رواية اللقاء الاول الفصل العشرون 20 بقلم بسملة أشرف
رواية اللقاء الاول الجزء العشرون
رواية اللقاء الاول البارت العشرون
رواية اللقاء الاول الحلقة العشرون
فيولا كانت بتعيط وبتترجي امين: انت معندكش احساس خالص سيبه وانا هعملك اللي انت عاوزه، انت مش عاوزني انا اهو قدامك ومش ههرب والله العظيم مهمشي من هنا اوعدك بس سيبه يمشي والنبي..
امين ببرود: متخفيش ادم هيمشي بس مش دلوقتي ( فجأه امين شد فيولا ومسكها من شعرها) لما السنيوره تقول السلاسل فين… متنطقي فين السلاسل ؟
فيولا : سلاسل ايه والله معرف حاجه.. انت مش خدت الكتاب عايز ايه تاني مننا يا اخي سبنا ف حالنا
امين: اه خدت الكتاب..(قرب منها وهمسلها) طبعاً السلاسل دي لازم تتجمع مع الكتاب عشان نكمل باقي الطقوس وبدونهم مفيش حاجه هتكمل وكلنا هنموت هنا بس انا عارف و واثق ان الحاج محمد شاطر وهيجبهملي لحد عندي زمانه جاي ف الطريق هو و صحابكم اللي دخلتوهم في لعبه انتو مش قدها ياحرام هتكوني السبب ف موتهم يا فيفو
فيولا: بابا!!!
وفجأه بتدخل احلام: احنا صغيرين اه(بتغمز لفيولا) بس نينجا!
فيولا : احلام!
احلام: ايه كنتي فاكراني هسيبك؟
فيولا (عيونها دمعت من الفرحه): كنت فاكره انك مش هتيجي
احلام (بلطف): معقول هسيب بنت عمي اللي محلتيش غيرها
والد فيولا بسخريه: استنيتني قد ايه يا امين!
فيولا: بابا!
امين: ياه ده الحبايب متجمعه اهيه.. وجاي برجلك يا محمد
والد فيولا: اكيد جاي برجلي اومال هاجي ب ايه(سخريه) وبعدين مش بنتي اكيد لازم اجي طبعا (بيستفز امين)
امين: بنتك؟؟(ضحكة سخريه)
والد فيولا: جايز مكونش ابوها الحقيقي بس هتفضل بنتي، بنتي اللي ربيتها وعلمتها الصح من الغلط ومعنديش مشكله إني اضحي بروحي عشانها يا امين
امين: مش مكسوف علي دمك وانت ف ايدك عُكاز؟(بسخريه)
والد فيولا: اهو العُكاز ده قام بالواجب مع رجالتك!
امين ( لسه ماسك شعر فيولا): حلو… بما انك جاي برجلك لحد هنا طب متيجي مكانها وتعمل الطقوس دي بدالها
فيولا صرخت: لاااء
والد فيولا: متخفيش يا فيولا بابا هنا! وهيخرجك من هنا بأمان
فيولا بإنهـيار: بابا لاء والنبي متعملش كده مش هيقدر اعيش من غيرك انت اللي مقويني في الحياه دي، نَفسك بيسحسسني بالامان، انا مش خايفه عشان انت معايا… عشان انت في ضهري.. ازاي اعيش من غير امان، من غير ضهر، بابا والنبي متسبنيش….!
والد فيولا (عيونه دمعت من كلام فيولا): عارف يابنتي انه صعب عليكي فراقي بس انا بقا(ضحكة حزن) كبرت في السن وعمري بين لحظه والتانيه هينتهي اما انتي لسه صغيره.. لسه قدامك حياة حلوه تعيشيها…
فيولا: لاء متقولش كده والنبي متقول كده
والد فيولا بدأ يجهز خطواته وطلع الخمس سلاسل
والد فيولا: السلاسل اهيه يا امين!
امين خد السلاسل وبدأ يعدهم: ايه ده؟ في سلسله ناقصه!
والد فيولا: سلسله ناقصه!
///االراوي////
والد فيولا واحلام واحمد لقوا طريقه يدخلو بيها المكتبه وهيا انهم يلبسوا السلاسل دي وينطقوا كلمات التعويذه بغض النظر عن اصحاب السلاسل الحقيقيين وان في عواقب وخيمه بسبب الخطوه اللي قاموا بيها وهيا انهم ياخدوا اماكن مش بتاعتهم، بس قدروا يوصلوا لمكان ادم وفيولا.. والد فيولا قال لأحمد انه يروح يدور علي ادم ويجيبه، احمد راح وفك ادم من السلاسل اللي كان مربوط بيها، وبما إن الحراس كانوا اصلا مشغولين في تقدين الطقوس والنص التاني منهم والد فيولا اتعامل معاهم بعُكازه، مكنش فاضل غير ان البني ادم اللي هيقوم بالطقوس دي يلبس السلاسل ويمسك الكتاب ويقرأ التعويذه الاخيره.. وبما إنهم خمس سلاسل مكنش ينفع يكملوا غير بيهم وف نفس الوقت ميقدروش يأجلوا القربان ده لان ف يوم معين القمر فيه بيكون نصف مكتمل وكان لازم يلاقوا السلسله السادسه ف اسرع وقت، طبعاً هتقولوا ازاي فتح الدايره واكتمالها هو نفسه كسر اللعنه هقولك لو. الشخص ده قال التعويذه وقال حل الشفره الاخيره ف انت بكده تكون بتكسر دايرة سيد القوس اللي هيا لعنة اثينا اما لو الشخص قرأ التعويذه وجزء من كلمات القربان ساعتها الدايره هتكتمل وهيكتمل نمو الكائن اللي جواها ولو اكتمل.. هيكون عندو قوه تخليه يسيطر علي العالم البشري كله..
___
امين: انت بتلعب بيا يا محمد!!!!!! انت بتلعب بالنار بايدك
والد فيولا: لاء دول بس اللي كانو معايا صدقني
احلام استجمعت افكارها: لحظه بس! هو مش الكتاب بيقول لازم الشخص ده يكون نفس دم اخر شخص اتقدم دمه كقربان ازاي عمي..(قاطعها امين)
امين: شكلكم مكملتوش باقي الكتاب.. مكتوب في اخر صفحه مسموح للشخص اللي قال التعويذه انه يحل مكان اخر شخص اتقدم دمه كقربان
فيولا: انت بتقول ايه!انت كداب… انت عاوز تنتقم بس وتشبع غرورك.. مكنش في حاجه زي دي مكتوبه ف الكتاب
امين: مش هنخلص من الدراما بتاعتكم دي بقا متخلصوني في ليلتكم دي، هتجيب السلسلة الاخيره وإلا….
والد فيولا: حاضر حاضر بس سيبها
فيولا: انت مش عاوزني انا!!! ليه دخلتهم ف اللعبه
امين: انا مدخلتش حد انتي اللي دخلتيهم كلهم بإيدك اولهم ادم وبعدين بنت عمك وبعدين الراجل الطيب ده ذنبه اي يموت بالطريقة دي تؤتؤتؤتؤ ياحرام
فيولا: انت بتضحك علينا كلنا..(بإنهيار) خليني انا اقدم القربان
والد فيولا: انت مش عاوز السلسله في اسورة فيولا.. جدتها حطت النجمه جوه الإسوره اللي ف ايديها دي
امين سحب الإسوره من ايد فيولا: وسايبيني كده من الصبح.. كده يبقي كل حاجه اكتملت
والد فيولا كان لسه بيتقدم خطوتين ناحية الدايره عشان يقوم بالطقوس… قاطعه امين
امين: انت رايح فين.. ياه يا محمد انت طلعت مغفل
(بيشاور للحراس وامرهم يقبضوا علي والد فيولا واعطي فيولا السلاسل والإسوره والورقه)..
والد فيولا: بس ده مكنش اتفقنا يا امين(بخوف)
امين: وهو من امتي احنا كنا بنتفق يا حاج محمد..( امين بص لفيولا وطلب منها تروح وتقف عند دايرة اللعنه.. فيولا قدمت خطوتين وبدأت تلبس ف السلاسل والإسوره كانت مسكاها ف ايديها وفتحت الورقه اللي امين ادهالها وبدأت تقرأ اول سطر)
احلام:لاااء(نبره عاليه)
والد فيولا سبقته دموعه: العيال ملهمش ذنب يا امين
فيولا بتقرأ: اوافق بكل إرادتي ان اسير إلي عالمكم الآسير، يأسر قلوباً و ارواحاً بداخلها، أسير بحياتي إلي هنا واعلم كم مدي خواطرها، وإن كانت ظُلمتي مؤلمه إلي هذا الحد، .. سأنيرُ بها الي طريق الحق المكتوب علي معصمي …(صمت وبكاء)
امين بغضب: وقفتي ليه!!! كملي
فيولا اقولها بكل إرادتي.. اقبل بـدخو…….
وف لحظه دخل احمد وقاطع الحدث: انا اسف اني اتأخرت عليك ياعمي!
اادم بيبص لأمين وبيوجهله كلام: مش قولتلك هنتقابل تاني!
فيولا بصت لقت ادم قصاد عنيها : ادم!(بفرحه)
ادم: مش قولتلك إني مش هسيبك!
///الراوي///
فيولا الفرحه مكنتش سايعاها لما شافت ادم قصادها.. وطبعا ادم واحمد دخلوا ف الوقت المناسب قبل ما فيولا تكمل الطقوس.. امين بغضب وجنون امر الحراس يقبضوا علي احمد و ادم بس لحسن حظهم انهم قدرو يسيطرو علي الوضع.. وطبعا قام عراك بين الحراس وامين وادم واحمد… .فيولا جريت علي والدها و فكته من السلاسل اللي كانت ف ايده وبعدين راحت وفكت احلام.. وفجأه عبد العزيز و اعتماد دخلوا وجريو علي والد فيولا وقالولو ان حل الشفره الي معاهم مزيف والحل الحقيقي معاهم…. والد فيولا امر فيولا انها تروح وتكمل الطقوس وبدل متقول كلمات القربان تقول حل التعويذه اللي مع والدة ادم وتكسر دايرة اللعنه.. امين حاول يمنع فيولا وطبعا والد فيولا اتعارك مع امين.. وف وسط الدوشه دي كلها… امين لمح فيولا وهيا بتكتب حل الشفره بدمها علي الورق ووقتها كان امين قدر يتملك من والدها وطعنه بالسكـ*ين… فيولا صرخت بوالدها وجريت عليه.. ادم لمح امين وهو بيوقف اللي فيولا عملته.. ادم شاف مسدس جنبه وضغط علي الزناد نحو امين وقتـ*له.. وف اللحظه اللي ادم ضغط علي زناد المسدس فيولا كانت خلصت باقي الطقوس… ادم وفيولا جريو علي والدها.. وحاولو يوقفوا النزيف… بس للاسف الوقت كان بيعد
___
فيـولا ركعت علي ركبتها والدموع ف عنيها: ليه عملت كده ليه
والدها ف انفاسه الأخيره: عملت كده عشان انتي البنت اللي محلتيش غيرها (دموعه كانت سبقاه)
فيولا (تبكي): بس انت عارف اني مش هعرف اعيش من غيرك
والد فيولا: دلوقتي يافيولا اقدر اسيب وانا مطمن
فيولا (بكاء شديد): لاء…(فيولا بصت لادم وبعصبيه قالت) انت مش دكتور اعمل اي حاجه متقفش ساكت كده
ادم كان الحزن واليأس باين في عنيه وبأي طريقه كان بيحاول يوقف النزيف ويتابع النبض.. وبما إن الطقوس اكتملت وقدرو يكسروا دايرة اللعنه كل حاجه رجعت لوضعها…. وفجأه بدأت اشكال الجدران والوضعيات تتغير وإذ بعيونهم ينظرون لما يحدث حولهم وفرحة عيونهم برجوع المكتبه كما كانت… .
والد فيولا: حافظ على بنتي يا ادم انا محلتيش غيرها
فيولا: بابا متسبنيش والنبي مش هقدر اعيش من غيرك(بعياط)
والدها (اخر نفس): الموت يبنتي مش موت الروح لاء الموت يبنتي موت الجسد وانا روحي هتفضل معاكي بس انتي متنسـينيش خليكي فاكراني…
/////االراوي/////
الشرطه جت وقبضوا علي امين كان لسه فيه الروح وباقي الحراس، امين اعترف انه كان السبب في موت سيف والد ادم، واتحكم علي امين بالإعدام، واتعدم امين وكان عبره للي يفكر يعمل زيه ويلعب بارواح الناس… اما والد فيولا اتكتبلو عمر جديد.. وكان محتاج دم بدل اللي خسره لانه نزف كتيير فـ احمد اتبرعلوا بالدم.. ♡
اما بالنسبه لسر موت اثينا كالآتي.. اامين راحلها المستشفى قبل متموت وعشان امين كان مصمم إنها تدخل اللعنه فقرر يحبسها ف عالم الاموات وساعتها مش هيبقي قدامها طريقه غير انها توافق، اثينا اتشاجرت مع امين وقالتله انها مش هتدخل اللعنه وانها هتفضحه وقالتله إن المرادي معاها دليل لإثبات جرايمه كلها، واثينا افتكرت انها لما تموت دايرة اللعنه هتتكسر واثناء مكان امين بيتكلم معاها ف الاوضه طعنت نفسها بسلاح ابيض.. امين من خوفه وإن حد يشوفه ويفتكر انه قتلها قرر يقلب قضيتها لحالة انتحار وكتب الرساله اما بالنسبه للرموز اللي كانت حواليها ومكتوبه بالدم ف ده عشان هيا كانت ملعونه ودي كانت تعتبر رسالة من سيد دايرة القوس والرموز دي ظهرت بعدما امين خرج من مستشفي الامراض العقلية.
///في المستشفى ///
«والد فيولا كان لسه خارج من غرفة العمليات»
ادم: حمدالله على السلامة ياعمي!
فيولا: حمدالله على السلامة يا احلي بابا ف الدنيا
اعتماد: بقا كده يا راجل ياطيب تخضنا عليك
احمد: ايه يعني هو انا مليش نفس طب حمدالله على السلامة ياعمي
احلام: اشمعنا انت بقا
(يقوموا جميعهم بالضحك علي ما قالتها احلام)
تكمل احلام حديثها: حمدالله على السلامة يا عمي
فيولا: بس ازاي يا طنط قدرتو تلاقو الورقه اللي كان فيها الشفره وعرفتو ازاي معانا كانت مزيفه
والدة ادم: لما روحت لعبد العزيز ف البيت وضحلي حاجات كتير مكنتش فاهماها وقالي إن سيف الله يرحمه عمل نسخه من الكتاب ده وإنه قبل ميموت عرف حل الشفره وخباها، سيف قبل ميموت كلم عبد العزيز وقاله علي كل حاجه كان بيعملها بس مقلوش علي مكان الشفره دي روحنا وفتحنا الاوضه بتاعته وفضلنا ندور فيها لحد ملقينا الشفره، وبس ياستي
فيولا: انتو جيتو ف الوقت المناسب لو كنت قرأت الشفره الغلط المكتبه مكنتش هترجع لوضعها وساعتها مكناش هنعرف ننقذ بابا ونخرجه من هناك ف اسرع وقت
ادم: طيب ياعمي انا كنت عاوز افاتحك في موضوع كده
والد فيولا: موضوع ايه يابني
اعتماد: يوه طب استني لما يقوم بالسلامه الراجل لسه خارج من غرفة العمليات استني لما يشم نفسه
ادم (بعناد): لاء هو ده الوقت المناسب
اعتماد: استني بس يا ادم..(بيقاطعها احمد)
احمد: متهدي بقا يا اعتماد سبيه يقول اللي هو عاوزه
اعتماد: اعتماد تاني (بغيظ) شوف الولاد
والد فيولا: ياسيدي قول وخلصني ها ايه هيا الحاجه اللي عاوز تقولهالي ومخلياك بالشكل ده؟
ادم (ببيجمع نفسه): انا… انااا
احمد: يبني اخلص
ادم: انا كنت طالب الاورب منك
والد فيولا: والله يابني انا معنديش مشكله انت شاب كويس وهلاقي زيك فين بس.. انا بقول تسأل صاحبة الشأن الأول.. ولا ايه يا اعتماد!؟
اعتماد: واحنا يجلنا الشرف طبعاً
ادم (عدل نفسه ناحية فيولا وبص ف عنيها وبدأ يستجمع شجاعته: تتجوزيني! ♥
فيولا سكتت شويه وبصت لوالدها… يقوم والدها بالإماءه اليها برأسه فتنظر إلي ادم فيقوم ادم بالسؤال إليها مرة اخري…
ادم: بقولك تتجوزيني!
تبتسم فيـولا فتقول: موافقه!
اعتماد: زغرطي يا احلام
_______________________________
///االراوي/// «الكلمه الاخيره»
مين قال إن الواحد ممكن يهرب من قدره، القدر مكتوب وبيحسبلك كل ثانيه بتعدي عليك، يا إما تروحله برضاك يا إما هو يجيلك بإرادته وفي الحالتين هتاخده هتاخده، حاولنا كتير نهرب منه بس كان في الف طريق له الف معني بيشاورلنا علي مكانه، تصرفاتنا، افعالنا، ردودنا، مشاعرنا، كانت دايما بتنادينا حتي خوفنا كان عارف إن الملجأ هو التحدي مش الهروب، اينعم التحدي بيكون عنيف شويه وبنخسر ناس بنحبها وبتحبنا، بس عمرنا مخسرنا نفسنا، بنعرض اللي بنحبهم للخطر واحنا عارفين انه مش امان ليـنا وليهم ومع ذلك مكملين، بنكون مغفلين في اوقات المفروض نكون فايقين فيها، بس خوفنا بيتغلب علينا.. مين فينا مخفش من تجربه طول عمره كان نفسه يعملها او حتي يقدم خطوه لقدام ف الحاجه اللي بيحبها… مين فينا كان نفسه يبوح باللي جواه بس النتيجه انه كان خايف! ليه بنحاول نهرب من حاجات مجربناش اننا نعيشها بمجرد إن فلان قالك انها خطر او حتي تجربه فاشله نتائجها واضحه.. جرب! عيش! حاول! متخفش اوعي تخاف من قدرك لأنك هتشوفه دلوقتي او بعدين هو جاي! ، ادم فضل خايف من الحب لحد مجالو بس خاف يقول، خاف يتكلم، خاف يبوح باللي جواه، انت لو مقولتش هتخسر بس لو قولت نسبة الخساره هتقل ساعتها، الحب الحقيقي مش مجرد كلمتين، مش مجرد مسلسل ولا حتي فيلم كوميدي، الحب افعال، الحب مشاعر، مش شكل وهيبه لمجرد إنك لقيت الكل بيحب تروح تعمل زيه وتحب لاء، حبك الحقيقي هيجيلك في الوقت المناسب، والوقت الصح اللي المفروض يكون موجود فيه، وقت فعلاً هتكون محتاجله فيه،وقت ضعفك،وقت خوفك… دور ما بين السطور هتلاقي إجاباتك… سطور حياتك! واكتشف مغامره جديده تغير روتين حياتك حتي لو المغامره دي بدأت بـروايه!! ♥
واخيــرا اراك با عزيزي في رواياتي الاخري مبتسماً مثل هذه الإبتسامه مرةً اخري….
تمت
لقراءة الرواية كاملة اضغط على : (رواية اللقاء الاول)
