رواية الكمين الفصل الرابع 4 بقلم سهيلة سعيد ونور عمر
رواية الكمين الجزء الرابع
رواية الكمين البارت الرابع
رواية الكمين الحلقة الرابعة
( يصحى عيسى مفزوع ، يبص ل نارين يلاقيها حاطة الهيد فون ف ودنها وباصة وبتغني ومندمجة )
نارين : انا من قلبي جاي أقولك ي حبيبتي بجد وحشتنييييي ، أيوة ي حبيبتي وحشتنيييييي
( يبصولها البادي جارد ويضحكه ب كتمة ، يتنهد عيسى ب يأس ويسند ايده ع وشه )
نارين : قلبي ادمر من بعدها ، وحشاني وأكيد أنا وحشتها ، والنبي بقا حد يقولها ، إن أنا محتاج أوي حضنهاااااااا ، وبرغم البعد وحشاني 🥺
( يرقص البادي جارد وهما ف مكانهم ، يبصلهم عيسى ب تكشيرة ، يتخضه ويعدله قعدتهم ب احراج )
نارين : بعدك مش لاقي حبيب تاني ، ليه ي خوخة قدرتي تجرحيني ، بعترف إني بقيت وحدانييييي 😆
( عيسى يجيب اخره ، يشد الهيد فون من ودنها ، تبصله )
نارين : ايه يسطااا 🤷🏻♀️
عيسى : ايه انتي ، هو احنا رايحين حنة خالتك ، وطي صوتك !
نارين : هو انت سامعني ؟!
عيسى : كلنا
نارين ب احراج : احيه معلش عندي دي معلش ، كمل نوم كمل 😅
عيسى وهو بيضير وشه : هو الي يعرفك يجيله نوم 🤦🏻♂️
( ف الغردقة ، ف الأوتيل ، واقفة اروى وقاسم بيتابعه الموظفين ف الشغل )
قاسم ل اروى بصوت واطي : سمعت طراطيش كلام كدة
( تبصله )
قاسم : إن ليهم فيها
اروى : لا والله !
قاسم : اة ، بس ع المستخبي اوي
اروى ب استغراب : اومال انت عرفت ازاي ؟!
قاسم ب غرور : عيب عليكي 😏
( تبتسم نص ابتسامة )
اروى : هنعرف كل حاجة قريب ، دول مطولين عندنا
قاسم وهو بيحط ايده ف جيبه : اممممم
اروى : بس برضو غريبة إن عندهم كل سلسلة الفنادق دي برة وجايين يفتحه هنا ف مصر !
قاسم : هي مصر قليلة ولا ايه 🤷🏻♂️
اروى : لا مش الفكرة
قاسم : وبعدين ي قلبي دول مختارين الغردقة ، يعني سياحة يعني بالدولار ، مش اي مكان وخلاص
اروى : اممممم
قاسم : وإن كمان ابوهم الي يبعتهم يعمله ديل زي دة لوحدهم وهما سنهم صغير كدة ف اكيد هما مش سهلين
اروى : اة مظنش ، لازم نخلي بالنا كويس
قاسم : ايوة
( يعدي الوقت ، جوة عربية ، سايق السواق وجنبه البنت الي هتساعد نارين ف الميكب واللبس وقاعد ورا عيسى ونارين جنبه نايمة نوم عميق ، مرجعة دماغها ل ورا وفاتحة بؤها بتشخر ، يبصلها عيسى ب انزعاج وبعدين يضير وشه )
عيسى ل البنت : لسة بدري ؟
جاسمين : لا عشر دقايق ، ياريت تصحيها 😬
( يبصلها عيسى )
عيسى : نارين ، نارين اصحى
نارين : ……..
عيسى وهو بيهزها ف كتفها : نارييييين !
( تصحى مخضوضة )
نارين : ايه 😳
عيسى : فوقي داخلين ع الأوتيل
( تعديل قعدتها )
نارين وهي بتتاوب : لسة كتير 🥱
عيسى : لا خلاص
نارين : اوكاااااي
( تبصلها جاسمين وبعدين تفتح شنطتها وتطلع فورشة )
جاسمين : امسكي سرحي شعرك
( تاخدها منها وتسرح ، تحاول تسرح شعرها للأخر تخبط الفرشة ف وش عيسى )
نارين : احيه لامؤخذة 😲
( يغمض عيونه ب غيظ ويضير وشه )
نارين وهي بتدي الفورشة ل چاسمين : امسكي
( تاخدها منها تشيلها ، قدام الأوتيل ، واقفين اروى وقاسم مستنيين عيسى ونارين )
اروى وهي بتبص ف ساعتها : مواعيدهم مظبوطة اوي !
قاسم : مش بقولك 😐
( يدخله عربيتين رانچ روڤر موديل السنة ، يركنه قدام اروى وقاسم ، ينزل م العربية الي ورا البادي جارد ويجري عامل م الأوتيل يفتح باب العربية ناحية عيسى ، ينزل عيسى ويمد ايده ل نارين ، تسند ع ايده وتنزل ، يقربه الأتنين عليهم ماشيين بكل شياكة وثبات ، يقرب عليهم قاسم واروى ، يقفه قصاد بعض )
اروى وهي بتسلم ع عيسى : صباح الخير ، نورتونا 🙂
عيسى : ميرسي 👋🏻
قاسم : نورتي ي نارين هانم 👋🏻
نارين وهي بتمدله ايدها : ميرسي 👋🏻
( يمسك ايدها يبوسها ، تتخض نارين من جواها بس تتماسك ، يتنهد عيسى ب ارتياح إنها مقامتش ب اي رد فعل )
اروى : اتفضلوا
( يدخله الأوتيل ووراهم چاسمين والبادي جارد )
اروى : فطاركم جاهز ع الشط و ………
عيسى وهو بيقاطعها : معلش احنا محتاجين نرتاح ، هنفطر بعد شوية
( تبصله نارين بخضة لإنها حرفياً بطنها بتغلي م الجوع )
اروى : اكيد ، زي م تحبوا ، اتفضلوا
( يدخله الأسنسير مع العامل بالشنط )
اروى : شكلهم قليلين الكلام وهيتعبونا 😐
قاسم : اممممم !
اروى ب غيرة وهي بتبص ل قاسم : وانت اهدى شوية !
قاسم ب استهبال : انا عملت حاجة ؟
( تبصله ب غيظ وتمشي ، يبتسم ابتسامة جانبية ويروح وراها ، تدخل نارين اوضتها ويدخل عيسى اوضته )
نارين ب غيظ : ي بن الجزمة ، ي بن الجزمة انا جعانة جعانااااااا 😭
( تلمح طبق فاكهة محطوط ع الترابيزة ، تجري عليه بفرحة وتقعد تاكل فيه ، عيسى ف اوضته ، يقلع چاكيت البدلة ، يرن فونه ، يمسكه )
عيسى ب رسمية : ايوة يفندم ، اة وصلنا من عشر دقايق ، ف السويت ، اة ، كله تمام ، متقلقش حضرتك ، مع السلامة ، مع السلامة
( يقفل عيسى ، بعد شوية ، نارين ف الأوضة نايمة ، يخبط باب الأوضة ، تفتح عيونها )
نارين ب نعاس وصوت طخين : ميييين 😞
( يخبط تاني ، تتنهد نارين وتقوم تفتح )
جاسمين وهي بتدخل : انتي نايمة !
نارين : انتي شايفة ايه 🤷🏻♀️
جاسمين : طب فوقي عشان نازلين
نارين : نازلين فين ؟!
جاسمين : نازلين تفطره ، انتي ناسية انتي هنا ليه !
نارين : لا مش ناسية ي قمر ، بس افوق واركز معاكم 🥱
جاسمين : طب يلا ادخلي اغسلي وشك وتعالي عشان تجهزي وتنزلي
نارين : انزل فين ؟
جاسمين ب خضة : لا دة بجد ؟!
نارين : اه ااه افتكرت ، طيب ماشي
( تدخل التويليت ، تتنهد چاسمين وتفتح شنطة الهدوم وترتبهالها ف الدولاب وترتب باقي الشنط ، تطلع نارين ، تلبسها چاسمين فستان اسود ف ابيض كاروهات قصير ب كم طويل ، ضيق لتحت الصدر وبعدين نازل ب وسع فوق الركبة ، قماشته شتوي )
نارين : هو مفيش حاجة اطول من كدة ؟!
جاسمين : لا دي اكتر حاجات تريندي للطبقة ديا
نارين : ي ستي دوري م الهدوم ياما اهي 🤷🏻♀️
جاسمين : انا بقولك لأ عشان انا الي مجهزة شنطتك
نارين : ومش المفروض تاخده رأيي ف اللبس الي هلبسه دة !!
جاسمين : لأة !
نارين : لأة ؟
جاسمين : لأة 🙅🏻♀️
نارين : طيب كملي ي قمر 🙄
( تظبطلها اللبس وتلبس عليه هاڤ بوت اسود وتعملها ميكب رقيق )
جاسمين : خلاص انتي جاهزة
نارين : اعمل ايه دلوقتي ؟
جاسمين ب استغراب : بتسأليني انا ؟!
نارين : انتي مالك ي ست البنات خلقك ضيق كدة ليه 🤷🏻♀️
جاسمين : خلقي ضيق !
نارين : اة ضيق ، وسعيه شوية عشان نسلك مع بعضينا ، متقفلنيش منك ي قمر ، ماشي ؟
جاسمين : ماشي !
( تقرب نارين ع فونها تمسكه )
نارين : الو ، صباحو ي اخو ، ي سيدي عارفة إننا العصر ، اة جاهزة ، ماشي ، سلام
( تقفل نارين )
نارين : عيل قفيل 🙄
( تبصلها چاسمين ، تنتبه ل وجودها )
نارين : الواد الي بيطلع الشنط دة عيل قفيل 😅
جاسمين : اممممم !
( يرن فون نارين ڤيديو كول ، تفتحها ، تلاقي مكالمة جماعية عيسى وانور )
نارين : انور باشااا 😊
انور : اولاً حمدلله ع سلامتكوا
عيسى ونارين : الله يسلمك
انور : طبعاً قابلته قاسم واروى
عيسى ونارين : ايوة اة
انور : عاوزكم تقربه منهم وتتعرفه عليهم بشكل اقرب وب اسرع وقت ممكن
عيسى ونارين : تمام
انور : نارين ، حاولي توقعي قاسم ، لو اطمنلك هتلاقيه بيحكيلك كل حاجة من غير قصد
نارين : تحت امرك !
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية الكمين)
