رواية حب غير مشروط الفصل السابع والأربعون 47 بقلم لولا
رواية حب غير مشروط الجزء السابع والأربعون
رواية حب غير مشروط البارت السابع والأربعون
رواية حب غير مشروط الحلقة السابعة والأربعون
كمال في داهيه يحصل اللي جابه
بدر تمام يا باشا هنفذ واديك خبر
كمال تمام ولو عرفت حاتم راح ليه بلظبط بلغني
بدر تمام يا فندم
كمال سلام وقفل وفضل يفكر ومسك فونه كلم مجدي
مجدي عاش من شاف رنتك يا كمال بيه
كمال بحده اخلص بس انا عايز منك مصلحه
مجدي اؤمرني يا باشا
كمال الامانه اللي عندك عايز استلمها دلوقتي خلاص
مجدي بضحك كان زمان يا باشا
كمال بعصبيه كان زمان ازاي يعني هو انا مش قايلك خليها معاك
مجدي بضحك انا مالي اشيل مصايبك عندي ليه لقيت ليها بيعه حلوه بعتها لصاحب نصيبها
كمال بعصبيه اااه يا كلب يا زباله ده انا هوديك في ستين داهيه ادتها لمين اخللص
مجدي ——–
كمال بصدمه نعم واتعصب واكمل غور هكلمك بعدين غور جتك الارف
لقي باب مكتبه بيخبط فاكمل اتفضل
علا السكرتيره ورق عايز امضاء من حضرتك يا فندم
كمال مسك الورق مضاه وهو متعصب جداا وبيفكر
علا بستغراب هو في حاجه مع حضرتك يا فندم
كمال بحده مفيش واتفضلي الورق اديني خلصت
علا تمام
———————————————-
في مكتب ادم
ساره قاعده ماسكه فون ادم وبتصور نفسها وادم كان بيراجع الورق
ادم بصلها بحب واكمل جوعتي اجبلك تاكلي ??
ساره انا جعانه بس هستني لما نروح علشان مش هينفع ناكل هنا صح
ادم ضحك واكمل بحب مين قال مش هينفع لا طبعا ينفع يا اميرتي انا هتصل بحد يجبلك تاكلي المهم هتاكلي ايه
ساره بحيره مش عارفه يا بابي كل معايا واختار انت
ادم انا لو كالت معاكي وروحت قولت لمامي مش هاكل علشان كالت في المكتب مش هترضي تاكل من غيري وهتزعل
ساره بحماس خلاص كل معايا حبه صغيرين خالص وكل مع مامي لما نروح
ادم ضحك واكمل امري لله هطلب فرايتشكن ها بتاكليه اكيد طلما بتحبي البانيه يبقي بتاكليه
ساره بستغراب يعني ايه فاي شيكن ده
ادم فضل يضحك واكمل بحب يعني زي بانيه بس جوه كيزر وفيه طماطم وجبنه رومي وكده
ساره بحماس ماشي هات
ادم باس خدها واكمل بحب عنيا وطلب بلفعل
والباب خبط فاكمل ادخل
جميله الدكتوره المتدربه الجديده اكملت دكتور ادم في واحده عايزه تدخل لحضرتك
ادم دخليها يا جميله
جميله حاضر يا فندم
ساره بغيره بس هي مش جميله انا احلي ومامي احلي
ادم فضل يضحك واكمل هي اسمها كده اقعدي ساكته بالله ماتجيبي سيره لامك مش ناقص نكد
ساره بحزن بس مين احلي بجد
ادم بضحك انتي وماما مفيش احلي منكم اصلا يا قرده
الست بابتسامه السلام عليكم يا بني
ادم بفرح اهلا نورتي وعليكم السلام ورحمه الله وبركاته يا غاليه بقينا بسم الله مشاء الله حلوين اهو الحمدلله اتفضلي اقعدي
الست بفرح تسلم يا بني انا كنت جايه اديك فلوس العمليه انا اتصرفت وجمعتهم كتر الف خيرك
ادم لالالا بجد يا حجه زعلتيني منك هو انا مش قولتلك دعوتك بلنسبالي اهم من الفلوس ومش عايز منك حاجه زي ابنك
الست بدموع فرح تسلم يا حبيبي بس ده حقك وبردو بدعيلك كل يوم وهفضل ادعيلك
ادم بحب ودعواتك استجابت وشال ساره واكمل بحب بنتي اهي وضحك واكمل وشبهي زي ماقولتي
الست بدموع فرح بسم الله مشاء الله زي القمر نسخه منك فعلا يا حبيبي وانت مشوفتهاش خالص
ادم بحزن للاسف لا اول مره كانت امبارح بسبب مشاكلي انا وامها معرفتش انها وهمس حامل وكده
الست بدموع فرح مش مهم يا حبيبي المهم رجعتوا لبعض ومعاكم السكر دي شد حيلك بقي وهات ولد
ادم بحب قولي يارب يا ست الكل دعواتك بتستجاب يا غاليه
الست بدموع فرح انت متتصورش فرحتني قد ايه وبدعيلك وهفضل ادعيلك معروفك ده مش هنساه ليوم ما اموت يا ابني والله
ادم بحب ولا معروف ولا حاجه انتي زي والدتي انا ربنا رضاني وفرحني وكافئني انما فلوسك دي انتي تروحي تحجزي بيها عمره هتكفي ويفيض وعايزك تدعي هناك ليا انا ومنه مراتي علشان بكره عندها عمليه صعبه وانا هعملهالها
الست بدموع فرح ربنا يفرح قلبك يابني ويخليلك مراتك وبنتك السكر دي وتجيب منها الذريه الصالحه مش من ولاد وبنات بس انا مش هقولك واحد بس انت تستاهل كل حاجه حلوه ويسعدك ويشيل عنك كل هم ويفرح بالك ويشفي منه مراتك امين يارب بس هي مالها يابني
ادم بحب ساره ممكن تروحي تقعدي هناك بلفون علشان بابا عايز تيته في حاجه
ساره باست خده واكملت حاضر يا بابي
الست بابتسامه حب ربنا يحرسك ويحميكي
ساره نزلت من علي رجله وقعدت بعيد وهي ماسكه الفون
ادم بتنهيده كلها وجع عندها سرطان محتاجه تدخل جراحي بسرعه وحالتها سيئه ادعيلها ارجوكي تطلع بخير
الست بدموع زعلتني عليها وحاضر يابني هدعيلك ومسكت ورقه وقلم واكملت كتبتلك رقمي اتصل بيا امانه عليك تطمني عليها وابتسمت بفرح واكملت وانا لما اسافر مكه هدعيلكم هناك
ادم بابتسامه تبقي عملتي احلي حاجه وربنا يخليكي بجد يا ست الكل
الست بصت لساره واكملت بفرح بجد متتخيلش مبسوطه قد ايه بيها سكر خالص يارب تشوفها عروسه يابني وتخاويها
ادم بحب اللهم امين يارب
الست يلا انا همشي وطمني علي المدام يابني ارجوك
ادم بحب عنيا يا امي ربنا معاكي
جميله دخلت واكملت الاكل يا دكتور
ادم قام خده منها واكمل تسلمي تعبتك
جميله تعبك راحه وطلعت وقفلت
ادم راح قعد جمب ساره واكمل بحب يلا الاكل اهو
ساره سقفت بمرح ومسكت الساندوتش واكملت بصدمه بابي ده كبير اوي علي بوقي بص وفتحت بوقها علي الاخر كان صغير خالص
ادم فضل يضحك واكمل هاتي انا هقطع واكلك
ساره بس كده انت مش هتاكل
ادم باس خدها واكمل بحب لا هاكل بس لما اميرتي تاكل وابتدي يا كلها
ساره وهي بتاكل بصت للفون و اكملت بغيره اشمعنا حاطط مامي لوحدها هنا وانت وهي هنا فين انا
ادم بضحك لما نتصور هحط احنا التلاته يا ام لسانين انتي واكمل بحب ده مامي قلبي وانتي نبض قلبي مامي نورعيني وانتي العين التانيه انا معنديش اغلي منكم اصلا وباس راسها
ساره ابتسمت بحب وفضلت تتفرج علي الفون وهو بياكلها
———————————————–
في الفيلا الباب خبط وكلهم جم
سالي فتحت واكملت بفرح خالتي وحضنتها واكملت اتفضلوا اتفضلوا
ساميه بحب يزيد فضلك يا حبيبتي
سالي ادم ليه مقاليش انكم جايين
مالك هو فينه اصلا
سالي هو ورامز في الشغل ومنه في الاوضه فوق
جيسي بحزن طب قوليلها تنزل
سالي بستغراب هو في ايه
عمر ليه يا سالي هو انتي متعرفيش جينا ليه
سالي هزت راسها ب لا فاكملت ساميه بحزن منه يابنتي عندها سرطان وداخله بكره العمليات
سالي بصدمه ايييه ازاي ادم ميقوليش حاجه زي كده
عمر بحزن هي اللي خبت وادم عرف بلصدفه
سالي اتفضلوا اتفضلوا وانا هقولها انكم جيتوا
ودخلوا كلهم قعدوا فاكمل مالك يعني انت وادم اتراضيتوا امبارح
حاتم بتنهيده اه كلمنا بعض خلاص
ابراهيم بتنهيده ربنا يستر علي منه اهم حاجه دلوقتي
عمر بضحك تعالي ياض مستخبي ليه انت يالا
مروان راحله واكمل نعم يا عمو
عمر بحب انت مش فاكرني اكيد
مروان هز راسه ب اه
عمر بحب انا ابقي صاحب بابا احمد
مروان بستغراب انا بابا اسمه رامز مش احمد
ساميه بصدمه بس يا حبيبي ازاي يعني اسكت
عمر بصدمه هو اه رامز اتجوز ماما سالي بس انت ابن احمد يا حبيبي
حاتم وريني الاتنين وانا اقولك ابن مين
مالك بضحك انت فايق ورايق يا حاتم وبتهزر
حاتم بضحك طب ياعم وريني وجرب
عمر بصدمه ده اللي هو ازاي يعني منا مش فاهم وبص لحاتم واداه الفون بصورتهم هما الاربعه
حاتم بص كويس واكمل من غير ما اعرف مين رامز ومين احمد هو ابن ده وواضح جداا
مروان بص واكمل اه يا عمو ما ده باابا رامز
عمر بدموع ازاي ابن رامز وازاي رامز يعمل كده
مالك بصله بحده واكمل اقعد ساكت متخبطش في الكلام الواد قاعد
شهد فعلا يا عمر ادم كلمني امبارح وقالي مروان ابن رامز مش ابن احمد ده تلاقي الامر اختلط عليك
عمر يا جمااعه ازاي انا شاهد علي فرح سالي واحمد بنفسي واحمد مات وده كان علي دراعها
ساميه بس يابني عيب دي اعراض ناس
عمر بحده ده لما تنزلي اللي فوق دي
شهد ملوكه خدي سليم ومروان والعبوا جوه لحد ماتنزل ساره تلعب معاكم
ملك حاضر
مروان وسليم يلا وجريوا علي الجنينه
شهد بحده مينفعش الكلام ده قدام طفل انت اتجننت يا عمر
في اوضه منه
سالي بدموع حتي لو ازاي مايقوليش
منه بحزن يا حبيبتي هو كان في ايه ولا ايه حقك عليا انا
سالي بدموع طب يلا خلصتي لبس
منه هزت راسها ب اه وظبطت الطرحه ونزلوا
تحت في الصالون
عمر قام وقف قدامها واكمل بهدوء ازاي ابنك بسلم عليه وبعرفه بنفسي يرد يقولي هو ابن رامز ياا ساالي
سالي بصتله بصدمه وخوف واكملت يخربيتك حبكت يعني تساله السؤال ده
عمر بحده ليه هو المفروض لما اجي اعرفه بيا اقول ايه طبيعي اقول صاحب بابا احمد ولا دي مش الحقيقه
سالي بدموع دي غلطتي اني مقولتلكش يا عمر
عمر بصدمه ودموع سالي هو ابن رامز فعلا ومسك دراعها واكمل بحده رديي علياااا
منه بس يا عمر اهدي طبيعي هيبقي ابنه مش جوزها ايه الكلام الغريب ده هو مش احمد ده استشهد
عمر بدموع اه استشهد بس كان جوزها يا منه انتي متعرفيش حاجه ارجوكي اسكتي
مالك بحزن يابني يمكن هي مفهماه ان رامز ابوه علشان ميزعلش انه يتيم
منه بستغراب ايه الكلام ده مروان حته من رامز وواضح للاعمي
ازاي سالي اتجوزت احمد مش فاهمه
عمر بص لسالي واكمل بدموع وبحده انا ماشي ولا انتي ولا الكلب التاني عايز اعرفكم تاني ورايح يمشي سالي مسكته واكملت بعياط لا يا عمر استني انا هفهمك كل حاجه
عمر بدموع وبحده اممم اتفضلي فهميني
سالي بدموع قصت عليه كل شئ
عمر بصدمه ودموع ومتعرفنيش حاجه زي كده ازاااي وازاااي قدرتي تخبي علي رامز الحقيقه
سالي بدموع كنت حابه ابعد لان كل ما اشوفه وجوده بيأذيني
شهد بحزن بصي يا قلبي انا حاسه بيكي اووي لان جوزي كان بيعاملني اسوء معامله وبصت لحاتم واكملت حقك عليا فحاتم ابتسم وطبطب علي رجلها فاكملت وكنت بفكر انتحر بس كنت بقول في الدنيا عذاب وفي الاخره كمان يبقي عذاب حتي لما عرف بحملي بهدلني وضربني وقولتله انا عايزه ابعد عنك نهائي بس فكرت فيها وقولت ملك ملهاش ذمب حتي لو انا وابوها بينا مصانع الحداد نموت بعض بس تيجي البت تلاقينا احنا الاتنين معاها لان هي ملهاش ذمب تتحرم من حد فينا وبصراحه احمد ده الله يرحمه عمل معاكي معروف مفيش راجل يعمله بس اديكي اتجوزتي ابو ابنك طب ليه بقي من الاول حصل كل ده والله انا فهماكي اوي وانتي حقك ترفضي تعيشي مع حد اعتدي عليكي بس مانتي مقدرتيش تكرهيه وانا كنت في موقفك بس قولت انا بحبه ومش هقدر اكرهو فعلا فا ليه ابعد واظلم ملك بينا واديه دلوقتي ربنا هداه عليا وحنين عليا انا وبنته لابعد حد ممكن ربنا يخليهولنا يارب
حااتم باس راسها واكمل بحب ويخليكي ليا يارب
سالي بدموع عندك حق هو من الاول غلطت وظلمت احمد بس اديه اللي حصل وانا حكيت يا عمر علشان مش عايزاك تظلمني او تظلم رامز
عمر بدموع طب اهدي حقك عليا ومسح دموعها واكمل انا فعلا مقصدش واتكلمت مع ابنك مش في نيتي حاجه بقوله اللي انا اعرفه انه ابن احمد بس مروان فاجئني حقك عليا يا ساالي اكيد لو كنت اعرف مكنتش فتحت بوقي
سالي بحب اخص عليك متقولش كده ده انت اخويا يا عمر عادي ولا يهمك
عمر بحب ربنا يسعدك ويهدي سرك يا حبيبتي
منه بحب اللهم امين يارب
ساميه بحزن فين بنتك يا منه
منه بضحك مع ادم مش راضيه تسيبه خلاص قربوا يجوا
ابراهيم بحب ربنا يخليهاله يارب
سالي ها تشربوا ايه
مالك ولا اي حاجه وقام وقف قدام منه واكمل بدموع من يوم ما ادم سافر شايلك جوه عيني بس جيتي في الاخر بللي عملتيه من ورانا خليتي منظرنا كلنا وحش قدامه طب انا اثرت معاكي علشان تعملي كده يا منه
منه بدموع وحزن والله ابداا انا لو ليا اخ مش هيعمل زيك ابداا انت وعمر وحاتم كل يوم تكلموني وتسالوا عليا وطلباتي انا وبنتي بتيجي قبل ما اطلبها بس واالله كل اللي كان في نيتي ان كفاياكم شيل هم بقي كده كتير
حاتم قام وقف قدامها واكمل بدموع هو لما اخت بتحكي لاخوها بيبقي شيل هم يا منه
عمر بدموع انتي عشره 8 سنين وقفت في صفك اكتر ما وقفت في صف ادم ومعتبراني اخوكي بس اللي انتي عملتيه ميقولش كده ابداا
منه حطت عنيها في الارض واكملت بعياط انا اسفه ليكم انتوا التلاته حقيقي اسفه غلط ومش هقاوح تاني وابرر فعلا انا غلطت
حاتم مسح دموعها واكمل اهدي علشان نفسيتك
مالك بدموع انا مش بقولك كده علشان تعيطي بلشكل ده انا بقولك كده علشاان انتي اختي يا منه وانا موجوع علشانك
جيسي حضنتها واكملت بعياط خلاص ي جماعه متضغطوش عليها وانتي يا قلبي متخافيش والله هتبقي بخير ومش هتسبينا لا والله هتبقي كويسه وفضلت تعيط
منه باست راسها وطبطبت عليها واكلمت ادعيلي كتير يا جيسي
جيسي بدموع بدعيلك وهدعيلك يا نورعيني
منه مسحت دموعها واكملت اهدي يا قلبي ومتعيطيش انا هبقي بخير متقلقيش عليا
مالك بحزن ووجع سلامتك يا حبيبتي
منه بحب الله يسلمك يا لوكا وربنا يخليك ليا واسند مراتك قعدها وخليها تبطل عياط الهبله دي انا كويسه اهو
مالك سند جيسي وقعدو وفضل يطبطب عليها
عمر بوجع احنا كلنا اسفين اننا مخدناش بالنا منك بجد
منه بحب والله انتوا جميلكم فوق راسي وعملتوا اكتر من المفروض كفايه انك جيت لحد هنا ومراتك حامل ومحتجاك اوعي تكون قولتلها يا عمر
عمر بحزن لا طبعا قولتلها سفر تبع شغلي وربنا يطمنا عليكي يارب يا منه
منه بحب اللهم امين يارب
حاتم كان واقف في زاويه ودموعه بتنزل بوجع منه راحتله واكملت بمرح لالالا الحقي يابت يا شهد جوزك بقي عنده مشاعر وبيعيط
شهد بضحك اكشتفت ده قريب بردو
حاتم ابتسم من بين دموعه واكمل والله مش هرد عليكي احسن
منه بدموع طب هعيط علي عياطك ها
حاتم بدموع ووجع انتي ذمبك ايه تعيشي كل ده انا تعبتك اووي في حياتك وبعدتك عن جوزك وابوكي سبب في تعبك بردو ولسه هيتعبك اكتر ولقي شهد بصتله فاكمل بتوتر ولسه هيتعبك اكتر لانه حتي مسالش عليكي ولا يعرف عنك حاجه وبنتك بعدت عن ابوها واخره تجتمعي معاه وانتي تعبانه انتي بجد ذمبك ايه يا منه علشان تشوفي كل ده عرفيني وفضل يبكي بوجع وهما زيه
منه حضنته واكملت بعياط والله ماتعيط كده كفايه يا حاتم انا مش زعلانه يا حبيبي كل شئ يعمل للخير يعني انت لما بعدتني عن جوزي ووجعتني هو سافر وبقي جراح معروف وليه اسمه وانا دلوقتي تعبت ومحدش غيره بعد ربنا هيقدر يعملي عمليتي طب تخيل اننا كنا مع بعض وادم مكانش سافر كل ده يبقي محدش كان هيعملي العمليه وكنت هموت فاربنا مرتب كل حاجه وبلنسبه لبابا يعمل اللي يعملوا انا مبقتش عايزاه تاني ادم ابويا واخويا وصاحبي وكل حاجه ليا ولو علي ساره فانت ومالك وعمر عملتولها كل حاجه تخليها مبسوطه وادي ابوها معاها دلوقتي متزعلش عليا يا حااتم انا راضيه وواثقه في مشيئه ربنا وبصتله بوجع واكملت بدموع بس لو حصلي حاجه
حاتم دموعه نزلت واكمل بوجع بس بس اسكتي خالص وضمها وطبطب عليها واكمل مش هيحصلك حاجه باذن الله يا حبيبتي بلاش الكلام ده
ولقي الباب بيفتح ودخل ادم وهو شايل ساره فاكمل بحده منــــــه
منه بعدت عن حاتم وزقته بسرعه واكملت بدموع وتوتر والله والله حضن اخوي مفيهوش اي حاجه
حاتم وهو بيمسح دموعه اكمل بضحك لا مسيطر يا ابو نسب
ادم مسكه من جاكته واكمل بضحك انت يالا مش معني ان انا صفيتلك تحضن مراتي هاا اتربي وبص لمنه واكمل وانتي حسابك معااايا بعدين
حاتم وغلاوه بنتي مش في نيتي حاجه
ادم حتي لو
حاتم بضحك حاضر يا عم ادم اوعي بقي علشان البرستيج ميصحش كده
ساميه بدموع فرح واحشتني اوي يا ادم وفضلت تعيط
ادم حضنها بكل قوته واكمل بدموع فرح وانتي اكتر بكتير وباس ايديها وراسها وحضنها تاني واكمل عامله ايه يا ست الكل
ساميه بدموع فرح بقيت بخير لما شوفتك يا نن عيني وحضنته اكتر واكملت بعياط مش هتبعد عن حضني تاني ولا هتروح حته ساامع
ادم حضنها اكتر وباس راسها واكمل بحب مش هبعد يا ست الكل مش هبعد خلاص وباس ايديها واكمل لو تعرفي اشتقتلكم قد ايه بس والله كنت بموت
ساميه بدموع فرح المهم اننا اجتمعنا بعد الشر عليك من الموت يا قلب امك وباست خده وجبنيه وحضنته تاني واكملت بعياط وفرح فخوره بيك وبتربيتي ليك يا حبيبي فخوره انك حققت حلمي وحلمك وحلم ساره الله يرحمها ربنا يعليك اكتر واكتر يا نورعيني
ادم بحب اللهم امين يا ست الكل
ابراهيم بدموع فرح طب احضنه شويه ايه من ساعه ما جيه وانتي مش راضيه تسيبيه
ساميه بدموع فرح نورعيني ده مش عارفه ابعد عنه كفايه بعدت عنه كل ده وفضلت تعيط
ادم ابتسم بحب ومسح دموعها واكمل ربنا ميحرمينش منك بجد وباس جبينها
ساميه بدموع فرح احضنهم وهحضنك تاني
ادم بضحك من عنيا وحضن ابراهيم ودموعه نزلت بفرح
ابراهيم بدموع فرح عارف كنت كل يوم بدعي ربنا يطول في عمري لحد ما اشوفك تاني وادي الحمدلله حلمي اتحقق وشوفتك وشوفتك دكتور كبير بسم الله مشاء الله عليك وفخور بيك وبتربيتي ليك يا حبيبي
ادم باس ايديه واكمل بدموع يا حج ربنا يديك طوله العمر وياخد من عمري ويديك ده ربنا يعلم غلاوتك عندي قد ايه والله كنت بتمني ارجعلكم من ساعه ماجيت الحمدلله خلصوا وارتاحنا
ابراهيم بدموع فرح الحمدلله يا حبيبي وطبطب عليه وهو حاضنه واكمل ربنا ميحرمناش منك انت ومراتك وبنتك ابداا يارب
ادم بحب ولا منكم يا غالي
مالك بدموع فرح واحشتني قد الدنيا يا كبير
ادم ابستم بفرح وحضنه جامد واكمل بدموع انت اكتر يا حبيبي والله يا مالك كنت مفتقدك بطريقه توجع القلب كنت بفضل اقول مش كان زمان مالك دخل رخم عليااا وقالي هنام جمبك انهارده وعمل كلعاده مصيبه من مصايبه وقالي احلها او يجي يفضفضلي زي ما بنعمل ونسافر سوا انت كنت شريكي في كل حاجه وواحشتني اوووي اوووي
مالك حضنه اكتر واكمل بدموع فرح المهم انك معانا يا غالي المهم اني شوفتك ونحمد ربنا علي اللي انت بقيت فيه يا قلب اخوك متعرفش انا فخور بيك قد ايه بجد يا حبيبي مش عايزين بعد تاني. ارجوك يا ادم ربنا يعلم انا عديت اللي فات من غيرك ازاي. كنت كل ما اضعف اكلمك بس ببقي محتاجك جمبي انت اخويا الكبير وكنت ساندني فكل حاجه فاجاه لقيت نفسي مفروض اتصرف فكل حاجه لوحدي بس الحمدلله انك خلاص مش هتسبنا تاني وده الاهم
ادم بحب مش هسيبك تاني يا حبيبي خلاص وهبقي معاك فكل حاجه وانت اصلا يعتمد عليك يا مالك ربنا يخليك ليا يا حبيبي
مالك بحب ويخليك لينا يا ابو سوسا
عمر بدموع مش كفياكم بقي علي فكره انا بردو مبعرفش اعمل حاجه من غيره وكان معايا كل يوم شغل ودراسه وبعد الشغل كمان نسهر سوا وواحشني الحيوان
ادم ضحك وضمه ليه اووي واكمل بدموع فرح انت واحشتني اكتررر يا اجمل اب لاحلي تؤام في الدنياااا كلهااا بجد يا عمر ربنا يعلم بعدك عني كان مموتني ازاي كنت كل ما اتعب مفيش غيرك اقرفه بمشاكلي و اول واحد يجري عليا في اي مشكله عارفني وحافظني لدرجه لما بضايق عارف بروح فين وبعمل ايه وقفت جمبي في اصعب اياام حياتي ومنهم ذكري وفاه اهلي اللي كل سنه بترجعني نقطه الصفر تاني ومشكلتي مع منه وزعلت واتوجعت لزعلي كانك انت وجيت خدتني وقعدتني في بيتك وطبطبت عليا لحد ما عيني قفلت انا يمكن. كنت سكران بس فاكر كل حاجه وانت وقفت جمبي واقفه ساعتها ونزلتلي في انصاص الليالي ومن يوم ماعرفتك وانت مش صاحبي واخويا بس انت تؤام الروح ومعاايا فكل حاجه حتي لما ابويا تعب لقيتك اول واحد انا يمكن مفتكرش كل حاجه عملتهالي لانهم كتير جدااا بس القلب مش ناسي ولا هينسي انك وقفت وبتقف جمبي وفعلا مفيس منك الايام دي يا عمر
عمر بدموع فرح ربنا يخليك ليااا يا غالي وميحرمنيش منك ابداا وده واجبي لاني اخوك ولازم اعمل كده واكتر وفخور بيك لاقصي حد علي اللي وصلتله بجد ويارب دايما في تقدم وازدهار واشوفك في اعلي المراتب يا حبيبي ومتبعدش عني تاني بقي علشان وربنا حسيت بليتم والوحده في غيابك
ادم بضحك مش هبعد تاني خلاص علي قلبكم
عمر بحب يا عم افضل وملكش دعوه
جيسي بدموع واحشتني اوي يا ادم صح انت وافيت بوعدك ليا وكنت اخ حتي وانت بعيد بس انا كنت محتجاك اوي جمبي
ادم حضنها واكمل بدموع حقك عليا يا ست البنات والله غصب عني وانتي عارفه بس علي يدك كنت بكلمك وبطمن عليكي ومش بسيبك خالص في اي حاجه واديني جيت وهفضل معاكي في الواقع اهو وباس راسها واكمل فخور بيكي لاقصي حد ايه يابت الجمال ده الحجاب مخليكي ملاك بجد
جيسي بدموع ربنا يخليك ليا يارب يا ادم وميحرمينش منك بجد
ادم بحب ويخليكي ليا يارب يا جوجو ومسح دموعها واكمل خلاص مش عايز دموع بقي
جيسي ابتسمت بحب واكملت حاضر وانت اياك تفكر تروح حته تاني
ادم بحب لا خلاص والله ماهروح حته تاني نخلص بس عمليه منمن ونرجع كلنا
جيسي بحب علي خير يارب
شهد بحب الف حمدلله علي لمتكم تاني يا ابو ساره
ادم بحب تسلمي يا ام ملوكه ربنا يخليكي يارب وضحك واكمل اهو انتي هتدخلي الجنه من غير حساب علشان مستحمله حاتم
شهد فضلت تضحك فاكمل حاتم يا عم تشكر
ادم بحب بعيدا عن اي حاجه انت ومالك وعمر اللي عملتوا مع مراتي وبنتي لو فضلت عمري كله اشكركم عليه مش هوفي
مالك بحب دي اختي يعني متشكرنيش علي حاجه بعملهالها لانه واجبي
عمر بحب والله منه وداليا عندي واحد وربنا يعلم غلاوتها قد ايه متقولش كده يا دوما
ادم بص لحاتم واكمل برفعه حاجب وانت مش هتقول انها اختك ?
حاتم فضل يضحك واكمل والله كنت رايح ارد وابتسم بحب واكمل بص يا ادم انا عارف انكم تعبتوا بسبي كتير وقولتلكم هفضل شايل ده ليوم الدين بس عايزك تتاكد ان منه دلوقتي اختي فعلا اصل قبل مانتا تدخل حياتها خالص دي بنت عمي يعني من لحمي ودمي وشرفي واعترف انا اللي كنت غبي بس وحياه اللي خلقني وخلقك اتغيرت وهي تقولك بنفسها او كلهم يشهدوا علي ده وانا عارف حقك تاخد مني موقف بس اديني فرصه اوريك انت كمان اني اتغيرت وبقولك قدامهم كلهم حقك عليا يا ابو ساره ومنه فعلا اختي واكتر من اختي هي وجيسي مالهمش غيري وانا ماليش غيرهم خلاص
جيسي ابتسمتله هي ومنه فاكمل حاتم فانا رديت عليك اهو وقولت اختي ودي. مش جميله تشكرني عليها ده واجب اخ تجاه اخته حتي لو العمر كله كنت هشيلها في عيني بس المره دي عايز اطلب منك انت انك تسامحني وتديني فرصه
ادم بابتسامه قولتلك اني مسامحك يا حاتم وحقك عليا لو حسستك بغير كده بس انت فاهم اللي مريت بيه بسببك مش سهل
حاتم بابتسامه عارف والله بس انت هتعرف قدام ان كل كلامي صادق واني معاك ومش عليك
ادم بحب ربنا هداك وده المهم يا ابو ملك ولولا اللي انت عملته مكنتش كبرت كده ولا قدرت اساعد منه بعد ربنا
منه بحب والله قولتله كده
حاتم حضنه واكمل حبيبي والله يا ابو ساره والحمدلله علي رجوعك لمراتك وبنتك يا غالي
ادم طبطب علي ضهره واكمل ربنا يخليك لينا يا حبيبي تسلم واكمل بتساؤل صحيح فين بنتك وابن مالك
حاتم في الجنينه استني اناديهم
ادم بحب اه ناديهم
حاتم دخل وجابهم فاكمل بضحك لم ابن اختك يا ادم كان ماسك ايد البت
كلهم فضلوا يضحكوا فاكمل ادم بضحك مش عيب كده يا مارو
مروان يا بابا انا وهي كسبنا فكنت ماسك ايديها وبنتنطط عادي
ملك اه يا عمو هو كده
ادم شالها واكمل بضحك يا حاتم متظلمهمش دول علشان كسبوا وبنتك بتقول اه هو كده وباس خدها واكمل يعني ماما قمر بسم الله مشاء الله طالعه لابوكي المعفن ليه انتي
شهد ضحكت فاكمل حاتم بضحك يا عم تشكر
ملك بحب بابي بردو قمر
ادم بضحك انا بهزر عيب عليك ربنا يخليهالك سكر وباس خدها واكمل بحب ايه رايك نجوزك لمراون
مروان بضحك موافق
كلهم فضلوا يضحكوا فاكملت ملك بحماس مواقفه بس مش اسيب بابي
حاتم بصدمه يا بنت الكلب لعبتي معاه كوره وافقتي تتجوزيه اخص علي اللي ربوكي
شهد بضحك الواد سكر وعنيه خضرا حقها
سالي بضحك تسلمي يا قلبي
ملك بضحك يا بابي هتجوزه بس هقعد معاك فاهم
ادم بضحك خلاص بقي يا حاتم متعيطش هتتجوزه وتجيبوا عندكم
حاتم بضحك دي بنت كلب دي والله
ملك ضحكت فاكمل ادم بحب روحي يا قلبي العبي ونزلها وبص لسليم واكمل بحب حبيب وقلب عمو ووطي لمستواه وفتح ايديه
سليم جري حضنه فشاله ادم وباس خده واكمل بحب ايه الحلاوه دي يا مالك يا صغير انت
سليم انت كنت واحشني خالص وساره كانت بتعيط علشان تشوفك
ادم باس خده واكمل بحب خلاص يا حبيبي هفضل معاكوا ومش همشي تاني خالص وضحك واكمل بس سمعت انك بتتعب ماما وبابا يا سولي ينفع كده
سليم بضحك انا ببقي بلعب هو بابا بيتعصب لوحده وماما علشان الحضانه مش برضي اصحي
ادم ضحك فاكمل مالك بتلعب وبتعصب لوحدي اه مجنون انا
جيسي بضحك مالك انت مش هتاخد معاه حق ولا باطل سيبك منه وهو ادم هيشوف ويحكم بنفسه
ادم بضحك ما ملاك اهو يا ظالمه منك ليه وباس خده واكمل بحب العب براحتك يا سولي ولا يهمك يبقي يكلمك ابوك
سليم بضحك اه لو كلمني هقولك انت الكبير وزعقله
ادم فضل يضحك فاكمل مالك بضحك يلا يا ابن الكلب
ادم باس خده ونزله واكمل يلا روح كمل لعب قاطعناك
سليم فين سوسا
ادم برفعه حاجب سوسا مين بنتي ?
سليم اه هي مفيش غيرها يا عمو مالك
منه بضحك علي رجل خالها اهي يا سليم
سليم بص لحد ما لقاها وراح حضنها واكمل واحشتيني خالص تعالي نلعب
ساره بدالته الحضن واكملت بحماس وانت كمان يلا نلعب باي يا خالو ونزلت من علي رجل حاتم ومسكت ايد سليم
حاتم بضحك باي يا قلب خالو
كلهم فضلوا يضحكوا فاكمل ادم بضحك انت يا حيوان يا ابن الكلب بتحضنها وابوها واقف كده عادي
شهد بضحك لا وبتقوله وانت كمان
سليم دي بنت عمي يا عمو
ادم بضحك لا ياراجل تصدق مكنتش اعرف وفكرتها بنت خالك
جيسي بضحك مااالك اخوك بيتنك علي ابنك من اولها
مالك بضحك مش ابنك اللي بجح وبيحضنها وابوها واقف طب كان بيحضنها وابوها مسافر قولنا ماشي انما قدامه كده
ادم بضحك الله الله وبلنسبه ليك انت يا عمها مش بدالي ولا انت عم نص كم و سايب بنت اخوك تتحضن عادي
مالك بضحك يا راجل ده لما بيعرف انها رايحه الحضانه معاه بيقوم من السرير ويلبس ويجهز في دقيقه
ادم بضحك مااالك متعصبينش ومسك سليم رفعه واكمل انت يالا تحضن بنتي تاني هعلقك
حاتم بضحك قانونا طلما حضنها يتجوزها
منه بحب يا خواتي هو احنا نطول
مالك بحب تسلمي يا غاليه
ساره بدموع بابي سيبه نزله علشان خاطري
ادم بصلها بتفاجئ وكلهم ضحكوا فاكمل بضحك انتي خايفه علي سليم يا ساره
ساره بدموع اه ده صاحبي
شهد بضحك ياربي علي العسل نزلوا بالله علشانها يا ادم
ادم بص لسليم واكمل بضحك هتحضن بنتي تاني يالا
سليم هز راسه ب لا واكمل لالا خالص
ادم بضحك طب اذا كان كده هنزلك علشان الاميره سوسا بتعيط بس ونزله وقفه علي الارض
ساره حضنته واكملت بدموع متحضنيش تاني علشان بابا مش يرفعك بايده كده
كلهم فضلوا يضحكوا فااكمل مالك بضحك لم بنتك يا ادم هي اللي بتحضن الواد اهو
ادم بصلها بتفاجئ واكمل بضحك انتي يااابت
ساره بصتله بدموع واكملت والله هو مش حضني يا بابي انا اللي حضنته علشان كان خايف
ادم بضحك لا فرقت فعلا يا قلب ابوكي هو اتربي انما انا بنتي متربتش قال كان خايف قال
سليم لا انا مش خايف مفيش راجل بيخاف
كلهم فضلوا يضحكوا فاكمل ادم بضحك يااا مااالك ابنك بيعصبني ومسكه واكمل بضحك يعني ايه مش بتخاف يا ابن الكلب انت يعني مش همك كلامي
سليم بخوف لالا كله الا كلامك انت يعني مش بخاف من كله معادا كلامك
مالك بضحك جبت ورا ليه يالا انا ابني ميجبش ورا هو ادم بيخوف كده
سليم غمز لمالك ففضلوا يضحكوا
ادم سابه واكمل بضحك ايوه كده يا بني عيب عليك انت لسه متعرفنيش
جيسي بضحك لسه ميعرفكش صح وبعدين براحه شويه علي الواد يا ادم مالك في ايه مش بنت عمه ولا ايه
ادم راضعين علي بعض ?
منه لا طبعا عمرنا مافكرنا نعمل كده
ادم بضحك يبقي مفيهاش بنت عمه ياختي فيها لموا ابنكم بعيد عن البت كده تجوزله عادي
حاتم بضحك ما الراجل سكت وخاف بنتك اللي عيطت عليه قلبها رهيف زي اللي جابتها
منه بضحك طب ليه الغلط طيب
ادم بحب هو في زي ام ساره وقلب ام ساره
منه حضنته واكملت نورعين ام ساره
ادم باس راسها واكمل والله انتي قلبي وبصلها واكمل بضحك ينفع التربيه النص كم اللي مربياها للبت دي
منه بضحك مالها ياخويا تربيتي ماهي سكر اهي
سليم بهمس لساره في ودنها تعالي نلعب جوه
ساره بمرح يلا
ادم بضحك انت يالا همست في ودن بنتي قولت ايييه
سليم بضحك مقولتش حاجه خالص
ساره اه اه مقالش حاجه
جيسي بضحك بتداري عليه وبتحضنه خدوا بالكم ان بنتكم واقعه في ابني اهو
ادم بضحك ما هي مشافتش ربايه فعلا
سليم بص لادم واكمل انا هتجوزها لما اكبر
ادم بضحك يخربيت بجحتك ياجدع طب دي بنتي وانا مش موافق هتتجوزها بلعافيه
سليم بضيق لا هتوافق
منه بضحك يا قلبي علي السكر انا موافقه يا سليم سيبك من عمو ادم
سليم بضحك انتي حبيبتي انتي يا وسكت واكمل لمالك بابا هو انت بتقول لمامت ماما ايه
مالك بستغراب متوفيه مامت ماما
سليم ايوه انت بتقولها يا ايه لو عايشه
مالك بضحك اااه يا حماتي وفضل يضحك
سليم بضحك انتي حبيبتي انتي يا حماتي
كلهم فضلوا يضحكوا فاكملت منه بضحك مش معقول الواد ده بجد وباست خده واكملت بضحك قلب حماتك انت
ادم بضحك حماتك في عينك وعين اهلك يالا بقولك مش موافق انت مش واخد بالك ولا ايه
مالك بضحك يا عم تشكر
جيسي بضحك خد بالك انك بترفض ابني يا ادم
ادم بضحك يا حبيبتي ده انا اقعد واحط رجل علي رجل واتنك عليهم كلهم واحد واحد لحد ما اوافق ان واحد الحظ يحالفه وياخد الجوهره بنتي هي اي حد ولا اي دي الاميره ساره
مالك بحب حقك يا كبير بنت ادم الشافعي مش اي حد ياخدها وهي بسم الله مشاء الله عليها سكر ربنا يخليهالك
ادم بضحك طب علشان الكلمتين الحلوين دول افكر في سليم
سليم بضحك كده كده انا هتجوزها
ادم بضحك يا مااالك ابنك بيعصبني هعلقهولك علي باب البيت قاال كده كده هتجوزها قال
مالك بضحك علقه وريحني ده لسانه متبري منه وبيعصب صح
جيسي بضحك معلش يا دوما علشان خاطري انا
ادم بضحك والله هسيبك لاجل امك الغلبانه دي بس
ساره بتفكير عمو مالك
مالك ايه يا سوسا
ساره مش انت قولتلي عادي اربعه قبل كده
مالك بضحك اه ومشاء الله عليكي فضحتي عمو مالك فكل حته
ساره سقفت بمرح واكملت كده هتجوز سليم وبابي عادي
كلهم فضلوا يضحكوا فاكمل حاتم بضحك لالالا عمك مالك فهمك غلط خالص مش كده مش كده
عمر بضحك ده انهي شرع ده اللي قال الست تتجوز اربع رجاله وفضل يضحك
ادم بضحك يابنت الكلب عايزه تتجوزيه يا ساره
ساره بابتسامه انتوا الاتنين
مالك بضحك لالالا يا سوسا الراجل يتجوز اربعه ستات انما الست واحد بس
ساره بضيق يعني ايه
ادم بضحك يعني اختاري تتجوزي بابي ولا سليم
ساره بتفكير انت مامي معاك فهتجوز سليم علشان ميفضلش لوحده
كلهم فضلوا يضحكوا
ومنه فضلت تضحك فاكمل ادم بضحك تصدقي انك بنت كلاب متكلمنيش تاني
ساره وطي
ادم وطي لمستواها فاكمل بضحك نعم يا ست ساره
ساره باست خده واكملت بحب متزعلش مني يا بابي انت عارف اني بحبك خالص
ادم بحب وانا بموت فيكي يا قلب بابي
سليم ممكن اخدها نلعب يا عمو
ادم باس خده واكمل بحب ممكن طبعا يلا روحوا
مالك خلي بالك من بنت عمك يا سليم
سليم وهما داخلين اكمل حاضر
ملك نزلت من علي رجل شهد واكملت بحماس وهي بتجري يلا يا مروان
مروان بحماس يلا ودخلوا هما كمان
حااتم بص لشهد واكمل بنتي دي صح ? اللي قالت يلا يا مروان ودخلت مش كده ?
شهد بضحك للاسف اه وفضلت تضحك
ادم قعد وخد منه في حضنه واكمل بضحك اعمل حسابك بقي من دلوقتي اانا ابن اختي ميترفضش
حاتم بضحك لا يترفض طبعا يا حبيبي ليه ابن مين يعني
سالي بضحك المقدم رامز الهواري
حااتم بضحك ميترفضش طبعااا
كلهم فضلوا يضحكوا فاكمل ادم بضحك لا وايه هو كمان هيطلع ظابط
حاتم بحب زي العسل ربنا يخليهولك وتخاويه يارب
سالي بحب اللهم امين يارب
ادم بس نتكلم جد شويه انت فعلا بتخاف من جواز ملك ليه
حاتم بتنهيده بص يا ادم انت عارف كل حاجه وشهد حكتلك فساعات بيجي في بالي ان ليه بنتي متقابلش حد قاسي كده ويضربها او يعيطها وينيمها مقهوره فلما بتخيل كده بنهار وبتعب نفسيا بجد فمش قادر اتخيل ان ممكن بنتي تعيط بسبب حد وتمشي وتسبني والله انا اللي يدوس لبنتي علي طرف اقتله عادي بس مشوفش دموعها
ساميه بحب ربنا يخليهالك يابني وتخاويها
حاتم بحب اللهم امين يارب
ادم بص يا حاتم انت اتغيرت وطلبت المغفره من جواك لربنا وااتغيرت وربنا عالم بلنوايا وعارف انك اتغيرت خالص وعوضت مراتك علي كل ده اينعم ان شهد لو ابوها عايش مكنش سكتلك فعلا وكان ضربك علي اللي عملتوا في بنته وجرجرك في المحاكم بس احنا عدينا كل ده وانت اتغيرت وهي سامحت بس انت مش قادر تصدق ان ربنا سامحك فطول الوقت عندك احساس لا هتتردلي في بنتي
حاتم بوجع بلظبط كده وانا مش هقدر استحمل اموت بلحيا لو حد قربلها
شهد دموعها نزلت ومسحتها بسرعه واكملت سالي هو فين الحمام
سالي بصي كانك داخله الجنينه هتلاقيه علي اليمين
شهد ابتسمت وقامت
وادم لاحظ دموعها فاكمل لحاتم بحب بص يا صاحبي هي قاعده معروفه وفعلا بتتحقق داين تدان بس ده لما الشخص يكون مصمم علي اللي بيعملوا ومش راضي يتغير انما انت اتغيرت ملك بكره تكبر وانت نفسك هتحب تشوفها عروسه انا عارف حبك واحساسك بيها لان معايا زيها بس فعلا هتفرح بيها اوي لما تشوفها كده وارفض براحتك يا عم لحد ماتحس ان ده اللي هيعيشها مبسوطه بجد وحقك
حاتم بحب اللهم امين يارب وتفرح بساره وتخاويها يارب
ادم بحب يارب منمن اوعي ثواني هقوم اعمل مكالمه يا حبيبي
منه خرجت من حضنه فقام دخل الجنينه ولما شاف شهد متجهه لجوه اكمل شهد
شهد بصتله واكملت ايوه يا ادم
ادم بتنهيده تعالي
شهد راحت وقفت قدامه واكملت بصوت موجوع نعم
ادم بحزن من اجلها اكمل كلام حاتم وجعك صح
شهد بصت للارض ودموعها نزلت واكملت هو مش لو كان ابويا عايش كان قتله واكله بسنانه علي اللي علموا فياا زي ماهو بيقول هيعمل لملك انما انا ابويا سابني للدنيا لوحدي وده اللي شجع حااتم انه يجي عليا ويظلمني ويعتدي عليا وعيطت واكملت ياريت كان ليا اب زي ملك يخاف عليا وعلي شرفي ويفضل طول الوقت حنين معايا كده انما انا مليش حتي ابن عم او ابن خال او ابن عمه وابن خاله او حتي اخ كان يقف لحاتم انا مقطوعه من شجره ودي حاجه محسساني اني قليله اوي في نظره
ادم بحب اهدي طيب اهدي ومسحئ دموعها واكمل بحزن انتي مش بتحبيه
شهد بدموع اكيد طبعا بحبه و اوي كمان وهو بصراحه اتغير اوي بس فاهمني يا ادم انا بحس بكده لاني كل ما اسمعه بيقول لملك ابوكي حسه في الدنياا ومحدش يقدر يعيطك طول منا عايش بفرح ان انا وبنتي لينا سند كده في الدنيا بس قلبي بيواجعني لاني وحيده بفضل اقول هو انا لو كان ليا اهل مش كان حاتم اتعاقب او اتقتل زي مابيقول وكان ابويا ولا اخويا جابولي حقي منه وعيطت واكملت صعبان علياا اوي انه كسرني لانه عارف اني ماليش حد والله انا مش بغير من ملك دي بنتي اكيد لا بس بقول اشمعنا انا اللي معنديش حد كان يقفلوا كده
ادم مسح دموعها واكمل بحزن حقك عليا انا يا شهد والله انا فاهم كلامك وحاسس بييكي اوي انا وسالي وجوزها ايتام اب وام غير بردو منه وحاتم فاتلاقيني حاسس بيكي اوي لاني حتي انا اتحرمت من اهلي بس انا راجل عرفت اسند نفسي واقوم انما البنت بتتكسر بس طلما حاتم اتغير وانتي سامحتي حاولي تنسي علشان حياتك تتحسن انا عارف ان دي غصب عنك وبتحسي انك قليله اوي قدامه وملكيش حد بس عايز اطمنك ان اللي بيحبك مش هيشوف فيكي عيوب اصلااا اللي بيحبك هيحبك بعيوبك كلهاا فحاتم مستحيل يقولك كده في يوم من الايام ولو حسسك بده فا ده كان زمان
شهد بدموع اه فعلا كان بيقولي مره لما قولتله انت مش راجل علشان كان عايزني غصب قبل مانتجوز قالي راجل غصب عنك وعن اللي يعرفوكي ده لو كان في حد يعرفك وانا جبتك من الشارع ونضفتك وجبتلك بيت علشان مزاجي وانتي ملكيش اهل اصلا وكلام كتير اوي زي كده علشان كده بقول لو كان ليا حد حاتم مكنش اتجرأ واعتدي عليا وضربني وظلمني كده ومع ذلك
ادم بدموع سامحتي بس منستيش ولا كلمه
شهد بعياط بلظبط انا اه بحبه اوي ووالله وغلاوه بنتي اموت فداه عادي ومسمحاه وحاليا احنا سمنه علي عسل بس لا صعب انسي الكلام ده
ادم بوجع والله حاسس بيكي يمكن موقفي غيرك لاني عرفت ان منة مظلومه بس مع ذلك مش هقدر انسي اللي قاالته ليا وده علشان هي غاليه عليا اوي فاالكلام علم جوايا
شهد بدموع بلظبط كده احنا الاتنين وجعنا واحد يا ادم ومرينا بنفس القهره سوا واحنا واقفين جمب بعض وايتام اب وام زي بعض بس انت اهلك ماتو مره واحده انا علي مراحل من عمري
ادم بستغراب وانتي عرفتي منين انهم ماتوا مره واحده
شهد بتوتر سمعت من منه مره واحنا بنحكي قالتلي ماتوا في حادثه عربيه
ادم بتنهيده منه زيهم مصدقه انها حادثه مع اني قولتلها وقولت للكل هما اتقتلوا قصد
شهد بتوتر اييه ومين بس هيعمل كده
ادم بوجع شهد انا ابويا كان غني جداا وليه فيلا وشركات ازاي لما مات املاكه متنقلتش لوريثه الوحيد لا اتبخرت وتعب ابويا راح كانه لم يكن
شهد بصدمه تقصد ان اللي قتله مضاه علي املاكه
ادم بوجع بلظبط كده وده الهدف من موته الاملاك اصل مفيش سبب تاني
شهد بصدمه طب وانت انت هتعمل اي الفتره الجايه
ادم بتنهيده بصي انا بدور علي كل اللي شاركوا ابويا طول ايام حياته وبسالهم لو كان ليه عداوه او كده بس كلهم بيتوتروا بطريقه غريبه وبيرفضوا يقولوا اي اسم بس انا مش هسكت
شهد بتوتر طب ولما تعرف مين ده هتعمل ايه
ادم من قتل يقتل يا ام ملك
شهد فتحت عنيها بصدمه واكملت بخوف ايااك يا ادم ايااك تضيع نفسك وانت بتجيب حقك انت صاحب حق سيبها علي ربنا مش هيسكت عن الظلم والحكومه تتدخل ويتعدم انما انت لا ايااك تلوث ايديك بدم حد انت مش كده ولا دي شخصيتك انت دلوقتي معروف وكل العين عليك ومثال وقدوه لناس كتير
ادم بتنهيده كلها وجع اكمل هشوف يا شهد انا امنيه حياتي اقتله بايدي بس فعلا ده مش انا وغمض عنيه واكمل هسجنه وهيتعدم المهم لازم احقق وعدي لابويا واموت اللي عمل كده وحرمني منهم وهو من سني وامي قد منة انتي متخيله ودموعه نزلت
شهد بدموع اهدي طيب وعلشان خاطر بنتك يا ادم فكر كويس وربنا يرحمهم يا حبيبي ويصبر قلبك وقلبي
ادم مسح دموعها واكمل اللهم امين يارب يلا ادخلي لجوزك وانا جاي وراكي ومن انهارده انا اخوكي الكبير زيك زي سالي وجيسي ولو حاتم كلمك قوليلي انا
شهد بابتسامه حاضر تسلميلي يارب يا ادم
في الصالون رامز كان جيه وسلم عليهم وقعد يتكلم مع عمر
شهد دخلت وقعدت جمب حاتم ففتح دراعه ابتسمت بحب ودخلت في حضنه
حاتم طبطب علي كتفها واكمل مالك يا شهد
شهد بحب مالي يا حبيبي منا كويسه اهو
حااتم بتنهيده مش عارف حاسس عكس كده
سالي حبيبي كفاياك رغي انت وعمر واطلع غير هدومك علشان الاكل خلاص يعتبر اتعمل
عمر بضحك وانتي مالك يا بت انتي ده ايه الرخامه دي
رامز بضحك سيبك منها هغير وجاي نكمل كلمنا يابرو
عمر بحب مستنيك يا غالي
سالي برفعه حاجب سيبك منها ها
رامز باس خدها واكمل بحب عيب عليكي يا سو هو انا اقدر ده انتي قلبي
سالي بضحك اه منتا مش فالح غير تاكل بعقلي حلاوه وربي ابنك عايز يتجوز بنت حااتم ادم بيقوله تتجوز ملك قال موافق
رامز بضحك بتهزري يا ابو لسانين انت قدام ابوها كده
حاتم بضحك ربي ابنك بقي
رامز بضحك لا انا معرفتش اربي اصلا انا معترف بحاجه زي كده واتجه انه يطلع لاوضته
ادم دخل لقي منه مرجعه راسها لورا ومغمضه عنيها فراح جمبها وخدها في حضنه وباس جبينها واكمل مالك يا حبيبي في ايه
منه بتعب تعبانه اوي يا ادم وجسمي كله واجعني ولسه مرجعه دم دلوقتي
ادم تنهد بوجع واكمل طب كالتي الصبح وخدتي دواكي
منه هزت راسها ب اه
ادم بحزن معلش حقك عليا باذن الله بكره نخلص
ساميه بحزن يارب يابني ويقومها بالف خير
ادم بوجع اللهم امين يارب ورفع ايد منه باسها بحب
وسالي حضرت الاكل وكلهم قاموا قعدوا ياكلوا
منه بتعب ادم نادي علي بنتك تاكل
ادم ساره .. سااره
ساره جات واكملت نعم يا بابي
ادم شالها قعدها علي رجله واكمل يلا علشان تاكلي
ساره بضيق مش بحب السممك
سالي بضحك اكلك لسه هجيبه يا ام لسانين
شهد ليه ده جميل يا سوسا ومشوي
منه بتعب لا ياختي طالعه للي جابها لو اي مش بتاكله
ادم باس خدها واكمل دي حبيبتي دي
سالي بضحك كده كده مش بعمل لابوكي سمك يا سوسا اكلكم جوه لسه هجيبه
ساره بابتسامه ماشي يا عمتو
ساالي بضحك جلب عمتو من جوه يا ناس
منه بتعب حبيبي سيبه وانا هاكل يعني انت مش بتعرف تاكله هتعرف تفصصه يا ادم ?
ادم بحب والله مهما يكون طلما حاجه علشانك انتي اعملها عادي وضحك واكمل ولا انتي خايفه اكلك بلشوك
منه ضحكت بتعب واكملت اكيد لا طبعا انا بس مش عايزه اتعبك وكمان انت مش بتحب ريحته تيجي في ايدك بس بجد ربنا يخليك ليا يارب يا حبيبي
ادم بحب مش مهم طلما انتي هتاكلي تيجي ريحته في ايدي عادي بس المهم انتي تاكلي ويخليكي ليا يا حبيبت قلبي وميحرمنيش من الضحكه القمر دي
ساره بنوم بابي انا نعست
ادم بحب كلي ونامي يا ساره
ساره بنوم مش قادره
ادم لا يا قلبي مينفعش كلي ونامي
سالي الاكل اهو يا سوسا كلي يلا
ساره بنوم لالا خلاص بكره
منه بحده مش هيتحايلوا عليكي بطلي دلع وكلي ونامي
ساره عيطت فاكمل ادم بحده يعني ينفع كده ?? تسمحي ملكيش دعوه بتربيه بنتي خالص ولا تعالي صوتك عليها ?? انا بدلعها مش بدلعها متدخليش دي طفله ونعست وعايزه تنام من صابحيه ربنا برا البيت عايزه تفهميني انك بزعيقك ليهاا ده هتقعد تاكل وتخااف
منه بدموع ولا تقعد ولا متقعدش انت حر مع بنتك كده كده انت اللي فاضل ليها مش انا ومش هتدخل خالص في تربيتها ولا تزعل
ادم قلبه وجعه من كلامها واكمل وهو بيطبطب علي ساره بوجع بعد الشر عليكي يا حبيبتي انا مش بكلمك علشان تقوليلي كده
منه بدموع خلاص يا ادم
ادم مسح دموع ساره واكمل حقك عليا كلي ياقلبي ونامي زي مانتي عايز ومتزعليش من ماما هي بس تعبانه فاتعصبت شويه
ساره هزت راسها ب ماشي بحزن وقعدت تاكل
ادم اهو بهدوء قعدت تاكل ليه بقي الزعيق وعلو الصوت
منه تمام وانا مقولتش حاجه خلاص
ادم باس راسها واكمل حقك عليا ياست البنات وتنهد واكمل انا عارف ان تعبك ماثر عليكي نفسيا فاتعصبتي بس ساره ملهاش ذمب
منه بتنهيده ماشي يا ادم خلاص والله
ادم رجع ياكلها واكمل وهو بيطبطب عليها ربنا يطمني عليكي يا حبيبتي وبلاش الكلام ده
منه هزت راسها بتمام
وقعدوا يا كلوا وبعد الاكل كله راح علشان ينام
في اوضه ادم
منه بتعب ساره نامت ?
ادم بضحك اه من بدري نامت وهي بتاكل اصلا
وراح نيم ساره بهدوء علي السرير
منه بحزن ادم انا عايزه اكلمك في حاجه
ادم نام وخدها في حضنه واكمل قولي اللي انتي عايزاه بس لو كلام يحرق دمي بلاش منه احسن
منه بحزن ادم انا بحكيلك اللي بحسه وبخاف منه طلما مش عايز تسمع خلاص انسي اني قولتلك كده
ادم لاااالااا يا قلبي انتي فهمتي ايه وباس ايديها واكمل يا منه يا حبيبتي انا اقصد ان انا قلبي بيواجعني من كلامك عن الموت بعد الشر فمش بحبك تجيبي سيرته انما مش قصدي اسكتك لا اتكلمي يا قلبي اتكلمي زي مانتي عايزه وانا مستعد اسمعك العمر كله
منه بدموع انا عايزه اتكلم اخاف ميكونش في وقت بعد كده
ادم غمض عنيه بوجع واكمل سامعك
منه بدموع بص يا ادم انا عرفتك ان ليك بنت وعرفتك ليه عملت كل ده والاهم عرفتك اني بحبك ومحبتش غيرك ولا كنت هقدر اشوف غيرك اصلا فانا عارفه اني ممكن اموت فهسالك سؤال وتجاوبني بصراحه وغلاوه بنتك
ادم بوجع اسألي
منه بدموع اما اموت انا عارفه انك هتتوجع وساره كمان مش هتتقبل فكره اني مبقتش موجوده خلاص بس ده هيبقي واقع فمتعرفهاش اني مش هشوفها تاني قولها اني تعبانه وبتعالج لحد ماتكبر وتفهم وسؤالي ليك انت بصتله واكملت انت صغير وعندك 28 سنه عشتهم كلهم في وجع من فراق اهلك وشويه انا وانت وكمان بنتك اللي عرفت بيها متاخر فانا عارفه اني ظلمتك وظلمت نفسي اوي بس هل هتقدر لما اموت تتجوز بعدي علشان تعوض ايامك
ادم دموعه نزلت وغمض عنيه واكمل بوجع منة ارجوكي
منه بعياط ارجوك انت جاوبني انا بشوف رجاله كتير بتعمل كده وكانوا بيحبوا مراتتهم عادي بس الراجل بطيبعته عنده شهوه هل انت هتقدر تمنع نفسك انك تكون مع ست عمرك كله انا عارفه اني هكون مش موجوده علشان اتوجع او احس بس هيجي يوم هجتمع بيك فمش عايزه ساعتها اكون زعلانه منك لان عندي امل اكمل معاك عمري هناك وعيطت واكملت انا مش عايزه اكون انانيه بس فعلا مش عايزه ولا متقبله فكره اني مش موجوده وانت في حضن غيري فاهم لان الدنيا مش هتقف عليا وهتكمل
ادم حضنها جامد واكمل بدموع هتكمل مع الكل الا معايا يا منة كان بيني وبينك بلاد بس ومقدرتش اشوف غيرك ولا اعمل حاجه زي كده جايه تقوليلي كده دلوقتي وبعدين تسوى إيه الدنيا كلها وانتي مش معايا هي تبقى الدنيا دنيا إلا بيكي يا نورعيني
منه بدموع انا بحبك اوي يا ادم بجد بحبك وبتمني مموتش علشان عايزه افضل معاك شويه انا اتحرمت منك كتير اوي اتحرمت من الحاجه الوحيده اللي حلوه في حياتي وايامي
ادم مسح دموعها واكمل بحب هيحصل يا قلبي هيحصل وربنا هيفرحنا وهتقومي بالف خير
منه حضنته واكملت بهمس وحب واحشتني اوي
ادم بصلها بحب واكمل انتي اكتر بس انتي تعبانه وبكره وخلاص هتبقي
منه بماقطعه وهي بصاله اكملت وافرض مفيش بكره ??.. افرض اخر حاجه هتجمعنا الكام ساعه دول ??
ادم الدموع اتجمعت في عنيه واكمل بوجع منة
منه صدقني ممكن حتي لو انا وانت مش عايزين ده بس انت تريد وانا اريد والله يفعل ما يريد
ادم دموعه نزلت واكمل بوجع يعني انتي عايزه ايه يا حبيبتي دلوقتي وانا هعملك اللي انتي عايزاه
منه بصتله بحب واكملت تكون معاايا زي زمان علشان انت واحشتني واربع سنين قلبي واجعني من شوقي ليك
ادم قرب باسها بحب كبير وشوق سنين وهي بدلته المشاعر وحطت ايديها علي رقبته وقربته منها اكتر
———————————————–
تاني يوم الصبح
ادم كان صاحي ومعرفش ينام طول الليل عمال يبص لملامحها بعشق واضح وخايف يفقدها وقرب شال شعرها اللي نازل علي وشها وباسها بحب
منه صحيت واكملت بنوم اممم ايه يا ادم
ادم بحب قومي يلا يا قلبي عايزين نخلص من الكابوس ده وقام شالها بين ايديه
منه شهقت واكملت ادم سبني بالله عليك
ادم هدخلك تاخدي شاور يا منمن مالك في ايه وباس خدها
منه بحرج طب سبني وانا هدخل لوحدي
ادم بحب خلاص دخلنا اهو وحطها برفق في البانيو وهي رجعت ضهرها لورا بتعب
ادم بضحك والله قولتلك تعبانه مسمعتيش الكلام
منه بتعب اتلم هاا ورشت عليه مياه واكلمت بضحك نفسي تتربي وتحترم نفسك
ادم بضحك ولا عمره هيحصل والمهم يلا انجزي هاخد انا شاور في الكابينه لحد ماتخلصي وناديني لو معرفتيش تتطلعي
منه بضحك لا متقلقش عليا بس اقفل الستاره عليك ها
ادم فضل يضحك واكمل حاضر ياختي
وبعد ماخلصوا خرج ادم وهو لافف الفوطه علي وسطه
ادم منه وهزها واكمل بت يا منه
منه بنوم اممم
ادم بضحك انتي نمتي يخربيتك يا منه وعملها شعرها بلشامبو وساعدها تخلص الشاور بعدين شالها وخرج بيها وساعدها تلبس الدريس واكمل بحب سرحي شعرك ولفي الحجاب بقي
منه بتعب حااضر وقامت وقفت داخت ادم بخوف طب استني استني ولبس بنطلونه وقميصه والجاكت بسرعه وقعد وراها وشدها ليه وبدا يسرح شعرها ولمه وحط البندانه ولفلها حجابها وباس خدها واكمل ياخواتي علي مراتي القمر يا ناس
منه بحب والله انت قلب مراتك من جوه
ادم بحب هانت خلاص وحياتنا ترجع طبيعيه ونرجع بلدنا
منه بحماس انهارده والنبي يا ادم
ادم بحب علي حسب حالتك لقيتك قادره تتحركي عيوني مش قادره خلاص
منه بحب باذن الله هتحرك
ادم بحب يارب يا قلبي
ساره صحيت واكملت بابا
ادم بحب ايه يا قلبي
ساره وهي بتدعك في عنيها اكلمت انتوا رايحين فين
ادم بحب رايحين نكشف علي ماما يلا قومي اغسلي وشك علشان نازلين
ساره حاضر وجريت علي الحمام
ادم بحب لبسي ساره لو مش هتقدري اطلعلك حد من البنات
منه بحب حاضر هلبسها انا متقلقش
ادم بحب ماشي يا قلبي
وفعلا منه لبست ساره ونزلوا
ادم صباح الخير
الجميع صباح النور
منه بابتسامه صاحيين بدري بدري يعني
ساميه بحزن ومين يابنتي عارف يتهني علي نومه وبصت لادم واكملت منمتش صح
ادم بتنهيده كلها وجع اكمل ومين عارف ينام انا فضلت طول الليل واخدها في حضني وببصلها وعقلي رافض اللي بقينا فيه
مالك بحزن باذن الله نخلص علي خير
منه بدموع اخص عليك يا ادم منمتش ليه هتركز ازاي كده
ادم بضحك انتي بتعيطي علشان مش هركز ولا بتعيطي علشان منمتش
منه بدموع علشان منمتش طبعا كده او كده كنت لازم تنام
ادم بوجع معرفتش تغمضلي عين كوابيس طول الليل يا منه في عقلي وافكار في دماغي مسكتتش علشاان اعرف انام
منه حضنته واكملت بدموع انا بحبك اوي بجد
ادم بحب وانا اكتر
حاتم بحزن يلا بينا ولا ايه
منه بخوف يلا
ادم مسك ايديها واكمل ثقي فيا بعد ربنا واهدي
منه بحب ونعم بالله
بعد شويه في المستشفي منه جهزت ولبست لبس العمليات وقعدت علي السرير وهي حاضنه ساره وباست خدها كتير واكملت بحب ودموع ابقي اسمعي كلام بابا ومتتعبيهوش
ساره بحزن هو انتي هتروحي فين يا مامي
منه بدموع مش هروح يا قلبي انا بقولك بس عادي وباست خدها كتير وحضنتها وبصت لساميه واكملت بدموع علشان لو مشوفتنيش تاني عايزه اقولك انك كنتي ونعم الام مش هقولك حماتي وقفتي جنبي وخدتيني في حضنك وخلتيني في بيتك وخدمتيني كاني بنتك اديني حققت وعدي معاكي ولا كسرت ابنك ولا حرمتك من خلفته امانه عليكي يا ماما لو حصلي حاجه متخليش ادم يتعب ويزعل علشان خاطر بنته وعوضيه انتي واشغلي حياته وخديه في حضنك بدالي
ساميه بعياط بس يابنتي بس يا حبيبتي بعد الشر عليكي متقوليش كده قطع لساانك ايااكي تقولي كده تاني هتبقي زي الفل
منه بدموع مش مضمون يا امي والله وبصت لابراهيم واكملت بدموع انا عشت عمري كله معرفش يعني اي حنيه الاب غير لما عرفتك وقعدت في بيتك كنت بتعتبرني بنتك واكتر مع اني بنت اكتر واحد حسسك انت وجوزي بلذل والاهانه بس انت راجل اصيل والوحيد اللي قال منه مش كده بشكرك بجد ويابخت مالك ادم انهم عندهم اب زيك
ابراهيم بدموع وهتفضلي يا حبيبتي وانتي بنتي سيبك من كمال خالص لا انتي ولا اختك زيه ابدا انتم مفيش منكم يا حبيبتي
منه بدموع تسلم يارب وبصت لمالك واكملت بدموع كلمه اخويا وصاحبي متوفيش اللي جوايا ليك يا لوكا انت عملت اكتر من المفروض وكنت ونعم الاخ والسند عايزاك تسامحني علي شكوكي فيك ايام زمان وعلي اني خبيت عليك دلوقتي بس تاكد انه علشان حسيت اني تعبتكم اوي
مالك راح باس راسها واكمل بدموع بس يا هبله انتي اختي فاهمه يعني ايه اختي يعني احنا واحد وكل اللي عملتوا عملتوا بحب ومن قلبي وده واجب اخ تجاه اخته ومسامحك ياغاليه وهتخرجيلي بالف سلامه وهتخليني عم للمره التانيه كمان اوعي تقولي الكلام ده هتبقي بخير والله ودموعه زادت واكمل متوجعيش قلوبنا عليكي يا منه انتي زي الفل
منه بدموع بجد ربنا يديمك نعمه وسند في حياه اختي يابختها بيك يا مالك وكل اللي انت عملتوا في ذاكرتي لاخر لحظه في حياتي وبصت لجيسي واكلمت بدموع في عنيكي حافظي عليه هو وسليم ومتزعليش مني لو حسستك في يوم اني مش مهتمه بيكي بس والله انا بحبك اوي يا جيسي اوي ده انتي بنتي ونورعيني
جيسي حضنتها واكملت بعياط ارجعيلي تاني هستناكي تخرجي يا منه ارجوكي اوعي تسبيني انا ماليش غيرك يا منه ماليش غيرك لاا اوعي تتخلي عني
منه باست راسها ومسحت دموعها واكملت اهدي يابت انا بخير ولتكن اراده الله مهما كانت اي هي متخافيش يا قلبي
مالك سند جيسي وهو بيبكي بوجع
منه بدموع شكرا علي كل حاجه عملتها معاايا يا عمر بجد انت اكتر من اخ ووقفت جمبي كتير اوي وعملت معايا حااجات محدش بيعملها وحتي بنتي كنت ليها اب بجد مش هعرف اشكرك مهما اتكلمت وعايزاك تخلي بالك من تاليا ولو عرفت تخبي عنها لو حصلي حاجه خبي لحد ماتقوم بالف سلامه
عمر بدموع هتبقي زي الفل وهتشيلي عيالنا كمان متقوليش كده يا منه بعد الشر عليكي وده واجبي اصلا انتي زي داليا واكتر يعلم الله وبنت ادم بنتي انا معملتش حاجه وغمض عنيه بوجع
منه بدموع تعالي يا شهد
شهد راحتلها وهي منهاره عياط
منه حضنتها واكملت بدموع وهمس حاتم في عنيكي هو مالوش اهل غيري انا وجيسي وعارفه لو موت هيتكسر لانه مش راضي يقتنع ان ده نصيب وحاسس انه حرمني من ادم العمر اللي فاضلي فكوني ليه كل حاجه يا شهد وكوني كل اهله
شهد بدموع متقوليش كده يا منه اخص عليكي متقوليش كده تااني لا انتي هتبقي زي الفل والله وهتشوفي يا حبيبتي انك هتبقي بخير
منه بدموع يارب ادعولي وبصت لحااتم واكملت بدموع كفاياك عياط والله مش انت السبب ومسمحاك يا حاتم ومسكت المصحف اللي علي التربيزه واكملت بدموع والمصحف ده مسمحاك بس كفاياك مش عايزه اشوفك كده انت والله ملكش ذمب
حاتم بدموع ماليش ذمب ازاي وانا حرمتك من جوزك كل ده وتعبتي من غيره ولو حصلك حاجه غمض عنيه ودموعه زادت واكمل بعد الشر قطع لساني هبقي حرمتك منه عمرك اللي كان فضلك
منه بعياط تعالي يا حاتم وبصت لادم اللي منهار دموع ومالك حاضنه وبيطبطب عليه واكملت بدموع بعد اذنك يا ادم وحضنت حاتم وهو ضمها وفضل يطبطب علي ضهرها واكملت بعياط انا ماليش اهل غيرك يا حاتم ومستحيل ازعل منك ده انت اخويا الكبير وابن عمي واللي فاضلي من اهلي كلهم عايزاك تعرف اني بحبك جداا بجد وفخوره بيك وللي انت بقيت فيه لاقصي حد انا بحس معاك بحنيه الاخ اللي عشت اتمناها وصليت بيها ليل نهار ان ربنا يجعلك اخ لينا انا وجيسي وقد كان اربع سنين شايلني في عنيك وداخل طالع علي بيتي مش معوزني ولا انا ولا بنتي اي حاجه كنت فعلا ونعم الاخ والسند وابن العم ووالله كل اللي عملته حلو ينسيني اي وحش كفايه اني حضنتك من نفسي دلوقتي لاني فعلا شيفاك اخ وامان بنسبالي ومبقتش اخاف منك
حااتم باس جبينها واكمل بدموع انتي متستاهليش كده يا منه انا قلبي واجعني وهموت عليكي لو حصلك حاجه انا ماليش غيرك انتي وجيسي
منه بدموع اللي ربنا عايزه هيكون ومسكت ايده واكملت بدموع عايزاك لو حصلي حاجه قول لبابا اني بحبه جداا مهما عمل وكان نفسي اشوفه دلوقتي ومسمحاه
حاتم غمض عنيه بوجع واكمل باذن الله هتقوليله كل حاجه بنفسك
منه وهي بتحضن ملك اكملت اديني قولتلك بردو وباست خدها واكملت بحب متتعبيش ماما وبابا
ملك بحب حاضر يا عمتو
منه بحب قلب عمتو والله وحضنت سليم وباست خده واكملت قلب خالتو ده يا ناس مش عايزين شقاوه يا سولي
سليم بحب حاضر
وحضنت ساره اللي كانت بتعيط واكملت بدموع اهدي يا قلبي اهدي يانورعيني انا كويسه متخافيش عليا والله وباست خدها كتير وضمتها بوجع وخوف وفضلت تعيط واكملت شهد معلش نيميها
شهد بدموع حاضر
منه بخوف يلا يا ادم
ادم حضنها جامد واكمل بدموع ووجع انا اتيتمت مره زمان وقلبي واجعني علي فراقك 4 سنين بس مش هستحمل بعدك عني تاني يا منه ارجوكي كوني قويه
منه بدموع انا بحبك اوي يا ادم وخايفه ابعد عنك اكتر منك والله وحضنته اكتر واكملت بعياط انا مش ماسكه في حياتي غير علشانك ولو انت مش فيها مش عايزه اعيش
ادم بعياط والله هتبقي كويسه متصعبيهاش عليا يا منه ارجوكي ودموعه نزلت بغزاره واكمل انتي كل اهلي يا منه لو حصلك حاجه هتيتم تاني ارجوكي لا وباس خدها وايديها وحضنها واكمل بدموع اهدي والله هتبقي كويسه ومسح دموعها
منه تنهدت وادم رجعها علي السرير واكمل بحب ودموع هتبقي كويسه
منه بوجع هتواحشني
ادم ضمها لصدره وباس رقبتها بحب وهمس مش هيحصلك حاجه
ساميه بدموع اهدي يابني علشان بلحاله دي مش هتعرف تركز بالله عليك
ادم بوجع متخافيش ودموعه نزلت واكمل لتاني مره لازم انسي خوفي ووجعي واركز علي هدف واحد انها تبقي بخير عملتها في بابا وهعملها في منه مرعوب اوي انك هتبقي تحت ايدي بس لازم انسي خوفي علشان تبقي بخير عارف مش هقدر اشوفك كده. جوه اوضه العمليات بس لازم اجمد وباس جبينها
منه غمضت عنيها واكملت يارب ادعولي
جيسي بدموع كلنا هندعيلك يا قلبي
ادم بتنهيده كلها وجع يلا يا حبيبتي ومسك ايديها والممرضات ساعدوا ودخلوا العلميات
وكلهم فضلوا يقروا قرأن ويدعولها
وبلفعل بعد عده ساعات خرج ادم وكلهم جريوا عليه بسرعه
حاتم بخوف طمنا منة كويسه صح
ساميه بدموع ها يابني طمنا
ادم خلع الكمامه واكمل بابتسامه كلها فرح زي الفل يا جماعه الحمدلله نشكر ربنا عدت علي خير
البنات كلها زغرطوا بفرح وسحابه الدموع والخوف والحزن راحت
ساميه بدموع فرح الحمدلله يارب احمدك واشكرك ياارب
حاتم بفرح الحمدلله يارب الحمدلله
مالك بفرح اووف يا جدع ده هم وانزاح وحضن ادم واكمل بدموع فرح مبروك رجوعها ليك بالف خير ياخويا
ادم بدموع فرح الحمدلله يارب بجد يا مالك
شهد بفرح نحمدك ونشكرك يارب
ابراهيم بدموع فرح هتفوق امتي يا ابني
ادم بحب ساعه بلكتير بس هتفوق اي لحظه خلاص نقلتها تعالوا ندخل الاوضه بتاعتها نستناها
في الاوضه
ادم دخل وباس جبينها وقعد جمبها وباس ايديها بحب
جيسي بدموع فرح نحمد ربنا بجد الحمد والشكر ليك يارب
عمر بحب بجد اللهم لك الحمد ده كان كابوس والله
سالي بفرح مليون مبروك يا دوما الف حمدلله علي سلامتها
ادم بحب تسلمي يا قلب اخوكي
رامز بحب الف الف مبروك يا صاحبي وربنا يخليهالك يارب
ادم بحب يارب يا حبيبي تسلم هقوم انا اجيب ادويه منة خليكم جمبها هتفوق اي لحظه
مالك بحب ماشي يا حبيبي
في الخارج
واحد بخوف دكتور ادم دكتور ادم
ادم بستغراب ايوه في ايه
الراجل بخوف والدتي واقعه في الشارع وتعبانه جداا ارجوك تعالي شوفها
ادم بقلق طب ثواني هقول للممرضات يجوا ينقولها
الراجل بخوف لالا طب حضرتك شوفها الاول انقذها الاول ابوس ايدك بعدين ننقلها جوه
ادم بحزن طب تعالي تعالي وريهاني متقلقش اهدي
وطلعوا
ادم بستغراب فين والدتك
الراجل اهي قدام شويه واقعه
ادم مشي والراجل غرز ابره في رقبته وقع مغمي عليه
بدر بخبث شيلوه يلا
الرجاله الملصمه شالته وركبوا العربيه ومشيوا
في الاوضه عند منه
منه صحيت واكملت بصراخ اااااادم
ساميه بخوف بسم الله الرحمن الرحيم مالك يابنتي في ايه
منه بعياط فين ادم انا عايزاه وصرخت واكملت ااادم فييين
مالك بخوف اهدي اهدي ادم راح يجبلك ادويتك وجاي
منه بخوف ودموع هاتوه دلوقتي دلوقتي حاالا يا مالك عايزاه
شهد بدموع اهدي يا قلبي اهدي مينفعش كده انتي تعبانه
منه شدت الكانيولا بعنف من ايديها وصرخت بوجع ونزلت رجلها علي الارض حاتم راح سندها واكمل بحده بطلي جنان اقعدي انتي تعبااانه مينفعش كددده
منه بحده ودموع بقولكم عايزه جوزي انتوا مبتفهموش
جيسي بدموع اهدي بنتك نايمه هتصحيها في ايه مالك يا حبيبتي ما قولنالك ادم راح يجبلك علاجك
منه بدموع وبحده اطلعوا شوفوه واجي معاكم يلا خلوني اشوفه
رامز تعالي طيب ريحوها يا جماعه خلوها تشوفه اسندها يا حاتم انت ومالك ويلا
شهد طب نغيرلك طب تعالي
وفعلا البنات غيرولها ولبسوها لبسها وحجابها ومالك وحاتم سندوها
شهد بدموع خلو بالكم منها
ابراهيم بحزن البت مالها حالتها صعبه كده ليه
ساميه بدموع يعيني تلاقيها خايفه ولا حلمت حلم وحش عليه ربنا يحميه
جيسي وهي بتطبطب علي ساره اكملت بدموع منه مرت بحاجات صعبه كتير اوي بجد
في الخارج بعد شويه
منه بعصبيه ودموع اديكم دورتوا في المستشفي حته حته فينه ادم وسالتوا عليه كل الدكاتره شوفتوا انه مش بخير واني صح وفضلت تعيط
رامز بخوف ممكن تهدي تعالوا نشوف الكاميرات
حاتم بقلق فعلا ده اسلم حل علشان نعرف حصل ايه
مالك بقلق طب يلا هي فين
عمر بقلق اهي يلا تعالوا
وبلفعل راجعوا الكاميرات
منه بخوف اهو ادم اهو استني بقي
وكلهم بصوا للشاشه بتركيز بعدين جابو الكاميرا اللي علي الشارع
حااتم بصدمه في سره يااانهار اسود بدررر
وشافوا وهو بيغرز الحقنه في رقبته وبياخدوا
منه بعياط وصراخ ايه ده خادوا فيين دول خدوا وصرخت واكملت بعيااط خدوا جوووزي فييين قولتلكم انه مش بخييير قولتلكم تعالوا نشوفوا محدش صدقني وفضلت تعيط
رامز بخوف ممكن تهدي هنعمل تتبع لرقم ادم بس يارب يكون الخط مفتوح اهدي اهدي وهنوصله والله
منه بحده ودموع وهاجي معاكم ورجلي علي رجلكم والا والله هركب اوبر وادور مع نفسي
حااتم بدموع منه انتي لسه قايمه من عمليه
منه وهي بتنهج بتعب اكملت بحده ودموع انا قولت اللي عندي يا حاتم هتاخدوني يعني هتاخدوني انا مستحيل اقعد
مالك بدموع وخوف ممكن علشان خاطري تفضلي افضل لصحتك واحنا هنطمنك كل شويه
منه بحده ودموع يا مااالك مش هقدر انتوا ليه مش قااادرين تحسواا بيااا انا بني ادمه وبحس وعندي مشااعر وده جوزي اللي اتخدر واتاخد ده والله واعلم هيعملوا فيه ايه فاهم يعني ايه جوزي يعني حته مني انا مقدرش اعيش من غير ادم ولا هقدر اقعد واستني انتوا تطمنوني
عمر بدموع خلاص يا جماعه هناخدها واحنا معاها مش هنسيبها يلا
حاتم بدموع يا منه انتي تعبانه
منه بعياط هتعب فعلا لو فضلت هنا والقلق هيفضل يموتني يلا
في مكان اخر بيصحي ادم وبيلاقي نفسه متربط بجنزيز من كل النواحي وهو قاعد علي الارض وفي قنبله بتعد مربوطه علي صدره شافها فتح عنيه بصدمه وبص قدامه شاف نفسه في مكان مهجور جوه مستودع ليه باب كبير فاكمل بعصبيه انت يااا حيوان منك ليييه يااللي برااا انت يااا كللب
بدر دخل واكمل بضيق يووه انا مش قايلكم اربطوا قماشه علي بوقه مش ناقص وش
ادم وهو بيفرك اكمل بعصبيه اه يااا كلب يا زباااله انا غلطان اني صدقتك وجيت معاك عاااايز تموتني ليييه عملتلك اييه انا يا حيوووان في ايه بيني وبينك علشان تموتني سبوني سبوني ولكن هو متربط فمعرفش يبعدهم وربطوا فمه بقوه
بدر بخبث انت معملتليش انا وانا مش فارقلي تعيش ولا تموت بس هي اوامر واتنفذت وفونه رن
بدر ايوه يا بيه
كمال بابتسامه عملت اللي اتفقنا عليه
بدر بضحك عيب عليك يا بيه
كمال خدرتوا صح
بدر بضحك اه كويس خدرناه زي مانت قولت ده لو ضربته علي دماغه زي مانا قولتلك مكانتش هتحوق فيه يخربيته متربط بلجنزير ومش ساكت مصمم يفك نفسه وبيتحرك بعصبيه مبالك لو ضربته وهو مش متربط بلجنزير
كمال بضحك عيب عليك قولتلك المهم صوره وابعتهولي وامشي انت بسرعه
بدر عيوني يا باشا وصوره وبعتهوله
كمال شافه ابتسم بانتصار واكمل تمام يا بدر يلا امشي انت والرجاله علشان فاضلها شويه وتنفجر
بدر تمام يا فندم يلا يا رجاله
ادم اتعصب عليهم وفضل يتحرك بكل قوته لدرجه ايده جابت دم وبيحاول يتكلم ولكن بدون فايده
في القسم
رامز وصل وبيحاول يتتبع فون ادم واتصل بيه
منه بعياط يارب يرد يارب
حاتم بخوف اهدي انشاء الله خير وطلع لقدام شويه وكلم كمال
كمال بضحك خير يا حبيب عمو
حاتم بعصبيه اقسم بالله اقسم بالله كمان مره ادم يحصله حاجه رقبتك قصاده مش هتكفيني يا كمال سيبه احسنلك انا معرفتوش حاجه
كمال بضحك عرفتوا معرفتوش ميخصنيش وبعدين ماله ادم حصله ايه بس اوعي يكون في حاجه ده جوز بنتي وابو حفيدتي بردو
حاتم بعصبيه كمااااال متستفزنيش انا شوفت بدر وعاارف انك وراها سيب ادم احسنلك انا لسه عند كلامي
كمال بعصبيه مش هسيب حد وجرب تبلغ علشان ساعتها مراتك وبنتك هيوحشوك
حاتم اتصدم واكمل بعصبيه متقدرش تكلمهم يا حيوان محدش منهم عملك حاجه وانا اللي يفكر بس يقرب لمراتي وبنتي مش هيطلع عليه نهار خليك راجل وواجهني اناااا
كمال بضحك انا مش فاضي لكلام العيال ده يا حاتم روح انت جهز امور الدفن والعزا واكمل بسخريه وضحك اللي يليق بلدكتور المعروف ادم سليم الشافعي وبعدها روح هون علي بنت عمك لما تترمل تتساهل قولتلها بلاش من الاول مسمعتش كلامي
حاتم بدموع حرام عليك منه كانت مريضه سرطان ولسه قايمه من العمليات ارحمهااااا بقي وسيب جوزها في حاله
كمال بصدمه مين اللي لسه قايمه من العمليات واتعصب واكمل انت اتجننت بنتي انااا تعبانه
حاتم بعصبيه ودموع والله كانت بتموت وادم عملها عمليه صعبه جدا ونحمد ربنا قامت بلسلامه بس واقفه بتعيط من خوفها علي جوزها كفاياك بقي
كمال بحده مش هتنازل عن موت ابن سليم انا بكرهو وبكرهه ابنه الحيوان الزباله ابوه خد مني ساره وهو خد مني بنتي وبكرهم هما الاتنين .. وموت واحد اتبقي التاني خلاص علي وشك دقايق ويقابل ربه ومنه متفرقليش كتير خليها تزعل شويه بس هتنسي مش خفت وقامت بلسلامه خلاص
حاتم بعصبيه وعزه وجلاااال الله ادم لو حصله حاجه هيكون نفس يوم دخولك السجن يا كمال وقفل في وشه الخط
عند ادم فونه رن وهو بيحاول يطلعه من جيب الجاكت ويرد
ادم بتشجيع لنفسه في سره اكمل يلا يلا يا ادم هتقدر اهو ووقع نفسه فا الفون خرج وقرب وشه من الفون وفتح الخط
رامز بلهفه وخوف ادم ادم انت سامعني
ادم امممم امممم
رامز بخوف طمني طيب حد عندك
ادم امممم
مالك بخوف ودموع انت مش عارف تتكلم صح
ادم بتنهيده امممم
عمر بدموع رامز ده حد رابط بوقه مش عارف يتكلم ممكن ننجز عرفت تتحدد مكانه
رامز بخوف اه يلا اهو
حاتم ها عرفتوا حاجه
منه بعياط اه يلا يا رامز ونزلوا ركبوا العربيه وماشين علي حسب ال Gps
بعد وقت قليل العربيه وقفت
منه بعياط ها يا رامز وقفت ليه
رامز ضرب الدريسكيون بغضب واكمل بنفخ فونه فصل مش هعرف احدد الموقع
منه بعياط وخوف يعني ايييه هنسيبه كده
حاتم بخوف مش وقته ندب هننزل وهنتفرق واللي يلاقيه يكلم التاني
عمر بخوف اه يلا
مالك وهو بينزل اكمل ده احسن حل
حاتم منه دوري في حته جمبي متبعديش عني
منه وهي بتجري بتعب اكملت حاضر يا حاتم حاضر
وفضلوا يدوروا فكل مكان
عند ادم
ادم قاعد دموعه بتنزل وباصص للتيمر اللي بيعد 5 دقايق واكمل بوجع ودموع في سره اشهد ان لا الله وان محمد رسول الله
وغمض عنيه بوجع واكمل في سره متوقعتش النهايه كده ولكن لتكن اراده الله
ولقي الباب بيتفتح ومنه قدامه
منه بفرح وعياط ااادم وجريت عليه وفكت رباطه بوقه وحضنته وانهارت عياط واتصدمت لما شافت القنبله واكملت بخوف وعياط يااانهار اسود يااانهار اسود مين عمل كده فيك يا حبيبي وفضلت تعيط
ادم بعصبيه ودموع امشي من هناااا يامنه امشييي بسرررعه
منه بعياط وعصبيه انت مجنون مش همشي واسيبك لوحدك مستحيييل وحاولت تفكه
ادم بدموع وعصبيه منه مش هتلحقي والله ماهتلحقي امشي من هنا ابوس ايديكي يا حبيبتي وعياطه زاد واكمل ابوس ايديكي هتنسيني بس ساره مش هتنسي ابدااا انهااارده سااره مش هتنسي انها اتيتمت ابداا من الام والاب في ليله واحده وعياطه زاد واكمل بلاش نهايتنا تكون زي ابويا وامي بلاش تعيشي ساااره نفس مصيري كفاايه لحد كده يا منه تحسي ان احنا الدنيا مش عايزانا لبعض بنطلع من مشكله نلاقي مشكله بس متموتيش نفسك بسببي لو عملتي كده هموت مش مسامحك لو حسستي بنتي نفس احساسي اللي مش عارف انساه لحد انهارده الدنيا هتكمل وهتعيشي وساره هتعوضك
منه بعياط وعصبيه هقولك زيك هتكمل مع الكل الا معايا ياا ادم انا مش هعرف اعيش من غيرك وتسوي ايه الدنيا كلهاا وانت مش معااايا هي تبقي الدنيا دنيا الا بيك يا حبيبي حضنته واكملت بعياط قولتلك في المستشفي انا مش ماسكه في حياتي غير علشانك ولو انت مش فيها مش عايزه اعيش وضمته اكتر واكملت بعياط ووجع اتشاهد وهنموت سوا عادي
ادم بعصبيه وعياااط منه اررررجوووكي امشي لو بتحبيني امشي فاضل 3 دقايق بس وعياطه زاد واكمل بترجاااكي يا حبيبتي
منه بعياط وعصبيه مش هعررررف انت مبتفهمش مش هعرف وحياتك عندي ووحياه حبي ليك مش هعرف اعيش دقيقه من غيرك لو مموتش دلوقتي هموت من قهرتي عليك ادم انت كل دنيتي انا مش عايزه غيرك وهحاول محاوله نفعت ماشي منفعتش هموت معاك وساره وسط اهلها انما انا لو سبتك ومشيت هخسر كل اهلي
ادم بعصبيه ودموع ساااره مش هتنسي يا منه مهما كان حواليها اهلها هيفضل قلبها يدور علينا احنا هي مش هتحب حد قدنا احنا اهلها ارجوكي متكسريش بنتك كده
منه بعياط وكسرتي انا يااا ادم وكسرتي انااا عادي لا مش هيحصل احنا كنا هنتفرق كتير اوي وربنا جمعنا واخرهم تعبي وبردو ربنا جمعنا بس لو الدنيا مصممه تبعدنا ولو حكايتنا مش هتكمل يبقي نكملها في مكان تاني بعيد عن كل وجع القلب اللي في الارض ده ومسكت ايديه واكملت بوجع ودموع اشهد ان لا اله الا الله وان محمد رسول الله
ادم لمح حاتم فاكمل بصوت عالي ودموع حاااتم حاااتم تعالي خد منه بسرعه وامشوا
حاتم اتصدم وقلبه وجعه لما شاااف القنبله وشكل ادم
منه بصت وراها لقيت حاتم هيدخل علشان ياخدها قامت بسرعه وقفلت باب المستودع بلقفل
حاتم بدموع وخوف منه افتحي وفضل يخبط علي الباب بكل قوته واكمل بعصبيه ودموع افتحييييي يا متخلفه هتموتيه وتموتي نفسك
منه بعياط وغلاوه ملك وشهد امشي خلاص فاضل دققتين وانا مش هسيبه غير اما روحي تسيبه فهنمشي مع بعض وبصت لادم واكملت بعياط ساره وسليم بردو معرفوش يكملوا حكايتهم هنا وكملوها في الجنه واحنا زيهم
ادم بدموع ووجع بس ادم فضل عمره كله تعبان ومقهور يرضيكي ساره يحصلها كده
منه بعياط ساره بتعشقك بس هي صغيره وبكره تكبر تتقبل اراده ربنا انما انا عيطت وقربت منه واكملت تعبت اوي وماليش غيرك فالو مشيت هموت بلحيا يا ادم لان مفيش حاجه في الدنيا كلها هتعوضني عنك وولا حاجه هتفرقنا تاني زي ماقولتلي ولا المرض ولا حتي الموت ازاي عايزني امشي واسيبك وانا عارفه لو سيبتك مش هشوفك تاني وسندت جبينها علي جبينه
وحاتم راح قال للباقي ومشيوا في اتجاهم يساعدوا يكسر الباب
ومنه مدت ايديها جابت مقص واكملت بدموع فاضل دقيقه وانا افتكر مره في الكليه خبير المفرقعات وقف مفعول قنبله زي دي لما قطع السلك ده فهقطعه وقفت كسبنا عمر جديد سوا موقفتش يبقي كده كده كررت حياتك لو هتنتهي يبقي حياتي هتنتهي معاك
ادم عيط بوجع ومنه زيه وسندت جبينها علي جبينه ومسكت المقص وخلاص وفاضل ثواني معدوده
منه بعياط وقلبها بيدق جامد اكملت اتشاهدت ?
ادم بعياط اه اتشاهدت
منه دخلت السلك جوه المقص واكملت بدموع عايزاك تعرف اني بحبك اوي
ادم بدموع وانا بحبك اكتر من الدنيا كلها
منه حضنته جامد وغمضت عنيها وهي بترتجف وهو زيها غمض بخوف ودقات قلبهم بقيت مسموعه وقصت السلك
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية حب غير مشروط)
