رواية من الجاني الفصل التاسع 9 بقلم هدى مرسي أبوعوف
رواية من الجاني الجزء التاسع
رواية من الجاني البارت التاسع
رواية من الجاني الحلقة التاسعة
في محل حسنين كوفير رجالي كان لديه ثلاثه من الزبائين وثلاثه من العاملين يقومون بتظبيت شعرهم واذا ببعض النقود التي في الدرج سرقت فاغلق حسنين المحل واستدعي الشرطه لتحقق مع من بالمحل فواحد منهم هو من سرق لانه كان يجلس بجوار الدرج طوال الوقت ولم يقوم سوي دقائق ليدخل الحمام وعندما عاد لم يجد المال في الدرج اتي الضابط ومعه بعض العساكر وعاين المكان وبدأ التحقيق مع العاملين اولا ثم الزبائن كلا علي حدي.
الضابط : عم رمزي انت بتشتغل هنا من زمان وعارف كل زباين المحل حد من الموجودين زبون محل ؟
رمزي : لاء كلهم زباين اول مره يدخلو المحل.
الضابط : طب تفتكر حد من اللي شغالين يكون هو اللي سرق ؟
رمزي : معتقدش دول معنا بقالهم فتره طويله.
………….
الضابط : قولي يا هيثم تفتكر حد من الزباين هو اللي سرق ولا حد من العاملين ؟
هيثم : كل اللي بيشتغل هنا بيحب عم حسين ومش ممكن يسرقه وكمان عم حسين بيقف معنا كلنا.
الضابط : طب تشك في مين من الزباين ؟
هيثم : معرفش بس ساعت ما عم حسين دخل الحمام واحد من الزاين وقع علبة بودره في الارض واحنا جرينا نلمها ونظف المكان وكنا بنظف بسرعه عشان عم حسين بيحب النظافه قوي يتضايق من البهدله ويتنرفز.
………………
الضابط : سالم تشك مين يكون اللي سرق الفلوس ؟
سالم : معرفش بس والاثنين اللي معايا محدش منا يعمل كده.
الضابط : تشك في مين من الزباين ؟
سالم : معرفش لما البودره وقعت الثلاثه وقفو بعيد وكانو قريبين من المكتب واحنا كنا بنجري عشان نخلص بسرعه.
……………
الضابط للثلاثه الزبائن معا : مين فيكو اللي وقع البودره في الارض ؟
اشار اثنين علي واحد منهم وقالو : هو ده اللي وقعها.
الضابط : قولي يا حمدي هي وقعت منك ازي ؟
حمدي : مكنش قصدي انا بتفرج عليها (فاشار علي الذي بجواره) زعق فاتخضيت فوقعت مني وبهدلت الارض.
الضابط : وانت بتخضه ليه يا رافت ؟
رافت : مقصدتش ومكنتش اعرف انه خفيف وبيتخض من الهوي.
الثالث (فايد) : وبعدين هو كان يعرف منين ان صاحب المحل بيتضايق قوي من البهدله.
الضابط : وانتو وقفين مختوش بالكو لو حد قرب من المكتب ؟
حمدي : تلفوني رن وقف عند الباب ارد عليه ومختش بالي وكانت معاكسه وحاجه تقرف.
فايد : وانا كنت مركز معاهم في التنضيف عشان صاحب المحل مايخرجش ويتنرفز علينا.
رافت : انا فضلت واقف مكاني ماتحركتش خوفت يتخض تاني ويوقع حاجه تانيه وانا عارف صاحب المحل لما بيتنرفز بيبقي وحش قوي.
الضابط : انا كده عرفت اللي سرق الفلوس
يا تري انتو كمان عرفتوه
الحل
الضابط: يعني انت يا رافت خضيت حمدي وخليته وقع البودره علي الارض ؟.
رافت : لاء يا بشا انا مقصدتش هو اللي خفيف انا مالي.
الضابط :وليه متكونش قاصد عشان تشغل كل اللي في المحل عشان تسرق الفلوس.
رأفت : طب وانا اعرف منين انهم هيقومو ينضفو المحل طب ما يمكن يسيبوها لحد لما يخلصو.
الضابط : انت عارف ان عم حسين متضايق من البهدله وهيزعق لهم فهما يقومو ينضفو بسرعه.
رافت : لاء انا ماسرقتش حاجه انا مليش دعوه.
الضابط : خلاص هنفتشك وان ملقناش الفلوس معاك هنسيبك.
رافت بتلجلج : وشمعنا انا اللي اتفتش فتشوهم كلهم الاول.
الضابط : انا مش هفتشك لاني متاكد انك مخبي الفلوس قولي فين الكرسي اللي كنت قاعد عليه؟
رافت بتلجلج : بتسال ليه يعني ؟
الضابط : عشان انت مخبي الفلوس تحت مسند الكرسي.
رافت بخوف : انا معملتش حاجه انا محطتش حاجه ما يمكن حد حطهالي انا برئ.
الضابط : انا دلوقتي اتاكدت انك انت اللي سرقت‘يا عسكري فتش تحت الكرسي وهات الفلوس وامسكها بمنديل عشان البصمات.
رافت وهو يضع يده علي راسه : يا خرابي انا نسيت البصمات.
الضابط : ايوه البصمات اقبض عليه يا عسكري.
تم القبض علي رافت ووضعه في السجن لحين محاكمته واعيدت الاموال لحسين.
يتبع…..
لقراءة الفصل التالي : اضغط هنا
لقراءة الرواية كاملة اضغط على : (رواية من الجاني)
