رواية لقد وقعت في الفخ الفصل السابع 7 بقلم حنين عادل
رواية لقد وقعت في الفخ الجزء السابع
رواية لقد وقعت في الفخ البارت السابع
رواية لقد وقعت في الفخ الحلقة السابعة
وفجأة لقتني طايرة هي السماء دي لونها حلو كده ليه النهاردة انا هاموت طب اصلي الأول طيب يارب لومت والنبي والنبي دخلني الجنة
صرخت وهي بتقع:
طب أصلي الأول الشهادة الشهادة ازاي ربنا ياخدك
وفجأة نزلت في المية وهو واقف مبتسم قعدت تحاوب تطلع علي وش المية بس من الواضح انها مابتعرفش تعوم
رفع حاجبه : هانمثل كتير اخرجي
ماكنتش قادرة تتنفس وخوفها من المياه كان بيخلي كل محاولاتها تفشل لحد ما بدأت تستسلم ليها
بص عليها وهو متعصب : oh no
وقلع التيشيرت بتاعه ونط من البلكونة علي البيسين ونزل تحت المية طلعها وكان مغمي عليها حطها علي الأرض جمب البيسين وفضل يتك علي قلبها مافيش فايده
رجع شعره لورا : مافيش غير حل واحد I,m really Very sorry(أنا حقا أسف جدا)
قرب منها أكتر وهو متوتر وبص علي شفايفها بعدين فتح بوقها وبدأ يعملها تنفس إصطناعي
فاقت وفتحت عينيها بصدمة قامت مرة واحدة ورجعت في وشه الميه
مسح وشه بقرف وبعدين غطس تحت المية لثواني وهي قامت بسرعة وطلعت تجري علي جوه
طلع من تحت المية وهو بيمسح وشه مالقهاش قعد يعوم لحد ما خرج وعمال يجيلوا صور في خياله عن واحد بيلعب مع عيل صغير في المية ..
كانت وعد بتتفرج عليه من بعيد ومتعصبه منه وبقت خايفة دي كانت هاتموت بسببه
لاحظت جسمه اللي بيلمع من الميه وعضلاته خبت وشها
وعد: أستغفر الله العظيم هو في كده سيكسي جيرل ولا بوي يخربيت الثقافة اللا متناهية اللي عندي
بسبب وقوع وعد من مسافة المية طلعت بره البسيين اتزحلق وقع
ماقدرتش تمسك ضحكتها وانفجرت في الضحك بصوت عالي بص عليها وهو ماسك ضهره وهو مستغرب وكأنه سمع الضحكة دي قبل كده
ركز في ملامحها كويس وهو نايم علي الارض وكأنه بيحاول يفتكر وبعدين بدأ يتعصب وقام بسرعة طلعت تجري وهي خايفة وطلعت علي السلم وهو كان بيجري اتزحلق وقع تاني وقفت علي السلم وهي بتدمع من كتر الضحك والمرة دي وقع علي وشه
_تدري ايش ما يقع الا الشاطر والعجل وقع هاتوا السكينة
سند علي الأرض وقام بسرعة
كملت جري لحد ما وصلت لأوضتها بس قبل ما تقفل الباب كان حط رجله قصاده
قعدت تخبط في رجله بالباب عشان يحوشها لكن ولا كأن كانت بتعمل حاجة
نفس الذكريات انعادت ليه بس مشوشة شال رجله فقفلت الباب بسرعة
بعد عن الاوضه وهو ماسك دماغه وبيفكر هو مين ولو ليه حد وليه ذكريات مع ناس ليه ماحدش دور عليه
نزل السلم ونام علي الكنبة وهو بيفكر طب المكالمة اللي كان بيعملها قبل الحادثة كانت مع مين
ومين الطفل اللي كان بيلعب معاه غمض عينيه لحد ما راح في النوم
قفلت وعد الباب بالمفتاح وغطت مدخل المفتاح بحاجة
وعد: ابقي قابلني ان عرفت تعمل حاجة
دخلت الحمام خدت شاور وغيرت هدومها بترنج بيتي مريح ونشفت شعرها بالسيشوار
قعدت علي السرير وفتحت كتاب ولبست النضارة وبعدين رمته وهي بتضحك وبتكلم نفسها:
هههه بتحبي القراية أوي يا بت لأ ومثقفة يا شيخة اتلهي
بس أنا مالقتش ونس للعمر أحسن منك ههه أنا اسفة يا نفسي بس انا جوعت وحبيت أئلش مش وقت الألش أنا جعانة جدي علي رأي سي دوني هههه
طب انزل للوحش الكاسر اللي كان هايموتني ده ازاي ياربي ازاااااي
قامت من علي السرير وفتحت الباب بالراحة وبصت مالقتوش طلعت من اوضتها وقربت من السلم وبصت عليه لقته نايم
_نوم الظالم عبادة
نزلت تتسحب وكانت رايحة علي المطبخ لاحظت انه لسه قالع التيشيرت قربت منه لقته بيترعش
طلع تجري علي السلم اتنعقلت في السجاده وقعت علي وشها
قامت وهي جسمها كله وجعها
_هو كده اللي بيتريق علي حد وبيضحك علي حد لازم يحصله كده أه يا جسمي يا نا ياما
طلعت علي أوضتها جابت بطانية ونزلت غطته وحطت ايدها علي وشه تشوف سخن ولا لأ فتح عينه ومسك ايدها بقوه وبص لها بعصبية حتي انها اتخضت وبعدين نام تاني
مسكت ايدها بوجع وبعدين حطت ايديها بالراحة علي وشه عشان تشوف درجة حرارته لقته سخن مولع
_ طب أعمل ايه والغبي ده ما غيرش ليه ده بس هايغير ازاي ده ومش عنده هدوم طب أعمل ايه وهاسيب نفسي جعانه كتير ..
راحت المطبخ وفتحت التلاجة وجابت برطمان النوتيلا وخدت معلقة وبعدين خدت مية سقعانة في طبق وقطعة قماش وراحت قعدت جمبه
قعدت تعمله شويه كمادات وهو لسه بيترعش بعدين طلعت اوضتها تشوف علاج لخفض درجة الحرارة لقت برشام خدته ونزلت جابت مية وحاولت تخليه ياخده
كان بيتكلم وبيقول كلام مش مفهوم وهي بتعمله الكمادات وكانت بتحاول تفهم منه حاجة ولكن ما عرفتش تفهم
قعدت تبص ليه وهي حاسة انه وراه قصة كبيرة
_ من الواضح انه عصبي وعنيف ومش بيفكر ياتري شغال ايه ممكن ظابط طيب ما ممكن يكون حرامي برده أو سفاح مثلا وأنا نظرتي لا يمكن تنزل الارض ابدًا
قعدت وسندت علي الكرسي ورجعت ضهرها لورا ..
_وأنا نظرتي لا يمكن تنزل الارض ابدًا ما نزلت نزلت كتير
سامحني يا قلبي علي سوء اختياراتي انت اللي بتشيل الهم في الأخر سامحني ..
طلعت أوضتها بعد ما اطمنت ان حرارته نزلت ..
____________________
بعد ساعتين كانت قاعدة بتاكل مكرونة وبانية ومستمتعة جدا
_يا سلام لو كان بط ومحشي بس انا فاضية احشي فيه ما انا ممكن اطلبه تيك اواي غنية ولا مش غنية أنا هي الفلوس معمولة ليه مش عشان نستمتع بيها اه واللهي نستمتع بيها
غسلت ايدها بعد ما خلصت أكل وعدت من جمبه صحي وقعد عالكنبة بصت ليه وهي كاتمة ضحكتها
بص ليها وهو مستغرب..
رفعت تليفونها وخدت ليه صورة وبعدين طلعت تجري علي فوق ..
قام وقف وبص علي الكنبة لقي الغطا والميه اللي فيها القماشة ..
ابتسم وعرف انه كان سخن وفجأة صرخ باسمها:
واااااااعد
وعد حطت ايدها علي ودانها وهي في اوضتها ومستخبية ورا الكرسي:
برئ يا سعادة البيه اهئ اهئ
قلع القميص بتاعها اللي لبستهوله وهو نايم وطلع وهو متعصب وقف قدام اوضتها بعصبية
_ افتحي
وعد: مش فاتحة
_افتحي
وعد : مش فاتحة
_ هاتفتحي ولا اكسر الباب فوق دماغك
اتكلمت وهي مستخبية ورا الكرسي: وأنا عملت ايه يعني لكل ده كنت بردان وماعندكش هدوم وعضلاتك هتاخد برد قصدي وكنت هتاخد برد وسخن وبتغترف بالكلام دا جزاتي اني ساعدتك يعني صحيح ما حدش يعمل خير في الزمن ده يا جدعان زمن صعب اوي
_ أنا فاهمك كويس يا وعد
وعد : صدقني انت مش فاهمني يا سولطان مش فاهم اي حاجة مش بتشاركني اختيارتي مش بتقولي انتي زي القمر يا دودي انت وحش أوي يا سولطان طلقنييي
_ نعم !
وعد: اندمجت معلش بص بقا يا بن الناس انا مش بخاف للمرة التانية للمرة التالته للمرة الرابعة تقعد هنا بإحترامك وتعرف اني وليه نعمتك وتحترمني لإما هارميك بره البيت رمية الكلاب أه عشان نبقي علي نور كده …
فجأة الباب وقع علي الأرض برقت وهي بتبص عليه وهو داخل …
وعد: ما شاء الله ربنا عاطيه قوه فظيعهههههههه يا حد يساعدني
استنت لما قرب منها وهي بتلطم وطلعت تجري وهو وراها
_ هاجيبك هاجيبك
وعد: اللي يحصلني بقا يا ابو السلاطين
الباب كان بيخبط …
وعد: اهو البوليس جه ياخدك اهو ياكش يربيك لأنك ناقص رباية
قرب منها أكتر وهو متعصب فتحت الباب وهي بتقول: النجدة هيلب النجدة
كان مسك وسطها في نفس اللحظه اللي اتفتح فيها الباب
برقت ليه وحاولت تزق فيه بس اللي علي الباب نساها أي حاجه ..
اتغيرت ملامح وشها وكأنها بتعيد ذكريات حزينة مرت في حياتها و….
يتبع..
لقراءة الفصل التالي : اضغط هنا
لقراءة الرواية كاملة اضغط على : (رواية لقد وقعت في الفخ)
