى : ولازم الحوار يتعمل بجد ، وعمتاً الأرض دي مش هنعمل فيها اي اتفاقات بس لازم نبان إننا شغالين وبندور ، في ارض قريبة من هنا تخصهم وهيحاوله يعمله معانا ديل يخلينا نشتريها ، بس بشكل مش مباشر
نارين ب فهم : امممم ، تمام فهمت
( يمشي عيسى ، تتنهد نارين وتروح تترمي ع السرير ، يخبط باب الأوضة )
نارين وهي بتقوم ب تعب : ايه ي جدعان ، ايه ي جدعان انتوا لقييني ف البخت 🥺
( تقرب ع الباب تفتح )
اروى : ازيك 🙂
نارين ب توتر : ااا الحمدلله 😅
اروى : بقيتي كويسة ؟
نارين : اة زي الفل 😊
اروى : حمدلله ع سلامتك
نارين : الله يسلمك
اروى : ممكن ادخل اتكلم معاكي ؟
نارين ب استغراب : اة اكيد اتفضلي !
( تدخل اروى ووراها نارين ، يقعده )
اروى : يارب تكوني مرتاحة ف الأقامة عندنا 💁🏻♀️
نارين : اة جداً ، المكان جميل 😊
اروى : الحمدلله ، كنت عرفت إنكم جايين هنا ل شغل
نارين : اة دة حقيقي
اروى : طب انا ممكن افيدكم
نارين : ازاي ، انتي ليكي ف العقارات ؟
اروى : الغردقة دي لعبتنا ، انا وقاسم عارفين كل حاجة هنا وبنساعد ناس كتير بتكون محتاجة تشتري ڤيلا للمصيف او شقق
نارين : بس احنا الي عاوزينه اكبر من كدة حبة 💁🏻♀️
اروى : اوتيل ، عارفة 🙂
نارين ب استهبال : ايه دة عرفتي منين ؟
اروى : انتوا مشاء الله اسمكوا معروف وخططكوا المستقبلية سوري يعني مكشوفة 😅
نارين : لا مش الفكرة ، بس هو مفيش حاجة نخبيها دة بيزنيس 🙂
اروى : بالظبط ، عمتاً في ارض ف مكان كويس نعرف صحابها ، ممكن نتوسط فيها ونوصلكم ل ديل كويس لو عجبتكم
نارين : احنا بالفعل بالليل هنروح نشوف ارض هنا معروضة للبيع
اروى : تمام ، روحوا وبصوا عليها ، وبرضو شوفوا الأرض الي بقولك عليها بجد هيعجبكم موقعها وسعرها
نارين : تمام مفيش مشكلة ، نقدر نشوفها امتى ؟
اروى : بما إنكم بالليل مشغولين ف ممكن بكرة بعد الفطار نروح نشوفها
نارين : تمام اوك
اروى : هسيبك ترتاحي ، والف سلامة عليكي
نارين : الله يسلمك
اروى وهي بتقوم : بعد اذنك
نارين : اتفضلي
( تمشي اروى ، تاخد نارين نفسها ب ارتياح )
نارين : ننام بقاااا 🥺
( تجري ع السرير تترمي عليه تنام ، عند عيسى ، واقف ف بلكونة اوضته بيراقب كل حركة تحت ، يلمح قاسم واقف ع الشط مع راجل بيتكلم معاه ب انفعال باين بيتخانقه او بيلومه ع حاجة والتاني باصصله ب ملل ، يفضل باصصلهم ب ترقب ، تحت عند قاسم )
قاسم ب غيظ وصوت واطي : ي عم متعصبنيش ، يعني ايه شهر انت اهبل 😡
فؤاد : ي باشا يعني امشي الدنيا دلوقتي والبضاعة تتمسك ، بقولك العين علينا لازم نحرص 🤷🏻♂️
*( ملحوظة .. فؤاد شاب عنده ٣٨ سنة ، يبقا دراع قاسم اليمين والي بيمشيله شغل المخدرات )*
قاسم : اومال انت شغلتك ايه !
فؤاد : شغلتي اسلك الأمور ، بس اما اشك إن في حاجة لازم احذرك واوقف شغلي ، اخلف المواعيد احسن م اخلف الصفقة كلها 💁🏻♂️
( يبصله قاسم ب قلة حيلة )
قاسم : تمام ، اخرك الشهر دة ، وانا هتصرف مع الناس 😐
فؤاد : ماشي ي باشا
قاسم : امشي
( يمشي فؤاد ، يتنهد قاسم ب ضيق ، يدخل عيسى جوة بسرعة ، ياخد علبة صغيرة سودة ويطلع من اوضته ، يقرب ع اوضة قاسم ، يبص حواليه مفيش حد ، يطلع الكارت ويفتح الأوضة ويدخل ويقفل بسرعة ، يفتح العلبة ويطلع منها اجهزة تصنت ويبدأ يوزعها ف المكان ، وفجأة ، يسمع صوت قاسم ، يجري يستخبى تحت السرير ويمسك فونه يكتب ماسدچ ل نارين ع الواتساب ، عند نارين ، نايمة ع السرير بتشخر وفونها عمال يرن ب ماسدچات وهي ف سابع نومة ، يدخل قاسم الأوضة )
قاسم وهو بيتكلم ف الفون : ايوة اجلنا الميعاد ، بيقول الحكومة مفتحة عيونها وممكن البضاعة تتمسك ، دة الي قلتهوله ، قالي لما يعدي الشهر دة ، اة ، انتي فين اصلاً ، طب مستنيكي ، باي
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية الكمين)
