رواية لا تسألني من أنا الفصل الثاني 2 بقلم شهد محمد جاد الله
رواية لا تسألني من أنا الجزء الثاني
رواية لا تسألني من أنا البارت الثاني
رواية لا تسألني من أنا الحلقة الثانية
وبصحى تاني يوم على صوت المنبه
بصحى وببص على الأرض وبقول:
_إيه اللي جاب الفستان الأزرق ده هنا !
بقولها وبستغرب وباخد الفستان بحطه في الدولاب وبدخل اغسل وشي وبغسل اسناني وبخرج
بيكون لسه فاضل على معادي في الشغل ساعتين بشغل الساوند كلاود على اغنية لفيروز وبقف احضر الفطار بدلال وانا بغني معاها
|أنا لحبيبي وحبيبي إلي
يا عصفورة بيضا لا بقي تسألي
لا يعتب حدا ولا يزعل حدا
أنا لحبيبي وحبيبي إلي|
بخلص الفطار وبفتح الشباك الشمس ملت المكان صوت العصافير على الشجر وشكل السما جميل ، رويت الزرع بتاعي الأحمر وورد عباد الشمس
وبقعد افطر وبشرب شاي بنعناع وبدخل اوضتي بلبس بدلة حريمي بينك وميكب سيمبل للغاية والبروفيوم المُفضل عندي
وبلبس ساعتي وباخد شنطتي وبنزل
باخد اوبر وبروح للشركة بصبح على الجميع وبدخل المطبخ لعم فتحي الاوفيس بوي وبقول:
_صباحك زي الفل يا راجل يا سكره
_صباح الورد على احلى شمس في الدنيا
_المج بتاعي موجود؟
_موجود ومغسول وزي الفل
_طيب عايزك تعملي كابتشينو حلو زيك وجيبهولي على مكتبي وده كيس فيه فراولة ومغسوله هسيبه في التلاجه وعلى اخر النهار حطهولي في طبق وعليه شكولاته زي ما بحب
_عيني يا حلوة الحلوين
ببتسم ليه وبسيبه وبروح على مكتبي بكمل بقيت شغلي وبيقطع إندماجي دخول سيف
_خير مش بتيجي مكتبي غير لما يكون فيه مصيبة
_نفسي ومنى عيني تتعاملي معايا على إني مديرك
_اعمل إيه يعني اقولك يا استاذ سيف ؟
_مثلآ
_حاضر هبقى اقولك يا استاذ
_يبقى كتر خير الدنيا والله ، المهم عايزك تشوفيلي ملف شركة الزيني من الأرشيف سنة ٢٠١٨
_انا هدور على ملف من ٢٠١٨؟
_ايوا
_هو حضرتك فاضي ومش لاقي حاجه تعملها وقولت اروح ازاول شمس ؟
_شمس الملف يكون عندي قبل ما تمشي
بيقولها وبيمشي وبيسبني بستوعب اللي قالوا ، بقفل اللابتوب وبنزل لـ اوضة الأرشيف وبطلع موبايلي بشغل الساوند كلاود يسليني وببدأ ادور ما بين الملفات
ساعة ورا ساعة ولسه بدور وبشرب كمية شاي ولا كإني صنايعي وبعد وقت كبير اخيرآ بلاقيه
بنضفه من التراب وباخده وباخد موبايلي وبطلع لمكتب سيف
_الملف اهو نص اليوم ضاع وانا بدور عليه مفيش شغل انهارده هاخده اكمله في بيتي وابقى اجيبه بكرا حسبي الله ونعم الوكيل
بقولها وبسيب الملف على المكتب وبمشي من غير ما اسمع الرد
بدخل مكتبي باخد حاجاتي
وبنزل باخد اوبر للبيت
بوصل وبدخل اوضتي بغير هدومي وبرن على نادر عشان معرفش حاجه عنه طول اليوم
_لسه فاكره ترني؟
_اسكت يا نادر من الصبح وانا في الأرشيف بدور على ملف من ٢٠١٨ بعدين مرنتش أنت ليه؟
_مروان زميلي مجاش إمبارح وإنهارده وبخلص شغلي وشغله ولسه ورايا شغل قد كدا لسه مفطرتش حتى
_يااه للدرجادي
_سيبك إنتي من كل ده وحشتيني
_وانت كمان وحشتني وبما إني لسه متغدتش يبقى هعمل الغدا واجيلك نتغدا سوا
_شمس عارفه في كل مره بكلمك بكتشف إيه؟
_إيه ياترى؟
_بكتشف إني اختارت صح
_كلامنجي اوي
_وبحبك اوي
_انا اكتر هخلص الغدا واجيلك
_مستنيكي يا حبيبي
بقفل معاه وبدخل المطبخ بشغل الراديو على إذاعة القرآن وببدأ اعمل الأكل
بعمل سمبوسة محشية لحمة مفرومة ، وجبنه وبعمل مكرونة بالصلصة وبانيه
وبحط الأكل كله في علب بلاستيك وبحطه في شنطه وبدخل بلبس دريس لونه جرجيري او اخضر مش عارفه
وبلبس عليه جاكيت جينس وشوز ابيض وباخد شنطتي وبنزل باخد تاكسي وبروح ليه في الشركة
بطلع وانا بدور على مكتبه لحد ما بوصل ليه بدخل وبلاقيه نايم على نفسه من التعب ، بروح ناحيته بِخفه وبصحيه
_صباح الخير يا جميل
_إيه ده جيتي امتى؟
_لسه حالآ
_تصدقي مش عارف إزاي نمت
_من التعب ، هناكل ونكمل الشغل سوا
_انا حقيقي مش عارف كنت هعمل إيه
_يا حبيبي ربنا يخلينا لبعض،ناكل بقى وهعملك فنجان قهوة يفوقك ونكمل سوا
_اتفقنا جدآ
ببتسم ليه وبناكل سوا وبنخلص اكل وبعمل فنجانين قهوة وبنقسم الشغل سوا وبنقعد نشتغل سوا
وبعد شويه من الوقت بنخلص شغل
وبننزل سوا بيوصلني للبيت وبنتصور سوا وبيجبلي حاجات حلوه من السوبر ماركت وبيمشي
وبطلع انا البيت بغير هدومي وبرفع شعري بالقلم وبدخل المطبخ بعمل مج قهوة مع بار شكولاته وبقعد اعمل الشغل بتاعي، كنت بقاوم النوم عشان اعرف اكمل
وبعد ما بخلص بقلع نضارتي بتعب وبحطها على الكومودينو وبقفل اللابتوب وبنام من غير ما اقفل النور
وبعد ما بروح في النوم بصحى من وجع الصداع بفضل قاعده مستنياه يروح عشان اعرف انام
وبعد ما بيروح بقوم وكأن شيء لم يكن
باخد فستان احمر اطيفه لحد الركبه
وبحط ميكب ولون روج فاقع وبلبس هيلز وباخد موبايلي وبنزل
بروح نفس ال night club
بدخل برقص وبشرب لحد ما بدوخ
وكنت هقع بس بيلحقني واحد
_تعبتي من كتر الرقص يا حلوه
بمسك دماغي من الصداع وبقول:
_إنت مين؟
_أحمد والحلوه ؟
_نور
_اول مره تيجي هنا ؟
_لأ انا هنا على طول
_اول مره اشوفك
_ومش هتبقى اخر مره
_يبقى ناخد كاس في صحتك
بيقولها وبنروح للبار بنشرب سوا وبنرقص سوا وفي آخر اليوم بياخدني يوصلني
_تحبي نطلع نقعد في البيت عندي شوية؟
_لأ انا عايزه ارجع بيتي
بيحاول يقرب مني ببعد عنه وانا بقول:
_ارجوك لأ بعد إذنك لأ
_لأ ليه ؟
_احمد انا مش كدا والله بس انا معرفش انا بعمل كدا ليه كإني في عالم موازي
_انتي شكلك شربتي كتير عمومآ هوصلك انا فيا عيوب الدنيا بس إلا إني استضعف بنت حظك إنك وقعتي معايا يا قطه
بيقولها وبيكمل سواقة لحد ما بيوصلني للبيت بطلع وانا مش حاسه بنفسي وبغير هدومي وبترمي على السرير
(تاني يوم الصبح في شركة نادر)
_خلصت الشغل بتاع إمبارح يا نادر
_اه يا استاذ مروان انت تغيب واحنا نشيل شيلتك
_معلش وهو الصاحب ليه عند صاحبه إيه
_ماشي ياخويا اقعد بقى شوف شغلك
بقولها وبخرج اجيب قهوتي وبرجع للمكتب تاني وبسمع احمد صاحبي وهو بيحكي عن سهرته إمبارح
_بذمتك عجبك حالك كدا ؟
بيرد عليا وهو بيضحك وبيقول:
_اه عاجبني تعالى معايا إنهارده هسهرك سهره زي الفل وفيه بنات هناك زي القمر
_لأ ياخويا انا عندي اللي بيهم كلهم
_قطاع أرزاق ده إمبارح اتعرفت على بنت ياخربيت القمر جمال إيه وعيون إيه بص صورتها
بيقولها وبيطلع موبايله على صورته مع بنت لابسه فستان احمر مش بركز بس بيلفت نظري الخاتم اللي في إيديها بركز على ملامحها وبتكلم بغضب وبقول:
_مين دي إسمها إيه؟
_انت تعرفها ولا إيه؟
_انطق يا احمد مين دي
_دي نور اتعرفت عليها إمبارح
_متأكد إسمها نور ؟
_هو في إيه؟
_دي شمس خطيبتي
_بقولك إسمها نور كانت في السهره إمبارح سهرنا سوا ووصلتها
_تعرف توديني عند بيتها؟
_يلا بينا
بنزل معاه وبيفضل يحكيلي عن تفاصيل اليوم وانا بدعي جوايا يوديني عنوان غلط
_وبس ياسيدي فضلت بقى تقول كلام غريب زي انا إيه اللي جابني هنا انا مش كدا دي مش أنا ومكانتش عايزني أقرب ليها كل ما امسك إيديها تبعد وقالت إنها زي ما يكون في عالم موازي
بيخلص كلامه وبيركن عربيته قدام بيتها وبيقول:
_البيت هنا وصلتها هنا إمبارح وطلعت العمارة دي ، ها هي شمس ؟
ببص ليه وبقول:
_ها لأ لأ مش بيتها
بس الشبه بينهم كبير اوي
_ياعم يخلق من الشبه أربعين خطيبتك محترمه
_صح يخلق من الشبه أربعين يلا نرجع
بنرجع الشركة سوا عشان ميشكش في حاجه وبقعد معاهم شوية وبستأذن في اجازه نص يوم وبروح ليها البيت
برن الجرز وبعد شويه بتفتحلي وهي نايمه على نفسها
_كنتي فين إمبارح ؟
يتبع…….
لقراءة الفصل التالي : اضغط هنا
لقراءة الرواية كاملة اضغط على : (رواية لا تسألني من أنا)
