رواية المبروكة الفصل التاسع والعشرون 29 بقلم رشا منصور
رواية المبروكة الجزء التاسع والعشرون
رواية المبروكة البارت التاسع والعشرون
رواية المبروكة الحلقة التاسعة والعشرون
عزيز
خلصت المحاضره واتصلت برئيسي المباشر وعرفت منه المكان اللى هقابلهم فيه وأول ما وصلت شفت أغرب حاجه في حياتي
لقيت جثة’ بدون قر’نية وواضح أن في أعضاء تانيه مش موجوده أول مرة أشوف حاجه بالشكل ده
رئيس الفريق…
ها يا عزيز يا تري هتقدر تساعدنا أنا لأول مرة هقولك استخدم القوة الروحانية ولا الموهبه اللى عندك المهم نوصل للفاعل دى حاجه جديده علينا وواضح أنها مش قضية: تار والخوف أحسن يكون سفا’ح
عزيز ….
الكل كان منتظر منى الرد وكان قرين المجنى عليه واقف بجانبه وطبعاً محدش غيري شايفه
وتواصلت معاه وفهمت منه كل حاجه حصلت
اسمحلي يا فندم الموضوع أكبر مما تتخيل
رئيس الفريق…..
اتكلم يا عزيز مين اللى عمل كدا وليه وازاى وفين
عزيز…..
واحدة واحدة يا فندم مبدأيا كدا القا’تل ميعرفش المجني عليه أصلا هو بالنسبة له زبون
دى قضية’ تجارة أعضاء. يا فندم والفاعل دكتور وعمل كدا في المستشفى الخاص بتاعته وكان معاه مجموعه من المساعدين وبيجمع الاعضاء وبيتم بيعها ل مصلحة دو’لة أجنبية واقدر اخمن أننا هناك هنلاقي ضحايا تانيه
رئيس الفريق….
اتصلت بالجهات المختصة لطلب الدعم واتجاهنا إلي المستشفي وبالتفتيش وجدنا أعضاء’ بشريه
ولقينا في البدروم شباب وأطفال محبو’سين ومكتفين
ومنهم أطفال رضع
أنا مش متخيل أن ده يحصل هنا في مصر دى كا’رثة
عزيز …..
خلصت مهمتي ودخلت الحمام وفي لحظه طرت ع البيت أول ما وصلت لقيت ماما قاعدة في اوضتي ومنتظراني
نهي… حبيب ماما أخبار الكليه إيه
عزيز…..
تمام يا مولاتي كله في التمام هاتي اللي عندك يا قمر
نهي…
ايه حكايتك مع لميس زميلتك حاسه بقلوب حمراء
ورومانسية وورد إيه الحوار أنت ناسي أنت إبن مين
عزيز….
خايفه عليا من الحب ولا خايفه ع صورتك قدام الناس
نهي….
صورتي قدام الناس أنا عملتها علشانك أنت علشان يبقي لك ضهر وسند لكن تخيل كدا لما يتقال الدكتور المحترم اللي شغال مع الحكو’مةواللي أبوه عميد الكلية مقضيها تسليه مع البنات يبقي شكلك أنت إيه يا دكتور
عزيز….
مولاتى أنا بنفذ تعليماتك متفوق في الكليه وشغال في وظيفة الكل بيحلم بها وحتى لما فكرت أحب اخترت المناسبة واللي تليق بيا وبأسمك يا أميرتي
لميس زميلتي في الكليه يعني كام سنه وتكون دكتورة
بجانب والدها مستشار في المحكمة ومامتها وكيلة وزارة
التربية والتعليم
نهي…. كل ده جميل لما تكون ناوى تتجوزها
عزيز….
ناوى يا أمي بعد الكلية ع طول ده بعد موافقتك طبعاً
صرماط…..
ايه اللي بسمعه ده أنا فاكرك بتتسلي معاها لكن جواز استحالة أنت ناسي أنت مين أنت ولي العهد يعني لازم تتجوز من بنات عشيرتك ولازم تحسن الإختيار
لازم أولادك يكونوا من نسل الجان مش البشر
نهي….
مالهم البشر يا صرماط 😏 سمعاك بتخبط في الكلام
صرماط….
أميرتي أم ولي العهد لم اقصد أى شئ ولكن عزازيل هجين 50% فقط من الجن ولو اتجوز بشريه اولاده هيكونوا من نسل البشر ومش عندهم أى ميزة مننا يبقي إزاى بعد كدا هيكونوا مسؤولين عن عشيرتي إزاى احفادى هيعيشوا بين الجن
نهي…
ليه هو أنا مش هقدر اجيب لهم بيت هنا هيروحوا يعيشوا عندك أطمن أنا هخلي احفادى أغني الناس خليك أنت مع عشيرتك وملكش دعوة بأحفادي
عزيز….
مولاتي وام ولي العهد … أبي الأمير صرماط
تسمحولي بالكلام أنا اتعلمت من أمي أن لازم نفكر بالعقل في إتخاذ أى قرار في حياتنا وأنا شايف أن أمي عندها حق أنا ليا حياتي بين البشر وطبيعي يكون ليا زوجة وأولاد وعائلة من الإنس
وابي كلامة مظبوط أنا ولي العهد ومسؤول عن عشيرتي وطبيعي اتجوز منهم واولادى يتربوا بين الجن
علشان كدا أنا شايف أن الأنسب أنى اتزوج اتنين
واجمع بين الإنس والجن واخلي اولادى من الجن يحافظوا ع حمايه اخواتهم من الإنس
واولادى من الإنس يعلموا اخواتهم الذكاء والدهاء
نهي…..
برافو يا عزيز إبن المبروكة بصحيح وأنا موافقه ع قرارك
صرماط… تفكيرك سليم أحسنت وأنا موافق
عزيز….. ممكن تسمحولي أرتاح شويه
نهي….
ترتاح ولا هتروح عند ولاد مها ع العموم خليكوا جوه البلد بلاش أوروبا الجو برد هناك
عزيز…. هو الواحد ميعرفش يزوغ شويه أبدا 😔
نهي….
زوغ يا حبيبي 😂 بس متخليش حد يشوفكم يا صرماط اديله فلوس خلي الواد ينبسط
عزيز….. مولاتى أم ولي العهد 😘😘😘
وفى لحظه كنت عند أصحابي أولاد طنط مها أمير وأميرة
هما صحيح أكبر مني في السن لكن بحس اني براحتى معاهم لأنهم عارفين حقيقة شخصيتي وبيحبوني
وخدتهم وفي لحظه كنا فى شرم الشيخ
وعدى اليوم ورجعنا بالليل ووصلتهم البيت وأنا وصلت اوضتي واتصلت ب لميس اطمنت عليها ونمت بعدها
سعيد…..
كنت مبسوط وفخور بأبني وهو بيطلع من الأوائل والكل بيمدح فيه ع الرغم أنه كان بعيد عني ويعتبر نهي هى المسؤولة عنه وأهلي متعلقين به أوى وبالذات أمي
نهي…..
تانى يوم الصبح قرأت في الجرائد خبر القبض على صاحب مستشفي خاص يتاجر في الاعضا’ء يا مصيبتي
مرات عمي…. فى ايه يا نهي مصيبة’ ايه يابنتي بعد الشر
نهي….
تجارة أعضا’ء يا مرات عمي بيخطفوا الشباب والأطفال وبيسر.قوا اعضاءهم! أنا خايفه ع عزيز
مرات عمي…
يا حبيبي يابني بقولك ايه شوفي بتوع الحراسة الخاصة دول وياخدوا اللى هما عوزينه المهم نبقي مطمنين عليه
نهي…
حلوة الفكرة دى أنا هتكلمهم في البرنامج لو يعرفوا أى شركه أمن يبعتلولى رقمها
وقومت طلعت اوضتي واستدعيت الجن وعرفت من صرماط أن عزيز مخلي نص الحر’اسة بتاعته مع لميس
وبعدين بقي في الواد ده
استدعيت القرناء وطلبت من عشرة منهم يكونوا حوالين عزيز لو عرفوا أن أى حد ناوى ل عزيز ع حاجه يتصرفوا معاه بس بشكل يبان طبيعي
وابتديت أستعد للبرنامج ما أنا أصلي أخدت إجازة طويلة من المدرسة وبقيت متفرغه للتليفزيون والمكتب بتاعي وبس وطورت من نفسي وبقيت أقرأ كتير في كتب السحر
وكنت عارفه أن في أنواع من السحر ممكن يستخدموا فيه الأعضا!ء البشر’ية وخصوصاً في حالة القر/بان
ومرت الايام واتفقت مع اتنين زى الحيطه يكونوا مع أبني حتى في الكلية وطبعاً علشان شكله مع زمايله كانوا بيقفوا بعيد عنه بخطوات وبقيت كل ما أقرأ خبر عن اختفاء ولا خطف اتجنن أكتر بدرجه بقيت مش عاوزة عزيز يخرج من البيت
عزيز….
يا أمي مينفعش اللي بيحصل معايا ده ليه بتتعاملي معايا ع إني طفل ضعيف مش قادر يحمي نفسه
نهي….
حبيبي أنا لازم أكون مطمنة عليك أنا ماليش غيرك 😭
عزيز…..
مسكت أيد امى وفي لحظه كنا عند البحر قولت لها إيه رأيك المنظر هنا يهدي أعصابك
ممكن أفهم أنتي خايفه عليا من إيه أنا أبن جن طيار يعني لو حسيت بأى خطر’ في لحظه هكون في بلد تانيه
وحضرتك عارفه كدا يبقي ليه القلق ده
نهي…
أنارشامنصور واثقه أنك بتعرف تتصرف بس غصب عني مقدرش أمنع خو’في عليك
عزيز…
وأنا بكلم امى عرفت من قرين رئيس الفريق أن في بلا.غ جديد أخدت أمي ع البيت وقولت لها أن في شغل
نهي…..
ميزة أن عزيز من الجن خلاه مش محتاج يتعلم أنه يسخر’ القرناء لأنه ببساطه بيشوفهم وبيتواصل معاهم ده غير انه معروف وسط عشائر الجن المختلفه
رئيس الفريق…. ابن حلال أنا لسه كنت هتصل بك
عزيز …
كنت قريب من هنا قولت لما اعدي يمكن يكون في حاجه جديده المرة دى جر’يمة عاديه ولا أعضا!ء بردو
رئيس الفريق…
المرة دى بلاغ واحد أتصل وقال إنه في محل ملابس وكان مع مراته ولما دخلت البروفه تقيس اختفت ولما سأل عنها كلهم انكر’وه أنها كانت موجودة
هو بلغ البو’ليس وأنا عرفت بالموضوع عاوز اروح أحضر تفتيش المحل حاسس أن الموضوع ده وراه حاجه كبيرة
وعوزك معايا يمكن نقدر نعرف مراته فين
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية المبروكة)
