رواية عشقك لعنتي الفصل الخامس والثلاثون 35 بقلم شروق مجدي
رواية عشقك لعنتي الجزء الخامس والثلاثون
رواية عشقك لعنتي البارت الخامس والثلاثون
رواية عشقك لعنتي الحلقة الخامسة والثلاثون
صلى على الرسول صلى الله عليه وسلم ♥️
…………………………………
ليان وهي تحضر الحقيبه : عمران كان في حاجه عايزه اسالك عليها
نظر لها باستغراب : قولي في ايه
وجدها تفرك يدها بتوتر فاقترب منها وقال وهو يتمسك بيدها : مالك يا حبيبي في ايه ايه اللي عايزه تقوليه
ليان : احنا ما تكلمناش في اللي حصل يعني اقصد موضوع الحادثه انت هتعمل ايه مع الراجل ده اكيد هو صاحب المشروع اللي انت داخله وهتاخد الارض منه فا ابعد يا عمران ابعد احسن
وضع يده على وجهها برفق وقال : ما تشغليش بالك بالموضوع ده انا هحله مش ناسيه بس اطمني ما تقلقيش
وقبل وجناتها واكمل: ياله عشان ما نتاخرش على السفر لسه الطريق طويل
اقتربت منه فرح واكملته: انا اكتر حاجه مخلياني مبسوطه وسعيده ان انت جبت طنط مارينا وعمو معانا كنت متضايقه قوي ان مريم مش هتكون معانا
عمران : انا عارف انك بتحبيها عشان كده جبتها مع انها بت رخمه وبترخم عليا
ضحكت بقوه وهي تقول: دي طيبه وبتحبك يا راجل انت بس اللي بتقفش بسرعه، بس كده مش تكلفه كثير قوي عليك دي
عمران وهو يكمل تحضير ملابسه : يا ستي ادعي لعمي بقى الله يرحمه ماهي فلوسه
ضحكت بقوه واكملت تجهيز الحقيبه
…………………………………
بالفعل احضر لهم عمران اتوبيس خاص وجهز الجميع واتجه للعين السخنه
فقالت ليان ؛ ما تشغل لنا حاجه تفرفشنا بدل الكابه دي
عمران: انتي عايزه ابوكي يشتمنا انتي عارفه ان هو ما بيحبش الاغاني وما لوش فيها ويوم ما اشغل له اشغل له الست ام كلثوم قلتي ايه
ليان بمرح : شيبسي وكاراتيه يلا انام احسن
وضع يدعو عليها يحتضنها برفق وهي تنام على كتفه
اما عند يحيى فكان يجلس بجانبها وهو سعيد للغايه وقال: انا حاسس ان انا بحلم مش مصدق بجد معقول الدنيا تضحك لي للدرجه دي تعرفي ساعات بحس ان انا هصحى من النوم هلاقي نفسي كل ده حلم وان انا زي ما انا
اقتربت منه وهي تضربه على يده وقالت: كده مش حلم لو كان حلم كنت صحيت لما ضربتك
اقترب منها بهمس وقال : يا شيخه ما تيجي نكمل الحلم بحاجه حلوه كده
وضعت يدها بتحذير : يحيى بابا قاعد قدام لم نفسك
رفع يده وهو يبتعد ويضحك ويقول : اوكي اعملي بقى فصل قوات وما تقربيش مني خالص مش تنكشيني وفي الاخر تقولي لي بابا قاعد قدام
اقتربت بدلع : ما انا بحب انكشك
يحيى وهو يرفع حاجبيه لها : احترمي نفسك واقعدي عدل لحسن والله انتي حره انا بقول لك اهو انا مجنون وانتي عارفه
ابتعدت بمرح وقالت : خلاص يا عم هقعد ساكته اهو يا ساتر عليك
يحيى بتكبر : ايوه كده اتعدلى
بالفعل وصل الجميع لفندق بغايه الروعه وكان عمران حاجز الغرف وكل شيء ودخل كل شخص غرفته على ان يجتمعون على موعد الغداء الساعه 1:00
…………………………………
عشقك لعنتي بقلم شروق مجدي
ليان وهي تقترب من الشرفه : واو بجد تحفه الفندق حلو قوي وهادي كده بعيد عن الزحمه يجنن
اقترب منها وهو يضع يده حول حول خصرها ويحتضنها من ظهرها ويقول : مش احلى منك انتي احلى كثير انتي احلى منظر طبيعي بحب اصحى عليه كل يوم
لفت نفسها له وهي تضع يدها حول عنقه وتنظر له بعشق شديد : هو انت من امتى وانت جميل كده تعرف كنت حاسه ان هيبقى حلم انك تقول لي كلام حلو واني انام في حضنك وان اكون جنبك كده حاسه ان انا ممكن ابقى بحلم كان عندي احباط كبير قوي من كتر ما انت كنت بعيد عني وبتفكر في اي بنت غيري انا
قطعها هو هو يقترب من شفتيها ويقبلها بعشق
ابتعدت بخجل سريعا وهي تنظر حولها وتقول: انت مجنون احنا في البلكونه
جذب يدها للداخل سريعا : طب يلا بقى وحشتيني عماله ترغي ترغي ترغي
ضحكت عليه ووقفت وهي تنظر له وتقول : اصلك مش فاهم حاجه مش فاهم انا كنت بحس بايه كل ما كنت بشوفك قريب من اي بنت غيري وبتفكر تتجوز اي واحده الا انا
نزلت دموعها ببطء وهي تحرك عيونها يمين ويسار وتقول : يوم ما قلت انك عايز تخطب نيار اليوم ده كان اسود يوم في حياتي ما كنتش مصدقه وحاسه اني بحلم كنت بقول يمكن يمكن بيهزر يمكن نزوه يمكن اي حاجه غير انه بيحب بجد وعايز يخطب ويتجوز كل اللي جي في بالي طب وانا انا يا عمران
هو انت بجد عمرك ما شفتني يعني لو ما كنتش اعترفت لك عمرك ما كنت هتشوفني
ظل يستمع لها بحزن واسف على دموعها واقترب منها وهو يمسح دموعها من على وجنتيها ونزل بيده برفق على عنقها ثم الى موضع قلبها و هو يقترب منها ويقول بهمس وحزن وندم واضح في عينيه : انا لو فضلت احاول اعتذر عن كل احساس حسستك بيه عارف انه مش كافي عارفه ليه ، عشان انا فاهم انتي حسيتي بايه كويس اوي فاهم يا ليان جربت الاحساس ده يوم ما عرفت ان انتي وافقتي على ياسين حسيت بخنجر طعن قلبي كاني بموت بالبطيء لما شفته بيلبسك الدبله كنت حاسس ان انا جوايا يتقسم نصين ومش قادر اصرخ واقول لك استني انا بحبك ولا لما عرفت ان هو قرب منك و باسك انا كنت بموت بموت الف مره في اليوم
ما نكرش ان انا المفروض اشكر ياسين لان لولا تصرفاته دي معاكي يمكن ما كنتش عرفت ان انا فعلا بحبك قوي كده ، انا كثير بفكر هو انا لو كنت اتجوزت نيار و ما اكتشفتش ان انا بحبك غير بعد جوازي منها كان هيبقى العذاب وقتها شكله ايه
انا المفروض اشكرك ان كان عندك الشجاعه وجيتي وجهتيني والا كنت هفضل نايم لحد ما اصحى على حلم مزعج انك مش ليا ولحد غيري ووقتها كان هيبقى الموت عندي اهون لان انا اللي ضيعت حب عمري من ايدي
رفعت يدها تمسح دموعه برفق
اقترب منها يحتضنها بقوه ليثبت لها مدى عشقه واشتياقه وندمه على ما حدث بالماضي
…………………………………
اتجهت للخارج وهي تنظر حولها تبحث عنه وجدته يسير خلفها ببطء شديد نظرت للخلف بخوف
ضحك بقوه وهو يقول : ما حسيتيش بيا انا بقى لي تقريبا خمس دقائق ماشي وراكي عرفتي تهربي منهم ازاي يا سوسه
نور : بجد خضتني انت رخم بس بحبك وعرفت اهرب منهم ازاي قلت لهم هنزل اقعد شويه مع يحيى
يحيى وهو يقترب منها : طب ما انا كمان بحبك لا لا انا بموت فيكي
ضحكتك بقوه وهي تبعده عنها : يحيى بس الناس انت هتهزر
ابتسم وجذب يدها للخارج وقال : عايزين نستمتع باليوم ده هم يومين احنا بكره الفجر راجعين تعالي بقى الففك العين السخنه
نور : هو انت عارف اصلا العين السخنه فيها ايه وكده يعني مش هنتوه
يحيى بتكبر: يا بنتي انا اعرف اي حته في اي مكان بتهزري ولا ايه احنا خلينا قاعدين هنا على البحر لان انا ما اعرفش اي حاجه هنا اصلا ياعني
ضحكت نور بقوه : انا برده بقول كده يعني ممكن اخرنا نتمشى على الممشى اللي هناك ده
يحيى : تمام اهو اضمن برده هههههههههههه
و وضع كف يده بكف يدها وهو يسير بجانبها ويقول: تعرفي لما كنت بشوف المراهقين كده ماشيين الماشيه دي كنت بتمنى قوي اني احب بنت وامشي معاها زي ما انا معاكي كده بس كنت بقول يا ترى هتكون حب بجد ولا تسليه كان نفسي قوي ان يكون حب بجد مش تسليه يعني تكون هي الاول والاخير وكنت دايما اسال نفسي يعني ايه حب لحد لما لقيتك يا نور
نور بشغف : طيب ويعني ايه حب يا يحيي
اخذ هو نفس عميق وهو ينظر للسماء واكمل : الحب الحب يعني نور يعني انتي ضحكتك كلامك حتى رمشك نظره عينك نور انتي بتوحشيني وانتي معايا انا مش عارف ده ازاي بس وانتي معايا بتبقي وحشاني اوي ولما بتكوني مش معايا بحس ان انا تايه زي كده الطفل الصغير اللي مامته بتسيبه عند خالتو او عمته وتقول له اروح اشتري حاجه واجي لك بيفضل قاعد تايه وقلقان لحد لما هي بتيجي تاني فبيضحك وبيجري عليها انا بحس الاحساس ده في كل مره بشوفك فيها فصدقيني انا بعشقك يمكن الكلمه دي كمان قليله على احساسي بيكي يا نور
ظلت تنظر له بعشق الى ان اكمل وهو ينظر بعيونها ويقول : طب وانتي ايه هو الحب بالنسبه لك
نور وهي تفكر : الحب انا عمري ما فكرت ان انا احب اصلا ، عمري ما توقعت اصلا ان انا كنت احب ، دايما بقول ان ده هبل شغل اطفال حتى كنت بقعد اتريق على ليان وحبها لعمران اللي ما كانش مفهوم كنت بقول عليها مرهقه ، لحد ما اتاكد ان لاء هو مش مراهقه ، الحب انك تبقى محتار هتموت على حبيبك ونفسك تجري في حضنه وفي نفس الوقت ما بينك وبينه الف سور ، بس انت تحاول وتقرر
وتمد ايدك لو قرر فعلا انه يجي معاك يبقى هو ده الحب ، لكن لو هديت الف سور وقرر انه ما يجيش معاك ، وقتها ابعد ويوم ما يعرف قيمتك ويرجع لك اوعى تمد ايدك ليه لانك عملت كثير عشانه وهو ما اقدرش ، يبقى ما ينفعش لما يرجع بسهوله انت تفتح له دراعك وتقول له اهلا
الحب اني احبك وبس بعيوبك بقى بمميزاتك احاول اغير فيك وتغير فيا ، يحيى انا كنت مستعديه انسى كل حاجه واهرب انا وانت مش مهم ادهم مش مهم المافيا ونبعد بعيد واعيش معاك انت وبس
، اصلا المشاعر اللي ناحيتي ليك متهيالي اقوى كثير من الحب او يعني ما فيش حتى كلمه حب توصفها
ووقفت امامه وهي تتمسك بيده الاخرى وتقول: يحيى انت روحي روحي اللي عايشه بيها حبك هو قوتي من غيره انا ضعيفه ، يحيي اوعى تسيبني يا يحيى
اوعى في يوم اصحى الاقيك مش موجود في حياتي صدقني وقتها هموت هموت بجد
اقترب منها واحتضانها بقوه : ليه بتقولي كده انا عمري ما هسيبك عمري لاخر نفس فيا تاكدي ان ممكن اضحي بالعالم كله الا انتي يوم ما تلاقيني بعدت عنك يا نور اعرفي الموت عندي وقتها هيكون اهون ليه بتقولي كده يا حبيبتي انا جنبك اهو وفرحنا بعد كام يوم
احتضنته هي بقوه : خايفه يا يحيى حاسه ان في حاجه هتحصل خايفه ربنا يكون اداني السعاده دي كلها
ويرجع ياخدها مني تاني مش عارفه ليه
قبل راسها وهو يضع يده على شعرها : بموتي ابعد عنك انتي الحياه والحياه فيكي انتي انتي المستقبل والحاضر والماضي انتي كل ما ليا اوعي تفكري كده ولو رجع بيا الزمن هختار نفس اللي اخترته انتي وبس انا لما وافقت ان انا اعمل العمليه دي حتى لو هموت كان بس عشان افضل ذكرى حلوه في قلبك وتفضلي دائما فخوره بيا وفخوره انك حبيتيني في يوم من الايام هو ده اللي خلاني ما كانش فارق معايا حتى الموت نور انتي انا فاهماني
رفعت راسها ونظرت له : ربنا يخليك ليا يا يحيى ربنا يخليك ليا يارب
…………………………………
ظلت تسير بجواره وهو يضع يده في جيبه ويسر ببطء بجانبها فقالت بغيظ : حلوه المياه جميله قوي مش كده
مروان : اه حلوه هاديه كده وصافيه عكسك خالص طبعا
وقفت امامه ووضعت يدها في خصرها بغضب : الله الله قصدك ايه بقى حضرتك وضح اكتر
مروان : قصدي ان …….. سيليا هو انتي بتحبيني ليه
سيليا : هو ايه السؤال ده يعني فين السؤال المفروض بقى ان انا اقول لك يعني انا حبيتك ليه وكده
مروان: اه المفروض قولي يلا
سيليا بدون تردد: حبيت فيك مروان الصاحب الجدع اللي جنب صاحبه و حبيت فيك الشخص اللي بطمن معاه وانا وهو في بيت واحد مقفول عليا باب ومش خايفه منه ابدا حبيت فيك الاب اللي انا اصلا ما شفتوش وسمعت عنه، انا حتى ما عنديش صوره ليه اختفى من حياتي ما فكرش يظهر تاني
حبيت فيك الاخ اللي بيغير على اخته وبيحترمها وبيقدر مشاعرها وخايف انها ترتبط بحد اكبر منها وترجع تندم حبيت فيك الحبيب اللي عمره ما اذى حبيبه ولا بص لها نظره وحشه ولا فكر يجرحه ويقول لها كلمه اهانه في يوم من الايام ، يعني واحده طول عمرها متربيه امها ماتت وابوها هرب واخوها هو كمان سايبها على طول ، ومع ذلك ما فكرش فيهم انه يهينها حبيت فيك كل دول يا مروان عرفت حبيتك ليه
ظل يتاملها بذهول مما تقوله وبعد ان انتهت قال هو: انا مش مصدق انتي كبرتي كده امتى جبتي الكلام ده كله منين ، سيليا انتي عندي مش مجرد بنت ولا اخت ولا حبيبه ولا صديقه انتي عندي اكبر من كده بكثير ، انا يمكن مش بعرف اعبر اوي ومش بعرف اجيب ورد واتنحنح وانزل على رجلي والجو ده وعارف انك بتحبي كده ، انا بحاول اعمل ده بس انا شخص دغري كده وصريح ما بعرفش ، ما ليش في حوارات الشباب دي خايف اظلمك معايا وفي نفس الوقت هموت لو شفتك مع غيري ، اعمل ايه عندك حل
اقتربت منه ووضعت يده حول عنقه وهي تقول: نتجوز الحل ان انا وانت نتجوز انت تبقى كل اهلي وانا ابقى كل اهلك ونحل بقى عقدك النفسيه دي مع بعض
ضحك بقوه وهو يزيل يدها من عليه وينظر حوله بحرج : الناس يا مجنونه انتي
سيليا: وهم ليهم عندنا ايه فك بقى يا عم انت اقول لك انا هفك لك عقدك
وضحكت وهي تحرك قدميها ببعض الماء عليه ضحك عليها وركض خلفها وهو يقول : طب تعالي بقى وانا هغرقك
ضحكت بقوه واتجهت لاعماق البحار وهو خلفها يضحك عليها ويحاول يتمسك بها
…………………………………
عشقك لعنتي بقلم شروق مجدي
في الليل اجتمع الجميع فقال عمران : تعالوا نقعد على البحر شويه ونلعب مع بعض ايه رايكم
الشباب تمام
اما محمود فقال : لا انا و وجدي وناهد ومارينا هنروح نقعد في الريسبشن عيشوا انتم بقى
بالفعل اجتمع الشباب على شاطئ البحر وجلس كل منهم بشكل دائري فقالت ليان بمرح : تعالوا نلعب لعبه الزجاجه
وافق الجميع بالفعل وقف يحيى واحضر زجاجه وجلس واخذتها ليان وبدات تدور بها
وقفت الزجاجه بين مريم وسيليا
فقالت مريم : سيليا اسالك تمام الفتره اللي انتي قعدتي فيها معانا حسيتي بايه يعني ايه اللي خلاكي حابه تقعدي معانا اكثر ما ترجعي تقعدي مع اخوكي ثاني
ابتسمت سيليا وهي تحرك عيونها بحرج : اممممممم عشان حضن العيله يعني انا عمري ما حسيت بدا وبعدين انا عمري ما عشت مع اخويا انا طول عمري عايشه لوحدي عشت ساعات مع اخويا وعيسى ومروان بس اغلب عيشتي لوحدي لا مع مروان فااا احساس العيله والامان والاخت والصديقه البنت، عمري ما حسيته غير معاكم عشان كده نفسي استمتع بيه لاكبر وقت ممكن انا طول عمري لوحدي بجد
ظل مروان ينظر لها بحزن شديد فسيليا دائما تضحك لا تظهر حزنها ولكن اليوم تاكد انها افتقدت اشياء كثيره وجدتها هنا مع هؤلاء
ولكن من توقف عن التنفس هو يحيى شعر نا ليس وحده من يشعر بالوحده بل ايضا اخته تشعر بنفس شعوره الوحده
حركت مريم الزجاجه فوقفت بين مروان وليان فقال مروان: عمرك حبيتي قبل كده غير عمران ومن غير كدب
ليان بمرح : ده انت عايزني اطلق بقى
ضحك عليها الجميع فقال عمران : هو انتي حبيتي غيري يا بنت انتي ما فيش يا ابني الكلام ده انا اللي في القلب
ليان بمرح : لا طبعا ما فيش يا روحي هو بس هههههههههههه
واكملت بحب : لا بجد هو بس انا فتحت عيني على الدنيا لقيته وفضلت احب فيه لحد ما اخذته
صفق الجميع لها
ولفت الزجاجه ووقفت عند عمران وعيسى فقال عيسى: بامانه عمرك حبيت قبل كده غير ليان من غير كذب بطلوا تحوير
انتظرت ليان سماع الرد
وشعر هو بذلك فقال بدون تردد : كنت فاكر انه حب يعني اعجبت ببنت قبل كده لدرجه انها كانت خطيبتي كنت مبهور بيها بس اكتشفت بعد كده انها ما كانتش في حياتي اصلا وان كان مجرد اعجاب او يمكن انبهار كمان مش اكتر لكن اتاكد ان عشقي هو ليان ليان وبس
ليان بمرح : شاعر يا ناس سقفوا له يا جماعه
ضحك عليها الجميع
لفت الزجاجه مره اخرى فوقفت بين ليان ويحيى فقالت ليان : اه جيت في ملعبي اسالك بقى بعد ما حبيت نور تقدر ترجع تاني لوحدتك لاي سبب من الاسباب
يحيى بدون تفكير: لا يمكن انا عشت سنين عايش مع خيالها بكلم صورتها وما صدقت انها بقت جسد وروح معايا فلا يمكن لاء
لفت زجاجه مره اخرى فوقفت بين نور وبيشوي وقالت نور : ايه اكثر امنيه نفسك فيها
ضحك بيشوي بقوه : اني اصحى من النوم الاقي مريم نايمه جنبي هو معنى اصح يعني بقيت في حضني خلاص
ليان بمرح : طب هسال سؤال بليز يا جماعه ايه اول قرار بقى هتاخده وانا متوقعاه لما تبقى معاك مريم
بيشوي بمرح : ما فيش مرواح عند ابوها لمده سنتين ثلاثه ولا ابوها يجي لي هخلي في مواعيد للزيارات ده انا هوري له ايام بس انا اخدها
ضحك الجميع عليه بقوه
ولفت الزجاجه مره اخرى فوقفت بين عيسى ومروان فقال عيسى : ايه اكثر حاجه نفسك فيها يا مروان
مروان وهو ينظر لها : ان ربنا يقدرني واقدر اساعد سيليا وحسسها بالامان وبشعور العيله اللي هي نفسها فيه
صفق الجميع له بقوه وهم يقولون: الله الله عليك
ولفه الزجاجه مره اخرى فوقفت بين ليان وعيسى فقالت ليان : ايه اكثر حاجه نفسك فيها
عيسى وهو يفكر: اكثر حاجه نفسي فيها اني افضل معاكم افضل هنا زي ما قالت ساليا انا حاسس وسطكم بالعيله والصحاب والصداقه يعني لما كلمت بيشوي الصبح ساعه الافتتاح وقلت له انا محتاجك في حاجه جالي من غير حتى ما يسأل انا محتاجه في ايه
خوفكم على بعض ، و ان انتم خليتونا وسطيكم كده عشان نور ، انا خايف ابعد عنكم عشان انا لوحدي ومش عايز افضل لوحدي انتوا الحاجه الوحيده اللي انا طلعت بيها بالدنيا ونفسي افضل معاكم والاقي الحب اللي يخليني اتمسك بالحياه عشانه
مريم بمرح : ما انت خلاص اهو لقيته هي ميرنا خلاص انا هجوزك ليها ايه يا عم ده قلبت القعده كده ليه
عيسى بمرح وهو يزيل دموعه بيده : ما انا برده بقول كده جوزيني ميرنا انا موافق
واضحك الجميع عليه وبعد وقت اتجه كل منهم لغرفته ليستريح
…………………………………
بغرفه يحيى وقف في الشرفه يتحدث معها وهي ايضا اتجهت للخارج ووقفت معه وهي معها مشروب ساخن واعطته كوب وقالت: احلى حاجه عمران عملها ان البلكونات بتاعتنا جنب بعض عشان نسهر سوا
ابتسم عليها وجلس على سور للشرفه وقال: بحبك
تنهدت بخجل : وانا كمان بحبك وبحبك قوي
يحيى : انا عجبني لعبه الاسئله اللي تحت دي ما تيجي نسال بعض يعني انتي تساليني سؤال وانا اسالك سؤال بس تجاوبي بصراحه
نور: تمام موافقه يلا
يحيى : نور ايه اكثر اكله بتحبيها
نور : المكرونه بالبشاميل واللحمه اللي انت بتعملها اللي بالصوص دي فظيعه قوي
، طب انت ايه اكثر اكله بتحبها
يحيى : اللحمه اللي انا بعملها الصوص وبحب كمان اللحمه البارده وبحب كمان السويت اند ساور تشيكن عايز اعملهالك حلوه قوي على فكره زي بتاعه بره بالظبط
نور: اه مش دي الاكله الاسيويه تصدق عمري ما اكلتها بس سمعت انها حلوه
يحيى : اممم هعملها لك طيب ايه بقى اكثر حاجه بتحبيها فيا يا نور
نور بمكر : حلو السؤال ده عيونك و رياضي واننا شبه بعض في بعض حاجات يعني
يحيى : نووووور انا اقصد في شخصيتي مش في شكلي ها
نور بمرح : في شخصيتك عارفه بس كنت بهزر او برخم ماشي ااااه انك مع الناس كلها حاجه ومعايا حاجه تانيه انك عايز تتغير بجد انك بتخلي كل حاجه حلوه بتبسط الاشياء مش بتعقد وتكلكع كده انك بتعدي وبتخلي اي مشكله ما بينا تعدي كده كانها ما حصلتش او بتعرف تقنعني بالحاجه لدرجه ان انت تخليني ما ازعلش حتى لو انا غلطانه بس بتعرف تبسط الامور ودي حاجه حلوه قوي مش موجوده في اي راجل، يعني يقدر يقنع الست اللي قدامه باللي هو عايزه من غير ما يعمل مشكله
يحيى : ماشي تمام
نور : طيب انا كمان ايه اكثر حاجه حبيتها فيا في شخصيتي
يحيى بمرح : لا انتي عماله تغشي بقى هههههههههههه ماشي يا ستي ، لا كلك على بعضك هدوءك قوتك شجعتك تركيزك ذكائك كل حاجه فيكي عجباني باستثناء انك ساعات كده في طبع الستات ده اللي هو القفش شويه والنكد بس ما انكرش انه مش قوي حاسك عاقله كده ودي حاجه عجباني قوي فيكي لزوزه كده وبتسمعي الكلام من غير مجادله
نور : يا سلام ماشي يا عم
تمسك هو بهاتفه وهو يشغل عليه اغنيه وبداء يردد كلماتها لها وهي تنظر له بعشق شديد وهو يبتسم عليها ويحرك كتفيه برقص على كلمات الاغنيه وهي تضحك بقوه عليه
😍عارف إنت الحظ بعينه كان وشِك حلو عليّ
كُل اللي الناس شايفينه ما يجيش واحد في المية
من اللي أنا لسه ما قولتوش أنا لو تبقى معايا بيترج القلب ويِتهز
أنا لو تاخذ عيني يا نور عيني يا عيني ما تتعز
ده أنا خايف من العين يا حبيبي اللي يغير واللي يِجز، يِجز
عارف إنت الحظ آه أهو إنت الحظ يا حظ، يا حظ
إنت الفرحة اللي في بالي والدنيا اللي اتمنيتها
بطلت أسرح بخيالي ما خلاص أحلامي لقيتها
وبعيش اللي ما عيشتوش يا اللي مروقها علينا
أنا لسه بكلم قلبي وبقول له ده جيه ينسينا
أيام ضاعت من عمري من عمري ما يتحسبوش😍
…………………………………..
عمران بملل : ما تيلا يا لولي بقى انتي كل ده في الحمام بتعملي ايه انا زهقت تعالي بقى اقول لك
ليان بصوت عالي: اصبر بس يا عمران الله هخرج اهو
جلس على الفراش بغيظ وهو يقول لنفسه : ده انا هنام منك لما اشوف هتخرج امتى دي
فتحت هي الباب واتجهت للخارج وهو يفتح عيونه لها بذهول شديد
لفت حول نفسها وقالت : ايه رايك حلو
ظل ينظر لها بذهول فكانت ترتدي بدله رقص حمراء بفصوص من اللؤلؤ بغايه الروعه عليا
ليان وهي تضع يدها في خصرها : ايه انت مالك تنحت كده ليه وحشه
عمران بصدمه : يخرب بيتك انا توقعت انك مجنونه بس مش للدرجه دي هموت منك كده بدله رقص حمراء وبترتر
وبدا يفكر وهو يقول : هو كان بيقول لها ايه في المسلسل بتاعه حديث الصباح والمساء ، اه افتكرت
واقترب من الطاوله يدق عليها وهو يقول بمرح: بييييبب بيييييب فوزيه بيييييب بيب فوزيه
ضحكت بقوه وهي تغازله وتقف على طاوله اخرى وتقول : المفروض تقول لي بيب بييييب يا لولي
ضحك عليا بمرح وقال: لا انتي تركزي معايا بقى يلا
وبدء يدق مره اخري وهو يقول بمرح : آه، آه، آه، آه أبطال الجمهورية عدوا حدود العالمية
عاملين فكرة جهمنية هنغني لكم تحت المية
ضحت بقوه وهي تردد معه وترقص على كلماته :
هربانين من العباسية مريحين بعد العملية
القطة بتاعتي المشمشية قاعدة جنبي في العربية
اقترب منها وهو يتراقص معها بمرح ويردد معها :
هات لها كبدة و واحد سجق حتى البيبس مأخذتش بوق
قالت وهي تقذف للاعلى بمرح وتحرك شعرها يمين ويسار امامه : يلا يا زوكش أنا هنا من الصبح
يلا يا شحتة إنزل بالبوكس
ردد معها وهو يضع يده على خصرها بتملك : فين الفانك وفين الدوق فين الفانك وفين الدوق العربية عطلانة بنزق العربية عطلانة بنزق
ضحكت بقوه عليه وهو ايضا وهو يقول : اي يا مجنونه هتعملي في ايه اكثر من كده يخرب بيت جنانك اعشقك اكثر من كده ايه بس يا نااااااس
…………………………………..
عشقك لعنتي بقلم شروق مجدي
وجاء الصباح واجتمع الجميع ليخرجون في نزهه ولكن نظرت نور للعبه في المياه تسمى fly board و قالت : الله اللعبه دي تحفه انا بشوفها كثير قوي على التيك توك نفسي اركبها
يحيى: ونفسك ليه تعالي نركبها
نور : اركبها معاك اه انت هتعرف يعني ولا هتوقعني
يحيى : امال يعني يا حبيبتي فاكريني هركبها لك مع حد غيري اكيد انا طبعا وما تخافيش مش هوقعك يلا تعالي
بيشوي : مريم ما تفكريش خالص ان احنا نركب اللعبه دي
مريم بغيظ : اساسا حتى لو فكرت بابا مش هيرضى فريح نفسك بقى اركبها معاك ازاي يعني وتمسكني كده كمان لما نتجوز
بشوي بمرح : لا ولا لما نتجوز انا اصلا اخاف انتي بتهزري دي صعبه قوي
مريم : مش مكسوف من نفسك اسكت يا بيشوي
عمران : تحبي تركبيها
لين بذهول وهي تنظر للعبه : اركب دي معاك
عمران : ما تخافيش امسكك كويس
ليان : هو انت مش شايف اللعبه عامله ازاي نور اختي اساسا حلوفه لكن انا اركب دي يا ابني انا يستحيل افكر اركبها اصلا انت بتستعبط ده انا اخري بعوم كلابي على البحر
ضحك بقوه عليها : والله العظيم مجنونه طب تعالي نتفرج عليهم ونصورهم
بالفعل ركب يحيى واخذ نور امامه وهو يقول :جاهزه نور بفرح : جاهزه جدا يلا بينا
بالفعل بدأت مضخه المياه بالعمل وارتفعت الفلاي بورد الاعلى وهو يدور بها في عرض البحار بقوه وهي تضحك بمرح وتفرد يدها بفرح شديد وهو بدا يحرك الفلايبورد بقوه وهو يتحكم بعدم افلات نور بين يديه وهي سعيده للغايه لهذا وتفرد يدها بمرح شديد وهو يضحك بقوه عليها
وانتهى كلا منهم ونزل يحيى ونور تقول بمرح : روعه روعه ما شفتش كده بجد حلوه قوي
ليان : يا قلبك ده انا كنت هموت
سيليا : لا انا بصراحه اخاف اجربها
يحيى : روحي انتي لو جربتيها هتجربيها معايا انا واخده بالك انتي
سيليا بغيظ : طب وعلى ايه بقى جربها لما اتجوز احسن
ضحك الجميع عليا
وبالفعل بدا كل منهم يجهز حاله للرجوع والاستعداد لموعد الفرح
ولكن بغرفه يحيى نوجه الكاميرا قليلا حول شخص يسير بالممر يرتدي بدله انيقه من النوع النادر ويرتدي قبعه راس ونظاره سوداء ويتجه بدون ان يلاحظ احد لغرفه يحيى ويدق الباب وينتظر ان يفتح الاخر وبالفعل فتح يحيى ونظر له باستغراب شديد
وهنا نغلق الكاميرا على هذا المشهد
…………………………………..
ومرت الايام وعاد الجميع لمنزله وجاء يوم الفرح وكانت نور ترتدي فستان صك ابيض مطرز بفصوص من اللؤلؤ ينزل باتساع قليلا من الاسفل باكمام شيفون مطرزه من اللؤلؤ وشعرها مفرود على ظهرها بشكل انسيابي جذاب
وتمسك بيدها بوكيه ورد ابيض رائع من ذوق يحيى وتنتظر قدوم عريسها وزوجها المستقبلي يحيى
اقتربت ليان بفرح وهي تقول: الله اكبر ايه القمر ده يا ناس انا عمري ما شفت عروسه حلوه كده
نور : مش احلى منك يا روحي هو يحيى خلص ولا لسه
ليان: الشباب معاه جوه شويه وهتلاقيهم جايين عشان ياخذوكي
ناهد بدموع : يا قمر يا حبيبتي قمر الله اكبر عليكي
ميرنا : حقيقي ما شاء الله زي القمر تحفه بجد الفستان عليكي مخليكي كده مليكه
مريم : مش عارفه اقول لك اي بس حقيقي هعيط من الفرح يا روحي عليكي
سيليا : بس يا جماعه بقى البنت تتحسد يا بخت اخويا النهارده عروسه ايه ملكه يا ناس
ليان : بقيتي بيئه قوي يا سيليا
سيليا بمرح: مش معشراكي يا روحي هههههههههههه
ليان بغيظ : ماشي يا كلبه البحر انتي
بعد وقت دق والدها الباب واتجه للداخل وهو يقول: ما شاء الله عليكي بدر منور واقترب قبل جبينها واكمل : بتمنى لك السعاده من كل قلبي يا روح قلبي لسه فاكر وانتي لسه صغيره وماسكه ايدي ياااا كبرت يا بنات كبرت قوي كبرتوني معاكم
ابتسم الجميع له بدموع واقتربت ليان واحتضنته بقوه هي ونور
وتمسك بيدها واتجه الى خارج معها والجميع خلفها يضحك بفرح خرج والدها وهو يسير بجانبها في الممر واتجه للدرج وهو ينظر ليحيى ولكن اين هو اين يحيى
رفعت نور عيونها باستغراب على توقف والدها ووجدت حاله توتر من الشباب اين العريس
بشوي : عيسى هو مش كان اخر مره معاك راح فين ده
عيسى : يا ابني ما كان واقف وفي حد نده عليه وكان واقف بيتكلم معاه وبيضحك وبيهزر هتلاقي دلوقتي جي يمكن دخل الحمام ولا حاجه اصبر
عمران : نصبر ايه ابوها واقف يخرب بيتك يا اخي انت وهو في حد يعمل كده في الدنيا يوم الفرح هو راح فين ده
بيشوي بهمس لعمران : هي ليان عرفت ان ياسين هرب
عمران : انا مش عارف هرب ازاي ازاي ناس من جوه الجهاز قدرت تساعده ادهم باشا هيتجنن بس اوعى تقول لها حاجه انا كده كده حاطط عليها حراسه من يوم الحادثه اللي حصلت من غير ما تاخد بالها لحد ما اشوف الراجل ده عايز ايه هو كمان لاني مش هسيب المشروع ده ولازم يدفع ثمن اللي عمله بس يصبر عليا اعدي فرح نور بس شوف لنا انت بس يحيى ده راح فين هو كمان
بيشوي : تمام بس انا شايف ان المفروض تعرف عشان تاخد بالها برده
عمران: بعد الفرح هقول لها بس يعني بلاش اوطرها في الفرح انا هروح اشوف يحيى كده يمكن ناحيه بره ولا في الحمام
واتجه للخارج بالفعل
نور بقلق: هو يحيى فين
ليان : زمانه جاي هيكون راح فين يعني هخرج كده اشوف عمران راح فين واساله ثواني
نور بتوتر : طيب تمام
…………………………………..
وبالفعل اتجهت خلفه و هي تبحث عنه ولكن توقفت بصدمه وهي تحاول ان تتنفس من المشهد الذي تشاهده امامها وضعت يدها على فمها تحاول تمنع صوتها من الصراخ
ابتعدت نيار بحرج عن عمران وهي تقول : ليان انتي فاهمه غلط
حاول الاخر يستوعب الموقف ونظر خلفه وجدها تسند بيد على الحائط والاخرى على فمها لا تصدق ما شاهدته الان هل نيار كان يقب،لها الان هل كانت قريبه منه او من شفت،يه ام انها تحلم بالطبع هو حلم مجرد حلم لا اكثر
اقترب منها وهو في حاله ذهول ووقف امامها يحاول ان يستوعب كل ما حدث في لحظه ليشرح لها ولكن هي لم تعطيه اي فرصه بل ركضت للخارج بجنون وهي تبكي بقوه
ركضت خلفها وهو يقول: ليان لياااااااان استني افهمك اسمعيني ارجوكي
ولكن فتح عيونه بذهول من قدوم سياره بسرعه فائقه اصطدمت بها ووقعت على الارض جثه هامده
صرخ بجنون وهو لا يستوعب هل هو يحلم ام ماذا حدث وقال باعلى صوته : لياااااااااان لاااااااااااا ليااااان ليااااان
اما بالداخل وجدت نور الجميع يرقد للخارج فقالت بخوف وهي تنزل الدرج : يحيى في ايه اي اللي حصل يحيى حصل له ايه
مريم بدموع : ليان ليان يا نور خبطتها عربيه
شهقت الاخرى بفزعه و اتجهت للخارج بحنون
واغلق المشهد على هذا
…………………………………..
عشقك لعنتي بقلم شروق مجدي
بعد مرور عاما كاملا تفتح الكاميرا مره اخرى على فتاة تسير في شوارع شيكاغو وهي ترتدي هوت شورت قصير وتيشرت قط وتصور كل الاماكن بفرح شديد
فوقف امامها شاب وهو يقول : اوووو سولى مرحبا عزيزتي
سيليا ببرود: هل اتيت بالمطلوب
وضع الشباب بيدها حقيبه وهو يقول : هذا يكفيك لمده شهر عزيزتي لا تزيدي عن هذا المخدرات تقتل تلك الجميله
سيليا ببرود : وفر نصائحك لنفسك بااااي
ابتعدت وهي تقترب من المنزل لتاخذ جرعه من المخدر ات التي تتعاطى منها 🙈
…………………………………..
ونفتح المشهد مره اخرى علي عمران يقف امام زجاج غرفتها ليشاهدها وهي ترقد على الفراش في غيبوبه قررت ان تدخل بها وتهرب منها وبداخلها من الجميع
اقتربت نور بتوتر وقالت : عمران بابا شويه وجاي ولو شافك واقف هنا هتحصل مشكله
نظر لها الاخر بدموعه وقال : بس انا عايز اشوفها عايزه اقعد جنبها انا متاكد اني هقدر اخليها ترجع للحياه تاني ، نور انا بموت ابوكي مش عايز يرحمني مش عايز يفهم ان غصب عني نور انا من غيرها هموت ليان لازم تفوق لازم ترجع لي
نور بتوتر : انت كمان قدر موقفه عرف كل حاجه عرف انك اغتصبتها عارف انك حرقت قلب بنته عرف هي قد ايه كانت بتحبك وسافرت مخصوص عشان تبعد عنك ودلوقتي اللي هي فيه ده هو شايف انه بسببك من حقه يمنعك عنها قدر موقفه
و ليان كمان هتفوق وتقيد موقفه وترفض تسمعك
عمران بدموع: هتسمعني غصب عنها لازم تسمعني انا ما عملتش حاجه هي لازم تسمع
نور : عمران انا شايفه ان انت تفوق انت ناسي ان لحد الان ياسين ما حدش قبض عليه وبيدوروا عليه وناسي ان اصلا اللي خبطها بالعربيه الراجل اللي تبع الشغل اللي مش عايزك تاخد المشروع وفعلا نجح في ده لما انت اتشغلت مع ليان وناسي ان الى بعت نيار ياسين ، في كذا حاجه يا عمران لازم تفوق وتخلصها وبعد كده تيجي وتتكلم مع بابا وتحاول
عمران : رافض يسمعني ما انتي شايفه اللي حصل كل ما يشوفني يهزقني وضربني رافض حتى يديني فرصه ادافع عن نفسي ياسين نجح بعد ما بعث له رساله بكل حاجه قدر يهز صورتي قدامه مش قادر ارفع عيني فيه
نظرت امامها بدموعها فاكمل هو : لسه ما فيش اخبار عن يحيى او زيدان
نور : اللي انا متاكده منه ان زيدان مش هربان مني هيرجع انا متاكده ان في حاجه غلط واحساسي بيقول لي ان هو اتخطف او في حاجه غلط حصلت حد هدده اضطر يبعد اي حاجه غير ان هو يهرب ويسيبني
عمران: ياسين برده لعبها صح حتى لو يحيى ظهر باباكي واخد موقف منه ومني و شايف ان يحيي شخص قذر و انك بدال خبيتي من الاول الحقيقه يبقى انتي عارفه ان هو غلط ابوكي رافض اصلا جوازك منه يعني حتى لو رجع وطلع زي ما بتقولي مظلوم اقنعي بقى ابوك بماضي يحيى اللي الكل عرفه وخصوصا باباكي
اذا كنت انا امك حتى رافضه تشوفني و مش عايزاني وانا ابن اختها وانتي شفتي بنفسك لما عرفت يحيى والحوار بتاعه عملت ايه
احنا قدامنا حرب كبيره قوي انا وانتي عندنا مشوار طويل
نور بدموع : بس على الاقل انت عارف هي فين وهربانه منك فين بس انا مش عارفه يحيى فين هرب ولا مخطوف ولا مجبور يبعد عني مش عارفه ، بس انا المفروض عندي دلوقتي مقابله مع ادهم باشا في المخابرات هيتجنن بيدور عليه في كل حته بيقول ان عمره ما فشل في مهمه وعمره ما وثق في حد و خذله مش قادر يصدق ان يحيى ممكن يظهر بمصيبه في مصر ويكون كل اللي عمله ده خطه مش اكثر عشان يوصل ويعمل حاجه في مصر
عمران : والله يحيى اللي انا عرفته ما يعملش كده لا بس يحيى اللي انا سمعت عنه او زيدان مش عارف الصراحه يا نور يعمل كده ولا لا على العموم انا همشي قبل ما ابوكي يجي خدي بالك من نفسك وطمنيني عليكي على طول وحاولي تحنيني قلبهم عليا سلام
ابتسمت نورهان بحزن وهي تنظر امامها لليان التي ترقد باستسلام على الفراش
…………………………………..
على الناحيه الاخرى بمكتب ادهم يجلس الفريق بتعب شديد وقال مازن : انا قلبت الدنيا عليه بحاول اوصل لاي حاجه يحيى او زيدان ما خرجش بره البلد وما فيش ليه اي طريق اعرف هو فين
طارق : ويمكن خرج بره البلد واحنا برده مش عارفين حاتم : اكيد هو بقى فين اختفى فين مش قادر اصدق ده كان بيحب نور جدا ازاي يختفي كده يوم الفرح ازاي مش قادر اتوقع ليه معقول كل اللي عمله ده كان مجرد خطه
ادهم : انا متاكد ان يحيى مخطوف او بعد غصب عنه بس ما عنديش اي دليل انا متاكد ان في حاجه غلط يحيى قبل الفرح قال لي انا عايزك في حاجه مهمه ولازم اقابلك ضروري واكد عليا ان انا لازم اجي الفرح لانه محتاجني في موضوع مهم ومش هيعرف يقوله لي الا وهو بيسلم عليا يبقى ازاي ايه اللي يخلي يحيى يختفي يوم الفرح ولو كان بيدبر لحاجه فعدت سنه فين الحاجه اللي بيدبرها
مصطفى: والله احنا سافرنا كتير ورحنا حتت كتير بندور عليه ومش لاقيينه نعمل ايه بقى
مازن : ما هو مش منطقي برده خصوصا ان هو لو بيدبر لحاجه هياخد عيسى معاه و وبعدين سيليا اخته هيسيبها كده عادي بعد ما عمل كل ده عشانها يسيبها كده ده سيليا بقت تضرب وحالتها صعبه في شيكاجو
مصطفى: اللي زي زيدان دول بيفكروش زي ما انت بتقول كده لو باع اخته ما عندوش مشكله قصاد اللي ينفذ اللي هو عايزه فمش مقتنع باللي انت بتقوله عادي يعني
ادهم : مش عارف حقيقي مش عارف اول قضيه ابقى مش فاهم فيها اي حاجه ومش عارف اجمع اي خيوط كل ما امشي ورا خيط يتقطع
طارق: انا شايف ان احنا نركز مع القضيه اللي جات لنا عن الاشتباه في الراجل اللي اتردد على مصر اكثر من مره ده وسيبك بقى من قضيه يحيى دي
ادهم بغضب : انت ناسي ان يحيى ده كان مسؤوليتي يعني لو ظهر وعمل مصيبه اول واحد هيتهم هو انا انت فهمت ولا ايه يحيى لازم يظهر
…………………………………..
في مكان اخر نجد نفس الشخص الذي يرتدي البدله الغاليه والقبعه والنظاره يجلس ومعه شخص اخر يتحدثون في امور البيزنس
فقال مانو : مستر ادريان مش معقول كده انت ما بتحاولش تتفاهم خالص ماشي الامور وسط ونشوف ونعدي البضاعه
مستر ادريان : no حبيبي البضاعه هتعدي زي ما انا عايز ادريان كلمه واحده هتدفع النص والنص تمام ماشي مش هتدفع خلاص
مانو: او يا رجل هل يعقل هذا هل عندك اولاد ل اقول لك وحياه اولادك ام ماذا ايها العجوز
ضحك ادريان وهو يقول: اوووه اولادي كان لدي فتى مصري من زوجه مصريه وابنه من زوجه روسيه ولكن حقا لم اعلم عنهم شيء ولا اريد ان اعلم ولكن ان ظهر ابني و فقر ان يخصم من الصفقه اقتله اسهل بكثير هل تعلم هذا عزيزي
وقف مانو وهو يقول بغيظ : اعلم اعلم ادريان فانت عبد للدولار انا اعرفك جيدا ايها العجوز الوداع سوف ابلغ البوص واعطي لك الرد النهائي
ادريان بمرح : براحتك حبيبي وقت ما تحب ادريان موجود
…………………………………..
عزيز القارئ الجميع لم ياخذ باله انني لم اقل ان ابو سيليا وزيدان قتل بل قلت انه هرب ولم اذكر اسمه بعد ذلك في شيء ولكن لم يسأل احد عنه
مع انه السبب بدخول زيدان عالم المافيا
اين هو اين ابو زيدان وسيليا والشخص الوحيد الذي يعرف شكل زيدان جيدا وماضي زيدان وسيليا معا هو ابوهم الذي لم يعرف احد اسمه الحقيقي او شكله الحقيقي فهو يعشق العمليات التجميلية
ماذا حدث له وماذا قال لزيدان في العين السخنه واين يحيى او زيدان الان ؟
هل بالفعل هرب ام !
ولماذا ترك مروان وعيسى سيليا تضيع من بين يديهم في ظل اختفاء zeee
وما مصير مروان ويحيى الان وايضا نور
وعمران وليان بعد ان اعرف والدهم كل شيء وقرر طلاق ليان ونور بدون تراجع عن هذا القرار
💔الاختيار الخاطئ اختيار شخص خاطئ هو بدايه الوقوع بالمشاكل والكذب والخوف من الماضي
الاختيار الخاطئ هو ما يجعلنا دائما تهتز ثقتنا بداخلنا فهل هذه اللعنه التي حلت على رباعي الروايه سوف تمر بسلام ويفوز بالاخر حبهم
ام ينتهي للأبد بسبب اختيارهم الخاطئ بالعذاب ولعنه العشق
اراكم بعد العيد في اعلان موعد الجزء الثاني من روايه عشقك لعنتي
بعنوان 🔥 لعنتي نار عشقك 🔥
ويظل السؤال الاهم : اين اختفي zeeeeee ؟
وهل والد الفتاتان سوف يسامح ويغفر ما حدث ؟
تمت
لقراءة الرواية كاملة اضغط على : (رواية عشقك لعنتي)
