رواية من نظرة حب الفصل الحادي والثلاثون 31 بقلم الكاتبة الصغيرة
رواية من نظرة حب الجزء الحادي والثلاثون
رواية من نظرة حب البارت الحادي والثلاثون
رواية من نظرة حب الحلقة الحادية والثلاثون
تسريع الاحداث تاني يوم كان كل شغال في القصر والكل مشغول عشان الخطوبه وخصوصا ان هم ولاد رافعي فلازم تكون خطوبه محدش شافها قبل كده كانت نسمه وملك ومكه فوق في اوضه مكه وبيجهزوا نفسهم ومشغولين
مكه : انا اخترت الفستان ده شكله حلو
نسمه : حلو قوي يا حبيبتي وهيطلع عليك احلى
مكه : بجد نسمه ايوه طبعا اهم حاجه انه واسع وطويل فمش هيبن جسمك فداه شيء كويس
مكه : امير هو اللي اختاره ليا واساسا مكنش عاوزني اجيبه قالي كان عاوز يلبسني عبايه سوداء قال ايه عشان محدش يشوفني بيغير عليا
ضحكت نسمه هي وملك عليها
ملك : انا الفستان مخلتش زين يشوفه انا اشتريته من غير ما يشوفه لان انا عارفه ان هو اكيد مكنش هيرضى بيه
نسمه : بس يعني ده مقفل وواسع عادي
ملك :لا هو مكنش عاوزني اجيب الفستان دا كان عاوز يجيبلي فستان واسع قوي وانا اخترت ده واتخانقنا بس اخذته من وراها ميعرفش ان انا هلبسه
نسمه : بس كده هيزعل وممكن تحصل مشكله
ملك : متقلقيش انا عامله حسابي هقدر ان انا اراضيه
مكه : طب انا هنزل تحت عشان اشوف الترتيبات مع ماما وهاجي لكم دلوقتي على الميك اب ارتست تيجي
نزلت مكه تحت لقت ثريا مشغوله قوي كانت في المطبخ ومشغوله قوي
مكة : ها ي ماما بتعملي ايه
ثريا : بساعد بدرية والباقي في الطبخ لازم الاكل يكون مظبوط
مكة : طب مشوفتيش مالك اصل كنت عاوزة اشوفه
ثريا : مالك بردوا اللي عاوزة تشوفيه
مكة : الله ي ماما ايوة مالك طبعا اومال هيكون مين يعني
ثريا : والله ما انا قايلالك اعقلي كدة واطلعي فوق لان زمان حمزة هيجيب جودي دلوقتي
وفعلا بعدها بلحظات دخل حمزة ومعاه جودي اللي كانت مكسوفة ومتوترة اول ما حمزة شافهم راحلهم بسرعة
حمزة : السلام عليكم
ثريا ومكة : وعليكم السلام
ثريا : يلا ي جودي اطلعي مع مكة البنات فوق وانت ي حمزة روح لمالك والباقي
مكة وهي بتاخد جودي من ايدها : تعالي نطلع بسرعة تلاقيهم مستنيينك
طلعوا البنات فوق للاوضة وقعدوا يتكلموا مع بعض علي ما الميكاب ارتست تيجي
🥀🥀🥀🥀🥀🥀🥀🥀🥀🥀🥀🥀🥀🥀🥀
على الناحيه الثانيه كان مالك وامير وزين قاعدين بره في الجنينه لحد ما راحلهم حمزه اول ما شافوه راحوا له بسرعه
زين : انت شوفت البنات
حمزه : لا معرفتش ادخل لان خالتي ثريا طردتني اطلع بره لكم
زين : طب دلوقتي هعمل ايه
امير : استهدي كده اكيد هنشوف حل هنحاول بكل الطرق اللي احنا هنشوفهم
حمزه : هو في ايه
زين : ملك اختارت الفستان من غير ما اشوفه ولما جيت اقولها هتوريه لي قالتلي قال ايه ده نحس نحس ايه انا عاوز اشوفه لان انا عارف اكيد انها اختارت فستان انا مش هوافق عليه ودا اللي خلاها تخبيه
حمزة : ما تسكت ي عم كلها كذا ساعه وتشوفوا بعض اهدي كده
امير : وانا كمان عاوز اشوف مكه وحشتني
مالك : ما تحترم نفسك يا عم ده انا حتى قاعد جنبك يعني
امير : وانا اعمل ايه يا عم
زين : ما انت لا النهارده شبكتك ولا اي حاجه قاعد بقى
مالك : ما تنقش فيها واسكت
زين : انا بنق
مالك : ايوه وكلمه كمان هحلف في الموضوع ده ما هيتم
امير : خلاص يا عم اهدى كده اهدى
حمزة : انا مش عارف انتم مستعجلين ليه
امير :دا خالتي ثريا منعاني اني اقابل مكة
زين : مش انت لوحدك انا بردوا كدة بتقولي هشوفها في الخطوبة بس انا عاوز اشوفها الاول
مالك : انتوا بتوتروني ليه معاكم اسكتوا
زين : وحضرتك متوتر من ايه تكونش حبيبتك موجودة وعاوز تشوفها انت كمان
امير : اكيد لا مالك وحب في جملة وحدة
حمزة : ومين قالكم بقي ان حبيبته مش موجودة
زين وامير اتعدلوا وقالوا في صوت واحد : بجد هي مين ها هي مين
حمزة : اقولهم
مالك : اوعي ي حمزة هموتك
زين : متسمعش كلامه وقولنا واحنا والله ما هنقول لحد
حمزة : نسمة بنت عم ملك
مالك : طلبتها ونولتها ي حمزة الكلب لو مبوظتش وشك دا مبقاش مالك
طلع يجري وري حمزة اللي اول ما سمع كلامه طلع يجري لانه عارف ان مالك مبيهزرش
🥀🥀🥀🥀🥀🥀🥀🥀🥀🥀🥀🥀🥀🥀🥀
عند رضا كانت منة في عنده في الفيلا وهي متعصبة ومتغاظة
منة : اهو فرحانين ولا همهم حاجة دا حتي مفيش حد فيهم فكر يعزمني
رضا : وانت عاوزة تروحي ليه من كتر ما بتحبيهم
منة : لا حب ايه بس انا بنت خالتهم يعني لازم يعرفوني حتي انا عاوزة اعرف ايه اللي هيحصل هناك
رضا : انا هحكيلك علي اللي هيحصل
منة : اي دا انت هتروح ازاي مالك عزمك دا انت وهو اعداء
رضا : ومين قالك اني اتعزمت بس بردوا مينفعش يكون في عندهم فرح وانا مروحش انا بردوا ميفوتنيش الواجب
منة : انت اكيد في حاجة في دماغك
رضا : جاتلي فرصة علي طبق من دهب اني ادمر مالك اقول لا
منة : اللي نفسي اعرفه انتو ازاي بقيتوا اعداء كدة دا انتوا زمان كان الكل بيحلف بصحوبتكم
رضا : هو اللي غدر وانا مش هسامح غير لما انتقم منه
منة : انا عاوزاك تحكيلي
رضا : ولما تعرفي هيفيد بايه
منة : علي الاقل اكون فاهمة
رضا : تمام انا هحكيلك
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية من نظرة حب)
