رواية لن اعشق سواك الفصل الحادي عشر 11 بقلم منى مرزوق
رواية لن اعشق سواك الجزء الحادي عشر
رواية لن اعشق سواك البارت الحادي عشر
رواية لن اعشق سواك الحلقة الحادية عشر
اول ما عمر بيسمع كلام الممرضة الموبايل بيقع من ايده و في نفس اللحظه نور بتكون نازله من فوق و بعد ما بتشوف عمر واقف متسمر و الموبايل في الارض بتسأله :
في ايه؟ عمر انت كويس؟
عمر و الدموع في عينيه : انتي عندك ايه يا نور؟
نور و ملامح الصدمه على وشها : ايه؟ يعني ايه؟
عمر بصوت عالي : نوور ردي عليا روحتي المستشفى و قالولك ايه؟
نور : ٱيه هي اللي قالتلك؟
عمر : لا يا نور المستشفى هي اللي اتصلت عليكي، انا مش في مين اللي اتنيل قالي انا عايز اعرف اللي انا سمعته ده صح؟ ولا الست اللي اتصلت دي مخبوله؟
نور و الدموع ابتدت تملى عينيها : ايوه يا عمر صح، انا عندي كانسر
عمر بيصرخ : لاااا متقوليهاش اوعي تقوليها ولا حتى تفكري فيها، انتي كويسه انتي معندكيش حاجه سامعه
نور بيبتدى صوت عياطها يعلى و بتقول : خلاص يا عمر خلاص بس انا مكنتش عارفه ان كله هينتهي بسرعه كده
عمر : هو ايه اللي هينتهي؟ انتي بتقولي ايه؟ متتكلميش كده انتي محدش هياخدك مني و لا في مرض هيبعدك عني
نور : انا ٱسفه يا عمر على كل وجع اتسببتلك فيه
عمر : وجع ايه؟ وجع ايه اللي بتحكي عنه؟ انتي روحي يا نور انتي عمري كله انتي السبب الوحيد اللي عايش عشانه
نور : عشان خاطري يا عمر انا مش عيزاك تكون ضعيف حتى لو انا مبقتش موجودة انا عيزاك تكون قوي بنفسك و بس مش بيا انا
عمر و هو منهار في العياط : متبقيش موجودة؟ انتي متخيله اني ممكن اعيش لحظه في دنيا انتي مش فيها؟
الموت مش هياخدك و يسيبني يا نور والله ما هسمح ب كده، انا هموت معاكي يا نور انا مليش حياة من غيرك
نور : طب عشان خاطري يا عمر اهدى، لو بتحبني اهدى
عمر : لو بحبك؟ نور انا مش بحبك نور انا بتنفسك انتي اكسجيني في الحياة
نور : انا مش خايفه من الموت ادد خوفي من عذابك و وجعك يا عمر
عمر و هو بيعيط : ابوس ايدك يا نور قوليلي ان ده كابوس، قوليلي ان انتي بتختبري حبي ليكي، بس والله انا بعشقك يا نور انتي مش محتاجه تتأكدي بصي حتى اتصلي ب ٱيه و احمد او بأي حد و اسأليهم والله بصي اسألي الدنيا كلها هيقولولك اني مبحبش غيرك والله
نور بيزيد عياطها : مكنتش اعرف ان يوم ما هسامحك المرض هو اللي هيقف في طريقنا
عمر : لا مفيش حاجه هتقف في طريقنا،نور احنا هنهزم المرض ده، انا مش هسمحله يشاركني فيكي
نور : نفسي يا عمر بس انت عارف يعني ايه كانسر
عمر : لا انا عارف يعني ايه انتي حياتي و ان مليون كانسر ميقدروش ياخدوكي مني، نور احنا هنبدأ العلاج من بكره و في اكبر مستشفيات البلد
نور : قصدك كيماوي يا عمر؟ تفتكر انا هقدر استحمل وجع الكيماوي؟ او حسرة اني اشوف شعري بيقع ادامك؟
بيجري عمر على نور و بيمسك ايدها و بيبوسها و هو بيعيط و بيقول : ولا لحظة وجع يا عمري ولا لحظة وجع اشوفها فيكي، انا هكون جنبك و معاكي و كل الوجع هيزول و بعدين شعرك ايه يا نور انتي تفتكري ان دي حاجه ممكن تحرجك مني او تجرحك؟ نور انتي حته مني يعني اي حاجه بتحسيها انا بحسها و كل حاجه بتمري او هتمري بيها انا هكون جزء منها معاكي
نور : بس الموضوع مش بالسهولة دي زي ما انت فاكر، انت هتتعب اوي يا عمر انا هكون حِمل تقيل عليك
عمر : اسكتي ارجوكي اسكتي يا نور، حِمل ايه يا نور اللي بتتكلمي عنه انا قسماً بالله بتمنى و بدعي ربنا يبعد عنك اي وجع لان اللي بيوجعك مره بيوجعني مليون مره ، ياريتني كنت انا اللي مكانك يا نور
نور : بعد الشر عليك اوعى تقول كده
عمر : شر؟ انهي شر يا نور؟ انا مفيش شر في حياتي اكتر من اني اشوفك لحظة بتتوجعي، اوعي يا نور تتخلي عني و تضعفي، نور….. اوعي تسيبيني ( بينزل عمر على ركبته و هو بيعيط)
نور بعد ما بتنزل لعمر عالارض : عشان خاطري يا عمر انا مش قادره اشوفك كده ارجوك ده هو وجعي اللي بجد، (نور بتمسح دموع عمر و هي بتقوله) خلاص والله يا عمر هعمل اللي تشوفه و هبدأ العلاج الكيماوي
عمر بيمسك ايد نور : هنبدأ مع بعض يا حبيبتي و كل شئ هيهون و هترجعي زي الاول و احسن يا قمري
( بيخلص اليوم و تاني يوم بتتصل نور بالمستشفى عشان ميعاد الجلسات و بيحددوهالها بعد اسبوعين و بتنزل نور الصاله)
عمر و هو واقف بيحط الاكل على السفره : صباح الخير يا ست البنات، انا جهزتلك فطار خفيف كده
نور : ميرسي يا عمر تسلم ايدك تعبتك معايا
عمر : حبيبتي تعيشي و اتعبلك العمر كله
نور بتبتسم و بتقوله : على فكره انا اتصلت بالمستشفى و حددوا ميعاد الجلسات و هتبقى…يوم الخميس اللي بعد الجاي
عمر : طب ومالك بتقوليها بقلق كده؟ احنا مش اتفقنا هنكون مع بعض
نور : ايوه يا عمر بس ده ميعاد سفرك عشان الشغل
عمر : سفري ؟ و شغل؟ حبيبتي محروق اي حاجه في الدنيا قصاد اني اطمن عليكي و اكون جنبك
نور : بلاش التسرع ده يا عمر ده شغلك مش لعبه
عمر : وانتى نور يعني متتحطيش في مقارنه مع اي حاجه تانيه اصلا
( بيرن تليفون عمر)
عمر : الو.. ايوه يا احمد عامل ايه يابني
احمد : الحمدلله ياسطى واحشني طمني عامل ايه و نور عامله ايه؟
عمر : الحمدلله كلنا بخير، طمني عامل ايه مع ٱيه
احمد : ماهو انا بكلمك عشان كده
عمر : خير في حاجة ولا ايه؟
احمد : ايوه يا سيدي انا خلاص قريت على نفسي الفاتحه و ودعت حريتي و عزوبيتي و قررت اخطب ربة الصون و العفاف اللي هتجيب اجلي البرنسيسة ٱيه بإذن الله الجمعه اللي بعد الجايه
عمر : انت بتتكلم بجد وربنا؟
احمد : اه والله خلاص ياعم هخش القفص برجليا زيك
عمر : الف الف مبروك يا حبيبي ربنا يسعدكم، دي نور هتطير من الفرحه
احمد : اه بس بقولك ايه فهم نور متجبش سيرة ل ٱيه عشان انا عاملها الخطوبه في حفلة مفاجأة، يعني شغل اجانب من الفخم بتاع الافلام ده
عمر : ههههههههههه ماشي يا عم ربنا يوفقكم يا رب، يلا انا هروح افرح نور ، سلام
( بيقفل عمر الخط و بيبص لنور اللي كانت واقفه ادامه و الابتسامه منوره وشها)
عمر : طبعا انتي فهمتي اللي فيها
نور : ايوه ايوه انا مش مصدقه نفسي بجد، انا مبسوووطه اووي يا رب يسعدهم يا رب
عمر : يا رب يا حبيبتي، عموما هو عاملها حفلة خطوبة مفاجأة يعني اوعي تقوليلها و كمان الحقي بقى جهزي هدومك عشان الخطوبه هتبقى يوم الجمعه اللي بعد الجايه و انا عارف انكم كبنات بتحتاجوا قرن في تجهيز هدوم المناسبات دي بالذات
نور : الجمعه؟
عمر : اه يا حبيبتي، مالك؟
نور : يعني بعد اول جلسة علاج ليا بيوم
عمر : و فيها ايه يا حبيبتي هتبقى زي الفل و هتغطي على كل الموجودين بما فيهم العروسه يا قمري
نور : مكنتش احب ابان عيانه قدامهم في يوم زي ده
عمر : حبيبتي مش هتباني عيانه ولا حاجه هتباني ست البنات و قمر الحلوين زي ما انتي دايما
نور : الحمدلله يا رب انك فرحتني بيهم، انا كنت خايفه اروح قبل ما اشوف فرحتهم
عمر بنرفزه بيرد :تروحي فين، نور ارجووكي بلاش الكلام ده انا قولتلك مليون مره انتي كويسه و سليمه و هتفضلي كده على طول ومش هتروحي في اي حته غير وانا معاكي يا حبيبتي
نور : بس في حته انا فعلا بتمنى اروحها دلوقتي
عمر : حتة ايه؟ اؤمريني يا ست البنات عايزه تروحي فين؟
نور : اممم يعني هتوديني لو قولتلك
عمر : اطلبي يا ستي و جربيني
نور : انا عايزه اروح لاحلى مكان في الدنيا،مكان عشت اتمنى اروحله سنين
عمر : مكان ايه ده ؟
نور بإبتسامه :…..حضنك عايزه اروح لحضنك
عمر بيقف متنح حوالي 10 ثواني اللي هو كان تقريباً هيغمى عليه فيهم قبل ما يتفاجئ بنور اللي بتجري عليه بسرعه و بترمي نفسها في حضنه
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية لن اعشق سواك)
